..~ سكة الذكرى ~..

[غلا روحي]

مرّني طيفك .. وطيفك صاحبي مدري عدوّي
جايبٍ صوتك .. وصوتك سكة الذكرى الحزينة


قال أنا جوّي تكدّر .. قلت : ماهو كثر جوّي
قال فرقانا غبينة .. قلت : وأكثر من غبينة

قال : أنا بـ أموت من غيبتك قل لي ويش أسوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنت أقول بيسرح أيام و يضوّي
مثل ماعودني اليا اشتقت له جابه حنينه

بس هـ المرة ثمان شهور وضلوعي تدوّي
كل يوم أشتاق لك .. يلعن أبو الشوق وسنينه

كل ماعشمت قلبي .. قال ياآآ ضلوعي تقوّي
ورحت أنا وياه نرقب رجعة اللي فاقدينه

نوب أقول اليا رجع بكون في قمة هدوّي
ونوب أقول الا أبزعل وأتلى مابيني وبينه

كل يوم أجلس على جال البحر وأقول توّي ..
.. لاسألني : مافقدت الحلم في لمسة يدينه ؟!

مادريت أن البحر ماقال لأمواجه تروّي !
و مادريت أن الغرق هو حجّة غياب السفينة

مادريت .. أو مابغيت أدري .. ولاأدري وش بسوّي
لو رجعت .. وشفت طيفك في الممرات الحزينة

وين ابنسى وانت طيفك صاحبي مدري عدوي
مارضى يترك لـ غيره شبر واحد في المدينة!!!
.
.
طبعا هذا من اشعار شاعري المفضل فهد المساعد

 

 

[kaha]

راق لي نقلك جدا ..

تسلم هذه الأنامل لما نقلت ..

ويسلم لنا قلبك " المحب " دوما .... لي فهد المساعد يستاهل

لكي مني ارقى تحية وأحترام

تقبلي ودي ومروري

kaha

 

 

[طيف العمر]

غلوووووووي تسنعي وسووي لنا شعر

من تأليفك وصيري احسن من فهد المساااعد هع>>امسح...امزح


كلماته حلووووه وروعه ولأروع نقلك ههههههههه

دائمآانتي متألقه ياااقلبــــــــــــي


لاخلا ولا عدم


طيووووووفه

 

 

[غلا روحي]

هههههههههه
منورين دائماً متصفحاتي
ما ننحرم من هالردود المشجعه