إن كان تحسب عزتي تحت أياديكـ..

[نبض الروح]

السلام عليكم

إن كان تحسب عزتي تحت أياديك ....علم غرورك عزتي مالها حد


وإن كنت بايعني وأنا قبل شاريك....اليوم أبيعك وأقطع الوصل وأصد


لاتنخدع في كلمتي ياهلا فيك ....ولاتنخدع لو قلت حبك تجــــــدد


أول ترى بالهجر ماني بناويك....مستبعد إنك تنكر الحب والــــــــود


لين إنكشف قصدك وبانت مواريك....طعنتني والغدر من صوبك إشتد


كم قلت لك مليون مره ترى أفديك ....لاكن حسافه غلطتك دوم تجحد


وكم قلت لك إحذر من إني أجافيك....لاتزيد غلطاتك ترى الحال منهد


لاكن هذا إنت طبعك يوديك....إنت الخيــــــــــــــــانه والغدر فيك مولد


تقدر تجيب القمر تحت رجليك ....وتقدر تحط الشمس على راحة اليد


وتقدر تذل قلوب نفس تداريك....وتقدر تجيب من الحجر مويت الورد


لاكن لوجيتني مع أولك وتاليك....مع القمر والشمس مع مويت الورد


ماتهز شعره في قلب من يحاكيك....عند الكرامه كل شئ وله حد


عند الكرامه نمشي بدرب المهاليك ....نارد حياظ الموت لاكم لاعد


من قبل حبك فوق عرش المماليك ....واليوم حبك تحت رجلي تمدد


روح في دربك عسى الله يهديك ....سافر ترى مثلك خساره به الود


وأنا بعد هاليوم ويش أبي فيك....بدور اللي يحفظ الحب من جد


واليوم أنا يادفتري جيت أعزيك ....زمان ماشفتك ياقصيدي توجد


هات القلم أبغاك تشكيلي وأشكيك....إنت الخوي وخابرك ماتبيح السد


أبيك تقول لكل مغرور يجافيك .... --|علم غرورك عزتي مالهاحد|--


تحياتي نبض الروح

 

 

[أحسائية]

تعجبني القصآئد من هذا النوع
سلمت يداكِ
موفقة

 

 

[ابن الشهيد]

اللهم صل على محمد وآل محمد وعجل فرجهم والعن أعدائهم

جميلة هذه القصيدة نظمها سبكها سهولتها وضوح المعنى

لكن تعجبني القصائد الموعظة والحكمة ايضا

 

 

[نبض الروح]

شكرا على مروركم العطر نورتو صفحتي

 

 

[اول حب]

تــ ــســ ــلم يمناك على القصيده الراااائعه نبوض

ربي يسعدك القصيده جميله كاجمال صاحبها الله

يعطيك الف عافيه وربي يسعدك وين مارحت تقبل

مرورى على صفحتك بــ ـــنــ ــتــظار جديدك تحياتي لك

 

 

[علاوي]

تــ ــســ ــلم يمناك على القصيده الراااائعه
بــ ـــنــ ــتــظار جديدك

 

 

[بحر الشوق]

ابيات جميلة تستحق قراتها