حوار حـــــــــــاد بين الشباب والبنات

[سحآبہ]

ماذا تفعل اذا حصل خلاف بين زوجين وادى الى الاتفصال وانت تتجنب التحدث عن المشاكل ولكن تاتيك المشاكل الى بيتك ؟
بصرآحه إذآ شفت مشكله بين زوجين أتجنب ألتدخل لأن
لو تكلمت في الحق إحتمآل آلزوجه ترفض كلمتي أو آلزوج يرفض كلمتي
فأسكت أحسسن
لأن لو أفترقوآ بسبب كلمتي رآح أشعر بذنب آلكبير
بس إذآ كآنوا هآلشخصيتين متفهمين أكيد رآح أتكلم معآهم وأنصحهم
ويعطيك آلعآفيه ..............
مثلاً : حبيبتي قومي أوديك جنب عمتي (أمك) من زمآن مآرحتي لهآ
ولمآ يوديهآ ويرجع آلبيت : يمة والله زوجتي كل تبقى تدور وكل تبقى تروح لأمها
والله مليت من هالزوجه لي متى بتظل على هالدوارة ؟ طبعاً خوآته : تولي والله همها الدوارة
وانت تطيعها وتخليها تروح . ولمآ ترجع آلبنت من جنب أمها تجلس جنب حميآتهآ : وآلله مسكين زوجي
شآفني جآلسه وزهقآنه قالي قومي أوديك جنب أمك حآس فيني أني مشتآقه لآمي . طبعاً يستغربون !
أخوي يقول هي إللي تبقي تروح وهي تقول هو يبقآني أروح ! يلآ برآحتهم ،
سؤآلي : لمآذآ بعض آلرجآل يكرهون أهلهم في زوجآتهم ؟

 

 

[ابن الطرف]

أختي سحابه

بعض الأزواج أشعر بأن لديهم عقده نفسيه من مسألة تقارب وجهات النظر والود بين زوجته وأهل الزوج

ويرى بأن السعاده أن يبقى كل طرف في شأنه بعيد عن الطرف الآخر وهنا تكمن المشكله

والبعض يرى بأن تقارب الآراء بين أهله وزوجته قد يجره لمشاكل عديده وأمور ليست في الحسبان

لذلك البعض يفضل أن تبقى وديه وإن لزم الأمر تكون مبنيه على الكراهيه
سؤالي للبنات :

ليه ماتقدرون ضروف الرجل وتطلبون منه ماهو مستحيل في بعض الأحيان ..؟

حتى لو قالكم ضيقته ..!

 

 

[وليتك ياعلي]

اخي ابن الطرف 000 ارجو عدم التعميم على البنات ماحد يراعي مثلهم عكس الاولاد اذا قلت له ماعندي كسر البيت وطلع ولا بعد ينام بره علشان تترجاه انه يرجع وتلبي كل متطلباته 00
انا معك في بنات كذا يمكن محرومه في بيت اهله وعلشان كذا تتدلع على زوجه وتدعي ان اهله ماقصروا معه ولي تبغين يسونه لها 00
لكن في المفابل في رجال مايستحقون انك تضحي علشانهم لان بس يستلم الراتب على ربعه وعلى جولات اخر موديل واهله دبري روحك تسلفي من امك ولا اختك 0
وفي رجال بخلين مايطلع الريال الامن كبد هالمره مع انه الحمد لله الله موسع عليه وتلق هلمره تحسد الفقيره على الاقل لقالت ماعندي انه تكون على حق00
ليش دائما يقولون الرجال شايل عيبه مثلا لو راح يخطب وهو سمين وقلت البنت خله يسوي رجيم قال انا رجال وشايل عيبي ؟

 

 

[ابن الطرف]

وليتك علي

الرجل في مجتمعنا الشرقي أمر لايمس بالتالي مهما كانت عيوبه نجد تجاوزات بعكس المرأة

التي قد يكون لديها عيب أو نقص بسيط إلا أننا لانرى أي تجاوز بل نعتبر ذلك العيب أو النقص بالأمر الفادح الذي لايمكن تجاوزه

ولنكن أكثر دقة في شريعتنا الإسلامية قيمة المرأة في مجتمعها ومنزلها في عفتها فإن جرحت هذه العفه ذهبت كرامتها تماما

ولعل هذا الأمر الذي لايغتفر للفتاة

سؤالي للصبايه : لو تقدم شخص لزواجكِ وعلمتي بأن هذا الشخص كان مقرر أنه يتزوج أحد صديقاتكِ بس ماسمحت الظروف بتوافقين عليه ..؟

 

 

[غزال الملاعب]

اقتباس المشاركة الأصلية كتبت بواسطة طيف العمر اي زينه الا وصخ دنيا>>وش دخل هع المهم في سوعااال يقرقع بقلبي ماهو شعورك عندما ترفضك فتاة تحبها جدا جدا جدا?

الجواب جاء متاخر كثير بس حبيت اجاوب
الشعور بالرفض سيى لكن لا تكمن القضية بذلك
القضية اذا انت تدري ان البنت تبيك و تبيها وتتمنها وبالاخر يجيك الرفض من الفتاة نفسها
ردو علي شيكون الشعور بذمتكم

 

 

[بحرالوفا]

شفيكم خربطتوا الدعوة ومارديتوا على سؤال ابن الطرف

 

 

[سُندس }]

سؤالي للصبايه : لو تقدم شخص لزواجكِ وعلمتي بأن هذا الشخص كان مقرر أنه يتزوج أحد صديقاتكِ بس ماسمحت الظروف بتوافقين عليه ..؟

اذا كان ذو خلق ودين فاالمانع من ذلك ؟! ..

سؤالي لِـ الشباب / ليه الشباب اذا اتصلنا عليهم وينكم يقولون ( قريب ) مايعلمون بالمكان اللي هم فيه

مدري بنات انتم تسمعون هاالشي ولا بس عندنا .

ليه ماتحبون تعلمون بالحقيقه ؟



.

 

 

[أسيرة الاحلام]

آي والله معآكـِ حق كل قريب ..,,

ولو آصرتي عليه آنت وين بضبط تلقينه بعيد حييييييييل ..,,

يلا جآــوبوآ

 

 

[بحرالوفا]

ههههه لا بالعكس مايقولون قريب

كله بعييد ههه ويسأل بعد ليش شفيش تبين شيء

وإذا قلتي حاجتش قال شوفي فلان خخ



الله يعين

 

 

[طموح رجل]

سؤالي لِـ الشباب / ليه الشباب اذا اتصلنا عليهم وينكم يقولون ( قريب ) مايعلمون بالمكان اللي هم فيه

مدري بنات انتم تسمعون هاالشي ولا بس عندنا .

ليه ماتحبون تعلمون بالحقيقه ؟


سؤال جميل بكل بساطه الجواب على حسب الطلب تقدر توافق عليه او لا ، اذا تقدر تسويه قلت شوي وانا جاي واذا ماتقدر
او بياخذ منك وقت طويل وانت تنتظر شيء معين تقول لا انا بالمكان الفلاني بعيد شوي شوفي غيري


سؤالي لكل إنثى / ليه إذا حبيتوا الشيء وصلتوه للسما من المدح وإذا مو عاجبكم حتى لو مافيه عيب ماتم عيب ولا صفه سلبيه الا حطيتوها فيه ؟؟

 

 

[سُندس }]

:


طموح رجل / لما نسألهم وينكم قالوا قريب حتى قبل لا نقول اللي عندنا

انتوا قولوا وين عشان احنا نقدر الوضع نقول ونتكلم باللي عندنا بعدين يقولون لنا بعيييد

بالنسبه لسؤالك مدري يمكن حسب الراحه النفسيه .


/


ليه الرجال مايحبون يرجعون الشيء اذا كان من البقاله او السوبر ماركت

يمكن صحيح مو الكل بس يمكن الأغلب ؟




.

 

 

[ابن الطرف]

اقتباس المشاركة الأصلية كتبت بواسطة سُندس } ليه الرجال مايحبون يرجعون الشيء اذا كان من البقاله او السوبر ماركت يمكن صحيح مو الكل بس يمكن الأغلب ؟ .

المسأله بالدرجه الأولى أنوا تعب وارهاق

الرجال يروح ويشغل السياره أو أحيانا مشي في هالشموس إذا في الظهر يجيب الحاجه

والحرمه بكل برود تقول رجعه قمة التحطيم

وأحيانا الرجل يكون كسول فمايحب يرجع شي

وأحيانا الحرمه تكون ثقيلة دم مايعجها شي وترجعك ألف مره

سؤالي للصبايه

ليه دايماً تحون الفهلوه الزايده قدام الناس وتطلعون بمظهر فيه تكلفه كبيره جداً على الأهل..؟

 

 

[أبن حجر]

أغلب الي في المنتدى الفتيات... بس ووينهم

لرفع حق نبدأ معكم...$

 

 

[سُندس }]

::


أبن الطرف / السؤال غير واضح الله يعينك تُوضحه أكثر .


.

 

 

[ابن الطرف]

حياش أختي سندس

اللي أقصده : أن المرأه تحب تطلع بملابس جديده دائماً وجوالات وغيرها من الأمور

يعني تحب " الرزه زي مانقول بلهجتنا " مع أنا يمكن تكون أوضاع الزوج صعبه أو الأهل ..؟

 

 

[وليتك ياعلي]

طبيعة المراه تحب تظهره اونثتها وتكون في اجمل حله

والاغلبيه من النساء الله يهديهم اذا شافوا وحده مو كاشخه بدت التعليقات ( اصدق زوجها ماعنده يعطيها )

وحتى الرجال اذا شفها موكاشخه قال ماكني اصرف عليك وعلى طول بتزوج

سوال- ليش الرجال دايم يسبون ويغثون المراه عندما تطلب منهم حاجه وبعد 5 دقايق يعطيها او يوديها المكان الي تبغيه ؟

 

 

[أبن حجر]

[color="red"
سوال- ليش الرجال دايم يسبون ويغثون المراه عندما تطلب منهم حاجه وبعد 5 دقايق يعطيها او يوديها المكان الي تبغيه ؟




لأن بعض النساء هداهم الله تكون بعض طلباتهم ليست في محليها مثلا:يجي الزوج من عمله أو من مشوار بعيد أو معصب أو.....
فأذا الزوجة مجرد أن تفتح ثمها قال أنطمي ناقص مشاكل أنا)....(^_^) وبعد أشوي يستلقي على السرير وتبدأ داخل رأسه دوامة التفكير

سؤال: ليش الفتيات أذا أسمعو حشي وراحو بنقلون الحشي حطوا مليووون كذبه وتحريف أشوي؟!!][/color]

 

 

[سُندس }]

:


هذا مو على كل البنات / مانقدر نعمم ع الكل

يعتمد ع مصداقية البنت و على سماعها للحدث اللي بتنقله .


,


ليه بعض الرجال لما يصادف سياره جاته بالغلط مثلاً او صار له موقف

في اثناء الطريق مع السيارات الثانيه يسب ويلعن

هذا الأمر بيفيدك مثلاً ؟





.

 

 

[هذيان]

حقيقة لا اجد سؤال ولكن اتمنى ان يلقى سؤالي جوابا وافيا ..



لماذا تبحث الفتيات عن المظهر الخارجي للرجل ولا تبحث عن المعدن الداخلي؟


هذا حبيبتي يرجع للفتاه وع حسب كل واحد وشخصيته مو شموليه هذي النظره لجميع الفتيات
فكم من جميل لا يملك معنى لكل ما هو جميل سلوكيا واخلاقيا ..!

والعكس كذلك ؟

هل هذا الشي خارج عن ارادة الفتاة؟ لا كل شيء بإرادتنا ولاليست إرادة الحياه

[/quote]

 

 

[ابن الطرف]

سؤالي للفتيات
.
.
.

هل الوظيفه جزء أساسي أو مجرد تكميل لشخصكم الكريم أمام المجتمع..؟