ياجماعة .. تعرفون " السلقيه " ؟"؟

[سُندس }]

:



السلام عليكم ورحمة الله ..


كيفكن صبايا ؟ ان شاء الله طيبات ..


,


بدي أسئلكم تعرفون طبخه أسمها سلقية أكيد عرفتوها تحبونها ؟


والطباخه الماهره الطيبه بتعرف مقاديرها و طريقتها


ياليت تعلمنا كيف يسوونها و شـ فوائدها بعد ,, والأفضل اكلها في الصيف ولا الشتاء ؟!


الهدف : معرفة هذي الطبخه من جميع جوانبها .




دُمتم .

 

 

[همسه دلع]

انا اعرفهه
يمي احب اكلهه في الشتاء احس انها تدفي ههه
بس ما اسويهه اكلها من ايد امي الله يطول بعمرها
او من ايد مرت اخوي اهيه بعد تسويها لذيذه

اظن انج تسوين حمسه طماطم مع دجاجه وتمرقينها و اذا استوت الدجاجه تشيلينها من المرق وتشيلي منها العظام وترجعينها مره ثانيه في الطبخه, وتحطي كميه كبيره من السلق
وتخليه على نار هادئه لحد ما يستوي
وبعدين تحطين رز مغسول ومنقوع وتخلينها على نار هادئه لين يستوي

(البعض يسوي الرز لين بحيث انه اذا استوت يضربونها بمضرابه الهريس وتتقدم مثل الهريس يعني ينمسح عليها زبده وتنحط حفره فيها زبده في الوسط)
(و البعض بعد ما يشيل الدجاجه ما يرجعها بس يحمرها في الفرن والرز يحطه ويسويه عادي مثل الكبسه يعني يصير حبه حبه ويتقدم عادي مثل الكبسه الرز وعليه الدجاجه المحمره)

بس هذا اللي اعرفه
اتمنى اني اكون افدتش حبيبتي

تقبلي مروري

 

 

[زهرة اللوتس]

،

أهلا خيتي

في البداية ما عرفتها هذي السقلية .... !!! يمكن لإنا مانسويها في بيتنا ...


بتوضيح همسة دلع خلاص عرفتها

توهم مسويينها في الحسينية وتنقصوا لنا بصحن ،

بس عاد ما أكلتها ، لإن فيها دجاج أكود



على طاري الشتا اشتهيت عصيدة حيل