ما الذى يدفع البنات لقول000؟؟؟

[وتين الورد]

!!!!!!!

بسم الله الرحمن الرحيم

السلام عليكم ورحمة الله وبركاته :

اليوم جبت موضوع اتمنى من البنات يتفاعلون معاي وحتى الشباب :



ما الذى يدفع البنات لقول[COLOR="red"] يا ليتني ولــــد؟[/COLOR]


1- عندما تكون جاهزة و مستعدة للخروج و لم تجد من يوصلها لا سواق والأخوان مشغولين عندها تسمعها تقول( يــا ليتني ولــد )

2- وأحيانا تعزم صديقاتها وتقول لهم بكل الفخر العشا علي ...لا ومن وين من احـــسن مطــعم. تتصل باخوانها فتجد
واحد مقفل جواله !!
والثاني بالبر مايوصل له الارسال !!
والثالث نايم بالملحق ولا في امل يصحى !!
والرابع بالغرفة ...وقافل على نفسه الباب ...ويقول لا احد يزعجني !!
والخامس مع عيال أخواله عندهم دورية !!
والعشا يتفركش
والاعذار تتسكت بوجبات( بتوصيل منزلي)
( يـا ليتني ولـد )


3- ولما تكونين جالسة على النت و تريدين الدخول على موقعك المفضل و فجاة تجد اخوها واقف امامها
يقول قفلي النت ليــــــــه؟؟؟؟؟
بس بكيفي ....وثاني مرة لا عاد تشبكينه فاهمة !!!!اوكي
وليـــه معد أشبكه؟!!!!
اولا أصرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
عطيني لاب توبك بفتشه احس فيه شئ.( يــآآ ليتـنـــــــي ولــد )



اكيد هناك العديد من المواقف التى تدفع الفتاة الى قول هذه العبارة
و ما ذكرناه سابقا ليس الا امثلة بسيطة
و لكن انتي ما الذى يدفعك لقول ياليتني ولد؟

اتمنـــــــى منكم تتفـــــاعلون لأن هذهـ الكلمــــــــه أصبحت تتردد كثيـــرا

فمــــــا السبب؟؟؟؟؟!!!!!!!



ودي وأحترامي

 

 

[ام هشام]

كثرة المحظورات على الفتاة يدفعها الى قول ذلك ولكن مع ذلك المفروض ان نكون سعيدات باننا فتيات لان الانوثة شىءرائع وجميل

 

 

[مقدركم]

حقيقـة تربيـة هـذه الأيـام والدلـع الزائـد هـو مـن يدفـع البنت !!

والتخـلي عن الأصول والتقـاليـد هي من يدفعهـا لمثـل هذا القـول !!

ولا متـى صـارت البنـت صـارت تعزم ربعهـا عـلى عشـا مـن المطعـم ..

وهـي * بنـت * ..

المطبـخ ليـه مفتـوح .. ؟ ؟ !! ؟


ورود ..

طرح رائـع ..

بالتـوفيـق .. ,

 

 

[وتين الورد]

ههههههههههه يؤه عادي تطلب من المطعم كنوع من التغير
وبعدين وش دخل التربيه الحين
وهنا السؤال واضح ما سبب قولهاااا (( ياليتني ولد ))
السبب هو تقصيركم انتم الشباب في تلبية طلباتهم الخارجه
مثال : مشتريات البقاله يجي في بالي ايسكريم هالوقت او اي شيء ثاني
بالموت وطلعت الروح والترجي تكفى يلا عاد بعطيك ريال بس روح اشتر
وفي هالوقت اقول يا ليتني ولد اروح اشتر بدون حنه وعواااار رأس صح ولا

فاهم علي يا مقدركم
على العموم مرور اسعدني جداً تحياتي وتشكراتي لك

 

 

[إحسآإس قآإتل]

اللهم صل وسلم على محمد وآل محمد

يالتني بنت كان دخلت المجمعات التجاريه مليت من كلمة عوائل ممنوع العزاب
يالتني بنت كان دخلت صالات الافراح رقصت وهزيت وغيرت جو لين أقول بس
يالتني بنت علشان ما أوقف طابور عند البنك ولا الدوائر الحكوميه علشان يخلصون معاملتي
-/
/-
ياليت عندي فلوس وأكون على منصب كبير كان ماخليت فقير ولا مذلول يعيش الهم والغم
وياليت وياليت وياليت

-/ ياليت ماتعمر بيت

فهل من الجائز قول الشاب عكس ماتقوله الفتاة ..!!

مجرد كلمه يتداولها الضعيف عند ضعفه ولكن البعض يطغي في نطقها بشكل أستمرار
وجود ظرف بحياتك أنقص جزء من سعادتك أو ماتريد الوصول إليه
لا يعني أن تتمنى أمنيه مناقضه الخلقه وكنك معترض على خلقـة ربـك

يقول البعض مجرد كلمه نقولها ولا نعني بها أي شي هل سوف تقوم الدنيا وتقعد
حسنـآ لماذا أذا يحز بخاطرك وتغضب عندما نجد شخصآ يشتمك ويقول الكلمات السيئه بحقكك
اليست مجرد كلمه وبعض كلمات

جميع الامثله التي طرحت وغيرها من أمور فرديه تختلف من حياه شخص إلى أخر

هناك من يعيش حياته منعم بكل مايحتاجه

- ما كل ما يتمناه المرء يدركه تجري الرياح بما لا تشتهي السفن

تقول أحد الفتيات لو كنت شاب كان فرفرت الشوارع كلها وماخليت أي شارع ما أمر فيه
فحين نجد الشاب نفسه يتملل من الحفريات والتعديلات بالشوارع ومضايقات الاخرين له
فيحدد مكان يجلس به دون الخروج مثل غيره يتجول بالشوارع أو أنحصار مشوار معين

لكل رغبه تحدد على الظرف الحاصل لـ الفرد وأنعدام الوسيلـه لايدفعك لـ قول هذه الكلمات
التي تفتح على نفسك أبواب التشكيك على أمور أخرى أعتراضيه

ولا يوجد أي موانع أو محظورات على الفتاة في ذهابها إلى أي مكان طلما لا يوجد خطر عليها
وكل عائله لها قانون يختلف عن الاخرى

ورود يعطيك العافيه على الطرح الجميل

تحيـآإتي القلبيـه

 

 

[إحسآإس قآإتل]

اقتباس المشاركة الأصلية كتبت بواسطة ~|| ورود ||~ ههههههههههه يؤه عادي تطلب من المطعم كنوع من التغير وبعدين وش دخل التربيه الحين وهنا السؤال واضح ما سبب قولهاااا (( ياليتني ولد )) السبب هو تقصيركم انتم الشباب في تلبية طلباتهم الخارجه مثال : مشتريات البقاله يجي في بالي ايسكريم هالوقت او اي شيء ثاني بالموت وطلعت الروح والترجي تكفى يلا عاد بعطيك ريال بس روح اشتر وفي هالوقت اقول يا ليتني ولد اروح اشتر بدون حنه وعواااار رأس صح ولا فاهم علي يا مقدركم على العموم مرور اسعدني جداً تحياتي وتشكراتي لك

ولا يهمك خيتو راح يؤصلك أي نوع تبين
هذا الامر يعتمد على تربية أهلك لـ أخوانك وتعليمهم على تحمل بعض المسؤوليات
لـ البيت ومشترياته وعدم الرفض طلما لا يوجد وسيلـه أخرى بتؤفر الطلبات
الا من خلالهم
دقي على الهندي ويجيب طلباتكم لـ البيت ولا تنسي الاكراميـه
الله يساعدكـ

 

 

[جمان]

عجبني ردك إحساس ياليت ماتعمر بيت صدقت
أقول دايماً الله يساعد الجميع
لاكن مايجوز أعترض على خلقت الله الله سبحانه وتعالى خلقني إنثى لحكمه وأنا الحمدالله راضيه ومقتنعه
صح أمر بمواقف أحتاج أحد يسوي لي هالشغله لاكن أحتسب الأجر
بعدين مافي شي أحلى من الصبر

 

 

[وتين الورد]

جمااااااااان

السالفه مو سالفة اعتراض وش فيكم يا جمااعه
كل ما في السالفه ردت فعل لا اكثرولا اقل والحمدلله
الكل مقتنع بخلقته افتخر كوني انثى والرجل اكيد يفتخر كونه رجل
وبعدين في بعض الرجال يقولون ياليتني مرأه علشان ما يسوق سياره
ولا يوصل ولا يشتغل ف عز الحر ولا في عز البرد في الصحاري
والهم مجره من ياليت وياليت ---- الخ

فاتمنى الكل يفهم المشاركه يقراها مره ومرتين وثلاث ولا يفهمني غلط



احساس قاتل
دائمااا قولك في القمة ماشاء الله عليك
واذا ما عليك كلافه ابقى ايسكريم مو من البقاله
ما دام تكفلت بتجيب لي ابقى باسكن روبنز توفي بالمكسرات


على العموم زهور الفل والياسمين ورود الجوري
لكم على المشاركه وتشكراتي من الاعماااق

 

 

[طموح رجل]

ماكنت ناوي ارد لكن رد مقدركم عجبني مرررررررررا ههههههههه


يعني بنت خلاص ماتاكل من المطعم هذا جى يكحلها عماها



يعتمد على وقت الطلب والمده اللي يحتاج يعني مثلا مشوارك او الشغله اللي تبينها الساعه 10 لاجات 10 او قبلها بكم دقيقه يلا تعال سوي لي كذا او ودني مكان فلاني بعضهم مايحب تقوله في نفس الوقت قله قبلها بساعه يعني الساعه 9 يافلان ابيك توديني الساعه 10 مشوار او اي شي ثاني المهم بوقت مناسب .





طرح جداً رائع / يعطيك ربي الف عافيه

 

 

[وتين الورد]

طموووح رجل

كلامك صحيح 100%
بس هم مزاجيتكم تغلب في مثل هالامر

عجبني مرورك زهور اللوتس لشخصك

 

 

[Habib Hussain]

السلام عليكم ورحمة الله وبركاته

باختصار شديد

ما الوم البنات على هذا القول بسبب تقصير منا بصراحة كرجال لا نقوم بما يتوجب علينا اتجاه الاخوات

لا يوجد عيب لما البنت تعزم صديقاتها على مطعم خير يا طير ما فيها شيء وتريد تغير الجو

قبل ما تقول من التربيه ومدري ايش انظر انت لو كنت مكانها هل ترضى العشاء كله من البيت ونفس الروتين بصراحة ملل والانسان يحتاج يغير بعض الاحيان .

ويكفي تقصير الاخ لاخته تشوفه لما تقول له اخته وصلنا الى المكان قال ها مشغول أو عيب او مدري ايش

ليه نقصر معاهم ,

اقرب مثال :

لما تقوله أخته وصلنا للمكان الفلاني ضروري وانا اتكلم عن الضروري الحين بيقول والله تعبان وفي لحظة بالضبط تشوفين قام من مكانه ووصل زوجته الى المكان اللي تريده ,

عجيب توك تعبان والحين صار حصان

وفي الاخير ما احب اطول عليكم

السبب الرئيسي في قول البنت مثل هذه الكلمات

التقصير الزايد عن حده

تشكرات أختي على الموضوع

 

 

[وتين الورد]

كلام منصف للبنات من قبل رجاااال >>>>وناااسه و كشخه
وبعد الشباب طالعين لنا بطلعه كل ما احد من النسون دق عليهم قال
انا في الهفوف وهو في غرفته
موقف

وحده تدق على اخوهااا يجي ياخذهااا من شقتهاا ويوديهااا بيت اخته الثانيه
وهي شقتها جارت بيت اهلهااا >>> عاد فهموهااا
وراحت بيت اهلها الا والاخ نازل من غرفته ويطيح في الفخ حبل الكذب قصيرر
وعاااد وش اللي يفكه منهااا يسااهل

وبس

 

 

[فرج الله قريب]

الصراحة انا دايما اقول يالتيني ولد
لان اذا قلت حق اخواني شي كل مشغولين ومستحيل يلبون الطلب
واذا عصبت تطلع مني الكلمة بلا شعوور
واتمنى ان يخلونا نسوق احسن لنا واحسن لهم
عالعموم مشكورةأختي على الطرح ,,, مرة حلوة

 

 

[وتين الورد]

فرج الله قريب

الله يفرج عليك ونشوفك بذاك المارسيدس وتلبين كل طلباتك
بس هااا لا تنسين تمرين علي نرووح انتمشى اشوي


على العموووم شاكره لك مرورك وقرأتك
تحياتي القلبيه لك بالسداد

 

 

[بنت الغرام]

بصراحه يسلمووووو على الموضوع الحلو !! بس عندي كلمه حق الشباب ترى انا مافي حد يكسر كلمتي

 

 

[ترنيمة فرح]

ورود الله يساعدك حبيبتي هذا حالنا حنا البنات دايما مكسورين الخاطر

بس ماعليكي جربي تدهنين السير تراه ينفع حتى مع الاخو هههههههههههههههههه

 

 

[وتين الورد]

ترنيمة فرح
يسلموا على المرور
وتعبنااا من دهن السير الدهن خلص ههههههه

 

 

[عركاوي 89]

الحمدلله اخواتي مايقولون هذه الكلمة
وووووووووووووبس

 

 

[وتين الورد]

عركااااوي يقوولون مو ما يقولون بس لازم قدامكم
كل بنت تقوووول تعلمني في البناااات

شاكره لك مرورك ومشاركتك وسمحلي

 

 

[مثالية]

وقت واحد تمنيت اني فيه ولد ومتفرعه اسبابه ..

مثل ماقال احساس قاتل : لو كنت شاب كان فرفرت الشوارع كلها وماخليت

أي شارع ما أمر فيه << هذا احد اهم الاسباب

تبي تغير جو بدون ماتسمعي لستة الاعتذار المتكرره وليش ولمته ووين ..

خاطري آنجز اموري بدون الاعتماد على احد ...

ورود / يعطيج العافيه

ضربت ِ على الوتر الحساس