قحشة حلويات لعنونكم ...

[قيثارة]

اليوم جمعت لكم حلويات صلحتها مابين حلى قهوه
وحلى بارد ويآرب تعجبكم وتطبقونها وتطلع احلى

كاسات المكسرات والتوفي

الطبقه الاولى :

- مكسرات مجروشه جرش ناعم
عين الجمل مجروش < هذا عندي مسويه عين جمل
مجروش مع سكر محمصتها واستعملها وقت
الحاجه طلعت جنان معاهامقرررمشه
- لوز محمص ومجروش
- سمسم محمص
- فستق محمص ومجروش < لاتحمصونه كثير بس شوي
مايغير لونه بس تطلع ريحته اقوى ^-^
- وبسكوت شاي مكسر
اعجنوها بشوي قشطه شوي عشان تبقى شوي قاسيه
مولينه مره حطو شوي ملعقه وقلبو وضيفو اذا شفتو
تحتاج وحطوها طبقه اولى
الخلطه البيضاء:
قشطه
6 جبن كيري
1 دريم ويب
فنجان حليب
بعدين نحط عليه توفي ونزينه بالشعيريه
طعم ولا أروع وشي مختلف فعلا عوافي على قلوبكم

السميد (بالإنجليزية: Semolina‏) هو إحدى منتوجات القمح
النقية و الذي يستعمل في عمل العجين و كذلك في صنع
الحلويات وبعض الأكلات.
يحتوي كل كوب من السميد (167غ)، بحسب وزارة
الزراعة الأميركية على المعلومات الغذائية التالية :
السعرات الحرارية: 601
الدهون: 1.75
الدهون المشبعة: 0.25
الكاربوهيدرات: 121.63
الألياف: 6.5
البروتينات: 21.18

بسبوسة البف بآستري

بف بآستري افضل قليل الدسم
خليط جبن وقشطة مثل الكنآفة
خليط بسبوسة اللي متعودة عليه انا سويت
كآس سميد
علبة قشطة
بيضة
ثلاثة ارباع بيالة زيت
بيآلة سكر
م ك بيكنج بآودر

- نفرد البف بآستري ونضعها في قالب الكب كيك
ونحط شوية جبن مع قشطه وبعدين ملعقة بسبوسه
وعالفرن حتى تنضج وتاخذ لون ذهبي من فوق
ثم تسقى بالشيره أو نستله .

كريمه سهله وروووووعه

المقادير :
للقالب 3 فناجيل قهوه سكر محروق
الكريمه :
خمس كاسات حليب سائل
او خمس كاسات ماء مذاب فيها 10
ملاعق حليب بودره
ونص كاس سكر او حسب الرغبه
3 اكياس كريم كراميل
3بيضات
علبة قشطه
فانيليا
الطريقة :
- يوضع السكر بعد حرقه في القالب ..
راعو ماتحرقونه كثير كلما كان افتح كان ألذ ..
- ناخذ الحليب ونفورة على النار الى ان يغلي
- نخلط الكريمه مع البيض والقشطه والفانيليا جيدا
ثم ناخذ مقدار كاس من الحليب ونضعه على خليط البيض
ونحرك بسرعه ثم نصب خليط البيض على الحليب
اللي في القدر ونتركه يغلي مع التحريك لمدة خمس دقائق
ثم يصب في القالب وندخله الثلاجه الى ان يبرد
يقدم حسب رغبتكم ..
وممكن طبعا تصلحونه بالقوالب المعروفه .

وهاذي لاول من يرد

كيكة التمر

المقادير :

4 بيضات - ملعقة صغيرة فانيليا -
كوب ونصف سكر - كوب زيت -
موزتين كبار أو 3 صغار
كوب تمر مفصص ومقطع صغير - كوبين دقيق -
ملعقة كبيرة بيكنج باودر - ملعقة صغيرة قرفة -
رشة ملح
نصف كوب عين جمل مجروش
( ممكن تستغنون عنه بس زيادة طعم وقيمه غذائيه )
لوز شرايح لوجه الكيكه < حسب رغبتكم
الطريقه :

- أول شي كالعادة قبل ما نبدأ نشتغل نشعل الفرن ونجهز
صينية مدهونة ومبطنة بالدقيق
- ثم نبدأ نخفق البيض مع الفانيليا حتى يتضاعف حجمه
ثم نضيف السكر
- وبعدين نضيف الزيت والموز بعد ما نهرسه بالشوكة
وبعده التمر
- وآخر شي نضيف الدقيق المخلوط مع البيكنج باودر
والقرفة وإذا حبيته تضيفوا عين الجمل في الآخر
وآخر شي لوز شرايح للوجه.

عشان المكسرات ماتصير بقاع اي كيكه قلبوهافي طحين

- نحطه في الصينية وندخلها فرن على نار هادية ع الآخر
لأن الخليط ثقيل ويبغاله يستوي على مهل
واستمتعوا بأحلى كيكة تمر
- للزينه توفي او سكر ناعم او فقط انا زينتها بشوي دبس تمر طلع
رووعه وشوية فستق وجوز وانتم ورغبتكم

حلى الجيلي والايس كريم
المقادير :
ايس كريم فانيليا
كيك اليمامه بالفانيليا
جلي فراوله
فراولة طازجه
الطريقه:
- يفضل قالب طويل شكل مربع زي كاس او اللي تشوفونه
قصو الكيك يناسب شكل القالب المستعمل
عشان شكله يبان وبرضه الايس مايذوب اذا قدمتوه
ويصير شكله مش ولابد ..
- طبقة كيك ثم جلي فراوله تترك تجمد ثم طبقة فراوله
ثم أيس كريم ثم طبقة كيك مغمسه بالجلي جيدا
ثم فراوله ثم آيس كريم وأخر شي تزين بفراوله
- وترش بسكر بودره للزينه .

حلى مدري ماله اسم

المقادير :
1 شعيريه باكستانيه
1 حليب مركز
1 زبده ..
2 كأس حليب بودره
نص كأس سكر مطحون
قشطه
الطريقه :
- أولاً نكسرالشعيريه بطريقتها المعتاده ~
ثم نحمس الشعيريه بالزبده وبعدين نحط عليها نص
او ثلاثه ارباع الحليب المركز ..
وبعدين نرصها بصينيه بايركس
- الطبقه الثانيه نحمس الحليب واذا تغير لونه نخلطه
بالقشطه والسكرونضعه طبقه ثانيه ع الشعيريه
- ثم نزينه بأي شي هنا انا زيّنته بجالكسي مبشور
ممكن تسوونه بقوالب زي ماسويت شكل احلى بس يبي له
صبر وانتم تطلعونه او بطنوها بنايلون اسهل لكم

مدري ليش طالع اسود كذا بس وربي حلو
مقرممممش

ملآحظه ..
ممكن تتركونه ساعات بالثلآجه يصير تقطيعه واخراجه
أسهل وتمتعو
خلصت وأتمنى نالت رضاكم

 

 

[لحن الخلود]

وااااااوا شكالهم حيل حلو

تسلمين

 

 

[قيثارة]

الله يسلمك يالله بإنتظار تجاربكم

 

 

[سجود الروح]

شكله يشهي
يعطيك العافيه

 

 

[قيثارة]

يعافيييييييييييييييش

 

 

[عطر يوسف]

والله اني شبعانه بس يامن شفت الاكلات صرت جائعه

 

 

[أحسائية]

سلمت يداك
مرور عالسريع ولنآ عوده إن شاء الله