دخيل الله شكثر حبه| بقلمي

[آخر لحظة]

•.°.•بعد 7شهور•.°.•

فهد:بشويش ياقلبي
ندى تجلس
وفهد يجيب مخده ويحطه وراها
أم فهد تنأظره وتبتسم
فهد يجلس:يمه وش فيك سرحانه وتبتسمين
أم فهد:ذكرتني بأبوك يوم كنت حامل
فهد ينأظر أبوه:يبه كنت تسوي كذا
بوفهد:أي,وأزيد منك بعد
فهد:أوووه.شنو عليه أم فهود حركات
أم فهد:فهد,بسك عاد
فهد يضحك..
أم فهد:إلا يابنتي هذا شهرك الأخير
ندى:أي يمه
أم فهد:الله يقومك بالسلامه,إلا يبنتي أختك ماتنزل تجلس معنأ إلا نادر
ندى:والله مدري عنه,توني أمس كنت عندها
أم فهد:كلاميها يابنتي وخليها تجلس معنأ,بدل جلستها لحالها
بوفهد:وليه ولدك وينه..؟
أم فهد:هالولد مدري وين يروح,ومايرجع إلا نص الليالي
بوفهد:مدري متى يعقل,زواج وزوجنه وللحين على عادته
أم فهد:يمه ندى قومي شوفي أختك
ندى تقوم:أن شاء الله
فهد:حياتي أنتبهي وأنتي بتروحين
ندى:أن شاء الله

~..•.°..•.°..~..~..•.°..•.°..~

عبدالله مأسك الورقه بيده والفرحه ماليه عينه
دخل على شوق اللي كانت تنتظر في الأستراحه
شوق وقفت:طلعت النتيجه
عبدالله مبتسم:مبروك ياعمري
شوق:ــــــــــــــــــــــــــ
عبدالله:أنتي حامل ياقلبي
شوق لسا ساكته
عبدالله مسك وجه شوق:شوق أنتي مو فرحانه
شوق:ـــــــــــــــــــــــــــــــ
عبدالله هد يده:يلا أنا أنتظرك في السياره..ومشى
شوق:"مو ذنبي والله مو ذنبي,مسحت دمعتها ومشت"

..داخل السياره كان الوضع هادي..
شوق كانت تصيح بسكات,لكن شهقاتها وصلت لعبدالله
عبدالله يخفف من سرعة السياره:شوق أنتي تصحين؟
شوق تحاول تخفي شهقاتها:ـــــــــــــــــــــــــــــــ
عبدالله يوقف السياره:شوق ردي علي
شوق بصوت مبحوح:عبدالله مافيني شيء
عبدالله:شلون مافيك شيء,وأنتي تصحين
شوق:عبدالله ودني بيت عمي,بوسعود
عبدالله بتفعال:ليش
شوق:عبدالله ممكن تحترم رأي,وتوديني هناك
عبدالله مشى بدون ليتكلم..وصلوا البيت توه بتنزل
إلا تكلم
عبدالله:كم الساعه تبقيني أجيك
شوق:أنزل أجلس جنب عمي,ماراح أتاخر
عبدالله أستغرب بس وقف السياره ونزل
شوق تدخل..
سارا أنتبهت:شووووق
شوق:أي بلحمه و شحمه
سارا:هلا والله,زين مريتي وعبرتينا شوي
شوق تضحك:شدعوه أنتو أهلي ماأقدر أستغني عنكم
سارا:باين
شوق:بلا هذره ووين عمي
سارا:أمشي,هذا هو مع أم سعود في الصوله
شوق بعد ماسلمت على بوسعود وأم سعود
شوق تجلس:عمي عبدالله في المجلس ينتظرك
بو سعود قام:يلا رايح له
أم سعود:شخبارك يابنتي,أن شاء الله مرتاحه مع عبدالله
شوق:لاتحاتين يامرة عمي,أنا بخير
أخباركم أنتو وش مسوين
أم سعود:أحنا الحمدلله,بخير
شوق:عمه,ممكن تجين معي فوق.بقيت أدور لي من ملابسك شيء ألبسها
سارا:يلا قومي
شوق دخلت غرفة سارا,ودخلت بعدها سارا
سارا:تعالي أطلع لك أحلى شيء عندي
شوق تجلس:تعالي جلسي ماأبقي شيء,بقيتك بسالفه
سارا تجلس:خير ياشوق
شوق:أنا حامل
سارا تنأظرها بنظارت:صج والله
شوق:أي,تونا جاين من المستشفى
سارا تضمها:مبروووك ياعمري,تقومين بالسلامه
شوق:الله يبارك فيك
سارا:واللحين هذا السالفه,اللي مرقيتني من تحت عشانه
شوق:لا..موهي
سارا:أجل شنو هي؟
شوق قالت لها السالفه:وهذا كل شيء
سارا:وتبقيني أنا أبرر لعبدالله كل شيء
شوق:ـــــــــــــــــــــــــــــــــــ
سارا:لا ياشوق هذا زوجك,مو كل مره بتجين لي وتقولين نفس الكلام,شوق لما عبدالله يحبك كان مارضى كل مره أنا أتصل به وأقول أنك ماتقصدين بحركتك
شوق:بس
سارا تقاطعه:شوق,هالمره أنتي برري له موقفك
شوق:شنو أقول له؟
سارا:تصرفي ياشوق,وأنسي ماضيك خلاص
شوق:ـــــــــــــــــــــــــــــــــــــ
سارا:يلا قومي نزل جنب أم سعود
شوق قامت توه بتطلع إلا مسكتها سارا من يدها
سارا:تعالي خذي البلوزه اللي كنتي تبينها
شوق:بس أنا ماكنت جايه أبقي شيء,بس سالفه من عندي كذا
سارا:عارفه,بس أنتي ليش جايه هنأ,خذيها
شوق أبتسمت وأخذت البلوزه وطلعت
سارا على الدرج:ياااي مو مصدقه
شوق تمشي جنبه:إلا صدقي
سارا:أم سعود,بنتك
أم سعود بخوف:وش فيها,تكلمي ياسارا
سارا تضحك:لاتخافين,شووق حامل
أم سعود تصيح وتنأظر في شوق:على البركه يابنتي
شوق تقوم تجلس جنبه:الله يبارك فيك,بس ليه تصحين
أم سعود:من فرحتي يابنتي
شوق تبؤس رأسه:الله يخليك لي

~..•.°..•.°..~..~..•.°..•.°..~

ندى تضرب الباب
أمل:لحظه,وقامت تفتح
ندى:ماراح تدخليني
أمل تفتح الباب كله:إلا دخلي,بس أنتي ودبتك يبقي لك نشيل الباب عشان تدخلين
ندى تجلس:وش شايفتني
أمل تضحك:من حملتي وأنتي منتفخه
ندى:أي بشوف أنتي لحملتي كيف بتصيرين
أمل نزلت رأسه بحزن
ندى:أمول,وش فيك
أمل تتكلم وهي منزله رأسه:مافيني شيء
ندى:أمول مو علي,أنتي ماسكتي إلا فيك شيء
أمل:صدقيني مافي شيء
ندى:إلا فيكي شيء,حتى أمي تحت تقول أنك ماتنزلي واجد جنبه
أمل:ــــــــــــــــــــــــــــــــ
ندى:أمول إذا فيكي شيء,قولي
أمل تصيح:شنو تبقيني أقولك
ندى توقعت أنا أمل ماتخنقه مع خالد,بس يوم شافته تصيح شكت
ندى تحاول تهدي أمل:قومي غسلي وجهك وتعالي جنبي
قامت غسلت وجها وجاءت
ندى:يلا اللحين قولي لي كل شيء
أمل:ـــــــــــــــــــــــــــــــــــ
ندى:أمول,أنا عارفتك زين,عندك شيء شايد
يلا تكلمي
أمل:آه ياأختي شنو تبقيني أقولك,كنت متمنيه هالزوج من يوم وأنا صغيره,بس لو أدري أنه هو كذا مارضيت أبه,من يوم تزوجة وأنا ماشفت خالد دخل علي وهو مبتسم,ولا حتى عبرني,أكشخ وأسوي لها العشاء ومايجيء وإذا جاء يقول لي تعشي لحالك وينام,وإذا صحى أقول يمكن يعتذر بس ماشفت منه إلا عذابي مو مصلحتي,وكل يوم وأنا أقول لنفسي يمكن اليوم أحسن من أمس ..لمتى تبقيني أصبر
ندى:يعني خالد ما
أمل:أي أنا على حطتك
ندى:طيب وشهر العسل ليه رايحن لها
أمل:بس كذا,إذا بطلع معه يمشي معي بدون نفس وكل مع ربعه وإذا على طول ينام ولاكنه يشوفني حتى
ندى:ما أصدق,صار لكم 3 أسابيع من تزوجتوا,ولاحتى رفع عينه عليك
أمل:لا صدقي,إذا يبقي يكلمني يكلمني وهو لاف ظهره
ندى:ياعمري كل هذا فيك,كيف متحمله
أمل:ـــــــــــــــــــــــــــــــ
ندى:طيب ليه ماقلت لي من قبل,يوم سألتك أمي
أمل:كانت أمي جالسه معنأ,ومابقيت أبين لها
ندى:ـــــــــــــــــــــــــــــــ
أمل:تذكرين يوم أقولك أيام الخطوبه أنه يضل بثلاث أسابيع ومايكلمني,تقولين لي عادي يمكن يستحي ولا مشغول
ندى:أي أذكر
أمل:سمعتها يوم كانت ماره بمجلس الرجال مع ربعه يتكلم ويقول واحد منهم والله وسويتها,وماكلمت خطيبتك
قال هو أنا لقت كلمتي أسويها,يعني كان متحدي مع ربعه
ندى تشهق:متى ذا الكلام
أمل:بعد مارجعنأ من شهر العسل
ندى:لا تحاتين ياقلبي,راح أشوف لك حل
أمل:أهم شيء محد يدري
ندى:شلون تبقيني أتصرف أجل,لازام أقول لفهد
أمل بعتراض:لا,لاتقولين لأحد
ندى:ليش
أمل:بس كذا
ندى:لا,لمتى بتضلين تسكتين
أمل:ندى لاتخليني أتحسف أني قلت لك
ندى:بتظلين غبيه,وتسوين أي شيء قلبك يقولك عنها
تصرفي لو مره بعقلك .. وقامت
وقبل لاتطلع:لا تخافين ماراح أقول لأحد
أمل كانت منزله رأسه وماردت عليه

~..•.°..•.°..~..~..•.°..•.°..~

عبدالله ينزل ونزلت معه شوق
توه بيفتح باب البيت إلا مسكت يده ودخلت معه
عبدالله أستغرب من حركتها بس قال يمكن تبرير قدام أهله بس
أم عبدالله:توكم جاين
عبدالله:أي
شوق بأبتسامه:يمه أنا حامل
أم عبدالله تطالع عبدالله و شوق وبفرح:صج الكلام ياعبدالله
عبدالله:أي صج يمه
أم عبدالله تمسح دموعه بسرعه:مبروك يمه,والله يقومها لك بالسلامه
عبدالله يبؤس رأسه:أن شاء الله..,راح للغرفته
أم عبدالله:أنتبهي يمه وأنتي تمشين,وإذا بتروحين لغرفتك أمشي زين,ولا تعصبين ولاتصحين,مو زين لك وأهم شيء ترتحين في شهورك الأوله..زين يمه
شوق تبتسم وتقوم تبوس رأسه:الله لايحرمني منك
أم عبدالله تبادلها الأبتسامه:ولا منك
شوق:عن أذنك..وراحت
أم عبدالله:أذنك معك
شوق دخلت الغرفه ولقت عبدالله جالس على السرير
فصخت عبايتها وجلست جنبه...وبعد سكوت
شوق:عبدالله,أنا آسفه على الحركه اللي في المستشفى
ماكنت أقصد أجرحك بس
عبدالله:بس أيش,نفس كل مره ياشوق تبررين أفعالك وأسامحك,وتنسيني وتخلين غيرك يبرر لي ..وزين اللحين جيتي بنفسك بررتي لي
شوق:عبدالله والله ماكنت أقصد أني مو فرحانه لاني مارديت عليك,لا أنا فرحت من كل قلبي لان بجيني ولد منك أنت,وفرحت أني أرد لك كل أيامي بهالولد
إذا أنا ماحبيتك هالولد يعوضك عني
عبدالله ألتفت لها وجلس ينأظر فيها
شوق:تدري ليه كنت أصيح مساعه,تخيلت أني أولد ولدي وأموت نفس ماسوت لي أمي ماكملت كلامه
عبدالله مسك يده:لا تقولين كذا أنتي بتقومين لي بالسلامه أنتي و ولدي
شوق:ـــــــــــــــــــــــــــــــ
عبدالله يضمها بالقوه:ما أبيك تقولين ذا الكلام غير هالمره,أنا وولدي بنعوضك عن أمك ’الله يرحمه’

~..•.°..•.°..~..~..•.°..•.°..~

أم راكان:قومي يمه جيبي التلفون
ريم وهي قايمه:بتكلمين مين
أم راكان:بكلم أختك نور
ريم تمد التلفون:أن شاء الله ترد,أنا أمس داقه وماردت علي
أم راكان:هذا هو يرن
نور:ألوووو
أم راكان بفرح:ردت,هلا والله
نور:هلا يمه
أم راكان:هلا والله,هلا بهالصوت
نور بصوت:شخباركم يمه وش مسوين
أم راكان:لا تصحين يمه,أحنا كلنا بخير
نور:وأبوي وراكان وجوري وريم
أم راكان:كلهم زينين
نور بحزن:خلاص راح تسون عرس راكان ذا الشهر
أم راكان:والله يابنتي حاولت في أبوك بس مو راضي
نور:ــــــــــــــــــــــــــــــــــــــــ
أم راكان:يمه لاتصحين,أهم شيء أنتي وزوجك مرتاحين,وخذي ريم تبقي تكلمك
ريم تأخذ السماعه:هلا نور,شخبارك وش مسويه
نور تصيح:بخير ياقلبي
ريم:لا تصحين,تخليني أصيح معك اللحين
نور وهي خانقتها العبره:خلصتي تجهيزات لعرس ركون
ريم:أي,مابقى لي شيء,طيب ماحولتي مع زوجك تجون بس أسبوع وترجعون
نور:والله حاولت معه,بس يقول مايقدر على دراسته
ريم:يؤ والله ميصير هذا زواج
نور:خليه على الله
ريم:الله يعينك,والله ولهة عليك
نور:وأنا ولهت عليكم كلكم
ريم:ودي أخذ زوجك وأزنطه,لين يقول لي خلاص بنحضر العرس
نور تبتسم:ريوم ووجع,لاعاد مو كذا
ريم:خلاص بنجيء أنا وركون نخطفك
نور:ليه السالفه سايبه
ريم:هههههههه,بعد شنسوي في زوجك
نور:وجوري تجيء لكم
ريم:أي تجيء كل خميس
نور:وشخباره مع محمد
ريم:والله أختك ماتتكلم,بس شكله أعتادة على الجوء
نور:أي والله,إذا جاءت سلملي عليها كثير
ريم:أن شاء الله
نور:سلمي عليهم كلهم
ريم:أوكي,يوصل
نور:يلا مع السلامه
ريم:الله يسلمك,وأنتبهي على نفسك
نور:أن شاء الله..وسكرت

~..•.°..•.°..~..~..•.°..•.°..~

خلود:لا,لاتجيء
راكان:وليه..؟
خلود:أمي مو راضيه,قالت مابقى شيء على الزواج
راكان:طيب أنا أبقي أشوفك
خلود:خلاص,أنتظر لين العرس وتشوفني
راكان:شسوي ولهت عليك
خلود:ــــــــــــــــــــــــــــــــــ
راكان:خلاص دقايق وأنا عندك
خلود:راكان,وأنا شقول
راكان:عادي جيبي أي عذر لأمك
خلود:شنو تبقيني أقول لها
راكان:قولي لها جايب كتالوجات لكيكة العرس,عشان تختارين
خلود:تتوق ترضى
راكان:أنتي قولي لها وماعليك
خلود:خلاص بروح أقول لها وأمري لله
راكان:يلا مسافة الطريق وجايك
خلود:طيب..وسكرت
خلود:ديوم وين أمي
ديمه بملل:في المطبخ
خلود راحت لها:يمه
أم فهد:نعم
خلود:ااااء راكان بيجيء
أم فهد بصراخ:وأنا شقلت لك
خلود بترجي:يمه بيجيء يرويني الكتالوجات
أم فهد:وشا ذا الكتالوجات اللي طلعت فجاءه
خلود:ــــــــــــــــــــــــــــــــــــــــ
أم فهد:إلا أنتي وياه عيايره,خليه يجيء بس ماراح يجيء مره ثانيه,ونص ساعه وبدق عليكي الباب وخليه يطلع
خلود بفرح:أن شاء الله ياحلى أم .. وطلعت
أم فهد:يمه منك يالعياره
خالد:وش عنده الوالده تكلم نفسه
أم فهد:هذاي أختك
خالد يضحك:خلود
أم فهد:طالعه لي بفنتق بيجيء راكان يرويها كتالوجات
خالد:ههههههه,خليه يمه مابقى شيء على الزواج
أم فهد:أي بس خلاص,مابقى شيء ينتظر لين الزواج
خالد:يمه هذاي عاداتكم حقت أول
أم فهد:أي بس بتظل وماراح تتغير
خالد:هين بس
أم فهد:إلا تعال أنت وش سالفتك مع زوجتك
خالد بتواهق:أي سالفه
أم فهد:ماتجلس معها كثير,كل في الشوارع وش ذا الربع اللي تفضلهم على زوجتك
خالد:ليه هي شاكيه لك.؟
أم فهد:لا والله,ولا تكلمت بس أنا هذا اللي أشوفه
خالد هز برأسه وتوه بيطلع
م فهد:بس يولدي أهتم فيها,ماراح تنفعك إلا هي وقل لها تنزل تجلس جنبنا من عرستوا ماشفتها نزلت,إلا إذا بتروح بيت أهلها سلمت علي وراحت
خالد:أن شاء الله..وراح

دخل خالد ولقاه جالسه في الصوله على التلفزيون,جلس على الكنب بدون ليرفع عينه عليه
خالد بحده:ليه ماتنزلين تجلسين جنب أمي
أمل منزله رأسه:ــــــــــــــــــــــــــــــــــ
خالد:مين أكلم أنا
أمل بتردد:مالي وجه أجلس جنبه,ما أبقيه تحس بشيء
خالد بستهزاء:شنو مالك وجه,من اليوم أبقي أجي أشوفك جالسه عند أمي فاهمه وبلا خرابيطك وإذا أنتي ذكيه ماراح تخلينها تحس بشيء
أمل:ــــــــــــــــــــــــــــــــــ
خالد نأظره:فاهمه اللي قلته,ورجع ركز نأظره على التلفزيون
أمل بهدوء:أن شاء الله
خالد:آوف زهقت من هالكلمات ماعندك غيره,أن شاء الله,حاظر,مثل ماتبقي ..حتى الواحد إذا جلس يبقي يرتاح مايقدر وقام
أمل:"آه ياخالد لو أعرف بس ليش تسوي كذا
مو قادره أكرهك على كل اللي تسويه,توقعتك قاسي بس مو لهدرجه"

راكان يسلم على خلود:ها ماقلت لك
خلود تفتح باب المجلس:حياك أدخل
راكان يدخل:الله يحيك
خلود جلست لكن بعيد عنها
راكان:وش فيكي جالسه بعيد,غربي شوي
باكلك أنا
إلا دخل خالد
خلود:"وه بس ياتومي,دايم تنغذني من هالمواقف"
خالد:حيا الله ركون بوعلوم
راكان يضحك:يارايق بس
خالد يجلس:ومين قال لك أني رايق
راكان:أنا أقول
خالد:واللي يقول لك,أني واصل حدي
راكان:لا
خالد:ليه شايفني أضحك معك
راكان:ليه سلامات,أنا سمعت أن اللي يعرس يارتاح
خالد:كذاب اللي قايل
راكان يضحك بالقوه:ليه كذاب
خالد:إذا عرست تشوف
خلود معصبه:شنو اللي يشوف
خالد:يؤ نسينا أنه جالسه
راكان:ما راح أشوف غيرك ياقلبي
خلود:راكان ترأ خالود جالس
خالد يمثل:مقدر على الرومنسين أنا,لا ذبت ويضحك علموني
راكان:بعدين بعدين مو اللحين
خالد:مصدق أنت ووجهك
راكان:وأنت بعدين وش تبقي جاي
خالد:جاي أطمن على تومي
راكان ينأظره بنص عين:هذا طول الوقت معك في البيت
خالد:أي بس اللحين معك,ياخي أخاف تتهور وتسوي شيء
راكان يرفع حاجبه:ليه أنت سويت شيء يوم ملكتوا
خالد:لا,أنا ماهو مطيور مثلك
راكان:أقول تارك أطير مني
خالد:هين بس
راكان:أصلن أشك أنك رحت لزوجتك أيام الملكه
خالد:هذا أنت قلته..وقام
راكان:ليكون زعلت
خالد بتعمد:ليه شايفني خلود وضحك وطلع
خلود تبتسم
راكان:أقول بدال لاتبتسمين وتطالعين برأ,عبريني وأبتسمي لي
خلود:ــــــــــــــــــــــــــــــ
راكان:خلود قبل لاتدخلين أمك خذت لسانك
خلود تضحك:لا ماأخذته
راكان:زين تكلمتي
خلود:وشفيك علي
راكان:زوجتي ولي حق عليه
خلود تصرف:المهم أمي أشوي وبتدق الباب
راكان يرفع حاجبه:ليش
خلود:عشان تطلع
راكان:آفا ماهقيت العمه تسوي كذا
خلود:يالله رضت أصلن
راكان:من حقه تخاف عليكي
خلود:أكيد من حقه
راكان:بس إذا جيتي عندي مو من حقه
خلود قامت:بروح أجيب الشاي وبجيء
راكان:تعالي أجلسي مابقي شاي,توك تقولي أن أمك بتجيء تدق الباب شلون تقومي تجيبي شاي
خلود أنحرجت ونزلت رأسه
راكان:ياويلي مرتي تستحي وش أسوي أنا إذا أنا كذا
خلود تبتسم:الله يعيني عليك

إلا دقت الباب أم فهد..
راكان وقف
وقامت خلود:أوصلك للباب
راكان ينأظر فيها:أكيد
خلود:يلا مع السلامه
راكان:الله يسلمك..توه بيطلع
خالد:طالع
راكان:وش تشوف
خالد:أنتظر طالع معك
راكان:يأخي ماعندك مره تطلع معه
خالد يطلع:أقول بلا هذره وأمشى
راكان:يلا حوبي أنا طالع
خلود:الله وياك
راكان نأظره وطلع
خلود تبتسم:"ياربي عليه"
أمل:وش عنده يتبسم وسرحان
خلود تنتبه:أمول
أمل تضحك:لا راكان
خلود:أمول لاتتسببين
أمل تضحك
خلود تروح جنبه:اللحين أنتي وش سالفتك
أمل بتوهق:أي سالفه
خلود:اللحين من جيتؤ من لندن ماشفنك كلش
أمل:إلا أنتي اللي ماتنشافين
خلود:أقول لاتتعيرين,ويبيلك جلسه تعالي معي غرفتي
أمل:أمشي

~..•.°..•.°..~..~..•.°..•.°..~

راكان دخل وكان بيروح غرفته
ريم تقوم:راكان
راكان يلتفت عليه:شفيك
ريم:تسلم عليك نور
راكان:هي داقه
ريم:لا,أمي دقت عليها
راكان:ها متى بينزلون
ريم:مين قالك أنهم بينزلون
راكان:شلون يعني..؟
ريم:تقول زوجه مو راضي,عنده دراسه
راكان بعصبيه:بس هذا عرسي,وراح لغرفته
أم راكان تدخل:شفيه أخوك صوته وصال لبرأ
ريم:معصب على نور
أم راكان تجلس:على أنها ماراح تحظر
ريم:أي
أم راكان:بعد شتسوي,والله أنا قلبي مو مطوعاني زواج أخوه الوحيد وماتحضر
ريم:ـــــــــــــــــــــــــــــــــــــــ
أم راكان:أنا قايمه أشوفها

أم راكان قربت من غرفته سمعته يصراخ أشوي إلا سكت
ودخلت الغرفه ولقته جالس
أم راكان:يمه وش فيك
راكان والعصبيه باينه عليه:مافيني شيء
أم راكان تدخل وتأخذ الكرسي وتجلس:لا تعصب على أختك مالها ذنب هي
راكان:أنا ماعصبت عليه,عصبت على هذا اللي يسمى زوجها
أم راكان:ليش كلمته
راكان:أي,سبيته وسكرت
أم راكان:لا يولدي مو كذا التفاهم
راكان:والله كلمته بكل هدوء,بس ماينفع معه شيء هذا
أم راكان:ــــــــــــــــــــــــــــــــــــ
راكان:أقول إذا أنت ماتبقي تحضر ياخي خل أختي تحضر,قلت له أنا بحجز لها ذهاب و إياب بس جالس يزمر ويقول تجيء لحالها مافي
أم راكان تحاول تهديه:ياولدي هذا صديقك وأنت عارفه
راكان:بس ماكان كذا
أم راكان:ياولدي,هدي وهذا نصيب أختك
راكان:ــــــــــــــــــــــــــــــــــ
أم راكان وهي قايمه:الله يهديك يمه
وقبل لاتطلع:يمه راكان خلاص لاتروح لزوجتك,مايصير زواجكم بعد كم يوم

تزوج راكان بخلود,وتم العرس بسلام وقرر راكان
أنه يروح شهر العسل أمريكا,اللي فيها أخته مع زوجه


-راكان وخلود تعليقكم عليهم..؟

-أمل و خالد شنو نهايتهم..؟

-عبدالله و شوق\محمد و جوري
هل راح يظلون كذا حب من طرف واحد بس..؟


.•.°.•?•\missDooDooay\.•.°.•?•



•.°.• آنتهى البارت •.°.•

 

 

[آخر لحظة]

السلام عليكم ورحمة الله وبركاته

أعتذر على تأخيري في تنزيل البارات

بس مابقى شيء وتخلص الروايه

تحملوني شوي ... البارات الأخير خلص من زمان بس

باقي لها تعديلات بسيطه وأنزله,يعني أنتظروني بعد يومين ويخلص

 

 

[AL-NAQEEB]

ماشاء الله
عندكـ اسلوبـ مشوقـ .. واصلي اختي ولاتحرمينا جديدكـ

 

 

[عشق البنفسج]

أهلين أختي آخر لحظة
البارات كالعاده روعه .. وتطورته أروع
بس وناسه هذا البارات ماقبل الأخير..

تعليقي..


-راكان وخلود تعليقكم عليهم..؟
أحسهم وناسه و فلله .. الله يوفقهم هع

-أمل و خالد شنو نهايتهم..؟
ماتوقعت خالد بهالقسوه,يمكن ينفصلون

-عبدالله و شوق\محمد و جوري
هل راح يظلون كذا حب من طرف واحد بس..؟
أكيد ماراح يظلون .. ومع الأيام يحبون بعض

سلطان:
قهرني ليه ماخلا نور تحضر زواج أخوه

نور:
كسرت خاطري المسكينه

راكان:
عجبني يوم راح لها هناك يقضي شهر عسله

وبسس ..
في أنتظار النهايه على الجمر ...
وكنت بسألك هل راح تحطين لنا كواليس البارتات ولا ..

تقبلي مروري

 

 

[قاهر المستحيل]

نترقب جديد الأجزاء

 

 

[آخر لحظة]

al-naqeeb
يسسلمووو لوجودك
ومنور..

عشق البنفسج
هلا فيك أختي ومنوره
وتسلمي لوجودك وردك وتعليعقك
وعلى الكواليس أي موجوده بس ماكتبت شيء
بعد ماتخلص الراويه أنزل الكواليس...

قاهر المستحيل
يسسلمووو لوجودك
ومنووور..

 

 

[قيثارة]

عدنا بعد غياب
تطورات حلوة بس ما فهمت شصار على سارة وصديقتها الهبله وسالفه الخطف انتهت القصه على شنو ؟؟؟

 

 

[ورده خجوله]

يوه عاد اخر لحظه لا تطولين في تنزيل البارت علشان ماننسى
ومشكوره ع الروايه الجونان

 

 

[قاهر المستحيل]

نترقب جديد الأجزاء ،

وأهلاً بعودتكِ أختي آخر لحظة

 

 

[آخر لحظة]

السلام عليكم ورحمة الله وبركاته

أول شيء أهنيكم بعيد الفطر السعيد

: (كل عام وأنتم بخير) :
وصحه وسلامه يارب

وأعتذر في تأخيري في تنزيل البارات الأخير
وأتمنى ينال أعجاب الجميع ..

وجزيل الشكر لكل من تفقد عني .. وقام بالسؤال

والان تفضلوا بـ قراءة البارات الأخير و النهايه

 

 

[آخر لحظة]

•.°.• البارت الواحد والثلاثون •.°.•


•.°.•والأخير•.°.•


محمد بعصبيه:يؤ وبعدين معاك
جوري بترفز:عاجبك ولا طلقني
محمد:ششنو ششنو,شنو أمرتي طلاق مافي
ولا تحلمين
جوري:أجل خلاص تحمل مايجيك,ولفت ظهره بتروح
مسكها من يده
محمد:سمعيني زين إذا جيت أكلمك,تظلين واقفه لين أخلص فاهمه
جوري بتحدي:لا موفاهمه
محمد شد على يده:لا راح تفهمين
جوري بتألم:السالفه مو غصب
محمد شد أزيد:إلا غصب
جوري دمعت عيونه:هد هد عورة أيدي
محمد يسحبها لعنده:لمتى لمتى بتهدين هالعناد,شنو أنا متزوجك مزهريه,شنو أسميه هذا تكبر,ولاغرور,ولاأيش,فهمني عشان أعاملك مثل ماتعامليني
جوري لفت رأسه:وخر عني ماأبقي أكلمك
محمد:إلا بتكلميني,وقول لي اللحين شنو سالفتك
جوري تنأظره وبصراخ:أكرهك,يلا عاملني مثل ماأسوي لك
محمد ينأظر في عيونها:كذابه,أنتي تحبيني بس ماتبقين تقولين,وأتحداك إذا مادق قلبك لي..
وأتركها وطلع من الغرفه وسكر الباب بقوه
جوري تجلس وتحط يده على المكان اللي يألمها وتصيح
....................
سلطان يدخل ومعه باقة ورد
نور تجيء لعنده:أكيد الورد لي
سلطان:لا طبعاً
نور بزعل:أجل لمنو
سلطان:حق
نور تنأظره بسخريه:لك يعني
سلطان يبؤسها ويعطيها الورد:لأحلى بنت في الكون
نور:بسس
سلطان:وألطف زوجه,ولحبي الوحيد وكل حياتي
نور بخجل:كل هذا لي
سلطان يغني:عيوني لك وروحي لك وكلي اللي تبيه كله
نور:يابعد كل هلي والله
سلطان:كل هلك
نور:أمممممممم
سلطان يفلصها:لا وتفكرين بعد
نور تضحك:أكيد كلهم,أنت اللي ساكن في وسط قلبي
سلطان:يالبيه يالبيه يانووووري
نور نزلت رأسه
سلطان:نوري..نوري
نور رفعت رأسه ونأظرت فيه
سلطان:حنأ راجعين للبلد
نور بتفهي:هاااااااا
سلطان:بكره بنروح البلد
نور:لا تكذب علي
سلطان ينأظرها:وليه أنا أقدر أكذب عليك
نور:سلطان
سلطان:لبيه
نور:بكره بكره
سلطان:أي بكره
نور:يااااااااي,ياني ولهانه على أمي وأبوي
وركون وخواتي
سلطان يبتسم وينأظر فيها وهي تتكلم
نور:سلطوني يعني خلاص بتم هناك مو جاين
سلطان هز رأسه بـ أي
نور:ياااااي,وناااااسه..وقامت
سلطان:ووووين
نور:رايحه أجهز أغراضي
سلطان:لحاقه عليهم تعالي أبيك
نور قربت جنبه:شنو تبقي
سلطان:جلسي
نور:وهذاني جلستي
سلطان ينأظرها:أحبك
نور:ـــــــــــــــــــــــــــــ
سلطان:والله أحبك
نور تنأظرها:مصدقتك ياقلبي
سلطان:نوري أبقيكي جنبي طول العمر
نور تبتسم:لين اصير شايبه بظل معك لزقة عنزروت
سلطان بنفس الأبتسامه:توعديني
نور:أوعدك ياكل دنيتي
..........................................
جوري تنأظر في ساعته:"صارت 3 وهو للحين ماجاء
ياربي وين راح وجلست تروح وتجي في غرفته لين أذن
يمكن اللحين بيصلي في المسجد,وبجيء خلني أروح أصلي"
....................
جوري بعد ماخلصت صلاه قامت وطلعت للصاله
جوري:"ياربي ليه ماجاء للحين,ظلت تروح وتجيء
تروح وتجيء,لين 4 بروح أنزل تحت يمكن أشوفه هناك"
جوري تدوره في كل مكان بس مالقته..
جوري:"ياربي وين راح,ليكون يسوي في نفسه شيء
خليني أدق عليه,أخذت جواله بتدق,بس طلع مقفل
يالله وهذا وقته ليه تقفله,زاد توتره وزاد قلقه..صارات 5 وهي للحين جالس تنتأظره"
ماحست بروحها إلا الساعه وحده بالظهر
فتحت عيونها ولقت نفسه بالسرير
جوري:"اللحين أنا نمت بالصوله,شنو اللي جيبني في الغرفه,ألتفت على جهته ولا شافته,جوري قامت وطلعت للصواله ولقته متسطح على الكنب,أخذت بطانيه ومخده وراحت جنبه,حطت المخده تحت رأسه وبعدين حطت عليه البطانيه,وجلست جنبه..وحطت يده على شعره وجلست تحركه مثل الطفله وتتكلم
جوري:وين رحت أمس خوفتني عليك,وليه أدق وماترد
والله خفت يصير لك شيء
محمد وهو مغمض عيونه:لو صار لي شيء شنو بتسوين
جوري توخر يده من على شعره:بسسم الله
محمد يفتح عيونه:يلا قولي لو صار لي شيء شنو بتسوين
جوري:ليه أنت كنت نأوي تسوي شيء
محمد:ـــــــــــــــــــــــــــــــــــ
جوري:الله يسامحك بس,تطلع وتخليني خايفه
محمد ينأظرها:صحيح خفتي علي
جوري:لا خفت على نفسي أجل
محمد:يعني تعترفين أنك تحبيني
جوري:لا ما أعترف ولا راح أعترف
محمد:يعني تحبيني بس ماتبقين تقولين
جوري:مين قال
محمد:أنا أقول
جوري تضحك:لا مو أنت اللي تقول هذاي قلبك اللي يتكلم
محمد يقرب لها:يعني أنتي حسيتي في قلبي
جوري نزلت رأسه:خلاص يامحمد أنا تعبت,تعبتني
بطيبتك,وحنيتك كل ماتبقي تقرب مني أصد عنك,وكل ماتكلمني ماأرد عليك,وإذا رديت أرد مجامله جنب أهلك أو أهلي,خلاص والله تعبت
محمد كان ساكت ويسمعها
جوري:محمد تكلم قول وش فيك ساكت
محمد:أنا أحبك وبظل أحبك مهما ماسويتي
جوري:قول آمين
محمد:آمين
جوري:الله لايحرمني منك
محمد:ولامنك
جوري تضحك..
محمد:ينأظرها:ليه تضحكين؟
جوري:شوف من تزوجنا ماجلسنا هالجلسه
محمد يقرب:ولا يهمك من اليوم أجلس لك جلسات
جوري بخجل:محمد
محمد:عيوووووونه
جوري:أقولك شيء
محمد:قولي كل شيء
جوري:الصراحه من اللي سويتها فيني أمس
وأول مره تسويها فيني,أكتشفت شيء
محمد:اللي أهو
جوري:صحيح كنت معك جافه,بس مدري كيف تحملتني
ووأمس حسيت أني ماأقدر أعيش من دونك
محمد:يابعد قلبي أنتي
جوري:ـــــــــــــــــــــــ
محمد:ويلموني إذا قلت أحببببببه
جوري:حمود خلاص
محمد:شنو خلاص تونا بأدين,ماراح تفتكين مني اللحين
جوري تنأظره:ليه شنو بتسوي؟
محمد:طول الوقت مجابلك
جوري نزلت رأسه:محمد وبعدين
محمد:أموووت أنا على اللي يستحون
...............
ندى:نادر حبيبي يلا قم
نادر:نعم ماما
ندى:قم أبوك بجيء اللحين
نادر:بعدين,أبقي ألعب
ندى:يؤه,زهقتني ..وجلست
فهد يدخل:مساء الخير للحلوين
ندى توقف:مساء النور
فهد ينأظر نادر:مازهقت وأنت تلعب بلاستشين
ندى:زهقني من مساعه وأنا اقول له بدل عشان نروح
فهد يقرب:للحين تبقين تروحين
ندى:أي,ليه
فهد:لا قلت نأجله
ندى:لا,فهد عاد والله زهقانه
فهد يضحك:أمزح معك,ويلا روحي لبسي عبايتك,وأنت يلا قم بنروح
نادر لسى جالس ويلعب
فهد:يلا ندى ماخلصتي
ندى تجيء:إلا,شف هذا ماقام
فهد:على كيفه شكله مايبقي يروح,ويغمز لها ترأ ولهت على أيام قبل بس أنا وأنتي
ندى:لالا يلا قم مافي جلسه في البيت لحاله
فهد يبتسم:يالله أنا أنتظركم برأ,لا تتخرون

..................

خلود تدق الباب
أمل:طيب جايه
خلود:هذا أنا
أمل تفتح وتضمها:الحمدلله على السلامه
خلود:الله يسلمك
أمل تدخلها وتسكر الباب:متى وصلتوا
خلود:أمس في الليل
أمل تبتسم:ـــــــــــــــــــــــ
خلود:سألت عنك قالت توه رايحه غرفتها
أمل:أي لو عارفه أنك بتجي كان ضليت تحت
خلود:لا أحسن,لاني بغيتك في موضوع
أمل:موضوع أيش!
خلود:وش صار معك ومع خالد
أمل تبتسم:ماصار شيء
خلود:لا الأبتسامه وراها شيء
أمل:ــــــــــــــــــــــــــــــــــ
خلود:صار اللي في بالي
أمل بحياء:أي
خلود بفرح:والله
أمل تهز رأسه بـ أي
خلود:ياقلبي,تستاهلون.واللحين نقول مبروك
أمل تنأظرها:كيف يعني
خلود تضحك:يعني قبل نقول مبروك على الفاضي
أمل تضحك معها..
خلود:متى..!
أمل بخجل:يوم زواجكم أنتي وراكان
خلود:أي يعني سوينا فيكم خير
أمل تضحك:ــــــــــــــــــــــــــــــــ
خلود:وكيفه معك اللحين
أمل:أحسن من قبل
خلود:أحسن ولا كلام من عندك,أمول تكلمي ترأ عارفتك أنا
أمل:لا والله,أخوك تغير بالحيل صار يكلمني ويسوالف معي
خلود:ريحتني والله
أمل:أخبارك أنتي مع راكان
خلود تبتسم:حنأ عالي على العالي
أمل:الله يهنيكم
خلود:آمين,وأنتي بعد
...................
خالد:أمل
أمل تجيء وبخجل:نعم
خالد:لبسي أنا عازمك على مطعم
أمل تنأظرها وبعد ماستوعبت:شنو
خالد:مطعم,يلا روحي لبسي
أمل:طيب,دقايق وأنا جاهزه
خالد يجلس:لا تتخرين
أمل:أن شاء الله
خالد:"لا زام يعني هالكلامات,مدري متى بيتغير الروتين,مافي حبيبي قلبي.
بس لاتنسى أنت اللي ماعطيته فرصه تعبر عن حبه لك
من يوم كنتي صغير وأنتي تحبيني ونظرأتك كانت تفضحك وكل ماجيتي بتكلمني أهرب منكي ولا أعطيكي فرصه,بس أوعدك راح أرجعك أمل اللي تحبني"
أمل:خالد
خالد ينأظرها:ـــــــــــــــــــــــــــــــــــ
أمل:آسفه لاني تأخرت
خالد:وش ذا اللي حاطته في عيونك
أمل:شويت كحل
خالد:روحي أمسحيه
أمل:ـــــــــــــــــــــــــــ
خالد:ولا أقولك خليه,ونزلي الشيله على عيونك
أمل:طيب
خالد:يلا أمشي
وفي المطعم
خالد بتعمد:حوبي تبقين أطلب لك عصير زيي
أمل بتفهي:أناا
خالد يضحك:ليه في أحد معنأ
أمل:أي,أطلب
خالد:طيب وإذا ماعجبك
أمل:لا كيف مايعجبني,وهو أختيارك
خالد:يعني تثقين في أختياري
أمل تبتسم:أكيد
خالد بنفس الأبتسامه:طيب,خلاص ماراح تطلبي شيء ثاني
أمل:لا بس اللي طلبنها يكفي
.................

 

 

[آخر لحظة]

خلود:راكان
راكان يلتفت:أمري
خلود:أاااء,بقولك شيء
راكان بأنتبه:قولي
خلود:أنا حامل
راكان ينأظر فيها:شنو عيدي ماسمعت
خلود:أنا حامل
راكان أبتسم وقام شاله وجلس ينأظر فيها:مبرووك ياحياتي,وآخير بصير أبو.ومن مين منك
خلود:ركون نزلني
راكان:وإذا مانزلتك
خلود حمرت خدوده:ركووون
راكان:لبيه
.................
أم راكان بفرح:صج ياخلود الكلام اللي قاله زوجك
خلود بخجل:أيه صج أمي
أم راكان تضمها:مبرووك مبروك ياعمري,تقومين بالسلامه
خلود:الله يسلمك
ريم:مبروك مرة أخوي
خلود:الله يبارك فيك
أم راكان:خبرتي أمك
خلود:لا رايحه أعطيها خبر اللحين
أم راكان:أي روحي فرحيها
خلود:أن شاء الله..وراحت
.................
محمد:مبروووك
راكان:الله يبارك فيك,وعقبالك
محمد:هههههاي,الله كريم
راكان:إلا أقول موناوين تترسون البيت بزران ولا
محمد:والله المدام ماتفكر
راكان:هههههههههه
محمد:يلا أخليك,وبارك للعمه عني
راكان:أوكي..سلام
محمد:باي..وسكر
جوري:مين كنت تكلم؟
محمد:أخوكي
جوري:على أيش تبارك له؟
محمد:زوجته حامل
جوري بفرح:والله
محمد:أي يلا شدي حيلك وجيبي واحد
جوري:أنا قايل لك بعدين
محمد يقوم ويوقف قريب منها:متى يعني بعدين
جوري:يؤ حمود وخر,بعدين وبس
محمد:ما راح أوخر
جوري تدفها بيده:أنا بوخرك
محمد ينأظرها:ماتقدرين
جوري نأظرته ونزلت عيونه بسرعه
محمد يضحك:ليه نزلتي عيونك
جوري:نظرأتك خجلتني
محمد:أبوي على اللي يخجلون
جوري حمرت خدوده:حموود
محمد:عيوووونه
جوري بدلع:تسلم عيونك
محمد:لا لا ماأقدر أنا
جوري أبتسمت وضمتها وهمست له في أذنه:أحبك ياخبل
توه بتروح إلا مسكها من يده
محمد:ويين
جوري منزله رأسه:هد أيدي بروح المطبخ
محمد يغمز لها:مافي روحها بعد الكلام اللي قلتيها
..................
محمد:جوري
جوري وهي مغمضه عيونه:أهمممممم
محمد:بسألك..أنتي كنتي تحبيني من قبل
جوري:ـــــــــــــــــــــــــــــــــــ
محمد:جوري.ولف عليه وشافه نايمه
محمد يبتسم وهو ينأظرها:"مو مهم أنتي تحبيني و لا لا الأهم أني أنا أحبك,وبقدر أاثثر فيك"

من الصبح..
محمد جلس ومالقى جوري جنبه,نأظر في ساعته وقام
يغسل وجها,وجلس ينشف وجها بالفوطه إلا

أي أحبك
وكلمة أحبك ماتكفيك
لان حبك أبد موصاحي
دخيلك حمود لاتجنني بحبك..

رجع يقرأ الكلام على المرايا..
محمد أبتسم وراح شافها مجهزه الفطور
جوري تبتسم:صباح الخير
محمد:صباح النور,والحب,وصباح الورد الجوري
جوري:تفضل الفطور جاهز
محمد يقرب منها:حلوه الحركه
جوري:أي حركه.؟
محمد:كاتبه على المرايا
جوري تبتسم وتجلس
محمد:أنتي اللي بتجنني مو أنا

أفكر فيك وأدري من يفكر فيك ماينلام
لانك كثر ماتجرح خفوقه تنعش أماله
أحبك وأدري أن اللي يحبك يحسب الأيام
لانك كثر ماغبت وجفيته تطري في باله
تقول أن الوعد عد وقول أن الوعد قدام
وأنا من قبل أغني بك يجر الشوق مواله
ولا يكفيك من عمري يضيع العام بعد العام
ولا يرضيك من قلبي يشد الناس رحاله
عشان عيونك و عيون القصيد وسكت الأحلام
أحبك هي أول و أخر كلمه أقوله
..................
خلود جنب الباب:ديمه
ديمه تفتح الباب:هلا خلود
خلود:هلا فيك,بقيتك بسالفه
ديمه:تعالي دخلي داخل
خلود تجلس:أمي قالت لي على اللي جايك وأنتي رفضتيه
ديمه:ـــــــــــــــــــــــــــــــــــــــــــــ ـــ
خلود:ليه رفضتيه,راكون يقول ماشاء الله عليه أخلاق و طيبه
ديمه:ــــــــــــــــــــــــــــــــــــــــــــ
خلود:ديمه تكلمي ليه ساكته؟
ديمه بتردد:أنا أحب سعود
خلود تبتسم:كلنا نحب سعود ولد شوق,هو حبوب ماشاء الله عليه
ديمه:لا ياخلود مو ولد شوق
خلود:أجل
ديمه:سعود اللي يقرب لشوق
خلود:الله يهديك خلاص هو مات الله يرحمه
ديمه:بس أنا للحين أحبه
خلود:ديمه فكري زين,الفرصه ماتجيء إلا مره وحده في العمر,لا تضيعين فارس من يدينك,وسعود أدعي له بالرحمه
ديمه:ــــــــــــــــــــــــــــــــــــــ
خلود:أنا رايحه أقول لأمي أنك تبقين كم يوم عشان تفكرين
ديمه:لا,قولي لها أني فكرت وخلاص
خلود:يعني أنتي موافقه
ديمه بعد سكوت:لا
خلود:ديمه,فكري زين
ديمه:خلاص أنا فكرت,وهذا قراري وماراح أغيره
خلود:بس هو مات خلاص
ديمه:أي أنا ماأبقي أتزوج
خلود قامت:الله يهديك بس..وطلعت

أم فهد:ها يمه خلود وش قالت
خلود تجلس:لسا على قرارها
أم فهد:ماحولتي معها
خلود:إلا يمه بس هي تقول ماتبقي تتزوج اللحين
أم فهد:الله يهديها أن شاء الله,أن مفتشله وشلون أكلم
أم فارس
خلود:بعد شتسوين,قولي لها أن البنت رفضت
أم فهد:خلاص في الليل أكلمها
..................

أم فارس:لا يأم فهد مافي نصيب لامازعلت,تسلمي
الله يخليك,الله يسلمك.مع السلامه
أم فارس سكر السماعه
فارس:ــــــــــــــــــــــــــــــ
أم فارس:مالك نصيب بالبنت يمه
فارس:حصل خير
أم فارس:ولا يهمك بنات الديره واجد
فارس:يمه البنت هذاي أنتي اللي أخترتيها,اللحين أنا بختار البنت
أم فارس:أي إذا حاط وحده في بالك قول
فارس:أخت راكان خوي صديقي
أم فارس:راكان اللي ورأ بيتنا
فارس:أي
أم فارس وكأنه تكلم نفسه:أي وحده جوري وأخذه ولد أم محمد,وأتوقع نور اللي سافرات مع زوجه كنأ باقي وحده بس مو ذاكره أسمه
فارس:يمه وش فيك
أم فارس:جالسه أتذكر بنات أم راكان
فارس:روحي البيت لهم ومره وحده شوفيها لي
أم فارس:ولا يهمك أروح اليوم في الليل

..................

أم فارس تسكر السماعه وتبتسم
فارس:ها بشري
أم فارس:وافقت
فارس يبتسم:ــــــــــــــــــــــــــــــ
أم فارس:ياولدي خير البر عاجله,خل نعجل في الملكه
فارس:اللي تشوفينه يمه
أم فارس:على خير أجل

..............

خلود:أجل وافقت أختك
راكان:أي
خلود:والله تستاهل ريوم
راكان:وحتى فارس ماشاء الله عليه
خلود:الله يوفقهم أن شاء الله
راكان:ـــــــــــــــــــــــــــــــ
خلود:والله حال ديمه مو عاجبني
راكان:ياقلبي مو من نصيبه
خلود:طيب,بس لو جاءه واحد ثاني وقالت نفس الكلام
راكان:لا بتغير كلامه بعدين
خلود:أن شاء الله

رن جوال راكان
راكان:أوه هذا عزوز
خلود:أنا قايمه أرتاح
راكان:طيب قلبي..ورفع
عبدالعزيز:وين الناس
راكان يضحك:موجودين
عبدالعزيز:واضح,الأ من تزوجت ماتنشاف
راكان:إذا تزوجت تعرف سر غيابي وضحك
عبدالعزيز:الله كريم
راكان:تر مافي أحد عزاب في العيله غيرك
عبدالعزيز يضحك:أحسن وش لنا بعوار الرأس
راكان:ترأكم مأخذين فكره سيئه
عبدالعزيز:ماعلينا اليوم تعال لنا في الأستراحه
راكان:أشوف
عبدالعزيز:وين أيام قبل نقولك تعال,وفي دقايق تجيء
راكان:عاد لا تقارن أحين وقبل
عبدالعزيز:أحنا بنستناك,أن جيت ولا
راكان:على خير أن شاء الله..وسكر

.....................

خالد:حوبي أنا رايح أجلس جنب الربع شوي
أمل تغير صوته:بتتأخر
خالد يقرب منها:لاتخافي مو نفس قبل,ويغمز لها
أمل بخجل:خالد
خالد يضحك ويطلع
أمل:"بجنني أزيد ما أنا مستجنه فيه"
خالد يأشر بيده
أمل تنتبه:مارحت
خالد:مين اللي ماأخذ عقلك
أمل تنزل رأسه:بعد مين أكيد أنت
خالد:أنا جيت أقولك تبقين شيء وأنا جاي أجيب لك معي
أمل:عادي أي شيء في طريقك
خالد:أي شيء
أمل:أي,جيب لي معك آيسكريم
خالد:أي نوع تحبي
أمل:عادي بس مشتهي آيسكريم
خالد وهو قايم:ليكون متنسيه
أمل بخجل:لا
خالد ضحك وطلع
أمل:"ضحكتك تسوى عندي كل شيء في الدنيا
وآخير رجعت لي خالد اللي أحبه من قبل"

..................
في الأستراحه..
خالد:أجل راكون بيجيء ولا
عبدالعزيز:أنا كلمته ويقول بيشوف
خالد:عدل
فارس يدخل:سلام
عبدالعزيز:وش فيك اليوم جاي متأخر
فارس:لا هذاي الوالده الله يحفظها
عبدالعزيز:شفيها
إلا دخل راكان..
خالد:أوه هذا هو جاء
عبدالعزيز:زين منه
راكان يبتسم:تحشون فيني
عبدالعزيز:ههههههههه,أما نحش فيك
خالد:حياك حياك يالنسيب
راكان:صرت قديم أنت
خالد:أفا,ليش
راكان يبتسم:في نسيب جديد جاي لأختي
خالد:أوووو على البركه,منو هو
راكان ينأظر في فارس
خالد:خلاص عرفنه
راكان:عزوز وين رحت
عبدالعزيز وقف:راجع لكم..وطلع
راكان:وش فيه؟
خالد:مدري عنه,إلا يافارس تخطب ولا تقول
فارس يضحك:مابعد يصير شيء
خالد:يلا مبروك مقدما
فارس:الله يبارك فيك

..............

عبدالعزيز:"صج اللي سمعته واحد متقدم لريم,عزيز
هاذي ريم اللي هي تحبك وتحبه,رح تقدم لها وبتوافق وشلون أروح أتقدم لها وأنا حتى ماأشتغال,وليه بالاساس توافق لو تحبني ماوافقت"وركب سيارته ومشى إبه بسرعه

راكان:هذا مو كنأ تقحيصة عزوز
فارس:إلا هذا هو
راكان:قال راجع لكم
فارس:ـــــــــــــــــــــــــ
راكان:اللحين يعزم على الأستراحه وهو يمشي أول واحد
خالد:خلك منه,أشوي وجاي

..............

خالد يدخل ويلقى الغرفه هدوء ومطفيها الأنوار وبس في نور الشموع,وقف شوي وبعدين شغل النور ولقها جالسه تنأظر شيء في يده قرب منها
خالد:أمل
أمل توقف وتحط يده وراء ظهرها:خالد
خالد بشده:وش اللي حطيتها وراء ظهرك
أمل بربكه:ولا شيء
خالد يمد يده ويأخذ اللي ماسكته ظل ساكت وبعده بشوي
خالد:ليه مارضيتي أشوف الصوره
أمل منزله رأسه:مدري
خالد يجلس ويبتسم:وليه تكلميني كذا,جلسي جلسي
أمل تجلس
خالد:يلا قولي لي ليه تطالعين الصوره
أمل تنزل رأسه:لاني كل ماولهت عليك أخذ الصوره وأحسك كنك جنبي
خالد:"كل هذا لي ياأمل بس أنا ماأستهال كل حبك"
أمل:خالد
خالد بتهور:لبيه
أمل:زعلتك بكلامي
خالد:لا,يعني لاجيتك أنا وقلت لك ولهت عليك بتزعلين
أمل بخجل:أكيد لا
خالد يمد الكيس:خذي هذا الأيسكريم اللي طلبتيه
أمل:ليه ماجبت لك
خالد:ومين قالك ماجبت لي
أمل تنأظر الكيس:مافي إلا واحد
خالد:عارف
أمل تنأظره بتعجب
خالد يضحك:ماتبقيني أأكل معك
أمل حمرت خدوده وقامت
خالد:"صدقيني إذا مارجعتك أمل الأوليه ماكون خالد"
أمل تجلس ومعه معلقتين
خالد:ليش ثنتين
أمل:وحده لي وحده لك
خالد:رجعي وحده وخلي الثانيه
أمل:ليه منت مأكل معي
خالد:إلا بأكل بس معلقه وحده
أمل بتعجب:شلون
خالد يضحك ويأخذ الأيسكريم ويفتح المطبقه وأخذ المعلقه
وأخذ منه آيسكريم
خالد:يلا فتحي فمك
أمل:أنا
خالد:أيه أنتي,أجل أنا
أمل تبتسم بخجل وتفتح فمه وهي تنأظر فيه
خالد حط المعلقه في المطبقه
أمل:ماراح تأكل
خالد ينأظرها:أكلني يلا
أمل تبتسم وتأخذ المعلقه وتعطيه أيه
خالد:لا أكلني مثل ماأكلتك
أمل بخجل:طيب
خالد بعد ماأكل الأيسكريم قام وطفى النور
أمل:يؤ ليه طفيت النور
خالد:خلينا نعيش الجو الرومنسي اللي أنتي مسويتها
أمل تبتسم
خالد:شفت أبتسامتك
أمل:شلون
خالد تعالي جنبي وأقولك شلون
أمل:ماأشوفك
خالد يجيء جنبه:ياعياره هذاني شفتك
أمل تنزل رأسه , وخالد يرفع
خالد:أمل ليه تستحين مني للحين
أمل:ـــــــــــــــــــــــــــــــــ
خالد:أمول أنا اللحين شنو بالنسبه لك
أمل:زوجي
خالد:وبعد
أمل وهي تضحك:وفارس أحلامي من يوم كنت صغيره
خالد يبتسم:وبعد
أمل:وأمممممممم
خالد:بس
أمل بسرعه:لا
خالد:شنو بعد
أمل:أنت حبي الوحيد
خالد:"وآخير سمعته,واللحين تأكدت"
أمل:وكل نبض في قلبي تقول لك أحبك
وكل همسه أبقي أقولك أني أحبك وأموت فيك
خالد منصدم:"توقعت تقول لي بس أحبك ماتوقعت كل هالكلام يطلع منها"
أمل:خالد
خالد:أمممممممم
أمل:وش فيك ساكت
خالد:وين خاشه هالكلام أجل
أمل:في قلبي
خالد:طيب ليه ماتقولينه
أمل:كنت خايفه منك
خالد:أنا
أمل:أي,أنت ماعطيتني ولا مجال حتى أقولك أي شيء
خالد يلتفت عليه:واللحين لو أعطيك مجال راح تقولين
أمل:أعطيك كل عمري عشان تعيش فيه
خالد يمسك يده:يابعدهم والله
أمل تنزل رأسه
خالد يقوم ويطفي الشمع
أمل:يؤ تعبت وأنا أشغلهم
خالد يضحك:أحب أشوفك وأنتي معصبه
أمل تتأفف:زين كذي,إذا شغلتهم لك مره ثانيه
خالد يضحك:أنا راح أشغلهم لك
أمل تقوم
خالد:وين
أمل بزعل:بروح أنام
خالد يضحك:تصبحي على خير
أمل:ماراح تنام
خالد:بنام بالصوله
أمل بأستغراب:ليه..؟
خالد:ماأبقي أزعجك
أمل:مين قال
خالد يجلس وبعده يتسطح على الكنب ولا يرد عليه
أمل عصبت وراحت الغرفه وسكرت الباب
راحت لجهت السرير وفتحت الغطاء إلا شافت شيء مغلف فتحت التغليفه ولقت صورته مرسومه بالرصاص بكل دقه وتأثير وجمال والرسمه كأنه هي بالحقيقه,ضلت تنأظر الصوره وهي فاتحه فمه ركزت على خطه صغيره حيل وعرفته على طول
أمل:"أي هذاي توقعيتها توقعيت خالد,أعرفها من يوم أشوف كل رسماتها اللي روتني ايهم خلود قبل لايخطبني وكانت كل رسمه يوقع فيها..معقوله خالد يرسمني أنا ومن متى جلس يرسمني بهالدقه,وتذكرت كلام خلود أن لو جلس يرسم رسمه يظل فيها شهر أو شهرين,يعني خالد يحبني,لالا خالد مايحبني بس أنا من كثر حبي له
أفتكرت أنه يحبني,أهم شيء أني أحبه وهو يدري هذا أهم شيء"
أغليه يعني أعشقه
أعشقه يعني أموت فيه
يعني أنا ميت مع عشقه
ومرتبة الشرف ميت ويعشق
والسبب مافي داعي أني أحاكيه
القيت فالدنيا هواه
وهو لحاله محترف

..................

خالد يجلس ويتمدد:"يؤ أنا وشلون نمت هنأ,خلني أروح أشوفها"فتح الباب ولقها جالسه على السرير ومركز عيونها على الصوره والدليل أنه مالفت صوبه
خالد يقرب يمه ويجلس جنبه:عجبتك
أمل:ـــــــــــــــــــــــــــــــــــــ
خالد:أمول أمول أمول
أمل تلتفت له:هاء
خالد:هويتي
أمل تضحك:أجل نمت من صج
خالد يتثاوب:هنت عليك أنام على الكنب
أمل:لا ماهنت بس سرحت مع الصوره
خالد يتروق:تراها مو صورتي
أمل:خالد
خالد:كله لك
أمل تنأظره:كله
خالد:وش رأيك أنتي تبينها كله ولا
أمل تنزل رأسه
خالد:ماقلتي لي عجبتك ولا
أمل:أكيد عجبتني,بس أبقي أسالك
خالد:أسالي
أمل بتركيز على ملامحه:ليه رسمت صورتي
خالد:بس كذا
أمل:بس
خالد:أي,وقام
أمل تقوم معه:خالد بتنام بره
خالد يضحك:تبقيني أنام بره ولا هنأ
أمل بنعومه:خالد
خالد يصفق وجه:والله مقدر على دلعك ماقدر
أمل تنتزه الفرصه:بس على دلعي
خالد:ولا على حبك
أمل:بس
خالد يقرب منها:ولا منك
أمل:خالد تحبني
خالد ينأظرها:أنتي وش تقولين
أمل:أممممممم,ماتحبني
خالد:ليه
أمل:مدري
خالد:وتفكرين لو أني ماأحبك للحين كنت عايش معك في غرفه وحده
أمل تنأظره ودمعت عيونه:يعني
خالد يحط يده على فمه:أششش,أيه أنا أحبك
ومسح دمعتها
أمل تضمها وتضرب على ظهره بالخفيف:ليه تعذبني ليه ماقلت لي من زمان أنك تحبني ليه
خالد يبتسم:أحب أشوف عصبيتك
أمل تبعد عنه وبزعل:مالت عليك
خالد يضحك ويمسكه من يدها:تعالي وين رايحه
أمل:ـــــــــــــــــــــــــــــــــ
خالد:عمري تقدرين تزعلين علي
أمل تدمع عيونه وتطيح في حضنها:والله ماقدر
خالد يحرك في شعره:وش له الصياح اللحين
أمل:ماأبيك تبعد عني ولا لحظه
خالد يبؤس جبينه:أوعدك
أنا عيوني حرمت غيرك تشوف
والقلب حرم غيرك يحب ثاني
كف الدموع وأبعد الشك والخوف
القلب لك يابعد عمري موالي
دخيل قلبك سوء بي عاد معروف
لاتذرف دموعك تبعثر كياني
أنا بحبك ياحبيبي أناني
لاني عطيتك فلهواء عهد وحلوف
وأعطيك قلبي فوق عهدي ضماني
ويخل غيرك حرمت العين تشوف
والقلب حرم غيرك يحب ثاني
...................
ندى:مبروك ياقلبي
ريم:الله يبارك فيك
ندى:وش أخباره هو
ريم بخجل:تمام
ندى:ياعمري تستحين
ريم:ندوي
ندى:إلا ماقلتيلي وش رأيك فيه
ريم:مدري هو أطول مني
ندى تضحك:عادي هذا أنا فهود
ريم تضحك:تبقيني أذكرك بأيام قبل
ندى:لا عاد اللحين غير,وإذا علي أنا رفضته لان هو أكبر مني بس أنتي أكبر منك بسنه بس
ريم:هذا اللي كنت أبيها
ندى:يلا الله يوفقك
ريم:آمين,إلا ندوي
ندى:هلا
ريم بتردد:بسألك شخبار عبدالعزيز
ندى بستغراب:ليه تسألين
ريم بتوهق:لا بس أسال
ندى تضحك:ماتعرفين تمثلين أصلن
ريم:شنو..!
ندى:نسيتي أن هو أخوي وأدري أن أيام قبل كنتوا تحبوا بعض
ريم:ـــــــــــــــــــــــــــــ
ندى:والله مدري شنو أقولك,إذا رحت لبيت أهلي ماأشوفه,وإذا سألت أمي تقول مايجلس في البيت إلا وقت النوم بس وكلمته جوال بس صوته مو عاجبني
ريم:ــــــــــــــــــــــــــــــــــــــــ
ندى:خلاص أنتي أخترتي طريقك,ولاتفكرين إلا في فارس
ريم:أنا عارفه وفكرت فيه قبل لا أوفق على فارس,بس قلت هذا حب مراهقة,وأكيد ماراح يدوم
وهذا أنتي ماحبيتي فهد إلا قبل الزواج بكم يوم
ندى تضحك:لا تذكريني بأيام قبل
ريم:إلا أقول مافي شيء جديد
ندى:شنو
ريم:ملاحظه عليك شيء غريب
ندى:شنو عاد
ريم:أحس أنك حامل
ندى تضحك:أيه
ريم تضمها:ياعمري مبروك,وتقومي بالسلامه
ندى:الله يبارك فيك,ويسلمك
ريم:وفهد:عرف
ندى:راح أقوله إذا رحت البيت
ريم تبتسم:نبقي بنت مانبقي ولد
ندى تضحك:اللي يجي من الله حياه الله
إلا رن جوالها
ندى:يلا نشوفك على خير ولا تقطعين
ريم:تو الناس
ندى:هذا فهد داق يعني هو برأ اللحين
ريم:طيب,بس مره ثانيه جيبي معك نادر خليني أتسبب فيه
ندى:ههههههه,كبر وصار رجال تبقين تسببين فيه
ريم:مدري من وين كبر وتوه عمره 6سنين
ندى:يلا يلا لايعصب اللحين
ريم:روحي يلا
.............

ندى تركب:
فهد:ماصارات ساعه وأنا أستناك
ندى:يو فهد بس دقيت وطلعت لك
فهد:ـــــــــــــــــــــــــــــــــــــ
ندى:إلا وين نادر
فهد:عند عمتي
ندى:عند أمي
فهد:أيه
ندى:ليه..؟
فهد:هو قال يبقي يضل وش أسوي له
ندى:طيب مر خلنا نأخذه لايلعوز أمي
فهد:ـــــــــــــــــــــــــــــــــــــــــ
ندى:"شفيه معصب وماله نفس"
فهد:تجبين نادر وتجين,مو تطغينها حنش
ندى تنزل:أن شاء الله

ندى دخلت البيت:يمه يمه
نادر:هلا يمه
ندى:وين جدتك
نادر:في غرفته تصيح
ندى:روح حق بابا بره وقله ماما بتأخر شوي
نادر:أنزين..وراح
ندى تروح لأمه
أم عبدالله كانت جالسه على السرير وتصيح
ندى:يمه الله يهديك وش فيك تصحين
أم عبدالله وهي تصيح:أخوك أخوك ياندى
ندى بخوف:شفيه وأي أخو
أم عبدالله:عبدالعزيز صار له أسبوع مو مبين
ندى:الله يهديك يمه يمكن مع ربعه كالعاده
أم عبدالله:لا حسني قلبي أنه في شيء
ندى:لايمه أن شاء الله مافيها إلا الخير
أم عبدالله:ــــــــــــــــــــــــــــــ
ندى:سمي بالرحمان يمه,وأنا أخلي فهد يكلم ربعه ويسألهم عنه
أم عبدالله:أي يمه وإذا عرفتوا بشيء كلميني
ندى:أنتي لاتحاتين بس,يلا مع السلامه
ندى ركبت وسكرت الباب
فهد:اللحين أنا وش قايل
ندى:أنا قلت لنادر يقولك بروح اشوف امي وش فيها
فهد:ـــــــــــــــــــــــــــــــــــ
ندى:إذا فيك حره لاتطلعه علي وعلى ولدك
فهد بعد سكوت:وش فيها عمتي
ندى بدون نفس:على أخوي عزوز
فهد:ليه وش فيه.؟
ندى:تقول أمي صار له أسبوع ماجاء البيت
فهد:فالدوم هو
ندى:لا هو ماخذا أجازه
فهد:لا هو من يومين مكلمني وقالي ان رجع الشغل
ندى:ياسلام وماتعرف تتكلم
فهد:فكرتكم تدرون
ندى:أستغفر الله بس
فهد:دقي على أمك وطمنيها
ندى:إذا وصلنا أكلمها
نادر:بابا جيب لي البطاطس
فهد:أي بطاطس
نادر:طاحت علي مساعه
ندى:ماتشوف أبوك يسوق أنا أجيبه لك,نزلت راسه وعطته أيها
نادر فتحه وجلس يأكل
ندى:نادر حبيبي قم وراء وأكل
نادر:ليه ماما
ندى:ريحتها خايسه وخره عني
فهد باستغراب:ندى الله يهديك البطاطس مافيه شيء
ندى تسد خشمه:يؤ خليه يوخر
فهد أبتسم:حبيبي رح وراء أمك الظاهر تتنسى
ندى:ـــــــــــــــــــــــــــــــــ
نادر:شنو تتنسى
فهد:يعني بجيء لك أخو أو أخت تونسك
نادر جاء في وجه أمه:صج يمه
ندى تبتسم:أي صج ياماما
نادر يرجع لوراء
فهد بزعل:وأحنا آخر من يعلم
ندى:لا ياقلبي,بس ماخليت لي مجال عشان أقول
فهد ينأظرها:يابعدى قلبي والله
ندى:فهد الولد جالس
نادر وهو يضحك:يمه أعتبريني مش موجود
فهد:بعدي هذا ولدي
ندى تضحك:الله يخليكم لي
فهد:ويخليك لنا

..................
سعود:ماما أنا منو أسبه
شوق:تشبه بابا
سعود:تيب ليه ماصارت أسبه هالي سعود
شوق:"الله يرحمك ياسعود ويقمد روحك الجنه
يليتك طالع مثله,بس أنت كذا حلوو لانك تشبه أبوك وتشبه واجد بعد,آه من حبك لي ياعبدالله ولدك صار يشبهك كثير,له الدرجه حبك للحين كبير,فديتك والله
وفديت حبك"
سعود يركض:بابا
عبدالله:روح بابا
سعود يبؤس أبوه:أنا أهبك
عبدالله:بس اليوم ولا كل يوم
سعود:لا تلُ يووم لان ماما قالت لي أني أسبهك
عبدالله ينزله:سعود ووينه ماما
سعود يأشر:سوفها هنات جالسه,وأتلمه ماترد إلي
عبدالله:طيب يابابا روح ألعب بألعبك
عبدالله يجلس على ركبه قدام شوق:اللي مأخذ عقلك وروحك أن شاء الله مايتهنى
شوق تشهق:ولييه
عبدالله:إذا كان مو أنا
شوق تبتسم:وإذا قلت لك أنت
عبدالله:لا يتهنى
شوق:يامجنون
عبدالله:مجنون فييك
شوق:عبوود
عبدالله:عيونه وقلبه وروحه
شوق:أبقي أقولك شيء
عبدالله يمسك يده:قولي
شوق:أنا
عبدالله:أيه
شوق:أنا أحبك
عبدالله:أاانا أموت فيك,ياعنيده
شوق بزعل:أنا عنيده
عبدالله:أيه,حرام عليك من تزوجنا توك تقولين لي أنا أحبك,والله طالعه منك حلوه
شوق أبتسمت بخجل:بس منك أحلى
عبدالله:أحبك أحبك أحبك
شوق:مجنوووون
عبدالله:مافي أحد غيرك جنني
.....................
سعود:بابا بابا
عبدالله يأشيله وحطه في حضنه
سعود يمدى له الورقه:سنو متتوب
عبدالله:أشوف روني
سعود يعطيه الورقه:سوف
عبدالله:"دخيل الله شكثر حبه
أعيش شقد مانبض قلبه
دخيل الله
عبود صار حبه في قلبي
دخيل الله يجن شواقه
وأنا بحبه مجنونه
رقيق ويقتل أحساسي"
عبدالله أبتسم:ميين كتبه حبيبي
سعود:سفت ماما أمس تتبته
.................
شوق:عبود
عبدالله:عيونه
شوق:سعود وينه,ماشوفه في الغرفه
عبدالله:خليته ينزل مع أمي تحت
شوق:أجل خلني أشوفه
عبدالله يمسكه من يده:تعالي أنا قلت لأمي أنتبهي له
وخلاص,يعني الواحد مايأخذ راحته شوي
شوق تنزل رأسه:عبود
عبدالله:عيونه و قلبه وكله لك
شوق:ـــــــــــــــــــــــــــــــ
عبدالله يقرب جنبه:وآخير أعترفتي أنك تحبيني
شوق:ــــــــــــــــــــــــــــــــ
عبدالله:ماتبقين تتكلمين
شوق بخجل:وش أقول
عبدالله:قولي أي أحبك
شوق تبتسم:أي أحبك
عبدالله:يالله شقد أنا منتظر هالكلمه من زمان,ليش خبيته في قلبك ولا قلتيه لي.؟
شوق:كنت خايفه
عبدالله يمسك يدينها:من أيش ياقلبي
شوق:كنت خايفه لما أقولها لك وأسكتت
عبدالله:شوق أنا قلت لك وبرجع أقولك,أنسي الماضي وأيامه ولاتفكرين بالفراق وأنا جنبك
شوق:الله يخليك لي
عبدالله:بس
شوق:شنو بس
عبدالله:مافيه كلام حلو غيره
شوق تبتسم:لانك موجود في وسط قلبي ضاع مني كل الكلام
عبدالله:يالبيه إذا أنا ساكن في وسط قلبك,أنسي الكلام الحلو,وخليني في قلبك
شوق:ــــــــــــــــــــــــــــــــــ
عبدالله:تراك أحلى إذا حمرت خدودك
شوق:عبود
عبدالله:كلي لك
شوق:أحبك والله أحبك
عبدالله يأشيله:أنتي اللي خليتني أتهور

حبيبي لا تعذبني كفى ليلي سهر وهموم
كفاني كل جمره بالحشى من حبك العذري
أبد ما عاش الك هم وأنا حياً بهذاك اليوم
تصبر كأني أخطيت وتجمل يابعد عمري
وأبد لاتطري الفرقآ وأنا روحك وأنا لك توم
فداك أحساسي و نبضي و روحي وكلي وشعري
هلا بك ياهلا بك ياهلا بالجادل المهظوم
هلا يامهجت روح الحزينة وليت بي تدري
تراني لا لمحتك خافقي فرحه يفز يقوم
مثل هاوى القنص لشاف من عقب التعب عثري
سحرني طرفك الناعس وهيج عاشقاً مغروم
انا لو ما أعرفك قلت معك الخاتم السحري
عرفتك مطلع الشمس وش عليه ان صرت بك مجنون

•.°.• آنتهى البارت •.°.•

•.°.• والـنـهـايـه •.°.•

 

 

[ورده خجوله]

وااااااااااااااااااااااااو
ماشاء الله روايه روووووووووووعه
يسلموووو خيتو

 

 

[قاهر المستحيل]

الله يعطيكِ العافية أختي آخر لحظة

سلمت هذه الأنامل ، ولاعُدمنا من آخر ماتخطينه

رواية جميلة .. وأعتقد بأنه دائماً يلزمنا وقت كافي لأخذ مجال القراءة

نتمنى دوماً إتحافنا من الجديد الممتع

ومطويات القصص والروايات مسرورة جداً بكِ ، تتمنى لكِ التوفيق وتترقب منكِ الروايات الجديدة




والله ولي التوفيق

 

 

[آخر لحظة]

أختي : ورده خجوله

الاروع وجودك .. وربي يسلمك
"وأشكرك لوجودك"

 

 

[آخر لحظة]

أخوي : قاهر المستحيل

ربي يعافيك ويسلمك من كل مكروه

والأجمل وجودك في صفحتي
وأنا جداً مسروره على وجودكم في راويتي

" أشكرك لوجودك"

 

 

[اميرة باحساسي]

وااااااااااااااو الروايه جنااااااااااااااااااان
يسلموووووووووو

 

 

[آخر لحظة]

أميرة باحساسي
وجودك الأجمل .. وربي يسلمك

 

 

[صاحب الضل الطويل]

السلام عليكم ورحمة الله
الصراحة انا قرات الرواية واعجبتني كثير بالرغم من وجود بعض الاخطاء الا انا مميزات الرواية غطيت على اخطائها ارجو لك مشوار التوفيق في الكتابة والتاليف واتمنى نرى لك روايات اخرى وشكرا على الرواية الجميلة