هذا ولد يتكلم ويقوللو أنا بنت .. مااشيل هم مين يسدد فاتورة جوالي !!
لو أنا بنت .. مااشيل هم السواقه ووجع القلب خصوصا في جدة.. وتغيير زيت .. وبنزين..
لو أنا بنت .. دايم احصل سيارة السواق جاهزة .. ما أنتظر احميها واجلس استني عشان اشغل المكيف !!
لو أنا بنت .. مااشيل هم تجميع المهر .. والزواج .. وتأثيث البيت.. وتكاليف الحفلة !!
لو أنا بنت .. كان ماأضيف احد في الماسنجر .. كل الشباب يضيفوني ..
لو أنا بنت .. كان احصل كل يوم في إيميلي أغنية هدية .. كلام حلوووو .. مو زي ايميلي كله تمااااااسيح .. ودعايات ...
لو أنا بنت .. ادخل الشات .. واقوول انا طفشااااااااانه .. وراح اجد انه الكل يبغى يرضيني !!
لو أنا بنت .. اطلع كل يوم في العصرية للسوق ماعدا يوم الخميس اروح لسوق حراء ..واسمع الكلام الحلووووو اللي بيقولوا الشباب عني !!
لو أنا بنت .. البس احدث انواع العبايات المخصره.. ومن تحتها بنطلووون جينز ضيق واخلي العبايه مفتوحه من اسفل ..<< اعصابكم ياشباب والله هذا كلااااام لحد يتهور !!
لو أنا بنت .. قبل مااطلع اغطس نفسي في مستنقع من العطوووور .. يعني عشان يفكروني جالون عطر !!
لو أنا بنت .. كان احصل كل حاجه جاهزه.. الزوج.. البيت .. الأكل ..السيارة .. السواق.. المكأفاه.. البتاع.. كل حاجه ..مافيه اي تعب او معاناة .. إهي إهي إهي ياليتني بنت..
لو أنا بنت ..كان اجمد بعض المحاضرات ونطلع أي كوفي في التحلية والا الجمجوم .. يعني نشرب كهوة السبااااااح .. ياااااااروحي على سباااحكم ..
لو أنا بنت .. كان احط كل انوااااااع البويااااات .. اوه سوري (معليش يمكن عشاني بنت جديده) قصدي المكياج على وجهي واركب مع السواق واجلس جنب القزاز ومااطالع في احد ... وااااااو احب الشعور هذا .. راح احس وقتها انه انا اشارة المرور الكل بيبص فيه!!
لو أنا بنت ..كان اخذ من ابويه فلوس .. ومن امي فلوس .. ومن اخويه فلوووس .. ومن الواد الوسيم اللي ضحكت عليه كماااااان فلووووس !!
لو أنا بنت .. كان جوالي مايجلس ساااااكت .. رسايل غزل .. وكلام حلوووو .. ولاااااا كمان مكالمات وانا اسوي نفسي ثقيله .. ايش تبي .. من فين جبت رقمي؟؟.. يعني مااطفش لو للحظه واحده.. مو زي جوالاتنا ماتجينا رسايل الا من شركة الاتصالات ياالله ياابو الشباب سدد الفاتورة..!!
والا إتصال من عجوووووز في مقتبل العمر.. وتقولي هلووووو هلوووو هذا منزل معيض؟؟ .. وانا من قوة الصدمه لما سمعت الصوت الغريب هذا!! ماعرفت ايش اسوي .. كنت واقف وبعدين انسدحت... قلت لها ياجده هذا أول شي إسمه جوااااااال مو منزل.. وثاني شي هذا جوالي ورب الكعبه مو جوال معيض.. قالت : هلوووو طيب شكراً .. هاهاهااااااااي من جد حصل الكلام هذا !!
لو أنا بنت .. كان اطلع طريق الملك واجلس امشي وبأكل بطاطس شيبس .. يعني عشان اخسس ويصير جسمي حلوووو زي "بريطني صبير" ..الماااااايوه ماعم بيفوت فيه.!! ما إلك الا الجلسه بالبيت !!..
لو أنا بنت .. كان اسجل في منتدى ** ومن اول موضوع أصير مشرفه .. بناااااااات صح لا تسألوني كيف ؟؟.. واخليهم يحطووو عدد مواضيعي 666 يعني رقم مميز ..
لو أنا بنت ..اجلس مع صديقاااااتي .. واقول تصدقووو يابنات.. انا تعبت من الشباب هذولي .. انا ملاحظه انهم مابيضايقو الا اناااااا (مو كذا أمونه) .. يعني عشاني احلى وحده فيكم من جد هذا ظلم!! .... هاهاهاااااااي .. والله لو انا بنت وقتها راح أكل ضرب من صديقاتي قالك احلى وحده فيهم !! هاهاااااي << ووووووجع .. ايش فيك تضحك والله من جد انا احلى وحده..
لو أنا بنت .. كان مااشيل هم الزحمه عند الحلاقين .. واشيل هم الدقن اذا طولت .. وشعر رأسي!!
لو أنا بنت .. كان ما تحصلني لاااابس الزي السعودي .. غترة** طاقيه** عقال** ثوب**فنيله ** سروال طويل ** وكمان واحد قصير **شراب ** جزمه وانتو بكرامه **قلم** محفظة في الغالب فاضيه ويااااااكثر البطايق فيها تقول دفتر سن توب** جوال+فاتورة جوال**وبعض الاحيان ** ملف علاقي <<<عاطل ... على قوووول اغنية محمد عبده .. مجموعة إنسان .. بس احنا هنا مجموعة عفش متحرك .. من جد تعب!! ..
لو أنا بنت .. كان ماأدخل المطبخ (بس اللهم ....... الطبخ).. ولا اقشر البصل .. واااو على ريحته ماتطلع من الأيادي ..بس يعني اذا دخلوني بالقوة .. راح اجلس العب في سائل فيري !!
لو أنا بنت ..كان الشباب الأغبياء .. يجلسو يطاردو سيارتنا .. وانا مع السواق .. (ابغى اكون بنت عشان المنظر هذا ) كدا راح احس اني في معركة.. والسيارات عن اليمين وعن اليسار وسيارتنا في المقدمه!!
لو أنا بنت ..كان اجلس طووووول اليوم أمام المرايه ..وهاتك تلوين في الوجه .. وتمشيط في الشعر.. تصدقوا بصراحه مااحب النقطه هذي .. لانه الجلوس أمام المرايه ووضع المكياج .. يفكرني بحصة الفنية .. وانا مااحبها ..
لو أنا بنت .. أدخل كل محل.. مايقف في وجهي أي شي.. مو عشاني سوبرمان .. لا بس عشاني بنت .. مو أحصل لوحااااات للعوائل في كل محل اروح له .. وحراس آمن عمى في شكلهم الواحد يفصلون مني أربعة..
لو أنا بنت ..والله بتشرف اكون بنت .. على الأقل استريح ... من حاجات كثيره.. والبنات لايزعلوووو ترى الموضوع لمجرد المزح ... و الفرفشه ..مو تحطوني على رأس قائمة المطلوووووبين !!
مجرد موضوع للخروج عن الروتين!! بس فيه عدة نقاط من جد ياحظكم فيها .. بصراحه هو شعور متبادل يعني في بنات كثير بيقولوا ياليتني ولد!! والعكس .. حب التغيير .. او لمجرد الهروب من المشاكل التي تواجهنا..
منقول
نديم الليل
03-09-2002, 10:44 AM
ولد يقول ااااااااااااااه لو انا بنت
