ـ ـ مواقــف رمضانيه ـ ـ

[سُندس }]

هلا شهـرزاد يامعوده وينك ماتشاركين ... ؟


اي والله ذكرتينا بـ الذنب كنا نسمعه أول كثييير مسكينه أختك
خرعتيها ع الذنب بس حلوه أنها مانوت الصيام .


(

سلمت أناملك

)

حضور يُبهج


(



مشكوره .

 

 

[زهرة اللوتس]

مواقف طريفة وحلوة

بس سالفة الذنب في يوم العيد هذي جديدة يمكن مابعد تنزل في الديرة

تقبّل الله صيامكم وقيامكم وصالح أعمالكُم.

،،

موقف صار لي على زمن أول يمكن وأنا في رابع ابتدائي وإلى اللحين أهلي يذكروني فيه

كنت صغيرة والصيام كان في الشتاء يعني الجوع سلطان يذبح فكنت اهتم بالسحور حيل

فقلت لأهلي بنام وصحوني وقت السحور لازم


جلست على السفرة والنوم يلعب فيني لعب وآكل وآكل بكل ثقة

طبعا إخواني جالسين و يطالعوا وهم بينفجروا ضحك

ماخذة ملعقة وأحرك بها الأكل اللي على السفرة يعني هي تبرده اللحين

المهم خلصت والحمد لله وأنا بقوم اكتشف إني طول الوقت جالسة آكل من نثارة السفرة

بس ماعليكم بعد الاكتشاف حسيت بالجوع فرجعت وأكلت لقمة الحيا

معلومة / لقمة الحيا هي اللقمة الأخيرة اللي تبقى في الصحن

،،

طبعًا اللحين مستحيل نجتمع على السحور وما يذكروني باللي سويته

يعني صار هالموقف وقف لسفرة سحور شهر رمضان السنوية

 

 

[الساهرة]

المهم خلصت والحمد لله وأنا بقوم اكتشف إني طول الوقت جالسة آكل من نثارة السفرة[/quote]

ههههههههههههههههههه

صج انش مفهية يا لوتس

تعيشي وتاكلي غيرها

موقف قرقيعاني مؤسف لكن نهاية سعيده

هذا الله يسلمكن وانا يمكن في رابع ابتدائي
رايحه اقرقع ويا بنات خالتي

طبعا وانا صغيره كنت هادئة وخجوله حيل ومثل ما يقولون قطوة مأكول عشاها

المهم دخلنا انقرقع من بيت الى بيت وكيسة القرقيعان تكبر اكثر واكثر وانا اشوي واستجن من الفرحة اول مرة اقرقع هالكثر

المهم اخر بيت دخلناه بيت( الحجيه ) الي هو بيت جدة بنت خالتي دخلنا واحنا نقرقع وانا داخله جاء هذاك المتوحش الي مثل البرق

الا ويبوق قرقيعاني باق الكيسه كلها بنت خالتي دخلت وانا وراها شلت الدنيا من الصياح وذاك الخجل راح <<< اي مكدة يوم شاق

المهم هي تحاول تسكتني وانا ماهنا الا تالي جانا سوبر مان ههههه الي هو عمها وشافني اصيح وسأل بنت اخوه الي هي بنت خالتي

وش فيها ذي تصيح ؟؟ انا قال ذي وخلاص لحظتها هونت لا ابي قرقيعاني ولا شي اصلا انا ما طلعت من بيتنا مول

المهم ما اطول عليكم بنت خالتي قالت لعمها القصة وما شفنا الا غباره وبعد ربع ساعه رجع ومعه كيسه مليانه حلويات وشبسات

قالي هذا قرقيعانش ؟ انا على طول قلت له ايه ايه هذا هو طبعا اكذب بس عجبتني الاشياء الي بالكيس كلها اشياء راهية ..

المهم اخذت الكيس ورحت بيتنا وانا حدي مبسوطه ,,,




مرت ايام



شهور





سنوات





ولما انخطبت وملكت ,,,



تتوقعو مين كان الخطيب ؟؟؟\








صح هو نفسه سوبر مان

وليلة الملكة قالي انا من ذاك اليوم مستحيل انسى شكلش وانتي شايله الدنيا بصياحش ودخلتي قلبي وقلت هذي البنت اخذها اخذها

وترى الكيس الي عطيتش انا رايح البقاله واشتريت لش عشان بس تسكتي وتفكينا

عاد انا حدي افتشلت وبيني وبينكم في نفس الوقت فرحت اني تزوجته يكفي انه ضل سنين يفكر فيني

وبس توته توته خلصت الحتوته


طبعا هذه الموقف حقيقي ومن اجمل المواقف الي احب اذكرها

تحياتي ونلقاكم مع مواقف رمضانيه جديده

 

 

[سُندس }]

@ هلا وغلا تاروتيه @

اقتباس موضوع يوسع الصدر والله >> وناسة

أجل نحب نرسم البسمه ع وجوهكم الطيبه نعجبش .

اقتباس وأنا مندمجة في السوالف وأسولف وأشرب في الماي ..

شكله سحوركم مااالح .

شدعوى مايقولك البابا طيب ولا أقول هذا السوالف وماتسوي

تعيشي وتاكلي غيرها ع قولتك .

يسلمو ألبي .

لكِ ورداتي فديتك .

ممنونه .

 

 

[سُندس }]

* وردة الأحلام *



مسكين أخوك راح فيها شرب العصير .




منوره يـ الغاليه .

يسلمو .

 

 

[سُندس }]

مرح ـبا / عذبوني ونسوني /

اقتباس شان أشووف ذا الحب منثور وأقعد وأكلت نصه تقريباً

عاااااااااشو .

كان عزمتونا معكم عسى بعد معاه دلة شاي * الحساويه الثانيه .

موقف يضحك صج .







أسم جديد في سمــائي = * مشكوره بقووه = * يعطيك العافيه ع الحضور الحلو .








::

 

 

[سُندس }]

) أهلاً وسهلاً ) أم ألياس ( ..

اقتباس يعطيك العافيه على الموضوع الحلو<<<<بس أكيد مو أحلى منك

وحضورك أحلى منهم كلياتهم ..

اقتباس مارضيت إلا قبل المغرب بشوي وإلى الآن ماأدري ليه أنا صحت<<<<<دلع بزران

موتيني ضحك .

صحيح لما كنا صغار أول ما ندخل ع طول العصير * مهنتي الخاصه .
زين رضيتِ بعد ماتمتيتي زعلانه يومك كله شكلك تعتقدتي
من شي أسمه عصير .

حلوه عجبتني دلع بزران

بصراحه صوره ترتيب وموقف تُحفه .

صار خاطري فيه .

مشكوره غلا حضور يُثلج
لا عدمنا الأيادي .
يعطيك العافيه .