عضويتك تحت المجهر ]|~

[إشراقة أمل]

بسم الله الرحمن الرحيم ..

اللهم صل على محمد وآل محمد ..

السلام عليكم ورحمة الله وبركاته ..

:



:

مجهر جديد .. ومحاولة للتعرف أكثر وأكثر على بعضنا البعض من خلاله ..

|[ عضويتك تحت المجهر ]|

من فكرة الغالية | شقاوة أنثى ..

وأُدرجت .. لتكمل سلسلـة بدأتها أنا .. ولا أدري متى ستنتهي .!



ما لكم بالطويلة ..

خلونا نجي ع الأسئلـــة ..

وكل عضو يختــار العضو اللي بعده و( يرسل له رسالة ) ..

أتمنى تفــاعلكم




1..*سبب اختيارك لهذا الاسم ؟!

2 ..*آذا كنت حاط توقيع وش معناه وليش بالذات ها ا لشي !؟ وإذا كنت ما حطيت شي ليه !؟

3 ..* أكثر عضو تجيك منـہ مسجات على الخاص؟!

4..*كم عدد الرسائل في الخاص عندك؟!

5..*آخر مسج وصلك من مين ؟! ووش مضمونـہ؟!

6..*آذا وصلك مسج على الخاص من يجي في بالك مرسل لك!؟

7..* كم لك من سنـہ مسجل؟!

8..*من اللي عرفك على المنتدى وقال لك سجل ؟!

9 ..*آخر موضوع نزلتـہ؟!

10..*آخر رد نزلتـہ؟!

11..*هل سبق وغيرت عضويتك؟! وش كان اسمك قبل؟!

12..* تمنيت في يوم تصير مشرف؟!

13...*مين تعرف من الأعضاء؟!

14..*توقفت عضويتك يوما ما؟! وما السبب؟!

15..*موضوع عجبك ؟! ومن كاتبه؟! وحط لنا الرابط !






إذا عندي أسئلة .. راح أرجع وأضيفها ..

ولو أي أحد عنده سؤال .. يكتبه ، ونضيفه ..

:

واختياري الأول .. لصاحبة الفكـــرة

|[ شقــــاوة أنثى ]|

 

 

[عاشق بنين]

طرح رووووووووووووعة وموفق

يسلموووووووو^_^

 

 

[عطر المساء]

وعليكم السلام ورحمة الله

فكره حلوووه مثل صاحبتها واللي طرحتها

ننتظر صاحبة الفكره


الله يعطيكم العافيه

( بصمة إعجاب + تقييم )

 

 

[طيف العمر]

يعطيكم العافيه اشراقه وشقاوه على الفكره الحلوه..

عزة الله اكتملت المجاهر ..

ننتظر تفاعل الجميع...

 

 

[شقاوة أنثى]

السلام عليكم ورحمة الله وبركاته

]1..*سبب اختيارك لهذا الاسم ؟!

أحسه ينطبق عليّ كثير ،
ولما أخترته ما كنت أبد فكرت فيه من قبل فجأة كذا طرأ فِ بالي
2 ..*آذا كنت حاط توقيع وش معناه وليش بالذات ها ا لشي !؟ وإذا كنت ما حطيت شي ليه !؟

أنا مو من النوع اللي أهتم كثير بالتواقيع أهم شي أحط توقيع ،
حطيته لمحرم
3 ..* أكثر عضو تجيك منـہ مسجات على الخاص؟!

غلا روحي
4..*كم عدد الرسائل في الخاص عندك؟!

84
5..*آخر مسج وصلك من مين ؟! ووش مضمونـہ؟!

من إشراقة أمل
مضمونه :هاا .. وش فيكم يا جماعة الخير ؟
عاد ولا أحد منكم رد علي !!
وإلا مب عاجبتكم الجوائز ولا الأوسمة شكلها ..
هاا زهور .. زعلانة من شي وإلا شلون ؟
لا تحسسوني اني قصرت ..
ردوا عليي بيسووورعة ..
بعد اذا ما تبون الجوائز خير وبركة أنا الربحانة
امزح امزح .. بس لا تطولوا ,
<< نسختها مالي خلق أكتب المختصر

6..*آذا وصلك مسج على الخاص من يجي في بالك مرسل لك!؟

مايجي أحد فِ بالي بس قلبي يطق طبول من أشوف رسالة وصلتني
7..* كم لك من سنـہ مسجل؟!

سنة وشهور
8..*من اللي عرفك على المنتدى وقال لك سجل ؟!

بنت خالتي [ بنفسجية ]
9 ..*آخر موضوع نزلتـہ؟!

وَ أتنهّد . . وَ أقووُل " يَ رب !
10..*آخر رد نزلتـہ؟!

أعترف . . /

نشتآقُ لهُمْ جداً حِينَ تُمطرْ ..
وَ كأنْ السّمآءَ تَقذفنآ بِ ( الحَنينْ ) لآ بِ المَطرْ , !
11..*هل سبق وغيرت عضويتك؟! وش كان اسمك قبل؟!

نعم ، أساس الحب
12..* تمنيت في يوم تصير مشرف؟!

لا ، الله لا يجيب ذاك اليوم

13...*مين تعرف من الأعضاء؟!

كثيير حد أووم الدعسسه
البنات : أنين الشوق/ طيف العمر / بنفسجية / دلوعة القمر / غلا روحي / غلا الدنيا / الماسه بس حساسه / وتين الورد / تكفيني الذكرى / يكفيني ربي / لمسات أنثى / هذيان أنثى / زهور الريف / بنوتة حساسة .. هذا اللي أذكر أسمائهم
والشباب : كثير ما راح أقول أسمائهم
14..*توقفت عضويتك يوما ما؟! وما السبب؟!

لا ما مرة
15..*موضوع عجبك ؟! ومن كاتبه؟! وحط لنا الرابط !

|ُُتولد السعادة من التفاصيل الصغيرة|

صمت المشاعر1

::
أعتذر عَ التأخير
بسبب المنحسه ومراجعات و ...إلخ
وأختار من بعدي : غلا الروح
//
يعطيك العافية

 

 

[إشراقة أمل]

وعليكم السلام ورحمة الله وبركاته ..

:.

اقتباس 5..*آخر مسج وصلك من مين ؟! ووش مضمونـہ؟! من إشراقة أمل مضمونه :هاا .. وش فيكم يا جماعة الخير ؟ عاد ولا أحد منكم رد علي !! وإلا مب عاجبتكم الجوائز ولا الأوسمة شكلها .. هاا زهور .. زعلانة من شي وإلا شلون ؟ لا تحسسوني اني قصرت .. ردوا عليي بيسووورعة .. بعد اذا ما تبون الجوائز خير وبركة أنا الربحانة امزح امزح .. بس لا تطولوا , << نسختها مالي خلق أكتب المختصر

واافضيحتااااااه ..

شدعووووه عاد ما نسيتِ سطر من الرسالة بالغلط ..

طبعًا عشان اللي بتنرسم على وجهه استفهام وتعجب ..

رسالة بخصوص موضوع خطك تحت المجهر ..

وسلامتكم ..

:

ما بقيتِ من اللي تعرفينهم إلا أنـا يا اللي شوفتي بعشرة !!

ما قصرتِ على ها الإجابات ..

وننتظر غلا الروح .. وإن شاء الله ما تقول اختبارات وما عندي وقت ..

:
.

 

 

[غلا الروح]

_


1..*سبب اختيارك لهذا الاسم ؟!
والله ماادري وش السبب ؛ بسس أحب هالأسم ..

2 ..*آذا كنت حاط توقيع وش معناه وليش بالذات ها ا لشي !؟ وإذا كنت ما حطيت شي ليه!؟
احم ؛ يعني لازم الإحراج / مو فاآضيه أصمم لي .. << تخبرون مديرة أعمال هع !

3 ..* أكثر عضو تجيك منـہ مسجات على الخاص؟!
اممم يمكن / ششوشي ..

4..*كم عدد الرسائل في الخاص عندك؟!
45 ..

5..*آخر مسج وصلك من مين ؟! ووش مضمونـہ؟!
شقاوة أنثى ؛ وهذا المضمون (=

اقتباس السلام عليكم ورحمة الله وبركاته :: أتمنى ماترديني ما أطول عليك بإنتظارك فِ مو ضوع عضويتك تحت المجهر ]|~ ولكِ الحرية فِ رفض دعوتي وقبولها :: دمتِ بِود

6..*آذا وصلك مسج على الخاص من يجي في بالك مرسل لك!؟
والله ماادري ؛ بسس أحياان أخاف ماادري ليش هع !

7..* كم لك من سنـہ مسجل؟!
3 سنواآت تقريباً وبدخل الرابعة (= << سووا لي عيد ميلاد ..

8..*من اللي عرفك على المنتدى وقال لك سجل ؟!
ماأحد ,..

9 ..*آخر موضوع نزلتـہ؟!
قتوا القرآن الناطق ..~

10..*آخر رد نزلتـہ؟!
رد ع تصميم عاآشوراء لـ كالون ..

11..*هل سبق وغيرت عضويتك؟! وش كان اسمك قبل؟!
نووب ..

12..* تمنيت في يوم تصير مشرف؟!
لاا ؛ يكفيني كذا (= ..

13...*مين تعرف من الأعضاء؟!
اممم , اعرف : ششوشي / آخر لحظة / نبض الأنين و كثير من الأعضاء (= ..

14..*توقفت عضويتك يوما ما؟! وما السبب؟!
نووب ..

15..*موضوع عجبك ؟! ومن كاتبه؟! وحط لنا الرابط !
والله كثير مواآضيع مروا علي أعجبوني ..

_

كل الششكر لك ششوشي ع الطرح المميز ..
ولك ياشقاآوة ع فكرتك الراآئعه وعلى إختيارك لي ..
يعطيكم ألف عاافيه قلبووو ..

اختار /
طيف العمر



_

 

 

[غلا الروح]

اقتباس وننتظر غلا الروح .. وإن شاء الله ما تقول اختبارات وما عندي وقت ..

هههههههه لاماقلت ..
دعواآتك بسس (=
_

بإنتظار طيوفه ..

 

 

[طيف العمر]

:
وعليكم السلام

1..*سبب اختيارك لهذا الاسم ؟!

اسم وحده من زملائي مسجلته لقب بجوالي
ويوم جيت اسجل طرى على بالي وحطيته



2 ..*آذا كنت حاط توقيع وش معناه وليش بالذات ها ا لشي !؟ وإذا كنت ما حطيت شي ليه !؟

انتو وش تشوفون

3 ..* أكثر عضو تجيك منـہ مسجات على الخاص؟!
اممم تقريبا اغلب الأعضاء
نفس المستوى بس اكثر شي حساويه وانين

4..*كم عدد الرسائل في الخاص عندك؟!

55 حاليا
تم حذف السابق

5..*آخر مسج وصلك من مين ؟! ووش مضمونـہ؟!
من همس المشاعر

http://www.altaraf.com/vb/showthread.php?p=970369#post970369

شاركينا ولكِ الاجر


6..*آذا وصلك مسج على الخاص من يجي في بالك مرسل لك!؟

مايجي ببالي احد


7..* كم لك من سنـہ مسجل؟!
2009
احسبو انتو


8..*من اللي عرفك على المنتدى وقال لك سجل ؟!
بنت اخوي

9 ..*آخر موضوع نزلتـہ؟!

قصة السيده رقيه للأطفال بالصور


10..*آخر رد نزلتـہ؟!

في موضوع
√fml² ~
مرورك على العين والراس
وكلن له ذوقه

منوره..


11..*هل سبق وغيرت عضويتك؟! وش كان اسمك قبل؟!
لا ناويه انشاء الله

12..* تمنيت في يوم تصير مشرف؟!
تمنيت بس يوم صرت ليتني ماتمنيت
الحمدالله على كل حال

13...*مين تعرف من الأعضاء؟!
انين -حساويه-وتين-اشراقه-ست البنات- شقاوه- نور الهدى-كيان انثى-
حنين فاطم-نور فاطمه-زهور الريف-وينك ياحضن امي-وكثيييييير بس مايرضون اقول

14..*توقفت عضويتك يوما ما؟! وما السبب؟!
لا ياكافي الشر

15..*موضوع عجبك ؟! ومن كاتبه؟! وحط لنا الرابط !

كل المواضيع تعجبني وان ماعجبني لزوم المجامله الأنترنتيه



يسلمو غلا على الأستضافه وماحبيت اكسر بخاطرتس يابنت
وقلت خلني ادش مشانها..

يعطيكم العافيه اشراقه اآند غلا..

 

 

[طيف العمر]

وشسمه اختار من بعدي صاحبة الموضوع

اشراقة أمل...

 

 

[إشراقة أمل]

1..*سبب اختيارك لهذا الاسم ؟!

لأني من فئة تحب أن تكون مصدرًا للأمل والتفاؤل ، وتمقت اليأس والتشاؤم ,
فحبيت يكون اسمي ياخذ مني وآخذ منه ..
>> خبركم / كل واحد له نصيب من اسمه .. فأحسنوا اختيار اسمائكم / ألقابكم ..

:


2 ..*آذا كنت حاط توقيع وش معناه وليش بالذات ها ا لشي !؟ وإذا كنت ما حطيت شي ليه !؟

لأن النفس لهفااانة تبي تروح لساكن كربلا ..
ولأن كلمات القصيدة تعبر عن الحال بشكل كبييييييير ..


3 ..* أكثر عضو تجيك منـہ مسجات على الخاص؟!

امممم ..
ناس واجد تجيني منهم رسايل واجد ..
بس الأكثر ..
اممممم ..
>> بروح أشيك ع الخاص
ما أدري .. لأني أحذف الرسايل بالوارد بين فترة وفترة ..
فَ كل اللي عندي الحين منوعين .. ما فيه أكثر ..

:

4..*كم عدد الرسائل في الخاص عندك؟!

حاليًا /
الصادر : 128 رسالة .
الوارد : 65 رسالة .

:

5..*آخر مسج وصلك من مين ؟! ووش مضمونـہ؟!

من : لحن الخلود ..
مضمونه :

اقتباس هلا وغلا تسلمين وتعبتك معاي الثنتين خيااااال يسلم ربي اياديك

:

6..*آذا وصلك مسج على الخاص من يجي في بالك مرسل لك!؟

على حسب الحدث والمناسبة ..
إذا كنت أنا مرسلة لأحد رسالة .. أو رادة على أحد .. وللموضوع تتمة ..
يجي انه هو الشخص اللي مرسل لي ..

واذا فترة ما فيها رسايل او مواضيع مع أحد ع الخاص ..
ما يجي على بالي أحد .. أشود الغريب اللي بين فترة وفترة يرسل شي ’

:

7..* كم لك من سنـہ مسجل؟!

من شهر 7 - 2008 إلى شهر 1 - 2012 = 3 سنوات و 5 شهور .

:


8..*من اللي عرفك على المنتدى وقال لك سجل ؟!

هـه .. اييش ؟!
>> كأني ما شفت السؤال .. ما أبي ألفق

:


9 ..*آخر موضوع نزلتـہ؟!

للتأثير على الصور من غير فوتوشوب ]|~

:

10..*آخر رد نزلتـہ؟!

رد: سَ أَبقََى ذآكَ الْخآفِقْ الَّذِي يَتكَوَّرْ فِي مُحِيطْ النَّقآءْ ]|~

{..


يا لبىاا من هو يضمك وانتْ ب الحيييل ضايق !
يشدك على صدره ! وَيقول : هَونَها عشانـي ..




..}




:


11..*هل سبق وغيرت عضويتك؟! وش كان اسمك قبل؟!

أنا بالموت سجلت .. دون تبوني أغير عضويات وما ادري ايش ..

:


12..* تمنيت في يوم تصير مشرف؟!

برضو هذي خلوها مستورة .. ما كان عندي مجال التمني ..

:

13...*مين تعرف من الأعضاء؟!

إشراقة أمل بس
>> كل اللي أعرفهم .. يمثلون شخص إشراقة أمل

:

14..*توقفت عضويتك يوما ما؟! وما السبب؟!

ولله الحمد .. لا ,

:

15..*موضوع عجبك ؟! ومن كاتبه؟! وحط لنا الرابط !

عزيزتي الأنثى .. ليس هناك قطار

للمبدع : صمت المشاعر1 .

واختياري التالي .. لصاحب الإبداع :

|[ صمت المشاعر1 ]|

 

 

[صمت المشاعر1]

||
داخل اتشمت وطلعت مستضاف
اشراقوووه ليش كذا عاد وش مسوي لك انا
.
.
.
لي عوده *

 

 

[صمت المشاعر1]

بسم الله الرحمن الرحيم ..

اللهم صل على محمد وآل محمد ..

السلام عليكم ورحمة الله وبركاته ..

وعليكم السلام ورحمة الله وبركاته

:

:

|[ عضويتك تحت المجهر ]|

من فكرة الغالية | شقاوة أنثى ..

وأُدرجت .. لتكمل سلسلـة بدأتها أنا .. ولا أدري متى ستنتهي .!

ايه والله متى بتنتهي >> عقدتووه

1..*سبب اختيارك لهذا الاسم ؟!

مدري بس احب هالاسم ..ليش مو عاجبكم مثلا ً؟!

2 ..*آذا كنت حاط توقيع وش معناه وليش بالذات ها ا لشي !؟ وإذا كنت ما حطيت شي ليه !؟

الا حاط توقيع لا وشحذه بعد لمحرم لو تعرفون وشقد عانيت على ما جاا الله يعين بس

3 ..* أكثر عضو تجيك منـہ مسجات على الخاص؟!

الصراحه كوكتيل محد معين

4..*كم عدد الرسائل في الخاص عندك؟!

الصادره _ 47
الواردة _ 28

5..*آخر مسج وصلك من مين ؟! ووش مضمونـہ؟!

المسج من الاخ العزيز اول الغيث

اقتباس المشاركة الأصلية كتبت بواسطة أول الغيث عذراً ,, عالتأخير لأني كنت مشغووول بإعداد التقرير السنوي ،، وجدول الفعاليات للسنة الجديدة فالذهن معفووس .. وما حبيت أدلفج عليك بأي كلام .. العمل ممتاز .. ما شاء الله توقعت بتصير فيه وشوشة ...إلخ .. لكن طلع فوق العال وإن شاء الله .. لبديت تسجل في استوديو .. راح تكون جميع أعمالك احترافية وذات جودة عالية ..

فهمتو شي تصدقوا حتى انا مو فاهم .. طبعا اللي يبي يعرف السالفه عندكم اول الغيث سالوه اكيد بيقول لكم

وعلى طاري ( عذراً ,, عالتأخير ) هذي كل مسج ارسله لاول الغيث يكتبها مدري يجوز حاطها توقيع >> طردتنا قربت

6..*آذا وصلك مسج على الخاص من يجي في بالك مرسل لك!؟

طبعا دقات القلب مليون لانها اكيد استضافه

7..* كم لك من سنـہ مسجل؟!

يقال اني سجلت بتاريخ 17-07-2009 يعنو اثري سنه

8..*من اللي عرفك على المنتدى وقال لك سجل ؟!

انا !

9 ..*آخر موضوع نزلتـہ؟!

اسرار نجاح عجينة البيتزا <<واللي يجرب يتنقص لي نقصه >> لا انصح بالتجربة

10..*آخر رد نزلتـہ؟!

اقتباس المشاركة الأصلية كتبت بواسطة صمت المشاعر1 ما شاء الله تبارك الله من جد ابداع الله يعطيك الف عافية على الطرح الجميل >بس ما شفت صورتي تقبل مروري |صمت

11..*هل سبق وغيرت عضويتك؟! وش كان اسمك قبل؟!

لا والله عاجبني الاسم واااايد

12..* تمنيت في يوم تصير مشرف؟!

لا يحوشك

13...*مين تعرف من الأعضاء؟!

اممممم القليل بس ما بقول يعرفون نفسهم

14..*توقفت عضويتك يوما ما؟! وما السبب؟!

يؤ لا تفاولين علينا

15..*موضوع عجبك ؟! ومن كاتبه؟! وحط لنا الرابط !

موضوع في جدائل ممطرة من ابداع الاخت غلا روحي

وَ تَتوآلى شَهْقآتِي .!

كل الشكر للاخت اشراقة امل لهذه الاستضافه
والشكر موصول للاخت شقاوة انثى

.
.
اختار من بعدي
الاخت انين الشوق

اتمنى ان لا ترفض طلبنا
.
دمتم في حفظ المولى

 

 

[إشراقة أمل]

اقتباس ايه والله متى بتنتهي >> عقدتووه

أجل أبشر .. أنت أول المستضافين في كل مجهر نسويه
>> وجنى على نفسه صمتوو

:

اقتباس مدري بس احب هالاسم ..ليش مو عاجبكم مثلا ً؟!

وإذا مو عاجبنا .. بتغيره مثلا ؟!

:

اقتباس وعلى طاري ( عذراً ,, عالتأخير ) هذي كل مسج ارسله لاول الغيث يكتبها مدري يجوز حاطها توقيع

أشوود يعنوو ..

مسيكين الرجَال .. هذا وشارح لك ظروفه .. وتقول ها الكلام عنه >> كسر خاطرها ..

إلا صج تعاال .. وش السالفة ؟ >> نط عرق اللقافة هع .. وبعدين هو قال اسألوا أول الغيث


:

اقتباس 7..* كم لك من سنـہ مسجل؟! يقال اني سجلت بتاريخ 17-07-2009 يعنو اثري سنه

خلك دقيق في الحساب .. >> وطحين وكل أبو عايلتهم
أثرك سنتين و5 شهور ..

:

اقتباس كل الشكر للاخت اشراقة امل لهذه الاستضافه والشكر موصول للاخت شقاوة انثى . . اختار من بعدي الاخت انين الشوق اتمنى ان لا ترفض طلبنا

وكل الشكر لك لتلبية الدعوة وأنا ما بعد أرسل لك رسالة اخطار
طلعت مجتهد بزيادة >> لا ويقول متعقد من المجاهر

ولا زلنـا بانتظــار | الأنين .~

 

 

[أنين الشوق]

،‘
ليَ باكَ إن شَاء الله

 

 

[أنين الشوق]

:

بااكَوو
بسَمة تعَالىَ .,




1..*سبب اختيارك لهذا الاسم ؟!
هيكَ لحَاجة فيِ نَفسَ يعقَوبَ

2 ..*آذا كنت حاط توقيع وش معناه وليش بالذات ها ا لشي !؟ وإذا كنت ما حطيت شي ليه !؟
يب حَاطه توقيِعَ بمِناسَبة آحَياءَ ذكَرى " زياَرة الآربعينَ"
تفَاعلا" معَ المشايَة .,
اللهَ يبلغَنا معهَم لزيارةَ الحَسينً "عَليه السَلامَ"


3 ..* أكثر عضو تجيك منـہ مسجات على الخاص؟!


4..*كم عدد الرسائل في الخاص عندك؟!

أيواانَ أنا ما آحفظَ الرسايَل علىَ طولَ أحذف
بس حَاليا" الصَادر:24
الوَاردَ :10

5..*آخر مسج وصلك من مين ؟! ووش مضمونـہ؟!
من تيوفهَ
مَضمونه سر بيني وبينها

6..*آذا وصلك مسج على الخاص من يجي في بالك مرسل لك!؟
لاآحدَ مُعينَ
لآنَ كثيرَ منَ الاعَضاء اللي ترسَل ليَ علىَ الخاصَ

7..* كم لك من سنـہ مسجل؟!

بالضبطَ مادري بسَ ِبسَنة 2008
عَلى كلامَ طيوف احسبو انتوا

8..*من اللي عرفك على المنتدى وقال لك سجل ؟!
خَيوو

9 ..*آخر موضوع نزلتـہ؟!

في قَسَمَ
мσbïĻџ ~ عالم من اختياري .,
ع ـجباً يشتآق’ لهم الْقَلب وهَم فـي‘ أإضلْعي .!


10..*آخر رد نزلتـہ؟!

بزوايَا العَامَ
موَضوع "بين الطبيب والميكانيكي "
للعضوَ : نور الرَضا

اقتباس المشاركة الأصلية كتبت بواسطة أنين الشوق فعَلا" كلا" لهَ كَيِانَه وَ آلمًسٌّؤوٍليَة لهٍآ دًوٍرٍ ..! وَ المَال يَتّْحٍّدًدً عًلى قٌدًرٍ آلمًسٌّؤوٍليَة وٍآلآهٍمًيَة ., فْحٍّيَآة آلآنْسٌّآنْ لآ تّْقٌدًرٍ بٌثْمًنْ وٍآلتّْعًآمًل مًعً جًسٌّدً آلآنْسٌّآنْ لآ يَمًكَنْ آنْ يَكَوٍنْ كَآلتّْعًآمًل مًعً آلآلة ., وَ لآ شًكَ آنْ فْيَ كَل مًهٍنْة مًتّْمًيَزٍوٍنْ يَجًنْوٍنْ مًكَآسٌّبٌ آكَثْرٍ مًنْ آخٌرٍيَنْ فْيَ مًهٍنْ آخٌرٍى ..! وٍفْيَ آلنْهٍآيَة آلرٍزٍقٌ بٌيَدًهٍ سٌّبٌحٍّآنْهٍ وٍتّْعًآلى يَقٌسٌّمًهٍ كَيَفْ يَشًآء , وٍكَل شًخٌصٍ وٍلهٍ عًمًلهٍ وٍرٍزٍقٌهٍ ., :.. يعَطِيك آلفَ عَافِية../ الآنيِنَ ..~

11..*هل سبق وغيرت عضويتك؟! وش كان اسمك قبل؟!
يبَ
كَانَ آسَمِي lovly z


12..* تمنيت في يوم تصير مشرف؟!
نوبَ لآنيِ عَارفةَ آنوو مَسؤولِيهَ .,

13...*مين تعرف من الأعضاء؟!
كَثير بسَ بدونَ ذكَر آسَماءَ حفاظَا" للحقوقَ الخَاصةَ

14..*توقفت عضويتك يوما ما؟! وما السبب؟!
نوبَ

15..*موضوع عجبك ؟! ومن كاتبه؟! وحط لنا الرابط !

كثيِرَ منَ المواضيعَ أعجَبونيَ بس حَاليَا" يحضَرنيَ
/
أراد الله بي خيـراً ...
لِقلم العَضو :ناقَد

مَوضوعَ يَستحق التَميزَ




يسَلموَ شوشيَ / شقاويَ / صمتَ
وعذرا" للتآخيرَ
/
ومايستحَضرنيِ آحدَ بباليَ آخليَ
الترشيحَ للآعضاءَ<< سودانيه ماتبيِ تفكرَ
/
موفقينَ جَميعا"

 

 

[إشراقة أمل]

أهلًا بكِ أنين الشوق .. وبنوركِ هُنـا ..

:

عذرا ما بترك الترشيح للأعضاء .. لأني لو تركته لهم .. راح الموضوع الصفحة الستين طعش ولا احد رشح أحد

امممممم ..

أعضاء واجد عندهم اختبارات ..

بس شكل أول الغيث فاضي .. لا اختبارات ولا هم يكتئبون ..

خلونا نورده ..

،’

غيثوو .. تفضل خيووو وشرّح لنا عضويتك

 

 

[أول الغيث]

اقتباس 1..*سبب اختيارك لهذا الاسم ؟!

سمحوا لي عااد .. بنسخ لكم إحدى إجاباتي السابقة على هذا السؤال ..


التسمية جاءت من غير تخطيط مسبق !!

كنت أبحث عن اسم مستعار للتسجيل به في المنتدى

فبحثت في بعض أشرطة الأناشيد و وجدت هذا الاسم مناسباً

وله معاني رائعة و جميلة ، فوقع الاختيار عليه .

اقتباس 2 ..*آذا كنت حاط توقيع وش معناه وليش بالذات ها ا لشي !؟ وإذا كنت ما حطيت شي ليه !؟

للأسف .. ما عندي توقيع منذ مبطي ..

اقتباس 3 ..* أكثر عضو تجيك منـہ مسجات على الخاص؟!

أحياناً ظروف العمل في المنتدى تحكم ..

فيصير بينك وبين العضو أو المشرف مراسلات كثيرة وأخذ ورد

لكن بصورة طبيعية .. لا يوجد عضو معين ..

ولو تحدثنا عن الأيام الأخيرة .. فربما الأخ : صمت المشاعر1:

اقتباس 4..*كم عدد الرسائل في الخاص عندك؟!

وااااايد

<< كل اشوي يوصل 90 % وامسح منه اشوي ..

حالياً .. 123 رسالة مابين صادر ووارد

اقتباس 5..*آخر مسج وصلك من مين ؟! ووش مضمونـہ؟!

إشراقة أمل ..

بخصوص المسابقة الحسينية الأولى

اقتباس 6..*آذا وصلك مسج على الخاص من يجي في بالك مرسل لك!؟

إذا كنت مرسل لأحد قبل .. فأكيد راح أتوقع أنها منه

وإذا لا .. ما يجي في بالي شخص معين ..

اقتباس 7..* كم لك من سنـہ مسجل؟!

يمكن 9 سنوات وشهر ..

اقتباس 8..*من اللي عرفك على المنتدى وقال لك سجل ؟!

في البداية شفت إعلان على محل الوسط للحاسب الآلي ( السابق )

وقمت اسأل عنه .. هل التسجيل بفلوس ولاّ لا ؟

<< لا تلومونا .. كان الانترنت في بداياته والمنتديات توّها تستوي ..

اقتباس 9 ..*آخر موضوع نزلتـہ؟!

نتائج المسابقة الحسينية الأولى

اقتباس 10..*آخر رد نزلتـہ؟!

هذا اللي قاعدين تقرونه الحين ..

اقتباس 11..*هل سبق وغيرت عضويتك؟! وش كان اسمك قبل؟!

لا

اقتباس 12..* تمنيت في يوم تصير مشرف؟!

أول ما سجلت .. تمنيت أصير مشرف على المنتدى العلمي

على أساس أنه عندي أفكار .. ودي أطرحها

لكن بعد ما أخذت لفّة .. ما أعجبني الوضع وشلت هالفكرة من رآسي ..


طبعاً دارت الأيام ومرت السنين ..

وصرت مشرف على المنتدى العلمي بعد 4 سنوات تقريباً من التسجيل .. ومن دون أي تخطيط مسبق تقريباً .

اقتباس 13...*مين تعرف من الأعضاء؟!

واااايد

الغريب .. حامل المسك ،، ابن الطرف ،، غصن الروح ،، هدير الصمت ،، لحن الروح ،، وسط النخيل

مخلص ،، ابن الشهيد ،، kaha ،، DHYM ،، قميص يوسف وغيرهم الكثير الكثير ..

اقتباس 14..*توقفت عضويتك يوما ما؟! وما السبب؟!

لا والله ..

اقتباس 15..*موضوع عجبك ؟! ومن كاتبه؟! وحط لنا الرابط !

عدم الــدّقة والتحليل الارتجالي للأخبار أحد أسباب المشاحنات الاجتماعية

للأخ :: الفجر الجديد ::

 

 

[إشراقة أمل]

اقتباس في البداية شفت إعلان على محل الوسط للحاسب الآلي ( السابق ) وقمت اسأل عنه .. هل التسجيل بفلوس ولاّ لا ؟ << لا تلومونا .. كان الانترنت في بداياته والمنتديات توّها تستوي ..

زين بعد جا على بالك تسأل عن ها الأشيا..

صج حلاتها تعال وهاته .. تدخل وتعفس على كيفك وتكتشف ها الشي بنفسك

بس شكلك متعرض لمواقف قبل .. بالنسبة لفلوس وما فلوس

،’

اقتباس هذا اللي قاعدين تقرونه الحين

طيب واللي قبل هذا الرد وش كـان .؟!

>> لزوم نحط سؤال بديل عشان اللي يتفلسفون


:

اقتباس على أساس أنه عندي أفكار .. ودي أطرحها لكن بعد ما أخذت لفّة .. ما أعجبني الوضع وشلت هالفكرة من رآسي ..

وهذا اللي مر فيه الأغلبية .. وأنا على راسهم

كان الله في عون الأعضاء اللي مروا وبيمرون في مثل ها الوضع !

:

اقتباس واااايد الغريب .. حامل المسك ،، ابن الطرف ،، غصن الروح ،، هدير الصمت ،، لحن الروح ،، وسط النخيل مخلص ،، ابن الشهيد ،، kaha ،، DHYM ،، قميص يوسف وغيرهم الكثير الكثير

شخباره مخلص الحين مع لحن الروح ؟!!

:

رحلــة جميلة على أعتابك أخي أول الغيث ..

لكن .. >> الله يستر من ها الـ لكن اللي ما يسلم منها اول الغيث !

عتبي على عدم اتباعك لتعليمات بداية الموضوع في اختيار عضو بعدك وارسال رسالة له .!

،’

سُعدنا بتلبيتك الاستضافة ..

ويا هلا فيك

 

 

[أول الغيث]

اقتباس صج حلاتها تعال وهاته .. تدخل وتعفس على كيفك وتكتشف ها الشي بنفسك بس شكلك متعرض لمواقف قبل .. بالنسبة لفلوس وما فلوس

أصلاً يوم شفت الإعلان ,, ماكنت أعرف ولا 1% عن المنتديات

حتى شكلها وطريقة عملها وطريقة الإشتراك فيها ما كنت أعرفها ..!!

فقعدت أسأل عن أمور ( تضحّك ) لو سألت عنها في وقتنا الحاضر ,,

اقتباس طيب واللي قبل هذا الرد وش كـان .؟!

هالسؤال حطوه ضمن الأسئلة للضيوف الجايين ..

اقتباس شخباره مخلص الحين مع لحن الروح ؟!!

الله العالم فيهم ..

اقتباس عتبي على عدم اتباعك لتعليمات بداية الموضوع في اختيار عضو بعدك وارسال رسالة له .!

أوووه آسفين أجل ,,

آنا يوم قريت هالعبارة :

اقتباس عذرا ما بترك الترشيح للأعضاء .. لأني لو تركته لهم .. راح الموضوع الصفحة الستين طعش ولا احد رشح أحد

راح بالي على أنها بتعمم على الجميع ..





خلاص أرشح الأخت :: سكون الصمت ::

ويارب أنها تقبل الدعوة ..