حلــــى *جلد النمر* بالصور ..

[شهرزاد]

السلام عليكم حبيباتي ..

طبعاً هالطبق غريب شوي لكنه سهل ولذيذ مره ..
كانت طريقته عندي من زمان ولا سويته وأخذت الطريقه
صديقتي وسوته وعزمتني عليه والله جن جنوني عليه
لذييييييذ حيييل >>شكرتها وووااااايد

وكل البنات معزومات على هالحلى ..
وهم الشباب لاحد يزعل ..

تفضلو الطريقه والمقادير ..

\\

المقادير
بسكويت اولكر
زبده
2قشطه
نص علبة حليب محلى نستله
بيضه
فانيليا
نصف كاس تمر
ملعقه نسكافيه
4كيري
3ملاعق حليب بودره
نصف كاس سكر

الطريقه

الطبقه الاولى

بسكويت مطحون + زبده + شوي ماء
نفردها بالصينيه بهذا الشكل



الطبقه الثانيه

قشطه + حليب محلى نستله + بيضه فانيليا + نصف كاس تمر ( 10حبات )
ملعقه نسكافيه





نخلط الطبقه الثانيه بالخلاط
ونضعها على الطبقة الأولى





وتدخل الفرن من تحت مده ربع ساعه ومن فوق حتى تجمد




الطبقه الثالثه

علبه قشطه + 4كيري + 3ملاعق حليب بودره + نصف كاس سكر



تحطين شي بسيط من هذي الخلطه على الوجه



والباقي تغمقينه بشوي نسكافيه او كاكاو بودره



وتنقطين على الوجه
وكل شوي تزيدين النسكافيه او الكاكاو وتشكلين في التنقيط زي جلد النمر
مره غامق ومره فاتح ومره كبيره ومره صغيره



وتستعملين ملعقه صغيره
في التنقيط
وبعدين تدخلينها الفرن




لاتولعين الفرن خليه على حرارتة بعد الطبقه الثانيه
ويوضع في الثلاجه حتى يبرد
وقطعيه وضعيه في قوالب ورقيه

وهذا الشكل النهائي له



وعليكم بالعافيه ..

تحياتي للجميع ..

 

 

[تاروتية]

شهرزاد ياخطيرة أنتي

شعرفك أني احبه بقوووووووة ^__^
أنا جربته من فترة أنصحكم فيه لذيذ وخفيف.

 

 

[شهرزاد]

تاروتيه حبيبتي ..

عليك بألف عافيه يالغاليه ..

والحمد لله توتو شهدت

يعني نصيحه جربوه ..

تحياتي ..

 

 

[سحاب]

لله شهرزاد انا بعد ضقتة عند وحدة من صديقاتي صج يهبل

 

 

[شهرزاد]

سحاب ..

ألف عافيه على قلبج ..

يعطيك العافيه حبيبتي ..

تحياتي

 

 

[أحلى ملاك]

..‘


والله شكلهـ كشخة .,, شهيتيني ..
خلاص بسجلها عندي في النوتة ..
لازم أجربها .. من كلامكم واضح إنها حـلوهـ
ودام إنها منك ياشوشو .. أكيد بتطلع أحـلى ..



تسلم إيدك
ويعطيك الف عافية ...

 

 

[شهرزاد]

أحلاى ملاك فديتك يالغلا ..

وكمان وجودك أحلى وأحلى ..

تسلمين يابعدي

ولاتفوتك سويها

تحياتي

 

 

[الساهرة]

اووووووووو وش هالحركات ؟؟؟

خلاص بصراحه عجبتني سويها وعزميني هههههههه <<<<< كالعاده ما تبي تطبخ


يسلمووو شوشو <<<<<< تقلد على احلا ملاك


تحياتي
الساهرة

 

 

[شهرزاد]

ساهرتنا ..

هههههههه

أبشري يالغاليه من عيوني بس أنتين شرفينا ..

العين أوسع لك من المكان ..

ومايظل شيء في خاطرك إلا وتوصينا عليه

وكل شيء تحت آمرك ..

يعطيك العافيه حبابه ..

 

 

[عزف الدموع]

ماشاء الله شوفتــــــــــــــه تشهي !!!



يعطيك العافية موضوع وصور ولا ارووووووووووووع

 

 

[شهرزاد]

عزف الدموع ..

يعطيك العافيه ..

سويه بدل ماتطالعين فيه

وعليج بالعافيه

تحياتي

 

 

[كـآأإدي ا~]

شهرزاد طول عمرك مبدعه ولإلى الأن مبدعه

تشكري على جهودك قلبو

دمتمــ

 

 

[سوسو الدلوعه]

مشكوره حبيبتي شهرزاد على هذا الحلى


كأنك تدري اني انا الان جالسه اتعلم بعض الاشياء

بصراحه شي جديد علي بس انشاء الله اسويه




أختك في الله

 

 

[شهرزاد]

أحساس طفله ..

حضورك الأروع يالغلا ..

تسلمين على الحضور فديتك..

سوسو الدلوعه ..

يالله ورينا شطارتك وهمتك وإن شاء الله

تبدعين أكثر ..

تحياتي

 

 

[همس الشوق]

انا من زمان وانا اسمع به بس اول مرة اشوفه واعرف طريقته
صراحة شكله رووووووعة ولذيذ شهيتينا عليه ياشهر زاد
تسلمين على الحلى الحلو
مواضيعش كل يوم تزداد حلاة
تقبلي مروري ودمتي موفقة

 

 

[شهرزاد]

همس الشوق

بوجودك يالغاليه يصير أحلى وأحلى ..

تسلمين فديتك على هالطله ..

تحياتي

 

 

[صاحبة الدرب الحزين]

ما أروعك شهرزاد

طرح مميز وأسلوب مبدع في الشرح

بصراحة أنا جربته بس بطريقة أخرى ولم ينال إعجابي

وأعتقد هذه الطريقة راح تكون أشهى والذ

تشكري أختي على هذا المجهود

 

 

[شهرزاد]

صاحبة الدرب الحزين ..

الأروع حضورك عزيزتي ..

وبالعافيه ياقلبي ..

تحياتي

 

 

[جفرواي]

مشكوره اختي على الطريقه الحلوه

الله يعطيك الف عافيه

تحياتي لك والجميع

 

 

[شهرزاد]

الله يعافيك أخوي

ومشكور على المرور العطر ..