بيتزا مقلية ]|~

[إشراقة أمل]

بسم الله الرحمن الرحيم ..

اللهم صل على محمد وآل محمد وعجل فرجهم ..

السلام عليكم ورحمة الله وبركاته ..~

:.

|[ بيتزا مقلية ]|





مقادير العجينة :

كوبين ونصف طحين

ملعقة صغير خميرة

ملعقة صغيرة ملح

ملعقتين صغيرة سكر

واحد كوب ماء دافئ

ملعقة كبيرة زيت زيتون .. رشة ثوم بودرة .

،’

الطريقة :

تعجن المقادير لين تتكون عجين لينة , لكن ليست لينة حيل .. وتدهن بزيت غير الموجود بالمقادير وتغلف بالنايلون وترك تتخمر ..

بعدها تفرد .. بسمك خفيف نوعا ما لكن لايكون خفيف جدا عشان لا ينخرم اثناء التكوير بسبب الحشوة ( تقريبا بمقدار واحد سم ) مثل الصورة بالعرض



،’

الحشوة :

مكعبات جبن موزريلا

فلفل رومي

زيتون اسود شرايح

صلصة بيتزا ( معدة بالبيت )

جبن تشيدر برايد ( او اي تشيدر كويس ) ويبشر ناعم جدا

زعتر طازج مورق ( يعطي نكهة لذيذة للبيتزا المقلية )

،’

القلي :

بتقلى بالزيت بعد تغميسها بالبيض والبقسماط





وبالعافية ..~


أكيدن منقول فديتكن

دعواتي الصادقة وتحيتي العطرة .ْ~

 

 

[همس المشاعر]

طريقه سهله مررره وشرح واضح

الله يعطيكِ العافيه ، وان شاءالله راح نجربها

دمتِ بخير

 

 

[إشراقة أمل]

شدعوووه عااد ؟!

خلال يومين 435 مشاهدات على رد واحد بس .!

لا وبعد هسه الحين معي ضيف +

،

بس يللا همس المشاعر تكفي وتوفي ..

شوفي هموسه .. إذا سويتيه هذا الشي اعزميني أنا بس عليه ..

صج ما أحب البيتزا .. بس يعني أنا ما برد عزيمتش فديتش

،’

منوورة غلاي .. ما أنحرم الطلة .ْ~

 

 

[بوعزيز]

ذكرتيني باطباق رمضان
واضح بالصورة ختم مطبخ نجود
ان شاء الله الطبق الجاي بختم اشراقة أمل

 

 

[زهور الريف]

وعليكم السلام ورحمة الله وبركاته
:
ي دلب ما أقدر اقاوم شكل البيتزا مع الجبن
شكلها خقققه << هذا العضو سايل لعابه
تستاهلين فايف ستارز
/
:
..} إشراقه أمل {..

يعطيك العافية كل الشكر لكِ

 

 

[زهرة اللوتس]

الصراحة بيتزا مُحترمة هاي ،

والشُغُل كُلّش زين


يبي لي أسويها في يوم ما

الله يعطيش ألف عافية أختي إشراقة أمل

 

 

[إشراقة أمل]

اقتباس المشاركة الأصلية كتبت بواسطة بوعزيز ذكرتيني باطباق رمضان واضح بالصورة ختم مطبخ نجود ان شاء الله الطبق الجاي بختم اشراقة أمل

هـه .. ايه إن شاء الله ..

بس كم تدفعون عشان تطلع حقوق مطبخي للعالم في النت .؟!

عاد أنا نفسي في الطبخ حيييل رايق .. عشان كذا ما يطلع طبخي لأي أحد


وين زووز تعطيكم رايها بس ..

،

تشكرات جزيلات على الحضور .. واذا جا شهر رمضان نبي نشوف أطباقكم

 

 

[إشراقة أمل]

اقتباس المشاركة الأصلية كتبت بواسطة زهور الريف وعليكم السلام ورحمة الله وبركاته : ي دلب ما أقدر اقاوم شكل البيتزا مع الجبن شكلها خقققه << هذا العضو سايل لعابه تستاهلين فايف ستارز / : ..} إشراقه أمل {.. يعطيك العافية كل الشكر لكِ

يا لبى قلبتس .. تسلمي لي غناتي ،

تصدقين ؟ ودي أعرف سر حكاية العشق مع السيد جبن ..

ويللا همتتس زووز .. نبي تطبيقتس فيها ..

أحس انتس بتضبطينها أقوى شي

//

منوورة الحتة يا شيخة ..

لا تبتعدي |مودتي

 

 

[زهرة الأوركيد]

واااااااااااو يجنن شكلها

طريقه حلوه وسهله وجديده

شكرا جزيلا لك غاليتي اشراقة امل

تسلم الايادي الرائعه على جميل اختيارك لنا

تحياتي

 

 

[حلى الشرقيه]

ياربي شكلها بآخر صورة عجييييييب
خلالالاص مت جوع ههههه
شكلها لذيذ ولازم نسويها
الله يعطيج العافييه فديتج