تبي تزوج حماها‎اا

[صفاء الروح]

تبي تزوج حماها‎اا

--------------------------------------------------------------------------------




بنات بكتب لكم قصة سمعناها من فترة وصدق صدق القصة عجيبة وحقيقية يمكن سمعتو بهاا ..!!

كانت في مُدرسة تسولف بالدوام وتقول صراحة انا زوجة حماي(الحمى اخو الزوج) حيل طيبة وعلى نياتها وماتشوف غير بيتها وزوجها وطلباتها

احس انها مو مهتمة بحماي كرجل (يعني ماتكشخ له وتسوي له جو) لدرجة طيبتها مرات اقول يلا ياحمارة قومي سوي شاي وقهوة(على اساس مزح) وبنت الحلال هذيك تسوي(حاطة في بالها انها مثل اختها وماتدري أن المُدرسة تستهزىء فيها)
شوفو الحريم وخبثهم
شافت معاها مُدرسة ثانية مو متزوجة وقالت لها اشرايك ازوجك حماي وهذيك قالت على ايديك زوجيني وانا موافقة
راحت تمدح في المُدرسة هذي قدام حماها (طبعا الزوجة الضعيفة ماتدري عن شي) لحد ما حست انه اهتم وخاصة قالت له انت تحتاج زوجه تهتم وتدلعك و.الخ الخ (والله انقهرت منها)
المهم قالت له اشرايك تتزوجها صدقني راح تهتم فيك
الاخ وافق وفعلا راح مع اخوة (زوج المدرسة الخبيييييثة) وخطبوا طبعا الزوجة ماتدري عن شي وحددوا موعد الملجة
بيوم الملجة كشخ العريس المفترض وزوجته تبخره وتعطرة(ماتدري عن شي) راح الاخ سال زوجته شرايك فيني يام فلان
قالت ماشاء الله كانك معرس
قال لها واذا قلت لك اني فعلا معرس واليوم عرسي

: قالت له
..................


يجيني خبر عرسك ولا يجيني خبر موتك



الرجال انصدم من الرد وتأثر حيييييييييييييييل وعرف ان محد يسوى مثلها اللي ترضى له بكل شي من حبها له
(ماشاء الله على ردها)

نزل لاخوة وقال له انا هونت مراح اتزوج
عصب اخوه قال لاتفشلنا مع الناس عطيناهم كلمة قال له مالي شغل مراح اتزوج على مرتي وماهموني الناس

راح الاخو وقال خلاص انا املج عليها بس مانحرج نفسنا عقب ماوعدناهم قال كيفك مالي شغل

راح الاخو(زوج المدرسة) وملج عليها

وقالو ترا خلاص ملجنا الزوجة الخبيثه استانست مادرت انه زوجها قالو خلاص ملجنا
وثاني يوم جابت الحلووووو والقهوة عشان صديقتها المعلمة عبالها تملجت على حماها
سألوها شنو المناسبة قالت فلانه ملج عليها حماي ردت المدرسة لا والله مو حماك زوجك اللي ملك علي خذيت زوجك
وصارت مذبحه في المـــــــــدرسة

شرايكم بالقصة؟؟؟؟؟





~~~~~~~~~~~~~~~~~~~~~~~~~~~

تستاهل من حفر حفرة لأخيه وقع فيها

 

 

[النشط]

ياسبحان الله صحيح قالوها من حفره حفرة لاخيه وقع فيها ولي على نياته أحصلت على الجائزه وعليك بالعافيه

 

 

[أحمد بن عيسى]

الحمد لله ياسبحان الله .ان كيدهن عظيم

 

 

[طموح رجل]

ههههههههههههههههههههههههههههههه تستاهل


على نياتكم ترزقووون




يعطيك ربي الف عافيه

 

 

[الغلآ]

القصه حلوووـوهـ..
الله عطاها على قد نيتها..

 

 

[عازف الألحان]

والله تستااااااااااااااااااااااااااااااهل ماجاها


سلمت يداك على القصه

 

 

[صفاء الروح]

يسلمواااااااااااااااااا
لاخلا ولاعدم من وجودكم

 

 

[ترانيم الفرح]

قلعتها تستال الهل عسها بهل الحاله واردى
الله يمهل ولايهمل عطاها على قد نياتها

 

 

[صفاء الروح]

يسلمواااااااااااااااااا
لاخلا ولاعدم من وجودكم
ترانيم فرح

 

 

[بو غدير]

الحمد لله والشكر
لاشماته بس تستاهل

 

 

[قطرات ندى]

مشكوره اختي صفاء الروح

قصه روووعه

تسلم ادياتكـ

 

 

[سارنه القمر]

مشكوره اختي
صفاء الروح !
قصه رائعه

 

 

[بساط الريح]

قصه حلوه
مشكورة صفاء الروح