أنا رجعت ......وأبي همتكم

[سوسو الدلوعه]

بسم الله الرحمن الرحيم


السلام عليكم ورحمة الله وبركاته

أشتقتلك يامنتداي الغالي وأسرتي الرائعه

بجد وحشتوني كثير
أنا رجعت مولموضوعي لا ولكن شوقي الذي جذبني لكم
كانت ايام رائعه معكم واتمنى اكون بلسم على قلوبكم اذا انتم تريدون


المهم ماابي ازعجكم واكثر سوالف ووعواطف




بصراحه زواج أخي الغالي وابي منكم همتكم يعني أبي منكم حركات وزفات لدخلته
حبيت تشاركوني فرحتي يالغالين






أسفين على الازعاج








تسلمووووولي





أختكم في الله

 

 

[زهرة اللوتس]

،

وعليكم السلام ورحمة الله

أهليييين وسهلييييين بالحبيبة سوسو ، شخبارش أمّي ؟ اشتقنا لش كثير .

شذه ذه وش هالغيبة الطويلة ؟ ماتقولي شسمه وذاك أعرفهم > هذي المقدمة لوزم تحيات وشره ومشاره ،


نجي للعرض

كشخه معكم زواج أخو " أحلى شعوور في الحياة "

إيه أجل تقولي تبي فكرة للدخلة ، وش تبيها إنتي ؟ كلاسيك وإلا خليجية و إلا ( حساوية بحت ) ؟



أنا أشوف دخلة المعرس حلاتها في كونها على النيّة مووول ، أحداثها تتشكل بدون تجهيز ولا ولا

غير عن العروسة يعني يبيلها شوي يمكن لإنها بُونية ،

غالبا إذا كانت دخلة المعرس بدون حُركتات وقصد تحسي فيها بالفرحة أكثر من الفرحة بدخلة العروسة

لإن التصرف وقتها يكون بعفووووية فشسمه وذاك لا تغيبوا هالفرحة على حساب مزايق وووو

" شوقتيني مول ، بس فواته علينا كمّلوا إخواننا "


بس شوفي البنات أكود مجربين و يفيدوش أكثر

منورة يالغالية

 

 

[سوسو الدلوعه]

فديتك يالغاليه وتسلميلي على الترحيب الراقي

كل هذا تحبوني امدح فيني


صحيح مثل ماقلتي بس حبيت نسوي حركه جميله ونا عندي فكره بس بسيطه حيل ابي اجمل

تسلميلي يااااارب اتمنى تفيدوني




أختكم في الله

 

 

[قاهر المستحيل]

هل من المعقول ..
عوده بعد طول غياب .. وطلب ترحيب فقط في واحة المرأه !

في الحقيقه .. مادعاني هو تعطش واحات المنتدى أجمع لحروفك

كما أن واحة القصص والواحة العامة متشوقين لك

و .. في النهاية أهلاً بعودتك



والله ولي التوفيق

 

 

[سُندس }]

:



مرحباً و أهلاً بعودتك

منوره الواحة شخبارك ؟ شعلومك ؟

يا هلا فيك مليون سوسو / يامطول الغيبات وين ..


:



حبيت ارحب فيك ولي عوده معك .




:

 

 

[أنثى مخملية]

اهلا وسهلا مرحبا بعودتك ,,,

مبروك مقدمأأ وعقبال كل العزاب يارب

من الافضل برائيي زفه العريس تكون عاالمعتاد عليها ولااله الاالله وعليك سعيد
احسها حماس وتكون تشجيع لدخول العريس بكل ثقه ^_^

قبل سنه سوينا هاالحركه
ولو بقولها الكل بيعرفني هع ^_^

بس راح اقولك وش نوع الدخله كانت

صممنا دخله للعرسان (( عريسين ))

اول شي دخلو على ولااله الا الله وعليك سعيد
بعد ماجلسو على الكوشه

شغلنا الزفه الخاصه بااسماء العايله ومديحهم
وكانت قمة الروعه


وهذا كل اللي عندي *_*

باالتوفيق خيتو

 

 

[سوسو الدلوعه]

اهلين بكل من رحب فيني وماقصرتواا اخجلتم تواضعنا


أخي قاهر المستحيل أشكرك على ترحيبك واهتمامك ان شاء الله لمساتنا في اقسامك سترسم



أختي سندس مشكوره يالغالي على الترحيب وانتظرك مابنسى




أختي أنثى مخمليه مشكور ترحيبك وعلى طرح فكرتك الحلوه صحيح الدخله هذي حلوه بس خلاص كرهتها من كثرالزحمه ولا يكون ترتيب
ابي شي غير
انا عندي فكره بس حبيت اشوف افكاركم




تسلموووو




اختكم في الله

 

 

[سوسو الدلوعه]

شدعوه وينكم ماعندكم افكار تفيدوني


وينك اختي سندس








أختكم في الله

 

 

[سُندس }]

:



أهلاً سوسو / ,,


أمممم دخلة الأمير حلوه كتير و ماتكلف كتير

يدخل المعرس يكونون طفلتين ياليت لو بنفس اللبس

واقفين ماسكين شريطه بلون حلو و راقي كذا طيب

واقفه طفله قبلهم بشوي كمان عندهاصندوق في داخله المقص تفتحه للمعرس

وياخذه ويقصه و يدخل للأحباب .

أممم لو تستقبله أمه وأخواته من وراها يكون الشعور يصيح

وهيك مع دخلة المعرس و الحركات وتستقبلونه برجة الزينة

و العود و الفلوس و الحلوات ومع دقة الطقاقه بيكون تمام .


صارت زفه و الف مبروك .







:

 

 

[سُندس }]

،



فكرة كمان بعد / ..

امم يكون في صندوق كبير موجود عند الأم

وفي داخله البشت طيب ؟

يدخل المعرس تستقبلونه با العود و با اللبس الخليجي القديم

ثياب الرقص تكفي فوق الفستان ووحده يكون عندها مرش ماي الورد وكذا ..

يمشي المعرس وانتوا معاه بهاذي الأمور اذا قرب المسرح امه تكون واقفه

تستقبله تفتح الصندوق و تلبسه البشت وتدخله .


الطقه / والله لضمك واحضنك بيدي : عشت ولبست البشت يوليدي .





: