انســـــــــــــــــــى >> كيف بنســـــــــــــى‎ .....

[kaha]

،
كيف أنسى ؟
وصورته في عيني ترسى !
كيف أتجاهل [ حنين ]
يسكن بقلبي سنين ..!
طمنيني
كيف حاله ؟
عايش بـ دنياه سالي
وإلاَّ يذكرني فـ باله ..؟!
وإن سمع صوت [ الأماكن ]
لا تخلينه يردد :
صاحبك ياقلب روّح
بس باقي فيك / ساكن ..!!
كوني حضن ٍ من أمان
إشعلي فيه الحنان ..
ولاتصيري مرّه ضده
إنتِ مع هذا الزمان !
بشريني ..؟!
هاااهـ
حققتي وصاتي ؟
إبتدى ينسى فؤاده ؟
كلمة آهـ ٍ من شفاته ؟
إن شكى ..
احضني الشكوى بـ قلبك
واحتويه ..
وان مرض ..
اسهري بـ ليلك
وضمِّي الآهـ بيه ..
وان هو مره فيك أخطى
إحضنيه بـ حب ،
وداري العيب فيه ..
وان ضحك
قولي : أحبك
دنيتي محلوّه فيك ..!
وان سأل مرّه علي
قولي بـ إني بخير
حتى لو شفتيني مره
مت من شوقي عليه
كوني له قلب ودفا
ولا تخونين الوفا
ولاتخليني فـ ترابي
أنطق بكلمة [ أفا ] ..!
لما أكرهني بملامك
واسمع فـ قلبك كلامك :
هذا ليه الحين يسأل عنها !
وهي باعته !
حببتني فيه
و..
رااااحت !!
يعني إهيا خاااانته !
لنّي قبل اكتب وصاتي
كنت أشرب دمعته
ميت وأهديته " حياتي " !
همِّي ألمح بسمته

همِّي ألمح بسمته
همِّي ألمح بسمته
همِّي ألمح بسمته
همِّي ألمح بسمته
،
((على الله الي في بالي يفهم))

 

 

[غلا روحي]

كلمات رووووعه جدا كلمات راقية في معانيها
تسلم ع الذائقه الجميلة ،.، واصل في هذا المشوار
يعافيك ربي

 

 

[ابن الشهيد]

اللهم صل على محمد وآل محمد وعجل فرجهم والعن أعدائهم

والله روعة والله قمة في الوفاء حقيقة نادر ماوجدت حال قصيدة كهذه

ألف شكر لك على منقولك الررررررائع

 

 

[همس الجراح]

نبض وأبداع مختلف
وأنسياق لنسكآبة نور ليس لمثلها حد
نقي ندي طاهر مغلف بالحسن يـآ //kaha
قلائد شكر وامتنان لـ سموك

 

 

[kaha]

يسلمو على المرور والتعقيب نورتو صفحتي ..


kaha

 

 

[طيف العمر]

الله الله الله
سلمت
وصح لسسسسانك مليييوووون ولايسدوون
وبيض الله وجهك على هالقصيده الجزله والرااااائعه ,,
الله يعطيك العااافيه ,,

طيوووفه

 

 

[kaha]

اقتباس المشاركة الأصلية كتبت بواسطة طيف العمر الله الله الله سلمت وصح لسسسسانك مليييوووون ولايسدوون وبيض الله وجهك على هالقصيده الجزله والرااااائعه ,, الله يعطيك العااافيه ,, طيوووفه

لكي مني أرقى تحية وتقدير

يفرحني تواجدك في كل مواضيعي يسلمو على المرور ..

kaha