أريد كعكاً ,,,

[قيثارة]

..........

كاب كيك القرفه
المقادير ..
4 بيضات
3/4 كوب سكر بودر
1 كوب زيت
1 كوب حليب سائل
1 و1/2 م ك قرفه
2 م ك باكينغ باودر
2 كوب دقيق
رشة فانيليا
رشة ملح
الطريقه:
نخفق البيض والسكر والفانيليا لحد مايثقل ، نضيف الزيت ثم الحليب
على جمب ننخل الدقيق وباكينغ باودر والملح والقرفه
ثم نضيفهم لخليط السوائل ونخلط لحد مايمتزجون
نوزع الكميه في قوالب الكاب كيك وندخلها الفرن لحد ماتستوي

وقتها نجهز
كاس ماء
1/2 كاس سكر بني
1/2 م ك قرفه
1 تفاحه كبيره مبشوره ( او مقطعه صغار ) حسب الي تحبين
3 م ك جوز مطحون
كلهم ع النار لحد مايذوب السكر ويثقل القوام شوي .. لاتطولون مثلي وتنسونه ع النار لما يصير التفاح غامق

ونجهز الكريم تشيز فروستنج
علبة جبن فيلادلفيا بحرارة الغرفه
اصبع زبدة بحرارة الغرفه
١ م ص فانيليا
3 كاسات سكر مطحون ( جاهز اكيد)
نخلط الجبنه مع الزبده والفانيليا مع بعض كويس وبعدها نضيف السكر على دفعات
اخر شي اذا جهز الكل نزين بالطريقه الي نحب
وبالعافيه

كيكة الفانيليا ب الشوكليت شيب
المقادير..
1و1/4 كأس دقيق
3 بيضات
3/4 كأس سكر
1/2 كأس زيت
3/4 كأس شوكليت شيب
3/4 كأس حليب سائل
1و1/2 م ص فانيليا
2 م ص بيكنج باودر
ذرة ملح

الطريقه ..
نخفق البيض والسكر الفانيليا وبعدها نضيف الزيت ثم الحليب
وعلى جمب ننخل الدقيق وباكينغ باودر والملح
ونضيفهم ع السوائل
نصب نص الخليط بالطبق وبعدها نحط شوكليت شيب ورع نكمل باقي الخليط
ويدخل الخليط الفرن لحد ما يستوي

الوجه
1/2 علبة حليب محلى
6 حبات جبن كيري
ونرش كاكاو بورده
وبالعافيه

Nutella Mug Cake

قبل لاندخل ب المقادير
القياس يكون ب الملاعق المعياريه
الملعقه الكبيره 15 مل
والصغيره 5 مل
المقادير


4 ملاعق كبيره طحين (يفضل الكويتي )
4 ملاعق كبيره سكر بودره
3 ملاعق كبيره كاكاو بورده
3 ملاعق كبيره حليب سايل
3 ملاعق كبيره زيت
3 ملاعق كبيره شوكولاته نوتيلا ( بحرارة الغرفه )
ملعقه صغيره بيكنغ بودر
بيضه كبيره
الزينه


كل شي يجي ايسكريم , نوتيلا , كريمه , الي ودك ..


الطريقه
تخفق البيضه + الزيت + النوتيلا لحد ما يمتزجون
فوقهم السكر والكاكاو البودره و الطحين والبيكنغ بوردر دفعه وحده
نخلطهم لحد مايتجانسون
كذا خلصنا
كل الي عليك تجبين الاكواب الي بتحطينه فيهم او اي اطباق صغيره
المهم تتأكدين انها تنحط ب المايكرويف
تحطين مقدار نص الكوب لأنها بترتفع
ب النسبه لي احب شكله تطلع برا الكوب فأحط اكثر من النص بشوي
وبس الحين نضبط المايكرويف على دقيقه ونحط الاكواب على دفعات
بس تطلع بتلقينها مرتفعه ومستوية الذ شي
كل الي عليك شوية زينه
استخدمت نوتيلا وايسكريم فانيليا
نظره من الداخل كيف هشه

وهنا ب كريمه وشوكولاته بورده

,


الحلو ان ممكن تحفظين الخليط ب الثلاجه بعد تغليفه اذا ما تبين تستخدمينه بوقت واحد


لان حلاته يكون دافي


وبس

 

 

[نسمة عشق]

وااااااااضح انها لذيذه وتشهي
تسلم الأيادي

 

 

[زهرة اللوتس]

،’

الكاب كيك الأولي توني ذقته في الغدير

عجبني حيل ,,, وبدون شي نوعيتي أتفاعل مع القرفة واجد



الحلو ما يعطي إلا حلو

تسلم أياديش حبيبتي قيثارة على هالوصفات الحلوة

يبيلنا نجربهم بعد العشرة

 

 

[قيثارة]

يالله طبقوها وخلونا نذوق من هالأيادي الحلوة

 

 

[لحن الخلود]

تسلمين

بصراحه الاشكال تشجع الوحده

عشان تجربهم

 

 

[قيثارة]

صحتين بس نبي تجارب مالي شغل فيكم