صِدفة ~

[غلا روحي]

الشوق ماله عمر , يفنى وينعاد
........................له في الضلوع أن عاد وأن غاب رجفه


مع كل فرقا , له ورى الجفن ميلاد
........................وأن ماتت الفرقا لقى الشوق حتفه


جيت أقتل الفرقا من بلاد لــ بلاد
........................ملّ الطريق يشيلني فوق كتفه


وأنا بعد مليت من كثر ما أرتاد
........................هالشارع اللي كان لك فيه شرفه


تظمأ عيوني شوفك , وتشبع سهاد
........................عيّا الزمن يقطع ظماها بــ رشفه



لاوجهك أسقاها , ولا ذاقت رقاد
........................ماغير طيفك , طيفك اللي أعرفه


كنّه ظبي , وعيوني ظلال صيـاد
........................يجفل قبل يرتد للجفن طرفه


مشكلته أنه كل ما أشتقت يزداد
........................حتى ملا جدران وقتي وسقفه


وأصبحت أشوفه فــ أول الغيم لاجاد
........................وفــ أقصى الشفق لاطاحت الشمس خلفه


وفـي الأرض لانامت عقب صوت رعاد
........................وفي كل شباك ٍ صحت منه درفه

أتعبت طيفك لوم , واللوم مافاد
........................ويوم الأمل في شوفتك مات نصفه

نويت أسافر عنك بجروح ٍ جداد
........................وعمر ٍ من أوراق الزمن حان قطفه

نويت , لكن جابني الشوق منقاد
........................وجابك حنينك , والزمن سال عطفه

شفتك تبــسّـم لي خجل مدري عناد
........................وفي نظرتك شوق ٍ من الظلم وصفه

حسيت كني طفل , وعيونك أعياد
........................ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
........................أنا أنتظرتك , وأنت مريت صدفه

رَوائع / فهدْ المسَاعدْ ..~
راقت لي بِشدّة ..

 

 

[هميان]

خطييييييييييييره مررره كلمات في الصميم
بصراحه راااق لي بقووووه


عسان ماننحرمن منش ولا من جديدك يالغلا

 

 

[صمت المشاعر1]

كلمات روعه وانتقاء اروع
و الشاعر فهد المساعد
من الشعراء المفضلين لدي
:
غلا روحي بارك الله فيك
لا تحرمينا ذائقتكـ
دمتِ بسعاده

 

 

[شقاوة أنثى]

وَليّسَ فِي جُعْبَتِي حَدِيّثْ سِوَى الصّمتْ
شُكرآ لكَ على رُقيِ ذآئقتكِ
لآ حُرمنَآ منكِ ومن روآئعًك
لروحك الطًيبة عَبق من الكًآديً..~

 

 

[kaha]

كلمات رائعة بحق ،

الله يعطيك العافية اختيار موفق

شكراً لكِ ..~

 

 

[AL-NAQEEB]

غلا روحي
.
.
كلماتـ قويهـ .. ومميزهـ للشاعر فهد المساعد

الله يعطيكـ العافية

 

 

[غلا الدنيا]

كلمات حلوة ومعروف عن فهد المساعد جمال كلماته ..
تسلمين غلاتي ..~

 

 

[غلا روحي]

لجمال حضوركم رونق وعبير انتشر بمتصفحي ..
لاحُرمت اطلالتكم الرائعة ..