تقرير رحلتي الى بريطانيا مرفقة بالصور

[الساهرة]

رحلة اليوم عن مكان سحرني اكثر مكان ارتاح فيه

ويمكن اكثر مكان زرته

وهي الحديقه الي بجنب السكن

تقريبا يومين ازور الحديقه هذي امشي فيها لساعات

يمكن تكون في نظركم عاديه لكن بصراحه الجو لوحده يكفي تمنيت لو قدرت احط لكم الجو بين سطور التقرير

لكن ربما تشرح الصور بعض اجواء هذه الحديقه

اترككم مع الصور











ابو فاطمه وفاطمه اشحلاتهم ههه




البحيره








وهذي البطه مع الالعاب




اتمنى انكم استمتعتم مع رحلة الحديقة

كانت عندي صور كثيره بس للأسف هذا ما تبقى منها...


التقرير القادم رحلة الشواطئ

جور ومامبلز


انتظرروني


تحياتي لكم

الساهرة

 

 

[نورة عبدالله]

روعه روعه الصور الله يهنيك
يلا نبقى نشوف الرحله اللي بعدها حمستينا

اللحن الحزين

 

 

[M.ǾŻĬļ]

.

.

// بسم الله الرحمن الرحيم //

.

أي هذي الحدايق .... مو حدايقنا مافيها إلا نخلتين وكل وحده زعلانة من الثانية


بريطانيا ... جمال الطبيعة بصراحة


هنيئاً لج أختي وعقبالنا إن شاءالله





في أنتظار رحلة الشواطئ ...عجلي علينا

 

 

[مثالية]

الحمد لله على سلامتكم

عيشتنا جو مع الصور / يعطيك العافيه

 

 

[الساهرة]

--------------------------------------------------------------------------------

اقتباس روعه روعه الصور الله يهنيك يلا نبقى نشوف الرحله اللي بعدها حمستينا اللحن الحزين

وجودكم وتشجيعكم هو الاروع وانتضرونا مع بقية الرحلة


شاكره لك مرورك

تحياتي

الساهرة

 

 

[الساهرة]

اقتباس // بسم الله الرحمن الرحيم // . أي هذي الحدايق .... مو حدايقنا مافيها إلا نخلتين وكل وحده زعلانة من الثانية بريطانيا ... جمال الطبيعة بصراحة هنيئاً لج أختي وعقبالنا إن شاءالله في أنتظار رحلة الشواطئ ...عجلي علينا

صحيح هناك الخضار تلقاه بكل مكان لدرجة انك بتلقاه بين الطبوق المصفوف في الاسوار وغيره

حتى الدواب مشاء الله تحس انها متغذيه زين حتى اني مره شفت خروف اشمتنه يرعى بهالخضار قلت هذا لو اخذه السعوديه يومين

بينتحر هههه

بس تبقى بلادي وان جارت علي عزيزة وهذي جنتهم بالدنيا ولنا بالاخره ان شاء الله ( وللأخرة خير لك من الأولى )

ولا يهمك يا اخوي جاري التحضير للحلقه القادمه


شاكره لك المتابعه

تحياتي

الساهرة

 

 

[الساهرة]

اقتباس الحمد لله على سلامتكم عيشتنا جو مع الصور / يعطيك العافيه

الله يسلمك اهم شي انكم استمتعتم معها وان شاء الله القادم اجمل


تابعونا

تحياتي

الساهرة

 

 

[سُندس }]

/



الساهره روعه رحلتك حقيقه احس فيها تغير جو با القوه ..






أما هاذي عجبتني حيل ياليتك ساحبتها عندنا جنب بيتنا هههه .

حديقه تروح عن النفس حقيقه .




/



يعطيك العافيه الساهره

رحله موفقه .

الله يعودها عليك وعلينا .







:

 

 

[حلى الشرقيه]

يااااااااااعلي
اما الحديقــه أكثــر من روعــه والـجو يوديك عآلم ثآنـــي
بجد خشيت جـوٍوٍ وتمنيت آكون هنآك

اقتباس حتى الدواب مشاء الله تحس انها متغذيه زين حتى اني مره شفت خروف اشمتنه يرعى بهالخضار قلت هذا لو اخذه السعوديه يومين بينتحر هههه

هههههههههههه والله صدقتــي
السآهرٍه

لآيوقف لآ يوقف لآ يوقف

 

 

[الساهرة]

خيتو الدانه انتي الاروع والاروع والاروع


ياريتك كنت وياي كان اونس الوناسه ههههه تصدقين عاد في الروحه وفي الرجعه الكرسي فاضي الي بجنبي يعني شيضر لو جيتي الطياره طايره طايره


يسلموو على المرور خيتو وتابعينا لا تبعدين

 

 

[الساهرة]

اقتباس يااااااااااعلي اما الحديقــه أكثــر من روعــه والـجو يوديك عآلم ثآنـــي بجد خشيت جـوٍوٍ وتمنيت آكون هنآك

يلا وش رايج نسوي قروب طرفاوي للبنات ونشيل الشيله وانروح


ان شاء الله بس تتعدل امور الانتر نت ارفع بقية الصور وانزل التقرير الجاي قريب


انتظرونا

شاكره لك تشريفك

تحياتي

الساهرة

 

 

[الساهرة]

اليوم التقرير في بعض الاحداث اولها رحلى (( ماملبز )) والثاني تشريف ولدنا العزيز وقمر ((آل مسبح)) أحمد أنور ويلا نشوف التقرير طبعا ما بعلق واجد الصور لحلها تتكلم...

الرحلة بدأت الساعه 9 صباحا

توجهنا لموقف الباص المتوجه نحو مامبلز وقطع ابو احمد تذاكر مفتوحه لذهاب والعوده واخيرا ركبنا الباص



بعد تقريبا نص ساعه او ساعه الا ربع وصلنا



المكان يصلح جدا حق بعض الناس الي يعشقون الصيد والرحلات البحريه وتلاحظو كثرة السفن والزوارق وكيف ان كل المعدات موجوده ومجهزه للصيد والي يرغب بالصيد





الخضار الي تشوفوه هذا جبل واستغرب هناك الجبل ملاصق للبحر ولاحظو الجزر في البحر يذكرنا بالعقير ههه مشوار على ما تلمس البحر





كشته بالطراد



وهذا هو مدخل الطردات والزوارق



واكيييد طيورنا الجميله اصدقاء فطوم بنشوفهم بكل مكان



ورحله فيها فطوم وما بوها العاب ما تصييير

مشاء الله عليها شافت هالبرتقالي من بعيد وقال اعابي ((العابي))

ووداها ابوها





وفي هالوقت بدت عصافير ودجاج ودياكة بطونا تصوصو نبي نفطر

واكيييد اهم هدف من هداف هالرحله هو الفطورر باحد المخابز اللذيذه الي تطل على البحر

وبعد بكاء وعويل من البطه لانها مو راضيه تطلع من الالعاب توجها نحو جهة المطاعم



الماك بتلقاه هناك بكل مكان ^_^

دخلنا المخبز وبدو فاطمه وابوها ينزعوا جاكيتاتهم هالاثنين ما يطيقو شي اسمه حر




شكل الخبز والفطاير قمه في الاغراء والطعم جد جدددددد لذييييييذ


طاولتنا وفطورنا

عباره عن عصير برتقال وفطيره جبن ويها اشياء مدري ويش وايضا شيبس




خصلنا فطور طلعنا نكمل الجوله

وتقريبا الساعه 1 توجهنا لستي سنتر بالباص اخذنا جوله بالسيتي سنتر وبعدها رحنا احد المطاعم الحلال هناك وطلبنا الاكله البريطانيه المفضله

فيش اند شيبس وفعلاااا لذيذه والي يبي يذوقها في العثيم مطعم لندن يبيع نفس الاكله




بعد ما خلصنا

بدت ام احمد تشعر بالتعب لاننا مشينا تقريبا 6 ساعات وقررنا نروح البيت عشان هي ترتاح

وفي الليل ابتدا الطلق يحمى والظاهر ( الجنين ) غار ويبي يطلع بسرعه عشان يكمل تمشيات ويانا

بعد صلاة المغرب راحو ابو احمد وام احمد المستشفى والدكتوره خرتهم ان المولد بيشرف بعد ساعات

رجعو البيت وقررو يروحو الصباح لكن احمد ما صبر يادوب جامل امه وابوه الى صلاة الفجر راحو المستشفى


والمستشفى كان قمه في الترتيب والعنايه وهذا سهل كثير امور الولاده



ابو احمد بقي مع ام احمد طول فترة الطلق وكان خير زوج وخير اب وخير معين بعد الله

وانا بقيت بالبيت ويا البطه

واخييييرا شرف المولود السعيد أحمد



وقتها عيدت العايلتين ما تتخيلو ردة فعل الاهل والناس ما ان انتشر الخبر حتى بدا جوال ابو حمد يستقبل سيل من المكالمات من كل مكان فعلا عرفت مكانة اخي ومعزته عند الناس وقتها بالرغم اني ما اشك بهذا الشي لكن ليس بهذا الحجم

ما الومهم ولا الومك يا اخوي انت انتظرت احمد حتى قبل ما تتزوج والان جاء بعد 12 سنه ^_^

الف الف مبروووك ويتربى بعزك وبحظنك




فرحة الناااس غير وفرحة الاخت الكبيره غييير اكلمكم عن فاطمه انور الي الفرحه كانت معها غير ولا طابع خاص

والاستقبال كان مو بس حار الا كان نار هههه



بعد يومين رجعو ام احمد وحمد البيت وكان يوم الفرحه لنا جميعا واكثر شخص متحمس كان فاطمه لدرجة انها كانت هي الي تهتم بالبيبي الجديد اخوها



انشغلنا كثيرا بالمولود الجديد ولان فاطمه كانت مراعيه جدا لهذا الحدث الجديد اخذت تعمل بعض الامور المنزليه لتساعدنا من ضمنها تولة مهمة الطبخ مشاء الله عليها ربي يحرسها من العين




وبكذا نكون خلصنا حلقتنا لهذا اليوم


الرحلة القادمة الى أجمل شواطئ بريطانيا (( جور )) اجمل صور راح تشوفوها عشان كذا اقول لكم لا تبعدو كثير


تحياتي للجميع

الساهرة

 

 

[سُندس }]

/




أكشنااااات الساهره ..

اقتباس ياريتك كنت وياي كان اونس الوناسه ههههه تصدقين عاد في الروحه وفي الرجعه الكرسي فاضي الي بجنبي يعني شيضر لو جيتي الطياره طايره طايره

يؤؤؤ كان زين كان استوت حفله في الطائره ههه

وصارت حفلات ووناسات واااااجد ..

مره ثانيه مايصير ماتمري تاخذيني عشان نستانس معك

والجو العليل هناك .



/




بصراحه رهيييييبين الصور حيل حيل

رحله ممتعه وحمدلله ع سلامة ام احمد

الله يخليه وتبلغون فيه ياربي هو وفطومه .



ننتظر ايضاً .






/

 

 

[حلى الشرقيه]

اللهم صل على محمد وآآآل محمد



مبــروك مـبـروك
والحمدلله على سلامتهم ويتربى في عزكم
والله يحفظه ويخليه وتبلغون فيه يآربـ ..
عآد حمودي قآعد يلحس علينآ يعني يقول شوفوآ آنه انولدت في بريطآنيآ
ههههههههه

السآهره
سيري ونحنوآ وراكِ

 

 

[الساهرة]

دندوونه عزيزتي مشكوووره على المتابعه

والله يسلمك وعقبالك نفرح فيك ^_^

والجاي أحلى وأحلى ان شاء الله


حلى الشرقيه

الله يسلمج ويعافيج


وثانكيو فري فري مااااتش على المتابعه



تابعونا

تحياتي لكم

الساهرة

 

 

[بندوره]

رحله رائعه وجميله ننتظر الباقي وتقبلو تحياتي

 

 

[الساهرة]

بندوره يسلمو على مرور عزيزتي

تحياتي

الساهرة

 

 

[الساهرة]

هذه الصور لأحد اروع وأجمل الحدائق بسوانزي الصور هي من ستعلق على نفسها

اترككم تتفرجون مع الصور



































من الجدير بالذكر اهتمام الدوله بالأطفال لذا نجد انهم يهتمون بكل صغيره وكبيره ومن ضمنها وضع اسفنج تحت كل لعبه حتى لا يتأذى الطفل في حال وقوعه لا سمح الله :cipollinocoolpq9:





تحياتي للجميع

الساهرة

 

 

[تاروتية]

::





والله فله رحلتك يالساهرة
حمستينا نروح بريطانيا شكلي شهر العسل بخليه فيها
بس تجي معنا مرشد سياحي عللى حسابك لكن
إلا بسألك كم تكلفة التذكرة ؟

 

 

[هايمه في حبه]

تسلم ايديك ياقلبو
صراحه شوقتيني
وخصوصا اني احب التصوير مررره
وننتظر القااااادم