عمل كبسة لحم ... + صور اذا جوعان لاتدخل

[ALI.A.M.G]

بسم الله الرحمن الرحيم


السلام وعليكم ورحمة وبركاته


اليوم مع الشباب قرارنا .. نسوي كبسة لحم




أتصلت .. على شخص .. طلبت من كيف تحضير الكبسة .. ماقصر معنا .... الله لايحرمني منه .

المقادير ..


1- كليو لحم
2- رز
3- خمسة حبات طماطم
4- معجون طماطم



5- بهارات - هيل - مسمار - دراسين - ورق غار - ليمون أسود - ملح فلفل أسود
6- فلفل أخضر رومي + فلفل أحمر حار
7- زبدة - أو زيت
8- بصل
9 - حزر
10- كزبرة خضراء


الطريقة :


بالبدايه تحط بالقدر مويه وبهارات صحيحه(هيل ومسمار ودارسين وفلفل اسود ورق غار) مع اللحم


وتتركه يستوي على االاقل نصف استواء بعدها تصفي اللحم من هالبهارات والمويه


وبعدها بقدر ثاني تحط اول الزيت والبصل مقطع والثوم وفلفل اخضر جزر مقطع قطع صغيرره اذا تحبه لما يتحمر البصل شويات
تحط بهارات حسب اللي عندك وطبعا الكبسه تعتمد على نوعيه البهار وبعدها تحط اللحم
وتقلبه شويات تتركه على نار شبه هادئه



بعدها تضيف الطماطم مقطع وتتركه لوقت مايذبل وتضف صلصل طماطم وتقلبه واذا تحب ليمون اسود الحبه الصحيحة اثقبها وحطها وضيف بعدها مويه مغليه


حسب مقدار الرز يعني نصف القدر ممكن وتتركه على النار لوقت مايستوي اللحم كويس


بعدها حط الرز والملح واتركه يستوي على نار عاليه لما يقرب مويه مايجف كثيرا تهدي النار وتخليه يستوي بالراحه

الصور ... بس الاسف مش كلها ..



















































نشوفكم في في كبسة أخرئ أو عمل أخر ..


أخوكم : بوراكان

 

 

[الساهرة]

مشاء الله ذي كبسة حريم حول احس ريحتها طالعه من الصور

بس اشوه اني شبعانه ^^

يعطيك الف عافيه ومداخيل العافيه ان شاء الله

 

 

[ALI.A.M.G]

اقتباس المشاركة الأصلية كتبت بواسطة الساهرة مشاء الله ذي كبسة حريم حول احس ريحتها طالعه من الصور بس اشوه اني شبعانه ^^ يعطيك الف عافيه ومداخيل العافيه ان شاء الله

ههههه .. عادي حياك .. مافي مشكلة ... على خفيف

الله يعافيك ...

 

 

[همس المشاعر]

واوو

ابصراحه صار نفسي فيها

لكن أنا صايمه

ع العموم يعطيك العافيه علۍ

ماقدمت وننتظر كبسه اخرۍ

على خير

 

 

[إشراقة أمل]

وعليكم السلام ورحمة الله وبركاته ..

:.

فعلا .. حتى أنا حسيت ان نَفَسها نَفَس حرمة وماهرة في الطبخ بعد ..

بس هذا دليل ان حتى الشباب يطلع منهم مصايب .. بس على مشتهاتهم ..

>> تمنيت إرفاق عينة من الطبخة عشان نذوق

،

يعطيكم العافية على ها الفن ..

ننتظركم في مشروع مطبخي قادم

 

 

[النبض الصامت]

.. .. ..

بالفعل كبسة رائعة وجميلة

بس احس انها افضل في التنور ..

وحلوة الكبسة بشكل عام

والرجال يعرفون يضبطونها صح

بس لو تقول لهم اعملوا باشاميل مايعرفون


الله يعطيك العافية




والسلام خير ختام

 

 

[AL-NAQEEB]

بو راكان


ي سلام ع الكبسه
شهيتني عليها ي الشيف

بارك الله فيك

 

 

[زهرة اللوتس]

ماقبلها كبسة و مابعدها بعد


ما شاء الله مبيّن من شكلها إن الطعم ترتيب ( والله صار ودي )

الله يسلم إيديكم بو راكان وعليكم بألف عافية وحقنا فيه العافية


الساهرة .. ماتشوفي إن الكبسة تشبه كبسة عمتي أم محمد ( غديات وعشيات الحسينية الزينبية ) ؟

 

 

[سُندس }]

,




اوف كبسة لحم بعد مافوقها فوق

شي عدل والله



/




تسلم يابوراكان .












.

 

 

[ALI.A.M.G]

اقتباس المشاركة الأصلية كتبت بواسطة همس المشاعر واوو ابصراحه صار نفسي فيها لكن أنا صايمه ع العموم يعطيك العافيه علۍ ماقدمت وننتظر كبسه اخرۍ على خير

خلص ولا تزعلين نسوي لك كبسة مثلها ...

الله يعافيك يالغلا ...

 

 

[ALI.A.M.G]

اقتباس المشاركة الأصلية كتبت بواسطة إشراقة أمل وعليكم السلام ورحمة الله وبركاته .. :. فعلا .. حتى أنا حسيت ان نَفَسها نَفَس حرمة وماهرة في الطبخ بعد .. بس هذا دليل ان حتى الشباب يطلع منهم مصايب .. بس على مشتهاتهم .. >> تمنيت إرفاق عينة من الطبخة عشان نذوق ، يعطيكم العافية على ها الفن .. ننتظركم في مشروع مطبخي قادم

الله يعطيك الف عافية ... يالغلا ...

هههه خلص هالمرة ... الاسبوع القادم ... نحط لكم اشوي عشان تذوقون ... اشوي

عطونا بس فرصة ... تشوفون .. نطبخ أحسن منكم

 

 

[ALI.A.M.G]

اقتباس المشاركة الأصلية كتبت بواسطة النبض الصامت .. .. .. بالفعل كبسة رائعة وجميلة بس احس انها افضل في التنور .. وحلوة الكبسة بشكل عام والرجال يعرفون يضبطونها صح بس لو تقول لهم اعملوا باشاميل مايعرفون الله يعطيك العافية والسلام خير ختام

الله يعافيك يالغلا ...
ههههههههههه

مافي مشكلة نسوي لك باشاميل يالغلا .. ولا يهمك

 

 

[ALI.A.M.G]

اقتباس المشاركة الأصلية كتبت بواسطة al-naqeeb بو راكان ي سلام ع الكبسه شهيتني عليها ي الشيف بارك الله فيك

وبارك الله فيك يالغلا

مره واحدة شيف ... هههه

 

 

[ALI.A.M.G]

اقتباس المشاركة الأصلية كتبت بواسطة زهرة اللوتس ماقبلها كبسة و مابعدها بعد ما شاء الله مبيّن من شكلها إن الطعم ترتيب ( والله صار ودي ) الله يسلم إيديكم بو راكان وعليكم بألف عافية وحقنا فيه العافية الساهرة .. ماتشوفي إن الكبسة تشبه كبسة عمتي أم محمد ( غديات وعشيات الحسينية الزينبية ) ؟

الله يسلمك يالغلا ... هذا من ذوقك يالغلا

ماشاء الله صارت مثل أكل عمتك ... هههههه

خلص الاسبوع القادم نعزمكم ... يالغالين

 

 

[ALI.A.M.G]

اقتباس المشاركة الأصلية كتبت بواسطة سُندس } , اوف كبسة لحم بعد مافوقها فوق شي عدل والله / تسلم يابوراكان . .

الله يسلمك يالغلا
شكله شيهنك يالغلا
هههه

 

 

[الغريب]

ما شاء الله عليك أبدعت في الطبخ

ومن الواضح أنها لذيذة

الله يعطيك العافية وننتظر المزيد من الطبخات






وفق الله الجميع

 

 

[زهور الريف]

وعليكم السلام وررحمة الله وبركاته
.",
ماشاء الله يعني في رجال ماهريين مو بس الحريم ؟؟
شكلها لذيذ بقوة بس لوأنها كبسة دجاج كان موت << البنت ما تحب اللحم هع
لو تفتح لك مطعم ترى راح تربح من وراي وبتشوف
:
/
..} بو راكان ..{

يعطيك العافية كل الشكر لك

 

 

[الساهرة]

زهرة اللوتس ايواااا بالضبط نفس طبخة عمتش ام محمد اححح حيل ودي خلاص اللحين صار معنا خيارات لو صارت عمتشً مشغوله بو ركان ما يقصر٨٨

 

 

[زهرة اللوتس]

اقتباس ماشاء الله صارت مثل أكل عمتك ... هههههه

أكود يعني


الساهرة هههههههههه ... تصدقيني لو قلت لش مشتهية كبسة هالحزة .. حد ماحدّي

المهم ، تعالي الليلة عاد حتى تذوقي أحلى كبسة و أحلى محاشي من إيد عمتي ؛ )

 

 

[أحسائية]

وعليكم السلام ورحمة الله
شكلهاآ لذيذه وحآره
عليكم بالعآفيه