عندما تسلم على شخص وهو منتبه لك ولايرد السلام

[kaha]

السلام عليكم ورحمه الله وبركاته /
تحيه طيبه للجميع اتمنى لكم دوام الصحه والعافيه

في البدايه حاب اضع موضوع الا وهو بالنسبه لي شائع واعتقد اغلب الناس مستائه منه
الا وهو " عندما تسلم على شخص وهو منتبه لك ولايرد السلام " في مواقف حاب اذكرها



موقف /شخص شاف واحد معروف في البلد في محل مواد غذائيه وهذا الشخص شافه وقال خل اسلم عليه وجه بوجه
راح له وسلم بعدها يقول انا ياليت ماسلمت عليه يقول انه مستثقل السلام بالخد .

موقف / انا عند السكن في شخص في البدايه كل ما اشوفه انا ابداء بالسلام وهو مايرد السلام يوم يومين
ثلاثه على هالحاله انا بصراحه انقهرت ولا عدت اسلم عليه .

موقف / وهذا الي منقهر منه بجد في العمل شخص كل مايدخل اذا شافني مايسلم واذا شاف احد من ربعه يسلم
الشي الي قهرني انا مره من المرات كان واحد جالس جنبي ودخل هذا الشخص وسلم على الي جنبي وانا استحقرني
مارايكم .


طبعا الموقف الاول صار مع صديق لي والثاني والثالث صارت معي
انا اعتقد هذه الفئه من الناس مغروره بنفسها
رايكم يهمني في ماقال فوق اتمنى النقاش
بالتوفيق للجميع

 

 

[مرسال الحب]

هههههه ذكرتي كاها عن السلام عليكم

كنت طالع بره عن البيت وانا أمشي كذا في اليل وقت محرم وطبعي انا اذا امشي ما ألتفت يمين وشمال وجهي سيده المهم وانا أمشئ يم بيوت جيرانا وشفت واحد جالس على الباب وسلمت ومارد وطبعا انا ما التفت عليه قلت في نفسي غريبه سلمت عليه ومارد المهم وانا رايح للبقاله وانا راجع برضو شفته جالس وسلمت عليه وبرضو مارد قلت في نفسي خلااص ما عاد اسلم عليه مره ثانيه مايستاهل وانا ماشي قدام التفت للخلف وتتوقع وش اشوف شفت كيسه سوده زباله أعزكم الله وصرت اضحوكه لنفسي وبسبب استعجالي هههههههههه


ما اعتقد اقدر اقول عنه متكبر وانما اقدر اقول عنه ربما منعزل بعض الشي ويفتقد الى الاختلاط بالناس.


ثانيا انت اعمل اللي عليك و ابدي بالسلام, و ما خسران شي..

يعطيك العافيه كاها على مشاركتك الجميله

 

 

[kaha]

اما عن جيراني انا مسلسل كامل مره يسلم ومره اشلونك ومره يطالع ولايسلم ومره خير شر لايطالع ولا يسلم
مادري شسميهم بس هذا اسلوبهم في التعامل مع الناس والترافع /\/
انا في مساله السلام انا من ابداء احي تحيه الاسلام والباقي على الله /

مرسال الحب / شاكر لك تواجدك وتفاعلك بين صفحتي لا خلا ولاعدم نورت

 

 

[♥ gѕη яσσн]

..

ابتداء بـ السلام ..

السلام بــ نوعيتهـ الدعاء لـ المسلم ..
لما ابتدي بــ السلام .. انها من الاخلاق الرفيعهـ ..

السلام عليكم ورحمهـ الله وبركاتهـ ..

أولاً : السلام :

السلام: هو الأمن والأمان والاستقرار والتآخي..
ومن لم ينعم بــ السلام لم ينعم بـ مال الدنيا وإن كان معه ..
والتفصيل أكثر من بعض أسطر عن معنى السلام ..

ثانياً : الرحمة :

ورحمة ربي وسعت كل شئ ..
والرحمة اخوتي هي من صفات الله عز وجل وقد ورد ذكرها في القرآن ( 79 مرة ) والرحمة هي الرأفه وهي العافيه ..
من كل بلاء والمغفرة من كل ذنب والتكفير عن الخطايا بـ طلب الرحمه والمغفرة ..

ثالثاً : البركة :

والبركة أحبتي هي الدعاء الصالح لكل منا في حياتهـ فـ ندعو لـ فلان بـ أن يبارك الله في طعماهـ ..
مثلاً فإن لم تكن فيه لم يكن فيه نفع لآكله والبركة في الذرية والأبناء ..
والبركة في المال وكل شئ يخص بني البشر ..

اذا لم يكن مباركاً عاد بـ الضرر على صاحبه ..

فـ نظر الى السلام كثير منا يبدأ بـ السلام في مواضيعهـ لــ انها من الاخلاق الرفيعهـ ..

الرد بــ المثيل ..

الرد على السلام هم من الاخلاق .. لكن هناكـ كثير من اساليب ..
غير الاخلاقيهـ بـ الرد .. نظرهـ غريبهـ .. الرد بــ الصوت العالي ... الخ .

الرد بـ السلام اقل شئ .. وعليكم السلام ..
بسيطهـ الرد بس ليهـ بعض ما يرد .. و انا اسميها نوعا من التكبر و الاستغفال ..


kaha .. يعطييكـ العافيهـ ..
موضوع جميل و الواقع في مجتمعنا ..




~ غصــ الروح ـــن ~

 

 

[مجنون البرسا]

kaha .. يعطييكـ العافيهـ ..
موضوع جميل و الواقع في مجتمعنا ..

 

 

[طيف العمر]

حنا الحريم شي ثاني انتو تسلمون ومايرد عليكم
احنا البنت اللي مو حابه تسلم تسوي نفسها ماتشووف او مو مانتبهت لي يقهرررون
وطبعا اسوي مثلهم امر ولا كأني اشوفها هههه ليه غصب طيب اسلم...

كاها يسلمو على المووضوع اللي ينرفز
وكثيريصدوون هالأياام كل هذا عجز زولاااات وربي ههههه
يعطيك العافيه خيووو..

 

 

[روح وريحان]

	تشكر(( kaha)) على الطرح المنتشر بشكل غير طبيعي في مجتمعنا -- انا اتفق مع الأخت (( طيف العمر)) كلامها صحيح 100% هذه الفئه من الناس اذا دخلوا اي مكان يشوفونك ولا كأن موجود اي شخص في المكان يعني سوا في الحسينيه ** اوسافرت معك ** درست معك ** ولااااااااااااااااااااا شيء على الاقل من الأداب فقط انك تقولين السلام عليكم !!!!!!!!!!!!!!!!! انا اسأل ليه هالشيء يصير وبالذات وبالذات بعضهم ما اظلم الكل اذا انخطبت او تزوجت ؟؟؟؟؟؟ مغشي على ابصارهم ؟؟ما ادري في حل ولا لا ؟ بس يكفيني اصير افضل وسلم كل ما اشوفهم ننتظر المزيد من طرحك المتميز

 

 

[kit kat]

انا رائي مع روح وريحان
صحيح كلامها هذا الواقع هلايام
الحمد لله والشكر


أخي كاها
أشكرك على هذا طرح الراائع
والله يعطيك الف عافيه

 

 

[وتين الورد]

/
يا لبى روحك يالغاليه على هالدرر الروعة .. يا روح وريحااان ..

/

فعلاً كلام واقع وبقووووه .. انخطبت أو تزوجت خلاص ما تسلم .. ما ادري السلام يسقط على الخاطب والمتزوج ههههههـ .. مثل ما تسقط الصلاة على المجنون ..

صج شيء يقهر .. ويا علي على اللي يسون روحهم ما يشوفونك يا عمري عليهم
يستهبلووون .. يعني طاحت عيني بعينك ليش تصدين وش خسرانه لما تمدين يدك وتقولين
السلام عليكم .. مرحبا .. اهلا وسهلا .. منوره .. تراها ببلاش ..

ولا بعد في ناااس يا حليلاتهم في الايام العاديه تسلم بس في المناسبات لصارت متزينه
وخر عنها بس كاشخه ممنوع اللمس والاقتراب .. الحمدلله والشكر .. صج صج ناقصات عقل << عاد الحين بيفرحون الرجااال هع

/

كاها ..

ولا يزال التميز يلاحقك في كل مكان .. ربي لا يحرمنا هذا الابداع
ولا شلت يمينك على هذا الصياااغ المبارك ..

شكراً جزيلاً لك ..

/

 

 

[kaha]

اقتباس المشاركة الأصلية كتبت بواسطة ~ غصــ الروح ــن ~ الرد على السلام هم من الاخلاق .. لكن هناكـ كثير من اساليب .. غير الاخلاقيهـ بـ الرد .. نظرهـ غريبهـ .. الرد بــ الصوت العالي ... الخ . الرد بـ السلام اقل شئ .. وعليكم السلام .. بسيطهـ الرد بس ليهـ بعض ما يرد .. و انا اسميها نوعا من التكبر و الاستغفال .. kaha .. يعطييكـ العافيهـ .. موضوع جميل و الواقع في مجتمعنا ..

فعلا اخي في بعض من الناس يبتكر له اساليب في طريقه السلام
والرد انا اتفق معك اتصفهم بالتكبر وفي من ينطق لهم " مفهي "
يكون مو منتبه او سارح فا مارح نحكم على الشخص من اول وهله

غصون / شاكر لك تواجدك بين صفحتي المتواضعه

 

 

[kaha]

اقتباس المشاركة الأصلية كتبت بواسطة مجنون البرسا kaha .. يعطييكـ العافيهـ .. موضوع جميل و الواقع في مجتمعنا ..

مجنون البارسا / شاكر لك تواجدك بين صفحتي

 

 

[kaha]

اقتباس المشاركة الأصلية كتبت بواسطة طيف العمر حنا الحريم شي ثاني انتو تسلمون ومايرد عليكم احنا البنت اللي مو حابه تسلم تسوي نفسها ماتشووف او مو مانتبهت لي يقهرررون وطبعا اسوي مثلهم امر ولا كأني اشوفها هههه ليه غصب طيب اسلم... كاها يسلمو على المووضوع اللي ينرفز وكثيريصدوون هالأياام كل هذا عجز زولاااات وربي ههههه يعطيك العافيه خيووو..

بعد انتو عندكم حركات اي اكيد في سوق
انا امي تشتكي من وحده تقرب لنا في السوق امي تشوفها وهي بعد تشوفها
بس هي تسوي روحها ماتشوفها مادري السلاك بافلوس

طيف العمر / شاكر لك تواجدك بين صفحتي المتواضعه لاحرمني

 

 

[kaha]

اقتباس المشاركة الأصلية كتبت بواسطة روح وريحان تشكر(( kaha)) على الطرح المنتشر بشكل غير طبيعي في مجتمعنا -- انا اتفق مع الأخت (( طيف العمر)) كلامها صحيح 100% هذه الفئه من الناس اذا دخلوا اي مكان يشوفونك ولا كأن موجود اي شخص في المكان يعني سوا في الحسينيه ** اوسافرت معك ** درست معك ** ولااااااااااااااااااااا شيء على الاقل من الأداب فقط انك تقولين السلام عليكم !!!!!!!!!!!!!!!!! انا اسأل ليه هالشيء يصير وبالذات وبالذات بعضهم ما اظلم الكل اذا انخطبت او تزوجت ؟؟؟؟؟؟ مغشي على ابصارهم ؟؟ما ادري في حل ولا لا ؟ بس يكفيني اصير افضل وسلم كل ما اشوفهم ننتظر المزيد من طرحك المتميز

العفو اختي روح وريحان مشكله صراحه الاستغفال هم يفكرون ماننتبه اذا مريت ولا سلمت
والمشكله ماراح ينقص شي منهم ولا راح ناخذ منهم ريال واحد الله المستعان
صحيح يكفي انك تصير احسن منهم لان هذي تحيه الاسلام

روح وريحان / شاكر لكِ تواجدك بين صفحتي لاحرمني

 

 

[kaha]

اقتباس المشاركة الأصلية كتبت بواسطة kit kat انا رائي مع روح وريحان صحيح كلامها هذا الواقع هلايام الحمد لله والشكر أخي كاها أشكرك على هذا طرح الراائع والله يعطيك الف عافيه

كيت كات / شاكر لك مرورك لاحرمني هالمرور

بالتوفيق

 

 

[kaha]

اقتباس المشاركة الأصلية كتبت بواسطة ورود ..~ فعلاً كلام واقع وبقووووه .. انخطبت أو تزوجت خلاص ما تسلم .. ما ادري السلام يسقط على الخاطب والمتزوج ههههههـ .. مثل ما تسقط الصلاة على المجنون .. صج شيء يقهر .. ويا علي على اللي يسون روحهم ما يشوفونك يا عمري عليهم يستهبلووون .. يعني طاحت عيني بعينك ليش تصدين وش خسرانه لما تمدين يدك وتقولين السلام عليكم .. مرحبا .. اهلا وسهلا .. منوره .. تراها ببلاش .. ولا بعد في ناااس يا حليلاتهم في الايام العاديه تسلم بس في المناسبات لصارت متزينه وخر عنها بس كاشخه ممنوع اللمس والاقتراب .. الحمدلله والشكر .. صج صج ناقصات عقل << عاد الحين بيفرحون الرجااال هع / كاها .. ولا يزال التميز يلاحقك في كل مكان .. ربي لا يحرمنا هذا الابداع ولا شلت يمينك على هذا الصياااغ المبارك .. شكراً جزيلاً لك ..

حنا بصراحه غير عنكم الرجال اذا عنده فلوس و وظيفه عدله الناس هي الي تروح
وتسلم عليه وهو مايتنزل حق احد البعض مو الكل /

ياحلو البساطه ياحلو الاخوه ياحلو الاخلاق في التعامل مع الناس وهي ابسط حقوق الناس
التكرم بالسلام على الناس وعدم اخذ الترافع بين الناس اللهم نسالك اللطف فيه

ورود / بجد مرورك اضاف رونق اخر لاحرمني هالمرور لا خلا ولاعدم وفقك الله ورعاك واعطاك على قد نيتكـ

 

 

[ANGEL]

بصراحه أنا شوي ( شوي) مو معكم

لما تسلم خل نيتك بس لله ،، يعني لا تنتظر أحد يرد عليك السلام
حتى بيتك إذا دخلته وهو فاضي سلّم

والأحاديث مشهوره في هالمجال حالياً لا أحفظها نصاً

الشي الثاني ،، أحسنوا الظن ،، حتى لو قابلت الواحد وجه بوجه سلمت وماسلم ،، إخترع له عذر و إنساها له لاتحطها في بالك
يقول الرسول صلى الله عليه وآله : ( إحمل أخاك على سبعين محمل من الخير) ...

بعض الناس يمكن يكون طالع من بيتهم شايل هموم الدنيا وطلعت أنت بوجهه في وقت مو طايق يفتح فمه ،، أكيد فعله خطأ لكن عنده عذره لا تحط في بالك بعد

وبالنسبه عن اللي يصدون عنك ( أو ربما تعتقد إنهم يسوون روحهم ماشافوك ) خلاص على راحتهم مو مجبورين يسلمون ،، لكن لو إنت مريت عليهم وماسلمت فبتأكيد ماراح تكون أحسن منهم وبالتالي أجل لاتنتقدههم ...

طبعاً في أماكن العمل هاذي حكايه ثانيه ،،، نعرف إن بعضهم مايسلم علينا لأننا شيعه حتى إن بعضهم مسوي روحه طيب معاك و يقولك صباح الخير ،،لكنه يقول حق اللي جنبك السلام عليكم،، هاذولا الحمدلله والشكر تعتبر السلام علينا فيها إثم ،، خلهم يولون

،،،

في الحقيقه أنا من الناس اللي لك عليهم في حفظ الأسماء والوجوه ،، وأمر بكثير من الحرج بسبب هالسالفه،، أحيانا ألتقي بناس في أماكن عامه وماأسلم عليهم ،، لأني ماتذكرتهم مع إنهم كانوا معي بالمدرسه لفتره طويله أو من المعارف بشكل عام ،،ويمكن أتذكر إني أعرفهم بعد يوم أو يومين ،،،، وأحياناً بالعكس،، أسلم على ناس بحراره ،،ويطلعون ناس ماأعرفهم ،، وشوف الإحراج عاد ..

أتوقع ماحد بيصدقني إلا اللي يمر بنفس الحاله

 

 

[حامل المسك]

حسن الظن بالأخرين مطلوب شتات الذهن او حتى قلة النظر(الشوف جليل ) زي مايقولون تجعل بعض الاشخاص لايرد عليك السلام او بعضهم لايسمعك كرر السلام عليه وعاتب من تراه اهلا للعتاب لتنبهه الى هذا الأمر وأقبل الآخر اذا عاتبك ولانكثر التدقيق

كاها طرحك مميز مثل تميزك وعليك ومن شاهد الموضوع او شارك به تنبيهي إن وجد مني ذلك

 

 

[ريتاج]

angel
انا اوافق على كلامك
بصراحه انا دايما بقولها إحمل أخاك على سبعين محمل من الخير) ...

كاها تقبل مروري

 

 

[وتين الورد]

انا ضد كلام الاخ / angel

/

مواقف عن مواقف تفرق .. وفي البعض الكثير عيني عينك يطالعك ويعرفك وما يسلم ..
هذا وش بتحمل عليه .. بتقول متضايق نفسياً .. طيب انا وش ذنبي ..

وبعدين شنو هالكلام الواحد شايل هموم الدنيا على رأس وتعال اغفر له .. بالعكس خبر اذا الواحد مهموم
وجاء احد سلم عليه يرد روحه .. وحنا وش ما خذين من الدنيا .. كلها كلمتين وعليكم السلام وان كثرت
وعليكم السلام والرحمه .. فيها شيء ..

بس في نااااس وجهم صبه مثل ما يقولون .. الناااس تحترمه وهو ما يحترمهم وش شايف في نفسك ..
وان دل على شيء فيدل على غروره وقلة ادبه ..

/

مثال بسيط / ما فيه اقوى واكبر من هم الفراق والموت ..
وبالتأكيد وبلا شك اهم المصيبه حالتهم يرثى لها وطبيعي يكون ما لهم مزاج
ولا لهم خلق .. وهذا هم يجلسووون ولمدة ثلاث ايام فما فوق .. ويردون السلام
وغيره ..

لذا اغلب كلامك مو عذر اطلاقاً .. وبالاخير الناس اراء ..

 

 

[kaha]

اقتباس المشاركة الأصلية كتبت بواسطة angel بصراحه أنا شوي ( شوي) مو معكم لما تسلم خل نيتك بس لله ،، يعني لا تنتظر أحد يرد عليك السلام حتى بيتك إذا دخلته وهو فاضي سلّم والأحاديث مشهوره في هالمجال حالياً لا أحفظها نصاً الشي الثاني ،، أحسنوا الظن ،، حتى لو قابلت الواحد وجه بوجه سلمت وماسلم ،، إخترع له عذر و إنساها له لاتحطها في بالك يقول الرسول صلى الله عليه وآله : ( إحمل أخاك على سبعين محمل من الخير) ... بعض الناس يمكن يكون طالع من بيتهم شايل هموم الدنيا وطلعت أنت بوجهه في وقت مو طايق يفتح فمه ،، أكيد فعله خطأ لكن عنده عذره لا تحط في بالك بعد وبالنسبه عن اللي يصدون عنك ( أو ربما تعتقد إنهم يسوون روحهم ماشافوك ) خلاص على راحتهم مو مجبورين يسلمون ،، لكن لو إنت مريت عليهم وماسلمت فبتأكيد ماراح تكون أحسن منهم وبالتالي أجل لاتنتقدههم ... طبعاً في أماكن العمل هاذي حكايه ثانيه ،،، نعرف إن بعضهم مايسلم علينا لأننا شيعه حتى إن بعضهم مسوي روحه طيب معاك و يقولك صباح الخير ،،لكنه يقول حق اللي جنبك السلام عليكم،، هاذولا الحمدلله والشكر تعتبر السلام علينا فيها إثم ،، خلهم يولون ،،، في الحقيقه أنا من الناس اللي لك عليهم في حفظ الأسماء والوجوه ،، وأمر بكثير من الحرج بسبب هالسالفه،، أحيانا ألتقي بناس في أماكن عامه وماأسلم عليهم ،، لأني ماتذكرتهم مع إنهم كانوا معي بالمدرسه لفتره طويله أو من المعارف بشكل عام ،،ويمكن أتذكر إني أعرفهم بعد يوم أو يومين ،،،، وأحياناً بالعكس،، أسلم على ناس بحراره ،،ويطلعون ناس ماأعرفهم ،، وشوف الإحراج عاد .. أتوقع ماحد بيصدقني إلا اللي يمر بنفس الحاله

angel

اكيد راح نحمل على من نسلم عليهم بس في من البعض تسلم في في عده مرات ويكون منتبه لك
ولايرد عليك / شاكر لك تواجدك بين صفحتي المتواضعه سعدتُ بمرورك وفقك الله ورعاك