مصطلحات لمنطقة الاحساء(اتحدى اللي مو حساو

[زهور المعارج]

يوو ويييييييييييييييي مصيبه صكتك ومنين لك كل الى قلتة يالملقوف
1- دروازه 2- الشرجية 3- الجبانه 4- اليصه 5-الديايه
6- العياره 7- الميز 8- الوياق 9-الميلس 10- مكاري
11- الصخين العوده 12- المحش 13- قاعد يناهج 14- زحير يزحرك
15- له طحشول 16- امخمخم 17- يخمخم 18- يهههههها 19- منيطل
20 - متبوبح 21- انطم 22- دقو ياحمير السود عندنا بيض المكسر
دقو ياحمير السود عندنا بيض المكسر

معذرة عفوا هذي لهجتنا ولا تزعلون ولي كلمات سوف اضيفها
ولكم مني كل تقدير

 

 

[قلب طفلة]

لحظة اخت زهور

اش هالمصطلحات الغريبة اول مرة اسمع عنها ؟؟
خلينا نفهم اش قال الاخ وبعدين اتحفينا بما في جعبتك ..

اعذروني ردي فيه خليط من الفصحة والعامية لاني اصلا من موزبيق ..

الشكر موصول لمؤلف القاموس ..

 

 

[كورلا92]

هههههههههههه

الصراحة كلمات حساوية بحتة كلش

مشكور اخويه على هذي المصطلحات

يابعد شبدي .......( كبدي)

كورلا92

 

 

[حامل المسك]

زهور المعارج

كنّك الطرابه على

هالوناسه

يبي لك طبقة فلوس نفطهم على راسك
ولاتصير نوي أبيك تزتت تروح يم خزان الفقراولايم خزان

ولا تلفج الحكي وانت تتحكى
وعليك يازهو ر المعارج التفسير

دم
لمحبكـ

أخا

 

 

[زهور المعارج]

 

 

[بوعابد]

ولزم يكون حساوي من اب وام

 

 

[حامل المسك]

لا تمثمث
ولا تتكده
لا تطعبز

 

 

[هجراوي]

نبي الحشي مال (قريه المزاوي) وايد يهبل ............

في حد من ذي القريه في المنتدى يسرد لنا كم كلمه ؟؟؟

 

 

[زهور المعارج]

يههههههههههههههههه
ماتبي الا حتشي المزاوي شتسوي فيهههههههه

 

 

[هجراوي]

لهجة اهل المزاوي لم يدخل عليها التعديل

 

 

[المستفيد]

حبذا لو دونت هذه المصطلحات ولاسيما ذات المعاني اللطيفة والطيبة وهنا اضيف كلمة واحدة فقط وهي :

يزرقه بمعنى يرميه . وشكراً

 

 

[نور]

مشكور أخونا هجراوي

بس أنا عندي تصحيح بسيط في بعض الكلمات اللي إنت ذكرتها :

قميظة.... يعني حسافه بس أنا اللي أعرف إنها ( غميظه )

لثد ... يعني دبق مثل العسل لو لزق باليد يقولون يدي صارت لثده وأنا كنت أسمعها ( لفد ولفده من اللفاده )

امردقك.... يعني اضربك بقوووووه بس أنا اللي أعرفه أنها تنطق ( أمردغك من التمردغ في الطين )

مادري كلامي صحيح والا لا ؟

 

 

[هجراوي]

اشلح املح...........

شمحوط......................

برو ............................

مسرود............................

مش بوزك....................

ص.....................

يلهم لهم........................

 

 

[هجراوي]

ممكن الشباب الجدد عندهم مصطلحات اكثر من كذا

 

 

[alwal7an]

مفنقش....... ميت

البالدي........ وعاء كبير

 

 

[استوديو الغدير]

موضوع جــداً جميل


ألف شكر لك عزيزي ..

بس ممكن أحــد منكم أخواني يعلمني شو معنى :

(( ثحاحيل أو ثحاحير )) ؟؟ " مو متأكد منها



تحياتي

استوديو الغدير

 

 

[زهرة اللوتس]

أمهي : تعالي قلطي
ازهم عليه : ناده أو اتصل فيه
كنبل : وناس يقولو كمبل بالادغام وتعني .. بطانيه
داشق : بتفخيم الدال الفراش
نمس : مليق أو مليه
الزم : امسك
نمليه : مكتبه تقولوها هذي ولا لأ ؟؟
ليوان : الغرفه
شصَه : بالتشديد يعني رص يرص رصاً


واذا تذكرت كلمات لي رجعه
رجعه : عوده

ههههههه

ودمتم ...

 

 

[شيبوب]

هجراوي صاير بوعلي الي في الجوال
هههههههههههههههههههههههههههههههه
هههههههههههههههههه
الف شكر شيبوب

 

 

[أحلى ملاك]

اقتباس شذاذا

هذه الكلمة .. مو حلوه أبد ..

اقتباس مزهوق

هذه أول مره أسمعها ..

اقتباس زهور المعارج

ولا كلمه عرفت .. معناها ..

اقتباس برو

اللي اعرفه من هذه الكلمة .. اطلع برا
وهذه كلمة إيرانيه ..

اقتباس شمحوط

على ما أظن يعني طويل صح ولا لا ؟؟


زهرة اللوتس .. كل اللي ذكرتيه أعرفه
بس مانقوله ,,

نمليه : المعروف إن النمليه اللي يوضع عليها
التلفزيون ووو .. صح ولا لا ؟؟ يمكن لها معنى ثاني ؟؟

كل الشكر لك ياهجرواي ..
والشكر أيضاً للجميع ..

( تعلمت القليل )
ونطمع بالمزيد ( لنتعلم أكثر )

أحلى ملاك

 

 

[بنت الحسا]

الموضوع روعة


عاد الحساويين قصدي حنا مانغير من هالكلمات إلا القليل

مشكور اخوي هجراوي