الفرق بين البنت الناعمه والبنت الخشنة

[المتمرده على كل ظالم]

السلام عليكم
هذي اول مشاركه لي واتمنى انها تعجبكم

البنت الناعمة
طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم لكم شنو قالت لها الخدامة .. تقول قومى ما ما وقت واجد تأخير .. والناعمة اول ما تصحى من النوم تفتح الستارة والشباك علشان الغرفة تتنفس وشغلت موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات والصبغ .. لازم تحافظ على البشرة .. خلصت من المراية وتتجة الان الى الاستشوار وبعدين تلبس البنطلون الجنز والبلوزة .. وتنزل تاكل الفطور اللى يكون عبارة عن دونت وعصير برتقال

البنت الدفشة
الى انها وهى نايمة كل دقيقة تطيح من على السرير .. وبعدين يدخل اخوها الصغير ويصرخ وجع يالله كفاية نوم .. ترد علية : اطلع من الغرفة والا ارميك من الشباك الحين .. المهم اخوها اللى اكبر منها يروح لها الغرفة يرفسها وبعد تلك الرفسة العنيفة تصحى من النوم تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى شبعتى نوم ترد الدفشة على امها .. زين زين الحين بقعد وتقعد تأفففففففف ويطلع من فمها نار ..

البنت الناعمة
ما تتغدا الا الساعة 4 ولا 5 ولا تتغدى الا على عيش ابيض مسلوق وسلطة تحافظ على رشاقتها ا

لبنت الدفشة
تتغدا الساعة 12 بالضبط ولا تغدا الا كبسة ولحم او دجاج واذ خلصت تشرب البيبسى شربة واحدة يعنى ما فى مجال انها تتنفس .. وما تسمع الا اصوات مخفية

البنت الناعمة
طلعتها تكون من بعد صلاة المغرب ما تطلع العصر تحافظ على البشرة من ضوء الشمس


البنت الدفشة
تطلع الساعة 2 القايلة تروح مشى لبيت خوالها لحد ما تنقلب سمرة


البنت الناعمة
تروح ستار بكس او اى كافية وقبل لا تطلع تمر على الصالون تحط هذاك الميك الاب

البنت الدفشة
تحط كحل يملا العين والروج تقول ما كلة انسان واذا بتروح تروح السوق ولا سوق الحراج


البنت الناعمة
اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها


البنت الدفشة
ها ها ها ها .. والحاره الثانية تسمعها


البنت الناعمة
لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة

البنت الدفشة
تنسدح على الارض وتحط رأسها على المخدة وتمد رجلها وتحطها على التلفزيون واذا تبى تغير القناة دقت التلفزيون باصبع رجلها وغيرت القناة

البنت الناعمة
اذا تبى تحلم احلام اليقظة طلعت فى حديقة بيتهم وقعدت على الكرسى هزاز وقام الكرسى يروح ويرجع

البنت الدفشة
تروح الحوش وتمد السجادة اللى فيها خمسة وثلاثين لون احمر واسود وابيض وجابت كاسة ستة متر متروسة شاى


البنت الناعمة
فى نهاية هالموضوع تقولكم تشاو .. او سى يو .. او بباى

اما الدفشة
فى نهاية الموضوع تقولكم .. حياكم الله .. تأمرون على شىء
..

 

 

[ذكريات الماضي]

هههههههههههههههه

مشكوووووووووووووووره اختي (المتمرده على كل ظالم)
على هالمشاركة الحلوة و التي اضفت الإبتسامة الخفيفة (مو الدفشة)على وجوهنا ،،،،

و الله يعطيك الف عافية ،، و عساك على القوة

و ننتظر مشاركاتك البناءة و اطروحاتك الهادفة و المسلية ،،،،


تحياتي النــــــــــــــــــــــــــاعمة

ذكريات الماضي

 

 

[صديق الصمت]

ههههههههههههههههههههه
مشكوره اختي متمرده والله لايحرمنا منك

 

 

[boreem08]

السلام عليكم ..............

أضفتي علينا روح الدعابه بهذه المفارقات

بس ماكنك ظلمتي البنت الدفشه حيل والبنت الناعمه عيني عليها بارده هذي البنات وإلا فلا

(هههههههههههههههههههههههههههه )

أخوك ........................ بوريـــــــــــــــــم