ابتسم ... الاختبارات على الأبواب

[زهرة اللوتس]

السلام عليكم ورحمة الله ..

أخباركم احوالكم .. ؟؟!! ان شالله كلكم بخير وصحة وعافية



كيفكم مع الدراسة ..؟؟ ان شاءالله تمـــــام ...


,,
,,


انت عارف إنها اسبوعين إن شاءالله وتبدأ الاختبارات " بس بالنسبة لي اسبوع بس "

مثل مايسميها بعض الناس (القلق ,, الرعب ,, آلخ ... ووبعـض الأسماء اللي ترّوع وتحطم الشخص وتدخل الخوف والارتباك لنفسه )

موضوعي بيخليك تموت في شي اسمه فترة اختبارات >>>>> إيه هيّن بس اتبع الخطوات اللي بقول لك عليها وبيمشي الحال..


,,
,,


قبل كل شي ..

شيل من راسك كلمة المادة صعبة .. الاختبار صعب .. شكلي بفشل ..
أتحداكم إذا مارسبت .. بل بل عليه زعلان هالطالب هدي هدي شوي لاتخلي أي مجال للخوف يلقى له باب داخلك ..

بالعكس إذا حطيت في بالك .. إنك راح تجيب أحلى تقدير وأعلى درجة بهالمادة .. على طول عقلك الباطني راح يردّد كلماتك ..


إلى ماأنت بنفسك تقتنع بأنك قادر على تجاوز وفهم المادة ..


باختصار ... لاتهتم بكلام غيرك وخلّك واثق من نفسك ومن قدراتك ..





,,
,,


قبل المذاكرة تأكد من " غرفتك أو مكان المذاكرة "

لازم تكون مرتبة أحلى ترتيب ... وتأكد من تهويتها .. وجهّز المكان اللي راح تذاكر فيه .. أي شي بتحتاجه في المذاكرة .. اقلام .. كتاب .. دفتر .. أي اي ...

لازم تكون كلها موجوده علشان ماتتحرك فتقطع مذاكرتك و تركيزك ..





,,
,,


YumMmY

هالخطوة اكيد الكل راح ينفذها .. ومتأكدة ميّه الميّه .. هههههه تفكر الناس مثلها

خلي بجنبك كاس عصير باااااااااارد .. أو قطعة حلا أو شوكلاطة .. لأن السكريات تزيد نشاطك ..





,,
,,


انتبهوا بالنسبة للكمبيوتر .. أو الجوال أو الآي بود أو أو!!

ضروري تطلعونهم من مكان الدراسة .. لإني أنا اشوف نفسي إذا موجودة هالأشياء في مكان المذاكرة يصير بيني وبينها مغناطيس .. تجذبني لها واترك الكتاب





,,
,,


طبيعة الإنسان مللول

يمّل بسرعة .. فحلو بوقت المذاكرة تاخذ لك بريك قصير مثلا عشر دقايق علشان تغيّر جو .. وش قلنا عشر دقايق مو نص ساعة ..


معلومة : أفضل مدة يعمل فيها المخ هي من 40 إلـى 50 دقيقة ، بعدها . . تقل قدرته بشكل كبير!!

حلو كل ساعة تاخذ لك بريك .. أنا مااستخدمها هذي الخطوة إلا كل ثلاث ساعات .


,,
,,


الجلسة السليمة

ظهرك .. عامودك الفقري أهم شي في جسمك .. فحاول تجلس ويكون ظهرك مستقيم
ومستوى الكتاب قريب منك .. بحيث مايتعب ظهرك وتتعب رقبتك ..


,,
,,


إلا صلاتي ماأخليها


أهم شي قبل المذاكرة هو المحافظة على الصلاة وآدائها في وقتها .. فيه مهم لكن فيه أهم صح ولا ..


مثل ماقال الشاعر اللي قدامكم .. احم احم



إن الأهم من المهم صحة .... فلا تقص وانت تلف جحه


ههههههه حبينا نغيّر شوي ..



المهم توكلوا على الله وذاكروا زين وادعوه يوفقكم ويسهل عليكم ..


آيات لتقوية الحفظ والذاكرة وعدم النسيان ..

قوله تعالى : (( سنقرئك فلا تنسى ))

قوله تعالى : (( سيذكّر من يخشى ))


قوله تعالى : (( لاتحرك به لسانك لتعجل به إن علينا جمعه وقرءانه فإذا قرأنه فاتبع قرءانه ثم ّ إن ّ علينا بيانه ))


قوله تعالى : (( لنجعلها لكم تذكرة وتعيها أذن واعية ))



وإذا انتابك الملل والضجر فاقرأ بلا عدد هذه الآية فإنك لن تلبث أن يزول عنك ذلك ..


(( والذين ءامنوا وعملوا الصالحات وءامنوا بما نزّل على محمد وهو الحق من ربهم كفّر عنهم سيئاتهم وأصلح بالهم ))


المصدر .. كتاب الاستشفاء بالقرآن الكريم للسيد حيدر الموسوي ..



,,
,,





ايه هين قابلوني اذا اخذتوها مو كلكم مثلي وشرواي "شوي شوي عجب بالنفس "



ربّي يوفقكم ويسهل عليكم بحق محمد وآل محمد ..



وانتو بعد لاتنسوني من دعواتكم .. " ترى مواد الجامعة صعبة ههههه ماسوينا شي "



أختكم .. زهرة اللوتس

 

 

[الساهرة]

مشكووورة عزيزتي زهرة اللوتس كفو والله بعد نصائح من طالبة متفوقة وجتهده لازم نحطها حلقة في اذونا ....
الحمد لله باقي هالاسبوع ويعطلون العيال لكن جو الاختبارات دائما هو الجو الطاغي على الجميع سواء عندنا في البيت طلاب او لا ..

عسى الله يوفق الجميع ويعطي كل واحد على قدر تعبه ...

تشكرات زهرة اللوتس مرتن ثانية ...


تحياتي
الساهرة

 

 

[الغريب]

نصائح هامة للطلبة والطالبات

وكل شخص ربما له طريقة في المذاكرة

المهم تهيئة الجو المناسب في المنزل

دعواتنا بالتوفيق لجميع الطلبة والطالبات.

 

 

[زهرة اللوتس]

اقتباس مشكووورة عزيزتي زهرة اللوتس كفو والله بعد نصائح من طالبة متفوقة وجتهده لازم نحطها حلقة في اذونا ....

شكلي بقوم أذاكر من كلام الساهرة

اقتباس عسى الله يوفق الجميع ويعطي كل واحد على قدر تعبه ...

الحمد لله .. دعواتكم شملتني .. الله يوفق الجميع ..

اقتباس وكل شخص ربما له طريقة في المذاكرة المهم تهيئة الجو المناسب في المنزل

كما ذكرتم اخي الغريب .. المهم الجو المناسب في المنزل حتى لو كان في التهوية



الساهرة .. الغريب ..

شكرا لتواجدكم الكريم ..




دعواتكم ..

 

 

[DANYAL]

مشكووورة على النصائح ......... وشدو حيلكم

والله يعينا اخر ايام الامتحانات عندنا هنا ونبي دعوااااااتكم >>> يعني بنخلص قبلكم ^-^

انا اذكر يوم كنت في الثانوي اذاكر فوق السطح او اطلع البر <<<<< ندور الهدوووء بعد شنسوي ^_^

والله يوووووفقكم جميعا .........

 

 

[زهرة اللوتس]

اقتباس والله يعينا اخر ايام الامتحانات عندنا هنا ونبي دعوااااااتكم >>> يعني بنخلص قبلكم ^-^

بالتوفيق إن شاءالله ياعيون هجر ...

بس وين تدرس بالضبط اللي بتخلصو قبلنا ؟؟

اقتباس انا اذكر يوم كنت في الثانوي اذاكر فوق السطح او اطلع البر <<<<< ندور الهدوووء بعد شنسوي ^_^

الاهتمام ايام الثانوية اكبر .. أما انا ايام الثانوية وهذه الأيام المذاكرة تكون في الصالة



الله يوفقكم إن شاءالله ..

 

 

[علي مع الحق]

زهوووووووورة نصائحك ممتازه مفيده 100%


لكن بالنسبه لي الأمر مختلف ....



كل شيء أستطيع فعله وتنفيذه إلا ..



التفكير في فراق الأحبه ’’’



هذا اللي مبهدل وضعي ومانعني من التركيز في المذاكره ...



أحاول إني أنساهم


لكن



لكن




كيف أنسااااااااااااااااااهم لا أعلم ...

 

 

[رحيق الجنة]

تشكرات اخيتي
تحياتي لهذه النصائح الرائعة وربنا معكم ومع الجميع

 

 

[زهرة اللوتس]

أخواتي : علي م الحق ... رحيق الجنة
الشكر الجزيل لتواجدكم الكريم ..

مع تمنياتي للجميع التوفيق والنجاح ..

 

 

[قلب طفلة]

تقريبا نفس طريقتي لكن تختلف اشويه

ان وقت المذاكرة يكون الفجر افضل


والاستعداد قبل الامتحانات بفترة كافيه


ولاننسى تحضير الدروس يفيد في استرجاع المعلومات


ومهما ذاكرتو وتعبتوا

عند استلام ورقه الاجابة و مسك القلم يجاوب لحاله


وفقكم المولى و سدد خطاكم



بحق محمد وآل محمد


زهرتي الفواحة


يسلمو

 

 

[بسمة ألم]

مشكووورة عزيزتي زهرة اللوتس

 

 

[زهرة اللوتس]

اقتباس ان وقت المذاكرة يكون الفجر افضل

صح .. وفي هالوقت يكون تقسيم الأرزاق فلا يفوتكم واجلسوا ذاكروا

اقتباس ولاننسى تحضير الدروس يفيد في استرجاع المعلومات

أكيد .. راحت أيام المدرسة للأسف ...


...



ولاية علي .. بسمة ألم

شكرا لتواجدكم .