للغيورين..فقط؟؟

أنين الشوق · 13-10-2010, 06:13 AM

بسم الله الرحمن الرحيم...

وهــ يآآآنـــــــــــــآآس
كلماتها تـــرد الــــــروح والله ..انا من فتره طويله مانزلت موضوع..بس هذا الموضوع أثارني وحبيت أنقله لكم..
ولازم لازم لازم تقرونهـ .. إذا مو فاضين الحين خلوهـ لوقت فاضين فيه بس مو تسحبون عليه

هاذي في وحده غيوره على مجتمعنا قصدي(المجتمع السعودي )بشكــل عــام..
..وكاتبه من قلب..وانا حبيت أنقل كلامها..

للواقع المرير الذي نشاهده الأن حتى عندنا صــارت بعض الاشياء والله يستر منها..
لاتقولوا ماوصلت هالاشياء عندنا ..والله وصلت لشبابنا وبناتنا..واحنا نشوف بعيونا..

وهاذي كلماتها..

أنا بنوتة عمري 23

تغيبت عن مجتمعنا السعودي 8 سنوات

ورجعت له من شهرين

بصراحة تفاجأت وانصدمت من التغيرات اللي حاصلة

في المجتمع بكل فئاته وطبقاته .. في النوادي الرياضية..في الأسواق..والأهم في الجامعات والمدارس..وفي المنتديات والمدونات

تمنيت أني ألقى المجتمع تطور للأمام..أو تقدم للأفضل

لكني للأسف لقيت النقيض

.من جد الناس صار تفكيرها وش لبست هذيك ،، وعرس هذي أحلى من عرس هذيك
طيب بعدين وش النهاية ؟
وش سويتي بحياتك ؟
ولا خلاص فلانة أكلت راحت نامت قامت ماتت وبس ؟
قدموا شي للناس
مو وجودك مثل عدمه ، وأحيانًا عدمه أحسن !
الدعوة موجهه للأولاد بعد !

يقول لك المثل

يا بخت من بكاني وبكى الناس علي

ولا من ضحكني وضحك الناس علي

تساؤلات كثيرة أرددها بيني وبين نفسي وما ألقى لها أي جواب

وأنا متأكدة أنها تتردد على كل رزين وعاقل شرواكم

هل لما زادت رفاهية الحياة يزداد تخلفنا؟؟

هل لما تطورالعلم وتسهلت الطرق له يزداد جهلنا؟؟

ليه صرنا مجتمع سطحي

لاهم ولا رؤية ولا رسالة ولا هدف من الحياة

التفكير والتركيز على المنظر والمظهر

فيه كاريكاتير أول ما شفته زعلت

لكن ألحين حسيت إنه أبلغ من كتب ممكن نكتبها

الكاريكاتير يمثل شعوب العالم

فمثل الشعب السعودي

بكرتونات مزينة وإذا فتحتيها لقيتيها فاضية

وهذا واقع البنات اليوم مظهر ومنظر

ولو تقولين لها 1 ×1 كم؟

تنحت

لو تقولين لها وش آخر كتاب قريتيه؟

قالت هااااه

"بغض النظر عن الروايات التافهة اللي طايحين فيها هالفترة"

-----------

لو نص هوس المظاهر هذا كان على عقولنا لكنـّـا أنجح الشعوب

لأنه ببساطة كل شيء متوفر عندنا

لا ناقصنا مال ولا قدرات عقلية

------------------

الأجانب فلوسهم رايحة على تعليم عيالهم وتثقيفهم وصحتهم

تلقين راتب الأب والأم ضئيل ومستحملين شظف العيش عشان يرسلون ولدهم برى يدرس شهادة عليها القيمة

بينما عندنا يستحملون الديون والأقساط عشان تسوي زواج كله إسراف وتبذير وآخرته الناس طالعة منتقدة

وإلا ديون وأقساط عشان تقول صيفنا برى شهر كامل

والله أعرف وحدة شخصيا تقول السفر بالنسبة لي عذاب لأننا إذا سافرنا

طول السفر طقاق أنا وزوجي وأنا أحرسه لا تناظر وهو يحرسني لا تناظرين ..قلت طيب خلوا سفركم لبلدان محافظة أو لا تسافرون حطوا فلوسكم في
البيت تغيير ديكورات وأثاث

عصصصبت قالت خيييير سلايفي لين سولفوا أصير بينهم ما سافرت

وإلا إذا سولفوا صديقاتي إلا أنا ما سافرت وش بيقولون عني

!!!!!!!

مافيه تعليق

-----------------------

أنا لما جيت بعد هذي المدة توظفت في بنك

ولاحظت إنه إذا جت العميلة أم ساعة ألماس فخمة وشنطة قوتشي الكل يتبادر لخدمتها

وإذا جت العميلة اللي مظهرها ما فيه بهرجة.. تستجدي الموظفات يجون يساعدونها

والمضحك في الوضع إني ألاقي العميلة البسيطة ما شاء الله حسابها شي وشويات..وهذي أم البهرجة حسابها بالسالب(عليها قروض وسيارات تقسيط)..
وعنوانها يا إما شقة وإلا أجار

مو انتقادي على القرض ولا على السكن انتقادي

هو إنك مكلفة نفسك بالديون والقروض عشان شويتين نظرة إعجاب من الناس

بس ما ألومك لكن ألوم المجتمع اللي صار سطحي..يحكم عليك بموديل جزمتك

----------------

أول تصنيفنا للمجتمع كان

جامعية

مثقفة

عاقلة

متربية

قليلة أدب

دينة

بنت ما ربوها أهلها

يعني كان مقياسنا

الدين والتعليم والتربية

أما ألحين

صار تقسيمنا للمجتمع

لو كلاس

هاي كلاس

بنت ستايل

بنت قروية

فعلا تصنيف متخلف رجعي سطحي

يعني رجعنا للجاهلية

وإحنا ألحين ننادي بالعولمة والعالمية والتطور والتحضر

الحضارة تبدأ بالعقول

-------------------

من جد من كثر ما أنا منهارة من هالوضع والله مو عارفة وش أكتب

أروح لنادي رياضي او أعراس ألاقي ملابس يستحي إبليس يلبسها

والصداقات اللي تجاوزت جميع الخطوط الحمراء عند البشر.. وفي اعتقادي حتى البهايم تتبرأ بنفسها إنها تسوي اللي نشوفه
في الأماكن العامة او المدارس بين الاولاد وحتى البنات..؟؟؟ أحضان سخيفة ولمسات والله المتزوجة تحتاج مدة على ما تتجرأ تسويها مع زوجها
أسفه على الجرأه..ولكن هذا الواقع للاسف..

المشكلة إن أول كان هذا الشيء

نكرة + قلة تربية + عند المراهقين + خفية عن الأعين

أما ألحين

علنا قدام الله وخلقه + بنات كباااار

تجيك أم 23 أو 24 سنة عندها على قولهم "خوية".. آآه بس

أي مجتمع بتربين ؟؟ وأي نشئ بيصعد على يديك؟؟

من أسبوعين اتصلت وحدة سعودية على فوزية الدريع قالت أنا معلمة كلمت واحد وحبيته وقال..و..و..وكملت تفاصيل حماقتها ..
اللي من جد فشيلة على القنوات ينقال أنه هذي سعودية

قالت لها الدكتورة

"..وش هالخداج معلمة وهذا عقلج.. أي جيل بتخرجين لنا..وين مخج..وين تربيتج "

الخداج: هو الجنين في بطن أمه إذا تعدى الشهر الخامس

يعني تعدينا مرحلة أنهم رجعوا للمراهقة.. هم رجعوا لما دون ذلك

-----------------------------

وين الحياء؟؟

مات؟؟

وإلا نخنقه عشان ما يسيطر على تصرفاتنا؟؟

وإلا اللي كان ماسك البنات شدة الأهالي؟؟ لما خفت شفنا الهوايل؟؟

وإلا الدين انحصر في صيام 30 يوم في السنة و5 صلوات في اليوم بس؟

ولاحفلات التخرج وحفلات الاعراس وغيرها والدي جيه شغال

كلها معازف وأنواع التفنن موسيقى وعود وأورج

وإلى آخر الليل وإلى الثلث الأخير.. وعادي .. ما فيه اللي يقول للغلطان تراك تماديت بالغلط

آخر الليل إذا ربي تفضل علينا ونزل لسمانا الدنيا

هل من داعي؟ هل من مستغفر؟ هل من تائب؟

عذرا يا رب إحنا مشغولين ؟؟

تجيك الوحدة تشتكي ..

تقول ياربي أنا كنت أكلم واحد وحبيته

ولما تزوجت ما حبيت زوجي وتحملت قلة حبي له وبعد كذا اكتشفت إنه يكلم وحده وانهارت أعصابي

طيب.. وين الغريب في الموضوع

ربي قالها مدوية في القرآن وصريحة

"الخبيثاتُ للخبيثين والخبيثون للخبيثات والطّيِّباتُ للطّيِّبين والطَّيِّبون للطَّيِّبات"

يعني قمة الخبث والخيانة

خنتي أهلك وربك وتبين واحد طاهر.. نظيف... قلبه عذري

مافي حياته إلا أنتي

وأنتي في حياتك عشرة قبله

عجب

!!!

--------------------------------

هذا غير الصور الشخصية وعبارات وصورالتوقيعات اللي كلها إيحاءات سيئة وسخيفة

وفيديوهات التوقيعات قليلة الادب..هذي لها نصيب الأسد في السوء

إحنا أرقى من كذا

ولا الاسواق ..أاه على الاسواق..
ألـي مو عايز يشتري يجي يتفرج..
البنات..بعبايتهم المخصره والمزركشه ..والمكياج..

أما حكاية العبايات هذي يعني من جد كارثة

أقابل ربي في الصلاة محجبة

وأقابل الشباب في السوق بالعيون اللي فيها كيلو مكياج والغرة المنسدلة

أي تناقض هذا؟

أي ديانة هذي؟

أي أخلاق؟

عبايات وإلا فساتين؟

القضية اجتاحت حتى الأمهات

حريم كبار والله الشعر اللي فوق أذنها بدى يغزوه الشيب وتقول لي

تعرفين غرز الكروشيه بأحطه في عبايتي

يعني خافي الله في هالشيبات
جده والله العظيم

وش بقيتي لبناتك المراهقات
إذا أنتي بتزينين عبايتك بورد كروشيه
ماألومهم لو طلعوا من غير عبايات

والاولاد..بالبلايز والبنطلونات المخصره..
واخر الصيحه(طيحني)..ألا (فشلني) الله يفشلك..
والشعور حدث ولاحرج..والاكسسوارات,,ياسلااااام..

ولا ألوان الجزم والشنط عند الاولاد والبنات..موضه الفسفوري,,(لاخضر والبرتقالي وغيرها)
تقولك غصب طالعني..
------------------------
بعض المجتمعات

هناك المحجبة ترفع راسها بحجابها ومحد قدها

وعندنا هنا اللي عبايتها ساترة ناقص تدخل في الجدار من الحياء

تخاف يقولون عنها متخلفة

ياإنها مسوية كابوس هذي الكلمة للبنات

تذبح أمها وأبوها بس لا أحد يهمس بكلمة متخلفة

هناك تلقين البنت تقرأ كتب عليها القيمة
مثل
"ذا سيكرت - نساء من الزهرة- أسعد امرأة في العالم- سلسلة شوربة الدجاج..."
هنا تلقين في يدها رواية للهابطين اللي خسارة أكتب اسمهم هنا

-------------------------
نقطة إضافية
البلاك بيري..و
البلوتوثات والهوايل اللي فيها..
العين تزني وزناها النظر
لو أقول لك شوفي فيلم إباحي قلتي لا حرام
طيب وهذا
ليس إلا اقتباس لأقذر ما في الفيلم
!!
رسايل الجوال والنكت الجريئة
والله لو أقول لوحدة قولي الكلمة السوقية الشوارعية هذي بلسانك
قالت مستحيل بس لما تنكتب كرسالة جوال تصير كلمة عادية
لا ومضحكة بعد..تسمعين الضحكات الرنانة ..
ما أدري هل القذارة صارت تضحك؟؟
والله لو ولدك وإلا أخوك قالها
كان صرختي: عيب عليك ترى بأحرقك بالنار عشان تتأدب
----------------------------
قبل أي فعل تقدمون عليه
لا تحكمون إيمانكم لأن يمكن إيمانكم ضعيف في هذي الفترة أو يمكن لا سمح الله أنه ما فيه إيمان في هالفترة
إحنا عارفين عقيدتنا تقول الإيمان يزيد بالطاعات وينقص بالمعاصي

ولا تحكمون قلبكم لأنه ممكن قلبكم يكون قاسي في هالمرحلة
حكموا عقلكم لأن العقل هو نفسه ما يتغير
قولوا هل لو كنت مريضة لا سمح الله بأسوي هذا الشيء
إذا الجواب إيه
أقدموا معناها إنه حلال وخير ولا تستحون منه إذا قابلتوا ربكم
وإذا الجواب لا
معناها تراكم تجاوزتوا حد مع ربكم.. وبيكسر هالشيء عيونكم أنك تقابل ربك وأنت مسويه..

دعوة عملاقة أبعثها من هالمكان الراقي

حملة أتمنى نبدأها ونكون قدها ونوصلها ونسمعها الجميع

كفى..استهتارا

كفى ..تراجعا

كفى ..تنازلا

شدوا الهمة وساعدوني

أثروا الموضوع بردودكم الهادفة

ياأصاحب العقل الرزين..أدلوا بدلوك.. نوروناا بآرائكم الهدافة

ياصاحبة الثقافة..ساهمي في تثقيفنا

هذا اللي جرأ بنات الغلط على المجاهرة..وهو إن صوت أهل الدين والعقل والرزانة واطي

علوا أصواتكم خلونا نسمعها ونسمّـع غيرنا

قال تعالى: { ألم يأن للذين آمنوا أن تخشع قلوبهم لذكر الله وما نزل من الحق ولا يكونوا كالذين أوتوا الكتاب من قبل
فطال عليهم الأمد فقست قلوبهم وكثير منهم فاســقون}.‎(1)

-----------
مخرج

أصـدر المولـى بــيـانه . . . أيــن أنـتِي يـافــلانــه

إفــتحـوا ديـوانـها ولــ . . . تــنـظروا في كـل خـانه

موقــف صعـب رهـيب ... أسـأل الـله الإعانــــة

حيـــن أدنو من إلهي ... دون ستـر أو بطانـــة

يحاكيني جهارا ... كيف أديـت الأمـــــــــانة

حــيــنهــا تشـعر مـثـلي . . . أنهـا حقـا جَبَـانـه

كـم قـضـيت الـعـمـر هــدراً . . . بيـن غـيٍّ ومَـجَـانــه

يـا لـقـلـب الـسـوء أرخى . . . لــلـهـوى الــعَاتِـي عَـنَانَه

فــي متـاهـات الـمـعاصي . . . يــخـسر الــقلبُ رهــانَه

مـن يـجـيـب الله عنـي؟! . . . مــن سـيـعـطـيـنـي لــسـانـه

لـحـظـة مــن هـولـها لا . . . يـملــك الــعـقل اتــزانــه

ضــاع مفـتـاح الــنــهـى . . . واخــتَّـل مـيــزان الــرزانه

أسفه على الأطاله..بس حبيت أنقل شي بسيط حاصل بمجتمعنا..والله يستر على الجميع..

lovly z

الغروب · 13-10-2010, 09:50 AM

بسم الله الرحمن الرحيم
والصلاة والسلام على خير الخلق والمرسلين
يعطيك الف الف الف الف عافيه على هالكلام

Habib Hussain · 13-10-2010, 02:50 PM

السلام عليكم ورحمة الله وبركاته

هذا يعتبر شيء بسيط من الذي يحصل عندنا الظاهر ما بعد تشوف الكثير علشان تنتحر مرة وحدة امزح طبعا

صحيح دول العالم تتطور الا احنا نرجع للخلف ,,,

وهذا ليس بالجديد علينا

ما نقول الا

الله يكون في عوننا

تشكرات على النقل

بالتوفيق جميعا

أنين الشوق · 15-10-2010, 06:48 AM

الغروب_
الله يعافيك على المرور والمشاركه..
أنرتي صفحتي..

أنين الشوق · 15-10-2010, 06:58 AM

اقتباس

المشاركة الأصلية كتبت بواسطة نور الإيمان


	السلام عليكم ورحمة الله وبركاته هذا يعتبر شيء بسيط من الذي يحصل عندنا الظاهر ما بعد تشوف الكثير علشان تنتحر مرة وحدة امزح طبعا صحيح دول العالم تتطور الا احنا نرجع للخلف ,,, وهذا ليس بالجديد علينا ما نقول الا الله يكون في عوننا تشكرات على النقل بالتوفيق جميعا

وأنتي الصادقه..في بلاوي الله العالم فيها..
ومشكلتنا نحن دائما" نميل للخراب أكثر من الصلاح..بأسم التطور..
الله يصلحنا ويهدينا..
نور الايمان
ألف شكر على مرورك العطر..ومشاركتك الرائعه..

lovly z

ميمي كاتي · 16-10-2010, 11:40 PM

.. مشكورة على الطرح المميز
... وكلامك 100 % صح
.. و يعطيك ألف عافيه على هالكلام

مع .. شكري وتقديري
ميمي ..

أنين الشوق · 17-10-2010, 12:56 AM

ميمي كــــــاتي..

مـــــــرورك الأروع..أنرتي صفحتي بتواجدك..
يسلمووووو

عنادي سما · 17-10-2010, 02:16 PM

مشككوووره الله يعطيك العافية

أنين الشوق · 18-10-2010, 03:34 AM

ويعافيك..ويسلموو على مرورك..

ظلام الليل · 24-10-2010, 02:21 AM

انالله وانا اليه راجعون .. سترى الله على الجميع
<<وماابرىء نفسي ان نفس لاأمارة بسوء الامارحم ربي >> صدق الله العظيم
الاخت الفاضلة .. لك الشكر الجزيل على هذا الموضوع الشيق والمؤثر .

أنين الشوق · 25-10-2010, 02:38 AM

ظــلام الليل

أشرقت صفحتي بمرورك العطر..
يسلموووو

13-10-2010, 09:50 AM	رقم المشاركة : 2
الغروب طرفاوي مشارك	رد: للغيورين..فقط؟؟ بسم الله الرحمن الرحيم والصلاة والسلام على خير الخلق والمرسلين يعطيك الف الف الف الف عافيه على هالكلام توقيع الغروب : اللهم صل على محمد وآل محمد

13-10-2010, 02:50 PM	رقم المشاركة : 3
Habib Hussain طرفاوي نشيط	رد: للغيورين..فقط؟؟ السلام عليكم ورحمة الله وبركاته هذا يعتبر شيء بسيط من الذي يحصل عندنا الظاهر ما بعد تشوف الكثير علشان تنتحر مرة وحدة امزح طبعا صحيح دول العالم تتطور الا احنا نرجع للخلف ,,, وهذا ليس بالجديد علينا ما نقول الا الله يكون في عوننا تشكرات على النقل بالتوفيق جميعا توقيع Habib Hussain :

16-10-2010, 11:40 PM	رقم المشاركة : 6
ميمي كاتي طرفاوي فائق النشاط	رد: للغيورين..فقط؟؟ .. مشكورة على الطرح المميز ... وكلامك 100 % صح .. و يعطيك ألف عافيه على هالكلام مع .. شكري وتقديري ميمي ..

17-10-2010, 02:16 PM	رقم المشاركة : 8
عنادي سما طرفاوي بدأ نشاطه	رد: للغيورين..فقط؟؟ مشككوووره الله يعطيك العافية توقيع عنادي سما : ‏كسّبتَ أصّحآب منْ طِيبٍ فِينِي . . مآنِي علّى مصَلحةْ إنّسآنَ حَنِيتْ . . أعّتزَ فِي كلَ خطّوهـ’ و أرّفعَ جَبينيْ’ و أقُولَ تَرآنِي علّى يد . . . . . . . . . . . . . . ( مآمآ وبآبآ) ترّبِيتَ !

24-10-2010, 02:21 AM	رقم المشاركة : 10
ظلام الليل طرفاوي بدأ نشاطه	رد: للغيورين..فقط؟؟ انالله وانا اليه راجعون .. سترى الله على الجميع <<وماابرىء نفسي ان نفس لاأمارة بسوء الامارحم ربي >> صدق الله العظيم الاخت الفاضلة .. لك الشكر الجزيل على هذا الموضوع الشيق والمؤثر . توقيع ظلام الليل :

الذين يشاهدون محتوى الموضوع الآن : 1 ( الأعضاء 0 والزوار 1)