من فضلك ضع جوالك ((صامت))

[الصريح]

بسم الله الرحمن الرحيم

السلام عليكم ورحمة الله وبركاته

اخواني الاعضاء اتمنى تكونو معي بهذه العادة المملة
البارح وانا بالمقبره كنا نشيع الميت والكل يقرأ سورة الفاتحه ومنهم من يصلي على محمد وآل محمد
اتفاجأ بجوالات الجماعة ماتسكت يرن واحد وراء الثاني المشكله مو راضي احد يحطه صامت او يقفل جواله او حتى هزاز الناس حزينه وكلً بهمه اذا صاح الجوال يشغل التفكير والبال كذلك بالحسينية او المسجد والمشكلة يتكرر الاتصال ولا يشوف حل لجواله ممكن يبي يلفت الأنظار
يعني هذي حركة ينسكت عنها؟؟؟؟
رجائي منكم طرح وجهة نظركم وانا اكتب الموضوع اللهم اجعلنا من المؤمنين الصالحين آمين رب العالمين

تحياتي

الصـــــــــــــــــريح

 

 

[فيض المشاعر]

للآسف الشديد أن البعض لا يغفل بل يتغافل عن وضع الجوال بالوضع الصامت

حتى وقت صلاة الفريضة بالمسجد مما يربك الكثير من المصلين ويضيع عليهم

خشوعهم ...


لو أيقن كل شخص أن هذا الأمر خاطئ و أنه يضايق المصلين و أقلم نفسه

على وضع الجوال على الصامت عند بدايه دخوله للمسجد لما أصبح وضعنا

هكذا !!!!!!!!!!!


أخي الصريح معك في هذه النقطة قلباً وقالبا و أشكرك على طرح الموضوع ...

 

 

[سُندس }]

كل شي له وقته .
ربما البعض ينسى لكن في حين الأتصال مره او مرتين
عليه ان ينتبه ويضعه صامت أحترام لمشاعر الأخرين
ورهبة الموقف المؤلم حقيقه , من الأفضل خلوة المكان
بـ الهدوء لقراءة الفاتحه والصلوات حتى لا يتأثر الجميع
من صوت بنغمه أو غيرها .


جزاك الله خير والله يرحم موتى المؤمنين والمؤمنات .

::

 

 

[فارس]

في البداية أشكر الأخ الصريح على هذه الصراحة و تسليط الضوء على هذه الملاحظة المهمة ...

أتفق معك في جميع ما ذكرته ولي تعقيب بسيط و نظرة ...

في ليلة البارحة وفي أثناء الدفن رن جوال من هو جانبي ورفع و أخذ يسترسل في الحديث مع زوجته ماذا طبختي ، لا خلاص تعشوا و أنا بعدين بجي ( باختصار الرجال راعي طويلة ) يعني لو كنت مضطر ترفع
وترد على المكالمة طالما انها مو ضرورية اختصر و أجل المكالمة و إذا ضرورية ما في مشكلة لكن خذ مكان بعيد عن حاضري الجنازة لكي لا تشغلهم بمكالمتك .

كذلك الحال في الحسينية و المسجد الخطيب على منبره يقرأ و النغمات أشكال و أنواع تبي الرجال يحس ويحطه صامت ما فيه يرن مرة ومرتين ما عنده مشكلة ...

لكن اللي أتمناه إن الشيوخ الأفاضل يذكرون الناس قبل البدأ الصلاة أو المحاضرة و كذلك الشباب يتواصون فيما بينهم ، ولا مانع من وضع لائحة كبيرة باغلاق الجوال أو وضعه صامت حتى يتحول إلى عرف سائد بين الناس ..


تحياتي للجميع

 

 

[التنديل]

مع الاسف الظاهرة هذه اصبحت عادة
الصغير والكبير بداء الكل مهمل او يتجاهل اخذ الحيطه
يعني لو وضعناه على الصامت ماذا سنخسر تخيلوا ياجماعه
في وقت الصلاة ونحن في وسط الصلاة جوال الي جمبي اشتغل لا وايش النغمة
اغنية (بحبك ياحمار) الكرامه للجميع
يعني تخيلوا الوضع طيب طفه حطه صامت خلاه الين فصل الاتصال

لما سالته يعني انته ناسيه قالي انا اساسا ما احطه صامت طيب ليه ماطفيته وقت مارن
قالي اقطع صالتي او انشغل فيه

صدقوني هذي كارثه ومصيبه

مشكور اخو دنياي (الصريح) موضوع يستاهل الرد

 

 

[قيثارة]

لا وتلاقيه بكل قواه عين ..
رايح عزا ولا حسينيه ونغمته مولد ولا اغنيه سواء عربيه او اجنبيه .. وابدا مو مراعي لا لمشاعر ولا لخشوع ولا لقدسيه المكان اللي هو جالس فيه ..

انا والله احيانا ادا مرت علي بنت وضعها هيك الله اضل اخازرها ولو بيدي رحت قفلت جوالها وكسرته بالجدار ..

الله يهديهم بس هالمشكله لازم يتكلمون فيها الشيوخ بوقتها ..
يعني مثلا هم بصلاة الجمعه وسمع الشيخ رنه جوال .. يقول لهم ويكلمهم ويحرجهم قدام المصلين عشان يحرمون ولو ان في ناس تخاف ما تستحي ..

الله يهدي الجميع ..
وشكرا اخوي على الطرح الرائع والمهم ..

 

 

[همس الروح]

مشكور يالصريح على الطرح الصريح
وان شاء الله تكون وصلت رسالتك لكل من فيه هذاا الطبع المزعج
تسلم
ولك تحياتي
همس الروح

 

 

[الصريح]

مساء الخير for all

بصراحه افلجتو صدري بتفاعلكم
لكم مني جزيل الشكر والعرفان
تحياتي
الصـــــــــــريح

 

 

[الزين كله]

مشكور اخوي الصريح على طرح هذا الموضوع بصراحه جدا رائع واكثر من رائع وكثر الله من امثالك
وجعلك ذخرا لوالديك الكرام وبصراحه انا اكتشفت انا كل موضوع تكتبه يكون احسن من اللي قبله ويعطيك الف الف الف عافيه على المجهود الذي تبذله وجزاك الف خير

اختك ( الزين كله)

 

 

[النجم الحاد]

للتغلب على هذه الظاهرة في الحسينيات والمساجد:



أقترح أن يتم وضع في المساجد والحسينيات أجهزة كتم الأبراج حيث تعمل هذه الأجهزة على كتم الأبراج من أول مايدخل الشخص في المكان الذي يوجد فيه وبالتالي لن يرن الجوال حتى يخرج الشخص من المكان وبالتالي سوف نتغلب على هذه الظاهرة .





ها مارأيكم ؟











...........موفقين لكل خير...........

 

 

[طرفاوي]

[quote=النجم الحاد;516830]للتغلب على هذه الظاهرة في الحسينيات والمساجد:



أقترح أن يتم وضع في المساجد والحسينيات أجهزة كتم الأبراج حيث تعمل هذه الأجهزة على كتم الأبراج من أول مايدخل الشخص في المكان الذي يوجد فيه وبالتالي لن يرن الجوال حتى يخرج الشخص من المكان وبالتالي سوف نتغلب على هذه الظاهرة .





ها مارأيكم ؟


لكن ياخوي اذا وضعنا على كلامك كتم الأبراج ماتدري شالظروف ربما تكون حالة ولادة او حالة طارئه فتكون هنا مصيبة ({ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا )
فأفضل طريقة وضع صامت وقبل ماتدخل المسجد أو الحسنية أو المقبرة

ومثل ماتتذكر اشياء اهم تذكر الصامت



أشكركم

 

 

[الصريح]

هلابك اخي الطرفاوي

صحيح ماقلت احيان الأبراج تكون خارج التقطية وتصير ضروف الله اعلم فيها
لاكن الهزاز موجود وممكن يحط نغمه خفيفه يتحسسها وقت الأتصال واشكرك على ملاحظتك

***********************************************

وبنسبه لك يااختي (الزين كلة)

مشكوره على كلامك الطيب الي ينقط عسل
ومااتقدم عليك اذا انا طرفاوي نشيط انتي نشيط جداً
يعطيك العافية اختي وكلك ابداع وفن

تحياتي

الصــــــــــــــــريح

 

 

[قاهر المستحيل]

من المفروض أن يلزم الشخص نفسه لوضع جواله في وضع الصامت في هذه المواقف

فالمسجد والحسينيه والمقبرة ليست أماكنا ً عادية فمن باب الاحترام للمكان والمتواجدين الصامت احفظ


لفته مهمه على الجميع


يعطيك العافيه أخي الصريح
















والله ولي التوفيق

 

 

[البيت العتيق]

مشكور اخوي الصريح على طرح هذا الموضوع بصراحه جدا رائع واكثر من رائع وكثر الله من امثالك
أنا طبعا أسوي الجوال هزاز في المسجد والحسينيه وطبعا ما كانت أحطه في المقبره بس بعدين يوم في المقبره مع تشيع المتوفي رن جوالي وحسيت بالخطا وحطيته هزاز

 

 

[بوناجي]

والله هذه مشكله في كل الاماكن العامه نواجهها

والمشكله الاعظم انو صاحب الجوال بعض الاحيان

واضع اكثر من حاجه في جواله........يعني

نصلي رن جواله ...تتوقع ليش مشترك في خدمه الاذان من قبل الشركه

جلسنا نسمع محاضره في المسجد رن مره ثانيه ......واحد متصل .........انا لله

بعد اشوي .......يرن مره ثاله نفس الشخص ........منبه ...ليش عنده موعد......لاحول لله ولاقوه

نكلمه .....ليش يفلان.....شسوي مشغول .........نقول له ماتعرف تحطه صامت

.............قال نسيت......وطبعا كل مره غير الرنه بعد........على كيفك الرنات

شتسوي له اذا كان هالانسان مايملك احساس نهائيا ولايملك (العفو) احترام للمكان

ولا للمؤمنين للذين هم حوله...........

صعب التفاهم مع هالناس .......والله مشكله

الحل في المسجد انو الشيخ اذا اقام للصلاه يقول يامؤمنين الجوال صامت(كل واحد يعلم ابوه كيف)

اما االاماكن العامه الثانيه بوضع لائحات لتنبيه الناس عليها

مشكووور خيو عالموضوع المهم جدا.....

موفقين

 

 

[لحن القمر]

بسم الله الرحمن الرحيم
مشكور اخوي على هذا الاطراء ويعطيك الف عافيه
تحياتي

 

 

[راعي 200ل]

السلام عليكم .........اخوي كلامك في محله بس من الي يقدر المكان واشكرك ...مره ...واكثرعلى الموضوع

 

 

[ريحه المسك]

مشكور اخوي الصريح ويعطيك ربي الف عافيه الموضوع روعه وغايه الروعه كمان نتظر منك المزيد ولا تحرمنا من طلتك تقبل مروري اختك رايحه المسك

 

 

[الصريح]

السلام عليكم جميعاً

هلابك اخي راعي 200 ل على مرورك وحياك بالمنتدى والله الله بالمشاركات تحياتي لك##

*****************************

واشكرك اختي ريحة المسك على مرورك وان شالله تشوفي الجديد

هم انتي لاتحرمينا من جديدك تحياتي لك 2x


تحياتي

الصـــــــــــــريح

 

 

[طرفاوي أصيل]

أخوي الصريح ماقصرت وهذا الموضوع المفروض انطرح

من زمان لأن الناس صارت ماتبالي بالمرة تشوفة في مقبرة

والمفروض يفكر في اللي حويلة ويعتبر لكن لا تلقاه يسولف ويضحك ولا تجي

سوالفه الا في هالمكان,,,,اخي صريح تسلم على هذا الطرح وفي انتظار جديدك