الي شباب البلد

[جهاد النفس]

الاخوة شباب البلد الفنيين والتقنيين انتم عماد الوطن وانتم اهلة تذهبون للدمام وللرياض برواتب ضعيفة لماذا انتم درستم وتدربتم ؟
الاجنبي في البلد يسرح ويمرح وهذه الايام تجد المتردية والنطيحة , يأتي عامل وبعد قليل تراه يعمل في احدى المهن الفنية التي من المفترض يكون درس عنها ويتحكم في الاسعار وخاصة هذه السنة نجد انهم يتلاعبون بالاسعار المهنية مثلا لا للحصر عندي دورة مياة واحده اجلكم الله اردت سباكه لها الي يقول ب1000 والي يقول 800 ريال رغم ان شغلة لايتجاوز اليومين يعني يوميتة ب400ريال وهناك البناي يركب سيرميك للحمام الواحد الي يقول ب4000 والي ب3000 والي 3500 ريال نجد تفاوت في السعر بدون سبب والكهربائي نفس الشي والخياط والكثير من المهن ضرب باسعار خيالية فلماذا نتركهم يتحكمون فينا وانتم موجودين والدولة اعزها الله ما قصرت درستكم ودربتكم على المهن فلماذا لا تقومون انتم بهذا ويكون ينطبق المثل (دهنهم في هريسهم )

 

 

[طرفاوي أصيل]

كلام جداً جميل اخي ماقصرت وربي يوفقك


لو الشباب فتحوا مشاريع تابعة لهذه المهن التي درسوها لستفادوا هم واستفاد المجتمع ككل


أبناء الوطن اولى من الغريب


واتمنى التوفيق للجميع

 

 

[♥ gѕη яσσн]

..

كــلآمك صحيح .. و لآ غبــآر عليه ..

بس هنــآك من يحطم الشــآب .. اذا كان يريد أن يعمل بس لا يوجد ترخيص لآ بد العمل بـ الوآسطه ..

البارحة وانــآ اتعشى في الحسينيه ..
كــآن جنبي مصمم فوتشوب وكل شئ .. يعني شغله مــآشي مع الكل ..

فكر إنــه يفتح محل .. لكن رفضوا معــآملته ..

فـ الشــآب تحطم .. و هذآ رزقه .. بس الله حسيب و الرقيب ..

نتمنــآ بـ آن نرى شغل يد الشــآب ..

يعطيك العــآفيه ..

 

 

[النجم الحاد]

اقتباس المشاركة الأصلية كتبت بواسطة ~ غصــ الروح ــن ~ .. كــلآمك صحيح .. و لآ غبــآر عليه .. بس هنــآك من يحطم الشــآب .. اذا كان يريد أن يعمل بس لا يوجد ترخيص لآ بد العمل بـ الوآسطه .. البارحة وانــآ اتعشى في الحسينيه .. كــآن جنبي مصمم فوتشوب وكل شئ .. يعني شغله مــآشي مع الكل .. فكر إنــه يفتح محل .. لكن رفضوا معــآملته .. فـ الشــآب تحطم .. و هذآ رزقه .. بس الله حسيب و الرقيب .. نتمنــآ بـ آن نرى شغل يد الشــآب .. يعطيك العــآفيه ..

طيب ليش مايشتغل الأخ في مكان سكنه ويسوي إعلان

وبكذا راح يوفر تكلفة المحل والكهرباء

 

 

[بو علي]

مشكور اخوي جهاد النفس على الموضوع الذي يصب في خدمة الشباب والمجتمع بس عندي ملاحظه على بعض الفنيين الذين يملكون مهارة لعدم صدقهم معاك في المواعيد مثلا يقول لك بجيك بعد كذا يوم ولايصدق معاك وكما يقولون غني ياليل ماطولك وكانك تشحذ منه واذا كلمته او عاتبته قال لك وبكل برودة واستخفاف صلح لك ولا اذهب لغيري لهذا السبب اضطر اذهب للاجنبي وفرظ سيطرتهم علينا واكثرنا حسب تعبيرك من المتردية والنطيحة

 

 

[boali1232008]

كلام صحيح ما قصرت ربي يوفقك

 

 

[أميرالروح]

كلام جمييييييييل ولا غبار عليه ... >>وانا اؤيد كلامك ^^

 

 

[جهاد النفس]

الاخوة الكرام/ طرفاوي اصيل / غصن الروح/ النجم الحاد/ بوعلي /بوعلي 1232008 / امير الروح
اسعدتني ردودكم ولكم مني جزيل الشكر

 

 

[خورشيد]

اقتباس والدولة اعزها الله ما قصرت درستكم ودربتكم على المهن فلماذا لا تقومون انتم بهذا ويكون ينطبق المثل (دهنهم في هريسهم )

أنا ما أستفزتني عبارة كثر هاذي ...

ياخي أي تدريس وتدريب الله يرحم أبوك

هذه المعاهد والكليات مفرخه للعاطلين عن العمل

ولاهي حق تعليم ولاتدريب وأسأل من درس فيها ...

تتعب وأنت تقول تعليم وتدريب فااااااااااشل وفاااااااااشل

ومنت فاهم كلمة تدريب فااااااااشل الا اذا دخلت مثل هالمعاهد ..

يعني مهزلة ومسخره أكثر مما تتصور ...

ومع ذلك عندنا حرفيين بالبلد لكن للأسف عددهم قليل جدا ً

والسبب أن أغلب الناس كسولة ويحبون الأستقرار المالي

يعني بوظيفة ثابته ...

لكن بعض الشغلات بسيطه وماتحتاج واحد يجي لك

مثل السباكه ، المفروض الواحد يسويها بنفسه اذا عنده وقت

اقتباس بس عندي ملاحظه على بعض الفنيين الذين يملكون مهارة لعدم صدقهم معاك في المواعيد مثلا يقول لك بجيك بعد كذا يوم ولايصدق معاك

ويعني الأجنبي ملك نازل من السما

لكن كثرتهم بالبلد مساعدتهم واحدهم يساعد الثاني

ودمتم ...