زفرات تحاكي مجتمع ..!

[kaha]

السـلام عليكم ورحمة الله وبركاته ..~

[ الزفرة الاولـى ]
جآلس انا وَ أُمي الغالية .. نشاهد التلفزيونْ كَـ العادة
والعائلة الكريمة مستوطنْ كلّ واحد مِنهم بـ زآويةْ مِنْ
زوآيآ الغُرفة .. وفجأة .. ينطّ المُذيع صآحبْ الشخصية
الجذّآبة وَ الابتسآمة تشقّ ثغره بـ برآءة .. ويقول : وَ هآهمّ
جنودنا البوآسل يقتلونْ العدوُ ..! اطفش واملّ مِنْ
قهرٍ بـ صدري .. وآخذ مِفتآح سيآرتي ومدري وينْ اروح ..!؟

مآشي على مهلي .. منتظر إتصآل مِنْ اهلي .. لأجل إستقبآل
طلبآتْ البيتْ وَ مشآويرهم .. وصوتْ الرآديو مرفوع .. وفجأة : تعزف
لنا المذيعة بـ صوتهآ الحنونْ وتقول : الان مع اغنية لبيّه يـ الحدّ
الجُنوبي وإهداء لكل جنودنا البوآسل ...!!

مليّتْ وَ مدري وين اروح .. والقهر فآض مِنْ الروح .. اسأل نفسي
لينْ متى ونحآرب العدو على الحدّ الجنوبي .. والعدو وسطنا ومننّا
وفينآ يسلبْ وينهبْ .. وإذآ إمتلأتْ الكِرشه ..قآل الموآطنينْ طمّآعينْ
وَمآيبونْ يركدونْ ..ازعجونآ .. هـ التُجآر بس يسرقون بس يسرقونْ ...!!

[ الزفرة الثانيـة ]
ماجد وَ سآمي وَ يآسر .. شبآبْ آخر حلآوة .. فآهمينْ الحضآرة والتطوّر
صحّ .. تسمع منهم كلمتينْ عربية والبآقي إنجليزية .. مآ يشربونْ قهوتهم
إلاّ مِنْ بآرنيز .. وَ اوقاتْ فرآغهم يآ بـ المقهى او بـ التشكي تشيز .. سآعآتهم
مِنْ مآركة لويس في تونْ .. وَ جوآلآتهم آخر شَكّة .. وملآبسهم تعمي عيونكْ
منْ العشرينْ لونْ .. وقصّآتْ شعرهم يآعيني عليهآ مِنْ الجلّ ..تخلّي العآقل
مجنونْ .. ينصحهم خويّهم عبد العزيز .. ويقول لهم : هذآ غلط يآ شبابْ ..!!

قآلو : بالله اسكتْ يآ عبد العزيز .. وخلّك يآغريبْ اديبْ ...!!

يضحك عبد العزيز بـ صوتْ عآلي ويقول : قسم بـ الله إنّكم نكتة اجل بـ نتطوّر
على إيدينكم هآ ..عزّ الله إنّنا بنرجع الف سنة ورى والسببْ ذآ الخبآل
اللي عَش عَش بـ عقولكم .. بس إنتبهوا لآتبكونْ في النهاية لطريقٍ انتم
مشيتوه بـ رجولكم ..!!

[ الزفرة الثالثـة ]
احمد .. حلمه يصير طيّآر .. وَمرّه يصير لآعبْ كرة قدم .. وَمرّه يبغى
يصير دكتور .. مآ ينعرف له صح ...!؟
سأله وآحد هآ بو حميد وش رسيتْ عليه مِنْ حِلم .. قآل بعلّمك بكرة
لكنْ اللحين النوم باغتني وَ شتتْ مآ بعقلي مِنْ فِكرة ..!!
رآح صديقنآ احمد .. دخل غرفته ويبي ينآم ..طفّى النور وترى هو يحبّ
الظلآم .. ويطقّ اصبعه لأجل يبتدي مسلسل الاحلآم ..!!
يآترى هل احمد صآحي ولاّ مجنونْ ..!؟
بـ صرآحة محد يدري عنّه لكن اللي نعرفه إنّه بآقي مآ رسى على حِلم
يسعىَ له مِنْ بينْ الاحلآم المليونْ ...!!

[ الزفرة الرابعـة ]
الساعة ستة ونص الصُبح .. اختِ الصغيرونة تطفّي المكيّف .. وَ تقول :
قوم يآرعد قوم كآفي نوم ..تأخرنا على المدآرس يالله قُوم ..!!

استقبل بشاشة وجه امي وَ اخوآني .. واتجهز لتوصيلهم لـ مدآرسهم ..اخرج مِنْ
بيتنآ وجآرنآ ذو الجُنبْ حتّى هو بـ يوصّل اولاده لمدارسهم .. اقلّه : good morining ..!!
قآل : خير يـ الطيّبْ ..قلتْ آسف .. بس حبيّتْ امزح معاك لآ تزعل .. قآل توكّل وعنّ مزآجي
إرحل .. يشدّني اخوي الصِغير وَ يقول : ترى مالنا علاقة فيه ..حتى السلآم مِنْ بعيد لـ بعيد
قلت هذا قانون جديد ..؟ قآل : لآ بس النآس تغيّرتْ كلّ واحد حاله بـ شآنه ويقعد في بيته
ويقفّل على نفسه بـ تِربآس مِنْ حديد ..!!

قلتْ : ومتى بيرجع زمانْ اول ..قآل : لين النُفوس تتحوّل ..يالله ودّنآ ..نبي ندرس ونصير
دائماً في الترتيبْ الاول .. وَتكفى ثاني مرّه لآ تئخّرنآ وتطوّل ..!!

[ الزفرة الخامسـة ]
سميرة ومنيرة ..بناتْ عائلة فقيرة ..نسوا رحمة الله
وسعة رزقه ..وعاشوا بـ حِيرة ..!!
حالهم صعب بالحيل .. مثل الطفل لآ غصّ بـ غصّةٍ
مريرة .. وما سعوا للافضل مع إنّ الدنيا يسيرة ...!!

يخرجونْ تالي الليل .. وَ يمشونْ في دروبٍ عسيرة .. يدورونْ
على هامور يسقطونه بـ حُفرةٍ كبيرة .. ويسلبونه ماله ويخلّونْ
دموعه غزيرة ...!!

يمسكهم الُشرطي .. وَ يتمايعونْ لأجل يطلعهم بدون فضائح تنتشر
وسط هـ الديرة .. يسعبّل هـ الغافل وينقاد لأسلوبهم .. ويتبعهم
لآخر الطريق وهو إنسحر بـ شرّهم بـ طريقة غريبة..ويقولون وراك
تتلفقنآ قآل :اخاف عليكم من الناس واعذروا رجّالٍ ذبحته الغيرة ...!!

[ الزفرة السادسـة ]
ابّ فاشل ..إيه فآشل وللأسف هذآ إللي حاصل شوفوا قِصته
واحكموا .. ومنهآ ابيكم تتعلمونْ نجح ولده المصونْ بالترم
الاول وجاب له هديّة جهاز حاسبْ .. وَقال لولده انتبه من
المواقع الاباحيّة وتضيّع وتجينا آخر الترم الثاني رأسب ...!!

مرّتْ الايامْ ..والابّ تارك الولد يسرح ويمرح ومع
فلان وفلانة يمزح وينصح .. زار الابّ ولده المُطيع
في غرفته وقال : ها كيف الحاسب ..عسى تثقّفتْ ؟ قال
الولد : ابشّرك يا يُبه تعرّفت على ناس ..مثقفين جداً ...!!

جا نهاية الترم الثاني ..وَ الوالد يستشيط بالغضب ويكسّر
في ذآ الحاسبْ .. تجي الامّ المسكينة الضعيفة قليلة الحيلة وتقول
اترك جهاز الولد ..قال انا السببْ ..جبت له هـ الحاسب وجاب لي
ورقة مكتوبْ فيها راسبْ ...!!

[ الزفرة السابعـة ]
صآحبي .. عِز الخوي .. ينصحني ماشاءالله عليه ويهتم لـ مصآلحي ..!!
قآل لي مرّه : إنتبه يآرعد مِنْ الذنوبْ والمعآصي .. وَ ترى هـ الكلام مِنْ
صِدق إحساسي .. قلتْ : جزآك الله خير حبيبي ...!!

جآني بـ اليوم الثآني وكررّ نفس إسطوآنة النصيحة .. وَقآل : شوف يآرعد
خآف الله وإتّقيه وَ بمشآكلك إتّكل عليه وإرتجيه .. وقلت له : جزاك الله خير
ياعيوني ..!!

جآني بـ اليوم الثالثْ .. وَ قآل يآرعد حلّق شعرك ترى اطول مِنْ اللازم ..قلتْ
إبشر بس لمّآ يحينْ موعده..قآل هذا تشبّه بالكفّآر ..قلتْ وانا مربّيه وهو اللي
يطول بـ سرعة يآخي ..قآل اووف منّك يآرعد ترى مليّتْ وانا انصحك..واكتفيتْ مِنْ
عِنادك..قلت: ولا يضيق خلقك ..اللحينْ بروح للحلآّق واحلّقه بس لآ تزعل وعنْ فرآقي
تنوي وتفعل ..قآل : خلاص طيبْ ..إلاّ صحّ .. اسمع رعد عطني سِجآرة رآسي تعكّر
ابي ادخّنْ..اندهشتْ منّه ..ينصحني ويضحكني هـ الصآحبْ .. والله حآله ..!!

[ الزفرة الثامنـة ]
أُمّ حنونة ..وبنتهآ سآرة مجنونة ..حالفها النصيبْ وجآلها خطيبْ
ومرّتْ الايام وصآر هـ الخطيبْ حبيبْ .. تزوجتْ سآره ورآحت لـ بيتْ
زوجهآ .. والامّ قلقانه على بنتهآ ..!!

زارتْ سارة امّهآ .. وَ قالتْ الله على نصائحك يآ يُمّه جداً نفعتني .. ومِنْ
زوجي بعّدتني .. قالتْ الامّ ..كيف يابنتْ وش اللي حصل ..قالتْ سارة:
وَ الدموع اربع اربع .. يآيُمه ما قلتِ لي لازم يصير لي صوتْ في البيتْ
وما اعلّمه وين رحت او جيتْ .. قالتْ الامّ : لا هذا مو كلآمي انا قلتْ
لك ..اثقلي عليه ولو طلبْ منّك شئ صعبْ اهمليه ..بس هذا اللي
طلبته .. قآلتْ سارة : اجل مبروك يآ يُمّه زوجي طلّقني وَليته تركني
ومآ تزوجني ..لكن نصائحك يآ يُمه هيَ اللي اقنعتني .. إنّي اتزوج وفي
بيتْ زوجي انستر ..لكن اسلوبك ونصائحك اسقطتْ دموعي وتنهمر ...!!

[ الزفرة التاسعـة ]
خالد ..شابْ غزلنجي .. وملسّنْ وبـ الموبايل طول وقته كلمنجي .. هآي
حبيبتي .. وحشتيني وعن فراقك والله ما يمديني .. بنتْ النآس تعاني
مِنْ فرآغ عاطفي ..ابوها وامّها مطنشينهآ وَ بـ الروحة والجيّة تاركينهآ ..!!

تقابل خآلد وَ الحبيبة .. قفّل جهازه ..وامّه في البيتْ تنتظر وهو منشغل
مع شبيهة القمر ..ويقول لهآ : تصدقينْ بيبي ..امس ودّيتْ اهلي وعشيّتهم
وعنْ جوّ مَلل البيتْ سليّتهم .. وحنّآ راجعين للبيتْ اشتريتْ لهم اغراض وَمآ
قصّرتْ بـ حقوقهم ودوم همّ اول نآس اخدمهم واطيعهم ..!!

تصفّق الامورة على كِذبْ خآلد ... وتقول عاش حبيبي عاش ليتك تعلّم
هالاسلوب لـ الوالد ينتبه لنا احسنْ مِنْ طول وقته في الشغل او بـ غرفة
النوم خامد ...!!

يرجع خآلد للبيتْ وامّه تقول وينك اقلقتني عليك ومآ غفيتْ .. قآل كِنتْ مع
الشبآبْ تمشينآ على الكورنيش وتعشّينآ .. قالتْ الله يحفظكم يالشبابْ
ويخليّكم دوم اصحابْ ..قآل : آمينْ وَ البُوز ماده شِبرينْ ..قالتْ المسكينة :
طيبْ ممكنْ تجيب لـ اخوانك عشاء ..ٌ قآل : يوه مِنْ طلباتكم مآ تملّونْ
وتتوبونْ .كلّ ماتشوفوني فاضي .. كدّرتوا مزآجي .. قالتْ المسكينة : رُوح
يآ وليدي والقلبْ عليك رآضي .. قآل : بعدين بعدين عندي شغل اللحينْ ...!!

زفرات تحاكي مجتمع وماذُكر شيء من لاشيء ..!
اتمنى ينال إعجابكم / كاها
منقول

 

 

[طرفاوي أصيل]

زفرات كثيرة ممانسمعه ونراه كل يوم في هذا المجتمع


والغرائب التي لانجد لها تفسير ممايحصل في هذا المجتمع الذي أصبح مضطرب


بسبب تداخل الافكار التي لايقبلها عقل .



يعطيك العافية على الطرح المميز .. كل كلمات الشكر أهديها لشخصك الكريم


طرفاوي أصيل

 

 

[مالك أحمد]

والله تحتار في الحكم على مجتمع عقيم التفكير هل من العادات او التقليد الاعمى او العوز والفقر يحتم عليك ان تفعل المستحيل من أجل الحصول على لقمه العيش وهذا اغلب مكاسب البيوت تمتطي جميع الطرق في الحرام والعياذ بالله والذي يتفطر القلب له انهم ليس بودهم ان يسلكوا هذا
الطريق . اختيار موفق اخ aha في الصميمk

 

 

[دمعة صمت]

زفرات كثيرة نراها ونسمع عنها وما خفي أعظم

سلمت يداك أخي على الانتقاء الراقي
يعطيك العافية

 

 

[أنين الشوق]

*؛

زَفَرَات وَاقِعِيَّه تُحَاكِي مَاوْصِلْت الَيْه بَعْض الْعُقُوْل فِي زَمَانِنَا الْيَوْم (عَادَات مَأْلُوْفَة .,
سَبَبُهَا تَغَيَّر الْعَادَات الَي تَرَبَّيْنَا عَلَيهَا .,
بِحَيْث لَا يَرَوْن هَذِه الاشْيَاء تَنْقُص مِن قِيَم الْمُجْتَمَعَات وَهُم بِمُعْتَقَدِهِم تَطــــــوَر ..
صُوَر جَدِيْرَة بِالْعَرْض وَلَكِن لَا حَيَاة لِمَن تُنَادِي .,
يُعْطِيَك الْعَافِيَة عَلَى هْالطَرّح الْأَكْثَر مِن رَائِع
..| الْأَنِيْن ..~

 

 

[kaha]

اقتباس المشاركة الأصلية كتبت بواسطة طرفاوي أصيل زفرات كثيرة ممانسمعه ونراه كل يوم في هذا المجتمع والغرائب التي لانجد لها تفسير ممايحصل في هذا المجتمع الذي أصبح مضطرب بسبب تداخل الافكار التي لايقبلها عقل . يعطيك العافية على الطرح المميز .. كل كلمات الشكر أهديها لشخصك الكريم طرفاوي أصيل

بالفعل زفرات في كل حين تسمعها في امور حياتيه وبكل تأكيد اصبحت عادات تؤخذ عليها الله المستعان

طرفاوي | الله يعطيك العافية خيي لتوجد الطيب والرائع لاحرمني ..~

 

 

[هدير الصمت]

للأسف هذا هو الواقع بأم عينه

مهما حاولنا ان نغفل عنه فأنه امامنا

يتبختر بحرقة من اعمالنا

الف شكر لك عزيزي وموفقين لكل خير

 

 

[kaha]

اقتباس المشاركة الأصلية كتبت بواسطة مالك أحمد والله تحتار في الحكم على مجتمع عقيم التفكير هل من العادات او التقليد الاعمى او العوز والفقر يحتم عليك ان تفعل المستحيل من أجل الحصول على لقمه العيش وهذا اغلب مكاسب البيوت تمتطي جميع الطرق في الحرام والعياذ بالله والذي يتفطر القلب له انهم ليس بودهم ان يسلكوا هذا الطريق . اختيار موفق اخ aha في الصميمk

بكل تأكيد اغلب البيوت لا ترغب بمسلك هذا الطريق لكن تُحتم عليك العازة والطرق كثيرة بس الشيء المعروف عنهان حرام

كل الشكر والتقدير لتواجدك الطيب اخي مال أحمد والتعليق الاروع ..

بالتوفيق للجميع ..~

 

 

[أم زهــــراء]

kaha

 

 

[♥ gѕη яσσн]

**

المجتمعـــآت , تتشـــآرك بـ أفكـآرهــــآ ..
تغـــآرب الحيــآة بينهم , و تفـآدي المكروهـــآت [ عيشتهم ] ..




يعطيك العــآفيه عَ طرح ..



موفق |

 

 

[kaha]

اقتباس المشاركة الأصلية كتبت بواسطة دمعة صمت زفرات كثيرة نراها ونسمع عنها وما خفي أعظم سلمت يداك أخي على الانتقاء الراقي يعطيك العافية

صحيح المخفي اعظم الله المستعان ..
الله يعافيك وشاكر لك لكِ التواجد الطيب ..~

 

 

[زهرة الأوركيد]

استمعت بقراءة تلك الزفرات

شكرا لك أخي

الله يعطيك العافيه

دمت بود

 

 

[kaha]

اقتباس المشاركة الأصلية كتبت بواسطة أنين الشوق زَفَرَات وَاقِعِيَّه تُحَاكِي مَاوْصِلْت الَيْه بَعْض الْعُقُوْل فِي زَمَانِنَا الْيَوْم (عَادَات مَأْلُوْفَة ., سَبَبُهَا تَغَيَّر الْعَادَات الَي تَرَبَّيْنَا عَلَيهَا ., بِحَيْث لَا يَرَوْن هَذِه الاشْيَاء تَنْقُص مِن قِيَم الْمُجْتَمَعَات وَهُم بِمُعْتَقَدِهِم تَطــــــوَر .. صُوَر جَدِيْرَة بِالْعَرْض وَلَكِن لَا حَيَاة لِمَن تُنَادِي ., يُعْطِيَك الْعَافِيَة عَلَى هْالطَرّح الْأَكْثَر مِن رَائِع ..| الْأَنِيْن ..~

العادات وما ادرك من العادات التي بدت تخرب عقول رزينة فكيف بالعقول الخاوية ؟؟

الله المستعان والله يغير الحال ..~

الله يعافيج اختي الانين

وكل الشكر والتقدير لتواجدكِ المميز لاحرمني هذهِ الطلة ..~

 

 

[kaha]

اقتباس المشاركة الأصلية كتبت بواسطة وحي العشق للأسف هذا هو الواقع بأم عينه مهما حاولنا ان نغفل عنه فأنه امامنا يتبختر بحرقة من اعمالنا الف شكر لك عزيزي وموفقين لكل خير

من المستحيل ان تكون عاداتنا مخبئ للناس الشيء مكشوف ..!

الله يغير الحال
وشاكر لك تواجدك الرائع وفقك الله ورعاك ..~

 

 

[kaha]

اقتباس المشاركة الأصلية كتبت بواسطة حساويه وهواها عراقي kaha

اقتباس المشاركة الأصلية كتبت بواسطة حساويه وهواها عراقي

حساويه | كل الشكر والتقدير لتواجدكِ الطيب ..~

 

 

[kaha]

اقتباس المشاركة الأصلية كتبت بواسطة ~ غصــ الروح ــن ~ المجتمعـــآت , تتشـــآرك بـ أفكـآرهــــآ .. تغـــآرب الحيــآة بينهم , و تفـآدي المكروهـــآت [ عيشتهم ] .. يعطيك العــآفيه عَ طرح .. موفق |

غصن الروح | الله يعافيـك خيي وشاكر التواجد الطيب ..~

 

 

[kaha]

اقتباس المشاركة الأصلية كتبت بواسطة زهرة الأوركيد استمعت بقراءة تلك الزفرات

اقتباس المشاركة الأصلية كتبت بواسطة زهرة الأوركيد شكرا لك أخي الله يعطيك العافيه دمت بود

زهرة الأوركيد | الله يعافيج
و كل الشكـر والتقـديـر لتواجدكِ الطيب ..~

 

 

[طيف العمر]

فعلا زفرات مؤلمه وواقع موجود لاننكرهـ
كاها

طرح آكثر من رآئع

ألتزم الصمت آمام بذخ حرفك ورقيه’’،،

كل الشكـرر..~

ودي

 

 

[kaha]

اقتباس المشاركة الأصلية كتبت بواسطة طيف العمر فعلا زفرات مؤلمه وواقع موجود لاننكرهـ كاها طرح آكثر من رآئع ألتزم الصمت آمام بذخ حرفك ورقيه’’،، كل الشكـرر..~ ودي

طيف العمر | كل الشكر والتقدير لتواجدكِ الطيب
وفقكِ الله ورعاكِ ..~