•·.·°¯`·.·(سـوالـفـك مـع القـرقيعــان الجـزء الثالث ) •·.·°¯`·.·•

[زهور الريف]

في هذا الموضوع راح نستضيف عدد من الأعضاء ،، يتحدثون لنا عن ذكرياتهم و سوالفهم مع القرقيعان

ندخل نقرقع في بيتهم ،، و بعدين نطلع معاهم من بيت لبيت ،، و من فريج لفريج

و نتعرف على مواقفهم و تصرفاتهم و انطباعاتهم تجاه بعض الأمور المتعلقة بالقرقيعان .. فخلوكم معانا ..

للأطلاع على الجزء الأول
http://altaraf.com/vb/showthread.php?t=73771
و تم إستضافة مجموعة من الأعضاء وهم :

أول الغيث و طلة قمر..! و بحر الوفا و وسط النخيل و آحساآس قاتل و حلى الشرقيه و تاروتية وسندس و جرح الفؤاد و الغريب و أنثى مخملية و DHYM .

للأطلاع على الجزء الثاني
http://www.altaraf.com/vb/showthread.php?t=97877
وتم إستضافة مجموعة من الأعضاء وهم :
~ غصــ الروح ــن ~ و إشراقة أمل و وحي العشق وزهرة الأوركيد وkaha و شقاوة أنثى

فأهلاَ و سهلاً بهم ،، و يلا خلونا نشوف قرقيعانهم كيف كان ..

1 - كم كان عمرك أول ما قرقعت ؟ و متى توقفت عن القرقيعان ؟

2 - مع من كنت تقرقع ؟

3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

4 - هل كنت تلبس ملابس خاصة في القرقيعان ؟ و لاّ تلبس أي شي ؟

5 - موقف صار لك في القرقيعان و لا يمكن أن تنساه ؟

6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

7 - شنهي ردة فعلك لمّا تروح بيت ،، و ما يعطونك قرقيعان ؟

8 - شنو يوزعون بيتكم في القرقيعان عادةً ؟

9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

10 - بعض اللي يقرقعون يروحون ويجوون على البيت الواحد أكثر من مرة ؟

فما رآيك في هذي الحركة ؟ و هل كنت تسويها ؟

11 - بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟

12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

15 - مالدور الذي تقوم به في القرقيعان حالياً ؟

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

وأتقدم بجزيل الشكر و العرفان إلى " أول الغيث" على مساهمته ومشاركته لي في إعداد الموضوع ويعطيك ألف عافية

 

 

[زهور الريف]

نستضيف في هذي الحلقة كلاً من : 1 -قطرات ندى2- النبض الصامت3- شذى الزهور..

 

 

[النبض الصامت]

.. .. ..

في البداية // اشيد بهذا الموضوع الاكثر من رائع

الله يعطيكم العافية .. زهور ،، اول الغيث

كما يسعدني ان اكون اول المشاركين .. او من اول المشاركين

وان شاء الله ما تشوفون عليه شيء ماهوب زين

وابتدي بـ بسم الله الرحمن الرحيم

- كم كان عمرك أول ما قرقعت ؟ و متى توقفت عن القرقيعان ؟

صراحة مدري كم بالضبط .. بس وانا صغير

وما شاء الله .. الى اللحين ماتوقفت

توضيح // انا قرقيعاني على الاهل << فقط >>

يعني بالمجمل العام نقول قرقيعاني 8 سنوات تقريباً .. وانا توقفت

<< وش ذا القصة ؟؟

2 - مع من كنت تقرقع ؟

كل سنة مع احد ..

3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

صراحة خطتنا نففس كل شخص ..

بداية من شارعنا الى ابعد شارع .. ومن ثم الرجوع

4 - هل كنت تلبس ملابس خاصة في القرقيعان ؟ و لاّ تلبس أي شي ؟

لا عادي

كل سنة لبس ..

5 - موقف صار لك في القرقيعان و لا يمكن أن تنساه ؟

صراحة الموقف .. لا يذكر

6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

اللي يجي من الله .. حياه الله

وانا ما افضل شيء على شيء .. بس افضل النوع على النوع

7 - شنهي ردة فعلك لمّا تروح بيت ،، و ما يعطونك قرقيعان ؟

يمكن قد اقول ماصادفتني كذا .. او بالاصح .. ما اذكر

بس عادي ،، لأن احنا نحصل واجد .. فلذلك حاجة وحدة ما تأثر على الباقي

8 - شنو يوزعون بيتكم في القرقيعان عادةً ؟

ما لذ وطاب

نفس كل العالم

9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

صراحة موقف انا ما اذكره بالضبط .. بس اللي اذكر اني فطرت والشيء الثاني ،، الشمس ماترحم

واللحين ولله الحمد ،، القرقيعان في الليل .. فـ لا يوجد افطار الآن

10 - بعض اللي يقرقعون يروحون ويجوون على البيت الواحد أكثر من مرة ؟

فما رآيك في هذي الحركة ؟ و هل كنت تسويها ؟

انا اقول .. هم وضميرهم

والشيء الثاني هذا بركة الامام الحسن

فعادي لو اعطيه 5 مرات ..

والشيء الثاني الخير واجد

والشيء الثاني .. انا ماسويتها اذا ماخاب ظني

<< ما لاحظتوا اني معلق على (( الشيء الثاني )) ؟؟

11 - بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟

انا صراحة راح اعطيه

بركة الامام لا تقتصر على الصادق او الكاذب

وهو وضميره كذلك

وعليه بالعافية


وانا ماسويتها الا مرة .. وكنت صادق في كلامي

12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

يعني كيسة متوسطة الحجم

13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

في الخارج بعض الاحيان

في الداخل تصير بس اليد قصيرة والعين بصيرة

14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

بعض الاحيان


وودّي افر الطرف والجفر بعد

15 - مالدور الذي تقوم به في القرقيعان حالياً ؟

اقرقع .. واوزع .. كل شيء

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

اف كورس .. يعني هذا قرقيعان ،، مو للصغار بس

بس اللي ما افضل .. ان الكبار من الرجال يقرقعون ويدخلون على الحريم في البيوت

طبعاً هذا مو موجود في مجتمعنا .. بس بعض الاشخاص ذو 16 .. 17 .. يدخلون .. ولا في البال خاطر


17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

لا ولله الحمد

بس انا لاحظت في الامس وانا قاعد اقرقع .. لقيت بعض البيوت يوزعون فلوس ...


قعدت اتساءل ،، هل هذا اسهل او هي عادة

واذا كان اسهل .. يعني مولد الامام الحسن .. صار رخيص ؟؟

واذا عادة ،، فهي سلبية ،، فلا يعرف ولايشتهر القرقيعان الا بـ التوزيع .. بسكون ربيان بطاطس حلاويات و و و .. لذلك لا اعلم سبب كثرة توزيع الاموال

اتمنى اني ماطولت عليكم

واشكر القائمين على هذا الموضوع مرة اخرى

والله يعطيكم العافية


والسلام خير ختام

 

 

[شذى الزهور..]

السـلام عليكم ورحمة الله وبركــآته..~
يسعدلي هالصبــآح بكل خير وسعآده

مبــآرك عليكم مولد الامآم الحسن(عليه السلام)
وينعــآد ع الجميع بصحه وعآفيه

بسم الله نبـدأ..



1 - كم كان عمرك أول ما قرقعت ؟ و متى توقفت عن القرقيعان ؟
تقريباً8 سنــوآت..وتوقفت 12..4 سنين بس



2 - مع من كنت تقرقع ؟
مع بنآت عمي ومع بنآت خالي..


3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟
نبتــدي في فريجنا ونحوس الرآشديه وبعدين مع الخيل ياشقـرآء


4 - هل كنت تلبس ملابس خاصة في القرقيعان ؟ و لاّ تلبس أي شي ؟
هذآ اللي يلبسونه هذآك اللي فيه بخنق وكذا<<فهمتوا شي
ولمـا كبرت العبآءه


5 - موقف صار لك في القرقيعان و لا يمكن أن تنسآه؟؟
مره وانا اقرقع دخلت بيت وقال لي مارآح اعطيك إلا لما تقولين
قرقعيـآن قرقيعـآن...هاذي اللي يقولونها ولارضيت اقولها
وبعـدها مشيت بطلع وقبل ماطلع قام يضحك وقال خلاص تعالي اخذي
واخذته وقبل ماطلع حطيته جنب الباب وطلعت



6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟
ريـــالآت..وعصير غــوآر..


7 - شنهي ردة فعلك لمّا تروح بيت ،، و ما يعطونك قرقيعان ؟
ماآســوي شي بس انقهر..



8 - شنو يوزعون بيتكم في القرقيعان عادةً ؟
ريــالآت..


9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟
كآن عمـري 8 فعآدي يعني سويتها اما بعدين صآر في الليل..


10 - بعض اللي يقرقعون يروحون ويجوون على البيت الواحد أكثر من مرة ؟
فما رآيك في هذي الحركة ؟ و هل كنت تسويها ؟
مآأحبهــا.ولاسويتهـآ..اما اللي يسون هالحركه اعطيه مره بس



11_ بعض اللي يقرقعون ،، يجيك و يقول عطوني قرقيعان لأخوي أو أختي ..
و لما تقول له وينه ؟ ليش ما يجي يقرقع معاك ؟
يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!
فما رأيك في هذي الحركة ؟ و هل سويتها ؟
ماسويتهــا والي يسون لي كذا عادي اعطيهم اصلا ماسئلهم وينه




12 - كم كانت حصيلة القرقيعان اللي تجمعها عادةً ؟ و شنو تسوي فيها ؟
كــرتون..واوزع اللي ماحبه على اخوآنــي..



13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟
يتعــرض في دآخل المنزل..



14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟
اتمنـــى حيــــــل.



15 - مالدور الذي تقوم به في القرقيعان حالياً ؟
اوزع القــرقيعآن..


16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟
صــرآحه لاآؤيد..لان مره دخل علي ولد كبير وخفت اما البنآت عادي بس
موحلـو اللي تطلع تقرقع بعيآلها



17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟
بالنسبــه لي سلبيه..في ايجآبي ولكن الاغلب سلبي

,,,
اتمنى كنت ضيفه خفيفــــه
وكل الشكـر والامتنان لقلبي..زهور الريــف
وايضـاً اخي..أول الغيث

دمتــم بودي..|

 

 

[قطرات ندى]

السلام عليكم ورحمة الله وبركاته
صباح الخير
أبارك لكم مولد الإمام الحسن عليه السلام
نبتدأ..
بسم الله الرحمن الرحيم
......
1 - كم كان عمرك أول ما قرقعت ؟ و متى توقفت عن القرقيعان ؟
والله ما أعرف بإي سن أبتديت بس انتيهت في سن 12.
2 - مع من كنت تقرقع ؟
أقرقع مع صديقتي .
3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟
مافي إي خطة مجرد أطلع من نقطة البيت إلا لمين أتعب وأرجع البيت .
4 - هل كنت تلبس ملابس خاصة في القرقيعان ؟ و لاّ تلبس أي شي ؟
لا أبد عباتي دائماً مرافقتني .
5 - موقف صار لك في القرقيعان و لا يمكن أن تنساه ؟
ما أدري بس أتوقع الموقف عادي بالنسبة لكم وبالنسبة لي محرج
دخلت بيت .....طلعت لي الأم وصارخت علي وقالت مافي قرقيعان وهزأتني ..
طلعت وأنا منحرجة أشوي وبصيح على العموم الله يسامحها
6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟
والله أهم شي فرحتنا بالمولد ويفضل إن القرقيعان يكون جودة ونوع جيد .
7 - شنهي ردة فعلك لمّا تروح بيت ،، و ما يعطونك قرقيعان ؟
عادي بس أهم شي إن يكون بشكل طبيعي مو يطردونا من بيوتهم مثل الحرمة .
8 - شنو يوزعون بيتكم في القرقيعان عادةً ؟
كل سنة شي مرة حلاو ومرة ريالات .
9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟
لا , ولله الحمد ولاعمري سويتها .
10 - بعض اللي يقرقعون يروحون ويجوون على البيت الواحد أكثر من مرة ؟
فما رآيك في هذي الحركة ؟ و هل كنت تسويها ؟
لا , أبد أنا مو من هالنوع لإني كثير أستحي من هالحركة وبالنسبة للحركة إذا كان اللي يسويها طفل عادي بس كبير وفاهم مو حلوة بحقة
بس اللي مو حلو إن يحرجونه أهل البيت .
11 - بعض اللي يقرقعون ،، يجيك و يقول عطوني قرقيعان لأخوي أو أختي ..
و لما تقول له وينه ؟ ليش ما يجي يقرقع معاك ؟
يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!
فما رأيك في هذي الحركة ؟ و هل سويتها ؟
لا ماسويتها بس عادي طفل ويبغى يفرح طفل شي جميل .
12 - كم كانت حصيلة القرقيعان اللي تجمعها عادةً ؟ و شنو تسوي فيها ؟
أنا من نوعي كسلة وبسرعة أتعب فما أجمع كثير كلها كيسة صغيرة وأحياناً وسط.
13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟
أهم شي , شدعوة تصير في البيت بس عادي كلها بسكويت وحلاوة .
14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟
آه آه ,ياليت كان أفرفر من بيت لبيت وأتونس .
15 - مالدور الذي تقوم به في القرقيعان حالياً ؟
حالياً ماأعمل شي لا توزيع ولا شراء ولا شي .
16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟
هي في بعض الأوقات سيئة لإنه يكون اللي توزع بنت ويدخل عليه ولد كبير وتكون مو مسترة فهذا شي مو حلو وكذلك إذا كان العكس
وفي نفس الوقت يكون تشجيع وفرحة أكثر وإحياء للمولد أكثر
بس أنا أبداً أبداً ما أقدر ولا اجرع إني أقرقع مثل هالبنات الكبيرات .
17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟
هالسنة شفت فعاليات كثيرة وحلوة ومشجعة للأطفال ولإحياء المولد
فهذه الفعاليات أعطت نوع وجو من الحماس والفرحة وزرعت في نفوس أطفالنا المحبة للإمام الحسن عليه السلام
أناأشوف إن لو تكثر هالفعاليات تكون أكثر فرحة وبهجة لأطفالنا ولنا كذلك .
...
في الختام أشكر كل من قام وشارك في فرحة الإمام المجتبى عليه السلام
...
أشكر كل من ساهم في إنجاز هذا الموضوع الجميل
ربي يعطيكم العافية
أتمنى تعذروني في هذه السوالف .

 

 

[♥ gѕη яσσн]

-

جميل جداً هو أن تعيد أمجاد الماضي و ذكريات تلك المناسبة الخالدة بذكرى .
مناسبات رحلت علينا فِ صغـرنا , لكن الى ألان نحكي عنها لأطفال .

النبض الصامت ؛ أهم شئ قرقعة يوم الخميس / ترى احنا قرقعنا و خلصنا و رحنا تابعنا مباراة
و تركنا القرقيعان و رجعنا من مباراة النصر و الفتح , و البيت استاذ علي الحجي ما برحوآ
يوزعوآ كباب ... المضيف الأمام الحسن عليه السلام .

شذى الزهور ؛ أحسن شئ أنك تركتِ الي عطوك , و كسرتي عينه بدل ما أحرجك

قطرات ندى ؛ ترى الكسل ما ينفع , كيسة صغيره ما تنفع حلاته كيسة السودة متروسه لآخرها .



أول الغيث , زهور الريف ؛ أخباركم بس / ما برحتوآ عَ هذه المواضيع الجميلة مره
يعطيكم العافية عَ الجهد المبذول منكم .


وُدي !

 

 

[النبض الصامت]

.. .. ..

اقتباس المشاركة الأصلية كتبت بواسطة ♥ gѕη яσσн النبض الصامت ؛ أهم شئ قرقعة يوم الخميس / ترى احنا قرقعنا و خلصنا و رحنا تابعنا مباراة و تركنا القرقيعان و رجعنا من مباراة النصر و الفتح , و البيت استاذ علي الحجي ما برحوآ يوزعوآ كباب ... المضيف الأمام الحسن عليه السلام .

ايه قرقعنا ولله الحمد

وعندي فكرة على طاري توزيع القرقيعان

احنا يا الكبار اذا قرقعنا .. مانعرف نقرقع ،، والسبب

بعض البيوت توزع حريم والبعض رجال

لذلك انا عندي فكرة حق السنة الجاية ،، واللي هي //

يكتبون ورقة على الباب .. { اللي يوزع ،، امرأة .. رجل ،، كذا افضل ولا تصير احراجات و و و }


شيء جميل ..

وعلى طاري بيت استاذ علي الحجي .. ترى الى اللحين خاطري فيه .. بس مالله كاتب


على العموم عذراً على التطويلة


والسلام خير ختام

 

 

[زهور الريف]

النبض الصامت

اقتباس << ما لاحظتوا اني معلق على (( الشيء الثاني

وبعد معلق على ضميرهم

اقتباس اقرقع .. واوزع .. كل شيء

ماشاء الله عليك متعدد المهن

اقتباس بس انا لاحظت في الامس وانا قاعد اقرقع .. لقيت بعض البيوت يوزعون فلوس ... قعدت اتساءل ،، هل هذا اسهل او هي عادة واذا كان اسهل .. يعني مولد الامام الحسن .. صار رخيص ؟؟ واذا عادة ،، فهي سلبية ،، فلا يعرف ولايشتهر القرقيعان الا بـ التوزيع .. بسكون ربيان بطاطس حلاويات و و و .. لذلك لا اعلم سبب كثرة توزيع الاموال

بعكس أنا ضدك
لو بنقارن بين اللي يوزع بسكوت بيصرف على المولد 250 ريال وبين اللي يوزع فلوس بيصرف350 ريال مثلا
لان البسكوت الواحد بنص يعني اللي يوزع ريالات بيصرف أضعاف اللي يوزع بسكوت
يعني مو أرخص

لو كل بيت يوزع ريالات ويحصل الطفل على مبلغ وقدرة ويشتري له أشياء يحبها أفضل من اللي يعطون اشياء منتهية تاريخها هنا نقول وين التقدير للمولد

.",

شذى الزهور

اقتباس تقريباً8 سنــوآت..وتوقفت 12..4 سنين بس

بس أربع سنوات قليلة كلش

اقتباس مره وانا اقرقع دخلت بيت وقال لي مارآح اعطيك إلا لما تقولين قرقعيـآن قرقيعـآن...هاذي اللي يقولونها ولارضيت اقولها وبعـدها مشيت بطلع وقبل ماطلع قام يضحك وقال خلاص تعالي اخذي واخذته وقبل ماطلع حطيته جنب الباب وطلعت

ههههههه قويه يا شذى
الأخت تنشمت طالعه علي

اقتباس صــرآحه لاآؤيد..لان مره دخل علي ولد كبير وخفت اما البنآت عادي بس موحلـو اللي تطلع تقرقع بعيآلها

تلقينة صغير بالعمر بس يمكن عليه جثة ماشاء الله
.",

قطرات ندى

اقتباس لا أبد عباتي دائماً مرافقتني .

شدعوى من صغرش وانتي تلبسين عباة
خبري نلبس العباة الراس في سادس إبتدائي

اقتباس ما أدري بس أتوقع الموقف عادي بالنسبة لكم وبالنسبة لي محرج دخلت بيت .....طلعت لي الأم وصارخت علي وقالت مافي قرقيعان وهزأتني .. طلعت وأنا منحرجة أشوي وبصيح على العموم الله يسامحها

الله يهديها بس
وأهم شيء أنش سامحتيها

اقتباس هي في بعض الأوقات سيئة لإنه يكون اللي توزع بنت ويدخل عليه ولد كبير وتكون مو مسترة فهذا شي مو حلو

علشان هيك انا ما ارضى أوزع أخاف يدخل علي ولد كبير واترك القرقيعان واركض داخل
.",
سعدت بحضوركم أخواني
يعطيكم العافية

 

 

[شذى الزهور..]

اقتباس شذى الزهور ؛ أحسن شئ أنك تركتِ الي عطوك , و كسرتي عينه بدل ما أحرجك

اقتباس ههههههه قويه يا شذى الأخت تنشمت طالعه علي

هههههههه
على فكره ترى البيت بيت واحد من الاعضـاء واعرفه بعد بس الله يستر ع الجميع

 

 

[زهور الريف]

نستضيف في هذي الحلقة كلاً من : 1 -بنوته حساسة 2- بنت الرضا 3- بدروان

 

 

[النبض الصامت]

. . ...

زهور الريف ،،

اقتباس بعكس أنا ضدك لو بنقارن بين اللي يوزع بسكوت بيصرف على المولد 250 ريال وبين اللي يوزع فلوس بيصرف350 ريال مثلا لان البسكوت الواحد بنص يعني اللي يوزع ريالات بيصرف أضعاف اللي يوزع بسكوت يعني مو أرخص لو كل بيت يوزع ريالات ويحصل الطفل على مبلغ وقدرة ويشتري له أشياء يحبها أفضل من اللي يعطون اشياء منتهية تاريخها هنا نقول وين التقدير للمولد

انا اقصد من كلمة " رخيص " يعني مو فلوس الشغلة

المسألة على نفسية

والتعب والشغل المبذول

يعني فاطمة الزهراء ليش سوت كذا .. ليش ماوزعت دراهم وانتهى الموضوع

يعني لو مشتغلين على الفلوس ومسوينهم فوتوشوب وطابعينهم .. كان !!

بس فلوس .. منّا والطريق

لا اوافقكِ }}


على العموم .. هي وجهات نظر

كما ننتظر الاعضاء الجدد ..

بنوته وبنت وبنيْة

بنوته وبنت وبدروان


والسلام خير ختام

 

 

[بنوته حساسة]

CENTER]]1 - كم كان عمرك أول ما قرقعت ؟ و متى توقفت عن القرقيعان ؟[/CENTER]

كان عمري6سنوات
والى الان ماتوقفت

2 - مع من كنت تقرقع ؟

مع بنات عمي

3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

مافي خطه معينه

4 - هل كنت تلبس ملابس خاصة في القرقيعان ؟ و لاّ تلبس أي شي ؟

اي شي

5 - موقف صار لك في القرقيعان و لا يمكن أن تنساه ؟

بنسبه لي الموقف الي صارلي صاعقه او كابين علي ماي او عاطيني كف
صدمه بنسبه لي بس انتوا مدري

وانا اوزع القرقيعان دخلت مجموعه اولاد وبنات صغار عطيتهم وانا اعطيهم كان في ولد من المجموعه يجي عمره في رابع ابتدائي من دخل يطالعني بنضرات غريبه ستغربت من نضراته لي بس لما
وصل لي وعطيته ابتسمت له وابتسم لي وتم الولد يطالع فيني وانا اطالعه قلت في خاطري شسالفته هذا

قبل مايمشي قالي تدرين ان انتي تشبهين ((شوجي)) حيييل ومشا في هالحظه جمدت في مكاني وانا فاتحه عيوني وثمي تميت واقفه 5دقايق او10دقايق وانا على هالحاله بعدين حسيت بنفسي ومألتفت الا
اشوف امي ميته ضحك على الولد وعلي بعدين تميت اطالع في امي وبتسمت وتميت اشوي ومت ضحك
على شكلي

6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

كلشي

7 - شنهي ردة فعلك لمّا تروح بيت ،، و ما يعطونك قرقيعان ؟

اذا خلص عادي واذا مايبون يعطوني اطلع ولا كأنه صار شي

8 - شنو يوزعون بيتكم في القرقيعان عادةً ؟

الي يحبه قلبك
كلشي موجود

9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

يب مره وحده

10 - بعض اللي يقرقعون يروحون ويجوون على البيت الواحد أكثر من مرة ؟

عادي اعطيهم لآن من كثر الي يجون ماراح تركزين وثانيه عادي بركة الامام الحسين

فما رآيك في هذي الحركة ؟ و هل كنت تسويها ؟

عاااااااااادي


لامامره سويتها

11 - بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟

مافيها شي الحركه عاديه
يب اسويها

12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

كرتون

13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

في الخارج لا
وفي البيت هم لا هههه بس الي يسويها اقطع يده

14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

لا لآني حد الحين اقرقع

15 - مالدور الذي تقوم به في القرقيعان حالياً ؟

اقرقع وأوزع

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

الاولاد لا لآنه في بعض البيوت بنات يوزعون
ولا يقدرون يمشون البنات في الشارع

17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

ايجابيه

ان صار القرقيعان في الليل
احسن شي علشان اذا عطشنه نشرب ماي


وفي الاخير احب اشكر>> زهور الريف
على الاستضافه الجميله
يسلموووو

 

 

[أول الغيث]

ما شاء الله .. تبارك الله

استمتعنا بمرافقتكم في رحلتكم الجميلة يوم القرقيعان

وحبيت أشارككم بأحد الموقف اللي واجهتني هذي السنة ..


سلمكم الله .. دخل علينا دفعة وحدة ، قروب كبير مكوّن من ما يقارب 15 - 20 صبي ومعاهم كم بنت صغيرة

ولازم طبعاً .. يجيك كم واحد يقول لك عطني حق أختي الصغيرة أو أو ...

المهم : عطيناهم المقسوم ( ريالات ) .. لكن لاحظت من هذرتهم أن لهجتهم غيررر !!

فقلت لهم : من وين أنتوا ؟

ناس قالوا : احنا من الجفر ،،، وناس قالوا : احنا من العقار ..

طيب .. ساكنين هنيه ؟

بعضهم قال ايه .. وبعضهم قال لا ..


مرّ الوقت .. ورجع كم واحد منهم يبون يقرقعون مرة ثانية

وكل واحد يتلصص بعيونه مثل القطو <<< عارفين روحهم ،، ما كو ثقة

قلت لهم ببرود : هلا .. وش فيكم ؟

قالوا : بنقرقع ..


قلت : كأني شايفكم مساعة !!

قالوا : لا ما جينا ..

قلت : امبلا .. أنت جاي .. وأنت يالثاني بعد جاي <<< حافظهم صح هذولا ( أشكالهم مب مألوفة )

قال : انزين عط هذي ،، شوفها توها جايه

<<< مسوّي فيها حقاني وحريص على مصلحة الجميع ..



بعد فترة .. رجعوا مرة ثالثة !!!

قلت لهم : شبعة أنتوا ؟!

خلاص عااااد .. ترى انكشفت اللعبة ,,


نقز واحد وقال : ليش تعطي ذاك حق أخته ؟

تراه كذاب .. ما عنده أخت أصلاً اسمها سارة

قلت له : كيفه .. الله يحاسبه ..


اشوي قال : يلا عطنا .. أنا ما جيت قبل ..

قلت له : بما أن احنا في رمضان ، أبيك تحلف على القرآن أنك ما جيت وبعطيك

سكت اشوي .. وقال : اها .. صج أول مرة احنا نجي ..

قلت له خلاص .. احلف ومب يضرك دامك صاج ..

قال : أوووه عااااد أنت !!


<< وبث

 

 

[بنت الرضا]

1 - كم كان عمرك أول ما قرقعت ؟ و متى توقفت عن القرقيعان ؟

كان عمري 6 سنوات .. وتوقفت وكان عمري 10 سنوات ..


2 - مع من كنت تقرقع ؟


مع بنت أختي ..


3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟


مافي خطه معينه ..

4 - هل كنت تلبس ملابس خاصة في القرقيعان ؟ و لاّ تلبس أي شي ؟

ألبس آي شيء ..


5 - موقف صار لك في القرقيعان و لا يمكن أن تنساه ؟


لا الحمدلله ماصار لي ولا موقف ..

6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟


أفضّل المكسرات ..

7 - شنهي ردة فعلك لمّا تروح بيت ،، و ما يعطونك قرقيعان ؟


عاادي ..


8 - شنو يوزعون بيتكم في القرقيعان عادةً ؟

كل سنه غير ..


9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟


لا . ولا مره سويتها ..

10 - بعض اللي يقرقعون يروحون ويجوون على البيت الواحد أكثر من مرة ؟



فما رآيك في هذي الحركة ؟ و هل كنت تسويها ؟


حركه عااديه .. لا ولا مره سويتها ..


11 - بعض اللي يقرقعون ،، يجيك و يقول عطوني قرقيعان لأخوي أو أختي ..



و لما تقول له وينه ؟ ليش ما يجي يقرقع معاك ؟



يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!



فما رأيك في هذي الحركة ؟ و هل سويتها ؟

أنا في البدايه آسئلهم لمنو يقولون مثلاً لأختي أو أخوي بعدين أعطيهم إذا كانوا صغار أما بنات كبار لا ماسئلهم .. لا ولا عمري سويتها ..


12 - كم كانت حصيلة القرقيعان اللي تجمعها عادةً ؟ و شنو تسوي فيها ؟


كرتون ..

13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

في الخارج لا .. بس المنزل تصير واجد بس ماقول شيء ..


14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟


آآآكيد آتمنى يرجع الزمن ..

15 - مالدور الذي تقوم به في القرقيعان حالياً ؟


ولا شيء بس السنه هاذي أول مره أوزع فيها ..

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

أي أؤيد للبنات فقط .. <<أوم النذاله


17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

من وجهة نظري فيه إيجابي وفيه سلبي بس الأكثر سلبي ..


وفي الآخير آشكر الأخت .. زهور الريف

والأخ .. أول الغيث

دمتم بود ..

 

 

[بدروان]

1 - كم كان عمرك أول ما قرقعت ؟ و متى توقفت عن القرقيعان ؟

اول ماقرقعت كان عمري 7 سنوات وتوقفت في عمري 12

2 - مع من كنت تقرقع ؟

مع اختي وبنت عمتي

3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع
اطلع من البيت واحوس على الراشديه وارجع

4 - هل كنت تلبس ملابس خاصة في القرقيعان ؟ و لاّ تلبس أي شي ؟

12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

اي شيء بس الموهم انه جديد

5 - موقف صار لك في القرقيعان و لا يمكن أن تنساه ؟

ماصار لي اي موقف

6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

ربيان

7 - شنهي ردة فعلك لمّا تروح بيت ،، و ما يعطونك قرقيعان ؟

عادي مااسوي شيء اطلع من البيت نفسه

8 - شنو يوزعون بيتكم في القرقيعان عادةً ؟

بطاطس ليز وغوار

9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

لا

10 - بعض اللي يقرقعون يروحون ويجوون على البيت الواحد أكثر من مرة ؟

فما رآيك في هذي الحركة ؟ و هل كنت تسويها ؟

مااحب هالحركه وانا ولا مره سويتها

11 - بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟

عادي اعطيهم بس انا ولا مره سويتها

نصف كيسه

اكلها

13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

لا

14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

عاااادي

15 - مالدور الذي تقوم به في القرقيعان حالياً ؟

اوزع

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

لا

17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟
خروج بنات كبار بالقرقعان

شكراً للاخ \اول الغيث والاخت \زهور الريف

 

 

[DI.MARIA]

بسم الله الرحمن الرحيم
اللهم صل على محمد وال محمد و عجل فرجهم

السلام عليكم و رحمة الله و بركاته

يسعدني ان اشارك معكم




- كم كان عمرك أول ما قرقعت ؟ و متى توقفت عن القرقيعان ؟

لا اتذكر كم بس .... منذ نعومة اظفاري



2 - مع من كنت تقرقع ؟

مع اخواني و اخواتي




3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

طبعا انا من الطيبين هع

اول القرقيعان من الصبح يعني تقريبا عند الساعه 9 او 10 صباحا
نبدأ من الديرة الى جبله يصادفنا صلاة الظهر نرجع بيوتنا
و بعد صلاة العصر نمشي من الديرة الى الراشدية
وبعدها نرجع البيت


4 - هل كنت تلبس ملابس خاصة في القرقيعان ؟ و لاّ تلبس أي شي ؟

لا ..... ملابس عاديه


5 - موقف صار لك في القرقيعان و لا يمكن أن تنساه ؟

لا يحضرني موقف ....

6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

الشيبس

7 - شنهي ردة فعلك لمّا تروح بيت ،، و ما يعطونك قرقيعان ؟

يقول نيوتن ( لكل فعل ردت فعل ) ههههههههههههههه
بس انا خالفت نيوتن لأن ما نقدر نسوي شي
تبون الصراحه نردد في انفسنا بخيلين هههههههههه


8 - شنو يوزعون بيتكم في القرقيعان عادةً ؟

ربيان ....

9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

ايه فطرت هع

10 - بعض اللي يقرقعون يروحون ويجوون على البيت الواحد أكثر من مرة ؟
فما رآيك في هذي الحركة ؟ و هل كنت تسويها ؟

امممممم شقول انا ما اذكر اني سويتها بس يمكن
لا طبعا لا اؤيد هالحركه



11 - بعض اللي يقرقعون ،، يجيك و يقول عطوني قرقيعان لأخوي أو أختي ..
و لما تقول له وينه ؟ ليش ما يجي يقرقع معاك ؟
يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!
فما رأيك في هذي الحركة ؟ و هل سويتها ؟

عاديه هالحركه ..... طبعا لا ما سويتها

12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

كيستين بعض الاحيان .....

13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

في الخارج لا
اما في المنزل يب يب
اول ما نخلص فطور يلفون عليك اخوانك الكبار و كل واحد ياخذ له 5 او 6 اصناف ولا بعد ياخذون احلى شي هههههههههههههههههههههههه...... و دارت الايام واللحين نسويها

14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

اي والله اتمنى ..... القرقيعان اللحين بصراحه ماله طعم .... وش اسوي اقرقع بعد



15 - مالدور الذي تقوم به في القرقيعان حالياً ؟

اخذ عيال اختي و اقرقع لهم

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

الاولاد الكبار ممكن و لكن بشرط ان ما يدخلون البيوت ( لأن بعض الاحيان يكون فيه بنات يوزعون ) يعني حبذا يخلون معهم اطفال يدخلون لهم الاكياس بدلهم

البنات الكبار .... لا والله ما اؤيد

17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

- العادات الجديدة هي عمل مخيمات خارج المنازل و اتمنى ان تستمر
- العادات السلبية ..... البنات الكبار يقرقعون و ليت وقفت على كذا لا ... تطلع بكامل زينتها

و تحياتي للجميع و بالخصوص زهور الريف ع هذه الدعوه

تحياتي : di.maria

 

 

[زهور الريف]

بنوته حساسة

اقتباس بنسبه لي الموقف الي صارلي صاعقه او كابين علي ماي او عاطيني كف صدمه بنسبه لي بس انتوا مدري وانا اوزع القرقيعان دخلت مجموعه اولاد وبنات صغار عطيتهم وانا اعطيهم كان في ولد من المجموعه يجي عمره في رابع ابتدائي من دخل يطالعني بنضرات غريبه ستغربت من نضراته لي بس لما وصل لي وعطيته ابتسمت له وابتسم لي وتم الولد يطالع فيني وانا اطالعه قلت في خاطري شسالفته هذا قبل مايمشي قالي تدرين ان انتي تشبهين ((شوجي)) حيييل ومشا في هالحظه جمدت في مكاني وانا فاتحه عيوني وثمي تميت واقفه 5دقايق او10دقايق وانا على هالحاله بعدين حسيت بنفسي ومألتفت الا اشوف امي ميته ضحك على الولد وعلي بعدين تميت اطالع في امي وبتسمت وتميت اشوي ومت ضحك على شكلي

هههههههههههههه يا حليله
هذا جاي يقرقع ولا يغازل في البنات هع

اقتباس الي يحبه قلبك كلشي موجود

أمممم
أجل عندكم بسكوت أولكر ولا

اقتباس في الخارج لا وفي البيت هم لا هههه بس الي يسويها اقطع يده

أشوه أنش مو أختي ولا كان إيدي مقطوعة


.",

بنت الرضا

اقتباس كان عمري 6 سنوات .. وتوقفت وكان عمري 10 سنوات ..

شدعوه لـ10 سنوات بس
خليتها لـ12 سنة

اقتباس كرتون ..

ماشاء الله عليج أنتي وبنوته حساسه
أول مره أشوف بنات يجمعون بالكراتين أولاد مو بنات

اقتباس أي أؤيد للبنات فقط .. <<أوم النذاله

ههههههه عاد تخيلي أولاد كبار يقرقون ما تجي

.",

بدروان

اقتباس اي شيء بس الموهم انه جديد

حتى انا لزوم البس جديد يوم القرقيعان

سعدت بحضوركم أخواتي
يعطيكم العافية

 

 

[واثق الخطوة]

1 - كم كان عمرك أول ما قرقعت ؟ و متى توقفت عن القرقيعان ؟

بدأت في السابعة وتوقفت بالرابعة عشرة .




2 - مع من كنت تقرقع ؟

اممم مع اصحابي .





3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟
كلنا نطلع ونحوس بيوت الشرقية في البداية ، بعدها نحوس الراشدية .
يعني بإختصار كل بيوت الطرف تقريباً نروح لهآ .

4 - هل كنت تلبس ملابس خاصة في القرقيعان ؟ و لاّ تلبس أي شي ؟

لاملابس خاصة في القرقيعآن ، البس اي شىء لكن لازم كشخة طبعاً .




5 - موقف صار لك في القرقيعان و لا يمكن أن تنساه ؟

بصراحة مااذكر انْ صار لي موقف ماانساه بالقرقيعان .




6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

امم صراحة مافي شىء مُحدد ، كل شىء .




7 - شنهي ردة فعلك لمّا تروح بيت ،، و ما يعطونك قرقيعان ؟

راح اعصب .




8 - شنو يوزعون بيتكم في القرقيعان عادةً ؟

كل خير ..




9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

اممَ مااذكر صراحة .!




10 - بعض اللي يقرقعون يروحون ويجوون على البيت الواحد أكثر من مرة ؟

فما رآيك في هذي الحركة ؟ و هل كنت تسويها ؟

مالها داعي هالحركَة ، خلاص مرة وحدة كافيـه علشآن لازم نتيح الفرصة
لجميع الناس َ! ... اما بالنسبة لهل كنت تسويها ؟ فـ لآ !

11 - بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟

فعلا مثل ماقال النبض الصامت اهو وضميره ..
يعني اذا كان صادق خير وبركة علشان يعطيه القرقيعان والبركة
لكن اذا كان له هو وضميره عاد ..!

بس بعطيهم اكيد ..

12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

كرتون ، وكيستين صقيرتي الحجم .




13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

مافي اي تعرضات ولله الحمد ..




14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

اكيد ، لانها كانت ايام جميلة جداً ولاتمحى منْ الذاكرة على الاطلاقِ .

15 - مالدور الذي تقوم به في القرقيعان حالياً ؟

اوزع القرقيعان .

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

نعم ، لانها فرحة كبيرة ومن حق الصقير والكبير أنْ يخرج وانْ يحتفل
ويفرح بهذه المناسبة العظيمة .

17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

في الايجابي والسلبي ...




وفي الاخير لايسعنى الا ان اقدم الشكر الجزيل للاخت زهوالريف على الاستضافة
وان شاء الله كنت ضيف خفيف عليكم ..

سلام .

 

 

[زهور الريف]

أول الغيث

اقتباس سلمكم الله .. دخل علينا دفعة وحدة ، قروب كبير مكوّن من ما يقارب 15 - 20 صبي ومعاهم كم بنت صغيرة ولازم طبعاً .. يجيك كم واحد يقول لك عطني حق أختي الصغيرة أو أو ... المهم : عطيناهم المقسوم ( ريالات ) .. لكن لاحظت من هذرتهم أن لهجتهم غيررر !! فقلت لهم : من وين أنتوا ؟ ناس قالوا : احنا من الجفر ،،، وناس قالوا : احنا من العقار .. طيب .. ساكنين هنيه ؟ بعضهم قال ايه .. وبعضهم قال لا ..

مساكين أستلمهم أول الغيث تحقيق عاد شفكهم منه

اقتباس مرّ الوقت .. ورجع كم واحد منهم يبون يقرقعون مرة ثانية وكل واحد يتلصص بعيونه مثل القطو <<< عارفين روحهم ،، ما كو ثقة قلت لهم ببرود : هلا .. وش فيكم ؟ قالوا : بنقرقع ..

هههه يا حليلهم
عاد سويت روحك مو عارفهم ومشيت الموضوع لازوم تحرجهم

اقتباس قالوا : لا ما جينا .. قلت : امبلا .. أنت جاي .. وأنت يالثاني بعد جاي <<< حافظهم صح هذولا ( أشكالهم مب مألوفة ) قال : انزين عط هذي ،، شوفها توها جايه <<< مسوّي فيها حقاني وحريص على مصلحة الجميع .. بعد فترة .. رجعوا مرة ثالثة !!! قلت لهم : شبعة أنتوا ؟! خلاص عااااد .. ترى انكشفت اللعبة ,,

هع جنهم زودوها أشوي

اقتباس نقز واحد وقال : ليش تعطي ذاك حق أخته ؟ تراه كذاب .. ما عنده أخت أصلاً اسمها سارة قلت له : كيفه .. الله يحاسبه ..

قالوا قصة حياتهم ذولا

اقتباس اشوي قال : يلا عطنا .. أنا ما جيت قبل .. قلت له : بما أن احنا في رمضان ، أبيك تحلف على القرآن أنك ما جيت وبعطيك سكت اشوي .. وقال : اها .. صج أول مرة احنا نجي .. قلت له خلاص .. احلف ومب يضرك دامك صاج .. قال : أوووه عااااد أنت !! << وبث

من وين بجيب القرآن ههه
طيب عطيته ولا مششى ؟؟
.",
di.maria

اقتباس طبعا انا من الطيبين هع اول القرقيعان من الصبح يعني تقريبا عند الساعه 9 او 10 صباحا نبدأ من الديرة الى جبله يصادفنا صلاة الظهر نرجع بيوتنا و بعد صلاة العصر نمشي من الديرة الى الراشدية وبعدها نرجع البيت

أي والله من الطيبين
كنا نروح المدرسة وإذا طلعنا منها قمنا نقرقع في الشمس

اقتباس في الخارج لا اما في المنزل يب يب اول ما نخلص فطور يلفون عليك اخوانك الكبار و كل واحد ياخذ له 5 او 6 اصناف ولا بعد ياخذون احلى شي هههههههههههههههههههههههه...... و دارت الايام واللحين نسويها

ههههههههههه صج الدنيا دوارة قمت إلحين تأخذ منهم

اقتباس اخذ عيال اختي و اقرقع لهم

عاد لك نصيب من قرقيعانهم ولا ؟؟
.",
واثق الخطوة

اقتباس راح اعصب .

شدعوه تعصب ما في إلا هالبيت

اقتباس كرتون ، وكيستين صقيرتي الحجم .

هههه ماشاء الله
أجل تحصل خير يوم القرقيعان

اقتباس مافي اي تعرضات ولله الحمد ..

أكيد على هالتعب ويتعرض للسرقة مشكلة


سعدت بحضوركم أخواني
يعطيكم العافية