عرفت ليه المطر موحش وليه أنكسر

[هميان]

ما هو بـ كيفي يوديني عليـك المطــر
و اولـــه كثـر ما تظـن انسـان يـوله عليك



و أضحك لـ حباته المتساقطة و أنهمر
مثله ولك نتكسـَّرت بكثر كنت أبيـــك



كان المطر ضحكتي تلويحتي بـ العذر
و أجمل سبب كان ياخذني على شان أجيك




واقول لك بلِّل أيامك تعال انصهر
في داخل الما كثـر ما تقـدر وما عليك




إجمع بـ كفك حروف الغيم لا تنتظر
اكثر من الغيم قبل يموت جــا يهتديـك




تضحك ويضحك معاك الطير وغصن الشجر
و تغمض عيـــونك وتعْـقـِــد عليْ ناظريــــك




وتقول
(ودي أغيضك ياطويل العمر )


واقول
طال العمر فيك وكبـــر يرتويـــك




الغيض لاصرت ظامي بك وجف النهر
فــي داخلك والرمـِّـل يمــلاني بـ ضفتـيــــك





الغيض هذا الغياب اللي ذبح بـ الصدر
كل العصافيـــر فوق الغصن وهي تحتريـــك




و أعيد كل التفاصيل الكلام الصور
ملامح الارض وجهــي وجهتــي تهديــــك




غلاك شعري جنوني بك ليال السهر
ملامحــــك ملحـــك أحلامــــك دفــا راحتيـــك




صوتك صباحك صباك الممتلي بـ الزهر
تنهيـــدتك لاخـــذاك الوجــــد ومـــــا يحتويــــك




إلا عيونــــــي وهــــي تلمــــك و تختصـــر
كل الكلام الملام العذب ورعشة يديــــك




و أقرا لك الشعر تذكر كيف كان الشعر
تعيـــش بــــه ينفضــــك يتنفســـك يهتويــــــك




كأني أحلــم كأن العمر عيـَّــا يمــــــر
إلا معــاك وعليــك إلا معـــــاك وعليـــــك





عرفت ليه المطر يهــدني هـ الكثـــــر
ضاقت بلياك الأرض وضقت بـ الأرض فيك




عرفت ليه المطر موحش وليه أنكسر
أوْلـَــْه عليــك أكثر من أول ولا اقدر أجيــــك


مما راقي لي

 

 

[AL-NAQEEB]

هميان

صح لسان قايلها و سلمتـ يداكـ على النقل الراقي

وماشاء الله انتقاء رائعـ .. موفقهـ

 

 

[غلا روحي]

آنتقآء رآئع كشخصك يآ غالية ,
لآحُرمنآ جديدك ..~

 

 

[هميان]

يعتيكم العااااافيه
نورتوا صفحتي بردودكم