أبي أي شخص يفهمني و يواسي جرحي الدامي

[رجل المهمات الصعبة]

السلام عليكم ورحمة الله وبركاته


طلبتك يا زمن وقف قبل ما تنهي أيامي



بعيش اللي بقى من عمري ترى باقي أمل فيني







عدمت الفرحة في عيني و بعد ناوي على إعدامي



حرام تسوي كل هذا ترى اللي فيني يكفيني







أشوف و ما أشوف إلا عذاب بداخلي حامي



يجي أحيان يخليني بغيبوبة و ينهيني







أبي مره و لو مره أشوف الفرحة قدامي



و لكن وينها الفرحة أموت و ما تعزيني







قضى عمري و انا أعطي غيري بالفرحة و انا ضامي



أفرحهم و أجاملهم و انا بحر الحزن فيني







كبيرة حيل طعناتي و كبيرة ارماحي و اسهامي



أطيح و رافع ٍ إيدي أبي أحد ٍ يقويني







أبي أي شخص يفهمني و يواسي جرحي الدامي



أجي كل يوم متضايق و أبي من يواسيني







ملامح وجهي عطاها الشقى و الهم و اوهامي



كأن الوقت في عمري خلق ضيقة تخاويني







أجي بك يا زمن أركض أسابق خطوة أقدامي



و مصيبة يوم انا جيتك من الأحزان تسقيني







وصلتك يا زمن ميت أبي تجمع لي احطامي



وصل لرحمتك و أنت و ضميرك لا تخليني







و ربي قمت احس إن الألم يفرح بآلامي



و حتى أصابعي بيدي تساوت عندي بعيني


تحياتي

رجل المهمات الصعبة

 

 

[فرج الله قريب]

مشكورة أخوي رجل فالمهمات الصعبة
القصــيدة في قمـــة الروعـــــــة
الله يعطيـــــــك العــــــافية