ايام الطفوله والشطانه؟؟؟

[غزوم]

السلام عليكم ورحمة الله وبركاته
اليوم السالفه عن موضوع حيوي وكوميدي في نفس الوقت

كل واحد منا في صغره كان شيطان وكثير الحركه و
سنداره بالعربي
يعني ما يخلي أحد في البيت إلا ويأذيه
ويسندره

المهم
شوفوا الحبيب شمسوي في نفسه من كثر ما هو حشري

اللهم لا شماته
الحين نبتدي وبصراحه
كل واحد يقول أحلى وأطرف المواقف اللي مرت عليه وهو صغير
وأنا
وأعوذ بالله من كلمة أنا
بابتدي أول واحد

طبعاً أنا كنت أكثر واحد يتعور في البيت وأكثر واحد يسندر أهله
يعني كنت ما أقعد أبد
وكل يوم متعور
يا راسي منفلع
ولا ريلي تنزف , وتنزف يعني تنزف بمعنى الكلمه
أخبر يوم من أيام الإجازه
طبعا تعرفون إن الصبيان لعبتهم السياكل
وأنا كنت واحد منهم
المهم تعرفون السياكل القديمه اللي في سكانها شرايط ألوان
يعني كل شريط بلون, أحمر وأصفر وأزرق
المهم هذه الشرايط طاحت من كثر الاستعمال
وبقت الحديده مالت السكان بروحها من غير واقي يعني
وأخوي الله يسلمه كان يلعب في السيكل لين شبع منه يابه لي
على أساس إني أنا اللي بالعب الحين
وأنا كنت قاعد في الحوش
وملتهي بشي في يدي ماذكر شنو المهم
هو وقف حذاي
ونزل من السيكل وترك السيكل لي
طبعا أنا ما كنت متوقع انه بيخلي السيكل من يده
وصارت الفاجعه
يات حديدة السكان سنتر في قمة راسي
وخذ نافورة الدم
ووووووووووووووووووووووووووو
ذاك اليوم كان مأساه في البيت
ههههههههههههههههه
الكل يركض من صوب
وأنا المتوهق من بينهم
خخخخخخخخخخخخخخخ
والله يوم ماقدر أنساه

الحادثه اللي بعدها
كنت انا وأخوي نلعب بالطياره
هذه مالت الخيوط
اللي تطير بخيط يعني معتدمه على الهوا
المهم هذي العيدان اللي فيها نايلون
المهم إنها إختربت
وقعدت أنا وأخوي إنعدلها بلزقه
المهم جا دور أخوي الحين يقص اللزقه علشان انطير الطياره
وكان في هوا ذاك اليوم
المهم أنا ماسك الطياره
وهو ماسك المقص يبي يقص اللزقه
وأنا أقول له
تحمل تقص صبعي
رد علي وهو يضحك
اشدعوه ما أشوف
وتشاااااااااااااااك
ويطير اللحمه مالت الابهام
والله العظيم إنها طاحت على الارض
ورقع الحين بالصياح
آآآآآآآآآآآآخخخخخ
والله يعور وايد
هههههههههههههههههه
والله أيام ما تنسي أبد
لين ألحين أقول حق أخوي تذكر ذاك اليوم
يموت من الضحك لين يتذكر السالفه

وآخر سالفه
معليه طولت عليكم

المهم أخوي الاكبر مني كان يتلذذ إذا يضربني ويعذبني من باب اللعب يعني
والمشكله يقعد يلعوزني وهو يضحك لين يخليني أصيح
أصيح من قلب وهو يضحك من قلب
وهو أكبر مني بخمس سنين
المهم
ذاك اليوم قبل أذان العصر
استلمني تعذيب
وقفل علي باب الغرفه
وقعد يضربني ويلعوزني
ما قدرت أطلع
فما لقيت إلا الصراخ
وأنا ما شاء الله علي صوتي قوي =====> اللهم لا حسد (((خمسه وخميسه)))
المهم صوت الصرخه وصل للوالد
وهو كان نايم
تتوقعون اشسوى ؟؟؟؟؟؟؟؟؟؟؟؟
المسكين قام يتوضى
على باله أذان العصر
ومسكين راح المسجد
ورجع عقب يقول لنا لين الحين ما أذن ؟؟؟؟؟؟؟؟؟
ههههههههههههههه
والله مسكين

 

 

[هديل الشوق]

هههههههههههههههههه
ماقصرت فيهم
يعطيك الف عافية

أقول لكم سالفة
مرة كنت ألعب مع بنت الجيران
بالدروفة انا جالسة فيها وهي بتمر
من قدامي وصقعتها ذيك الصقعة>>>>>>((الله لا يوريكم))
قامت البنت تصيح من الألم
وأنا رحت لأمي أصيح من الخوف>>>>>>((طقني وبكى وسبقني واشتكى))
والله يوم ما ينسي
ههههههههههههههههه

 

 

[طيرشلوى]

السلام عليكم
وش اخباركم
موضوع حلو ويطلع الفضايح بصراحه هههههههه
عندي لكم موفق مضحك جدا ايام الطفوله تعرفون جالسه من صباح ومدرسه وكان ايام شتاء وكنت معند مالي خلق اروح المدرسه المهم الحين انا جالس افطر وصيح ماني رايح يعني ماني رايح اقول حق امي وكانت امي مشغوله في المطبخ ماشفت الا ثواني وتراي جاء على راسي طبعا انكسرت التراي هههه راسي صخره ههههه وقمت ابكي الحين صار لي عذر اني ماروح المدرسه هههههههه يعني مواقف كثيره بس هذا الي حضرني
ودمتم سالمين

 

 

[هدير]

هههههههههههههههههههه
آآآآآآآآآآي وشهالذكريات المؤلمه
اما انا فاما في اهدى مني مافي الا اخواني طايحين فيني طق

يسلمو عالموضوع الرائع