حَياة إخّوَه

[جبرني الوقت]

السلام عليكم ورحمة الله وبركات ....
وش اخباركم ان شاء الله كلكم بخير.....



اليوم جبت لكم قصه حلووووووه ....

اتمنى انها تعجبكم ...
وياليت تقولون رايكم فيها وانتقاداتكم ...

تفضلوا الحلقه الاولى .....


حَياة إخّوَه

كان فيه بنت أسمها أسيل تعيش مع أهلها براحه وأمان وهي تدرس سنة أولى كليه بعد ماتخرجت من ثانوي بامتياز,وكانت البنت الوحيدة من بين إخوانها الشباب متفوقة في دراستها ...
وكان اكبر منها 3 رجال تركي واحمد وخالد
وكانت تتمنى أخت بس هذي إرادة الله إنها تكون البنت الوحيدة في البيت وكانت امها اقرب إنسانه لها وتشكي لها كل همومها وأفراحها ...
كان تركي أطيب واحد من إخوانها ..............

وفي يوم من الأيام رن التلفون ورد أخوها احمد وكان اللي متصل رجال ...
الرجال:ألو السلام
أحمد:وعليكم السلام
الرجال:موجودة أسيل
أحمدوهو معصب) وش تقول
الرجال:؟؟؟؟؟؟؟؟؟؟؟؟؟
سكر السماعة في وجه احمد
راح احمد لأسيل ودخل عليها في غرفتها والتفتت له وهي مبتسمة وحاولت إنها تضحك احمد بس احمد صرخ في وجهها..
مين اللي أتصل واطلبك؟؟
أسيلتغيرت ملامحها وطلعت عيونها ) مـــــــدري
احمد:أنا عمري ماشكيت فيك بس اليوم ثقتي فيك انعدمت وبقول لخالد عن الموضوع
سكرت أسيل باب غرفتها وقامت تصيح مو عارفه وش تسوي ومو عارفه مين الرجال اللي طلبها ....... وبعد ساعه طق خالد على أسيل,,,
خالد:فتحي الباب يااسيل
أسيلمسحت دموعها وفتحت الباب ) هلا خالد آمر وش تبي
خالد:تعالي معي غرفة احمد
راحت أسيل مع خالد لغرفة احمد ودخل خالد وراها وسكر الباب
جلست أسيل بين احمد وخالد وكانت نظرات الأتهام موجهه لها
بدأخالد بالكلام ....
خالد:بسرعة قولي من اللي تكلمينه وخلصينا
أسيل:  (وهي تصيح) والله..والله....والله مااكلم احد ولا ادري من اللي اتصل وطلبني
خالد:انا للحين ماقلت لأمي بس ان ماتكلمتي بقول لها ..
أسيل ماكانت ترد عليهم بس كل شوي تزيد في الصياح ...
دخل تركي عليهم وهو فرحان ويضحك ... بس حس ان الجو مشحون ومتوتر
والتفت على أسيل شافها تصيح ...
تركي: أسيل وش فيك
أسيل ماقدرت تكتم صياحها ... ضمت تركي وقامت تصيح بصوت عالي وتقول (والله ..والله ماسويت شيء)
تركي:أسيل أهدي وش فيك وش صاير
احمد:يا تركي ترى أسيل تكلم واحد وقبل ساعه اتصل واطلبها
تركيوهو يطالع أسيل) ياأسيل الكل يغلط وإذا فيه شيء قولي لنا وبنساعدك
أسيل:  حتى انت ياتركي صدقت كلامهم
تركي:آنا واثق فيك يا أسيل بس عشان يتأكدون خالد واحمد انه ماعندك ذا السوالف بس ساعدينا عشان نعرف مين اللي اتصل واطلبك
أسيل:  مدري ... مدري ... مدري
خالد:بعطيك الرقم وروحي بكره الكليه وسألي صديقاتك وميساء بنت عمي عن ذا الرقم
أسيلمسحت دموعها ) أوكي بس ياليت تثقون ان اختكم متربية عدل
......................اليوم التالي...............
راحت أسيل الكليه بعد تعب في الليل وسهر للصبح وهي تفكر بالموضوع ..
دخلت الكليه وكانت وراها ميساء التفتت أسيل لميساء وسلمت عليها ..
ميساء:وش فيك شكلك مو طبيعي
أسيل قامت تصيح...
ميساء ضمت أسيل وتبيها تهدأ ..
ميساء: أسيل وش فيك صاير لك شيء
أسيل: بموووووت .... ياميساء بمووووووووت
ميساء:بعيد الشر عنك جعل يومي قبل يومك
أسيلطلعت الرقم من شنطتها ) تعرفين من رقمه ذا
تغيرت ملامح ميساء!!!!!!

انتظر ردودكم ... وتفاعلكم ..
وبعدها احط لكم الحلقه الثانيه


تحياتي

 

 

[القلب الكبير]

اخي : جبرني الوقت

ما أجملها من كلمات
تألقت سطورك
بعذب حروفك

سعدت بمعانقة همساتكـ

قصه في منتهى الروعه

كتبت وابدعت

 

 

[AL-NAQEEB]

أخي جبرني الوقت

<******>drawGradient()فما فعلوه الأخوه ناتج عن غيرتهم على أختهم
والخوف عليها ... لأن غيرتهم عليها أنستهم بأن أختهم
تربته أفضل تربيه ... ولكن يريدون التأكد منها 100%
لكي لا يدخل الشك في قلوبهم ... ولكن ناقصها البرهان,,

وهناك ناس شغلتهم تخريب البيوت ,,,
مع تحياتي لك وننتظر الحلقات القادمه على أحر من الجمر ,,,

 

 

[الضياء]

بسم الله الرحمن الرحيم
السلام عليكم ورحمة الله وبركاته
مشكووووووووووووووووووووووووور أخوي جبرني الوقت على هذة القصة الرائعة والجميله
قصة في منتهى الروعه والجمال ننتظر التكمله أخي العزيز فلاتطول علينا ..

أختك / الضياء

 

 

[حامل المسك]

السلام عليكم ورحمة الله وبركاته
أخي جبرني الوقت
بداية موفقة إن شاء الله لكتابة قصصية لكن أعذرني لابد من أن تمارس القراءة لصياغة القصة فبداية القصة لاتكن كمن يفدم قصة لشخص بالعامي قبدل أن تقول كان فيه بنت أسمها أسيل تعيش
تبدأ بهكذا مثلا تخرجت من الثانوية بتقدير أمتياز ألتحقت بالكلية نظرا لنبوغها وتفوقها تعيش أسيل في بيت عرف بالهدوء

أعذرني على قساوة نقدي

 

 

[غربه ..!]

اخي جبرني الوقت تألقت في مواضيع عديده
بدايه تثير لهجة الاعجاب لدى القارئ و نحن نتظر اخر سطور
هذه الحلقات الشيقه نتظر مزيدك

اختك: الامل القادم

 

 

[غربه ..!]

اخي جبرني الوقت تألقت في مواضيع عديده
بدايه تثير لهجة الاعجاب لدى القارئ و نحن نتظر اخر سطور
هذه الحلقات الشيقه نتظر مزيدك

اختك: الامل القادم

 

 

[جبرني الوقت]

اليوم بنزل لكم الحلقه الثانيه
ارد على ردودكم بعدين ان شاء الله لاني مستعجل
وآآآآآآسف لاني تأخرت على مانزلت لكم الحلقه الثانيه ....


تفضلوا.........


الحلقه الثانيه::
أسيل: وش فيك ماتردين ... تعرفينه ولا.....لا
ميساء: إيه أعرفه
أسيلمصدومه) مييييييييييييييييييين
ميساء: ليه وش فيك عصبتي أهدي قبل
أسيل : اللحين ابيك تقولين لي من رقمة
ميساء:هذا رقم واحد متصل على نوره قبل فتره وهي تكلمه الى اللحين
((نوره كانت طالبه مع أسيل في ثالث ثانوي وكانت تكرة أسيل لأنها متفوقه عليها وكل المعلمات يحبونها ))
أسيل: L (وهي تصيح) كل هذا عشاني أخذت نسبه أعلى منها
ميساء: خلاص ياأسيل اهدي وقولي لي وش صاير
أسيل: هذا الرجال متصل بيتنا وطالبني
ميساء: وش تقولين
أسيل : قلت اللي سمعتي
ميساء: ولايهمك آنا أرويك فيها
راحت ميساء لنوره وقالت لها عن الموضوع بس نوره مااعترفت انها تكلم واحد ولا عطته رقم أسيل..... بس ميساء ماسكتت لها كانت تعرف رقم اخوها لانها مره كانت ماخذه جوال ميساء ومتصله على اخوها منه ....
وراحت ميساء مع أسيل البيت ...
كان تركي يحب ميساء وفرح كثير لما شافها ركبت مع أسيل ..
ميساء: السلام
تركي:وعليكم السلام وش اخبارك ميساء وينك من زمان ماشفناك .. وش اخبار عمي واختك روان إن شاء الله كلكم بخير
ميساء: (بصوت منخفض ) الحمد الله كلنا بخير
.................................................. ..............
وصلوا للبيت وكانت أسيل على نفس حالتها متوترة ومكتئبة
دخلت سلمت على امها وحست أم تركي ان أسيل فيها شيء ...
ام تركي:أسيل وش فيك شكلك مو طبيعي
التفتت أسيل عن وجة امها عشان ماتشوف دموعها ..
أسيل:مافيني شيء
وراحت لغرفتها ..
أسيل:ميساء وش بنسوي اللحين
ميساء:أنا عندي رقم أخو نوره... أنتي اخذيه وعطيه اخوك احمد وخليه يكلمه عشان يتأكد انك ماتكلمين احد
أسيل:طيب وش يقول لأخو نوره
ميساء:يقول له يراغب جوال أخته .... ويعطية رقم الرجال اللي طلبك وراح يشوفه مسجل في جوال نوره
أسيل:أوكي بس ان شاء الله يصدقوني أهم شيء ثقة أهلي اذا انعدمت ثقتهم ماراح يبقى لي احد بالدنيا
ميساء:وش دعوه آنا وين رحت
أسيل:انتي بنت عمي وصديقتي واختي بس ولو ثقة الاهل مهمه وخاصة اذا كنتي مظلومه
ميساء:أنتي اللحين قومي وسوي اللي قلت لك عليه
.................................................. ..............
راحت أسيل لأحمد عطته الرقم وقالت له وش يسوي .....
أحمد:راح اسوي اللي قلتي بس ان ماطلع اللي قلتيه صحيح
قاطعته أسيلL:احمد خلك واثق فيني انا اختك ومتربيه عدل
الله يخليك لاتخلي ذا الشيء يفقدك الثقة فيني
حس احمد ان اخته مظلومه بس كان يبي يوصل للي كان متصل وطلبها
أتصل على اخو نوره ..... ((ناصر))
احمد:الو السلام
ناصر:وعليكم السلام
احمد:انا احمد اخو أسيل صديقة نوره اختك
ناصر:هلا آمر وش تبي
احمد:بصراحه آنا ابيك في موضوع ضروري ولازم أقابلك
ناصر:ليه وش فيه ؟؟ وش صاير ؟؟ صاير لأختي شيء!!
احمد:مقدر أقول لك في التلفون لازم اشوفك
ناصر:اوكي بعد العصر نتقابل في مطعم(..........)
احمد:اوكي وراح تعرفني ببلوزه زرقاء عند اول طاوله
ناصر:اوكي اشوفك على خير
.................................................. ...........
صار بال ناصر مشغول وينتظر موعده مع احمد على احر من الجمر يبي يعرف وش الموضوع الضروري......
وطول الطريق يفكر بالموضوع اللي راح يقوله له...
.............................
ووصل ناصر المطعم وشاف احمد ينتظره..
ناصر:السلام
احمد:وعليكم السلام
ناصر:انت احمد صح
احمد:ايوا ... وانت ناصر
ناصر:ايه .. وآسف اني تاخرت
أحمد:اول شي تشرفنا بمعرفتك ... وثانيا أنا جيت بدري أنت ماتأخرت
ناصر:تفضل قول وش الموضوع اللي بغيتني فيه
أحمد:لا .. لازم اضيفك قبل... وش تشرب
ناصر:لا...تسلم مابي شيء بس الله يخليك اعصابي تلفت وش الموضوع؟ اختي نوره فيها شيء؟؟؟؟؟
احمد: أهدأ ........ أول شيء قول وش تشرب وبعدين اقول لك الموضوع
ناصر: اوكي عصير برتقال
احمد: ناصر ابي اعرف وش علاقتك مع اختك نوره ... يعني تجلس معها تتكلم معها من ذا الكلام ؟؟؟
ناصر:ليه وش صاير
احمد:انت جاوب على سؤالي اول
ناصر:آنا طول اليوم بره البيت .. بس حدي اوصلها الكليه وارجعها
أحمد:يعني مامره اخذت جوالها ... او شفت من تكلم
ناصر:ماعمري اخذته منها من شريناه لها
احمد:طيب انا ابيك تراغبها من تكلم
ناصر:ليه واصل لك كلام عن اختي....... اسمح لي ما احب احد يقول عن اختي شيء
احمد:هذي حقيقه ياناصر وانا ماراح اقول لك شيء إلا بعد ماتتأكد من نفسك ...... خذ هذا الرقم واتصل عليه من جوالك عشان تتأكد انه رجال وبعدين اتصل عليه من جوال نوره راح تشوفه مسجل عندها وراح يرد عليك رجال.
ناصر:ما اتوقع ان اختي من ذا النوع.... بس ليه انت من قال لك ومن وين جبت الرقم
احمد:هي تكره اختي وخلت هذا الرجال يتصل بيتنا ويطلب اختي عشان تشوه سمعتها
ناصر:ــــــــــــــــــــــــ
احمد:ليه سكت
ناصر:مااتوقع ان كل هذا يطلع من نوره
احمد: انا سويت اللي علي وابيك تقول وش يصير .. يالله مع السلامه
ترك احمد ناصر مصدوم من كل الكلام اللي قاله ....
.................................................. .....................
رجع ناصر البيت وبس دخل البيت اتصل على الرقم اللي عطاه اياه احمد ورد عليه رجال
وراح لنوره ..
ناصر:عطيني جوالك ابي اكلم جوالي مايتصل
نوره كانت واثقه ان اللي تكلمه ماراح يدق وعطت ناصر جوالها
اتصل ناصر على نفس الرقم وشافه مسجل في جوال نوره بإسم ((توأم روحي ))
رد الرجال عليه وقال: هلا نوره وينك
انصدم ناصر لأن كل كلام احمد طلع صحيح..
ناصر:بلا نوره بلا خرابيط....... انت ترضى لاحد يكلم خواتك يا............
سكر الرجال السماعه في وجه ناصر...
راح ناصر لنوره ومسك شعرها
ناصر: مين اللي تكلمينه
نوره:آآآآآآآآآآآه آآآآآآه ..... م ...م .. مين ..أ...أ....أنا مااكلم احد
ناصرضربها على وجهها) وهذا من رقمه
توترت نوره وقالت : هذا رقم صديقتي
ناصر:توني داق عليه وقال هلا نوره يعني رجال مو بنت لا ويعرفك بعد
نوره:اكيد هي مسجله اسمي بـــ نوره وهو خذ جولها
ناصر:وانا دقيت من جوالي وهو اللي رد علي يعني جوال صديقتك على طول عند اخوها
نوره:ــــــــــــــــــــــ
ناصر:يانوره انا وثقت فيك وامي ابوي وثقوا فيك .. ليه سويتي كذا .. وش اللي ناقصك
نوره:هو اللي داق علي
ناصر:وانتي ليه كلمتيه
نورهL :آنا ماكلمته الا عشان يدق بيت أسيل ويكلم اخوانها واشوه سمعتها.. لان كل المعلمات كانوا يفضلونها علي
ناصر:بصراحه ماتوقعتك كذا يانوره... انا راح اخذ الجوال من عندك هذا آخر ثقتي فيك
نوره L:سامحني وربي ندمانه........ماتوقعت السالفه تكبر ويوصل لك الخبر
ناصر:ماراح اسامحك الا اذا رحتي معي لبيت أسيل واعتذرتي منها واثبتي للكل انك شريفه.
نوره: Lولا يهمك اروح معك ياخوي بس تسامحني
ناصر:قومي اللحين جهزي وانا انتظرك في السياره
.................................................. ...............
اخذ ناصر نوره وراح لنفس المطعم اللي تقابل فيه مع احمد واتصل عليه ....
ناصر:تعال في نفس المطعم اللي شفتك فيه وخل أسيل تجي معك
احمد:ليه سويت اللي قلت لك عليه
ناصر:ايه انت تعال الحين مع اسيل
احمد:دقايق واكون عندك
...............................
احمد:أسيل لبسي عباتك وتعالي معي ابيك
أسيل:وين
احمد:انتي قومي وفي الطريق اقول لك وين
أسيل:طيب ميساء بنت عمي معي
احمد:دقايق وحنا راجعين
ميساء:أسيل اخذي راحتك أنا رايحه البيت
أسيل:لا ميساء روحي معي
ميساء:آسفه اخوك يبيك في موضوع خاص مابي اروح معكم عذريني
أسيل:فيه اسرار بيني وبينك
ميساء:خلاص قلت لك روحي مع اخوك وشوفي وش يبي وأنا بروح البيت
أسيل:ادعي لي يصير اللي في بالي
ميساء:وشو اللي في بالك
أسيل:ان اخواني يعرفون الحقيقه
ميساء:ياأسيل حبل الكذب قصير وبيجي يوم وبيعرفون الحقيقه ....... يالله باي ابوي جا
أحمد:يالله يا أسيل تأخرنا
................................................
راحو أسيل واحمد للمطعم وفي الطريق...
أسيل:وين بنروح
احمد:بنروح لنوره
أسيل((متفاجئه)):وشـــــــــــــــــــــو
احمد:اللي سمعتي........وان شاء الله هناك بنعرف الحقيقه
أسيل:ان شاء الله نوره ماتكذب في شيء
.................................................. ..
وصل احمد جنب المطعم وكانت نوره واحمد ينتظرون بره المطعم
راحت تركض نوره لـ أسيل واحضنتها وكانت تصيح بالحيييييييل ..
نورهL:سامحيني ماكان قصدي وما كنت اتوقع ان السالفه تكبر كذا
أسيل:انا مسامحتك يانوره.. اهم شيء انك اعترفتي بغلطك وصلحتيها
نوره:وربي انك احسن واجمل واروع بنت في العالم
............................
كان ناصر واحمد يطالعون الموقف بفرح
ناصر:وبها المناسبه انا عازمكم على العشاء
احمد:بس على حسابي
ناصر:مره ثانيه .. هالمره على حسابي .. وان شاء الله الجيات اكثر من الروحات
احمد:يالله يابنات روحوا قسم العوائل وطلبوا اللي تبون
أسيل:يالله يانوره امسحي دموعك واضحكي هذا اول يوم نكون فيه مع بعض وان شاء الله مو آخر يوم
نوره:ان شـــــــــــــــــــــاء الله
.................................................. .
دخلوا المطعم وتعشوا وكان احلى يوم في حياة أسيل وبعدين سلمت على نوره وكل وحده راحت لبيتهم ...
.....................
وبس دخلت أسيل البيت شافت امها قدامها سلمت عليها ..
أسيل:هلا يااحلى ام بهالدنيا
ام تركي:هلا فيك حبيبتي ... ايه هذا أسيل اللي اعرفها مو قبل شوي
أسيل :كنت تعبانه شوي
ام تركي:والحين يابنتي ان شاء الله احسن
أسيل:إذا انتي راضيه عني واخواني راضيين عني آنا بخير
ام تركي:انا راضيه عنك طول عمري........ كم أسيل عندي
أحمد:أحم ..... أحم ....... نحن هنا كل ذا الكلام لـ أسوول وحنا وين رحنا
ام تركي: بس بدينا في الغيره ............. خلاص كلكم حبايبي وكلكم راضيه عنكم
دخل خالد عليهم ... خالد كان دايما بره البيت ونادر مايكون موجود في البيت واي شيء يصير هو آخر واحد يدري فيه وكان كسول في كل شيء حتى في الدراسه ظل في الثانويه 6سنوات بدال3 سنوات وابوه قبل مايموت كان دائما يوصي ام تركي وتركي على خالد لانه هو غير عن كل اخوانه...

انتظر ردودكم ... وتفاعلكم ..
وبعدها احط لكم الحلقه الثاثه


تحياتي

 

 

[الضياء]

السلام عليكم ورحمة الله وبركاته
أشكرك أخي جبرني الوقت على هذه القصه الجميله والمثيره
ولك تحياتي الحاره مع التوفيق

[move=left]
أختك الضياء[/move]

<******>drawGradient()

 

 

[البرواز]

تحياتي لك أخي جبرني الوقت

وبانتظار الجديد المثير دائما منك

 

 

[جبرني الوقت]

القلب الكبير..
اسعدني مرورك اخي العزيز
واتمنى ان تتابع القصه اول باول ..

النقيب..
نورت الموضوع عزيزي
وكلامك صحيح %

 

 

[جبرني الوقت]

الضياء..
اشرقت وانرت بردك
اتمنى مواصلتك لقصتي وفرائتها بأكملها

حامل مسك ...
اسعدني ردك
ولكن انتقادك اسعدني اكثر واكثر
ولكن اريد ان اخبرك بانها
اول مره اكتب فيها قصه
حاولت ان اكتبها باللغه العربيه واكنني تقيدت

في المرة القادمه باذن الله ساكتب باللغه العربيه
شكرا لك اخي العزيز

الامل القادم ...
شكرا لك اختي وانتظري القادم


تحياتي

 

 

[جبرني الوقت]

بعد كل هذه الفتره التي غبتها عن المنتدى

توقعت ان اعود وارى
ردود كثيره لقصتي
ولكن لم ارى سوى رد واحد ..


لماذا
الم تعجبكم قصتي
ام ماذا؟؟؟



اشكرك اختي الضياء
جزيييييييييييييل الشكر

تحياتي لك

 

 

[جبرني الوقت]

الحلقه الثالثه ...

دخل خالد عليهم ... خالد كان دايما بره البيت ونادر مايكون موجود في البيت واي شيء يصير هو آخر واحد يدري فيه وكان كسول في كل شيء حتى في الدراسه ظل في الثانويه 6سنوات بدال3 سنوات وابوه قبل مايموت كان دائما يوصي ام تركي وتركي على خالد لانه هو غير عن كل اخوانه...
خالد((من بعيد)): هيييييييي اقول لاتحشون فيني آنا اعرفكم ماتتجمعون الا وتتكلمون عني
ام تركي: خذ لك بس .... الناس يسلمون قبل.. وبعدين يدخلون في الكلام مو جاينا وتصارخ بطول صوتك ..
خالد:حااااااااااااظر بطلع وبدخل مره ثانيه عشان اسلم
طلع خالد ووقف جنب الباب بعدين دخل مره ثانيه وقال السلام عليكم ورحمة الله وبركاته...
ام تركي:وعليكم السلام ... الى متى وانا بعلمك الادب
خالد: اليييييييييييين اصير شايب
ام تركي:ولا تجوز عن سوالفك
خالد((يهمس في اذن احمد)):وش صار في موضوع أسيل
احمد:ياخالد ماراح تلقى اخت مثل أسيل بصراحه اليوم كبرت في عيني واقدر افتخر ان عندي اخت مثل اسيل
ام تركي:وش فيكم تتهامسون وش عندكم.... صاير شيء
خالد:هاه...لا ..م..م..م...ماصار شيء
ام تركي:وش فيك ارتبكت وش صاير
خالد:لا....ولا شيء بس اقول لأحمد وين تركي
ام تركي:تركي الله يحفظه راح يجيب اغراض للبيت
أسيل:انا بقوم أنام تآمروني على شيء
خالد:مانبي غير سلامتك
احمد:نوم العوفيه أسوله
ام تركي: وانا قايمه انام .. تصبحون على خير
احمد+خالد:وانتي من اهل الخييييييييير
خالد: يالله قول لي وش صار
احمد:قلت لك اختي مالها ذنب وحده معها في الكليه عطت الرقم واحد وقالت له اتصل على ذا الرقم واطلب أسيل
خالد:مين هاذي قل لي من بنته خلني اروح أأدبها
احمد:خلاص الله يستر علينا وعليها هي ندمت على اللي سوته وان شاء الله ماراح تعيده
................................................
دخل تركي ومعه اغراض واااااااااااااجد
تركي:هلا والله بالاخوان
احمد:هلا فيك تحتاج مساعده اخوي
تركي:خلك انت ابيك ...... خذ الاغراض وودهم المطبخ
خالد:الحين هو يقول لك بيساعدك... تقول لي آنا اودي الاغراض المطبخ
تركي:اقول قم للحين بالعقال ... صرت وش كبرك للحين كسل
خالد:زيييييييييين لاتاكلنا
تركي: ايوه مره ثانيه تأدب وروح اللحين ابي اكلم احمد
خالد:بس لاتتكلمون عني... زين
تركي:الحمدالله والشكر كله خايف نتكلم عنك .. من زينك رح بس رح
خالد:انا بروح بس مثل ماوصيتكم
يقوم تركي ويقط على خالد الدبدوب اللي على الطاوله
ويروح خالد يركض وهو يقول طفشتهم حركات ..... ههههههههههههه
تركي:وش ذا البلشه بذا الاخو
احمد:آمر وش فيك
تركي:يااحمد ماابيك تكرر اللي صار مع أسيل ...... هذي اختي وما ارضى عليها
احمد:اعتقد انها اختي مثل ماهي اختك
تركي:انا عارف .. بس مو لازم نقسى عليها ... الواحد يجي بإحترام مو تجي على طول وتتهمها تأكد من الموضوع قبل بعدين سو اللي بتسويه
احمد:اوكي... انا آسف وان شاء الله ماتنعاد
تركي:مابي ذا الشيء ينعاد مره ثانيه ..... وابيك على طول تصير قريب من أسيل اذا كنت انا بعيد وانتبه لخالد لاتخليه على طول بره البيت ترى عليه حركات ذا الايام ولاتنسى ان ابوي موصينا عليه
احمد:ولا يهمك لاتوصي حريص......... يالله قوم نام صارت الساعه وحده
تركي:يالله تصبح على خير
احمد:وانت من اهله
........................اليوم التالي............................
ام تركي: يالله يا أسيل تعالي فطري
أسيل: مابي مستعجله تأخرت وتركي طلع اللحين بيمشي عني
ام تركي:شربي لك حليب يابنتي لاتروحين وانتي جوعانه
أسيل:بشرب شوي بس وبروح
ام تركي:الله يحفظكم ان شالله ويخليكم لي
أسيل: ولايحرمنا منك ياااااااااارب.. يالله يمه مع السلامه
...............
تركي: وش فيك تأخرتي
أسيل:امي مو راضيه اطلع الا اذا فطرت
تركي:محتاجه شيء أسيل ناقصك شيء
أسيل:لا.......سلامتكم اذا بغيت شيء بقول لك
تركي:وعد
أسيل:وعد
تركي:إلا اقول امس ميساء من وصلها
أسيل:عمي جا وخذها
تركي:أسيل وش رايك في ميساء
أسيل:من أي ناحيه
أسيل:بصراحه ماعليها كلام بنت مؤدبه وخلوقه وجميله وكل واحديتمناها واولهم انت صح
تركي:ياربي على طول تفهميني
أسيل:أصلا انا كنت حاسه من زمان
تركي:طيب وهي تبادلني نفس الشعور ولا ....لا
أسيل:والله مـــــــــدري
تركي:الحين انتي كله معها وماتعرفين من تبي
أسيل:ماتتكلم في ذا المواضيع ومااتوقع فيه احد في بالها غيرك
تركي:الحمد الله ريحتيني..... يالله نزلي
أسيل:يالله باااااااي ..... ولا تتأخر الظهر
.................................
دخلت أسيل الكليه وكانت ميساء تنتظرها تبي تعرف وش صار
ميساء:وش فيك تأخرتي شغلتي بالي عليك
أسيل:تركي كان يتكلم معي في السياره
ميساء:ماعلينا من تركي... قولي لي وش صارمع نوره
نوره:السلااااااااام
ميساء:نووره!!! وعليكم السلام
نوره:اكيد بتستغربين لاني امس غير واليوم صرت غير بس أسيل عطتني درس عمري ماراح انساه
ميساء:الله يسامحك يانوره ليه سويتي كذا
نوره:خلاص ميساء لاتذكريني يكفي ماجاني من ناصر وكل واحد يغلط ويجي يوم ويعرف غلطته مثل ماقالت أسيل
أسيل:اقول يابنات ورى ماتغيرون الموضوع ونروح لمحاظراتنا احسن لنا
...........................
دخلوا المحاظره وكانت طووووويله ماطلعوا الا النوم في عيونهم ..
أسيل:اليوم ماعندنا الا محاظره وحده لوأني غايبه أحسن لي
نوره:لاتكثرين غياب ياأسيل خليه للأختبارات احسن
أسيل:ايه والله صدقتي
نوره:يالله باي جا ناصر
أسيل:نشوفك بكره........ميساء من بيجيك اليوم عمي ولا خالك
ميساء:مدري والله
أسيل:تعالي معي اوصلك
ميساء:لا......فشيله كل يوم يوصلني تركي
أسيل:بالعكس هذا اللي يبي
ميساء((منزله راسها في الارض)):ايش
أسيل:اقول اعترفي بس انك تحبينه
ميساء:اقول سكتي ولا بقوم
أسيل:ايواااااااااااااااااااا على اللي يستحون بس هههههههههههه
ميساء:ترى والله بقوم
أسيل:لالا خلاص يالله أمشي جا تركي هذا هو دق علي ........ألو هلا تركي
تركي:يالله ساعه وآنا واقف على الباب
أسيل:دقايق بس اقنع ميساء تجي معي
تركي:ليه مو راضيه تركب معي ؟
أسيل:تقول احراج كل يوم توصلها
تركي:الا شرف لي اوصلها كل يوم
أسيل:سمعتي ياميساء يقول شرف له يوصلك كل يوم
ميساء:مايقصر والله
تركي:اقول لاتطولون يالله بس طلعوا
................
وصل تركي ميساء لبيتهم وفي الطريق شاف احمد واقف وسيارته خربانه...
تركي:هههههههههههههه انت مع ذا السياره اللي كأنها وجهك وش فيها
احمد:اقول لاتغلط
أسيل:ماغلط ماقال الا الصدق
أحمد:اقول انتي سكتي للحين اجيك
اسيل: لا تكفى خلاص بنسكت
تركي:وش فيها سيارتك
احمد:البنزين خلص ومامدانا اوصل للمحطه
تركي:هههههههههه البخيل تخليها تفضى وبعدين تروح تعبي
احمد:ماانتبهت انه بيخلص
تركي:بروح اجيب لك بنزين وبرجع
احمد:انتظرك
................
راح تركي جاب بنزين لـ احمد وشغل سيارته وراحوا للبيت واسيل مثل عادتها اول ماتدخل تدور على امها بس في هاليوم .. قامت اسيل تنادي لـ أمها بس محد رد عليها أسيل خافت وقامت تصارخ..
أسيل:يمه..... يمه .... وين رحتي
تركي:وش فيك وينها امي
احمد:يمكن طالعه
أسيل:انا اعرف امي موعادتها تطلع في ذا الوقت
تركي:لاتخافين ان شاء الله خير
أسيل:آنا حاسه ان امي فيها شيء
احمد:بروح اجيب لك ماي بس انتي اهدي

وش تتوقعون راح يصير ...
انتظر ردودكم
وبعدها انزل لكم الحلقه الرابعه ..


تحياتي

 

 

[جبرني الوقت]

بما انني لا ارى تفاعل في الردود
وبالأحرى في القصه
قررت بأن اضع لكم القصه بأكملها في جزئين
حتى لااضيع حق القراء
لاني ارى عدد القراء اكثر من عدد الردود

تفضلوا ...

الحلقه الرابعه ..

أسيل:آنا حاسه ان امي فيها شيء
احمد:بروح اجيب لك ماي بس انتي اهدي
راح احمد المطبخ واول مادخل شاف امه طايحه على الارض
طلع من المطبخ وهو يصرخ..
اسيل تركي تعالوا بسرعه امي هنا في المطبخ
أسيل:لااااااااااااااااا يمه وش فيك
تركي:تعال بسرعه نوديها المستشفى
....................
دقوا على خالد وراحوا كلهم المستشفى
وكان الكل ينتظر الدكتور يطلع ويطمنهم عن امهم
وبعد نص ساعه طلع الدكتور والكل قام له بحزن ينتظرونه يتكلم
تركي:هاه دكتور وش اخبار امي
الدكتور:امك محتاجه تظل في المستشفى عشان فحوصات محتاجين نسويها
تركي:ليه وش فيها امي
الدكتور:حنا شاكين في شيء ونبي نتأكد منه
تركي:آنا ولدها وياليت تقول لي عن حالة امي اول باول
الدكتور:بعد مااخلص كل الفحوصات والتحاليل ان شاء الله اطمنك
أسيل:وش قال الدكتور
تركي:يقول محتاجه بعض الفحوصات وان شاء الله تكون بخير
احمد:الله يشفيك يايمه ويقومك بالسلامه ان شاء الله
..........................
وبعد الفحوصات والتحاليل الدكتور نادى تركي ..
الدكتور:ياليت تكون قوي عشان اللي بقوله لك..
تركي:ليه امي وش فيها
الدكتور:امك عندها سرطان في الدم
تركي:لا....لا....لا...لا...لا
الدكتور:لو جايه قبل فتره كان قدرنا نساعدها بس اللحين مانقدر بعد ماانتشر المرض في كل جسمها .. ومالها علاج غير الدعاء ان الله يشفيها
.................................................
كانت أسيل واقفه جنب الباب واسمعت كل الكلام اللي قاله الدكتور وراحت تركض وهي تصيح..
ودخلت على امها وهي مازالت فاقده الوعي ..
أسيل:يمه الله يخليك لاتخليني
مالي غيرك يمه... يمه وين اروح اذا رحتي عني..ليه ماقلتي لي انك تعبانه
ليه تتحملين لما اقول لك وش فيك تقولين الم بسيط ويروح ليه يمه ... ليه .. ليه ...ليه
احمد:اسيل لاتزعجين امي خليها ترتاح قومي نروح البيت الحين ونجي لها بكره
أسيل:لا...مقدر اخلي امي بروحها هذي امي هذي الغاليه
احمد:أهدي انتي اللحين تعبانه روحي البيت ارتاحي وتعالي بكره إن شاء الله تكون امي صحت
ورجعوا للبيت كانوا كل اللي في البيت حزينين
والكل دخل غرفته من غير اكل ....
طلع تركي شرى لهم عشاء ...
تركي:أسيل,احمد,خالد تعالوا تعشوا
أسيل:آنا مابي شيء
خالد:ولاآنا
احمد:ليه تشتري عشا محد قال لك نبي
تركي:امي ان شاء الله بتقوم بالسلامه
الكل مانام في ذا الليله وكانوا ينتظرون الصباح متى يجي عشان يروحون يشوفون امهم وكانت الليله طويله بالنسبه لهم...
بعد آذان الفجر صلت أسيل وعلى طول راحت لتركي ..
أسيل:يالله نروح لأمي
تركي:انتظري للساعه 6
أسيل:مقدر انتظر اكثر من كذا
تركي:اوكي جهزوا يالله انتظركم تحت في السياره
راحوا للمستشفى ودخلوا على امهم وكانت متغيره من المرض اسيل راحت تركض
واحضنت امها وهي تصيح 
أسيل:تقومين بالسلامه يالغاليه
أحمد:يمه....يمه...تسمعيني
حركت ام تركي راسها لــ احمد ابتسمت اسيل وقالت ماتشوفين شر يالغاليه
ام تركي:تركي.... وين تركي
خالد:الحين بيجي .. بيوقف السياره وبيجي
طلع احمد ينادي لـ تركي... وقال له تعال بسرعه امي تبيك
تركي:هلا يمه الحمد الله على السلامه يالغاليه
ام تركي:ياولدي انا احس ان نهايتي قربت
((قاطعتها اسيل بصوت مرتفع)) : يمه لا .. لا تقولين كذا جعل يومي قبل يومك ..ان متي بموت وراك يمه
ام تركي:خليني اكمل يابنيتي...... تركي ابوك قبل مايموت وصاني فيكم والحين آنا اوصيك على اخوانك
تركي:يمه لاتكملين الله يخليك لنا ان شاء الله
ام تركي:ياعيالي ... الموت حق...وانا ابي اموت... وانا متطمنه عليكم ...
سكت الكل وهم يطالعون في امهم وكانت تتألهم وهم حاولوا يتكلمون معها عشان يخففون عليها الالم................
..... وفجـــــــــــــــــــــــــأه .............
سكت صوت الام والتفت أسيل لـ أمها
صرخت بصوت عاااااااااااااااااااااااااااااااااالي
لا........ يمه ........ لا .....لا .........لا
ليه تخليني بروحي يمه الله يخليك اخذيني معك مالي احد غيرك بها الدنيا ....يمه ردي علي يمه ...يمه ... يمه ..
خالد: يمه ردي علينا يالغاليه
احمد:ان لله وان اليه راجعون
تركي:لاحول ولاقوة الا بالله العلي العظيم ... يالله احمد اخذ اسيل وروحوا للبيت
احمد:يالله اسيل قومي نروح البيت
أسيل:ان شاء الله ياخوي بس ابي اشوف امي قبل ماامشي
احمد:خلاص ماتقدرين تشوفينها
......................
احمد وصل اسيل للبيت وراح مع تركي وخالد يخلصون اجراءات الدفن
*********
دخلت اسيل البيت وصارت تطالع البيت وهي تصيح وتقول ..
حتى البيت يايمه مظلم بدونك رحتي عنا ياشمعة البيت ومابقى غير ريحتك يالغاليه ...
وفي ذا الوقت دخلت ميساء على اسيل بعد ماتصلت على تركي وأسئلته عن ميساء ليه ماجات الكليه وليه مقفله جوالها .. وقال لها ان امه توفت ...
ميساء:عظم الله اجرك ياأسيل
أسيل:اجرنا واجرك .. راحت الغاليه ياميساء راحت شمعة البيت
ميساء:هذا امر الله ياأسيل وكلنا بنروح في هاا لطريق
.................................................. .....
خلصت مراسم العزاء ومازالت أسيل على حالتها ماتاكل ولا تشرب وماتطلع من غرفتها
وكان تركي يحاول يطلعها من الحزن اللي هي فيه بس محد قدر منهم كانت على طول ماسكه صورة امها وتصيح...
تركي:كلنا مو قادرين على فراق امي بس ماسوينا مثلك
أسيل:هذي امي تعرف يعني شلون امي
تركي:وهي امي بعد ... بس الموت حق وكلنا بنموت .... يالله قومي نزلي اكلي لك شيء شوفي وجهك كيف صار
أسيل:مالي نفس آكل شيء
تركي:انا حفظت ذا الجمله من كثر ماأسمعها ...... ماابيك تقولين شيء ابيك تقومين وتغسلين وجهك وتنزلين تتعشين معي ومن بكره تروحين الكليه ولا تنسين ان امي الله يرحمها موصيتني عليكم ولازم انفذ وصيتها
أسيل:ان شاء الله ... بروح بكره الكليه
تركي:ايه هذا اسيل اللي اعرفها .... ضحكي تصيرين احلى
أسيل:ادري اصلا انا حلوه من زمان
تركي:بلا دلاعه وغرور قومي تعشي ونامي عشان تروحين الكليه
نزلت أسيل تتعشى مع اخوانها وشافتهم كلهم جالسين على الطاوله ينتظرونها..
خالد:هلا والله بأحلى اخت
احمد:ايه الحين الواحد يقدر ياكل وهو مرتاح
أسيل:الله.......... كل هذا لي
تركي:تستاهلين اكثر
خالد:الحين شلون ناكل ولا ......لا .. تراني ميت من الجوع
أسيل:تفضلوا أكلوا أخذوا راحتكم
كانت هي اول ليله يجتمعون فيها مع بعض من بعد وفاة امهم ...
................ اليوم التالي ......................
صحت أسيل بدري وجهزت لاخوانها الفطور نزل تركي وشاف اسيل مجهزه الفطور على الطاوله..
تركي:ماشاء الله صاحيه بدري اليوم .. ان شاء الله بتروحين الكليه
أسيل:ايه .. اذا ماسمعت كلام اخوي الكبير من اسمع كلامه
تركي:الله يوفقك ان شاء الله ويرزقك ولد الحلال
أسيل:اقول اسكت ورح جلس احمد وخالد
تركي:احمد صلى الصباح ومانام جالس يقرا قرآن فوق
أسيل:وخالد وش يسوي
تركي:خالد اوووووووه اللحين في سابع نومه البارح مانام الا الساعه 3 كان يطالع التلفزيون
أسيل:الله يهدي ذا الاخو.... بروح آنا بصحيه
دخلت أسيل لغرفة خالد وكانت مقلوبه فوق تحت البطانيه في جهه والشماغ في جهه وثياب في جهه واشرطه ..... و...و كل شيء مرمي على الارض..
أسيل:بل بل بل بل مدرى متى انت بترتب ذا الغرفه....... خالد يالله قوم روح الكليه الساعه صارت 6
خالد:اقول طلعي بره وخليني آنام
أسيل:خلاص قم مافيه نوم عشان الليله تنام بدري ماتسهر على التفزيون
خالد:اووووووووووف وش دخلك انتي طلعي بره
أسيل((تصارخ)):تركي تعال جلس خالد مو راضي يقوم
جاء له تركي وفي يده كاس ماي ..
تركي:بعدي شوي عنه آنا اعلمك فيه
أسيل:1...2...3
ويكب تركي الماي على خالد
خالد:هيييييييييييييييييي هييييييييييي وش فيكم وش صاير
أسيل:ههههههههههههههه
تركي:اقول قم رح الكليه لاجيب لك خزان ماي
احمد:وش ذا الصراخ من الصبح
تركي:اخوك الحلو مو راضي يقوم
احمد:انا عمري ماشفت واحد كسل مثل خلّود
خالد:زيييييييييييييييييييييين..... ازعجتونا هذا قايم
أسيل:وليه غرفتك كذا
خالد:حبيبتي أسوله.....لاتعصبين.....بس الله يسلمك انتي ترتبينها لي
أسيل:اقول تأدب ورتب الغرفه بنفسك فاهم
خالد:اووووووووووووف وش ذا الحاله محد يسمع كلامك في ذا البيت
احمد:ههههههه اسمع من يتكلم بس
أسيل:ايه والله انت اسمع كلامنا قبل بعدين نسمع كلامك
تركي:يالله انا بنزل بفطر انتظركم تحت
خالد:تركي ابي فلوس سيارتي مافيها بنزين
تركي:انا ابي اعرف انت وش تسوي بالفلوس
خالد:آكلهم ........ يعني وش اسوي فيهم كلهم حق السياره
احمد:انت فكنا خلص الكليه ياكسول عشان تشتغل وتخلصنا من طلباتك
خالد:ايه يعني اسول احسن مني كل ماتطلب شي عطيتوها
تركي:أسيل بنت ومحتاجه نكون معها ونساعدها..وانت رجال لازم تنجح وتشتغل
أسيل:يالله تركي تأخرنا على الكليه
.............................................
راحت أسيل الكليه بعد ماغابت اسبوع عشان وفاة امها واستقبلتها نوره وميساء...
نوره:توها منوره الكليه
أسيل:منوره بوجودكم
ميساء:وربي اشتقنا لك
أسيل:وأنا اكثر..... اقول كتبتوا لي المحاظرات اللي طافتني
ميساء:اكيد ...... حنا في الخدمه
أسيل:ماتقصرون
أستأذنت نوره ودخلت لمحاظرتها وكانت نوره في قسم غير وميساء واسيل في قسم غير
ميساء:وش اخبار اخوانك
أسيل:كلللللللللهم بخير الا واحد
ميساء:مين
أسيل:ماتعرفينه يعني
ميساء:من تقصدين
أسيل:قصدي تركي
ميساء:وش فيه
أسيل:مريييييييييض مسكين
ميساء((خايفه)):ليه عسى ماشر وش فيه
أسيل:يمه..يمه..وش فيك خفتي .... هو مريض بحبك
ميساء:خوفتيني فكرت فيه شيء
أسيل:كل هذا حب
ميساء:قومي يالله بدت محاظرتنا
أسيل:لاتغيرين الموضوع ... ابيك اليوم ترجعين معي البيت عشان نروح العصر البحر
ميساء:وانتي كل يوم تبيني اجي بيتكم
أسيل:وراح يصير بيتك قريب ان شاء الله
ميساء:خلاص اسيل
أسيل:خلاص بسكت بس تجين معي اليوم
ميساء :خلاص بجي معك عشان ابعد عن ازعاج روانوه في البيت بس غيري الموضوع
وبعد محاظرات طويله تلاقوا ميساء وأسيل بنوره..
نوره:بكره عيد ميلادي ياليت تجون
أسيل:ولووووووو ان شاء الله راح نجي
نوره:وعد
أسيل:وعد
ميساء:انتي من صجك تبيني اروح البحر معك انتي وتركي
أسيل:ايه اجل امزح معك..
ركبت ميساء وأسيل السياره .. وكالعاده تركي طار من الفرحه لما شاف ميساء..
أسيل:عندك شيء اليوم
تركي:حتى لو عندي افضى لك كم أسيل عندي
أسيل:ابي اروح البحر
تركي:ولايهمك نروح
................................
نزلوا البيت وتغدوا وفي العصر تجهزوا اسيل وميساء عشان يروحون البحر......
كان الجو حلو في ذاك اليوم وأسيل كانت تبي تقرب بين ميساء وتركي عشان كذا خذت ميساء معهم البحر.........
واول ماوصوا نزلت اسيل تركض للبحر...
تركي:شوي شوي فشلتينا
أسيل:مشتاقه للبحر من زمان ماجيت ..... وش رايك تتسابق معي
تركي:اقول لاتتحديني ترى اسبقك
أسيل:خلاص اتحداك وميساء الحكم بينا
ميساء:يالله 1.. 2.. 3
ركضت اسيل وتركي .. واسيل هي اللي سبقت تركي..
اسيل:شفت سبقتك
تركي:آنا خايف الجوال يطيح من جيبي وعلي الشماغ ولا كان سبقتك
أسيل:اوكي عطني الشماغ احطه على الطاوله والجوال عطه ميساء
بس هذي المره تركي سبق اسيل
اسيل:لا...لا..انا سبقتك اول
تركي :وآنا سبقتك الحين
ميساء:خلاص اثنينكم فزتوا
اسيل:احلى حكم ياميساء ههههههههههههههههه
ترك تركي اسيل وميساء لوحدهم يتمشون جنب البحر وراح دق على احمد وخالد وقال لهم يجون البحر لانهم بيتعشون هناك.
أسيل:تركي اتصل على ناصر قل له يجي ويجيب معه نوره
تركي:من ناصر
أسيل:اخو نوره صديقتي
تركي:مااعرف رقمه
أسيل:احمد يعرفه قول له يدق على ناصر ويقول له يجيب نوره معه
تركي:خلاص بكلمه روحي جنب ميساء
أسيل:ماتبيني اقول لها شيء
تركي:قولي لها روحي يبيك تركي
أسيل:ايييييييييييييش
تركي:وش اسوي لك يعني وش تبيني اقول لها
أسيل:ماتبيني اوصل لها شيء هنا ولا هناك
تركي:لا.... بس سلمي عليها وروحي جنبها بسرعه لا تخلينها بروحها
أسيل: يسلم عليك تركي
ميساء:الله يسلمك ويسلمه... وش قال لك
أسيل:قال لي اللحين بتجي نوره ....ومعهاناصر واحمد وخالد
ميساء:ليه بنتعشى هنا
أسيل:ايه ويقول بيجون يشوون هنا
ميساء:أخاف اتأخر عن البيت
أسيل:عمي خليه علي ماراح يقول لك شيء
...........................
وصل ناصر ونوره وكانت اسيل فاتحه وجهها وجالسه جنب تركي,وميساء جنب البحر ومانتبهت لناصر وشافها من بعيد وقام يطالعها من غير مايتكلم ويوم قربوا تكلم ناصر .. وتغطت اسيل واستقبلت نوره وراحوا جنب ميساء ...
أسيل:حيا الله نوره
نوره:الله يحييك...من متى وانتوا هنا
أسيل:قبل ساعتين
ميساء:هلا والله باللي لفا
نوره:هلا فيك
ميساء:انا تعبت وانا جالسه خلونا نتمشى شوي
نوره:ايه والله انا مااحب اجلس كثير
أسيل:طيب تكلموا مايصير نمشي وحنا ساكتين
ميساء((تأشر لـ سيارة احمد)):أسيل شوفي السياره اللي وقفت جنب تركي وناصر
أسيل:هذا احمد وخالد وصلوا
نوره:انتي كم اخو عندك
اسيل:ثلاثه
نوره:الله يخليكم البعض
..........................
تركي:يالله ياخالد جهزوا الاغراض عشان نشوي
خالد:كل شيء انا واحمد ليه جاي
تركي:كلنا بنشتغل مو بس انت
احمد:اقول اخذ الكبريت وشغل الفحم وانت ساكت
خالد:بسوي لكم اكل بس نصه لي والباقي كلكم فيه
ناصر:هههههههههههههه والله مو مبين عليك ...ضعيف وبتاكل نص اكلنا
احمد:ماعليك منه مايبين عليه ياكل اكلنا كله ولا يمتن
خالد:علي بالعافيه حتى في اكلي بتطالعوني
تركي:عليك بالعافيه ماقلنا شيء بس استح على وجهك واحترم الضيف اللي جاي وقل نص الاكل له والباقي لنا مو تخاف على بطنك ..
ناصر:لا ولوووو احنا اخوان
احمد:خالد وين الصحون خل نحط للبنات
خالد:في السياره مانزلتهم
تركي:آنا بروح اجيبهم
احمد :يالله ياأسيل تعالي اخذي عشاكم
اسيل:انتوا جلسوا وانا بروح اجيب العشاء
ميساء:بقوم معك بساعدك
اسيل:مايحتاج خالد بيقربه لي وانا بجيبه هنا
خالد:اخذي يالدبه ولا تشبعين من الاكل
اسيل:والله هذا انت مو انا
خالد:من البنت الكشخه اللي معكم ..روان بنت عمي ولا غيرها
أسيل:ولا تجوز عن سوالفك عيب لاتطالع في بنات الناس هذي صديقتي
خالد:زين يالله ودي لهم العشاء
أسيل:يالله تفضلوا
ميساء:زاد فضلك
وبعد العشاء وبعد ماتعرفوا تركي وخالد على ناصر سلموا على بعض وكل واحد ركب سيارته وراحوا البيت..
...........................
وفي اليوم الثاني قبل ماتطلع نوره من الكليه اكدت على ميساء وأسيل انهم يجون حفلة عيد ميلادها..
............وفي العصر...
أسيل:يالله خالد بسرعه ابيك توصلني بيت ناصر
خالد:ليه وش عندك هناك
اسيل:عيد ميلاد نوره عازمتنا
خالد:دقايق ابدل ملابسي واوصلك
......... وفي السياره ...........
أسيل:مر على محل الورد ابي اشتري لها
خالد:والله حاله انتي قلتي بيت نوره بس ... ماقلتي محل الورد يعني محل واحد
اسيل:يعني في طريقك وش راح يصير اذا شريت
خالد:ماراح يصير شيء سكتي خلاص بنشتري لك
شرت اسيل الورد ولما راحت شافت كل صديقاتها وصلوا قبلها ...
اسيل:هلا ميساء وين نوره
ميساء:مابعد تدخل
اسيل:تفكر روحها عروس لا تطول بس مابي اتاخر
ميساء:وش عليك منها خليها تفرح

وفي ذا الوقت دخلت نوره وكانت رووووووووعه بالفستان الاحمر والشعر الطويل ..
أسيل:واااااااااااااااو... ايوا على الحركات يانوير
نوره:وش رايكم
ميساء:بصراحه روووووووعه
نوره:تسلمون عيونكم الحلوه
أسيل+ميساء:كل عام وانتي بخير
نوره:وانتوا بخير
بعد ماكلوا الكيك وعطوا نوره هداياها وصوروا معها ..
راحت اسيل المطبخ عشان تبي تساعد نوره في تنظيف البيت قبل ماتمشي ..
دخلت وهي ماتدري ان فيه احد
كان ناصر داخل المطبخ ............... التفت ناصر وشاف ملاك واقف وراه
اسيل تجمدت في مكانها وصاروا اثنينهم يطالعون بعض من غير مايحسون وناصر انتبه لنفسه لف عن اسيل وعطاها ظهره....
اسيل راحت تركض ومن الفشيله صارت تقوم وتطيح ..
نوره:وش فيك
اسيل:دخلت المطبخ كنت ابي اساعدك وكان موجود هناك ناصر ...ياربي فشيييييييييله
ميساء:هههههههههههه....تستاهلين
نوره:محد قال لك تتليقفين وتساعديني آنا ماابي اتعبك
أسيل:لا وش دعوى تعبك راحه ........ يالله هذا خالد جاء ان شاء الله سنة خير لك اشوفكم على خير مع السلاااااااااااااااااااامه ..
راحوا معازيم نوره ورتبت البيت بعد الحفله وجا لها ناصر ..
ناصر:مين اللي دخلت علي المطبخ
نوره:الحين انت وش جابك البيت آنا قلت لك اطلع عندي بنات
ناصر:كنت نايم ونزلت آكل لي شيء وبطلع... ماقلتي لي من اللي دخل علي المطبخ
نوره:هذي اسيل
ناصر:ماشاء الله عليهاحلوه طالعه على اخوانها ... انا من اول ماشفتها كانت عاجبتني
نوره:والله بنت ولا كل البنات... وش رايك اخطبها لك
ناصر:لا خليني اكون نفسي قبل ...... وحتى لو قلتي لها عني ماراح تحطني في بالها لانها ماتعرف عني شيء.
نوره:خلاص آنا راح اتكلم عنك قدامها كثير عشان تفكر فيك
ناصر:والموقف اللي صار قدامي بينك وبينها وعلاقتها مع اخوانها يثبت لي ان اخلاقها حلوه
نوره:قلت لك ماراح تلقى احسن من اسيل
.......................................
وفي بيت اسيل
تركي:وين خالد
اسيل:مدري وصلني وطلع
تركي:يااحمد انتبه لخالد اشوف طلعاته كثيره
احمد:لاتخاف عليه حصان
تركي:انا حاس ان اصدقائه عليهم حركات مو حلوه ياليت تكلمه انت يسمع منك اكثر مني.
اسيل:وانا في السياره سلم واحد عليه وكانوا يتكلمون بألغاز مافهمت لهم شيء
تركي:انا راح اسوي اللي علي وانصحه والباقي عليكم
وفجأه سمعوا صوت سياره تفحط جنب البيت .....
تركي:ذا الشباب مايخافون على نفسهم ولا على الناس .... والابو مسكين يحط فلوس في ذا السياره..... والولد كل دقيقه يبه عطني فلوس..
فتح خالد الباب .. وسكره بالقوه
احمد: ...... شوي شوي
خالد:فاتكم التفحيط اللي سويته مع فيصل
تركي:يعني انت اللي مفحط قبل شوي
خالد:ايوا.....شفتوني.... اعرف افحط صح
تركي:لا ويفتخر بعد
احمد:خلاص خالد مالك مصروف من اليوم اذا ماتركت ذا الشله
خالد:ليه وش فيها... وش مسوي آنا اللحين ذابح لي واحد
تركي:يعني تنتظر لين تذبح لك واحد
خالد:كل الشباب يفحطون آنا مو اول واحد ولا اخر واحد
احمد:وانت تقلدهم ..... الشباب بيقطون نفسهم في النار تقط نفسك وراهم
خالد:اووووووووووووه مو حاله ذي كل شي ممنوع في ذا البيت
تركي:حنا نبي مصلحتك.....لوكان ذا الشيء ينفعك ماكلمناك
وصار تركي واحمد كل يوم على ذا الحال مع خالد
صراخ وهواش وفوضى.......... بس خالد ماكان يسمع كلامهم ..
ويوم من الايام راح خالد مع اصدقائه فيصل ونادر لمجمع يتمشون...
فيصل:اشوف المجمع فاضي مافيه بنات
نادر:اليوم آخر يوم في الاختبارات نجي بكره اكيد يصير زحمه
فيصل:لا...لا...تعالوا فيه بنات هناك
راحوا جنب البنات وكانوا ثلاث بنات....
فيصل:ياخالد يالله خلك رجال هالمره ورح انت عطهم رقمك
خالد:لا....آنا اخاف
نادر:الى متى انت بتظل تخاف ..... اجل ماراح تكبر اقول لك رح وعطها الرقم ونشوف وش يصير
خالد:اذا صار شيء على مسؤليتكم
فيصل:ماراح يصير شيء انت اكتب الرقم في ورقه ورح عطهم اياه
كتب نادر رقم خالد في ورقه وعطاه اياه وقال له يالله خل قلبك قوي ورح جرب حظك......
قرب خالد جنب البنات وقط الورقه بس البنات ماانتبهوا للورقه وخالد يفكرهم خذوها...
طلع من المجمع والورقه على الارض ومروا شباب على الورقه وشافوا الرقم ...
اخذه واحد منهم وراح كتبه على الجدار وكتب فوقه نفس اللي مكتوب في الورقه وهو اسم خالد....
وفي يوم من الايام دقت بنت على خالد..
البنت:الو ..السلام
خالد:هلا والله وعليكم السلام
البنت:وين خلود
خالد:انا خلود
البنت:لو سمحت وين خلود
خالد:انتي متأكده تبين خلود
البنت:ايه ......انت اخوها خالد
خالد:اهااااااا...وصلتي يعني انتي داقه تبين خالد
البنت:لا..أنا ابي خلود
خالد:ذا الحركات مو علينا.. وترى خلود ماتت
البنت:متى ماتت انا توني مكلمتها البارحه >>>>> ((((كذااابه)))
خالد:قبل نص ساعه ماتت
البنت:اوكي مع السلامه
سكر خالد وقام يضحك وكان معتقد ان هذي وحده من البنات اللي قط عليهم الرقم مايدري ان رقمه مكتوب على جدار وذالبنت سجلته عندها من الجدار...
البنت عجبتها الشغله ووزعت رقم خالد على صديقاتها وصار جوال خالد مايسكت على طول يرن وكل وحده تدق تطلب خلود...
ومره كان خالد نايم ورن جواله وكانت اللي داقه بنت بس غير عن كل بنت تدق ...
البنت:الو السلام.. وين خلود
خالد:انتي عاشر وحده تدقين تطلبين خلود من وين لك رقمي
والبنت صارت تاخذ وتعطي مع خالد ...
وفي ذا الوقت مر احمد جنب غرفة خالد وسمعه وهو يكلم...
دخل احمد على خالد........خالد على طول سكر الجوال..
احمد:من هذي
خالد:هذا واحد بس....ا....ا.. اكلمه مثل بنت
احمد:تذكر ياخالد لما دق واحد وطلب اسيل وش سوينا انا وانت ..... تذكر كيف عصبت لانها اختك وماتوقعت تسوي كذا ... وفي الاخير طلعت مظلومه ... ليه ياخالد بس لان الرجال يقدر يشيل عيبه ... ليه انت ماعندك اخت تخاف عليها وآنا قلت لك من اول ذا الشه اللي معك لازم تغيرها ماعندكم الا سهر لنص الليل وعلى طول في المجمعات وآخر شيء تكلم بنت .... ياخالد ترى بنات الناس مو لعبه
خالد:هههههههههه...كل ذا المحاظره عشان كلمت وحده
احمد:ليه وذا الشيء هين
خالد:هي اللي دقت مو آنا
احمد:طيب هي تدق انت انصحها مو تكلمها
خالد:اقوا ماعليك من غيرك ... اهتم بنفسك انت بس واطلع خلني انام

طلع احمد من عند خالد وهو معصب وراح لغرفة تركي وقال له كل السالفه ...
تركي ماقدر ينام وقال انا لازم ابعده عن ربعه ونسافر في العطله عشان مايتقربون منه اكثر..
........... وفي اول يوم من ايام الاجازه ................
تركي: ياخالد انت الحين تخرجت من الكليه وان شاء الله راح تشتغل ...
والشغل موجود اكلم مديري وراح يشغلك لاتشغل بالك ... وهذا يدل على انك كبرت وصرت رجال ولازم تعتمد على نفسك
خالد:ليه شايفني صغير قدامك
تركي:لا... بس اذكرك ان الشغل مسؤوليه
خالد:وش ذا المقدمات وش عندك
تركي:نبي نروح مكه والمدينه في هذي الاجازه
خالد:انتوا روحوا واذا جيتوا بروح مايصير نخلي البيت فاضي
تركي:لا حنا نبي نروح كلنا مع بعض
خالد:والبيت من يجلس فيه
........ دخلت أسيل عليهم ...........
أسيل:البيت محد سارقه أمان الحمد الله
خالد:طيب انا قايل السنه بسافر مع فيصل ونادر
تركي:لا.... سفر معهم مافيه ... تروح معنا ايه
خالد:زين بس انتوا بترجعون انا بظل معهم
احمد:انت اهم شيء تجي معنا
رن التلفون وراحوا تركي وخالد واحمد يركضون عشان يردون وقاموا يتهاوشون كل واحد يبي يكلم ....... آخر شيء احمد قدر يحصل عليه
احمد:الو
((نوره كانت هي اللي متصله ))
نوره:الو السلام..وين اسيل
احمد:وعليكم السلام... لحظه اللحين اعطيك اسيل.... اسووووول تعالي تلفون
اسيل:اقول احترم نفسك وقل اسمي عدل
احمد:كلمي صديقتك وانتي ساكته
خالد: هههههههههه.... شلون تصير ذي كلمي وانتي ساكته
احمد:قصدي تكلم صديقتها بس تسكت عني
خالد:ههههه مسكين مو عارف وش يقول
اسيل:وش ذا الازعاج سكتوا مااسمع ....... ايوا نوره وش قلتي
نوره:داقه اسلم عليك .. بعد شوي بنروح مكه
اسيل:ماشاء الله ... قبل شوي تركي كان يكلمنا عن موضوع السفر
نوره:ياليت تجون معنا
اسيل:والله انا سمعتهم قالوا بنروح مكه بس مدري وش قرروا عليه الى اللحين ... ان شاء الله اذا رحنا اشوفك هناك .... يالله تروحين وترجعين بالسلامه
نوره:الله يسلمك... وحاولي تجون مكه
اسيل:ان شاء الله
نوره:يالله باي
اسيل:باي
احمد:من هذي
اسيل:هذي نوره
تركي:وش تقول لك
اسيل:تقول انهم بعد شوي بيمشون مكه
تركي:وش رايكم نشوف عمي بو ميساء وين بيسافرون ونروح معهم والانخليهم يجون معنا مكه....
احمد:لا... تبينا نقط وجهنا
اسيل:قصدك عمي بوميساء ولا ميساء
تركي:هاه ..لا ..... أ..أ..أقصـ .... أقصد عمي و...و ...وش جاب ميساء اللحين
خالد:ههههههه ايوا على اللي يستحون .... هيييييييي لاتفشلنا انت رجال خلك قوي
تركي:اقول انت اكرمنا بسكوتك وقم جب التلفون خلني اكلم عمي
خالد:مانيب جايب شي
تركي:اقول قم جيب التلفون للحين اقط عليك ذا المزهريه اللي جنبي ((يقصد اسيل ))
اسيل:هي احترم نفسك لاتغلط علي
تركي:اقصد المزهريه اللي في راسك
احمد:هههههههه .... تصدق توني منتبه انها قاصه شعرها كذا
خالد:فشلتينا مافيه فرق بيني وبينك
اسيل:انا شعري لكتفي يعني عادي لاني بنت .... بس انت رجال ومطول شعرك انت اللي فشلتنا مو انا
احمد:هههههههه... سكّتوه
تركي:اقول اسكت انت وياه بكلم عمي
بوميساء:الو ....نعم
تركي:هلا عمي .... كيف الحال ... وش اخباركم
بوميساء:الحمدالله بخير.... انتوا وش اخباركم
تركي:والله الحمد الله ..... اقول عمي مو ناويين تسافرون السنه
بوميساء: والله الى اللحين مافكرنا
تركي:حنا قلنا نروح نسوي عمره وياليت تروحون معنا
بوميساء:خلاص استشير ام ميساء والبنات وان شاء الله مايصير الا الخير
تركي:يالله انتظر ردك
بوميساء:ان شاء الله .. بكره راح ارد عليك
تركي:يالله اجل اخليك اللحين
بوميساء:مع السلامه
ميساء:من اللي متصل يبه
بو ميساء:هذا ولد عمك بو تركي الله يرحمه
ميساء:تركي....وش فيه
بوميساء:يقول هم بيروحون عمره ويبينا نروح معهم
روان:ايه يبه خلنا نروح ...... والله طفش نجلس هنا
بوميساء:خلني اشوف امكم قبل
روان:يمــــــه ..... يمـــــــه..... تعالي يبيك ابوي
بوميساء:انتي تسويين أي شيء عشان اللي تبينه
ام ميساء:وش فيكم وش ذا لصراخ
روان:يمه يقول ابوي بنروح عمره مع عيال عمي بوتركي
ام ميساء:متى ان شاء الله بنروح يابو ميساء
بوميساء:يعني انتي موافقه ولا .....لا
ام ميساء:اكيد موافقه ... فيه احد مايبي يروح عمره
بوميساء:خلاص اجل ادق على تركي واقول له انكم موافقين
... بعد مادق بوميساء على تركي وقال له انهم موافقين
تركي طار من الفرحه عشان ميساء بتسافر معهم .......
احمد:يالله يالدبه قومي جهزي اغراضك بكره بنمشي
أسيل:محد دب غيرك
تركي:انتي دبه وهو دب زين
خالد:هههههههه وانت معهم وانا اضعف واحد فيكم
تركي:مسكين......مبين صاير قلم من الضعف
خالد:طبعا.... لازم يصير واحد حلو بين الاخوان
أسيل:اذا انت حلو اجل انا وشو
خالد:انا حلو وانتي مقبلات......ههههههههههه
احمد:هههههههه......الحمد الله والشكر
تركي:يالله اللحين قوموا ناموا وارتاحوا ورانا طريق بكره
خالد:بكره ولا اليوم
احمد:بلاسخافه وقم نام ... واقفل الجوال ... زين .... ترى بدق اجرب ... وياويلك ان كلمت فيصل...
خالد:لا...بعد خذ جوالي عندك
احمد:يكون احسن
أسيل:وش فيكم وش صاير
احمد:انتي وش دخلك
خالد:ملقوووووفه
أسيل:ملقوووووووووفه.......قصدك مسكينه مو ملقوفه
خالد:مسكينه.....ولا سكّينه هاهاهاهاهاهاهاي
تركي:اقول قم نام
خالد:يالله بروح آنام وبجلس قبلكم عشان اروح المطار واجلس احسن كرسي
تركي:هو على كيفك تجلس وين ماتبي ...... في التذكره موجود رقم كرسيك وتجلس على نفس الرقم
أسيل:هههههههههه يفكر نفسه في باص اللي يوصل قبل يركب قدام
.......... اليوم التالي ..............
تركي:يالله تأخرنا باقي ساعه على موعد الطياره
أسيل:انا جاهزه
أحمد:مابقى الاخالد مو راضي يقوم
تركي:هذا ونايم اول واحد البارحه عشان يجلس قبلنا
أسيل:هذا خيشة نوم.....مايشبع
احمد:مو بس مايشبع من النوم حتى الاكل
نزل خالد على الدرج .......
خالد:صباح الخير ((وهو يتثاوب))
احمد:شرّف الحلو.......اقول سكر فمك كل ذا النوم ولا شبعت
خالد:متى بنمشي
تركي:باقي ساعه.....يالله بسرعه عشان نمر على عيال عمي ونروح المطار
....................
وصلوا المطار وكان عند كل واحد رقم كرسيه ....
خالد:انا بجلس جنب الكابتن
احمد:فوضه هي ..موعلى كيفك..... شوف كم رقمك ودور كرسيك واجلس بلا هذره.......
وتركي لما حجز التذاكر وعطوه ارقام الكراسي كان حاجز لهم كلهم مع بعض وصارت كراسيهم مع كراسي بنات عمه جنب بعض ....
وبالصدفه صار رقم كرسي تركي جنب ميساء وكرسي خالد جنب كرسي روان ....والباقي اماكنهم مرتبه .... تبادل تركي مع روان في رقم الكرسي وجلس هو جنب خالد ..... أسيل كانت جالسه جنب احمد ورى ميساء وروان .....
روان وميساء ناموا في الطياره ..... وأسيل كانت تحاول تزعجهم
كل شوي تدخل يدها بين الكراسي وتشيل غطى روان ....
روان:ياميوس بعدي يدك
ميساء:وش تبين ماسويت لك شي
رجعوا ناموا ومدّت يدها اسيل مره ثانيه وحركت غطى ميساء ....
ميساء:انتي اللي تحركين غطايتي وتقولين انا
روان:اقول خليني انام ..... وانا ماحركت لك شيء انتي اللي كل شوي توخرين غطايتي و اللحين تحطينها فيني .....
ميساء:سكتي .... سكتي بس خلينا ننام
أسيل ماقدرت تتحمل مااااااااااااااتت من الضحك التفتت عليها ميساء وروان ...
روان:انتي ورانا
ميساء:يعني انتي اللي حركتي غطوتي
أسيل:ههههههههههه مساكين تهاوشوا وانا السبب .... بسكم نوم كلها ساعه ونوصل المدينه موقادرين تصبرون
روان:جوعاااااااااانه مافطرت
أسيل:اذا وصلنا فطري لين تقولين بس
..........................
ووصلوا المطار ...... وهم نازلين من الطياره تعلقت عباية روان في الكرسي وانشقت ....
روان:يوووووووووووووووووه ...... ياربي
ميساء:وش فيك
روان:الكرسي شق عباتي
أسيل:هههههههه .... تستاهلين ... ليه ماجبتي معك عبايه ثانيه
روان:انا وش دراني انه راح يصير كذا
تركي:يالله يابنات نزلوا وش تسوون
أسيل:انا عندي عباه ثانيه ياروان بس في الشنطه اذا رحنا الفندق اطلعها لك
روان:انا وش يصبرني لين نوصل هناك........ياربي شوفي عباتي صارت تفشل
ميساء:مو واضح امسكيه بيدك ماراح يبين
نزلوا من الطياره وكانت روان تحس ان كل اللي في المطار يطالعونها.....
وفي ذا الوقت رن جوال خالد وكان فيصل هو اللي متصل ....
خالد:هلا فيصل
فيصل:هلا فيك ...... هاه وصلتوا
خالد:ايه.....تونا واصلين وهذا احنا في المطار
فيصل:الحمد الله على السلامه
خالد:الله يسلمك..... متى راح تجون انت ونادر
فيصل:بعد اسبوع ان شاء الله
خالد:يالله انتظركم ....... راح شتاق لكم
فيصل:تسلم وانت راح نشتاق لك اكثر ..... يالله اشوفك على خير
خالد:مع السلامه
احمد:مين اللي داق عليك
خالد:انت من متى تسألني من اكلم .... وآنا ماعمري سألتك ذا السؤال
احمد:هذا فيصل صح
خالد:صح ليه فيها شيء
احمد:انا ماقلت لك تتركه
خالد:وانا ماشفت منه الا كل خير ماراح اتركه
تركي:احمد . خالد يا لله التكسي برة.... تعالوا بنروح الفندق
....................
كان ناصر حاجز لهم في نفس الفندق اللي هم ساكنين فيه
وصارت طلعات البنات مع البعض والشباب مع بعض....
ناصر:كل يوم يزيد اعجابي في اسيل
نوره:وانا احس انها من جينا المدينه وهي كل تسألني عنك
ناصر:قولي والله ....... بشاااااااااره .... بشااااااااااااره
نوره:ان شاء الله تكون من نصيبك
ناصر:الله يسمع منك
رن الجرس وقام ناصر يفتح الباب وكان خالد اللي جاي ....
ناصر:هلا خالد
خالد:يقول لك تركي تعال تغدى معنا
ناصر:مشكورين وماتقصرون ..... بس خلوها بكره
خالد:لا..تعال اللحين البنات حسبوكم في الغداء انت ونوره
ناصر:ان شاء الله دقايق ونجيكم
راح ناصر مع خالد ....
وهم يتغدون اتصل نادر على خالد ....
خالد:هلا نادر وش فيكم ماجيتوا
نادر:وماراح نجي
خالد:هاااه....ليه
نادر:بصراحه.........؟؟؟؟؟
خالد:تكلم وش فيك وش صاير
نادر:انا في السجن ويالله يالله قدرت اكلمك
خالد:اووووف وش صاير وش فيك ... والله خبر شين
نادر:كنت مع فيصل في السياره وقال وش رايك نفحط..
قلت له مو كل مره انت ........ هاالمره انا ...
جلست افحط بالسياره وانا فرحان
وتجي قدامي سياره وماقدرت اسيطر على سيارة فيصل
وصدمتها وانقلبت السيارتين والرجال اللي في السياره الثانيه
صار له شلل كامل ....... وفيــ ..... وفيصل عطاك عمره
خالد: وشوووووووو ... وش تقول
نادر:هذا اللي صار ..وانا متصل انصحك .. والله يوفقك ان شاء الله ولا تمشي في الطريق اللي مشينا فيه ... يالله خالد موفق مااقدر اطول معك اكثر بيرجعوني السجن ..
خالد:الو....الو....الو نادر
احمد:وش فيك خالد
تركي:وش صاير
خالد((صرخ باعلى صوته)):لاااااااا... فيصل ....لااااااااااا
تركي:خالد اهدا وش فيك .... وش فيه فيصل
خالد:ماااااااات.....فيصل مات ...مات
احمد:لاحول ولا قوة الا بالله العلي العظيم
ناصر:من فيصل
احمد:صديق خالد
طلع خالد من الفندق وهو يصيح من غير مايكلم احد وراح للحرم ومارجع الا الساعه ــ 1 ــ في الليل.....
احمد:وينك ياخالد اشغلت بالنا عليك
خالد:مو متخيل يااحمد ان فيصل يصير له ذا الشيء
احمد:شفت يااحمد انا قلت لك اترك ذا الطريق وشوف نهاية ذا الطريق فيصل مات ونادر الله يساعده في السجن..
خالد:سامحني ياخوي ماسمعت كلامك قبل
احمد:الحمد الله ... الله هداك
خالد:الله يغفر لك يافيصل ويسكنك الجنه
.......... اليوم التالي ................
أسيل:يالله تركي متى بنفرح فيك
تركي:ان شاء الله قريب ........ بس انتظر نرجع من المدينه
أسيل:انت واثق ان ميساء تبيك وانت تبيها وش باقي بعد
تركي:باقي اكلم عمي
أسيل:يالله اليوم كلمه
تركي:لا اذا رجعنا الدمام اقول له مو هنا
أسيل:وش رايك نسوي زواجك وزواج احمد في يوم واحد
احمد:هييييييييييه انتي عندك وحده تبين تعطيني اياها وانا مدري.. وحتى لو عندك انا ماراح اتزوج الا اذا تزوجتي
أسيل:لا.... انتوا تزوجوا بعدين انا
احمد:ليه من بتعطيني
أسيل:اوووووووووه علينا...ونوره مو حاط عينك عليها
احمد:هاه....ن ...ن ...نـــو....نوره من قايل
أسيل:تفكرني غبيه انا افهم ذا الحركات ونظراتك لها وتسحب الكلام عنها مني
احمد:اقول روحي مع روان المطبخ وحطي لنا عشاء
أسيل:لاتصرفني انا فاهمه كل واحد فيكم
تركي:اقول سكتي لافضحك
اسيل:وش عندك عشان تفضحني
تركي:تبيني اقول ولا ..أسكت
أسيل:لا ... قول انا واثقه ماعندي شيء
تركي:وناصر وين راح
أسيل:من ناصر
أحمد:هههههههه تسوي روحها غبيه
تركي:ناصر اللي كل مايجي عندنا تطيرين من الفرحه وكل حين تسألني راح ولالاوتعطين نورة عشاء ولاغداء توصلة لة وكل هذا ما تعرفينه.
أسيل:بقوم بحط لكم العشاء.
احمد:هاهاهاهاهاي.......مسكينه أنحرجت.

 

 

[جبرني الوقت]

الحلقه الخامسه والأخيره ..

..............وفي المطبخ..............
روان:من في الصالة
أسيل:تركي واحمد
ام ميساء:وعمك وين راح
أسيل:راح الحرم مع خالد
ام ميساء:الله يحفظه إن شاء الله ويخليه لكم ويرزقة بنت الحلال
أسيل(تطالع روان)) بنت الحلال موجوده بس هو يتكلم
روان:خالد يستاهل كل خير
ميساء:وش تسوون في المطبخ ومخليني بروحي في الغرفة
أسيل:نجهز العشاء
ميساء:وش سويتوا
روان:ذا الكسلة تسألنا وماتجي تساعدنا
ميساء:وش تبوني أسوي
أسيل:سلامتك خلصنا بس جهزي الطاوله للرجال....
تعشوا وبعدها طلعوا تمشوا وكان آخر يوم لهم في المدينه وبعدها راحوا مكه ....
وبعد الطواف والسعي..
تركي:الحمد الله خلصنا
احمد:والله رجولي تكسرت
خالد:اجرك عند الله
تركي:وين البنات ماخلصوا طواف
ناصر:باقي لهم شوط ويجون
خالد:هذا هم جاو
ام ميساء:هاه يابو ميساء حجزتوا لنا فندق
بوميساء:ايه... خلاص تركي وناصر حجزوا لنا قبل مانجي
ام ميساء:بنجلس شوي في الحرم وبعدين نروح الفندق
بوميساء:اوكي اذا تبون تروحون دقوا علي
جلسوا البنات جنب ام ميساء وام ناصر ...
ام ناصر:عمره مقبوله ان شاء الله
محد رد على ام ناصر لان الكل كان جالس بس النوم في عيونهم ولا سمعوا وش قالت ..
أسيل:انا بدق على تركي اقول له نروح الفندق
روان:بصراحه فيني النوووووووووووم
ميساء:وانا ازيد
...............................................
راحوا للفندق وكل واحد راح فيه النوم من بعد صلاة العشاء الى الفجر ....
تركي:يالله احمد قوم نروح للحرم
احمد:انتظر شوي
تركي:قم بس قم ... انت جاي هنا تنام
احمد:خمس دقايق بس
تركي:قم للحين بخزان ماي
بوميساء:قم ياولدي مانبي نتأخر عن الصلاه
تركي:وين خالد
بوميساء:سبقنا للحرم
تركي:ليه ماانتظر نروح مع بعض
بوميساء:قال اخاف تتأخرون آنا بروح بقرا قرآن وانتظرالصلاه
...............
راحوا الرجال للحرم والبنات جلسوا مع ام ميساء لانها كانت تعبانه ..
وبعد ساعتين رجعوا للفندق ..
تركي:ليه مارحتوا الحرم
أسيل:ام ميساء تعبانه شوي
تركي:وش فيها عسى ماشر
أسيل:رجولها تألمها
تركي:تبي نوديها المستشفى
أسيل:لا...انا قلت لها ... بس تقول مايحتاج
تركي:وش اخبار ميساء
اسيل:الحمدالله تسلم عليك
تركي:صحيح اني يوم كنت صغير كنت دايما في بيتهم والعب معكم انتي وروان وميساء بس بصراحه ماعمري انتبهت ان عليها اخلاق وجمال مثل ماشفت الحين
أسيل:والله انا طول عمري ادعي انها تصير من نصيبك...وان شاء الله اذا رجعنا نروح نخطبها....
تركي:خلاص اجل نرجع بكره
أسيل:الله..كل هذا مستعجل
احمد:وش فيكم انتوا على الزواج تراكم اذيتونا ....كل ماامر عليكم .. مااسمع الا نخطب ومدري وشو...
أسيل:لا....بس اقول لتركي انه نوره انخطبت
احمد:  ((مصدوم)) مين خاطبها ...ماقال لي ناصر ... قبل شوي كنت معه ..
تركي:أسيل خطبتها لخالد
أحمد:اييييييييييش
أسيل:خالد قال يبيها
........... طلع احمد متضايق .........
تركي:مسكين راح فيها
أسيل:بروح اقول له لايصير فيه شيء
تركي:مانتي بسهله يااسول
................
راحت اسيل لــ احمد ..
أسيل:انا امزح معك بس ابيك تعترف انك تحبها
احمد:بس خلاص اهم شيء انك طمنتيني ان محد خاطبه
أسيل:خلاص اذا رجعنا مره وحده نخطب لك ولتركي
احمد:لا انا قلت ماراح اخطب الا اذا انتي تزوجتي.
أسيل:انت ماعليك مني
أحمد:مافيه انا قلت كلمتي وماراح اغيرها
ظلت اسيل تتناقش مع احمد بس هو مُصّر على كلامه
حست اسيل انه مافيه امل انها تغير فكرة احمد قالت له خلاص انا
بخليك تنام اللحين وبروح مع البنات ......
البنات كانوا على طول يسهرون في الليل ويروحون الحرم عند صلاة الفجر ونومهم كان قلييييل .........
وبعد 20 يوم جلسوها في مكه رجعوا للدمام ..
أسيل:وربي احلى سفره....... ماراح انساها طول عمري
تركي:الحمد الله احنا كنا نبي نبعد خالد عن ربعه بالسفر بس الله هداه .
أسيل:متى تبينا نخطب ميساء
تركي:انتي اللحين كلميها هي بس .. وشوفي رايها بعدين اكلم عمي
أسيل:دقايق ويكون الخبر عندك
تركي:لا.... يااسيل خليها تفكر عدل هذا زواج مو لعبه
أسيل:خلاص بعد اسبوع لما نروح الكليه اقول لها ... الله يعينا بعد على روان بتصير معنا السنه
تركي:هي تخرجت من الثانويه
أسيل:ايه السنه سنه اولى لها في الكليه
تركي:الله يوفقها ان شاء الله
............. وبعد اسبوع ...............
أسيل:هلا ميساء....كيف الحال
ميساء:الحمد الله بخير
أسيل:والله اليوم ماكان ودي اجي .... فيني النوم بس جيت لاني واعده تركي
ميساء:واعدته على وشو
أسيل:اني اكلمك في موضوع
ميساء:انا .......... وش الموضوع
أسيل:بصراحه انا ماعندي مقدمات... هو يبي يخطبك وقال لي آخذ رايك قبل
وبعدين يكلم عمي عن الموضوع
ميساء:ــــــــــــــــــ
أسيل:السكوت علامة الرضا.......وآنا ادري انك راح توافقين وهو في بالك من زمان بس وش اسوي هو قال شوفي رايها وقولي لي
ميساء:انتي عارفه رايي من زمان
أسيل:سكتي جات روان
روان:مرحبا اسيل
اسيل:هلا والله
روان:كم محاظره عليكم اليوم
أسيل:ثلاث محاظرات
روان:يعني بتتأخرون
أسيل:مدري... انتي كم محاظره عليكم
روان:محاظرتين
أسيل:خلاص انتظرينا لين نطلع ويوصلنا تركي
روان:اوكي يالله انا بروح لمحاظرتي
ميساء:ليه تخلين تركي يوصلنا خليتي احمد ولا خالد
اسيل:هو بيموت يبي اقول له وش ردك
ميساء:اجل انا ماراح اركب معكم بخلي ابوي يجيني
اسيل:لا...هو يبيك تركبين
ميساء:ليه
أسيل:مدري..... بس هو يقول مره وحده انا باخذك... اوصل ميساء وروان في طريقي
ميساء:مايقصر والله
أسيل:يالله قومي بدت محاظرتنا
دخلت اسيل وميساء لمحاظرتهم وبعد ماطلعوا من المحاظرات شافوا نوره ...
نوره : وينكم اليوم ماشفتكم
ميساء:انتي اللي وينك حنا هنا
نوره:انا اليوم ماصحيت الا متأخره .... وجيت هنا ويمكن انتوا دخلتوا محاظراتكم.....
روان:أسيل جا تركي ولا لا
أسيل:لحظه بكلمه قبل...... الو تركي
تركي:طلعي ... طلعي انا جنب الباب
أسيل:يالله هذا احنا طالعين
طلعوا من الكليه وكان خالد مع تركي في السياره واسيل مانتبهت ان فيه احد قدام فتحت الباب وعلى طول بتجلس على خالد ..
خالد:هييييه هيييييه بتكسريني ..... ماتشوفين
أسيل:بسم الله ... وش جابك انت
تركي:هههههههه ..... انا قلت دام احنا في شغل واحد نروح بسياره وحده
............
ركبت اسيل ورى جنب ميساء وروان وسكرت الباب بالقوه..
تركي:شوي شوي كسرتي سيارتي
خالد:اقول فتحي الباب وسكريه بالعدال
أسيل:اهم شيء الباب سكر.... شلون افتحه واسكره مره ثانيه والسياره تمشي
خالد:اقول لاتتفلسفين لاشوتك... خلاص سكتي
روان ((تكلم ميساء)):ههههههههه حركات خالد
أسيل رفعت شماغ خالد عشان تغيظه..
خالد:اقول رجعي الشماغ
أسيل:مو انا هذي روان
خالد:اقول رجعيه لأقوم لك..... هاه روان.... قصدي لو سمحتي رجعي الشماغ
أسيل:ههههههههه ..... مسكين انا اللي اخذت الشماغ
خالد:انتي صبري حسابك في البيت
أسيل:يممممممه بموت من الخوف هههههههه
........ وصلوا ميساء وروان بيتهم .........
وبس وقف تركي جنب باب بيتهم نزلت اسيل بسررررعه ودخلت البيت تركض
ودخل وراها خالد ورمى نعاله كل واحد في جهه وقام يركض وراها ..
خالد:وقفي انا اوريك
أسيل:خلاص .... خلاص .... مااعيدها
خالد:اقول وقفي ...... ماتسمعين
طلع احمد من غرفته بعد ماسمع الازعاج
احمد:وش فيكم وش صاير
خالد:امســــك اسول امسكهاااااااااااااا
احمد:ليه
خالد:امسكها مالك دخل
احمد:الحمد الله والشكر فشلتونا وش كبركم وكأنكم اطفال ..
وفجأه لما اسيل كانت تركض انكسر كعب نعالها ...
كلهم قاموا يضحكون عليها ...
خالد:تستاهلين .... الله مايطق بعصا
أسيل:والله من عيونك
خالد:وش فيهم عيوني حلويييين
أحمد:مسكينه رجل ورجل ههههههههه
أسيل:يارببببببببببي ........ هذا نعالي المفضل
خالد:والله محد قال لك تاخذين شماغي .... هذا نعالك انكسر من غير مااسوي لك شيء
أسيل:انا بروح اتروش ازين لي
خالد:روحه من غير رجعه
احمد:اسكت انت ولا بذا الكاس اللي عالطاوله
خالد:انا بروح انام تعبان
............................
تركي:اسيل فتحي الباب
اسيل:ادخل مفتوح
تركي:نعيماً
اسيل:الله ينعم عليك
تركي:هاه وش قالت لك ميساء
اسيل:قالت لي انها ماتفكر فيك وعمرها ماتوقعت انها تصير زوجتك
تركي:ايييييييييش
اسيل:لاتموت.... موافقه وانا ماخذه رايها من زمان
تركي:خلاص بكلم عمي نروح لهم الليله
اسيل:وانا بكلم ميساء تجهز
احمد:وش فيكم .... ليه نروح بيت عمي
تركي:بسم الله .... متى دخلت
احمد:توني جاي وسمعتكم تقولون نروح بيت عمي
اسيل:بارك لـ تركي الليله بنخطب له
احمد:ايوا......ايواااااااااا ... يابو تروك والله وصرت رجال وبتترك لنا العزوبيه
تركي:وش رايك انت بعد تتركها وتخليها لغيرك
اسيل:فكره حلوه نعرسكم مره وحده
احمد:هههههه ليه بعد ماتعرسون خالد معنا
تركي:اول مره تقول شيء مفيد
احمد:وانت من صجك
اسيل:مافيها شيء دام البنات موجوده
احمد:طيب مين بتخطبون لـ خالد ؟؟
اسيل:انا بدور له ماعليك منه
أحمد:لاوالله ..... مو على كيفك انتي شوفي قبل من يبي
اسيل:انا بقنعه في وحده في بالي
تركي:وش رايكم في روان بنت والنعم فيها
اسيل:وهذي البنت اللي كنت اقصدها... ها وش رايكم ؟؟
احمد:خلاص انا بسأله اشوف وش يقول
اسيل:الحين سأله...عشان مره وحده نخطب ميساء وروان ... وانت نروح بكره نخطب لك
احمد:اوكي لكن بكره مو تتأخرين
........................................
احمد:خالد افتح الباب ابيك في موضوع
خالد:قول وانت عند الباب
احمد:احترم نفسك وافتح
خالد:توني نايم مابي النوم يطير من عيوني ... ابي ارجع انام
احمد:افتح ابيك في موضوع ضروري
خالد((بعد مافتح الباب)):نعم وش تبي يالمزعج
احمد:اليوم بنروح نخطب لـ تركي
خالد:وش اسوي لك يعني هو بيخطب ...انا وش دخلني
احمد:الحمدالله والشكر هذا بدال ماتبارك له
خالد:ان شاء الله اذا شفته ببارك له
احمد:وانا بكره خطبتي
خالد:حلـــــــو .... حلـــــــــو .... وانا وين رحت متى راح تخطبون لي ؟؟؟ اذا كلكم بتتزوجون..
احمد:ليه انت حاط وحده في بالك ؟؟
خالد:والله اذا عندكم بنت لي انا ماعندي مانع ..لان مافيه بنت محدده في بالي
احمد:وش رايك في روان بنت عمي
خالد:روان... مافيها شيء...خوش بنت ... وماعليها كلام ...بس يمكن ماتبيني
احمد:نخطبها لك الليله مع تركي ... ونشوف ردها
خالد:اوكي ... اصلا ماراح تلقى احسن مني
احمد:بلا غرور ...ولا راح تظل عزوبي على طول
خالد:خلاص ... خلاص ... الليله بكون اول واحد جاهز
......................... وفي مجلس بيت بو ميساء .....................
بو ميساء:حياكم الله ..... ان شاء الله خير ... هذي اول مره تتجمعون فيها كلكم عندي من بعد وفاة الوالد الله يرحمه
تركي:الله يرحمه....... ياعمي احنا مالنا غيرك وانت مالك غيرنا وتمنيت ان ابوي يكون معنا اليوم عشان يقول اللي بقوله لك
بو ميساء:وش فيك وش صاير
احمد:بصراحه احنا جايين نخطب ميساء لـ تركي وروان لـ خالد
بوميساء: هذي الساعه المباركه ... بس فاجئتوني ..انتوا تعرفون ان ماعندي غير ذا البنتين والبيت راح يفضى علينا اذا راحوا ... بس هذا نصيبهم واشوف رايهم وارد عليك
تركي:خذ راحتك ياعمي رجعوا كأنكم توكم متزوجين ماعندكم عيال
بو ميساء:هههههههه وش رايك بعد نروح شهر العسل
تركي:والله فكره ... خلاص بعد زواجنا سافروا شهر عسل
بوميساء:اقول خلنا في حالنا انا وام ميساء .... بروح للبنات واقول لهم .. عن اذنكم
........................ مجلس الحريم .....................................
ام ميساء:هذا حلاتكم يااسيل تتجمعون عندنا كلكم
اسيل:خلاص ان شاء الله قريب راح نتجمع على طول
روان : وش قصدك يعني؟؟
وفي ذا الوقت دخل بو ميساء ونادى ام ميساء
ام ميساء:امر .. تدلل
بوميساء:مايتآمرون عليك عدوان.. تعالي ابيك اشوي
ام ميساء:تعال مافيه اسرار هذي اسيل بنت اخوك
ميساء:اسيل قومي ابيك في الغرفه ابي ارويك شيء
اسيل:روان تعالي معنا ..
ام ميساء:وش فيك وش صاير هذا البنات راحوا
بوميساء:خالدوتركي جايين يخطبون ميساء وروان
ام ميساء:هذي الساعه المباركه ... حياهم الله .. بصراحه ماعليهم كلام .. بس انا خبري ان احمد اكبر من خالد
بوميساء:مدري عنهم ... بس خالد فيه الخير والبركه وانتي شفتي وش صار فيه في مكه وشفتي طبعه
ام ميساء:اروح آخذ راي البنات واجي لك
بوميساء:وانا بروح للأولاد تركتهم بروحهم
.............................في غرفة ميساء ............................
روان:وش فيكم قمتوا ؟؟
ميساء:صج ذكيه ...يعني ماتشوفين ابوي يبي يقول حق امي موضوع خاص ... ليه نستناهم يطردونا نقوم بكرامتنا احسن
اسيل:ياميساء حتى روان مثلك
روان:انا مثلها في ايش ؟؟؟ليه تتكلمون بالألغاز؟
ميساء:روان!!!!ومثلي بعد ...... حلو ... حلو
ام ميساء:وينكم فيه ليه رحتوا؟
اسيل:وش فيه عمي
روان: وش ذا اللقافه يااسيل...واحد يكلم زوجته انت وش دخلك
ام ميساء:ياميساء تركي جاي يخطبك
نزلت راسها ميساء مستحيه
روان: ايوااااااااااااا ... ايوااااااااااا ... ابو الحياء بس
ام ميساء:وانتي بعد خالد جاي يخطبك
تغيرت الوان روان من الفشيله
اسيل:ههههههههه تضحكين عليها صرتي مثلها
ام ميساء:يلا اخليكم بروحكم
طلعت ام ميساء والبنات مستحيين ومنزلين راسهم ويبون يشغلون نفسهم بأي شيء ... واسيل ميته من الضحك ...
اسيل:ههههههه وش فيكم؟؟ قالت خطبوكم ماقالت سبوكم
ميساء:ماقلتي انكم بتخطبون روان بعد
روان:هـــــــــا ... يعني كنتي تدرين وليه ماتقولون لي انا بعد
ميساء:انا توني ادري انهم بيخطبونك
اسيل:ميساء وعارفه رايها .. انت وش رايك ياروان
روان:تبين الصراحه انا معجبه في اخوك من يوم كنا في مكه بعد اللي صار له .. والكل يتمناه وماتوقعت انه يفكر فيني
اسيل:افهم من كلامك انك موافقه
روان :عطيني كم يوم افكر وارد عليك
اسيل:اجل خلاص انا بمشي وانتظر ردك.... يالله عمي مع السلامه
بوميساء:تو الناس ... خلكم معنا
تركي:ان شاء الله مره ثانيه
............................ وفي السياره ...........................
خالد: هاه وش سويتي مع روان
اسيل:احس انها موافقه بس مدري تقول تفكر وترد علينا بعدين
خالد:ان شاء الله ماتطول
احمد:لاتنسون بكره نروح نخطب نوره
اسيل:انا ذا الايام مشتغله خطابه
احمد:اذا ماخطبتي لاخوانك من تخطبين له
اسيل:ايه والله من قدي ازوج اخواني كلهم مره وحده
خالد:وانتي في الطريق ان شاء الله
اسيل:انا مادام تطمنت عليكم .. اول واحد راح يجيني اخلاق وجمال ودين راح اوافق عليه
خالد:موجود بس للحين ماقال لنا نكلمك
تركي:اقول نزلوا وانتوا ساكتين لاتحرجون اسيل.... اذا جاء واطلبها رسمي قولوا لها
اسيل:ليه احد قايل لكم شيء عني
تركي:اقول استحي ونزلي
.................................. بيت بوناصر ..............................
نوره:وش رايك بكره نروح نخطب لك اسيل
ناصر:وانا جاي عشان اقول لك
نوره:خلاص بكره الخميس ومافيه كليه اتصل عليها العصر ونروح
ناصر:قومي قولي لـ امي وانا بروح بقول لـ ابوي
نوره:اوكي .... حركات ... واخيرا نصور بيتزوج
ناصر:عن الغلط عاد
ام ناصر:وش فيكم تتهاوشون
نوره:لا يمه مانتهاوش بس ناصر يقول انه يبي يخطب اسيل
ام ناصر:الله يبشرك بالخير يابنتي... من زمان وانا اتمنى ذا اللحظه ... واسيل خوش بنت والكل يتمناها
ناصر:يعني افهم انك موافقه اخطبها
بوناصر:فيه احد مايبي يشوف ناصر بالبشت
ناصر:يبه... متى جيت
بوناصر:انا سمعت كل كلامكم
ناصر:يعني خلاص بكره نروح نخطبها
........... اليوم التالي ...............
احمد:يالله يااسيل قومي كلمي نوره قولي لها بنزورهم في الليل
اسيل:كل هذا خايف احد يخطبها قبله ... اصبر شوي الحين بقوم
نوره:الو
اسيل:الو السلام
نوره:وعليكم السلام ... توني بتصل عليك
اسيل:وش فيك امري
نوره:لا...انتي قولي وش كنتي تبين
اسيل:كنت ابي اقول لك الليله راح نزوركم انا واخواني
نوره:حياكم الله البيت بيتكم
اسيل:يالله قولي وش كنتي تبين تقولين
نوره:لا ولا شيء ... بس كنت ابي اقول تجيني الليله وهذا انتوا بتجون
اسيل:خلاص نتقابل الليله
...............
ناصر:هاه قلتي لها
نوره:لا ماقدرت لانها قالت يبون يجون يزورونا الليله ... خلها بكره
ناصر:ياربي انا خايف احد يخطبها قبلي
نوره:انا راح المح لها الليله ... اكيد موافقه لانها كانت تسحب كلام عنك
ناصر:خلاص بس ردي علي
.................. في الليل ............
ناصر:هلا والله باللي جاي
تركي:هلا فيك
خالد:والله اشتقنا لك ..... ليه ماتسأل ولا شيء
ناصر:انشغلت اشوي ... اليوم كنا بنجيكم بس الحمد الله انتوا جيتونا .. على قلب واحد
تركي:كان قلت عشان تجون بيتنا احسن......... ماجيتوا الا كم مره.
ناصر:لا خلاص خلها مره ثانيه
تركي:الا وين الوالد
ناصر:الحين بيجي
بوناصر:حيا الله اهل البيت
تركي:الله يحييك
بوناصر:وش اخباركم ياعيالي ان شاء الله كلكم بخير
تركي:الحمد الله ..... اذا انت بخير احنا بخير
بوناصر:تسلم والله
تركي:بصراحه احنا جايين نطلب القرب منكم ونخطب نوره لـ احمد
خالد((يهمس في اذن تركي)):فشلتنا بدون مقدمات ولا شيء
تركي:انا مااعرف مقدمات
خالد:خليتني انا اتكلم
تركي:اسكت زين فشلتنا
بوناصر:والنعم في احمد والله ... وبنتي اكيد موافقه ماراح تلقى احسن من احمد
ناصر:احمد كلمني واحنا في مكه عن الموضوع وانا قلت لـ نوره وهي موافقه
بوناصر:وش رايكم نخلي الفرحه فرحتين
تركي:مافهمت... وش تقصد
بوناصر:نخطب اسيل لـ ناصر
خالد:مابغيت تتكلم ياناصر
ناصر:يعني هي موافقه
خالد:موافقه ونص ... كل حركاتها تقول كذا
بوناصر:مايصير لازم تاخذون رايها
تركي:اوكي نادوها لي الحين واثبت لكم انها موافقه
..........................
تركي:اسيل ترى ناصر طلب ايدك
اسيل:وشو .. الحين انتوا جايين تخطبون لكم ولا يخطبون منكم
تركي:بعد هذا اللي صار
اسيل:ـــــــــــــــــــــــ
تركي:السكوت علامة الرضا
اسيل ((وهي مستحيه)):كل بنت تتمنى ناصر
تركي : ايواااااااااااا على اللي يستحون
اسيل:خلاص تركي
تركي:يالله دخلي الحين
............................
بوناصر:هاه وش قالت
تركي:انا قلت لكم موافقه
بوناصر:على بركة الله ..... يالله اجل خير البر عاجله
خالد:يالله انا بقوم اجيب الشيخ
وصل الشيخ وخلصوا الملكه
الشيخ:يالله منك المال ومنها العيال
تركي:يالله احمد قم حب راس عمك
بوناصر:الف مبروك ياولدي
ناصر:مبروك احمد
احمد:الله يبارك فيك... وانت الف مبرووووووك
ناصر:وانت ياتركي متى بنفرح فيك
تركي:انا وخالد خالصين بس ننتظر الموافقه
خالد:هههههههههههه
تركي:الحمد الله والشكر وش فيه ذا
خالد:انا وانت واحمد واسيل بنتزوج مع بعض
احمد:الحمد الله كل واحد فرح في الثاني
ناصر:ماقلتوا لي مين اللي بتاخذون انت وخالد
تركي:بنات عمي ميساء وروان
بوناصر:سامحنا ياتركي كان المفروض احنا نجي ونخطب اسيل في بيتكم بس قلت مره وحده عشان تصير الفرحه فرحتين
تركي:لا عادي هنا هناك.... صرنا اهل ونسايب... يعني انتوا كنتوا تبون تجون بكره عشان تخطبون اسيل
ناصر:ايه بس انتوا سبقتونا
تركي:يالله الله يوفقكم ... احنا ماشيين
ناصر ((يهمس في اذن تركي )):ياليت تجيب لي صوره لـ اسيل
تركي:ان شاء الله بس اذا وافقت انها تعطيني صوره
......................... في البيت ...........................
احمد:الف مبروك اسيل
اسيل:الله يبارك فيك ... وانت الف مبروك
تركي:اقول اسيل ... ناصر يبي صوره لك
اسيل:لا سووووووري ماراح يشوفني الا في الزواج
تركي:على راحتك
خالد:الحين روان ردت عليك ولا لا
اسيل:لا للحين ماكلمتني
خالد:ياربي ..... شكلهم بنات عمي مايبونا
اسيل:اصبر تونا امس قايلين لها يمكن بكره ترد
خالد:لا طولت متى راح ترد
اسيل:كله مستعجل ذا الولد....اصبر يمكن بكره يردون
تركي:ايه وش عليكم ملكتوا وخلصتوا مابقينا الا احنا .... مع ان احنا فيه قرابه وانتوا مافيه قرابه وتملكون في نفس الليله .
احمد:صل على النبي لاتعطينا عين
تركي:اللهم صلي على محمد وآل محمد ..يالله الله يوفقكم ان شاء الله
اسيل:احمد متى راح تحددون وقت الزواج
احمد:وش رايك نصير كلنا في يوم واحد
اسيل:والله احسن ... بس ننتظر روان ترد وحددوا يوم الزواج مع ناصر
احمد:اوكي ... تصبحين على خير
اسيل:وانت من اهل الخير
.............. اليوم التالي ....................
خالد:اسيل بسرررعه تعالي روان متصله على جوالك
اسيل:جايه ..... جايه
خالد:بسرعه...بسرررررررررعه...يمكن ترد عليك
اسيل:الوهلا روان
روان:وش اخبارك اسيل
اسيل:الحمدالله ..... هاه فكرتي زين
روان:ايه....انا قلت لك ماراح القى احسن من خالد
اسيل:الف مبروك مقدما
روان:الله يبارك فيك... وانتي الف مبروك خطوبتك من ناصر
ميساء:اشوف عطيني اكلمها ...... الو ليه ماقلتي لي لنا ان ناصر خاطبك
اسيل:بسم الله ....انا مدري انهم راح يفتحون الموضوع
ميساء:اول مره اشوفها ذي .... البنت تروح بيت اللي راح يخطبها
اسيل:لا احنا رايحين نخطب لـ احمد وهو مره وحده طلب يدي
ميساء:على العموم الف مبروك منك العيال ومنه المال
اسيل:هه الله يبارك فيك ... جهزوا نفسكم الشيخ بيجي الليله مع خالد وتركي
ميساء:اوكي خلاص
اسيل:راح نصير كلنا في يوم واحد
ميساء:ايوااااااا ... حركات .. بس متى بتحددونه
اسيل:ان شاء الله الليله يقولون
بعد ملكة تركي وخالد حددوا موعد الزواج انه يكون بعد ثلاثة شهور ...
بوميساء:هالله هالله في بناتي
خالد:روان في عيوني
تركي:ميساء على راسي من فوق .. لاتوصي حريص عمي
ام ميساء:مبروك يابناتي الله يوفقكم ان شاء الله
روان+ميساء:الله يبارك فيك
ام ميساء:لاتحجزون مشغل ولاتخسرون روحكم ... انا عندي وحده في الخبر تقول هديتكم تزينكم يوم عرسكم ..
روان:هذا المشغل وحجزناه من الحين
اسيل:خلاص وباقي التجهيزات كل يوم يودينا واحد
ميساء:وش اخبار نوره
اسيل:الحمدالله بخير
ميساء:سلمي عليها
اسيل:الله يسلمك .......... يالله مع السلامه

رجعوا للبيت واول مادخلوا جات رساله لـ اسيل وكانت من ناصر لانه اخذ رقمها من اخته نوره ...
((دير بالك زين وخلني دوم على بالك ولو يوم تكدر خاطرك ترى رقمي بجوالك ..ناصر))
ردت عليه اسيل برساله ((فكرت بإن اهديك عمري واكتشفت بإنه اصبح ملكك ...
فأردت ان اهديك قلبي فوجدته بيتك ..
اما عيناي فأعذرني!!وهي الطريق الى املي وهو <..رؤيتك..>
لكني سأهديك مايعجز عنه البشر ........!!!!
((الحـــــــــــــب ))
وصارت اسيل وناصر يتبادلون المسجات..
تركي:تراك ازعجتينا من مين ذا المسجات
اسيل:من ناصر
خالد:اووووووه اثاريه مو سهل من وين جاب رقمك
اسيل:اكيد من نوره
تركي:حتى انا برسل لميساء مو بس هو يعرف يرسل
خالد:انا احسن واحد يعرف يكتب رسايل
احمد:لا انت ولا هو انا احسن منكم
اسيل:اقول بلا تقليد بس
وصاروا يكلمون بعض بالرسايل ....
............... اليوم التالي ...............
اسيل:يالله تركي اليوم اول يوم وانت اكبر واحد يعني انت ودنا الكليه والسوق
تركي:يالله دقي عليهم يجهزون
اسيل:دقيت عليهم هذا هم جاهزين
تركي: يالله طلعي
..........................
اسيل:مر على نوره قبل ........ بيتهم اقرب
تركي:يعني انا مااعرف ....... الحين انتي وش مجلسك قدام اذا جات ميساء روحي ورى سمعتي
اسيل:الله من اولها كذا شلون بعدين
تركي:بعدين بنزلك من السياره خير شر
نوره:السلام
تركي:هلا وعليكم السلام حيا الله مرة اخوي
نوره:الله يحييك
تركي:يالله وصلنا بيت عمي روحي ورى
اسيل:زيييييييين ............ ميساء جلسي قدام
ميساء:لا استحي.... بركب ورى
اسيل:اقول ركبي قدام لانمشي عنك
ميساء:زين .. زين
تركي:هلا والله في ميساء هلا
ميساء:هلا فيك
ووصلوا للكليه وطول الطريق ساكتين ..
ولما ارجعوا من الكليه اتفقوا انهم العصر يروحون السوق ..
..................... وفي السوق ....................
تركي:يالله نزلوا ولا تطولون
اسيل:ماراح تنزل معنا
تركي:اخاف اظايقكم
اسيل:لا عادي ننزل مع بعض ........ انت مع ميساء واحنا البنات مع بعض
دخلوا السوق وراح تركي يختار مع ميساء ملابس ...
اسيل:اللـــــــــــه.... تعالي شوفي هذي البلوزه تجنن
روان:الله....... بصراحه تهبل
نوره:ابي وحده
اسيل:لا انا اللي مختارتها
روان:لا... انا باخذها
نوره:مالي دخل ابي زيها
اسيل:مافيه .. مافيه ...انا اللي مختارتها يعني انا اللي اخذها
روان:خلاص ناخذ كلنا مثل بعض
اسيل:لا انا مابي احد مثلي
نوره:بلا حسد خلاص كلنا بناخذ مثل بعض
اسيل:خلاص بس هذي البلوزه والباقي لاتقلدون علي
روان:شوفي ميساء وتركي شروا السوق كله
اسيل:بنشوف بكره وش راح تسوين لما يجيبنا خالد
روان:لا..بكره ناصر يجيبنا لانه اكبر من خالد واحمد
تركي:هاه بنات خلصتوا
اسيل:وش خلصنا.. بنخلص في يوم وليله
تركي:خلاص يكفي الليله .. نمشي الحين
اسيل:يالله
وكل يوم صاروا على هالحاله يروحون السوق مع واحد ومايرجعون الا في الليل .. لين الاختبارات ..
وبعدالاختبـــــــــــــــــــــــــــارات
اسيل:وش رايك تركي نروح نكمل اغراضنا من لبنان
تركي:وش تسوون في لبنان اللي فيه هنا موجود هناك
اسيل:لا ...... اولا.هناك ارخص واحلى ومنها نقضي ونتمشى
ثانيا.الحين اجازه ماعندنا شيء يعني ناخذ راحتنا
تركي:بس شرط انا اروح معكم
اسيل:لا.. كلكم بتتهاوشون تبون تروحون معنا ... نخلي عمي بوميساء يروح معنا
تركي:احسن حل ..... خلاص سووا اللي تبون
خذت راي البنات كلهم ووافقوا انهم يروحون لبنان
بس نوره طولت على ماردت عليهم لانها اول مره راح تسافر بروحها ...
وصاروا اربع بنات مع بو ميساء ..
وفي لبنان كانوا كل يوم يطلعون من الصبح ومايرجعون الا في الليل ..
بوميساء:خلاص يابناتي تعبت انا كل يوم على ذا الحال... انا شايب مو شباب مثلكم...
ميساء:توك شباب يبه .... خلاص خلصنا ماباقي الا نروح للمصمم ونخلص الفساتين....
بوميساء:روحوا بروحكم انا بروح انام ... ولا تطولون بكره نبي نرجع ازعجوني ازواجكم كل واحد يوصيني عليكم
اسيل:اكيد....... لان احنا غاليات

................ اليوم التالي .................
وفي المطار كان الكل واقف ينتظرهم ..
تركي :هلا والله هلا .... تو مانورت الدمام
اسيل:هلا فيك
تركي:وين ميساء
اسيل:هذا هي وراي مع عمي
احمد:مسكين عمي تعبتوه معكم
بوميساء:لا ... تعبهم راحه
وبعدسوالف وضحك في المطار راحوا البيت وارتاحوا من بعد تعب السفر...
تركي:اللــــــــــه ... مابقى الا اسبوع على الزواج
احمد:خلاص ودعوا العزوبيه يااخوان
خالد:انا من خطبت ودعت العزوبيه
اسيل:ههههههه ..... اقول موفقين بس
.............. في بيت بو ميساء ....................
نزل بوميساء وكانت في يده ورقه بيضاء ...
بوميساء:اقول يابنات وش رايكم في ذا اللوحه
روان:؟؟؟؟ مافيها شيء
بوميساء:وانتي ياميساء وش رايك فيها
ميساء:وش فيك يبه مافيها شيء فاضيه
بوميساء:هذا البيت راح يصير كذا بعد ماتروحون عنا
ميساء:لا يبه راح نجيك كل يوم ماراح نخليك بروحك
روان:ماراح تحس ان احنا غبنا عنك ... كل يوم بتشوفنا قدام وجهك
.................. بعد اسبوع ..........................
راحوا اسيل ونوره وروان وميساء الخبر عشان يتجهزون وصلوا الساعه 7 الصباح وماخلصوا الا الساعه 10 في الليل وبعدها اتصلوا على بوميساء ياخذهم وازواجهم كانوا ينتظرونهم في الصاله ...
وصل بو ميساء وركبوا كلهم ..
واول ماركبوا شغل بوميساء شريط زفه هديه من تركي ...
وطول على الـمسجل حده وكانت السياره مزينه بحركات حلوووووووه ...
الف الصلاة والسلام عليك ياحبيب الله محمد
كلولولولولولولولولولولوش
زفة العروسه وش حـلوها من الخـــــبر للدمام جابوها
عروسنا يامحلا حسنها اسيل شوفوا فرحــها وبهجها
ولا ميساء عاد ياحلوها بالذهب والماس جـــــــــملوها
لاتقل لي روان وين فيها تراها نجم علا بسما محد فيها
ولا نوره لاحد يسألني عنها ملاك من السما ربي يصونها
اسيل وميساء وروان ونوره شوفوا زفتهم وش حلوها
كلولولولولولولولولولولوش
اسيل:ايوااااااااااااا .. عالحركات بصراحه اغنيه حلوه
نوره:لا.... البيت اللي انا فيه احلى
بوميساء:كلكم حلوات .... هذا جاي لكم هديه ان شاء الله اعجبكم
ميساء:بصراحه يجنن... يجنن... يجنن
روان:ياربي كل مانقرب من الدمام اخاف
اسيل:سكتي انا خايف اكثر
نوره:تعوذوا من ابليس وسكتوا
بوميساء:يالله يابنات نزلوا هذا احنا وصلنا
اسيل:الفستان شكبره مااعرف انزل
نوره:ارفعيه ونزلي
روان:وين ميساء مانزلت
ميساء:هذا انا نزلت
بوميساء:روحوا الغرفه اللي قدامكم هناك ام ناصر وام ميساء وبسرعه دخلوا ازواجكم ينتظرونكم ...
ام ميساء:اللهم صل على النبي..... ملاك ملاك قدامي.... ياحلوكم الله يوفقكم ان شاء الله
ام ناصر:يالله يابناتي المعازيم ينتظرون داخل
..............................
كان الجسر مقسم اربع فصول اول قسم صيف والثاني خريف والثالث شتاء والاخير ربيع وباقي الكوشه كلها الفصل الاخير((ربيع)) وبين كل فصل وفصل شكل بوابه كبيره وتناسب الفصل اللي هي واقفه فيه ...
ميساء:خلوا نوره قبل تدخل انا استحي
نوره:لا خلي روان
روان:اسيل قبل لانها هي اخت ازواجنا كلنا
اسيل:لا تركي اكبر واحد يعني ميساء تدخل قبل
ام ناصر:اذا بتتهاوشون للصبح مادخلتوا .. يالله تركي اكبر يعني ميساء قبل بعدين اسيل وبعدها نوره واخر شيء روان
ام ميساء:سموا بسم الله ودخلوا....ولما تمر ميساء على الصيف وتدخل على بوابة الخريف تدخل وراها اسيل وخلكم ورى بعض كل ماتدخل وحده من بوابه تدخل الثانيه ..
دخلوا البنات وكانت زفتهم روعه ..
ولما توزعوا كلهم وصارت كل وحده في فصل وبينها بين العروس الثانيه بوابه وقفوا شوي وبعدين كملوا وجلسوا على الكراسي ...
زفوا كل عروسه لزوجها وكان احلى يوم في حياتهم ....
وفي اليوم الثاني ... سافروا كلهم لشهر العسل ...
تركي + ميساء = تركيا
ناصر + اسيل = ماليزيا
احمد + نوره = كندا
خالد + روان = بريطانيا
وعاشوا مع بعض بحب وفرح وسعااااااااااااده وامان ....


أخيـــــــــــــــــراً
اتمنى ان قصتي قد نالت اعجابكم ...
واتمنى ان تصلني ارشاداتكم وتعلقاتكم لقصتي الأولى ...
وكما اشكر اهلي على تشجيعهم لممارسة هوايتي وتنميتها ...
وكل الشكر لأصدقائي الأعزاء لمساعدتهم لـــــــــــــــــــــــــــــــــي ....
مع تحياتي
****************

 

 

[جبرني الوقت]

عام 2005

بداية كتاباتي


والأن 2008




حدثت تطورات خلال

3 ســـنوات


وفروق كثيره

عن بدايتي في كتاباتي

وهذي من القصص البدائيه



اعجبتني كثيراً فكرتي

عندما ارى هذه الصفحات

والنصائح والشكـر والأعجـاب

والأنقادات التي رجعتني الى بداياتي

مع هوايتي

وكانت فكرتي

هي أن اضع القصص التي اكتبها في المنتديات لكي استمتع بأراى الأخرين

وهذا كانت أول قصه لي اضعها في المنتدى


وهي التي اثارت في داخلي

العزيمه

والأصرار

في تكملة مسيرت (هوايتي)




أتمنى ان تنال هذه القصه كل من لم يتسنا له قرأتها

من الأعضاء الجدد



الله الموفق

تحياتي

 

 

[متروكية وعباسية]

سلااااااااااااااااااااااام

بصراحة وكل الصراحة انها كشوووخة وروعة وفنتاستيك هالقصة
اني عندي انتقاد بسيــــــــــــــــط انه الاحداث تمشي بسرررررعة في البداية لكن في الاخير كلــــــــش عجبتني
تسلــــــــــــــــــــــــم هالايادي الغالية جبرني الوقت
وانشاء الله تتوفق في اضافة قصص ومواضيع جديدة تبهرنا بها وتـأكد انه احنا ماراح ننساك من الردود
وتسلم يالغالي

تحياتي الحسينية
متروكية وعباسية

 

 

[جبرني الوقت]

متروكيه وعباسيه

انرتي صفحتي بمرورك العطر

اشكرك

اختي

على مرورك الكريم

والانتقاد البصيط

واتمنى ان تري التطوارت في المرات القادمه

الله يعطيك العافيه

الله يخليك ولا يحرمنا منك

تحياتي

 

 

[غلا روحي]

الله يعطيك مليووووووووووووووووووووووووووون عافية عالإبداع الصراحة قصة ولا اروووووووووووع