كيكه الطاووس ..

[قيثارة]

المقادير + الطريقه (( الطريقه جدا سهله ))



اولا : نخفق 4 بيضات + ملعقة فانيليا + كاس وربع سكر الى ان يصير لون البيض ابيض

ثانيا : نضيف 3/4 كاس زيت ونستمر في الخفق ثم نضيف كاس حليب دافئ

ثالثا: 2كاس دقيق + 3ملعقة كاكاو بودرة + 2ملعقه بيكنج باودر + رشه ملح

رابعا: نبدا نضيف شوي من الدقيق ملعقه ملعقه الى ان يختلط الدقيق تماما ثم

توضع في الفرن الى ان تنضج .


(( بعد ما نطلعها من الفرن ))


ضعي فوقها هذه الخلطه وهي عباره عن ::

علبه قشطه + كيس دريم ويب + كريم كراميل + بسكوت تويكس

تخلط في الخلاط وتصب على الكيكه





ثم نأتي للريش



علبه قشطه + دريم ويب

ثم ناخذ منه مقدار 2ملعقه هذا اللون الابيض

ثم نضيف شوي كريم كراميل وناخذ مقدار 2ملعقه هذا اللون الاصفر

ثم نضيف على الباقي كاكاو بودرة وهذا الشكولاته

نضع كل لون في كيس ونبدا نخطط بالتناوب على شكل دوائر

اول الأبيض ثم الاصفر ثم الشكولاته الى ان نصل الى منتصف الكيكة

ثم نسحب بالسكين الى مركز الدائرة ويطلع الشكل مثل ريش الطاوؤس تقريبا مو مرة مرة بس شكلها يصير مرة حلو ,,


وندخلها الثلاجه الى ان تبرد











وبالهنا والعافية


تحياتي

 

 

[فداك الروح]

خووووووووش كيكه شكلها مشهي
الله يعطيش العافيه على هالإبداع
اختي قيثاره

 

 

[قيثارة]

الله يعافيك خيتوا .. وهني وعافيه...
جربوها وروونا ابداعاتكم ورايكم فيها..

 

 

[همس المشاعر]

وااااو

صوره الكيكه تفتح النفس

الله يعطيكِ الف عافيه على الصوره

ننتظر المزيد

 

 

[قيثارة]

هلا والله بجيراننا اهل القطيف ...
حياك حبوبه ..
مرورك العذب ازهر متصفحي ..

 

 

[حلم الليالي]

الف شكر لج

اختي كيكه مرررررره حلوووه

كلكــــــ ذوووق يااذووق

تسلمين ياغليه

تسلمــــــ يمينكـــــــ

 

 

[إشراقة أمل]

متى طيب راح نجربهـا من يدك أنتِ ؟!

:

إن شـاء الله أحـاول أطبق الدرس ..
ويا رب تضبط ..

أشكرك كل الشكر .. وعميق التقدير ..
دمتِ .. ودام عطاؤك ,

.
.