موضوعي يختص بفئة ذوي الآحتياجات الخاصة .... وخصوصا الآعاقات العقلية ...

[حڪےـمْ]

السسسلام عليكم

يعطيكم العافيه

حبيت استفسر اذا فيه معاقين عندنا بالطرف وخصوصاُ الآعاقة العقلية ....

لآني آبي آستفيد وآفيد ان شاء الله ....

ننتظركم

 

 

[واحة الاحساء]

موجودين معاقين عقليا بجميع الفئات أولاد و بنات و لكن هناك تحفظات و خصوصيات لإغلب أو بعض الأسر في المجتمع البعض يحاول التستر على أولادهم خشية الإحراج. والله ولي التوفيق و السداد.*

 

 

[*بسمه خاطفه*]

يوجد معاقين بعدد ليس بالقله ولكن كماتطرق
اخي واحة الاحساء بأن هناك تستر وهذا يسمى
تخلف للأسف فهذه الفئة تحتاج الى من يمد لها
يد العون واشكرك اخي على هذا السؤال الجميل

 

 

[حڪےـمْ]

يعطيكم العافيه وآحة وبسسمه

مثل مااتفضلتوا فيه ناس صحيح تتستر وهذا اللي قاهرني لآنه بيدهم يعدمون عيالهم ماافيه متنفس لهم بالحياة

يحرمونهم من آبسسط حقوقهم والله ماامر باالشيء ذا المعاق مثل اليتيم والكل عارف آنه فيه معااقين ربي خذ منهم نعمة بس عطاهم نعمة

ومرت علي عائلة مثل كذا آحسس آنهم اعدموهم بجلسستهم بالبيت


بس نتمنى من خلآل هالموضوع نششيل فكرة الآحراج والخوف من آهل المعاقين ونخليهم يفتحون المجال لعيالهم

بالدراسه والتعليم والتنفيس عن ماافي دآخلهم آبي ناس تسسساعدني وآعطاهم آبسط حقوقهم الآستمتاع بحياتهم لو بششيء بسسيط

ماادري ششقول بس آذا لقيت تفاعل ونقاش بالموضوع بيكون فيه كلآم ثاني

ومششكورين ويعطيكم العافية ....

 

 

[نسمة عشق]

وما قصرت والله فيه وليس بالعدد القليل بس الخجل أهو إلي
ي يمنع العائذلات من التطرق في هذه المواضيع
وآنه أول المتساعدين في هذا الموضوع
في أعمار محدده بالنسبه للأولاد والبناتيعطيك العاليه

 

 

[كا كا]

الله يعطيك العافيه
بس ممكن توضح اكثر في ايش راح تفيدهم
يمكن يكون تفاعل تجاه موضوعك

 

 

[غنج الورد]

يمكن لقلت في شنو راح تفيدهم يمكن يتشجعون ويلاقون الشي اللي يدورونه من زمان لعيالهم

تحياتي وشكرا على الاهتمام

 

 

[جهاد النفس]

اشكرك اخي على طرح الموضوع ...
الموضوع يحتاج بحث من عدة نواحي
اولا الكلام من خلال المشائخ الفضلاء في جميع المساجد وتدعم من خلال منسباتنا في الحسينيات عن المعاق وماذا تعني اعاقته
ثانيا :- البحث عن متخصصين في هذ الشأن واستضافتهم في بعض منسباتنا
ثالثا :- لو عمل تشجيع في مهرجان الزواج الجماعي لمسابقات او اي نشاط يخص المعاقين من بنات واولاد وجعل حوافز لهم من جوائز وغيرها لجميع المراحل الطفولية والشبابية
رابعا :- لفتتة المدرسين للبنين والبنات من اهل بلدنا بأن يعطون استشارة من خلال ممارسة التدريس ويعملون بأجتماعات بينهم وتبادل الخبرة والاراء ويتخذون موقف بدمج هذه الفئة في المدارس والحث عليها والتشجيع للاهل ونشر ثقافة العلاقة بين الطلاب وبينهم واتخاذ التدابير في كل مرحلة من مراحل الدراسة في جميع مدارسنا .

 

 

[حڪےـمْ]

يعطيكم العافييية آن شاء الله كلآمكم آكبر تشجيع

بس ممكن آعرف آذا فيه آحد يدرس تربيه خاصه في آي مسسار كان سواء بالطرف آو برى الطرف

ولي رجعه للموضوع

 

 

[حڪےـمْ]

المسسساعده رآح تكون مو بس مني من الجميع يمكن الحين ماادري بشنو بقدر آساعدهم آن شاء الله بالمستقبل

كلآم جهاد النفس يعتبر مسسساعده من قبل المششايخ والحسينيات والمساجد والمختصيين

وحبيت آوضح انه الآن في تطور لآنه يقولون بيصير دمج للمعاقين بالمدارس وخصوصا لصعوبات التعلم

بقول ربع من سيرتي الدراسيه آنا طالبه كلية التربيه قسم تربيه خاصه تخصص آعاقه عقليه باقي علي سنه ونص وآتخرج آن شاء الله ودرآسسستي تعليم عن بعد ليس آنتظام

نفسسي اعمل شيء يهتم بالمعاقين بس ماادري شنو يمكن بكلآمكم ومساعدتكم بنعرف شنسوي

آنتظركم

مووفقين

 

 

[أبوالحواتم]

السلام عليكم
يوجد لديكم رسالة على الخاص

اخوكم

ابوالحواتم

الجبيل الصناعية

 

 

[حڪےـمْ]

يعطيك العافيه آخوي وصلت وتم الرد

بالتووفيق

 

 

[حڪےـمْ]

السسسلام عليكم

جيت لكم بقصة وحدة عندها معاقين بس آعاقتهم من كلآمها لي عنهم صنفتهم من المعاقين القابلين للتعلم والتدريب بعد هذا من وجهة نظري

بس للآسسف الآهل وكلآم الناس لهم خلهم يكتفون ايدينهم ولا يسسوون شيء لهم

عطتني القصه بأأختصار

انا لمن كنت صغيرة ما كنت أعير لهم أي انتباه و لا اهتم لهم , كانوا امي و ابوي يعاملونهم معاملة أقل منا
لما رحت الثانوية بديت أفهم و صرت أنتبه لهم و أدافع عنهم و أقول لأمي هم مو اقل منا هم بعد يحسون ..
من خلال تعاملي اللطيف معهم احتويتهم و صاروا يحبوني اكثر وحدة بالبيت و اذا اي احد ضايقهم بكلمة او تصرف يجون لي
انا صرت افضلهم حتى على نفسي , و من بهالشيء امي و ابوي وخواتي الثنتين صاروا يسوون نفس اللي اسوي
قوت شخصياتهم و صاروا هم يدافعون عن نفسهم , حتى مداركهم حسيت انها تفتحت و صاروا يفهمون اكثر من قبل
بس الفكرة في أذهان اللي يصيرون لنا ظلت ما تغيرت : أنهم معاقين و مرضى و ما يقدرون يقومون بنفسهم

هني تتكلم عن آخوانها الششباب
هم ناسيني انا جأت على هالمساكين ؟ يعني انا واياهم في الهوا سوا بس احيانا يقطون كلام و يحسبون انهم ما يفهمون بالعكس يفهمون و يزعلون

آنتظر رايكم

 

 

[|[..استفانوس..]|]

خطوة ومبادرة جميله منكِ خيه
ان شاء الله يكون تعاون من الجميع


انا كمان ادرس تربيه خاصه خلصت سنه ووقفت حالياً
ان شاء الله لي عودة لإكمال الدراسه بعد الإنتهاء من دراستي بالمعهد

طبعاً راح اتخصص نفس تخصصك اعاقه عقليه .



ربي يوفقك ويسر امورك

 

 

[حڪےـمْ]

حياج الله آستفانوس

تسلمين على الدعوة وبالتوفيق لنا ولج آن شاء الله حبيبتي

 

 

[فقدتها]

السلام عليكم
انا بعد تخصصي تربيه سنه رابعه مسار صعوبات
واتمنى بعد التخرج تتاح لي الفرصه للعمل التطوعي
بالتوفيق لكم ولي ..........

 

 

[ضحكة]

اختي اول شي طرا في بالي لما قرات استفسارش :

هالبنت اكيد مو من الطرف

بس اهتمامك اعجبني وهذا موضوع من زمان كنت اتمنى احد يطرحه في المنتدى او حتى في الطرف عموم

اما من ناحية عدد المعاقين في الطرف فهم بصراحة نسبة كبيرة جدا جدا

ولو ان هناك احصائية لأكبر عدد معاقين في الأحساء لكانت الطرف الاولى بها

حيث انه من النادر ان ترى حي في الطرف بدون معاقين عقليا او جسديا

النسبة مهولة في الحقيقة لكن لا احد يتكلم

فشكرا اختي على المبادرة

 

 

[حڪےـمْ]

عليكم السسلام آخوي

لو آني ماانتبهت آنك رجال كان قلت لك بمركز التأهيل يبون متطوعات بس لدورت وسسألت آكيد بتلقى وآن شاء الله بعد ماتتخرج تتوظف

الله يوفقنا وياك آن شاء الله

 

 

[حڪےـمْ]

مااقلتي هالكلآم الا آكيد ششايفه اعداد من المعاقين عندنا انا بصراحه اشوف بس قليل ماادري عن مافي دآخل البيوت

وآنا مااطرحت هالمووضوع الا عششان الفائدة لي ويمكن عششان نفيد اهل المعاقين او المعاقين نفسسهم

بس بصراحه مو لآقيه تفاعل انا ابي اثبت نفسي في هاالمجال وآسسساعد وآلقى المسساعده

يعطيج العافيه حبيبتي كلآمج وسسع صدري

ياليت لو عندج كلآم آكثر تطرحينه

بالتووفيق

 

 

[ضحكة]

صدقت انا شفت كثير

لكن اريد اوضح انه مو ضروري يكون الأهل هم اللي يخفون اعيالهم

ممكن نوع الأعاقة هو السبب مثل المعاقين جسديا اللي ما يقدرون على الوقوف او الجلوس

او المصابين بالتوحد صعب عليهم يتعاملون مع المجتمع الخارجي وخصوصا اذا كان مثل مجتمعنا فيمتنعون

عن الخروج ولا يمكن اقناعهم بسهولة بذلك

واقترح بالأضافة للحسينيات والمساجد ان كل واحد منا ينصح ويشرح طريقة التعامل مع

المعاقين حتى في بيوتنا لأطفالنا واهلنا ونذكرهم باخلاق الأسلام

واقتراح ثاني على كل من عنده معاق عقليا اذا تركه يخرج من البيت انه يلبسه سوار او قلاده او بطاقة

او اي شي مناسب ليكتب عليه اسم المعاق ورقم التلفون والجوال واسم البلد والحي اللي يسكنه

وارجو اني افدتكم بشي ولو بسيط