|| ~ قصة سعودية رومانسية [ أسئلك باللي خلق قلبك اكرهني ]

[اليازيه]

كانت تقرب أكثر وأكثر وكانت تناظرهم كلهم كأنها تدور على حاجه ضايعه منها ..



أنادي لكْ /
وَ جدراني تردْ الصوت "
وَ أدري أنكْ بـ ديره
وَ أنا بـ آخر حدود الكونْ ~ ..
وَ لكني

أنادي لكْ



ركض لها فيصل وضمها بقوه : ههههههه فيصل بغيت اطيح وش فيك

نوره : ههههه مو بوقتك فيصل ..

الجد سامي : هلا وغلا بنويف .. هلا بالغاليه

نوف تبوس راسه : هلا بك اكثر جدي ..

سلمت على الكل .. ولما مدت يدها لسالم مسكها بقوه : كيفك يا نوف ؟

نوف باستغراب وتحاول تسحب يدها (انجن هذا والا ايش ؟ ) : تمام

جلست نوف بجنب نجود ..

نجود تهمس لنوف : انبسطي مهو جاي

نوف فقلبها ( أنبسط ؟ بعد ما كان ينقال العكس .. صرت يا ناصر شي يضايقني وجوده !

ياليت اصحى من هالكابوس وافتك )




وبهاللحظه دخـل جيب ناصر .. وكان بجنبه فـارس .. وقف السياره على جنب ونزل .. الاضاءه

كانت مره قويه .. اضاءه تعطيك احساس ان الجو هذا وقت الصباح مو ليل ..


ناصر يناظرهم .. وده يرجع مكان ما جا .. وده بس سالم يترك أحد بحآله ؟







رتوجه تركض لناصر اللي يمثل لها مصدر الحلاو : نانا

ناصر جاي بشكل غريب .. ماهي عادته يجي هالمناسبات بدون شماغ .. لكن عادي

ماصار يهمه شي .. جاي يعمل الواجب ويطلع : هلا رتوجه رفعها بين يديه وكمل طريقه

لهم

فارس بهمس : خلك طبيعي اكثر من كذا

ناصر : وش اسوي يعني ؟؟ ارقص ؟

ناصر لما قرب لهم : السلاااااام عليكم ..

نوف & نجود & سالم & ام سالم & الجد سامي (مصدوووووووووميــن )




الكل : وعليكم السلاااااااااام

ابو خالد : الله حيهم .. هلا وغلا يا ناصر

فارس : وانا وش موقعي هنا ؟؟

ابو فواز : انت الغالي .. بس ناصر زمان عنه .. مشتاقين له

ناصر يبوس راس خاله : تشتاق لك العافيـة ..

قرب عند الجد سامي : كيفك يا طويل العمر (باس راسه )

الجد سامي بفرحه غريبه : بخير الحمد لله .. جيب القهوه يا سميــــــــــــــر


الكل كان يرحب فيه ..

ناصر ما يدري وش يسوي .. فارس راح لنوف و صافحها عادي .. وتحمد لها بالسلامه .. انا

وش اسوي هنا .. ؟


هذا اللي ما حسبت حسابه !!

الله يلعنك يا سالم ..


نوف فقلبها لاااااااا لااااا تقرب ناصر .. والله لأبكـي .. .. تعلقت عيونهم فبعض !

نوف تناظر حزن كبير فعيون ناصر .. وناصر لمح دموعها فعيونها ..

ناصر وده يمسحهم زي اول .. للحين يا نويف اشوف دموعك وهي بعدها ما طلعت !!


كانت دموعه تختنق بين ( الأحداق )
ونظرات عيني تقتله ، ثم تحييـــه ، !


كني جلست أعلمه كيف يشتاق
وكنه يعلم شعري شلون ( يرثيه )


قرب لنوف وهي عيونه معلقه بعيونه حارت داخلها عبره واضحه لناصر مو لغيره حاولت

تتماسك لأنه عيب



ايوه عيب .. شي طبيعي تبكي بس كيف تفهم هالعالم كلها ؟؟

عيب لأنها ما تبغى تحرج لا امها ولا ابوها ولا اخوانها ..

عيب لأنها بنت وهو رجال .. عيب لانها نوف وهو ناصر ..

وقفت من الكرسي بابتسامه تدل ان هذي جد نوف القويه : هلا ناصر




ناصر بدون ملامح ولا تعابير (الله يا نويف وتعرفين تمثلين بعد ! ما خبرتك كذا ) : هلا بك

يا .. (وقف شوي وبعدها كمل ) هلا بك يا بنت خالي ..




نوف كن أحد ماسك سكين ويطعنها بقلبها .. نفذت وعدك يا ناصر ؟؟ خلاص ما عاد تنطق

اسمي ؟ ليه ؟ وش فشلتك فيه ؟؟



لهالدرجه منزله راسك ؟؟ لهالدرجه انا عار عليك ؟؟ وين قلبك اللي دايم تقول انه ينطق

باسمي ؟ وين الحين وينه ؟؟





ناصر حس بالعبره اللي فعينها .. وحس بريقها اللي تبلعه بصعوبه .. كل هذا ماهو راكب


على ابتسامتها الغريبه .. ظل ماسك يدها ما يدري ليه !!



نوف تناظره و تناظر كل شي ينهدم قدام عينها .. تناظره وتذكر مواقفه معها .. بس


للأسف صايره ما اذكر له الا مواقفه الــلي توجع القلب ..



مستغربه كيف سويت هذا كله فيني .. وانت اكثر واحد عارف اني ما اتحمله .. حملتني


شي كبير يا ناصر انا ما استاهله هذا وانت كنت تقولي أحبك !



هـذا وانا الغــالي بقـلبك وشوف وش صـار !
أجـل لاآ قـلبك كرهـني وش يـسوي ؟!


كأنك تقول اسمع حليين واختـآآر
يا تنوي الفرقــآآ والا أنا بنـوي !!



حلوه ذكرياتك يا ناصر .. والاحلى انك تركتها لي أتعذب بسببها كل يوم .. رغم كل هذا ما

تحسفت على اي لحظه كانت بينا ..


سحبت يدها والتفتت لنجود يعني مو بـ هامها : ما في اغاااااااااني ؟؟؟


/
/

/





هل لصآلح دور بطولة في فلم نوف ! أو عابر سبيل ..




وش هو شعووورك لو سكن قلبي انسان ؟
غيـرك ودورك انتهـى فـي حياتـي!!




قصــر رجل الاعمال .. صآلـح ..



صالح توه راجع من صلاة العشا : السلام عليكم


ام صالح : هلا يمه وعليكم السلام

صالح : عندي لك بشاره ..

ام صالح : ؟؟؟

صالح : ما قلتي وش هي ؟

ام صالح : وشي البشاره ؟

صالح : الاسبوع الجاي بروح أخطب نوف السآمي رسمي ..

أحمد : ههههههههه وافقوا عليك ؟

صالح يناظره وهو جالس خلفه بالصاله الثانيه : وانت شاك بهالشي !

أحمد يقوم من مكانه ويجيهم : لا بس .. ما تحس انك مره متعلق فيهم ؟ لدرجة انك

تحسسني ان نوف ملكة جمال الكون !

صالح ما يحب اخوه يحكي بهالطريقه : أحمد .. ماهو وقت مزح .. نوف بتكون زوجة اخوك

الكبيرة وحسبت اختك .. تخلى عن اسلوبك هذا ..

أحمد : هههههههه عجبتني تخلى .. تحسسني جد اني جالس مع قاضي طراز أول ..

صالح بعصبيه : أحمد !!!

أحمد : وش فيك عصبت ياخوي .. والله امزح معك .. وش فيك ما عدت تتحمل مني
حاجه !

صالح يطلع لجناحه : لا .. بس كل وقت وله جده ومزحه .. وهالوقت بالذات ما يتحمل الا
الجد !! (طلع فوق )



ام صالح : انت علامك تحاكيه كذا ؟ ماتشوفه طاير بهالبنت اللي يبغى يدخلها قصرنا
غصب ؟؟؟



أحمد : والله ودي اشوفها يمه !! اللي خلته يترك البنات اللي اخترتيهم اله . عشانها !!
مع انهم أعلى منها مستوى !


ام صالح : الله لا يجيبها .. ويبعدها عن اخوك !



/
/


في الحديـقة ..



قآم الكل من الطاوله وبقى الشباب .. والصباااااايا

سالم يعشق هالحركات : نوف نوف

نوف تلتفت له


سالم ما عنده سالفه : لما اغمى عليك .. وش حسيتي فيه بالله

نايف : هههههههه سالم وش فيك ؟ هذا سؤال ؟

فارس : والله انك مفهي .. اغمى عليها كيف تحس ؟؟

سالم : اي والله صح

نوف : ههههههههههه


نايف : ناصر أحسك ميت من التعب .. والله ما الومك .. اليوم عشى وغدا عندك

ناصر : سهالات يا بن الحلال .. اللي يستاهل التقدير نقدره ..

نايف : تسلم والله .. تستاهل الطيب ..

نجود تهمس لتبوله : صورتي الــ هذا ؟؟

بتول ناسيه : وشو ؟

نجود عند اذنها : سامي

بتول :يوووووووووووه نسيت اوريك .. هههههههههه

الهنوف : وش اللي يضحك .. وش قلتي لها بالله


الماس : وانتي وش دخلك

فارس : اي والله وش دخلك انتي .. علميني انا بتول

بتول : هههههههه لا انت ولا اانت ههههههه شي خاص

سالم : نجيد ما تعلم الا انا .. صح ؟

نايف يناظرها : ........ !


نجود بتقهر سالم لعيون نوف : أكيد لا

الكل : ههههههههههههه

سالم ساكت : وش اللي يضحك .. !

نجود تحاول تبعد نظره عنها .. ودها تقوله قوم من هنا يا نايف .. والا انا بقوم .. بس كيف

وهي تشتاق له كل ثانيه وكل دقيقه ؟؟


عشاق ؟ قلي ويش أو ليش عشاق ؟
إلا ( ضحايا وقت ) مدري شـ أسميه . .



فارس بيده علبة مويا : وش رايكم نلعب لعبه على هالجمعه الحلوه

العنود تقول لألماس : لأنك فيها يا فوفو

فارس يناظرها : ايش ؟

العنود : ولا حاجه .. وشي اللعبه

فارس وقف من مكانه وقال بجديه : اطلعي اطلعي


العنود بصدمه : لييييييييييييه وش سويت


فارس : مههههههههههه امزح امزح .. لعبة الصراحة ..


نايف : مين هذي ؟



فارس : ابصم بالعشره انها ما قد مرت عليك


نايف : كل تبن وقول .. فيها ركض والا حاجه ؟؟ ترا ما اقدر .. لازم اطلع اغير ملابسي



فارس بالجينز والبدي : لحوووووووول من يفهم هالشايب ..



نوف بصوتها المميز : لا نايف .. اللعبه ان فارس يلف العلبه .. واللي توقف عليه يسأل

والثاني يجاوب ..




غديت أتحطّب الذِكرىَ .. سمعتك للدفا " نبرَهـ "
........... وحسّ البَرد بوجودك ! وسافَر منكسر / عاريْ ..!!



ناصر يناظر فيها اشتاق لصوتها بس فيه شي يوجعه .. ( مين يصدق ان انسانه بهالرقه

والبراءه .. تعمل كذا ؟ .. أحسك تقولي عني فقلبك جبان .. لكن كيف أقدر أقول لأهلك

وانا عارف ان خالد لحاله مصيبه ! أقول بنساك وانا للحين أحيك ليه ! )



نايف : اهااااا .. شكلي ما افهم الا منك نويف ..


نوف : هههه

نجود : فيه احد ما يبغى يلعب .. ؟

ناصر يرفع يده بطفش : أنا ... (طلع الزقاره وشربها قدام الكل وحط رجل فوق رجل )


أداوي بالزقآيــر ضيق صدري !..
........ عسى نفسي تجد فيها متاعه }ّ~


نوف (ألحين تأكدت انك مو بناصر .. وش هالتغيير ووش هالاسلوب ووش الحركات ؟؟؟؟

تنهدت بقوه )


فارس : ما عليكم منه بيلعب .. عشاني .. عشاني ههههههههه

نايف : تعجبني ثقتك فارس .. واصل يا قلبي

فارس : يلا بسم الله (لفها )

نايف : مين ؟؟

الماس : سالم ونجود ههههه ياويلك

فارس : الحين يسئلك ليه ما علمتيني عن هذاك ؟؟

الكل : ههههههههه

سالم : دمكم خفيف .. ،، مممممممم نجيد .. بسئلك سؤال يعني جدي .. لو خيروك

بالزواج بين واحد يحبك .. وواحد تحبينه من تختارين ؟؟



نجود : ههههههههه أطلب تغيير السؤال


فارس : وش تغييره جاوبي ..



نجود : ممممممم مادري ..


نوف : أكيد اللي تحبينه نجيد ..




نجود : مممم لا .. أكيد بــ أختار اللي يحبني ..


الريم : الله الله يا الاجابه ..

نايف يناظرها .. وهي تضحك .. وابتسم معها ..

فارس (لفها )

نجود : مين ؟؟؟؟

فارس : ممممممم سالم و الريم

الريم : لااااااا سالم وناصر .. ناظر مو بيمي العلبه

نايف : صح سالم يسأل وناصر يجاوب ..

سالم يناظر فناصر : ممممممممممم

الكل : يلاااااا

سالم لحظه يبلها وقت هذي ..

ناصر فقلبه (اي والله ياخوي يبيلها وقت .. لازم تختار اكثر سؤال يجرح اخوك ويضايقه ..

معااااااك كمل ) : ........

سالم : سؤال جريء عادي ؟؟

فارس مبسوط بس ماهو متوقع وش بتوصله : روووووووووووح ..

سالم : طيب .. اذا خذلك و خانك شخص تحبه وقريب منك مره .. تعده روحك وقلبك

وظلك .. تعده فخر .. وبدونه الحياه ولا شي .. وش راح تكون ردة فعلك .. ؟(يقصد نوف

مع انه ما عرف بسالفتها )




ناصر قلبه احترق وما عاد به قلب داخل هالجسد .. الله عليك يا سالم وعلى سؤالك

صراحة احييك عليه : ممكن تعيده عشان أستوعبه اكثر ( إلا عشان تطعني اكثر )




سالم انبسط : تامر .. اذا خذلك و خانك شخص تحبه وقريب منك مره .. تعده روحك

وقلبك وظلك .. تعده فخر .. وبدونه الحياه ولا شي .. وش راح تكون ردة فعلك .. ؟

بصراحه عاد


الكل فتح آذانه كويس عشان يسمع ناصر




ناصر : وفيه احلى من الصراحه ياخوي !! .. انا اقولك .. ما فيه أحد أحبه وقريب مني

و أعده روحي وقلبي والفخر بالنسبه لي غير أخوي .. (ناظره بقوه وكنه يوجه له

الحكي )

واللي الحياه بدونه ولا حاجه .. .. اخوي يا سالم (قالها بحرقه ) اذا جا فيوم وخذلني .. أو

خان العشره اللي بينا .. أو حاول يجرحني بدال ما يداويني .. وش تتخيل راح اسوي

؟؟ اجابتي لك بصراحه .. بحطه فوق راسي .. و بحترمه زي زمان


و بحبه أكثر وأكثر .. لأن اذا رديت له الخيانه .. هنا ما راح أكون رديت اعتباري بالعكس ..

انا خنت نفسي قبل ما اخونه .. وللأسف روح الانتقام مو فيني .. ولا الكره أقدر عليه ..



الكل جالس يناظر بناصر اللي طوَل مره في الاجابه .. اللي كنه يوجهها لشخص معين ..


كلهم كانوا شاكين .. لكن نوف كانت فاهمته .. وعارفه من يقصد ناصر بحكيه ..

وقف ناصر بعد ما خلص اجابته .. : فارس تجلس والا تجي ؟؟


فارس خاف عليه .. سحب جوال : لا لا بجي معك .. سلام يا حلوين ..


/


انتهت الحفله بسرعه وكل شخص طلع لبيته ..


بقصر العم راشد


كانوا البنات كلهم متجمعين .. قرروا ما يروحوا بكره الدوام .. مع ان تبوله

كانت مره متحمسه تروح ..

الهنوف والعنود والريم والماس طلعوا ينامون مبكر .. لأنهم تعودوا ..



اما بتول ونوف ونجود ظلوا جالسين يسولفون للفجر .. ما شبعوا من بعض ..



بتول بيدها الجوال : هههههههههههه ناظري ناظري كيف ابعد شماغه


نجود تسحبه : بتول خلاص انتي شفتيه .. اتركيني اشوفه براحتي

بتول : يوووووه ابغى اشوفه معك

نجود : بالله عليك كم مره شفتيه حلفتك

بتول انحرجت : والله ماعديتهم واااااااااجد ..

نجود : هههههههههههههه و باخله علي بهالدقيقه .. ابعدي

بتول : هاااااتي .. انا غلطانه



نوف بصياح : يووووووووووه خلاص عاد

نجود & بتول : افا طرده هذي ؟

نوف : لا والله مو بطرده .. انا ما صدقت تجلسون .. بس

نجود : بس ايش ؟

نوف تبكي بقوه : ........

مادريت ..





ليلة البارح غشاني صوتك العذب وبكيت ..
ورحت أدور أي حاجه لاجل أنسى ..
مالقيت ..
إلا وجهك يرتسم لي !
يبتسم لي !
ودون ماأشعر بكيت !!




بتول ما تحب هالمواقف اول مره تنهار نوف كذا .. : .......

نجود خافت يغمى على نوف بعد : نويف لا تبكين لا تبكين . (عارفه انه عشان ناصر بس

كيف تسبه عند نجود .. ودها تفهم نوف انه ما يستاهل دموعها )

نوف تبكي وتتكلم : ما شفتي كيف كا يناظر سالم .. ما تعرفونه .. وربي كان منقهر ..

الحين ماراح ينام .. عارفه ؟؟


نجود تضمها : نوف اسكتي لحد يسمعك

نوف : خليهم يسمعون .. مليت وربي مليت .. هذا ظلم ..

بتول : وش فيه سالم ؟؟ ومين هذا الي ماراح ينام ؟؟ ناصر ؟؟

نوف تبكي .........

نجود تأشر لتبوله تسكت

نوف تكمل : ناصر ما كان راح يجي .. والله اعرفه ما كان راح يجي .. تدرين ليه جا ؟؟ أكيد

عنده سبب .. والا والله ما يجي ..

نوف تبكي أكثر لي ما غرق الدمع وجهها : عارفه اني كرهته وعارفه اني عدت احبه

زي زمان .. بس مهما كان .. ناصر لحم ودم ليه يعاملونه كنه صنم ليه

بتول : ؟؟؟؟؟؟؟؟؟

نجود بصوت عالي : اسكتي نويف اسكتي ..

نوف : ماني ساكته .. ناصر ظلمني ايه .. بس انا عارفه ان قلبه طيب .. ناصر اذا احد


ضايقه ما يطنش زي سالم وفارس لاا يحطها فقلبه ويسكت ويتحمل

نجود : وش له هالكلام الحين ؟؟؟ اهدي نوف اهدي

نوف تحط راسها على السرير وتبكي : ......

بتول : بالله نويف وش فيك والله خفت (بكت)

نوف تضحك وكنها مجنونه : تبغين تعرفين وش فيني ؟؟ ناصر يا بتول ما عاد ينطق


اسمي خلاص هههههههههه


نجود : .......

نوف : والله جد اكلمك .. ناصر صرت انا عنده زي اي حاجه رخيصه .. بس .. بس (رجعت

تبكي بس بقوه ) بس وربي انه ظلمني ..




بتول : بسم الله عليك نوف .. اسكتي خلاص .. والله اذا جا نايف بيزعل

نوف بعد ما مسحت دموعها : ما عاد يهمني أحد تبوله .. ناصر وهو ناصر عمل كذا ..

الباقي وش بيسوون ؟؟ كنت استغرب حركات خالد .. وحقد دانه .. لكن ليه استغربه ؟؟؟

بالعكس صاروا أرحم من ناصر بكثيييييير (راح صوتها ) .. لا والللي يضحك .. اني سمعت

انه تألم كثير لما مرضت وهو اللي وصلني بيده للمستشفى ؟ ليه طيب ليه ؟




بتول : لأنه يحبك يا نوف والله يحبك .. وللحين ينطق اسمك .. انا مادري وش السالفه بس

والله كل يوم يسئل عنك .. آخر مره حسيته راح يبكي .. كان مـ




نوف تقاطعها وتأشر لها بيدها : أوشششش لا تحكي تبوله .. والله لا اتعبي حالك .. ناصر
ما عاد له مكان فقلبي ..


نجود بصوت عالي مره : نوف .. ؟؟؟ خلاص عاد .. وربي اذا ما سكتي لأنادي عمي والله ..

نوف : خفتي نجود ؟؟ ههههههه على بالك انجنيت صح ؟ ههههههه لا وربي ما انجنيت

تطمني .. باقي حبتين (حطت راسها تبغى تنام )







الله يساعدني على طي ذكراك -
ياللي تراودني على ماطرالي


سويت قرعة بين وصلك وفرقاك -
ورست على فرقاك وألا أنت غالي



نجود : نوف نامي ترا انا حلفت ..

فجأه سمعوا صوت الباب .. : ......

الكل سكت ما رد . : ......

نايف : افتحي الباب ..

نجود واقفه على الباب : هلا نايف ؟

نايف : نجود فيه حاجه !

نجود : لا ..

نايف : أكيد ؟

نجود : ايوه ؟

نايف : وش هالصوت هذا ؟ وليه الازعاج ؟

بتول : جالسين نسمع اغاني ..

نايف : وليه ما تفتحين الباب ..

بتول تأشر لها : قوليله لابسين بجايم

نجود بدون تفكير : لابسين بجايم

نايف : نعم ؟؟

نجود تمسك راسها ( الله ياخذ هالوجه يا تبوله .. ) : نايف تبغى شي ضروري ؟

نايف : .. تصبحون على خير ..

:


نجود تناظر تبوله : لابسين بجايم ها .. وش دخل هذي الاجابه بالسؤال .. فشلتيني الله ياخذك

بتول : وانا صادقه يعني عيب لابسين شورت مثلا

نجود : ما تبغين أحلل له كمان ؟

بتول تناظر بنوف اللي نايمه وحاضنه المخده : المهم نويف وش فيها ؟

نجود تغطيها : بعدين تعرفين .. بس لا تعلمين ناصر بأي حاجه .. فاهمه

بتول : أكيد ..


/
/





ياليتني لا بغيت أكره قدرت أكره
ما كان قلبي ليا جيت اكرهكـ عيا

 

 

[اليازيه]

يا فجر عمري " صباح الحب " وسنينه ...

يا رب دايم ~ صباحاتك ~ على كيفك ?

يا رب دايم ~ صباحاتك ~ على كيفك ?








...}






صبآحك بسـمة يالريآض ..

صبآحك خيـر يالريآض ..

عشق ٍ ربآ فيني و أنآ توي صغير ..

وحبك نمآ معي لين الشبآب ..

وفخرنآ بك تعدى موتنآ تحت ترآبك ..




/

قصـر أبو خالد


الساعه 11 الصبآح ..


نآيف جآلس يقرا الجريدة .. وبجنبه أم خالد تفطر رتوجـه زي كل يوم ..

ونورهـ و ألماس يناظرون اعادة برنامج من سيربح المليون ..

أم خالد : لمو اطلعي صحي بنات عمك فواز .. وبتول .. والله صيفوا

لمو تبغى تناظر التلفزيون : ماما بنات عمي فواز راحوا الصباح .. بعد ما افطرنا .. ونجيد
وتبوله ما ناموا الا الفجر .. ماراح يصحون


ام خالد : قولي ماني طالعه وخلاص .. سويتي قصه .. (طلعت تصحيهم )


ام خالد على السلم تناظر بريتا : ريتا اطلعي برا عند الالعاب واجلسي عند محمد ..

ريتا : اوكي مدام ..


/
/


جنآح نوف ..


ام خالد واقفه على الباب محد فتح لها ..

ام خالد : يا نوف ؟؟؟

نوف تسمع بس ماهي قادره توقف : .......

بتول تبعد الفراش عنها .. : لحظه

بتول قامت من السرير بالغرفه الثانيه وفتحت الباب ..

ام خالد تفتح الستاره .. : وش هالنوم هذا ؟؟؟

بتول : لااااا يا خاله تكفين .. والله ما نمنا .. تغطي وجهها وتكمل نومتها ..

نوف : صبآح الخير ماما ..

ام خالد : صبآح الورد .. يلا يا بنات ..

نجود : انا بدخل الحمام .. لحد يدخل

نوف : انا صحيت قبلك نجيد

نجود : نويف انتي تقدرين تطلعين برا .. بلييييييييز ابغى آخذ دوش

نوف تتثاوب : يلا روحي


:
:



قصـر ابو دآنـة


فوآز : وش تبغيني اسوي فيها يعني ؟ أضربها والا اهاوشها وهي اطول مني ؟


ام دانه : مادري .. بس والله جننتني هالبنت .. مادري من طالعه عليه !!

فواز : انا اشوف ان من حقها .. هي بنت يا ام دانه .. و انتوا تمنعونها من حفلات وعزايم

وطلعات .. وش دخل هذا في الزواج

ام دانه : يا بو دانه .. هذا عرف عندنا .. ولأنها اول بناتك انت توك تنتبه .. بس والله هذا

الطبيعي .. مشكلة بنتك انها ما تمسكها الارض ..


فواز طالع للعمل : المهم .. ان البنت بتزوج وتروح لبيت زوجها .. وتصير تحت مسئوليته

أبغاك تفهمينها انها مو فبيت ابوها ولا راح يدلعها زي الدلع اللي تعودت عليه هنا

فهميها انها لازم تبيض وجهي .. الله ما عطاني عيال .. وما ابغا احد يتشمت فيني .. ترا

بنتك عنيده



ام دانه بيأس من بنتها : ابشر .. ابشر


:
:
:



غرفة دآنــة ..

دانه : ههههههههه حيآتـــــــي ..

عبدالله : فديت هالضحكه نجودتي .. عارفه ؟ انتي غيرتي أشياء كثيره بحياتي .. كنت

انسان ولما عرفتك صرت انسان ثاني ..


دانه مصدقه : مادري وش اقولك .. بس اللي اعرفه اني أحبك مره .. فوق ما تتخيـل


عبدالله : كلمة اعشقك شويه عليـك .. ياااااوه يا نجودتي لوما انك مخطوبه كان جيت و

خطبتك من ابوك .. وصرتي زوجتي على سنة الله ورسوله .. آه بس


دانه بحزن : خلاص حبيبي .. لا تضايقني .. ترا وربي جالسه اجهز للعرس من دون نفس ..


عبدالله يتغير صوته : خليني ساكت بس .. احاكيك بعدين (يقال متأثر)

دانه : لاتزعل عبودي ..

عبدالله : لا لا عادي .. باي



دانه بألم : باي


دانه فقلبها ( انت من وين طلعت لي يا نايف .. يااي لو كان زوجي عبدالله ؟ كيف راح

تكون حياتي ؟ راح تكون أحلى قصة حب في العالم .. ياحبني لك وبــس .. لو تطلب

عيوني مستعده اعطيها لك انت بس اطلب)







تبــوك

المستشفى


الدكتور : طيب فيه أحد يعرفه في تبوك ؟


.... : لا يا دكتور .. وهو موصيني محد يدري


الدكتور : بلا كلام فاضي الحين تتصل بأهله وتبلغهم ..


... : اعذرني يا دكتور .. هذا طلب خويي و انا وعدته ..


الدكتور : انت اللي كنت معه في الحادث ؟


..... : ايوه


الدكتور : اذا انت جد تهتم لأمر صاحبك .. اتصل بأهله وبلغهم .. هذا مو لعب .. هذي
مسئولية فيها حياة او موت .. وصدقني اذا صار له اي حاجه راح تكون اول واحد يحاسب
قدامنا وقدام ربك



...... : كيف يعني ؟ انا وعدته وهذا طلبه .. له اسبابه الخاصه اللي يمكن تكون أهم من
حكيك هذا ..



الدكتور : مالي حكي معك .. عن اذنك



/
/




غرفة نوف

نجود تزين شعرها قدام المرايه : بنات عازمتكم اليوم .. !

تبوله : وين ؟

نجود : مممممممم في البلوره

تبوله : لاااااااا ما ابغى والله طفشت منه

نوف : لا لا .. اشتقت للفيصليه .. انا موافقه

تبوله : دام نوف اشتاقت لها حتى انا اشتقت لها

بتول ماسكه جوالها : محد يرد علي .. وش هذا ؟

نوف : ليه ؟


بتول : ابغى ارجع البيت .. اتكشخ

نوف : كل شي هنا ليه تروحين !!!

بتول : لا ابغى اروح اخلص واتجهز بعدين اجي ..

نجود : ياحبك للمشاوير والتعب ..

بتول فتح الخط معها : ألو ؟


ناصر بصوت باين انه نايم : ألـو

بتول : ناصر نايم ؟

ناصر : وش شايفه ؟

بتول : نويصر تعال جيبني .. بليز ..

ناصر : ليه وينك مدام بتول ؟

بتول : فبيت عمي راشد ..

ناصر : سالم وينه ؟ وفارس

بتول : والله مايردون علي ؟

ناصر : طيب تنتظرين بس ساعه انام فيها ؟

بتول : لااااا نويصر ابغى البس بطلع نجيد عازمتنا

ناصر : اها .. أجيبك وأردك يعني ؟؟

بتول : لا عادي .. ارجع مع السايق

ناصر : يلا اجهزي 10 دقايق بالكثير وانا عند الباب .. اذا طولتي بطلع واتركك


(تذكر ناصر كيف كان يدور على اي حاجه و أي عذر عشان يروح لبيت خاله راشد .. !

وتذكر نوف وكيف ما يناظرون فبعض ألحين ! تركت فراغ كبير فحياته وغيابها غير اشياء

كثيره فيه )








"ساعات" أحِسْ إن الزمن في غيبتـه كلـه
(غيـاب)

و "ساعات" أمِل مْن الغيـاب فهالزمـن
(واستحقـره )



بتول : اوكي .. ماراح أتأخر صدقنـــــــي ..




نوف بربكه : يلا بنات ننزل .. ما افطرنا ..

نجيد : لا تفطرون بنطلع نتغدا .. وش هذا ؟؟؟

نوف : على الاقل خفايف .. لو نتغدا متأخر عادي .. يلا امشوا

نجيد تدوووور : طيب عدل شكلي ؟

بتول : وانا وانا ؟؟

نوف تناظر فيهم : الحمد لله والشكر ؟ ليه وش فيكم ؟؟

نجيد تسبقهم : ولا شي ..

بتول سحبت عبايتها وشنطتها وطلعت

نوف نزلت وراهم ..


الكل جالس تحت


نوف جالسه بجنب نجود اللي تناظر كيف نايف يقرا الجريده بطريقه غريبه !!


نايف بعد ما رد السلام على البنات .. رفع الجريده وجلس يقراها من جديد مع انه قرى

أخبارها ،، وده يجي يوم و نجيد تحكياي حاجه .. ان شاءالله تتهاوش معه .. تظلمه ..

تصايح .. تبكي .. اي حاجه .. وده انها تحكي قبل لا يندم وتندم بعدين

تكفين نجيد تكلمي .. ردي علي .. اعرف عندك حكي كثير .. بس ليه انا اللي دايم

ابدأ .. وتحسسيني اني ثقيل عليك ؟ عشانها اختك وماتبغين تخسرينها ؟؟ طيب وانا ؟؟ ..


حتى انا ما ابغى اخونها . .. بس تكلمي انطقي ..




قل اي شي ياصاحبي .. تراه خير من السكوت
اخـاف دنيانـــا تمر يا صاح .. واحنا ساكتيــــن



حتى ولو في خاطرك كلام يجرحني وامــــوت ؟
قل لايهمـــك ../ كلنا عند النهــــــايه ..ميتيـــن

/



نجيد تقول لنوف بصوت هادي : ياي نوف أحس فيه حياة بيتكم .. ماشاءالله

نوف : هههههههه وش فيه زود ؟

نجيد : لا بس حنا ما نتجمع الا اذا جا ابوي .. فاهمه

نوف : اها .. ويمكن لأن القصر فيه بزارين ..

نايف ينزل الجريده : أنا اشوف القصر منور ؟ نجيد وتبوله فيه !


نجيد وبتول يبتسمون .. يعني مستحيات ..

لمو تناظرهم ببلاهه : يعني خجولات ؟؟؟ الله يرحم أول .. ترا نايف يعرفكم

نايف : هههه ياويلك لمو منهم .. ناظري عيونهم .. !

بتول بقوه : ليه نستحي من نايف ؟ اصلا زي أخواني .. عادي .. بس انتي شكلك ما

افطرتي كويس



الماس تكمل البرنامج : لا يكثر بس ..

بتول : اي بنات ترا بعد غدا نجيد .. عازمتكم فالقصر على فلم هندي

نايف : هههههههههههه على طاري هذا .. بسئلكم .. ألحين انتوا اتابعون جد افلام

هنديه ؟؟



بتول : ايوه ليه مستغرب !


نايف : يعني كيف تتقبلون القصه ؟ ذاك اليوم واحد من اخوياي يقول ان فيه لقطه يطيح

البطل من هليكوبتر وينزل على رجوله



نوره : والله ما جت على كذا .. والله اني اشوفه بالتلفزيون يسحب الطياره اللي رابطها

بحبل بفمه والله يا إني انصدمت !!!



نجود : هههههههههه لا مو كذا عاد



نايف يناظرها .. ما صدق تنطق : أجل كيف ؟

نجود نست حالها بس حاولت تكلمه عادي مع انه واضح عليها التوتر : يعني هذا صديقك


يبالغ شوي .. فيه لقطات مبالغ فيها بس مو كذا


بتول : الا والله فيه نجيد انا شايفته شاروخ خان طاح من طياره ونزل سليم .. اصحى

مني ومنك

نايف : شفتي ؟؟؟ ههههه

نجيد : لا اللي اذكره وللحين منصدمه منه .. ان البطل صوبوه بـ 6 طلقات بقلبه .. وطاح ..


ثانيتين وصحى و قام يضرب ويهاوش .. وووو بس ..



نوف ناقده عليها : وبس ؟

نجيد : ههههههههه وبس


نايف : اما عاد هههههههههههه

نجيد : وربي ..

نوف : عاد كملتيه ؟

نجود : ها ؟

نوف : كملتيه ؟

نجود باحراج : ايوه ههههه

نايف : هههههههههههه .. أجل لا تلومونهم .. انتوا عاجبكم الوضع

نجود : لا بس شكلي كنت فاضيه ..

بتول داخله عرض : اقول نايف .. وش رايك بشاروخ خان ؟


نايف بجديه : مين هذا ؟ هندي ؟


بتول بصدمه : فيه أحد ما يعرفه ؟؟؟؟؟



نوف : إلا نايف تعرفه .. تذكر في دبي لما جا وافتتح محل ساعات ؟؟ كان مره زحمه المول !!


نايف يحاول يتذكر : مممممممم ما اذكر

بتول : بس ما شفتوه صح

نوف : اكيد لا .. معك خالد .. يكره شي اسمه زحمه


بتول : والله لو منك .. ما اطلع .. (نست حالها)

نايف يناظرها مره عطيتها وجه : جد ؟

بتول : .........

نوف : ههههههههه أحسن

بتول بتهرب : ناصر برا يلا باي

نايف : لحظه لحظه ناصر برا ؟؟؟

بتول : ايوه ومستعجل

نايف : أقول اجلسي بس ..

نايف يتصل بناصر : يا صباح الورد والله

ناصر : صباحك خير

نايف : هلا ناصر .. وراك ما تنزل تشرب لك فنجال قهوه ؟ مزاعلنا ؟؟

ناصر : ما عليه والله مستعجل .. وتبوله تبغاني أرجعها هنا ..

نايف : طيب انزل شوي .. حتى انا ابغى اطلع للمكتب .. انتظر ونطلع سوى


نوف تناظر بنجود يعني وش أسوي ؟؟

نجود تأشر لها بيدها يعني طنشي واجلسي .. تبغى تختبرها هي جد بيأثر فيها والا لا ؟؟؟

بتول : يووووه عاد والله راح اتأخر .. الله يسامحك نايف ..

نايف : ما عليه .. ما تبغين اخوك يرتاح له شوي ..

بتول : البيت بجنب البيت .. وش يرتاح منه

 

 

[اليازيه]

ناصر بوسط صدمته : السلام ! (نزل راسه ليما وصل نايف وسلم عليه وجلس )

بتول & نايف & نجود & نوره : وعليكم السلام

نوف ساكته ! ومركزه بالبرنامج مره مره مره ..

نايف : وش هالحب لأختك قايم من عز نومك وجاي تاخذها

ناصر بعيونه اللي باين فيها الحزن والانكسار .. (والله يا نايف لو تعرف السبب تنصدم وتنقد

علي وانا اخوك .. نوف هبلت فيني ) : تستاهل تبولتي .. وعندي اغلى منها ؟؟

بتول : ههههههه فديتك كلك

نوف تعض على شفايفها من داخل .. ما تتحمل تسمع صوته : ........

جلس يسولف نايف والكل كان منتبه معاه .. الا نوف .. كانت تناظر بالتلفزيون ..

طلعت دعايه عاديه .. يعني الطبيعي تلتفت لهم .. تعبرهم .. لكن ما فيه !! عيونها على

الشاشه واذنها معهم .. !

ناصر ماسك الفنجال .. ويناظر بنوف بطرف عينه عشان ما يبن لهم حاجه .. ويعني منتبه

مع نايف وسوالفه .. وحكي الماس وتبوله و و و



ناصر ( آه يا نوف لو أجي وأفتح قلبك و أدخل مخك واعرف وش جالسه تفكرين فيه !! أبصم

بالعشره انك ما تدرين وش تناظرين في التلفزيون لكن عشان ما تناظريني .. !


لكن ما الومك انا لو مكانك عملت كذا .. الله يسامح اللي كان السبب .. والله يسامحك

معه )



رغم هذا الحزن فيني عليّ الحرام
أذكرك ، وأدعي : ياجعلي مـآ ذوق زْعلك

فات ما فات من جرح وعتاب وملام
ومدري أهملتني ؟ ولا القدر مـا مهلك !


تبوله تناظر بالساعه اللي على الجدار : نونو .. يلاااا بليز .. وربي تأخرت ما صارت غدا ..


ناصر من اول ما دخل وهو على غير عادته .. هادي مره .. : يلا امشي .. (وقف)

بتول تناظره باستغراب وتناظر بنايف وكنها تسأله هذا علامه .. !!

نوف هنا بدون ما تحس لفت راسها بسرعه تبغى تناظره .. ودها تقوله اجلس ما امداك ..

ودها تقول حق بتول أخريه حبتين .. الجلسه معه ما تنمل ..


ودها تسمع ضحكته .. اللي لو سمعها الزعلان .. ضحك بسببها .. وين ناصر ؟؟ وين

خذيته انت ؟؟ ومتى بترجعه ؟؟ عارفه انه ما بيرجع .. عارفه



اول ما ناظرته .. كان هو زمان يناظرها بدون لأحد يحس .. التقت عيونهم .. وكان موقف

نوف محرج بالنسبه لها .. لأنه شافها ..


ما قدر يبعد عيونه .. أما نوف .. أبعدتها .. بس ما ابعدتها لأنها كرهته والا ما عادت تطيقه

والا لأنه حاله حال اي حاجه فهالقصر .. لأ .. ابعدت عينها

لأنها ما تبغاه يشوف الضعف اللي بعينها .. ما تبغاه يشوف الحزن اللي تركه فيها بعد

ماراح .. ما تبغاه يشوف صورته فعينها ..



ناصر فقلبه ( هذا هو صار الفراق يا نويف .. هذا هو صار اللي كنا خايفين منه أول .. كنا

نحسبه الموت .. الموت بس اللي راح يفرقنا .. وللأسف تفرقنا مبكر ..


تفرقنا .. وحنا الحب للحين يعيش بقلوبنا .. ! نكذب على بعض .. ونحاول نتناسى بعض ..

وانتي اكثر وحده تكابر .. رحتي من يدي وانا ما حسيت بك )



* حلــوه عـذاريــبــك وحلــوه مـزايــــاك .::. حتى بـ يــوم فـــراقـنــا كــنـت هـادي *



طلع ناصر مع بتول ..


وقآم نايف بعدهم بـ 5 دقايق .. لغرفته عشان يلبس ..



/



بعد ما طلع الكل وبقت نوف ونجود


نجود جت تبغى تطلع وراهم بس وقفت والتفت لنوف اللي كانت بعالم ثاني .. !!






يآ غآليـه
كنيْ لمَحتكْ .. ( شآحبَه ) ..!
مآ آنتِ علىْ بَعضكْ أبد ..

تبسّميْ

كلٍ فقَد لَه صآحبه
.... كلٍ فقَد لَه صآحبه
.........كلٍ فقَد لَه صآحبه




نوف تناظر بالتلفزيون .. وتحمد ربها ان فيه حاجه اسمها تلفزيون أو جوال .. يشغل الواحد

نفسه فيهم بالمواقف البايخه .. او المحرجه او المؤلمة ..



نجود واقفه فوقها ولا حست فيها : نوف .. نووووووووف خلاص راح وش له تناظرين

التلفزيون ؟



نوف بهدوء : طيب ليه تصايحين كذا ؟



نجود : لأنه حركتك مالها داعي .. ما ابغاك كذا انا .. اذا شفتيه بمكان مافيه تلفزيون

كيف بتتصرفين ؟؟ بدموعك ؟؟



نوف بنفس صوت نجود العالي : نجيد لا تعملي حالك فاهمه . !! انا جالسه اتابع عادي


نجود بثقه : كذااااااابه .. انتي كذاااااااابه ..




نوف باستسلام : صح انا كذابه .. وش تبغيني اسوي نجيد ؟؟ اناظره واذكر مواقفي معاه

وابكي ؟ بكل هالبساطه ؟؟ تبغينه يشوفني ضعيفه تافهه ما اقدر اتحكم بمشاعري ؟؟







احيان فيني شيء يصعب على البوح
.................. واحيان فيني بـوح يكسـر سكوتـي


اكبر خطا لاصرت مجموعة جـروح
...................اول احاسيسـي تباشـيـر مـوتـي




نجود : انتي اللي عملتي هالفكره عن نفسك .. من مزاجك .. والا كلنا نقدر نتحكم بأنفسنا


نوف : ايه صح .. زي ما انتي تقدرين تتحكمين بمشاعرك مع نايف .. صح برافو عليك نجيد

نجود تناظرها : انا غير وانتي غير

نوف : ليه ؟ وش غير فيه ؟؟ لأن نايف يستاهل دموعك وناصر لا ؟؟ واللي يقولك ان ولا

واحد يستاهل هالدموع ؟؟ واللي يقولك ان انا وانتي نكذب على بعض !!



نجود : نوف حتى لو كنت انا ضعيفه ما ابغاك تصيري زيي .. نوف انتي كنتي قويه ..

وكنتي اكثر وحده تاخذ قراراتها صح .. هذا كله وين راح ؟؟ نوف انا عمري ما شفتك

منهاره زي كذا

وربي ما احب اشوفك كذا .. صايره كل ما اذكر وجهك .. اذكره بدموووووووع وبكي .. وين

ضحكتك ؟؟؟



نوف : هههههههه نجيد .. انتي تحسين كذا بس انا ما كنت ولا عمري راح اكون قويه ..

انا الهوا يطيرني . . ! ناصر كان معي طول حياتي وكان هو مصدر القوه بالنسبه لي ..

الكل كان يعتقد اني قويه بس الحقيقه ان ناصر هو اللي كان مخليني قويه .. والله ناصر

ولا احد غيره .. والدليل ناظري فيني الحين .. !! (طلعت فوق واتركتها )


نجود ماهي قادره تتحمل .. حرام تشوف نوف مظلومه ولا قادره تسوي حاجه لها .. تخاف

تروح لناصر وتقوله الحقيقه وما يصدقها .. وتخسر نوف !!

الله يعينك على عنادك يا نويف .. محد موديك بداهيه الا هو .. !!



/

/


في الشــــركــة

الجد سامي بصوت عالي : ألحين تجيبولي مسعود الكلب ..

خالد : من وين نجيبه ؟؟ الرجال اختفى .. محد يدري وينه !!

فواز ماسك الجوال : الأكيد انه ماهو طالع من السعوديه .. انا رايح أجيبه ..




خالد بعد ما طلع عمه : هههههههه هذا وجهي اذا لقاه .. الكلب النذل ..

سالم بعصبيه : انت السبب يا خالد .. نايف علمك ان مسعود ملفه أسود .. وقالك ان

ماراح يجي منه الا المصايب بس انت دخلته


خالد : اسكت انت . مالك دخل .. انا جبته ايه بس ماهو انا اللي خليته سكرتير جدك الأميـن

الجد سامي بصوت عالي وهو يحذف الملف اللي قدامه : بتتهاوشون اطلعوا برا ..

بتجلسون زي الرياجيل اجلسوا ساكتين ..



خالد يضغط على سنونه : ..........

سالم بهدوء : ابشر ..




ابو خالد على الكرسي المتحرك : انا اقول تذكرون الله .. كل مشكله ولها حل .. اتصلوا

بنايف خلوه يجي ..



خالد حاط يده على خده : وش بيسوي نايف يعني ؟؟



سالم يتمصخـر : اللي ماسويته انت



خالد يناظره وهو رافع حاجبه : عل صوتك لو رجال ..



الجد سامي : بسسسسسسسسسسسسسسسسسس .. !! اسكتوا .. لو جايب سعد ومحمد ازين


الجد سامي يكمل : اتصل فيه يا راشد


الموظفين برا .. منصدمين .. ما يدرون وش السالفه وليه كل هالصياح .. !!

:
:


نايف نازل الصاله وهو كاشخ : السلام عليكم

نجود جالسه لحالها : وعليكم السلام

نايف يناظرها وباين عليها الزعل بس مايدري ليه !!







أنآ لآ شفتك بـ [ ضيقَه ]
أحس إنيّ
أنآ الغلطآان !


أعآاتب نفسيّ
بـ نفسي ~
ولَو [ مآكنتَ ] أنآ الجَاني



نايف قدام المرايه ووده لو يجلس طول عمره قدامها : وش فيك ماده بوزك شبرين !! لأنك

راح تدفعين فلوس بالعزيمه ؟


نجود كانت معصبه : ههههههههههههه


نايف : ههه

 

 

[اليازيه]

نجود بتردد : نايف جوالك يدق أكثر من مره

نايف يقرب عندها : يمكن أحمد . تأخرت مره اليوم ..

نجود فقلبها لا تقرب مو بعندي الجوال وش أبغى فيه : ......

نايف يناظرها وكنه يقول عطيني الجوال : .......

نجود : لا ماهو عندي .. بمكانه .. بس اقصد صوته

نايف يبتسم بقوه : اها .. ( رفع الجوال ) (وباستغراب قال ) هذا ابوي ؟؟ 6 مكالمات !!!

نايف اتصل : هلا بالغالي ..


ابو خالد : هلا فيك نايف .. بالمكتب

نايف يناظر نجود : لا في البيت .. فيه شي ؟؟؟

ابو خالد واضح بصوته الـتعب : لا بس نبغاك في الشركه شوي ..

نايف : وش فيه يبه . . ؟ جدي فيه شي ؟

نجود تناظر بخوف

ابو خالد : لا ان شاءالله .. بس حنا نبغاك شوي بأمور الميزانيه وكذا ..

نايف : اها .. يلا جاي جاي .. سلآم

نايف : تامرين بشي نجيد ..

نجود ارتاحت لما عرفت انه مافيه حاجه .. بابتسامه : سلامتك ..

نايف : فمآن الله

نجود : باااي



تدري متى تخنقني العبره واحس اني وحيد
لاقلت تامرنـي بشـي وقلتلـك سلامتـك


/

/



قصر الـعم سلمآن ..



سآره أم سآلم : تبوله .. ترا راح اطلع اليوم .. !


بتول تزين شعرها بعد ما خذت دوش : وين ماما ؟؟

سآره : غآليـة والبنات عاملين استقبال حق فايزة وانا معزومه ؟ تجين معي ؟


بتول ردت بسرعه : لااااا ماما روحي انبسطي لحالك وش يجلسني عندكم ؟ رحت مره

وحرمت اروح .. تووووووووبه والنبي


ساره باستغراب : والله ان الجلسه حلوه .. وتجيب العافية بس انتي زي بنات خوالك ما

تحبين الاختلاط ..



بتول : ماما بس مو زي كذا .. الاعتدال يمدحوووونه ..

ساره : ليه وحنا وشو ؟

بتول : ماما هناك أحس عازمين نصف الرياض .. بعدين كلهم يسئلون واحس انهم مو

شي .. مغرورات مره



ساره : عاد هم حبوك كثير وكل مره يسألون عنك

بتول : خلصت من شعرها : وانا كمان حبيتهم .. مرررررررررررررررررررررررررررررررررره

ساره تضحك من داخل على بنتها و هبالها .. وتعليقها .. وطريقة حكيها ..


بتول ترجع لأمها مره ثانيه : ماما ترى بعد الغدا عازمه البنات هنا على فلم هندي ..


ساره : حلـو .. نوف معهم ؟

بتول تناظر بأمها : شمعنى نوف ؟

ساره : أسئل عادي

بتول : اول مره تركزين على نوف !! أكيد بتجي فيها كلام هذي بعد !!

ساره تلوي فمها بمعنى الله أعلم !!

بتـول حطت هالسؤال فبالها وراح تسأله نوف وتشوف .. وش تقول !!


//
//



قصـر فوآز

نجود بغرفة الهنوف : ها آخر كلام !!

الهنوف : وين قاعده حضرتك ! سوق غنم !

نجود مستعجله : تكلمي ماراح تجون !

الهنوف تمسك راسها : مليون مره اقولك .. عندنا اختبااااااااااااااااااااااار

اختبااااااااااااااااااااااااااااار يوه




نجود : والله انك ما تستحين جالسه اترجاك عشان سواد عيونك يعني ؟ والا جلستك

الحلوه ؟ انا ابغاك تطلعين تنبسطين معنا


العنود داخله بينهم : فوفا امشي نطلع بلا حركات يالدافوره .. كلها كم ساعه وجايين

الهنوف وكنها محتقره العنود : هييييييييي انتي وش فيك بسرعه تغيرين رايك ؟

لهالدرجه مشفوحه على التمشيه ؟

العنود بصوت خفيف ما ينسمع : هذا اذا كان عندي راي


الهنوف : كيف ؟

العنود اخذت كتابها وطلعت : ولا حاجه .. اففففففففف


نجود : دودا ما عليك منها تبغين تجين تعالي .. هذا اللي ناقص بعد تتحكمين فيها

الهنوف : والله حبيبتي ما تحكمت فيها .. هذي هي قدامك اطلعي كلميها ..

نجود : أجل ليه تستأذن منك ؟

الهنوف منسدحه و تلعب بقلم الرصاص : لأنها حاسه بتأنيب ضمير .. الامتحان

يخوووووف .. وما درسنا حاجه .. امس سهرانين واليوم نصه نايمين .. !



دانه : وش في صوتكم ؟

نجود : لا بس أسئلهم اذا يبغون يجون معي والا لا ؟؟

دانه : وين ؟


نجود : الفيصلية

دانه : وع .. المفروض يسمونها النووووووووفانيه

نجود : تكرهينها لأن نوف تحبها .. وش هالعقد اللي فيك .. متى تصحين انتي

دانه : ههههههه المهم .. ما عزمتيني ؟


نجود باحترام : ما يبغالك عزيمه .. انتي الكبيره دانه ..

دانه تمسك خدها : ههههههههه طول عمرك ذووووق (طلعت من الغرفه)

نجود تطلع وراها بالممر : تجين ؟

دانه : نو حياتي .. انا عروس وراي شغل هههههههه مو لابق صح ؟



نجود ( وربي يا دانه كل يوم ادعي اني أنساه وان الله يوفقه معاك .. والله يا دانه اني أحبك

أكثر من نفسي واتمنى لك حياه احلى من حياتي .. وربي وربي ان فوق كل هذا كله

اعشقك بس أبغى أسئلك ليه تتعمدين تجرحيني ليه ؟ ) : بالعكس لابق عليك .. الله

يوفقك




دانه تناظرها بابتسامه : ..........

نجود تركتها ونزلت على السلم تركض وتغني .. يعني عاااااااااااااااادي ..


دانه تناظرها من فوق .. : جد مجنونه



/

/


نـزلـت بتــوول وادخلت قصـر العم رااااشد .. ،،

ناصر قبل لا يروح للمجلس عند بيت سامي اللي مواعده يتقهوى عنده .. حب ينزل

شوي بالحديقه اللي قدام بيت جده وخواله .. ما يدري ليه .. لقى حاله بمكانه الخاص


بمكانه اللي يحبه .. بمكانه اللي ما يبيعه بملايين الريالات .. ( وده يحكي مه هالطاوله

ويقول لها : والله ان لك معزه كبيره .. أنسى انك جماد .. أحسك تشتاقين لي وتشتاقين لنوف ..

أحسك بالفتره الاخيـره فاقدتنا مره .. وياما راح تفقدينا أكثر .. اعرف انها تجلس هنا

بالساعات لوحدها .. واعرف انها لما تجي عندك تبكي والله اعرف .. واعرف انها لما تقرى

الحكي اللي مكتوب عليك

تضحك بس تنزل دموعها . اعرف .. بس وش اسوي ؟ حاولت أنسى بس والله ماني قادر

انسى انها كانت بيوم من الايام بالمزرعه لوحدها مع الكلب .. ! وحتى لو أنسى هي

ماراح تنسى ! نويف وأعرفها .. )




بنفس المكان لكني هالمره وحيد
أبكي ألم وأقـول ليتك معايا



بنفس المكـــــان وما معي غير القصيد
أكتب عسى في يــوم تسمع ندايا


شف هالمكان دايم أجـــي له وأنا سعيد
عل وعسى ألقاك صــدفه ورايا




نجــود وهي طالعه من القصــر .. ناظرت ناصر من بعيد .. جالس على طرف الطاوله ..

ورجله على الكرسي .. ومنزل راسه يقرى حاجه ..


نجود (توقيتي مره غلط .. ألحين ينحرج لما يشوفني هنا .. يارب ما يحس فيني .. )

مرت من عند خلفه وكنها ما شافته .. رفع راسه ناصر .. وناظرها .. من بعيد فيها من نوف

كثير .. بس لما ركز .. عرف انها ماهي نوف بسرعه ..



ناصر بصوته العادي : كيفك نجود ؟


نجود ودها تبكي لما تشوفه .. تحسه ظالم ومظلوم بنفس الوقت : تمام .. أخبارك ناصر ؟


ناصر يتنهد بهدوء ويبتسم لها على طلعة نوف والبنات من القصـر : الحمد لله تمام ..

(التفت لجهتهم ووقف من مكانه و راح لسيارته بخطوات متزنه بطيئه .. يمشي ويلعب

بمسباحه ولا التفت لهم )





نجود كانت تبغى تدخل القصر بس خلاص البنات طلعوا .. نزلو البنات من الدرج الصغير ..

بس نوف ظلت واقفه .. وظلت تناظر بناصر من اول ما شافته ليما ركب جيبه


البنات انتبهوا لها بس ركبوا مع السايق .. واتركوها ..



نوف قلبها يبكي .. وجسمها يرتجف .. تحاول تبعد الشعر عن عينها ( ملامحك يا ناصر

كل ما لها تتغيـر .. هدوءك كل ما يزيد يقتلني .. يارب رجعه لطبيعته اذا مو عشاني

عشان امه .. مالها ذنب )



نوف اول ما طلع بسيارته ..

نزلت وركبت بجنب نجود ..


نجود تمسك يدها .. باااااااااارده مره .. والجو عاااااادي ..

نوف تزين شيلتها تحاول تخفي توترها وعشان ما تعطي احد مجال يناقشها : .....

نجود تغير الموضوع : زين جيتي لمو .. احسبك تدرسين بعد

الماس طالعه تجنن : ليه قالولك فوفا والا دودا .. يامامي خواتك ما يدرون انهم ناجحين ناجحين !!

تبوله : يعني ما تعرفينهم ؟؟ لاااااا للواااااااااسطه ..

نجود : اسكتوا بس خلونا ننبسط .. وش عليك نويف .. رايحه الفيصليه .. ههههههه

بتول بتفكير : أموت اعرف وش اللي مخلي هالمكان احلى حاجه عندك ؟؟

الماس : وربي نفس سؤالي .. لو تقوليلها تروحي النمسا .. سويسرا .. والا

الفيصليه .. تقولك : تقلد صوت نوف بنعومه : ( لا شووووووور الفيصليه )




بتول & نجود : هههههههه


نوف تناظرهم وتبتسم ..





لو جات من غيرك ، ترى كان هانت
أما تجي منك يآ هي قويّه !! ..




كذبت فيك احساسي و ناس قالت
ما كنت أصدق أن حبك خطيه !..


يآ هي قويّه
........... يآ هي قويّه
................... يآ هي قويّه
.............................. يآ هي قويّه




:
:




الشركــة


الساعه 3 الـعصـر


لاتقول تايه وأنا لك عضد
.." وسناد " ..

وشلون أتجاهل قرآبــة نورت لي
حياتي ..! ؟



نايف بتفكيــر : وانتوا من كل عقلكم .. تتوقعون مسعود هرب .. بس لأنه سرب معلومات

تخص البورصه و اسهم الشركه .. ومشاريعها الكبيره ؟



الجد سامي : أجل ايش ؟


العم راشد : فيه حاجه ثانيه ؟


نايف : هههه أكيد فيه .. ومحد راح يجاوب على هالسئوال الا جدي ؟؟


الجد سامي يتذكر : ممممممم مثل ايش يعني ؟



نايف :أي حاجه .. امانات ممممممم مستندات خاصه بمدير الماليه ... مممم شيكات

موقعه مممم يعني حاجات كذا ؟؟؟؟



الجد سامي تذكر : ايوه .. ايوه

نايف باهتمام : ؟؟؟؟؟

الجد سامي : مسعود عنده الاوراق اللي اسست الشركه .. وعنده ملفات اسعارنا أول

والحين .. و و (يتذكر)


سالم : وايش ؟


الجد سامي يناظر بـ خالد : و هذا وش اسمه ؟



خالد بصدمه : رقم تعاطي البورصه السري !!

الجد سامي بخيبة امل : ايوه

سالم باستغراب شديد ونسى انه يحاكي جده : انت معلمه بالرقم ؟



نايف بهدوء: سالم الموضوع صار وانتهى .. ألحين انكشفت اوراقه كلها .. و مسألة انهم

يطلعونه من تحت الارض هذي سهله ..


ولازم تذكرون انه مو من حق أي أحد يحاسب الثاني .. الكل غلطان ..


فواز دخل : حاكيت العميد وقال انه وكَل أكثر من دورية ،، وراح يجيبونه بغضون 24 ساعه بالكثير



الجد سامي : آه بس لو امسكه والله لا اقطعه باسناني .. الخااااين

نايف ساكت بس يقول فقلبه ( اللي ما يطيع يضيع ) : ......

العم راشد : طيب والعمل ألحين ؟

فواز بتردد : نادوا على هذا تركي .. اقصد ابو تركي ..

الجد سامي : لا .. انسوا امره هذا .. لحد يحكي فيه .. (يقول فقلبه .. كلمته زمان

ومارضى يجي معي الحين اذا رحت له يقول جا بعد ما طاح وغرق )



نايف بجرأه : ومافيها شي لو استعنى بخبرته .. اللي عرفته انه انسان ذكي و طلع

الشركه اكثر من مره من نكباتها .. ما اشوف فيها حاجه صراحه



الجد سامي يفكر بحكي نايف .. !





~ياعيال آدم وحوّا تراها ماتدووووم
دورة الاياااام لابـــدّها لا بـــــدّها ~



خالد بنرفزه : نقدر نحلها بدونه .. ما حنت من اللي ننذل او ننهان .. مشكله حالها حال
اي مشكله جات الشركه



نايف : اللي تحكي عنه هذا .. زوج عمتك .. وبحسبة عمك .. هدي يا خالد ..


خالد يحرك يده بمعنى رووووح يا شيخ

نايف : ابغى اطلب منكم طلب كلكم .. ماهي نصيحه لأنكم ما تحتاجونها مني ..

اعتبروها هديه لانها راح تفيدنا

نايف يكمل : عمي فواز يدخل ويطلع وهو معصب .. جدي اسمع صوته من اول ما دخلت

الشركه تحت .. أبوي باين عليه الزعل والعصبيه .. كل هذا ماهو فمصلحتنا


اذا عرفت الصحافه اي خبر يخص الموضوع والله راح تتدهور أمورنا اكثر واكثر .. لأن فيه

شركات ماهي عارفه بمشكلتنا وللحين يتعاملون معنا طبيعي .. لا تخلون حد يحس


خلونا نحاول نضبط اعصابنا وما نبين لأي شخص بالشركه عن هالمشكله لأنه ماراح يفيدنا

بس يمكن يضرنا .. ما نبغى ننطعن من شخص ثاني .. كافي مسعود ..




الجد سامي : كلامك عين العقل يا نايف .. ياليت الكل ينفذ كلامه .. الشغل يمشي زيه

زي كل يوم .. لين ما نلقى حل ..


/


/



الفيصلــية ..


الكره الكيستاليــة ..


(في البلوووورة )



الجلسة الحلوة .. والأجواء الخيالية .. جلسوا البنات وانبسطوا مره ..


تبوله : يلا بنات خلونا نطلع نتمشى برا ..

نوف : يلا

نجود بعد ما جا القرسون : تفضـل

بتول تهمس لنوف : يازينه نوووووووووووويف

نوف باحراج وتناظره : وجع تبوله ..



طلع القرسون .. وطلعوا البنات وراه والكل يناظر فيهم .. يمشون بثقه غريبه .. تميزهم !


نوف تبتسم لنجود : شفتي المشفوحه ؟ اول مره تناظر بالرجال

نجود : تبوله امانه ما يشابه نايف ؟


نوف : جت الثانيه ..


بتول بصوت عالي : وربي كنت اقول من يشبه . يامامي .. فيه منه كثير وخاصه عيونه وحاجبه


نجود : اشوى مو بس انا اشوفه يشابهه


بتول & نوف : خخخخخخخخخخخـ




بعد ما تسوقوا البنات .. وأخذوا اللي ناقصهم والللي مو بناقصهم ..


نزلوا يمشون تحت ..


وفجأه واحد يناديهم



.......... : لو سمحتي .. لو سمحتييييييييييي


بتول : نويف كنه يحاكينا ؟


نوف : تبوله لا تلفنين .. محد يمك

نجود : حتى لو يناديك وش له تردين ؟

بتول : طااااااااااااااااااااايب


....... : لوووووووووووووو سمحتي .. يووووووووه


بتول تبغى تعرف من جالس ينادي هذا : ......


الرجال فرح لما التفت له : جالس اناديك من الصبح ربي يسامحك


بتول برفعة حاجب لما قرب لعندهم : ..........


الرجال : طاحت منك هذي .. (عطاها ورقة وراح )


بتول تناظر بنوف ونجود : يقول طاحت مني هذي

نوف : نسمع حنا .. نسمع

نجود : قطيها في الزباله وتعالي

بتول ببلاهه : انتظري ابغى اشوفها

نوف : يابقره رقمه ..

بتول ترميها وتجي : هههههههه عاد كذا ؟ وش هالذوق هذا ؟ وربي صدقته

نجود : ايوه .. وجهه ما يعطي ..

كملو طريقهم

بتول بمزح : نويف أروح أجيبها ؟؟


نوف : مين ؟

بتول : الورقه هههههههه

نوف : هههههههه وجع


نجود : أنا اشوفها تقول أبغى اروح شوي وارجع !


بتول : أقول اسكتي بس .. المهم انا رجولي عورتني امشوا للقصر يلا .. شاروخان ينتظرنا


نجود : عندكم ؟؟ في القصر ؟؟


بتول : يااااااااااااااااااليــــــــــــــــــــــــــت ..



/



في مجـلس سآمــي ..



سآمي وهو يلعب ورقة مع ناصر : يلا العب


ناصر يختار ورقه ويحذفها : يلا


سامي وقف لعب : ناصر فيك شي ؟


ناصر لا .. ليه ؟ (يكمل لعبه)


سامي : ما انت على بعضك ؟

ناصر يتمصخر : جد ؟ كيف ؟


سامي : انا اكلمك من جد .. عسى ما شر .. والله احسك ضايق ..




لا .. تلوم إللي ذبـل مـن غرامـه
لا جاء كسير و منكوي .. خاطره كي

كل من يشوفه يسأله وش علامـه ؟
يشرب دموعه ثم يتمتم : و لا شـي


كاذب و ربي .. ما صدق في كلامه
جرحه عطيب و طاويٍ لوعته طـي



ناصر ساكت و كمل لعب : ......


سامي ما حب يجبره باين انها مشكله كبيره ! : الله يعينك يالخوي

/

/






يتبع

 

 

[اليازيه]

هَيهِاتْ لوِ تَدِرِيْ عنَ الحَالِ هَيهاتْ..............
..............قَلِبَنِ جرِيحِ وَضحِكَتنْ مسَتعِارَه !!





قصـ{ــر العم سلمآن ..



ارجعوا من المول .. و انزلوا البنات من السيارهـ .. وادخلوا القصـر ..

بتول ترمي عبايتها على الكنب : بس جد كنت بزعل منك لو ما جيتي

نوف بيأس : كلن زعل مني بتول .. انا الغلطانه فكل حاجه

بتول باستغراب : نوف حبيبتي انت محد يقدر يزعل منك اكيد فاهمتهم غلط

نوف بضحكة استهزاء : ايوه صح

نجود تهدي : بتول انتي عارفه ان نوف تدور الوقت اللي تجي فيه هنا وتجلس

معك .. بس هي شوي متضايقه



لمو : اي والله صادقه نجيد


بتول بزعل : أجل ليه قالت ماني جايه .. ليما اقنعتيها انتي ؟ وقلتلها انا ان محد
من اخواني فيه !



نوف جلست على اقرب كرسي من التعب : خلاص بنات ..

نجود بابتسامه : امك فيه ؟

بتول : لا

نجود : وش اسمه ولد جيرانكم المزيوووون ؟

بتول : اي واحد ؟ كثير هههههه

نجود : لاااااا .. صديق سالم ابو صوت يخقق

بتول : فيصل

نجود : تعرفي رقم بيتهم ؟

بتول باستغراب : ايوه أكيد ..

نوف : وش ناويه عليه نجيد

نجود تناظر بنوف : الحين اقولك .. روحي جيبيه تبوله

بتول طلعت الصاله الثانيه تجيبه من دفتر الارقام والعناوين

نجود : من كثر ما تسولف فيه تبوله أبغى اسمع صوته


نوف : يا هبله وربي لو يدري سالم والا أحد ليقتلك ..

نجود : ماراح يدرون .. مجنونه انتي ؟؟


نوف : وش بتقوليله ؟؟ لا نجيد تكفين بلا هبالك

بتول جت : هذا هو

نجود : أكيد ؟؟

بتول : ايوه ..

نجود : واسمه فيصل أكيد ؟


بتول : ايوه نجيد .. يوووووه .. وش بتسوين طيب ؟

نجود : مادري بس أبغى اسمعه يقول ألو وبسكر الجوال بسرعه

بتول : ههههههه عادي

نوف : وربي انكم بايعاتها .. نجيد حنا اتفقنا على فلم .. مو على كذا ..

نجود تتربع على الكنبه : تبوله عطيني جوالي من الشنطه

بتول مبسوطه راحت تجيبه وهي تركض : اخذي

نجود تضغط رقمهم وتحط الجوال على اذنها : يارب يكون فيه

رد عليها صوت ولد بعمر الـ 15 تقريبا : ألو ؟


نجود تحسبه هو .. غيرت صوتها لصوت هنديه : هلووو ؟

الولد : مين ؟

نجود : مستر فاااايصل هير ؟؟

الولد : وشو ؟ فيصل !!

نجود : يس

بتول : ههههههههههههههههههههههههههه

نجود تضربها بيدها : كوكلي بليز

الولد طلع ينادي فيصل اللي جاي وهو مستغرب : هنديه تبغاني أنا ؟؟؟

الولد : ايوه

مسك السماعه فيصل وبخامة الصوت النادره : ألـو ؟

نجود تنحت : .......

السبيكر مفتوح والكل يسمع

نوف ماسكه ضحكتها ..

بتول تأشر لها احكي : ......

نجود بخوف : هلووووووو

فيصل : هلا ؟ نعم ؟

نجود :مستر فيصل ؟

فيصل : خير ؟

نجود عجزت تمسك ضحكتها : ........

فيصل : ألوووووووووووووووووووووووو

نجود فقلبها يا ويلي لو اضحك والله ما يتركنا .. مسكت نفسها : يو آر فيصل ؟

فيصل طفش : منو الحمار اللي معطيك الجوال ؟؟؟؟ سكر الخط

بتول & نجود & نوف : ههههههههههههههههههههههههههههههههههههه

بتول : وهـ فديت ولد حارتنا

نجود : هههههههه هذا شكله يتنفس العصبيه .. عايش عليها

نوف : طيب وبعدين ؟ وش استفدتي

نجود : نجيد لا تحسسيني ان عمرك 50 سنه ؟ ادري لابق لك هههههه بس
كذا كان ودي اسمعه

بتول : عاد وش رايك ؟

نجود : مممممم تقدرين تقولين أحلى صوت رجال مر علي

نوف ناقده عليهم : كمان ؟؟ مصنفتهم مس نجود ؟ ونايف وين ترتيبه طيب ؟

نجود بتفكير : ممممممممم نايف أعذبهم .. و أرقآهم .. و

نوف : بس بس اسكتي .. تبوله يلا خلينا نشوف الفلم يبيله سااااعات على ما

يخلص .. ونجيد اذا حكت عن نايف ما تسكت

نجود تضربها بالكوشيه : وجع نوووووووويف




/
:


مجلس سآمي
على العشا



اللي كساه الهم ، و الضيق جوّه ..

بالله يا ( سآمي ) قلّه وش الحل .. !




قام ناصر : كثر خيرك

سامي : عافية .. ما كليت شي .

ناصر : لا والله شبعت .. يامال العافية ..

سامي يغسل يده بجنب ناصر : يعافيك .. اقول ناصر ..

ناصر : تبغى نطلع نشم هوى ؟

ناصر بتعب : مره ثانيه ان شاءالله .. عساي بس اقدر اوصل القصر .. دايخ يا

سامي .. على كثر ما انام احس ما اشبع

سامي : هذا من الارق .. والتعب ..

ناصر : الله يعين يا بن الحلال .. عندك شي بكره !

سامي : مممممم عندي قضية الصباح ..

ناصر : خلاص اذا فضيت اتصل فيني .. عشان نشوف مكان نطلع فيه ..

سامي : ابشــر ..

ناصر : يلا تامرني بشي

سامي : اجلس تقهوى .. خلنا نكمل اللعب

ناصر : مره ثانيه ان شاءالله .. فمآن الله

سامي : فمان الكريم

/

/



قـ}ــصر الجد سامي



الجده سلمى تقص الفاكهه .. والجد سامي يحكي بالجوال

الجد سامي ما حكى لزوجته حاجه عن مشاكل الشركه اللي فيها مكفيها ..

قصت له الفاكهه ورفض ياكلها


على غير عاده

سكر الجوال الجد سامي وتنهد بقوه ..

سلمى : عسى ما شر يا بو راشد ؟

سامي : ولا حاجه .. انا طالع انام ..


سلمى اتصلت بولدها فواز : ألو ؟


فواز : هلا بالغالية

سلمى : كيف حالك ؟

فواز : الحمد لله بخير انتي وشلون صحتك ؟


سلمى : ابوك فيه حاجه مشغلته ؟


فواز : ليه يمه فيه شي ؟

سلمى : انا اللي اسألك

فواز : لا مافيه شي .. الامور ماشيه تمام ..

سلمى ما تدري وش فيه : ايه .. خلاص اجل ..

فواز : اذا بغيتي شي اتصلي يمه تراي ماراح انام

سلمى : ان شاءالله ..

/
/


فواز يحاكي ام دانه : والله مادري وش افكر فيه الحين .. عرس نايف والا المصيبه

اللي فوق راسنا .. والا صحة ابوي و


وصحة ابو خالد .. !!



ام دانه : خل الزواج ينتهي على خير .. وبعدها يحلها الف حلال

فواز : ما ضنتي هالمره .. راح تنحل .. الشكاوي كثرت .. والارباح نزل معدلها ..

ام دانه جتها ضيقه حاسه بزوجها : ما فيه مشكله الا ولها حل .. ارتاح الحين ..

وخلني اجيب لك شي تاكله ..


فواز بثوب النوم : لا مالي نفس .. بطلع شوي عند ابو خالد ..

ام دانه : براحتك


في الممر

دانه : هاااااااي

فواز وهو نازل : هلاااا بالعروووووووس هلا بحبيبة ابووووووها

دانه تبوس راسه : هلا فيك يا أحلى بابا فهالدنيااااااااا كلهاااااا

فواز : ليه ما نمتي ؟

دانه : مافيني نوم ،، انت ليه ما نمت ؟

فواز : انا بطلع شوي عند ابو خالد ..

دانه بقهر : ترا نجود ما جت ؟

فواز : اي كلمتني تقول الفلم ما خلص .. مادري ليه ما تشوفه هنا بالقصر ..

دانه تهز كتوفها : أنا ادري .. اسألها اذا جت ..

فواز : يمكن أطلع أجيبهم من بيت سلمان .. يلا تبين شي ؟؟؟

دانه : سلامتك





/


تبوك

الساعه 12 بالليــل ..

الجو هادي .. والمستشفى متهالك .. والجدران يغلب عليها اللون الأبيض

والرمادي ..



ريحة المستشفى مميزة وتجيب الاكتئاب .. المكان شبه فاضي .. وبين الأسره

كان فيه سرير ..

سرير تركي .. اللي صار له حادث على خط تبوك .. بثآني يوم دوام .. ولما طلع

من الملاحظه بلغ صاحبه


انه ما يحكي لأهله شي ليما يتعافى ويقوم بالسلامه .. لكن الله ما كان كاتب
كذا !!


الله كتب انه يصحى من الحادث .. يعيش يومين تحت الاجهزه .. وبعدها دخل

بغيبوبه .. غيبوبه ما ينعرف راح


تطول والا لا !!



لو درى ابوي راح يموت .. واعرفه ما يتحمل هالمواقف

وامي لو درت .. الله اعلم بحالها .. انا لو أكون مزكم يرتفع ضغطها .. كيف لما

تدري اني سويت حادث !


وساره والجوهره !!


لا لا .. كلها كم يوم واطلع .. واصير كويس ..


لكن !



الاقدار كانت لها كلمة ثانيه ..
................................. غيبوبـة .. !


/



قصـــ}ــر العم راشد


فواز جالس بالصاله مع راشد وخالد و نايف ..

فواز بيده الفنجال : غريبه هالمسعود .. ما كان باين عليه

نايف : هنا المشكله .. دايم تنصدم باللي ماهو باين عليهم .. يجيك صايم

مصلي لحيته طويله بس مافيه مبادئ ولا اخلاق


فواز : حسبي الله عليه كانه جابلنا المصايب .. والله ماني مصدق

نايف : مسوي نفسه مطوع .. ! طيب ليه تستغل هالشي ؟ والله مو بـ رجال

خالد يسمع وساكت : .......

ابو خالد : عسانا نقدر نسدد اللي علينا .. حنا راضين لو بنصف الارباح .. الله

يستر بس وما يطفش الموظفين

نايف : مو بمزاجهم يطفشون .. الرواتب اللي نعطيهم ما يحصلونها بالرياض لو
ايش .. مو بهالسهوله يا طويل العمر


ابو خالد : الله يسمع منك .. والله يحلها


فواز : جاهز معرسنا ؟


نايف بقلبه .. ولا حركت حاجه ولا دريت اصلا : افا عليك يا عم كل شي جاهز


فواز : والله احمد ربي ان نايف صار من نصيب وحده من بناتي ..

نايف : الله يجزاك خيـر .. وانا وين ألقى أحسن من بنات فواز ؟

ابو فواز بابتسامه : الله يسلمك .. انا استأذن النوم سلطااان ..

الكل : الله معك ..

/
/


قصــ{ــــر سلمان



بعد ما انتهى الفلم الهندي ..


نجود & بتول يمسحون دموعهم بالمنديل


نوف تناظرهم : ههههههههههه حياتي .. وش هالاحساس المرهف


نجود : نويف شارووو مات ( عيونها تدمع)

بتول وعينها دموع : ياااااليت عندنا سينما في المملكة ..

نوف : ههههههههههه عشان تفشلينا عند العالم ؟

لمو : مو بعاجبتك هالشاشه .. والله قريبه من اللي بالسينما

دخل ناصر القصــر .. الساعه 1 الفجر


نوف سكتت فجأه .. و تجمدت فمكانها


يآ ليتني آنسان معدوومـ الأحساس...
مآ أحس بفراقكـ ولآ أبكي غياآآبك...


نجود مستغربه : .....


بتول هو قايللها بيسهر برا : هلا ناصر


ناصر جلس يناظر عيون نوف : .....

بتول : ناصر

ناصر يناظرها .. كان احساس غريب .. ما يدري وشو .. بس الي يعرفه انه

مظلوم .. كل الناس تركته وش بقاله ؟



نوف فقلبها (لا تناظر كذا تكفى .. قالو لي انك مو فيه .. من وين طلعت .. ؟ كل
ما انساك ترجع .. روح ماني ناقصتك )




خذ بقايآ ذكرياتكـ...والأماني والوعود...
وأمحي آسمي من حياتكـ...وآنسى أني بالوجوود...



نجود ودها تطلع من الصاله .. ودها ناصر يحكي مع نوف وتنتهي المشكله ..

نجود قامت بعذر انها تدور شنطتها .. وطلعو وراها بتول ولمو ..


نوف ناظرتهم ووقفت .. سحبت جوالها وطلعت

لما وصلت بجنبه قال بصوت هادي : تحبينه ؟

نوف وقفت وقلبه يضرب بقوووووه .. ناظرت فيه وهو معطيها ظهره : ........


ناصر التفت لها .. وصوته رااااح : تحبينه نويف ؟

أن خنتني أعلم ترى مـا بعـد خنـت ** ألا معـك لـكـن خـونـت ذرابــه
خنتـك مـع طيفـك بعـد مـا تــيقنـت ** أنـك علـي بعـد الثـرى و السحابـه



نوف : لا تقول اسمي .. خلك عند كلمتك .. اسمي لا تطريه على لساااانك .. لا توسخه


ناصر بصوت عالي .. ما عاد احد يهمه اللي بيسمع يسمع : ردي علي


نوف بهدوء : لا تصايح انا مو بزر عندك .. انا مو سعد

ناصر بحزن .. وبصوت متغير : بس سعد ما خاني ..

نوف فيه حاجه تقطعها من جوا : أكرهك يا ناصر

ناصر : طول عمرك تقولينها مزح .. بس هالمره احسها من قلبك

نوف تمسك دموعها : لأنها جد من قلبي ..


مسموح ياللي تجرح القلب وتروح
كثر الله خيرك .. مجمل ومشكور

ناصر يجلس ماهو قادر يتحمل : ليه سويتي فيني كذا ؟ ليه كذبتي علي ؟ ليه وانا احبك

نوف بصوت عالي : لا تعمل حالك بريء .. خلاص يا ناصر ظلمتني بما فيه
الكفايه .. ما شبعت ؟


ناصر : أشبع من ايش ؟ .. وظلمتك بإيش ؟ (يعلي صوته ) وش اللي
وداااااااااااك هنااااااااااااك



نوف بقلبها (للحين انا خاينه عندك ؟ ) : حسافة


ناصر يناظرها : حسافة ؟

نوف : اي والله حسافه ..


برحـــل مثل ماتبــي لكـــن على فكــــــــره
ظلمــ/ــت لك واحــــد والله ماخانك


يامن تعلمــــت منك الحب لاتكــــــــره
قلــب عطاك الفــ/ــرح في قمة احزانك



ناصر يناظر بعيونها البريئه : حسافة ايش نويف ؟ ترا ما عدت افهم حاجه (صار

بصوته بحه توجع القلب ) ما عدت اعرف نفسي

صدمات ورى بعض .. ماني قادر اتحملها ..


نوف ما هي قادرة تتحمل كلامه .. ما تبغى تكرهه اكثر بس ناظرته بقسوه

وقالت بقوه : ايه احبه .. اعشقه .. واكرهك وما اطيقك ..




ناصر ما قدر يتحمل انقهر .. كن احد يمسك قلبه ويقطعه قط قطع قطع .. رفع يده يبغى يضربها


نوف غمضت عيونها بقوه وقالت بصوت عالي : اضرب يا ناصر .. انت رجال اضربني ..



قربت عنده وأشرت على خدها الثاني : هذا ما ضربته .. اضربه يا ناصر وش تنتظر ؟؟؟؟







ابعدت عنه وعيونها تحكي كلام كثير .. ابعدت عنه وطلعت تبغى تروح مكان

تضمن انه ما هو موجود فيه



طلعت وسحبها من يدها بقوه : ليه عبدالعزيز ؟ و ليه صاحبي ؟ ليه .. قولي اي حاجه .. ابغى اعرف السبب


نوف لما تقرب منه وتشم ريحة عطره ودها تبكي .. وفعلا ً نزلت دموعها : ابعد عني ..



ناصر ماسك كتوفها : ما راح افكك قولي .. .. ليه سويتي فيني كذا ..


نوف تبغى تطلع من اللي فقلبها ولو شوي .. تكلمت وصوتها كلها حزن

ودمووع .. كنها بزر يدافع عن نفسه : مع بعض أكثر من 20 سنة أعرفك أكثر من

نفسك .. أعرف وش تفكر فيه قبل تقوله .. ووش تحب ووش تكره .. أعرف كل

حاجه عنك .. الا شي واحد .. شي واحد توني اكتشفته .. توني أعرف اني

رخيصة عندك .. هالشي يا ناصر خرب كل حاجه حلوه .. وحلفت لك اني

مظلومه بس ما صدقتني



ماني بزعلان لو الحزن بي يرقآ ..
ولا راح تفرِق معك زعلان أو راضي .!

بس حزٌت فخاطري يا شاري الفرقآ :
العِشْره إلٌي معك راحت على الفاضي .!




نوف تكمل وهي تبكي صدقت عبدالعزيز اللي خانك أكثر من مره .. صدقت

عبدالعزيز اللي ماصار لك شهر عرفته .. صدقت عبدالعزيز اللي حاول


يجرح كرامتك فيني انا .. (تعلي صوتها) صدقت عبدالعزيز اللي استغل حبك

لي .. واستغلني بحاجه انا مالي دخل فيها .. بدال


لا تحاسب نفسك وتحاسبه ... جيت تحاسبني انا .. بدال لا توقف معي .. وقفت
ضدي .. بدال لا تحسسني ان ثقتك فيني بمكانها

حسستني اني انسانه حقيره وخاينه و غداره .. صدقته وكذبتني ..


وجاي تقولي اني خنتك ؟

انا اخونك يا ناصر ؟

انا أخون نفسي ولا أخونك ..

ناصر بصدمه .. ماهو قادر يصحى منها .. فاتح فمه .. وعاقد حاجبه .. ويناظر

بالانسانه اللي متحطمة بين يديه .. يناظر

بالبزر اللي ماسكه بين يديه ..



نوف تكمل وهي تناظر بعيونه وتصيح وتتكلم بكلمات متقاطعه من شدة الصياح: كيف أخونك وانا رحت المزرعه لأنه كذب

علي ؟ كيف أخونك وانا ضحيت بخوفي

وضحيت بنفسي وجيت مكان انت عارف اني أموت ولا اروح له عشانك ؟ عزيز

خانك لما قالي انك مريض بالمزرعه ..

عزيز خانك وانا اللي أدفع الثمن .. .. كيف أفكر أخونك وانا كنت أحبك .. كيف ؟؟




ناصر يصرخ قلبه ( لا تقولين كنت .. لا تقولينها نويف .. توجعني هالكلمة وتذلني )


ناصر ما يدري وش يقول .. ما يبغى يفكها .. كأنه أحد عطاه كف وصحاه من

اللي فيه .. كأنه أحد يقوله الخاين مو نوف الخاين انت


جلس يراجع حكيها من جديد .. و يناظر بحرفه برقبتها .. يناظر بعيونها اللي

حكيها ما خلص .. يناظر فيها وهي تمسح دموعها عشان محد يشوفها .. يحس

بجسمها كيف يرتعش .. ..



نوف : فكني (تصرخ ) فكنييييييييييييي


ناصر فكها بدون احساس وبدون تعليق وبدون حكي .. تركها ترووووووووح وحكيها بعد بإذنه ما راح ..


كل ما ذكر كلمه قالتها رد عليها قلبه وقال .. وربي صادقه ..


ناظرته نوف و هي ما هي متحسفه على اي شي قالته .. بالعكس ارتاحت ..

وارتاحت كثير انها عاااااااتبته .. ورجعت له ربع الوجع


لا طاح من صدري [ عتب ] ما حملته ،،
طبعي كذا أعتب / ولا أعـرف اشيـل

وإذا شعرت بشيء مـا ابيـه / قلتـه ،،
وان قلت أقول اْمن العتب [ شي ما قيل ]

حتى السحاب اللي قبل عام / طلتـه ،،
قطفت منْه غيمتيـن .. وغـدن سيـل

وإن شلت حمّل الناس ما قلـت شلتـه ،،
أحب اسوي خير [ وارميه فـالنيـل ]



ناصر .. يحاكي حاله .. ليه يا نوف ما تكلمتي من الاول .. ليه ما ريحتيني

وارتحتي ؟ انا وش سويت ؟ انا وش قلت ؟

الله يلعنك يا عبدالعزيز .. والله لو اشوفك ليكون هذا آخر يوم بحياتك .. حسبي
الله عليك

ناصر بمكانه ما تحرك .. على وجهه تقدرون تقرون : معاني الظلم الممزوجه

بالقهر والحزن .. وده يصيح وده يبكي .. بس وش يفيد ؟ لو البكي ينفع .. كان

نفع نوف .. اللي بكت وصاحت و تألمت و لو الحكي ينفع .. كان نفع نايف ..

اللي قال وحكى بس ما نفع وش اقول ووش اسوي ؟ يارب صبرني .. والله اني

أخلص من مصيبه وتجيني اللي أكبر منها ..






أصعب اللحظات لحظات المفـارق
كل جرح ٍ داخل ضلوعك .. تشبّه !


وانت بدموع الوداع المـرّ غـارق
كل دمعه تطيح تصرخ بك . . أحبّه !



/



نوف طلعت فوووووق ما تدري وين تروح .. دخلت أقرب غرفة وجلست تصيح ..
تبكي .. تطلع اللي فقلبها .. كنه آخر يوم

 

 

[اليازيه]

يوم راح تبكي فيه ,




انت الوحيد اللي خفوقي تمناك
وكل الذي تبغاه مني عطيتك

واليوم ماتت ضحكتي في زواياك
سليت سيفك ليتني ما رجيتك



/

بعد ساعه .. البنات طلعوا فوووق .. بجناح تبوله .. ودخلت عندهم نوف بعد ما
هدت


نايف واقف بسيارته برا قصر ابو سالم في الحديقه .. شغل التكيف و رفع على
صوت الـسي دي .. محمد عبده ..

حكى مع نوف على الجوال

نايف : نويف انا برا .. يلا حبوبه


نوف تحكي من الصاله اللي فوق بصوت يرجف : ان شاءالله

نايف : ألو ؟

نوف : معاك

نايف : فيه حاجه ؟

نوف : لا مافيه شي .. انا طالعه


نايف : يلا لا تأخرون علي ..



/

بتول مصدومه وساكته .. سمعت حكيهم كله .. بس ماهي فاهمه حاجه..
تناظر بنوف ونجود يلبسون عبيهم


نوف تبوس تبوله وابتسامه كاذبه : باي حياتي

بتول وباين ان فيها بكيه : باي

لمو & نجود : باااااي



/

نزلو نوف ونجود وبتول ولمو بالاصنصير ..


نوف بصدمه تناظر بناصر اللي ما غير مكانه .. !!

نوف بقلبها (وش فايده هالجلسه ؟ ووش فايدة الندم اللي شفته بعيونك ؟

تركتك من ساعه وللحين بمكانك ؟ )



عسى اللّه يوسّع خاطـرك بيـن ذاك وذاك
وانا اللّه على ما صـار منّـك .. يصبّرنـي



/


نوف اول ما شافته غطت وجهها ..

نجود طلعت معاها وركبوا السياره مع نايف ..


بتول متردده تروح له ؟ والا تتركه وتطلع فوق ؟؟ كان شكله يخوف .. وربي أول مره اشوفه كذا ..

بتول قربت عنده وقالت بصوت ما ينسمع : نـ نــ ناصر ؟

ناصر وهو متمدد على الكنبه ويحرك أصابعه على خده .. ويناظر بالسقف ..

بتول : ناصر

ناصر : نعم !

بتول : تبغى حاجه .. ؟

ناصر بنبره تخوف : بتول .. !

بتول ودها تهرب : ن نعم

ناصر بهدوء : اطلعي غرفتك

بتول اطلعت فوق تركض .. شكلها كان مره يضحك

/
/



يَآرب ,
فـ القلب هم ‘| وعندك افراجه


نآصر نآم على الكنبة الكبيره .. ..




يراودني الغرام اللي رفض كل الـدروب وجـاك
............. وتكامل بالحضور العـذب ، طيفـك لـو هجرتينـي



/



في السياره

نجود & نوف : السلام عليكم

نايف : وعليكم السلام ..

نايف يحرك السياره : حي الله بنات الرياض .. تو ما نورت السياره

نجود تبتسم له : الله يحييك .. .. ونوف ساكته ..

نايف : وش في الحلو زعلان ؟

نوف : لا عادي ..

نايف يناظر نجود بالمنظره .. : نجود ..

نجود و ماهي عارفه ليه مستحيه كذا وكنها بتشقق من الحيا : هلا احم
(بصوت أعلى ) هلا

نايف : هلا فيك .. بالله وش رايك بهالصوت .. ؟ (شغل اغنية اسمحيلي يالغرام )







نجود تناظره بالمنظره وتنزل عيونها : .......

نايف : .........

وصلوا لقصرهم قبل ما تكمل الاغنية .. وقف الصوت نايف ورد سأل السئوال مره

ثانيه : ما قلتيلي رايك ؟



نجود ودها تبكي .. تعشق هالاغنية وتذكر نايف لما تسمعها .. : حـلـ وه

نايف : أعشقها .. أموت فيها ..

نجود تحاول ما تناظره (طب وش اسوي لك ؟ .. حسبي الله على عدوك يا

نايف .. لازم تناظر فوجهي منحرجة ) ..



نجود أول ما وصلو للقصـر .. : تصبحون على خيــر ..



نايف بابتسامة : ههههههه فمآن الله نجيد .. ..

نوف : أنزل ؟

نايف : لا خليني أقرب عند الباب .. بعدين ألبق السياره ..



/





صباح الورد ..!
...............................يا ريح الورد
.................................................ي اعطر الشوق وَ الكادي ..
صباح الفل ..!
وحزني ملّ .................................
............................. من احراقي وَ إخمادي ..



غرفة نوف




الغرفة كانت ظلام .. ونوف متغطيه بالفراااش .. أمس ما نامت زين ..

بس صحت وهي مرتاحه .. صحت من النوم وتحس انها ارتاحت من بعض

الهموم


نوف تروشت ولبست للجامعة ونزلت ..

نجود في الصاله : هاااااي

نوف برعب : بسم الله .. خوفتيني .. من وين طلعتي ؟

نجود توقف : ممممممم صارلي ساعه انتظر هنا .. بيتكم وراه ميت اليوم ؟

نوف تمسك يد نجود و باين عليها الفرح : طيب يلا خلينا نطلع للجامعه

نجود وهي حاطه فبالها انها راح تناظر وحده مكسوره . ضايق صدرها ابتسمت

بقوه : أيوه هذي نويف ..

نوف : ههههههههههههههه

/
/


في مكتب الهندسة المعمارية



نايف بمكتبه الواسع .. ما شبع نوم ووده يغفى شوي : آآآآآىىخ ..


أحمد جالس ويحاول ينتهي من حاجه بيده : علامك ؟

نايف : أبغى انام .. دااااااايخ

أحمد : ما تقول عندك العصر روحه للشركه ؟

نايف : وهذا اللي دابل كبدي .. والله اني دايخ . أدور الفراااش

أحمد : أجل اطلع ارتاح لك كم ساعه عشان ما ترقد عند جدك

نايف : هههههههه شكله هذا اللي بيصير

أحمد : حكيت مع ابوك عن موضوعنا ؟

نايف ما يدري وش يتكلم عنه أحمد : أي موضوع ؟

أحمد بخيبة أمل : أفا .. ! ترا نبغى القرب منك .. لا تجنني .. انت ناسي ؟؟؟

نايف وارتسمت عليه ابتسامه : هههه ايه تذكرت .. الله يهداك وفيه أحد يحصل

مهندس محترم زيك ؟ ايه يا بن الحلال كلمته .. انت بس خلني اتزوج وافتك و

أتفضى لك




أحمد ربع يدينه : ياخي انت والله غريب .. عمره أحد قالك ؟

نايف ببرود : ههههههه ممممممممم كثير والله .. بس انت وش اسبابك !

أحمد : فيه أحد يقول خلني أتزوج وافتك واتفضى لك ؟ قسم بالله حسستني

انك رايح تأدي واجب و ما تصدق متى تنتهي منه وتتفضى لأمورك الأهم ؟

نايف وكن أحمد جابها ع الجرح بس صادق : تامر بشي احمد ؟ ( وقف يبغى

يطلع )

أحمد باستهزاء : سلامتك بس لا تنسى تعزمني على الزواج ...

نايف قبل ما يطلع من الباب : يحق لك تضحك .. .. سلآآآآآآم


/
/




الجامعة


نوف طلعت من المحاضرة وعيون البنات عليها ..

لما تمشي بجنبهم .. تنبسط لما تشوف عيونهم طلعت من كثر الخز ..

تفرح لما تشوف الغيره بعيونهم .. أشكالهم مره واضحه . وملامحهم ما يقدرون يخفونها ..

طلعت ودخلت الكفتيريا .. جلست مع صاحبات الدراسة ..

اتصلت فيها تبوله ..

بتول : تعالي عند الموووووووج الاخضر ..

نوف : ياااااي تبوله وربي توني جالسه .. خليني آخذ نفس .. انتي ليه ما
تجين . ؟ بعدين من وين جبتي اسم الموج الاخضر ؟

بتول : اففففف نويف يا كثر أسئلتك .. والله الجو هنا خيال .. بعدين بلا زحمة
بلا وجع قلب .. طيعيني تعالي

نوف تسحب كتابها : ممم جايه .. مع السلامه بناااااااات

بتول : يلا لا تطولين .. ترا اخاف لحالي ..

نوف : فديت البراءه والطفوله .. مو بلابق ..

بتول بدلع : مممممم حطي عينك بعيني

نوف بخساره : والله انتي الدلع والبراءه كلهااا .. يلا شفتك (تأشر لها بيدها )


/
/

شقة أبو تركي ..


عبدالعزيز ماسك الباب .. : ما تطلع يعني ما تطلع ..


ام تركي : تعوذ من ابليس .. وش شايفها انت ؟؟ ما تشوف العبايه والغطا ؟؟؟

عبدالعزيز : لا والله ؟ وهناك تلبس هاللبس ؟

الجوهره بصياح : وش شايفني لابسه أخ عزوز ؟؟؟ هذا لبسي من زمان ولو

فيه شي امنعوه بالجامعه


عبدالعزيز : بلا جامعتك تبن .. حمار اللي دخلك فيها


الجوهره تحط يدها على قلبها وعيونها منصدمه وتناظر بعزوز أكيد يقصد تركي:

حمار يا عبدالعزيز ؟ من تقصد ؟؟ من تقصد يا نذل




عبدالعزيز جنت جنونه .. سحبها من عبايتها وكنها حيوان : انا نذل يا كلبه .. لا

تغلطين لا والله لأحرمك من الجامعه



الجوهره بصياح : آآآآآآآآىه .. ليه ما تحكي معي الا لما يطلع ابوي .. فكني آآآآآآآىه

عبدالعزيز : الله يخليك وين طالع يعني ؟؟ شركة عادية وماهم مقدرينه

الجوهره دموعها نزلت بقوه بقوه بقوه وفكت يدينه : كيف يقدرونه وولده ما قدره

؟ (فتحت الباب وطلعت تلحق على ابوها يوصلها زي دايم .. مشكله عزيز ما


يحكي قدام

ابوه لأنه خواف .. مافيه شخصيه .. يحسب كل الناس مثله قليلين حيا واخلاق ..

يحسب اخته زي البنات اللي يعرفهم .. اذا انعدمت الثقه بين الاخ واخته بسبب

الشك وظنون الخطا


راح ينفتح باب كبير من الزعل والهواش والكره و الحزن )








على كثر العيون اللي ضحكت لي مابكت لي عين
................ بكيت ومالقيت لدمعتي عين تواسيهـــا




الجوهره تمسح دموعها على الدرج .. ما تبغى ابوها يحس ان فيها شي : صباح الخير

ابو تركي بابتسامته اللي تسوى الدنيا وما فيها : يا هلا ويا غلا .. بالله وش أحلى من هالصباح ..

الجوهره بضحكه مسموعه : هههه

ابو تركي : اختك راحت لبزرانها اليوم ؟


الجوهره تذكرت ان ساره بالحضانة .. والا كان دافعت عنها قدام الحقير : ايوه .. داومت ..


ابو تركي : متى تطلعين اليوم ؟؟


الجوهره : الساعه 3 ا شاءالله

ابو تركي : تراي بوقف يمين زي كل يوم ..


/
/



في المدرسة الثانوية

وقت الفسحة

الريم وحوالينها صاحباتها .. جالسين يسولفون

الريم بحركاتها الصبيانيه .. ومحاولاتها انها تصير زي ما ابوها يبغى .. ولد ما

ينخاف عليه .. ضحكت بدفااااشه : هههههههه


وحده من صديقاتها : ريم بالله وش هالاسم الحلو ؟ .. بس حرام فيك


الريم ترفع حاجبها هالبنت متى تحترم حالها : لا اسمك الحلو .. فيه أحد اسمه

سراب ؟ .. كفوك .. لأنك أساسا ما كنك موجوده



نجلاء : هههههههه اي والله صااااااح ..

سراب بقهر : على الاقل انا ما اعمل حالي كني واحد من العيال .. ارحم

حالك يا بو الشباب ههههه

الريم بعفويتها : ممممممم والله ما اعتقد ان هذا من اختصاصك .. كم مره

اقولك لا تدخلين باللي مالك فيه ؟ ها ؟


سراب توقف ... تبغى تطلع لأنها ما تقدر على لسان الريم : مع السلامه راااااامي حيااااااتي



الريم بصوت عالي : جعلهم يرموووووووونك وما يشوفوووونك يالبقره .. رامي

أزين من وجهك



المعلمة على السلم : وش فيه ؟ ليه صوتكم عالي ؟

الريم تلفت وجهها الجهة الثانيه .. : كملت

المعلمه : وش قلتي ..

الريم ومحد يهمها .. كيفها تقول اللي تبغى بالوقت اللي تحبه : يوووووه وش ذا

الطفش .. تبغون شي بنات ؟ اليوم الفسحه ممله

البنات يناظرون بالمعلمه .. اللي ماهي قادره ترفع صوتها ..

/



الجامعه

بتول ونوف ونجود وألماس والهنوف والعنود .. جالسين على طاولة وطالبين

موكا بارد .. مع تشيز كيك

الهنوف : بنات حره انا وفوفا .. خلصنا من الزواج وغثااااااااه .. كل شي صصار جاهز

العنود تأشر لهم بيدها (حرررررررررره موتو قهر )

بتول : ههههههههه طلبت فستاني وخلصت زمان . مره قديمات ..

نوف ونجود يناظرون بعض (ناسين أصلا ان فيه عرس )

ألماس : انا حاطه فبالي موديل جنااان بس جالسه أفكر من يقدر من المصممين يضبطه ؟

بتول : بليز لمو إبعدي عن لوني .. ما نبغى ألواني متشاااابهه

ألماس : هذا اللي ناقص انا وانتي زي بعض .. وووويع .. بعدين (تكمل بدلع ) اذا

لمو اخت المعرس ما تيكون فستانها واحد ما منه اثنين كيف تصير ؟



بتول تحط راسها على الطاوله بملل : آآآآآآآآآآآآآآه اخذي من تواضعي شوي

نوف : ههههههه

نجود : ممممممم نويف والعمل ؟ البزارين سبقونا

نوف بابتسامه : شوفي نجيد .. انا العرس ماقام عندي ولا قعد .. لو علي ما

اروح له .. بس لأنه زواج الغالي ولد الغالي .. يستاهل اللي يتعب له



نجود ناقده عليها : خير ؟ حلوه هذي بعد يستاهل التعب .. اذا زواج أخوك ما
تتعبيله .. من له أجل ؟


نوف : ما اقصد .. بس والله مالي نفس زواجات ..

ألماس : اللي يسمعك يقول من كثرهم ؟

بتول : اي والله .. اذكر بزواج خالد كنت صغيره ..

نوف تلعب بالورق اللي قبالها : تكفين يالكبيره ..

نجود : نويف يبيله نسافر لبنان ؟

نوف : هههههههه فكره .. بس تقدرين تطلبين اللي تبغينه من هنا .. وانتي حاطه رجل على رجل ..

نجود : والله انك هبله .. منها نسافر ومنها نغير جو ..

نوف : وش تغيرين مافي وقت هههههههههه

نجود توقف : والله في وقت .. امشي نكلم جدي ..

نوف من الصبح وهي بس تضحك .. على اي حاجه تضحك : هههههههه كذا عاد ؟

نجود : ايوه ..

الماس : عاد لا تنسونا ها ؟ ههههههههه فاضي لكم جدي ؟


بتول : ههههههههه اي والله .. اصلا من بيترك شغله و وظايفه ويروح يشوف

نوف ونجود وش يبغون



ألماس : أكيد خالد

الهنوف : ههههههههه بقوه

نجود : طيب .. تشوفون .. ! والله محد يروح الا انا ونويف .

نوف طلعت مع نجود .. اللي خلتها تترك محاضرتها الاخيره في سبيل انها تقنع جدها ..



/



قصــ}ــر العم سلمان ..

سالم بالصاله قال باستغراب : من جده هذا ؟

ام سالم بألم : تكفى اسكت .. اصحيه من الفجر و يهذري بكلمات ماهي مفهومه والله خوفني ..

سالم : طيب وبعدين


ام سالم : رحت صحيت ابوك .. قال مافيه شي .. وانتي تكبرين المواضيع ..

يلومني اني اخاف على رجال ..


سالم : وابوي صادق .. للحين تخافين على ناصر ؟ بزر ؟

ام سالم : واخاف عليك انت بعد

سالم باحراج : افا ؟ ههههههههههههههه

ام سالم : اي والله اني صادقه .. ناظر كيف نايم .. واجي أغطيه يرمي الغطا .. وش فيه ؟

سالم : والله مادري وش اقولك يالغلا .. بس اذا صحى اشوف لك وش فيه ..

ام سالم تناظر ناصر وتتنهد بقوه ..

سالم يناظر بأمه : خلاص يا بنت الحلال .. والله مافيه الا العافيـة .. لا توجعيلي قلبي ..

ام سالم وبحلقها غصه : لو جد يهمك ناصر .. كان عرفت كيف تكسبه .. ما تبعده عنك


سالم يتضايق اذا امه فتحت هالموضوع : يمه .. تكفين لا تبدين بهالنغمه .. انتي

عارفه كيف أعز ناصر .. لا تظلميني .. بس زي ما تصرفاتي تضايقه .. ترا حتى


تصرفاته تضايقني


ام سالم تدافع عن الحق: يا سالم انتم عيالي وانا احكم بينكم .. والله يا سالم

انكم تتهاوشون قدامي .. وتطلع انت غرفتك ويطلع هو غرفته .. وبعد ما ادخل
عليكم

انت تجلس تهاوش وتسب فيه وتدافع عن نفسك مع اني اشوفك غلط .. وهو
يروح ويسب بأخلاقه ويقول انه هو الغلط وانت اللي صح .. ليه تظلم نفسك
وتظلمه


سالم بقهر .. كالعاده ناصر هو الفايز : عن اذنك (أخذ اللاب توب و جا بيطلع )

ام سالم : لا تزعل مني ..

سالم : وش أزعل منه ؟ حكيك ما يزعل يالغاليه .. سلااااااام ..


/



قصــ}ــر أبو دآنــة ,,


غرفة نجود

نوف تسحب الصندوق الوردي .. ياااااااي يا نجيد للحين عندك ؟

نجود حاطه الجوال على اذنها تنتظر مكالمه : أكيييييييييد .. اصلا اعشقه ..
اكسرته فوفا ورحت صلحته ..


نوف وكنها تتذكر الايام الحلوه : محلاها من ايام .. كنا طالعين نزور جدتي
سلمى لما مرضت بألمانيا .. والله ذيك السفره مادري كيف جت .. اصلا ما
اذكرها كثير

 

 

[اليازيه]

نجود : لأنها صارت بسرعه .. نمنا قمنا قالوا يلا امشوا .. أذكر كنت متهاوشه

معك ههههههههههه


نوف بزعل : وووووجع نجيد لازم تذكريني ؟

نجود : هههههههههه بعد انتي تفشلين وش اسوي فيك ؟؟ و إلا فيه أحد

يتهاوش مع أحد عشان صورته طلعت مو بحلوه ..



نوف : ولا كلمه .. قلت لك امسحيها وقلتي لا .. (ترددت تنطق اسمه ) وجا ن ـ ناصر وشافها


نجود ما قدرت تتحمل : ههههههههههههههههههههههههههههههه والله نسيت

امسحها وناصر ملقوف وش ذنبي ؟ بعدين محد قالك تستهبلين بالصوره


نوف تغطي وجها : اسكتي بالله .. تذكرت كيف كنت منحرجه..

نجود : ههههههههه

نوف تغير الموضوع : رد عليك ؟

نجود : ههههههه ايوه غيري الموضوع .. لا ما رد

نوف : تتوقعين يوافق ..

نجود تناظر فوق وكنها تفكر : واللهي اذا انا من هنا وانتي من هنا بيوافق و هو راضي بعد .

نوف : والله مادري كيف تخطر فبالك .. ..

نجود : عاد عارفه نجيد .. متحمسه لهالزواج مررررررررره

نوف سكتت ما تدري وش ترد .. ما تدري ليه تحس ان نجود اذا حكت عن نايف يتغير صوتها !!







من كثر ما أحبك ومؤمنه انك لغيري ؟
ودي ارقص بعرسك واشوفك تضحك لعيني...



نجود : ممممممممم أبغى أصير أحلى وحده أبغى أرقص .. أبغى اضحك ..
أبغى أصاااااااايح من الونااااااااسه .. أبغى ..



نوف : ايش ؟


نجود : أبغى الله يوفقه ..


نوف تبلع ريقها : الله يوفق الجميع .. المهم .. وين وصلنا ؟ مين تتوقعي يسافر
معنا ؟



نجود ما تحب نوف لما تحس فيها : مادري


نوف تهز نجود : يوووووووو عاد .. أنا اكلمك جد .. ياليته سالم


نجود تناظر نوف وكنها وحده ثانيه : عشان تقهرينه ؟


نوف تأخرت بالاجابه وظلت تناظر بنجود : ......

نجود : .؟؟؟؟؟

نوف : أقهر مين ؟

نجود : في غيره ؟

نوف : لا بالعكس .. انا تفكيري مو حقير لهالدرجه .. بس أقصد لأن سالم ماهو

معقد واللي نبغاه يسويه لنا وينفذ كل طلباتنا بدون منه



نجود وباين عليها انها ماهي مصدقه : آهآ


نوف تناظر من الشباك تخفي الكذب اللي فوجهها (وصلت فيك يا نوف تقهرين

ناصر بأخوه ؟ ليه كنت تزعلين لما يقهرونه ويظلمونه ؟ ليه صرتي ضده ؟

وليه صرتي حقيره كذا ؟ حطي نفسك مكانه وشوفي وش راح تسوين لو انتي

رجال وشفتي اختك بمكان مع واحد ؟ وين تفكيرك يا نوف .. ولوين بتوصلين ؟

هذا ناصر .. هذا الغالي .. أو اللي كان غالي .. احترميه على الاقل .. حاولي ما

توجعينه أكثر ... اللي فيه مكفيه .. ابعدي هالافكار عنك .. )


نوف : نجيد انا حقيره ؟

نجود عارفه قصدها : لا ..

نوف : أجل ليه .... ليه أ

نجود تقاطعها : ليه بغيتي سالم اللي يسافر معنا ؟

نوف بحزن واحراج : ايوه



كًـأإنُيْ سبُـبً همـُك وحزنـٌك وبًلوـآإكَ
الله يُبــــــرًد حرتـَك فٌي وفـــــــأإتُيْ =(


نجود تبتسم لها وكنها تهديها وتطمنها : لا نويف فيه فرق بين القهر وفيه فرق

بين الحقاره .. انتي مقهوره من ناصر وودك تسوين اي حاجه تلفت انتباهه .. اما

الحقاره .. فهذي لما تقصدين تجرحينه .. وتقصدين تهينينه .. وتقصدين توقفين

قلبه .. وتاخذين منه حقه في الحياه بالغصب ..




نوف حكي نجود يريحها .. حست ان نجود هي اللي ساعدتها بالوقت اللي ما

عرفت فيه حالها .. كنها انسانه ثانيه مو نوف .. !


نجود بسرعه : ألو ؟

الجد سامي : ألو ؟

نجود باحراج : من متى انت هنا جدي ؟

الجد سامي : نعم ؟

نجود : المهم .. جدي كيفك ؟

الجد سامي ما هو فاضي : انتي نجود ؟

نجود ماتت من الضحك فقلبها جدي بالغصب يميز صوتي يا حبيبي : ايوه

الجد سامي : هلا فيك ..

نجود : مممممممم متى تجي القصر .. اشتقنالك

الجد سامي يناظر بأبو دانه بجنبه : اشتقتي لي يا نصابه ؟

نجود : اي والله .. واسئل بابا .. كل يوم اسئله عنك

الجد سامي : ليه ما تدلين بيتي ؟ والا بعيد علييك

نجود سكتها جدها : احم

الجد سامي : راح أجي .. الساعه 5 تقريبا .. لا جيت اطلبي الحاجه اللي فبالك

الحين .. والله يستر منها

نجود يعجبها ذكاء جدها : ههههههههههه بانتظااااااااارك يا احلى واحد في المملكه باااي

الجد سامي : ههههههههههههه سلام


الجد سامي سكر .. : والله بنتك هذي طالعه عليك

أبو دانه : الله يستر شي زين والا شين ؟

الجد سامي : ما يجي منك الشين .. إلا قول بالاصرااااااار واذا بغت حاجه تنشب

عندك ليما تعطيها اياه لو من ورا خاطرك

أبو دانه : أشوى .. بس انا اقول لا تعطيها وجه

الجد سامي : انت مالك دعوه .. لا تتدخل .. ههههه

أبو دانه : والله تحسسنا بالغيره .. والا شرايك يا بو خالد ؟

ابو خالد مشغول مع خالد في الاوراق والحسابات : ماني معكم والله

أبو دانه يقرب لهم : ها بشروا ؟

خالد وهو شايل العقال والشماغ و كافس كمه : انا مت من الحر ..

الكل منصدم .. الجو باااااااار .. المكيفات كلها شغاله

فواز : يمكن لأنك تشتغل .. ارتاح شوي ..

خالد يرجع يكمل شغله : لا لا عادي .. بس نايف وينه تأخر

الجد سامي جالس على المكتب ويناظر بساعته : لا ما تأخر انا مواعده

العصر .. انتظروا ساعه .. بعدين كافي اننا ماخذينه من عمله ومكتبه ..


/




قصــر سلمآن ..

فارس توه صاحي من النوم .. وطالع فبيجامته ..

ام سالم : صح النوووووووم ..

فارس يتمغط بقوه : آآآآآآآآه .. وش هالوجه الجميل .. وش هالجماااااااااااااال يمه ؟

ياليتني عارف انك فيه كان صبحت عليك كل يوم وكل ساعه وكل دقيقه

ناصر صحى من النوم بس بمكانه ما تحرك .. بصوته الخشن : ألعن يومك جاي تغازل ؟

فارس : بسم الله من وين طلعت ؟

ناصر يغمض عيونه جآ فبآله أمس : .....

عـلــــى الـمــخــده نــبـنــي قــصـور مـن ثـــلـــج
وإلـيــا أشـرقــت شـمـس الـضـحــى ذوبـتـہـا....


ام سالم بفرحه : صبااااااح الخير .. يو مساااااااااا الخير .. حي هالصووووووووت

ناصر : مسا النور يالغاليـة ,,

فارس حاط يده على خصره : لا والله ؟؟ احلفوا ؟؟ ألحين انا ينقال لي صح النوم ؟
وناصر ينقال له حي هالصوت ؟ وين العدل يمه



ناصر والابتسامه ماليه وجهه : حاول تصير زيي وابشر .. ياااااااوه باقيلك كثير ..

فارس باستهزاء : هاها ضحكتني ..

ام سالم تناظر بعيالها : وش تبغون تاكلون .. والله مادري وش اخليهم يجيبون ؟ فطور والا غدا ؟

فارس يناظر بالساعه : عشا يمه عشا .. أبيك تخلطيلي من كل حاجه .. أبغى اصير سمين ..

ام سالم : فديتك .. دقايق وكل شي جاهز

ناصر : بتول بالجامعه ؟

ام سالم : ايوه .. جايه في الطريق ..

ناصر تغير وجهه : .....

ام سالم ما صدقت على الله يتكلم : ليه فيه حاجه ؟

ناصر يقوم بصعوبه .. يبغى يطلع غرفته : آآىىخ .. لا بس زعلتها أمس .. وتعرفين بنتك حساسه

ام سالم بابتسامه : يله الحين تجي .. بقوللها تنتظر هنا ليما تتروش وتجهز

ناصر يفرح لما يشوف امه كذا . طلع على السلم يركض : اربطيها عندك

..


في الشركـة
الساعه 4 ونصـف .. العصـر


بعد ما دخل نايف .. وريح له كم ساعه في البيت .. وبعد المحاورات والنقااااش والاخذ و العطا




نايف : هذا أول المشكله وحليناها ..

خالد : وش بقى ؟

نايف يناظر بالقلم اللي بيد خالد ويحكي : مممممم بقى حاجه بس ما ابغى
حد يقاطعني لما اقولها ..

خالد : قول ..

نايف يناظر بجده : مسعود وانتهى موضوعه .. الرقيب سعد ما قصر فيه .. أخذ

حقنا وزياده .. بس الباقي هنا انا نرجع الشركه زي ماكانت وأفضل

الجد سامي : نـ ا

نايف يوقف بسرعه ويكلم جده : واللي يرحم والديك .. تسمعني يا طويل

العمر .. صدقني لو الحل هذا فيه احراج أو ذل أو اهانه لكرامتك والله ماراح افكر

فيه وبستغني عنه


لكن العقل يقول أنك تكسب صلة رحــم . . وترجع المياه لمجاريها .. وانك
تستفيد كمان من خبرته .. أبو تركي عنده حكمه و بعد نظر محد يقدر
ينكرهم ..


خالد بتفكير : ايوه .. نكلمه عشان العمل .. واذا خلصنا

نايف يقاطعه بنرفزه : واذا خلصنا نمسكه الباب ونقول تفضل برا ..

خالد بإحراج : ما قلت كذا ..

نايف ما حب يعلق أكثر : يا جدي انت العقل وانت الحكمه .. انت كبيرنا اللي

المفروض يطالب بهالشي قبلنا والا شرايك يبه ؟ انت عمي فواز ؟

الجد سامي : نايف انت ما تعرف اني رحت وحاكيته بس رفض ..

نايف : عارف .. بس اللي ما اعرفه انك مفروض تحاكيه هالمره بصفتك انسان
حالك حال اي شخص عنده شركه راح تخسر أو راح يسجن صاحبها .. وتبغى
المعاونه منه

الجد سامي : يعني أترجاه ؟

نايف : يا طويل العمر .. أبو تركي زي ما قال عنه أبوي .. وزي ما حكى لي عنه
ناصر .. انه رجال صايم مصلي . يعرف الحق والواجب .. رجل أهم ما عليه
كرامته ..

صحيح إني أجهل خلافكم معه .. ولا أطالبك انك تقوله وتعلنه .. بس انا متأكد انه
ما راح يعطيك مجال تترجاه .. الكتاب واضح من عنوانه


ابو خالد : اتركني هالمره أكلمه الله يطول لنا بعمرك ..

الجد سامي : اللي تشوفونه .. عارف ان راسه يابس وراح يرفض .. وتذكروا كلامي كويس ..

نايف مبسوط من داخل بالنتيجه اللي وصلها .. وهو ما همته الشركه كثر ما
همه انه راح يرجع القلوب لبعضها وراح تصفى النيات .. : الله لا يخلينا منك

الجد سامي : حنا تأخرنا اليوم .. نايف طريقك للبيت والا ارجع مع السايق ؟

نايف : افا عليك .. انت تامر ما تسأل .. يلا مشينا ..

طلع الجد سامي و العم أبو خالد مع نايف ..

وطلع خالد لوحده بسيارته .. والعم فواز بسيارته ..


/




قصـــــــ}ـــــر الجد سامي ..


الساعه 5 ونصـف

نجود كاشخه تنتظر جدها .. ونوف معاها ..

نجود مجهزة الحلا والقهوه .. بنظرات غريبه من جدتها

الجده سلمى بعصاتها وروحها الصافيه : آه بس لو اعرف وش فيكن اليوم ؟

نجود معها البخور : ههههههههه يا جده لا تصيرين فضوليه

نوف تضرب نجود : ألحين تعرفين .. وحنا نقدر ما نعلمك ؟

نجود : آح .. وانا صادقه ..

نوف بهمس : وجع وش فضوليه ..

/

بالسياره برا ..


الجد سامي : انزل تقهوى ..

نايف : مره ثانيه .. والله ملتزم مع خويي ..

الجد سامي : افا تردني ؟ .. انزل بس انزل .. و أبغاك تساعدني ..

نايف : بإيش ؟

الجد سامي : بنت عمك فواز .. كل ما طلبوني حاجه سويتها لهم .. أقول لا

فقلبي وهم يخلوني غصب اسويها .. انزل عآوني ..

نايف فقلبه (أكيد نجيد .. هي الراس المدبر بعد نوف ) : يا حبيبي .. نجيد يا جدي ؟

الجد سامي ينزل من السياره ببطء : أبوه .. وفيه غيرها


نايف بقلبه (كآن قلت من الاول .. لو ما تعزمني أنا نازل .. وابغى اشوف وجهك
يا نجيد لما تترجينه قدامي .. ههههههه والله لأخرب خططك )


/


أول مآ دخل الجد سامي .. ركضت له نجود بخبااااالها القديــــــم ..

نوف حطت يدها على فمها : نجيد البخووووووووووووووور

نجود : لا ما عليك مسيطره على الوضع

الجد سامي يتبخر : والله اني عارف ان وراك شي هههههههههههه

نجود بضحكه قويه : هههههههههههههههه (فجأه وقفت ضحكتها لما شافت نايف .. وتضايقت )

نجود (الله ياخذ عدوك .. هذا اللي ما حسبت حسابه .. عاد نايف أكثر واحد يقتنع جدي فكلامه .. افففففففففف )

نايف بابتسامه تخقق : السلام عليكم

نجود & نوف بدون نفس : وعليكم

نوف : نايف هنا ؟

نايف : لا هناك ؟؟ مضايقك ؟

نوف : لا بس ..

نايف : بخروني بخروني ..

نجود ماسكه البخور وودها تحرق ثوبه .. قربته من نايف ومسك المبخر . نجيد

ودها تسحب يدها بس نايف ضاغط عليها بقوه ويتبخر ..

نوف : نااااااااايف ترااااااااه بخوووووووووووور

نايف يتركه لما ناظر بنجود وبملامحها : ههههههههههه .. أحلى بخور والله ..

نويف جيبي لنا منه طيب

نوف تناظر بنجود وبنايف وبفمها ضحكه : هههههه لا هذا البخور مافيه زيه ..

حياك حياك ليه واقف على الباب

نايف يقهرهم يعني بريء : مادري أحس ما فرحتوا بشوفتوا !

نوف : لا بالعكس

نجود : وش دعوه .. بالعكس


نايف يدخل ويجلس عند جدانه ..

نجود تسحب رجولها بالغصب (هذيلا شياب ونقدر نضحك عليهم بكلمتين ..

هالأخ اللي راز نفسه وش يقول عنا )

نجود بعد ما قهوتهم تهمس بإذن نوف : نويف غيرت رايي انتي احكي بدالي

نوف بصوت عالي : لا والله ؟

نجود تسكر فمها : اشششششششش

الجد سامي : وش فيه ؟

نايف يناظرهم : مادري ليه تحسسوني انكم تخططون تفجرون بمجمع ! أو

ناوين تغزون ديره ؟ اللي عندكم قولوه وخلاص

نجود يقهرها بروده : مافيه حاجه ..

نايف : لا باين

الجد سامي : تراي تعبان وبطلع ارتاح .. بتقولون والا كيف ؟ قولي يا نويف

نوف : ها ؟ انا وش دخلني .. مابي الا سلامتك

الجد سامي ونايف لفوا وجههم على نجود .. اللي على طول ابتسمت ابتسامه

تقول انها بتقتل نوف : وش فيه ؟

نايف : نجيد .. تكلمي .. تراي اعين واعاون

نجود : صدق ؟

نايف يناظر فيها .. وفي باله يعطيها روحه والله ما تغلى عليها : جربيني .. !

نجود تعدل جلستها : احم .. جدي انت عارف ان زواج دانه الاسبوع الجاي

(ماتبغى تقول اسمه عشان ما تجيها موجة الحزن ..)

نايف تغيرت ابتسامته

الجد سامي يقاطعها : أولا عيب تقولين زواج دانه .. هذا زواج ولد عمك قبل

اختك .. قدمي اسم الرجال بالاول ..

نجود ودها تصيح .. ودها تقوله لا تفشلني قدام نايف : آسفه

نايف توجع قلبه هالبنت : عادي يا طويل العمر .. انا راضي بكل حاجه تقولها نجود ..

نجود (لااااااااا يرحم امك نايف لاااااااا مو بألحين .. تراي ناسيه لا تذكرني ) : ...........


يَا نعمة النسيان ,
يارحمة الله . . لولآك انا عزاااااه
وش كان سويت ؟


الجد سامي : أييوه كملي

نجود تبلع ريقها : و و انا ونوف فكرنا ..

نايف : هههه السالفه دخلت فيها نوف .. والله كني عرفتها ..

نوف : هههههههههههههه

الجد سامي : لا تقاطعونها كملي

نايف يحط يده على خده ويناظر فيها : كملي هههههه

نجود ( ما تقدر تتكلم كذا .. لا تضحك رجاءا) : و انا ونوف ما اشترينا فساتين ..

يعني ما يصير كذا هي اخت المعرس وانا اخت العروس ..

نايف يناظرها وعارف اللي فقلبها .. هالتلقائيه والشفافيه اللي تحكي فيها .. كلها تمثيل بتمثيل ..

الجد سامي : نجوووووود ؟ وش تبغين

نايف يناظر عيون نجود ويقول : تبغى تسافر بس وين الله أعلم

نجود تكمل كلام نايف وكنه مافيه احد في القصر الا هي وهو : لبنااان

نايف : هههههههههه الله يرجكم وربي انكم تضحكون .. انتوا وين وحنا وين

نجود حست بخيبة أمل وده تقوله بليز لا تتكلم .. : ليه ..

نوف : كلها يومين ..

الجد سامي : ما حنا فاضين .. في مصممين كثير في الرياض .. ومحد فاضي يوديكم

نجود بزعل : لا جدي .. تكفى

نايف : ماهي مسألة محد يوديكم .. انا اوديكم سالم .. ناصر .. خالد .. بس
المشكله ان حنا نمر بأوقات ما تسمح اننا نفضى عشان سفره لبنان

نجود تناظر فيه : بس انت قلت جربيني ..

نايف : هههههههه انا كذاب

نوف : بليز جدو .. حنا ما نبغى أحد زينا ..

الجد سامي اقتنع بحكي نايف : مممممممم مره ثانيه .. بعروسكم راح أوديكم
ايطاليا مو لبنان (وقف يبغى يطلع فوق يرتاح)



نجود حست ان كل حاجه سوتها ما جابت نتيجه وكله من هالنايف لو مو فيه
اقتنع جدي بدقيقه .. (زعلت ومدت بوزها)

نايف مستعد يعطيها روحه .. أجل كيف سفره للبنان : ممممم وين يا طويل العمر .. انا ابغى اكلمك ؟

تعبت ابني على قمة خيالي كل ح ـلـمٍ صعب
واثر ما اصعب من // الـ ح ـلم الطفولي // غير تحقيقه


الجد سامي يجلس .. يحسبه يبغى يكلمه في العمل : بإيش ؟

نايف يناظر بنجود : يعني سفره يومين ماراح تأثر .. انا اشوف اننا نرتاح من
ازعاجهم ونطلعهم .. وزي ما قالت نجيد هي ونوف ووووبس ..


الجد سامي ما فهم نايف : والحكي اللي قبل دقايق ؟

نايف بضحكه : لا مزووووووووح مزووووووووح .. .. والمزوح تجي وتروووح

نجود تناظر جدها : .؟؟؟؟؟؟

الجد سامي : ومين يطلع معهم ؟

نايف : اذا محد وداهم .. انا اوديهم ..

الجد سامي : أجل خلاص تم ..

نجود تغير وجهها للوجه اللي يحب يشوفها فيه نايف .. ابتسمت بدلعها
المعتااااااااد : مشكووووور نااااااايف ..

نايف ويحس بفرحتها : مآ سوينا شي نجيد .

الجد سامي : يلا أجل .. سلام

طلع سامي فوق ..

وطلعت بعده بـ 10 دقايق الجده سلمى

نوف تناظر بنجود الفرحانه (عارفه ان فرحتها هذي ماهي بس بالسفره .. كثر
ماهي مبسوطه ان نايف عمل حاجه عشانها )

نوف : اي والله عشان نجيد ها ؟

نايف : كلي لك نوفا

نوف : اي كلاااااااااام

نجود مبسوطه : يووووو عاد بدت الغيره

نوف : والله يحق لي أغااااااار .. أبغى مره وحده ترفض طلب من مداااااااااام نجود

نايف : وانا عمري رفضت لك طلب يالنذله ؟

نوف : للأسف لا .. عشان كذ ما اقدر أزعل ..

نايف : هههههه أشوى لو قايله غير كذا .. ما دخلتك البيت .. يلا تامرون بشي ؟

نوف & نجود : سلاااااااااامتك

/


قصـــ{ـــــــر سلمان


على طاولة الطعام ..

ام سالم تسولف مع فارس : ابغى افهم متى راح تبدا دراسه ؟

فارس طفش من هالسؤال : يمه تكفين نوعي من اسئلتك ..

ام سالم : جاوب زي الناس وانا اغيرهم

فارس : قلت لك أبغى ارتاح شوي بعدين أسجل بجامعه الملك عبدالله

ام سالم : لا .. هالجامعه لا

فارس : ليه ان شاءالله ..

ام سالم : انت عارف ليه ..

فارس : لا ماني عارف ,, علميني ..

ام سالم : ما احبها كذا ...

فارس : يمه انا دخلت مزاجي .. كذا أبغاااهااااا ..

ام سالم : بس انا ابغاك تكمل دراستك برا ..

بتول : ههههههههههه يمه هو هنا وما نشوفه .. تبغينه يسافر عشان تنسين
حاجه اسمها فارس

فارس : بنتك زي اللي سكت دهرا ونطق كفرا

ام سالم : خلك معي الحين .. جاوب

فارس : يمه لا تحسسيني انك تبغين تفتكين مني .. ليه ما قلتي هالحكي لسالم والا ناصر ؟

ام سالم : قلته لهم .. بس سالم غاسله يدي منه .. وناصر عنده اسبابه الخاصه

فارس : وشي ؟

بتول : هههههههههههه حره انا اعرف سبب ناصر

ناصر : وش فيه ناصر ؟

بتول سكتت : ماما انا طالعه انام لحد يصحيني

ناصر : تعالي هنا .. وش شايفه نفسك عليه ؟

بتول : تكلمني ؟

ناصر : من غيرك يعني ؟ من غيرك مؤنث في البيت غير امك .. ؟

بتول : هلا ؟؟؟

ناصر : فديت الزعلانين .. تعالي اجلسي

بتول تجلس : .؟؟؟؟

ناصر : ترا امس لما حكيت معك كنت متضايق وعارف انك عارفه ليه كنت معصب
ماله داعي اعيد وازيد .. المفروض ما تلوميني .. صح ؟

بتول يوجع قلبها .. الا ناصر ما تقدر تزعل منه : أيوه ..


ناصر يسحب راسها لعنده : بعدين كيف الجامعه معك ؟


بتول : هههه حلوه ..

فارس : اقول ناصر ؟

بتول تسحب راسها من يده : .....

ناصر : هلا ..

فارس : وش السبب اللي خلاك ما تكمل دراستك برا ؟

ناصر : برا وين في الحوش ؟

فارس : لا تنكت قول ..

ناصر جت فباله نوف : مممممممممم مادري نصيــب ..


قصة شقا ماهي سواليف ومزوح
....................ليت القدر يومه كتبها محاها

هذا النصيب وماكتب لي على اللوح
................... قصة عذاب تبكي اللي قراها


فارس أخذ جواله ومحفظته : عارف ما اطعلمنك بجواب .. سلااااااااااام

بتول تناظر بناصر وعارفه ليه ما سافر برا مع انه كان شاطر .. وكان عنده

هدف .. والكل كان يشجعه على الدراسه برا وخاصه جده .. بس كله عشان
نوف ..



بتول : عن اذنكم بطلع أرتااااح



ناصر : تصبح على خير يا حلو ..



/




عشان مآ أحب غيرك إنسان ودّي :

تدعيلي بعدك صاحبي بالهدايه !!,,,

 

 

[اليازيه]

اتمنى تنااااااااااااااال اعجابكم
اكمل بعدييييييييييين اكمل تعبت خلاص

 

 

[اليازيه]

الساعة 10 صبآحاً









حتى ايميلي من الفرحه طفـا !!
يوم شافه مقـبـل مسجـل دخــول


نجود شابكه على الماســنجـر .. وتسولف مع صاحباااااتهااا .. وتناظر بنك نايف اللي فصل

صار له ساعه تقريبا .. .. فجأه سمعت رنة جوالهااا ( اسمحيلي يالغرام)

نجود ترد بسرعه : صبآآآحــــــو

نوف : نجيد انا بالحديقة اطلعي ..






نجود وقفت بسرعه وراحت عند الشباك وفتحت الستاره : يا خبله وش مطلعك ؟ وليه ما

رحتي الجامعه ؟

نوف تناظرها : بالله وش تسوين ؟ أكيد شابكه على النت ؟

نجود تبتسم : أيوه ..

نوف : تحاكين سالم والا نايف ؟

نجود باستغراب : الحمد لله والشكر وانا عايشه عشان نايف وسالم ؟؟ ما عندي الا هم ؟

نوف : هههههههه وش دراني عنك .. يلا تعالي طفشت

نجود : يا كذابه توك نازله ..

نوف : أيوه صح .. يلااااااااا تعالي خلينا نفطر ..

نجود : يلا جايه

نوف : ألو ألو

نجود قبل ما تسكر : هااا

نوف : ان جبتي اللاب توب معك كسرته فوق راسك .. حنا بنجلس نخطط ..

نجود : طيب


/
/
\
\


غرفة دانه ..


عبد الله : ها وش قلتي حبيبتي . ؟

دانه : بدون تفكير .. قلت لك والله ما اقدر .. انا زودتها بالمررره ..

عبد الله : وهم وش يدريهم عنك ؟ يا قلبي اشتقت لك ..

دانه : لا يعني لا .. نايف كل يوم يشوفني طالعه .. ..

عبدالله : بس ماهو من حقهم يتكلمون ..

دانه بكذب : اصلا اصلا دايم يسئلني وين رايحه ووين جايه .. دايم يكلمني بس انا ما ارد
عليه


عبد الله ( باااااااين يا نجيد ) : آه بس لو أقدر اوصل حق هذا النايف .. كان قتلته

دانه بخوف : انت لو تعرف نايف كان انا قتلت نفسي ..

عبد الله : ليه مافي ثقه ؟

دانه بخوف أكثر : لا يا قلبي .. بس انا اخاف .. واتنرفز على اشياء عاديه ..

عبد الله : كيف ألحين ؟


دانه : ممممممم ما أقـــــــدر قلت لك ..

عبد الله : واللي يقولك حاولي عشان حبيبك عبودي .. هذا اخر طلب .. بعدها ما راح

أزعجك لأنك بنت متزوجه ..

خلينا ننبسط ونفلها هالاسبوع .. بعدين انتي عارفه اني ماراح اضرك لو ايش ؟ فيه أحد يضر

نفسه ؟

دانه :...........

عبدالله : بعدين انتي عارفتني .. انا لو أبغى أضرك كان عملت اللي أبغى زمااااان .. كنت

اقدر أسوي أي شي .. بس لأني احترمك واحبك ..

ولأني ماني زي هالشباب الطايش والتافه .. قدرت وجودك معي ..

دانه : مادري وش اقولك .. بس أشوف .. أحاول ..

عبد الله : فديت اللي بتحاول .. مادري وش أسوي اذا تزوجتي .. شكلي بجلس بالبيت

وما عادني مقابل أحد ..

دانه : لا أبغاك زي ما انت .. .. بعدين اذا انت تقدر تستغني عني .. انا لا .. بكلمك لآخر يوم فـعمري


عبدالله : عسى يومي قبل يومك .. (جعلك المووووووت يا أتفــه خلق الله )

دانه : لا تدعي على حالك أزعل منك .. يلا تامرني بحاجه

عبدالله وكن روحه تبغى تطلع من كثر الألم : ما ابغى الا سلاااامتك .. انتظر منك رد

دانه : أوووووكي .. باااي

/
/

بالسيارة .. شارع التحليـة ..


نايف كان طالع من مكتبه وراجع للقصـــ{ــر .. من أمس ما نام .. فاته عمل كثير وسهر

أمس بالمكتب مع أحمد

على أمل انهم ينتهون منه .. والحمد لله مشت أمورهم تماااااام .. وقرروا يطلعون ينامون

ويرتاحون ليما المغرب ..

نايف صاير يركب السياره وما يحس بحاله وين راح ووين جا .. ما ينتبه للطريق ولا

لزحمته .. ولا لهدووووووءه


اللي عليه انه يقرر وين يروح ويشغل السياره .. بعدها يسرح بفكره بعييييييييييييد .. وما

يلقى نفسه الا بالمكان اللي يبغاه ..



{.. كِنتْ اشتِكيْ سُرعْة الأيآمْ ويّـآكْ ..
واليوُمْ اشكِيْ طوُلهـآ فِيْ غِيآبكْ ..!


لبق سيارته بجنب سيارة خالد ونزل ..

نوف بصدمه : ياويلي نويف من وين جاي .. والله احسبه بغرفته .. !

نجود تنزل الملعقه اللي بيدها وتناظر بنايف اللي جايهم من بعيد وتقول بينها وبين

نفسها .. وينك صارلي ساعه انتظرك : .......



* غيرك إذا غـآب ع ـني ,, { مآ تحريته !!
...................إلآ أنت "غ ـيبتك " تذبحني دقايقهآ



نوف : ياليتك جايبه المسن هنا .. عشان يشوف من عندك ههههههههه

نايف يناظرهم من بعيد بنظارته الشمسيه .. ويشوف نوف تحكي مع نجود .. ونجود

تضربها ..

نايف : السلام عليكم

نوف & نجود : وعليكم السلااااااااااااااااااااااااااااااااااااااااااام

نايف وظل واقف : ماشاءالله وش هالنشاط ؟ كذا تسوي لبنان ؟


نوف : هههههه

نجود تضحك بقوه : ههههههههههه

نوف تسحب الكرسي بجنبها : حياك حياك ..

نايف : لا تعبان وابغى اطلع انام .. ( ناظر بنجود و بالجينز والبدي اللي كانت لابستهم

أمس وسألها ) : أقول نجيد انتي مواصله من امس ؟؟

نجود بصدمه .. هذا وش درااااااه ؟ لا يكون عرف اني انا الللي ضايفته ؟ يا ويلي : ها ؟

نايف يجلس على الكرسي : مواصله صح ؟

نجود : انا ؟ لا

نايف : قولي الحقيقه والا مافيه لبنان ..

نجود تناظره : ممممممممممممممم ايوه بس وش عرفك

نايف : وش قلنا عن السهر ؟؟ ناظري الساعه كم ؟ فيه أحد يجلس لهالوقت تبغين

تموتين ؟

نجود : لا بس وش أسوي ما جاني نوم

نوف : يا نذله وانا احسبك قايمه بدري

نجود : بعدين ما عندي جامعه اليوم

نايف : حتى ولو .. صاحيه انتي ؟

نجود خافت : طيب وش دراك ؟

نايف : يعني يبغالها ذكاء .. نوف طالعه فبجامتها وانتي طالعه بلبسك أمس ..

نجود فقلبها ( ههههههههههههههه الله يرجك .. طيب مثلا كنت نايمه بملابسي ؟؟ ياليتني فشلتك ) : هذا سبب ؟




وإنت معيٍ . . }
تدرٍي وشٍ يصيرٍ فيني ؟!!
آحسٍ هاللحظــہ بدآيآإت ع‘ـمرٍي .



نايف رافع حاجبه : وكن فيك ضحكه ؟

نجود ماسكه ضحكتها : لا .. عادي .. بس هههههههههههه

نايف يكره تنرفزه هالبنت : ...........

نجود خااااافت .. ومسكت ضحكتها : ما عليه نايف سوري ..

نايف : نجيد والله مو بزين السهر .. تراي أكلمك زي ما أكلم نوف .. نويف لو تسهر كان

علقتها من رقبتها ..

نوف بلقاااافه الصباح : طيب ليه ما تعلقها من رقبتها دامها زيي ؟

نايف توهق : لأنها ممممم لأنها .. !

نوف : لأنها .. أيوه ؟؟؟

نجود تناظر بعيونه : ......

نايف : المهم .. كلمتوا واحد من العيال يوديكم ؟؟

نوف : لاااااااا .. عارفين محد بيعطينا وجه

نايف وقف بيطعل ينام من التعب : نويف كلميهم كلهم .. واذا رفضوا ذيك الساعه

علميني .. والله يا نجيد ... مممممم يا نويف اني مشغوووووووول

نجود تحاول ما تدقق ...









غمّضت عيني عن سواك ..
....................... ماصرت أنا ( غيرك ) أشوف .. !
....................... ماصرت أنا ( غيرك ) أشوف .. !
....................... ماصرت أنا ( غيرك ) أشوف .. !




نوف : يعني احتمال ما تودينا ؟

نايف : انتي خبله ؟؟ نجود اللي تواصل وتسهر وانتي اللي تقفلين ؟ انا قلت لك كلمه

اوديك اذا هم ما ودوك ؟ فهمتي ؟

نوف : أيوه ..

نايف يناظر بنجود اللي تناظره ثانيه وتبعد عينها عنه بسرعه : يلا تمسوووووون على خيـر ..





هـــــذا وانـــــا ويـــــاك والقـــــلب ملهــــــوف
الله يعـــــين القلـــــب لا غبــــــت عنـي


ما تـــــدري انـــــك كاســـــبٍ فيَ معـــــروف
لامـــــن عيونـــــك بالغلـط طالعنــــــي


نجود بفرح ناظرت نوف وقالت : ممممممممممم نبدى بسالم

نوف ماهي يمها .. تناظر بالطاوله اللي بجنبهم .. تناظرها بسرحاااااان وابتسامه بالغصب

تباااااان .. ذكرت ايام قديمه مرت


ذكرت كل حاجه حلوه كانت حول هالطاوله .. ياترى ناصر اشتاق لي زي ماني مشتاقه

له ؟؟؟


آه من الظروف ..




كنت [ رَاحِلْ ] !
وكل حزن فيني مراحل ’
كنت ماشي ومانظرت بعيني ( خايفْ )
كنت اناظر من بعيد ’
................................................. وكنت ( شايفْ )

رعشة ييدي و الشفايفْ !
والدموع اللي ملت عيني حسايفْ !


كيف انسى هالزوايا اللي خذتنا ’
كيف اكون انا بعدك هنا ’

........ آه منك ’

.................. آه منك ’

.......................... آه منك ’

يالظروف اللي عصتنا !
وآه منك يا [ انا ]’




نجود تأشر بيدها قدام عيون نوف السرحانه : ألووووووووووو .. نحن هناااا

نوف كنها صحت من الحلم والذاكره .. : هلا .. وش تبغين ؟؟

نجود : هههههههههههه لاااااااااا ما انتي معي ..


/
/



قصــر العم سلمان ..

ناصر بجنب باب جناح تبوله .. :...........

بتول جالسه تحط ميك أب عشان الجامعه : ادخل

ناصر : مرحباا

بتول : هلا ناصر .. صباااح الخييييييير ..

ناصر : صباح النوووووور .. الله الله وش هالزين ؟

بتول : احم احم .. ..

ناصر : على طول تصدقين ماشاءالله عليك ..

بتول بدلع : لأني ثقه ..

ناصر : المهم يا ثقه .. ..

بتول وكن ناصر عنده حكي بس مستحي يقوله : فيه شي ؟

ناصر جالس على السرير و يناظرها : والله مادري وش اقولك .. ماني حاب اني ادخلك

في الموضوع .. بس مثل ما اقولك أول > ماعندي الا انتي ..

بتول : نوف ؟

ناصر : ايوه

بتول : ناصر قول اللي تبغى لا تنحرج .. زي ما انت اخوي وابغاك لك الخير .. نوف اختي

وابغاها مرتاحه ..

ناصر : ليه هي شكت لك الحال ؟

بتول بحزن : كانت تشكي لي .. بس بالفتره الاخيـره صارت تكتم فقلبها .. صارت ما تعلم

أحد باللي يضايقها .. اللي تقدر عليه انها تبكي وترتاح ..

ناصر بلع ريقه (وش تبغينها تشكي لك ؟ عارف ان نوف عمرها ماراح تقول لك اللي صار

لأنها ما تبغى تخرب صورتي فبالك ) : اها

بتول : ناصر ليه ما تتزوج نوف ؟ ليه ما تملك عليها ؟ او على الاقل خطبه ؟

ناصر تجعد الجلد اللي حوالين عيونه من الابتسامه : .......



الكلآم احيآن مآيقضي لزوم // مع صديق.,ومع حبيب.,ومع اخُو

بتول : ايش فيه ؟

ناصر : أبد .. مافيه شي ..

بتول بخوف .. يعني اللي فبالها صح : ناصر .. امانه وش صاير .. وش اللي يخليك تضحك

هالضحكه وليه عيونك تقول كلااااااااام ؟

ناصر : هههههههه دخلتينا بجو مسلسلات .. غيري الموضوع.. (يناظر بالبرواز اللي بغرفة

بتول واللي فيه صور البنات كلهم بوحده من سفراتهم .. جلس يناظر بنوف )

بتول رحمته : ناصر ..

ناصر وهو للحين يناظر : ؟؟؟؟

بتول : ودي اساعد .. ودي ارجع علاقتكم زي أول .. بليز قولي اذا اقدر اسوي حاجه .. بليز

ناصر : تبوله حياتي .. لا تعتقدين اني بتخلى عن نوف بسهوله .. ولا تعتقدين اني ماني

مهتم فيها .. او ما قامت عندي ولا قعدت ! نوف ماني قادر اشيلها من بالي

دقيقه وحده .. بنيت حياتي ومستقبلي واحلامي عليها .. مو بسهوله اتخلى عنها .. !

حتى لما صارت المشكله من داخلي معصب على اللي سوته و اهدد واقول وانا والله

كذاب


عارف اني بظل أحبها لي الموت .. عارف انها بعيني ما نزلت منها .. وعدتها ما اقول

انطق اسمها بلساني .. لأني عارف ان قلبي هو اللي يناديها دايم مو لساني ..


يا تبوله انا لما أحكي بحاجه تخص الزعل والفراق والنسيان أقول بس ما اسويها وقت

الجد .. لكن نوف قالت كلمه ووفتها .. نوف رحمت كل الناس .. الا انا .. مادري هي لو

انها فمكاني وش راح تسوي ؟؟؟

انا اعترف اني ظلمتها .. ومستعد اعتذر لها .. لكن عارف ومتأكد انها مصره على رايها ..


عارف انها جايه وهي ناويه تبدا باللي قررت تسويه ..

تبوله .. انا كل يوم احلم فيها .. وكل ما اصحى أقول وش ذا الكابوس .. بعد دقيقه ..


دقيقه وحده ترجع لي الذاكره وتقول لي هذا مو كابوس هذا واقع ..

اشياء كثيره تغيرت فيني الفتره اللي فاتت .. انا ماني عارف نفسي .. ما كنت اعتقد اني


فيوم راح اكون كذا ..

نوف يا بتول باليوم اللي الكل تخلى عني هي وقفت معاي .. انا ما انكر هالشي .. نوف

يا بتول بالايام اللي جتني ضيقه وقلت ما عادني مكمل بهالجامعه وانا باقيلي سنتين ..

جت


نوف واقنعتني وساعدتني .. ومرت السنين الباقيه بلمح البصر .. نوف سوت وسوت و

سوت اشياء كثيره .. كنت ولازلت أقدرها لها ..

دايم اقولها تصير قويه .. وما كانت تسمع كلامي .. هالحين جايه تطبقه علي أنا ؟ ليه ؟


ليه جتها القوه علي انا ليه ؟

بتول انا كنت أستخف باللي يحبون و أستهزي باللي يتغير حالهم كذا والا كذا

لهالسبب .. الحين صرت زيهم ؟ حبيتها وراحت تركتني ..

عشان غلط تافه .. ياما سامحتها وياما دمحت زلاتها ..

بتول بتردد : يمكن انت تشوفه تافه !

ناصر : يا بتول الموقف كله حقير .. الموقف كله مقلب تافه من شخص مريض نفسيا ً دفع

ثمنه نوف وانا .. عارف انها هي المتضررره .. بس هي غلطت اكثر


لما سكتت وتحملته لحالها ..

صمتها يا بتول أكدلي كل حاجه شينه .. صمتها خلاني أقول اشياء ما كنت ناوي اقولها ..

(كمل بعصبيه ) واحد بمكاني وش كان راح يسوي ؟

هي تشوفها عاديه لأنها ما طلعت ولا شافت اللي شفته .. انا رجال وعارف وش فيه برا ..


سكت ناصر كم دقيقه .. وبتول تنتظره يطلع اللي فقلبه .. ناصر عمره ما حكى معي وفتح

قلبه لي كثر هاليوم ..

ناصر يسحب شعره لورا ويتنهد بقوه .. تحسف انه حكى لتبوله . . وما يدري وش قال


اصلا .. : شكلي أخرتك عن الجامعه .. !

 

 

[اليازيه]

أبسألك [ياهمّ ] /ماشفت غيري يخاويكْ ؟!
يسهر معك / ويتُوه من كثرة [بلاويك ]!


تنساني بس لحظه / وتلقى الكـلّ [ يجافيك ]
و ترجع تقول[آسفْ] / ماحد والله يساويك !



بتول تناظر بالهم اللي بعيونه : لا توها محاضرتي .. بعدين مين الاهم ؟

ناصر يبتسم لها : على العموم انا خلصت كلامي ..

بتول : كمل ناصر فيه شي بعد ما قلته ؟ أبغاك تقول كل حاجه وترتاح .. ابغاك تتأكد ان

نوف تحبك .. والله تحبك

ناصر بقهر : ههههه هذا زماااااان .. مره قديمه تبوله

بتول : طيب انت ما حاولت تعتذر لها .. ناصر انا ما اعرف المشكله والا كان قلت رايي اذا

راح تسامحك والا لا

ناصر : وانا ما قلت لك اني بكتف يديني .. وبجلس .. انا بحاول وبحاول وبحاول ..

بتول : عرفت انهم بيسافرون لبنان ؟

ناصر بصدمه : متى ؟ ومع مين ؟

بتول : .. هي ونجيد يمكن يسافرون بكره .. ويمكن مع سالم مادري ؟

ناصر يوقف ويقرب اذنه لها : مع مين ؟

بتول : س سالم

ناصر : ان سافر معهم سالم والله لأقتله ..

بتول عيونها طلعت وضربات قلبها تزيد : تقتل اخوك عشان بنت ؟

ناصر : قبل ما يكون عشان نوف .. عشاني انا .. انا ما ارضى احد يتلاعب فيني أو

يستفزني .. وانتي عارفه هالشي ..

بتول : انت وش تقول ؟

ناصر بثقه : اللي أقوله ان سالم ونوف والله ما يركبون الطياره مع بعض ..

بتول : هذا اخوك !!

ناصر : ونوف مهي اختك ؟

بتول بتردد : الا .. بس انت تحكي عن سالم

ناصر : سالم اذا راح مع نوف .. محد متضرر الا نوف .. .. سالم قدام عيونا وماهو قادر


يجلس ثانيه الا ويتحرش فيها تبغين هناك تطلع معه ؟

بتول مستغربه : سالم ؟

ناصر : ايوه سالم .. ووصلي هالكلام لمدام نوف .. اذا فكرت بس تطلع معاه الطياره ..

ماهو بأشوالها

بتول تبلع ريقها : بس محد راح يوديهم

ناصر : ان شاءالله ما سافرو .. ماراح يموتون اذا جلسوا بالرياض .. هذا اللي ناقص بعد !

بتول : انا مالي دخل .. انت قولهم ..

ناصر بعصبيه : بتول حبيبتي .. اللي قلته لك قوليه لهم .. قولي ناصر اللي قاله .. وهو

قاصد اللي قاله بكل حرف .. ونشوف عاد


/
/


/
/



مو كل من قآل : أغليك .. يغليك ,
هوّ كل مسلم في زمنّا يصلي ؟



الساعة 6 المغرب


يااااي يا ناصر وربي اشتقت لك .. واشتقت لسوالفك .. ومزحك .. وضحكتك ..


اشتقت لك كلك ..


متى اصحى من هالحلم وارتاح .. حتى الكره ما قدرت اكرهه .. ياربي .. والله ماني قادره
اتحمل


جيت أبنساك من بعد الفراق ..
نازعتني فيك [ الأشواق ]
حاولت النسيان .. ولقيت نفسي :
أشتاق ( و ) أشتاق ..
حاولت واشتقت ثم حاولت
واشتقت حاولت ونسيت !
انا فعلا نسيتأهلي/ نسيت ربعي !
لكن : نسيـت أنساك !





لبست نوف وكشخت .. واخذت عبايتها بيدها

وهي على السلم .. تفكر .. انا وش راح يكون موقفي لما اشوف ناصر هناك ! ياربييييييي

والله ماني قادرة اصير طبيعيه قباله .. وش الحل ؟؟؟

أحس راح انحرج وما راح احكي مع سالم .. اففففف يا ربي .. يارب يرفض يارب عشان

يودينا ناااايف وافتك من الهم .. ما تسوى علينا سفره طلعت من عيونا

بالصاله


نجود تقطع تفكيرها وهي جالسه وحاطه رجل على رجل : لا كان جلستي بعد لي

الليل !!

نوف تلبس عبايتها بسرعه : سوري نجيد ..

نجود : وش هالحلاااا نويف .. وربي قممممممممممممممر

نوف : هههههههه طيب امشي امشي .. يلاااااا حمووووووودي

نجود : وشو ؟ بيجي معنا ؟؟؟

نوف : ايوه .. ابوي يقول اخذيه .. !


بالسياره ..


نجود : خلااااص تراك جننتيني اذا ناصر موجود انا اللي بحكي مع سالم .. واذا رفض

حكيت مع ناصر

نوف بعصبيه : خير خير ؟؟ حنا اتفقنا ناصر ما نكلمه !! روحه معه عفتهااااااا ما ابغااااهااااااا

وانا حذرتك

نجود : بسم الله خوفتيني .. طيب لا تهاوشين كذا ،، بعدين تبوله تقول انه بغرفته ويمكن
يطلع ..

نوف : حكيتي معها ؟

نجود : ايوه .. وتقول بسرعه لأن سالم مل من كثر ما انتظر !!


//



جناح خالد

خالد جالس على الكرسي ويلبس شرابه : نشوف وش آخر أفكار نايف

نوره ماسكه الشراب الثاني : طيب انتوا جربوا ماراح تخسرون شي

خالد : وانا وش بسوي !! بجرب وبشوف .. مع اني عارف النتيجة

نوره : طيب انت عمرك شفت زوج عمتك هذا ؟؟؟

خالد يناظر بالمرايه : أيوه .. مره شفته بس ناسي شكله .. قديم مره .. كنت رايح مع
جدي ..


نوره : طيب وش فهمت منه ؟ تتوقع ينفع ؟

خالد : كان رجل شايف نفسه .. وعامل لحاله جو من الكبرياء والعزه و الكرااااامه

وهالسوالف المالهه

نوره وهي رافعه حاجبها : من جدك خالد ؟ هذي سوالف تافهه ؟

خالد : أيوه .. لما تكون ماهي بوقتها .. ولا لابقه للشخص تكون تافهه (طلع من الجناح)

نوره انقهرت .. من جده هذا تفكيره ؟؟ هذا رايه ؟؟ والا لأنه شوي متنرفز ويتحسس من

هالسالفه وهالعايله ؟؟؟ الله يستر بس ويرجع المياه لمجاريها

/


خالد نزل بالاصنصير وو دخل جناح نايف ..

خالد يفتح الباب : وش هالنوووووووم ؟؟؟

نايف يغطي عيونه عن الضو : يابن الحلا اتركني انااااااام .. والله نعسان من امس موااااصل

خالد باستغراب : خير ؟؟ وموعدنا مع زوج عمتك يا الحبيب ؟؟؟

نايف يجلس بتعب ويبعد الغطا عنه : لا حول ولا قوة الا بالله .. ناسيه اعوذ بالله من

الشيطان الرجيم !!


خالد : يلااااا قم .. أبوي ينتظر تحت .. قم

نايف : يلا يلا .. عطني 10 دقايق

خالد : كثير .. لك 5 بس حضر نفسك فيهم ..

نايف : طيب سكر الباب وراك

نايف غسل ووجهه و لبس بسرعه وتعطر بوقت قيااااااااسي .. ونزل يلحق اخوه

/



وقفت السياره ونزلت نوف وهي معصبه : هذي هي سيارته .. شفتي ؟


نجود : والله عاد ما هي مشكلتي .. يعني عشانه هنا ما ندخل .. ! امشي بس يلا

نوف : الله يستر .. اتصلي فبتول واسئليها وينه الحين

ناصر لابس وكاشخ يبغى يطلع مع سامي اللي عازمه.. يناظرها من الشباك : يعني


اللي قالته بتول صح !! آه يا نويف .. شفتك وارتحت بس الله يستر من اللي راح تسوينه





في حضورك ..
أحس في نعمة عيوني
ولاغبت !
ما أشوف في عيوني بشر !



نجود : أسئلها ؟؟؟ خير ان شاءالله ؟؟ بعبع مو بناصر !!! واسمعيني انسي كلام بتول اللي قالته !!


نوف : اصلا ماله دخل فينا يجي معنا سالم والا لا .. وش دخله !! اذا وافق سالم بروح

واللي فيها فيها

نجود : تمشي بجنب نوف داخلين القصر بنظرات من ناصر : عارفه انه خايف عليك .. بس

سالم مهما كان ما راح يضرك ! ماهو لهالدرجة نذل ..


نوف تبعد شيلتها وتنزلها : طيب غيري الموضوع .. لا احد يسمعنا ..

/

قصر العم سلمان

في الصاله



العم سلمان وزوجته ساره جالسين .. وبجنبهم بتول وفارس يتابعون فلم أجنبي ..

وسالم وناصر بغرفهم .

دخلت نجود قبل نوف الخجوله : السلام عليكم

الكل وقف : يا هلا وعليكم السلاااااااام

بعد السلام الحار والسؤال عن الحال .. نجود وبتول يتبادلون نظرات يعني امشي نطلع

فوق .. بس بتول ودها تكمل الفلم

نوف بهمس : انا ارجف وش فيني ؟


نجود خافت عليها : تحسين بشي ؟؟ نرجع ؟؟ ترا مو بلازم


نوف : لااا عادي .. بس تبوله لو تتحرك ..

فارس يناظر نجود ونوف : أقول تبوله كنهم يبغونك بحاجه !! نجيد طلعت عيونها

ساره : هههههههههههه فارس وش فيك يمه

نجود : هههههههههههههه طاااايب يا فارس

العم سلمان : روحي شوفي بنات خالك وش يبغون .. انا طالع القهوه تامرون بشي ؟

ساره + الكل : سلامتك .. بحفظ الله

فارس وهو منسدح على الكنبه : ينفع أجي انا ؟

نوف : هههههههههههه

فارس : عجبتك نويف ؟

نوف : هههههههههههه

نجيد لما طلع زوج خالتها وقفت وراحت لتبوله : الله ياخذ هالوجه .. وش فيك ما تفهمين ؟؟؟؟؟؟

فارس : طلعت الحقيقه ههههههههههههههههههه

نجود : والله قهرتني

بتول : والله اخر الفلم تكفين انتظري

ساره : وش تبغين نجيد ؟ تراي اساعد

نجود : والله ما تقصين يا ام سالم .. بس هو شي عادي يعني

فارس يعدل جلسته : صاحبتك هي تقوليلها ام سالم ؟؟ ها ؟؟

بتول : اي والله ..

ساره : ههههههه خلوها أحسن لي انا ..

فارس: اي والله صغرتك

نجود : لا بس يعني ميانه .. اصحاب كذا .. هههه

ساره : فديتك .. نجود تقول اللي تبيه

بعد ما خلص الفلم طلعو فوق لجناح سالم .. وهم يركضون على السلم ..

بتول على السلم : وش له مطقمين مع بعض انتي وياها .. متى اشتريتوا هالجينزات والبديات !!

نوف تدفها : يوووووووو امشي بسرعه .. بعدين نقولك . يا شين منتك

بتول : طيب تاخذوني معكم ؟

نجود : اففففففففففف والله هذي اللي يبيلها كف على وجهها .. انتي كل حاجه تبغين
تستفيدين منها ؟؟؟

بتول قدام باب سالم .. ضربت الباب : ......

سالم : تعاااااااالي يالذوووووووووق مو لابق

بتول تضحك بقوه وتفتح الباب : لا تفشلني معي ضيوف

سالم : عارف ان معك ضيوف .. والا ما ضربتي الباب ..

بتول : يووووو خلاص سالم فشلتني .

نجود تطبطب على ظهر بتول : لا حبيبتي عارفين من زمان انك ما تعرفين الذوق .. ماهو شي جديد


بتول تجلس بطفش بجنب سالم : طاااااااااااايب طاااااااااايب

سالم : حيالله بنات الخال .. أرحبوووووو تو ما نورت الغرفه .. انا اشهههههههههههههههد

نوف + نجود : بوجودك

سالم يناظرهم يعني احكوا : ......

نوف : مممممممممم (تناظر بالباب المفتوح .. خافت ان ناصر واقف ويسمعها )

سالم : ايوه !!

نوف تبلع ريقها : .......

نجود : بتحكين نويف والا كيف ؟

سالم يناظر بنوف اللي تحرك رجولها بتوتر وبصوته الحنون وبنبرته اللي يستخدمها مع

الجنس الناعم : وش بغيتي نويف كلي لك ؟

نوف (اسكت تكفى انا ناقصه عشان توترني زياده ) : ........

ناصر طلع من غرفته وهو عارف ان نوف ونجود وبتول عند سالم وجلس ينادي بالممر وهو

رايح لغرفة سالم : سااااااالم ؟ ساااااااااااالم ؟

سالم بصوت عالي : هلاااااااااا

ناصر دخل الغرفة : ووووووينك !

نوف بلعت ريقها .. عارفه حركات ناصر ..


نجود عملت حاله قوية زي دايم ..


وبتول ودها تهرب بس كيف تترك البنات لوحدهم !

ناصر يناظرهم وحده وحده : ماشاءالله .. !


الكل ساكت !

ناصر : عسى جمعتكم هذي وراها خيـر !

نوف تناظره بألم .. ناصر اذا عندك شي قوله واخلص .. لا تحرق اعصابي ترا وربي ما ني

ناقصه حركاتك


لا تترك الظـن يلعـب باحتمالاتـي
الكلمه اللي تحزّ بخاطـرك .. قلهـا


بتول بابتسامه : أكيد خيـر

نجود : كيفك ناصر ؟

ناصر : طيب الحمد لله . انتي كيفك !

نجود تبتسم له : تمام

ناصر يناظر بنوف اللي تنظر الجهه الثانيه : لا جد وش له متجمعين !

نجود : جايين نكلم سالم يطلع معنا لبنان يومين وراجعين

ناصر يهز راسه : حلو حلو .. وانت وش رايك سالم !

سالم يحط رجل على رجل : ممممممم صراحة ما عندي شغل .. ولبنان ماهي شينه ..

بس أبغاهم يترجوني أكثر


نوف تبتسم لتبوله .. ما تدري ليه عملت هالحركه بس يمكن كانت تبي تبين لناصر ان ما همها حاجه : ...


كنت أمثِّل ضحكتي وأقول: رايق!!!!
وعاجز النسيَان يمحي الذكريات

أعترف إنِي حزين .. وحيل ضايق
والكلام أحيان .. تعبيره سكات!!!!



ناصر رافع حاجبه ومكتف يدينه : يلا نجود قومي ترجيه .. وانتي نوف يلا قولي ترجي سالم

نجود جت بتحكي بس سبقتها نوف .. : سالم يمزح .. لا تاخذه بمحمل الجد ..

ناصر (ومن متى تدافعين عنه ! ومن متى تحكين معي بهالطريقه ! ) : اهاااا .. يمزح !

نوف تناظر فيه .. مره متغير .. اسلوبه حكيه .. طريقته .. رحمتك يا ناصر .. بس تكفى ارجع زي ما كنت

 

 

[اليازيه]

{ لولا غلاتك ما تكلمت بعتااب
عمر القلوب الصادقة ما تجامل ..!!}



سالم يناظرهم : انتوا علامكم ؟؟؟ انا جد كنت امزح .. وش له تناغزون على بعض ترا
ماني فاهم حاجه


نجود: ما فيه حاجه .. كل ما في الموضوع ان نايف قال اذا محد وداكم انا اوديكم .. وجينا

نسألكم .. بس ..

ناصر : وانا اقول مافي روحه الا مع نايف

نجود ترفع حاجبها : ليه يا ناصر ؟ ممكن نعرف ليه ؟

ناصر :بدون ذكر اسباب .. كذا ..

نجود : اها يعني عناد

ناصر : مو ناصر اللي يعاند يا نجيد .. ومو بلازم تعرفين كل حاجه

سالم : وش تقصد

ناصر بصوت عالي سكتهم : الكلام ما هو عنك يا سالم .. ..

سالم : طيب فهمني وش تقصد

ناصر :هي كلمه وحده .. يا تسافرون مع نايف يا بلاها ..

نوف وقفت تبغى تطلع برا .. .. الصمت احيانا أزين من الحكي : فمان الله



مآلبست الصّمت :رغبة وَ إعجاب ,
باكر تعلمك السّنين . . وش حصل لي "


بتول تلحقها : ووووووين نويف ؟ وعدتيني تجلسين

نوف تنزل بسرعه على درجات السلم : بعدين تبوله بعدين

نجود تناظر بناصر وسالم : مشكور يا سالم .. وآسفه اذا اخرتك ..

سالم : كان ودي والله اساعد نجيد بس مادري وش فيه الاخ حمقان كذا

ناصر بصوت عالي : ساااااااااااالم اطلع منها يرحم امك .. تراي للحين ماسك اعصابي

نجود ما حبت تزيد المشاكل : عن اذنك




/



يآضيق تكفى مآهو بوقتك آلحين!
توّي خلصت من الحزن | وآلكآبة


بالسيارة .


نوف تبكي : اأكرهه

نجود : أموت اعرف وش له سوى كذا ؟؟؟

نوف بنرفزه : محمد وين راح هذا ؟؟؟

نجود : ناديته .. بس مادري ليه تأخر

نجود تكمل : نويف تكفين طلبتك سامحي ناصر والله ما يستاهل اللي تسوينه فيه ..

ناظرتي فشكله فوق والله ينرحم .. باين عليه القهر لا تجننينه

نوف تزيد بكي : ودي نجيد بس والله ماني قادره اللي صار مو قليل ..




لا جيت أنا بــ / " سامحك " ..
تبكي الجراح ما ودها .. !!

مشتاق ودي أصافحك..
. . " عيت يدي لا مدها ". .



نجود تهديها ..


دخل محمد السياره وهو خايف ليه اخته الكبيره تبكي : وش فيك نوف ؟

نجود تحاكي السواق : اطلع يلا

نوف تمسح دموعها : ولا حاجه تعبانه

/
/



نايف يساعد أبوه ينزل من السيارة مع العصا اللي يتكي عليها ..

خالد يعدل نسفة الغتره ويضرب باب الشقة بعد ما سألوا فبيتهم القديم وقالوا لهم انهم

بشقة : ....


نايف طلع من الاصنصير هو وابوه : ها فيه احد ؟


خالد : مو لازم ناخذ موعد ؟؟؟ شكله مافيه احد !

نايف : رايح تقدم على وظيفه عشان تاخذ موعد ! هذا بيت عمتك .. انتظر شوي


الجوهره تناظر بالعين السحريه : مين ؟


نايف : افتحي ..

الجوهره : وش بغيت ؟

ابو خالد : افتحي يا بنتي انا خالك راشد ..


الجوهره تناظر بنفسها .. عليها بيجامتها .. وش لون تفتح !! .. والله ما افتح .. شكلي

يفشل .. طلعت تركض لأمها تعلمها

ام تركي في المطبخ تسوي قهوه لأن ابو تركي شوي ويجي من العمل : علامك تصايحين ؟

الجوهره : عمي اقصد خالي راشد برا ومعه رجال .. روحي افتحي

ام تركي بصدمه .. حذفه الصينيه : كيف ؟

الجوهره : والله ما اكذب .. واقفين برا ساعه .. يمه روحي .. انا بطلع البس

ام تركي مشت لعند الباب بخووووف تقدم رجل وتردها .. زينت شيلتها وفتحت الباب ..

ناظرتهم وفيها بكي : ؟؟؟


ابو راشد ابتسم بقوه : السلام عليكم

ام تركي : وعليكم السلام .. (ماهي مصدقه تناظر بأخوها اللي بان عليه الكبر !!

والمرض .. ودها تضمه بقوه ودها تبكي بقوه .. جلست تناظر بالشابين اللي حوله )

ابو راشد يبوس راس اخته الكبيره منيرة : كيف حالك يااختي ؟؟؟

ام تركي ما قدرت تتحمل ولا تحبس دموعها اكثر من كذا : انت وش لونك ياخوي ؟؟

ابو راشد اوجعت قلبه ودمعت عينه : طيب الحمد لله ..

ام تركي : تفضلوا تفضلوا ..

دخلوا الصاله الصغيره .. وجلسوا يناظرون بالشقه باستغراب .. من جدهم .. اخته الكبيره

ساكنه هنا !!


العيال يناظروا بعمتهم اللي باين انها مره كبيرة وطيبه وحبيبه مره .. طلعت ام تركي
تجيب القهوه و الشاهي



نايف بعد ما شاف دموع ابوه : قو قلبك يبه

ابو خالد يهز راسه : لا حول ولا قوة الا بالله

خالد منقرف من المكان اللي هو فيه .. ومستغرب بنفس الوقت .. وش هالخرابه !! فيه

عايله سعوديه تسكن فمكان زي هذا ؟؟

عبدالعزيز و ابو تركي كانوا برا الشقة ..

وفي الجلسه البسيطة الارضية .. كان أبو خالد وعياله .. وام تركي تقهويهم .. وفرحانه


فيهم .. ما تدري وش تقول : يا بنات جيبوا الحلااا

ساره : امسكي طلعيهم .


الجوهره صار لها ساعه قدام المنظره : لا لا مستحيه ..


ساره ناقده عليها : الحمد لله والشكر .. ترا كلهم متزوجين .. اعقلي



الجوهره : اكلي تبن . عااارفه بس خايفه .. ياويلي يخبلووووون

ساره تكتف يدينها : أجل ليه لابسه وكاشخه حضرتك ؟؟؟

الجوهره : والله كنت ابغى اطلع بس كل ما اشوفهم ارجع .. ! ليه ما تطلعين انتي ؟

ساره : الحمد لله والشكر انا بطلع لهم .. بس صارلي ساعه في المطبخ ابغى اتروش

واكشخ واطلع ..

الجوهره : يوووووووه أجل ماراح تلحقي عليهم !

ساره : عاد اذا راحوا .. عادي .. سويت اللي علي .. .. لا تنتظريني لأني راح اتأخر

الجوهره تسمع صوت امها (يلاااااااا يا بنات ).. : هاتي هاتي


/

ام تركي : انت خالد ؟


خالد بابتسامه مصطنعه : ايوه


ام تركي : ما شاءالله . .

ابو خالد : خالد يا منيره عنده فيصل وريتاج ..

ام تركي : الله يخليهم اله

خالد : الله يجزاك خير


ابو خالد : وهذا نايف .. عرسه الاسبوع الجاي على بنت فواز

ام تركي : الله يوفقهم يا رب .. والبنات وش لونهم ؟ ترا ما عرف منهم الا نوف من كثر ما
تسولف فيها الجوهره ؟

نايف : فيه غيرها الماس .. توها أول سنه بالجامعه ..

ام تركي .. : حسبي الله على الايام اللي فرقتنا .. والا فيه احد ما يعرف اخبار اهله ..

السموحه يابوخالد كانا مقصرين


ابو خالد : الغلط ماهو منك يا ام تركي .. انتي الكبيره .. واللوم علينا حنا ..

دخلت الجوهره وهي ترجف .. وبيدها الحلو ..

ابو خالد يناظرها : ما شاءالله .. هذي الجوهره ؟؟


ام تركي : هذي الجوهره .. آخر العنقوووووود ..

خالد طارت عيونه .. كانت مره جميله .. عكس ما توقعها .. كان متخيلها قرويه دام كذا

معيشتهم .. بس اللي باين انها ما تقل عن خواته ولا بنات عمه

الجوهره : السلام عليكم

الكل : وعليكم السلام ..

الجوهره تبوس راس خالها ..

جت تبغى تطلع ونادها خالها : اجلسي يا بنتي ما شبعنا منك !

الجوهره تبتسم وتناظر بأمها .. وتجلس بجنبها .. ناظرت نايف ونزلت عينها .. باين عليها

الاحراج والتوتر ... !!

نايف : متى يجي عمي ابو تركي !

الجوهره خقت على صوته .. وكانت فرصه عشان تناظره ..

ام تركي تناظر ساعتها : والله هذا وقته ..

خالد : وين يعمل ؟؟

ام تركي : والله مادري وين بالضبط بس يقول بشركه عاديه

خالد يناظر نايف : اهااااا

نايف : الله يعطيه العافيـة

ام تركي : ومن قال ..

فتح الباب ابو تركي .. والكل كان يناظر الباب .. وردة الفعل ..


ابو تركي وكنه ماهو مصدق مين زايره : ال الس السلام عليكم ! ( نزل الاكياس اللي بيده

ودخل يسلم )

الكل وقف : وعليكم السلام ..

الجوهره طلعت لغرفتها .. خافت يجي عزوز ويقتلها لو يشوفها جالسه معهم ..

/

/



انا وش سويت ؟؟ بدال ما اعدل أروح اخرب .. ! وش فيني اعصب على اتفه الاشياء

واتدخل بأمور ما تعنيني !


كيف اقرر من يسافر ومن يجلس ! كيف اصايح بوجه نوف .. وش فيني صرت انسان ماهو
طبيعي ؟؟



الغيره اعمتني .. وحبي لنوف خلاني ما اشوف الصح من الغلط !! .. آآآآه ..

جلس ناصر يفكر و يبرر تصرفاته .. صار انسان ثاني !! رن جواله

ناصر :هلا سامي ؟


سامي : ياخوي انت وينك ؟


ناصر : جاي جاي .. ؟

سامي : وينك عن شارع عبدالله الحمدان !!

ناصر : قريب والله قريب .. عند التقاطع .. 5 دقايق بالكثير

سامي : بانتظارك .. سلام

/

دخل ناصر المطعم .. وسلم على سامي وجلس ..

ناصر : صاير جو الرياض يطفش

سامي : يووووووو الله يرحم زمااااان .. أكثر واحد يكره السفر !!

ناصر : ما قلت ودي اسافر

سامي : انا اعرف اللي يكره جو الرياض ياخذ أول طيااااره ويسافر ..

ناصر : والله مادري .. أول مره ما اطيق السعودية بكبرها

سامي يعدل جلسته : وش فيك ياخوي .. فضفض

ناصر يتنهد بقوه : ما فيني شي .. وين عشااااك

سامي : هههههه هذا المهم عندك ؟

ناصر : وش اسوي .. انتظر هالعزومه ..

سامي : والله ما كنت ناوي اعزمك هنا بس انت الله يهداك لازم تختار هالمطعم

ناصر : وش أسسوي .. أحبه .. واكله مو ثقيل .. تعرف اخوك رياضي ..

جا الجرسون : .....

سامي : جيب باستا رفيولي و كانولوني

ناصر : ولا تنسى الكريمة البيضا لو سمحت

سامي بعد ماراح الجرسون : عطنا جديدك .. !

ناصر : ما من جديد .. ما كتبت بيت على بعضه صارلي فتره ..

سامي : ليه ؟ .. أرسل لك إلهامي ؟؟

ناصر : هههههه لا تكفى . .. بس والله كذا . مزاااج .. لكن اسمع ..






جرح الفراق بخافقي مقدر انساه
ومن يفقد احبابه عسى الله يعينه

القدر حق وكلنا من ضحايــــــاه
والدرب واحد وكلنا عارفينـــــــــه




سامي يبتسم بقوه : الله علييييييييييك يا بو سلمان .. صح لسانك واعتلا شانك
ناصر : صح بدنك ..


/

/





في نفس المطعم .. وبزاوية ثانية ..


داخل كبينة .. في قسم العائلات


عبدالله : أ ح ب ك

دانه بحيا : وانا أكثر ر ر ر ر

عبد الله : نجودتي حياتي ..

دانه بنعومه : هلا

عبد الله بعيون رومانسيه : اذا طلبت منك تجي معي بيتي .. تفهميني غلط ؟؟


دانه بعصبيه : عبدالله ؟ وش هالكلام ؟

عبدالله (طلعتي معي هنا ورا ما تجين البيت الله ياخذك ) : ابغى مره وحده ما تفهمينني
غلط !!

دانه : اسمعني كويس .. لا تفكر اني زي هالبنات طيب

عبد الله (محشومين البنات عنك ) : عارف يا قلبي . بس انا ابغى اجلس معك على

رواق .. والله ما اخذ راحتي هنا ..

دانه : أي راحه اللي تحكي عنها ؟؟؟ لا تخليني اتحسف اني جيت !!

عبد الله : نجود .. مليون مره اقولك لا تهدديني ؟

دانه : ما هدتتك .. على العموم انا ماشيه ..

عبدالله سحبها بقوه من يدها .. : اجلسي ما خلصنا حكي ..

دانه بخوف : وش فيك تناظر كذا .. ترا تخوفني .. لا تلمسني (خذت شنطتها وطلعت تمشي بخطوات سريعه .. )

عبدالله رمى الحساب وطلع وراها ..



مهما وصلتي اعرفي من تكوني ،، انا عملتك شي وانتي ولا شي

وصلتك بكيفي نعم وش تحسبي ،، وبكيفي اهدم ما بنيتيه بشوي



//



ناصر وسامي طلعوا يتمشون مع بعض نازلين لسياراتهم ..

وقفوا برا يودعون بعض .. ناظروا بالسياره اللي قبالهم .. بنت طلعت تركض وركبت

السياره وواحد يلحقها ..



ناصر لما ناظر سيارة السواق حق عمه فواز بغت تجيه سكته .. وش هالمواقف اللي

أنحط فيها ؟؟ انا ناقص !! ومين هذي اللي ركبت معه ؟؟

وده يركض ويمسكها بس وش يقول عنه خويه ؟؟؟

دانه من تحت الغطا ناظر بناصر اللي جالس يدقق فيها .. قالت بصوت عالي : روووووح

القصر بسرررررررررررعه


ناصر & سامي : مصدومين ..

سامي : الله لا يبلانا .. تامر بشي

ناصر ما يبغى الرجل اللي قامه يبعد عن نظره : سلامتك ..

راح ناصر من جهه وسامي من جهه ..


عبد الله يمشي ويلعن بدانه فقلبه .. طلع يمشي لسيارته .. وناصر يمشي وراه .. بس
ما شاف وجهه ..


اول ما وقف بجنب السياره .. مسك كتفه ناصر

التفت بسرعه عبدالله : ن ن ناصر ؟ هلاا (كان باين عليه التوتر )

ناصر عطاه كف بقوه .. طاحت الغتره .. مسك عشره وضرب بالسياره .. ضربه بقوه ..

عبدالله يقاوم .. مسك ثوب ناصر ومن قو المسكه انشق .. : اتركني

ناصر يخنقه : تحسب بنات الناس لعبه عندك يا حيوان .. يا حقير

عبد الله : خلني افهمك .. اوجعتني

ناصر : كل تبن .. كل تبن يا كلب .. يا وضيع .. والله ما اتركك يا عبد\الله ..

عبدالله ما قادر يناظر من الدم اللي على عينه : ماني قادر اشوف .. ابعد

ناصر : من هي اللي كانت معك

عبدالله : مين تقصد ؟

ناصر : من هي المره اللي كانت معك ؟؟؟؟

عبدالله : ما كان معي احد .. صدقني والله ما كان معي احد

ناصر بصوت عالي مبحوح : لا تحلف بالله كذب انا شفتكم يا حيوان .. انطق .. تكلم

عبدالله : انت مجنون ؟؟؟ تحسب الناس زيك ؟؟؟ انا عندي خوات .. ابعد عني

ناصر يناظر بعيون عبدالله : اسمعني .. ! والله العظيم (بصوت عالي ) ان ما نطقت اسمها

بلسانك هاللحين والله لأكون قاتلك انا حلفت ..

عبدالله شاف الصدق بعيون ناصر .. خاف يسكت وخاف ينطق : عطني الامان .. تكفى .

عطني الامان

ناصر غمض عيونه ما يبغى يسمع الاسم جلس يفكر من هي يعني ؟؟ دانه ؟ نجود ؟

الهنوف ؟ العنود ؟؟ : قلت لك انطق (صوته عاااااالي)

عبدالله يغطي وجهه : نجود

ناصر فكه : .........

عبدالله يناظر بناصر اللي فاتح حلقه من الصدمه : والله غصبن عني .. صدقني ما سويت

لها شي .. صدقني ما كنت ادري انها بنت عمك صدقني



ناصر يرجع يمسك رقبته : ماتدري يا كذاب : وانت جالس تقول انها بنت عمي ؟؟؟ وش

دراك انها بنت عمي ؟ ليه ما قلت اختيي ؟؟؟؟ هذا دليل انك عارف يا كلب


جلس يضرب فيه ,, ليما صار وجهه ما يبان من الدم والكدمات .. ثوبه الابيض انقلب


احمر .. ناصر ضربه بوحشية ..



/




ركب الجيب وشغل سيارته . . وراح للمزرعه .. .. وهو بالطريق يفكر .. ليه اهرب ؟ ليه ما


اروح واواجه نجود ليه ؟؟؟


ليه ما اروح اقتلها واضربها زي ما ضربت نوف .. ليه ما اطلع واجرحها زي ما جرحت نوف ..

خايف تكون مظلومه زي نوف ؟؟؟ او خايف ان نوف تكون زي نجود !! وش فيك يا ناصر ما

عدت تفكر زين ولا تعرف وش عواقب اعمالك !!

طيب ليه هربت للمزرعه ؟؟ ليه ما تروح وتجرها من شعرها قدام الكل .. عشان تعلمهم

وش آخرة اللي يعمل زيها ؟؟؟


ليه ما تروح لنايف وتقوله ما عليها خسااااااره .. تزوج دانه وانت مبسوط لأنها ببساطه ما تستاهلك ..

وش فيك يا ناصر !! .. !!



يارب انـا عبـد زاد الحـب بذنوبـه
القلب طايـر وطبـع الحـب متركـد

وان جيت اسجل خروجي واعلن التوبه
تكتب لي العاطفه / هل انـت متأكـد ؟؟

 

 

[اليازيه]

اللهم خذه من { قلبي } ..
كما اخذته من { عيني }

وخذه من { تفكيري } ..
كما اخذته من{ نصيبي }


/


.. يآرب تسـِ ξ ـِد خآفقـه ۉيڹ مآگـآن }






قصــر أبو دانة ..



بعد ما رجعت نجود .. بالليل من بيت عمتها ساره .. جلست في الصاله .. ومتوسطة خواتها .. تاكل حب .. ولوز .. وتسولف معهم ..

وعن مخططاتها مع نوف .. وعن الايام الجاية ..


دخلت دانه تركض .. بشكل يخوف .. وطلعت على السلم .. ..

نجود فتحت فمها وناظرت بالعنود : بسم الله .. هذي شفيها ؟


الريم قلبها يضرب بقوه : أحد يطلع يشوف وش فيها ... ؟؟؟؟؟

نجود وقفت بسرعه وانكسر الصحن .. طلعت تركض .. وقبل لا تطلع لفت لخواتها : اللي

تصعد بقتلها .. خلوني اشوف وش فيها (لحقت دانه لغرفتها )


/






قصــر العم راشد


ابو خالد : والله يا ام خالد اني بغيت ابكي ..

خالد يأشر لأمه بيديه ان ابوه دمعت عيونه : احم


ابو خالد يناظرها ويناظر خالد : ايش فيه ؟


خالد ياكل برتقاله : سلامتك .. اقول يبه ؟

ابو خالد : سم

نوف جالسه بجنب نايف وتتبادل معه بلوتوثات ..

خالد : سم الله عدوك .. الجوهره متزوجه ؟

ابو خالد : ما ضنتي ..

نايف ونوف رفعوا روسهم يناظرون خالد وفجأه ضحكوا مع بعضهم :

ههههههههههههههههههه




خالد : فيه شي يضحك ؟

نايف ينرفز خالد : نوره وينها ؟؟؟؟

نوف : هههههههههه

خالد : علامكم ؟ ما كلين شي ؟؟ ترا هو سؤال .. بعدين ليه تنادي نوره .. بخاف منها يعني ؟؟

نايف : لا بس كني اشم ريحة زواج ثاني ؟

خالد : مممممم والله مو بشينه .. بس مالي نفس لوجع الراس كافي وحده

نوف تفتح عينها يعني منصدمه (من متى نوره صارت وجع راس ؟؟ )

دخلت نوره : السلام عليكم

الكل : وعليكم السلام

نايف : حي الله ام فيصل ..

نوره : الله يحييك معرسنا

نايف : شكله فيه معرس ثاني

خالد يبتسم ويناظر نوره

نوره : كيف يعني ؟

نايف : باللهي نوره تزعلين لو يتزوج عليك خالد ؟

ام خالد : الله لا يقوله .. علامك تفاول على اخوك يا نايف

نايف : وانا جايبه من عندي يالغاليه ؟ بعدين هذا سؤال

نوره : مممممممم شوف ما بقولك ماراح ازعل .. بس بشيل عفشي واروح بيت ابوي ..

نايف : تصريحات قويه ههههههه

خالد : افا يا ذا العلم ؟ وتتركيني ؟

نوره : انت تركتني .. وش يجلسني عندك دامك بعتني .. والا كيف يا عمي ؟

ابو خالد : الله يلوم اللي يلومك والله لا يجيب هاليوم

نوره : تسلم لي ..

خالد : تسمين زواجي من وحده ثانيه اني بايعك ؟؟؟

نوره : أجل وش اسميه ؟ بعدين انتوا تتكلمون جد ؟

نايف : ههههههههههه خافت .. خافت .. !!

نوف : لااااا بس حتى انا سألوني زي هالسئوال .. سواااالف كذا

خالد يناظر بنوف اللي طفت الموضوع وكذبت عشان ما تخرب الموضوع .. وظل ساكت ..

//





المزرعه ..



\

مزرعة سلمان ابو سالم ..

ديلار : بابا يجيب عشا ؟

ناصر : ......

ديلار صار له ساعه يكلم حاله ... ترك ناصر وطلع ينام ..





كلِ مآ قلت : هآِنت وِ آنتهينآ خلآصْ !
عوِد آلهُمِ ، وِأثرِه كآنَ " يآخذ نفسِ "




ناصر جالس بثوبه ويناظر بالسما والنجوم .. ويسمع صوت الهدووووووء اللي يحسه راح

يفجر اذنه ..


ياربي .. اول مره احس ان الحياه مالها طعم !! .. ظلمت نوف .. والحياة ظلمتني ..

جرحت نوف .. والحياة جرحتني ..


ما عمري هربت من حاجة تواجهني .. الا لما اطلعت مشلكة عبد العزيز .. وهذي ثاني
مره اهرب فيها ..

عارف اني ما هربت جبن .. لاني طول عمري احب اواجه الناس .. بس عارف ليه .. لأن
اللي انصدمت فيهم


ناس قراب مني كثير .. نوف .. ونجود .. والله صعبه .. بس نوف سببت لها صدمه وامرضتها
واتعبتها وكرهتها بحياتها

ونجود الحين وش ناوي عليه بعد !! اذا سكت مشكله واذا حكيت مشكله اكبر ..


بس هي اكيد عرفت وشافتني والحين تنتظرني على اعصابها اكيد .. حسبي الله
عليك .. اذا كنتي مع عبدالله يا نجيد حسبي الله عليك

ياربي احس راسي بينفجر .. زين اني تمالكت نفسي قدام سامي والا واجهت مشكله اكبر ..

بواجهك يا نجود .. بس لازم اختار الوقت المناسب

سمع رنة جواله .. !!




ناظر بالشاشه .. [ الغاليـة]

ناصر : هلا يمه

ام سالم : هلا فيك .. وينك ؟؟؟

ناصر : فيه شي ؟؟

ام سالم : لا بس اسأل عليك .. تعشى في البيت ؟

ناصر سكت شوي بعدين حكى : لا لا .. بسهر برا ..

ام سالم حست بصوت ولدها متغير : ناصر فيه شي ؟

ناصر ما وده يكذب أكثر بس وش يسوي ؟ يقولها ان الارض على كبرها ضايقه فيه ؟؟ :

ههههههه وش فيه يعني ؟؟ تامرين بشي الشباب ينادوني ؟



ام سالم : سلامتك .. بحفظ الله

ناصر : فمان الله يالغالية ..


:
:









قصر العم فواز



قدام جناح دانة .. واقفه نجود .. واقفه وتسمع شهقات اختها ورى الباب .. واقفه وشعر

جسمها كش .. من كثر خوفها ..


يعني وش سوت دانه ؟ .. وليه تبكي هالبكي .. وليه قبل عرسها بأيام .. ؟؟ ما عمري

شفتك تبكين يا اختي .. !! لا تحرقين دمي



نجود بخوف : دانه .. دااااااانه افتحي لا تصحين امي و ابوي ..



دانه بصياح : ابعدي نجيد .. ابعدي ولا تكلميني ..



نجود بقهر : كيف اتركك وانتي كذا ؟؟ظ افتحي يمكن اقدر اساعدك .. بالله عليك

افتحي .. اوجعتي قلبي




دانه مقهوره ليه صار معها كذا .. !! لو ما كان عبدالله قال لها هالكلام وبان على حقيقته ..

كان ما طلعت معصبه .. ولو ما طلعت معصبه ما كان شافت ناصر. .. ليه يصير معي


كذا .. (تبكي اكثر )






[[[ هذا قدر محد يقدر يعترض عليه ويقول ليه !!!! .. حياتنا ماشيه كذا .. وهذا قدرنا ..

نرضى فيه غصبن علينا حتى لو كان

على غير مشتهانا .. الحياة مو دايما حلوه .. لازم نجرب مرارتها .. و دانه غلطت ولازم

تتحمل نتايج غلطتها .. ]]]]




دانه بصوت عالي : روحي قلت لك روحي .. نجود ما ابغى اكلم أحد ( فجأه سكتت دانه

وقام يدور اسم نجود فعقلها .. نجود نجود نجود ايوه نجود انا اسمي نجود وكنت متغطيه )




دانه وقفت بسرعه وفتحت الباب : ......




نجود ناظرت باختها مصدومه من شكلها للحين بعبايتها .. ! وعيونها حمرااااا مره .. :

ممكن ادخل ؟



دانه بسرعه : ت تفضلي


نجود تجلس : دانه علامك تبكين وكن احد ميت لك ؟ عسى ما شر ؟؟؟

دانه : نجود طلبتك .. !

نجود خافت ترددت قبل ما تقول : آمري عيوني لك

دانه تجلس تحت رجولها : نجود تكفين ساعديني انا بورطة تكفين

نجود قلبها يدق بقوووووووه : دااااااااااانه ؟؟؟؟ علامك ؟؟ من جدك انتي ؟؟ احكي تراك

خوفتيني




دانه : عرسي بعد كم يوم .. ترضين بيت اختك ينهدم ؟



نجود : اكيد لا بس انا وش دخلني ؟؟

دانه خايفه نجود ترفض الطلب اللي راح تطلبه : أنا .. والله ماني عارفه وش اقولك

نجود تقفل الباب : اسمعيني يا دانه .. صحيح بينا مشاكل لكن مهما كان انتي اختي ..

ومستعدة اعطيك روحي .. حتى لو انك تكرهيني انا احبك


صدقيني لو اني قادرة عليه بسويه لك




دانه تبكي كذب : عارفه انك ما تقدرين عليه والله عارفه ... !!! خلاص انسي



نجود تمسح دموع دانه : يا حياتي انا بكره مسافره ان شاءالله .. قولي الحين .. عشان

اقدر اساعدك

دانه ما تبغى تعرف اي شي مشكلتها اهم : مدري وش اقولك

نجود تسهل عليها : السالفه لها علاقه بالولد اللي تكلمينه

دانه انبسطت نجيد فتحت لها الباب بسهوله .. ويسرت عليها الطلب قالت وهي

منحرجه : ايوه



نجود : طيب ايش فيه ؟؟

دانه : باختصار .. ناصر شافني مع عبدالله بمطعم ..

نجود حطت يدها على راسها وردت شعرها بقوه : شافك ؟؟؟

دانه بصوت مبحوح : ايوه شافني .. ..

نجود : كيف ؟؟؟؟ طيب تهاوش معه

دانه : لا ما شفته بس اكيد بيتهاوش معه .. ويمكن اقتله .. والحين اكيد بيجي ويكمل

علي .. وبيعلم نايف .. !!

نجود : طيب ؟

دانه : طيب ايش ؟؟؟ انا بمشكله

نجود : حسبي الله عليك كانك فضحتينا ... الله لا يجزاك خير .. وش موقف ابوك ؟ وش

الاحراج اللي بتجيبينه لأمك ؟؟؟ ولخواتك وعمك وعيال عمك ؟؟

دانه تبكي : .....

نجود .. تبكين ؟؟؟ وش يفيد الحين ؟؟؟؟ يا ما نصحتك يا دانه بس اللي ما يطيع يضيع ..


سكتوا ...........

بعدين حكت نجود بتوتر : ط طيب انا وش اقدر اسوي لك ؟؟؟ خلاص يمديه عرف من الولد


انك تكلمينه و تأكد انك دانه .. وتلقينه الحين عند نايف

دانه بخوف من ردة فعل نجود : لا .. ما اعتقد .. ناصر ما شاف وجهي .. عرف انها وحده

من بنات فواز .. انا كنت متغطيه

نجود : اكيد بيسأل السواق ..

دانه : السواق جديد وش يدريه !!

نجود : طيب يسئل عبدالله !!!

دانه : حتى لو سئل عبدالله ماراح يقول اسمي .. لأنه

نجود : لأنه ايش ؟؟؟ اكفين قولي انك ما علمتيه باسمك .. وريحيني

دانه : ايوه ما علمته باسمي الحقيقي .. بس

نجود : ؟؟؟؟؟

دانه تناظرها : .....

نجود : بس ايش ؟؟؟

دانه : بس اسمي نجود عنده

نجود طلعت عيونها : لييييييييييييييييييييييييييييه ؟

دانه تكمل بحلف كاذب: والله ما اقصد يا اختي .. صدقيني

نجود تسحبها من كتوفها : كيف ما تقصدين ؟؟؟ كيف تشوهين سمعتي وانتي اختي ؟؟؟ كيف ؟؟؟

دانه : لا لا مو هذا قصدي .. بس اسمك احلى من اسمي .. وهو اول ما خطر فبالي ..

صدقيني (بكت بقوه )

نجود : الله ياخذك يا دانه .. عشان كذا تبغيني اساعدك ؟؟ تغيني اقول لناصر انا اللي

كنت بالمطعم ؟؟؟ انا اللي كنت اخون ربي واخون اهلي ؟؟؟ انا اللي كنت جالسه مع

رجال غريب ؟؟

انا قليلة الادب الوقحة اللي طلعت مع شاب لوحدنا ؟؟؟؟ ليه ؟؟ ليه حرام عليك




دانه فقلبها .. انتي مو خايفه من هذيلا كلهم انتي بس خايفه من نايف وش راح يقول ها : انا قصـ



نجود : بس .. اسكتي .. اوص ولا كلمه .. اسكتي ..


دانه مقهوره انها انذلت لنجود وانها تنسب بدون لا تقدر ترد : ..........

نجود : ليه تسوين كذا ليه ؟؟؟ وش يقول عنا ناصر الحين ؟؟ يقول بنات فواز ماهم

محترمات ؟؟؟ (نجود وكنها تتذكر شي ) : ط طيب لو ان عبدالله قاله اللي كنت اكلمها

نجود !!

وش اسوي ؟؟؟ كيف اقوله ان اختي الكبيره هي اللي كانت هناك مو بـ أنا .؟؟




دانه تبكي بقوه : ترضين يا نجود يطلقني نايف قبل حتى لا يدخل علي ؟ وش يقولون

الناس ؟ تكفين ساعديني والله ما انساها لك .. طول عمري .. وصدقيني ببطل
هالحركات ..



نجود : عساك ما تبطلينها ان شاءالله .. انا وش ذنبي اشيل فضيحتك ؟؟

دانه : انتي اختي

نجود : توك تذكرين اختك ؟؟ اختك اللي ما تدرين هي مرتاحه والا لا .. اختك اللي تفكرين

كل يوم كيف تقهرينها ؟؟ ما عرفتيني الا هاللحين ؟؟ نجود بس وظيفتها شماعة تعلقي

عليها ذنوبك ؟؟




دانه تحاول تكسب طيب نجود : خلاص يا نجود .. انا بعترف اذا قال شي ناصر واللي فيها

فيها .. وخلي حياتي تنهدم بالطقاق .. ما بقى كثر اللي راح ..




نجود ناظرت بدانه بقهر : للأسف يا دانه ما اقدر انفذ طلبك .. ياليته اهون من كذا كان

خدمتك من عيوني .. بس ماني مستعده اطيح من عين اهلي بسبب استهتارك

(طلعت واتركتها تندب حظها )




،
،

/






شقة ابو تركــي ..

الجوهره : ياااااااااي والله ماني مصدقه ..

ابو تركي بابتسامة : والله يا الجوهره .. ماني راجع الا عشان جيت ابو خالد غالية علي ..

ام تركي : بس جد هم بمشكله والا قالو كذا حجة عشان يرجعون المياه لمجاريها

ابو تركي : لا يا بنت الحلال .. متأكد انا انها حقيقه والا ما كان جو بعد هالعمر !

الجوهره تتنهد بضيق : لا حول ولا قوة الا بالله ...

ام تركي : متى راح تستلم الوظيفة ؟

ابو تركي : بكره باذن الله ..

الجوهره : وعملك اللي الحين ؟

ابو تركي : ماراح اتركه باخذ اجازه .. لأن متى ما تعدلت اوضاعهم برجع لوظيفتي القديمة

وش يجلسني اكثر ؟

ام تركي : طيب كيف راح تقابل ابوي ؟ .. واذا عزموك على بيتهم راح تروح ؟

ابو تركي : كل شي بوقته حلو ..

عبدالعزيز يدخل غرفته مسرع : ........

ابو تركي يناظر زوجته : علامه ؟؟ لا سلام ولا كلام ؟؟

ام تركي : يمكن معصب والا حاجه ما هي عادته

الجوهره : الا والله .. اصلا ما يعرف يسلم .. كنه داخل على يهود .. لا تزينين وراه يمه

ابو تركي : خلوه خلوه .. لا احتاجني بكره يجي السلام من كيفه

/
/








غرفة نايف ..



يالله مالي نفس احكي مع احد .. وهاللحين 20 مكالمة لم يرد عليها .. وين لي مزاج انا


ارد على هالعالم والله طفشت .. !!


راح غير ملابسه وجا بيرقد .. بس سمع صوت برا : مين ؟



نوف : انا ..

نايف : تعالي

دخلت نوف وناظرت بالغرفة المقلوبه فوق تحت : .....

نايف يغطي نفسه : رجاءا بدون تعليق كافي امي ..

نوف : طيب ماراح اتكلم .. بس ابغى اقولك عن سفرة بكره .. حجزت ؟؟؟

نايف : ايوه حجزت لك انتي ونجود بس باقي تذكره مادري اسجلها باسم مين !

نوف : باسمك ..


نايف : ليه حكيتوا مع العيال كلهم ؟

نوف : الله عاد نايف .. من كثرهم ؟ اقصاهم 3 ..

نايف : يوووو عاد نويف .. اخلصي والله كاره حالي .. وش قالو ؟

نوف ما تدري كيف تكذب : ممممممم خالد انت تدري انه ماهو مودينا بدون لا نقوله ..

وسالم كلمناه اليوم وبغى يتهاوش مع اخوه .. انت ترضى ان تصير مشكله بينهم ونكون

حنا بسببها ؟



نايف يعدل جلسته : كيف ؟؟ ما فهمت ؟؟ سالم وناصر تقصدين ؟؟

نوف : ايوه

نايف : يتهاوشون على ايش ؟

نوف : ماادري والله مادري وش فيهم ؟؟؟ بس ناصر يقول مافي سفره الا مع نايف .. مدري هو وش دخله !!

نايف : عيب تقولين عنه زي كذا .. هذا حسبة اخوك .. ويبغالك الخير .. انتي تقولين هالكلام ؟

نوف : .......

نايف : على العموم حصل خير .. بكره نسافر لبنان يومين .. ونرجع .. ولا يهمك ..

نوف : طيب متى الطياره ؟؟

نايف : ناسي والله .. بس يا 10 او 11 الصباح ... المهم خليكم 8 جاهزين ..

نوف : طيب .. ..

نايف : بلغي نجيد .. وقوليلهم ترفق بالملابس .. لا تكثرهم .. ترا كلها يومين ..

نوف : ههههه اوكي .. يلا تصبح على خير ..

/
/

طلعت نوف من غرفة نايف واتصلت بنجود على طول ..


تحس ان عندها اشياء كثيرة للحين ما انتهت منها ..





نوف : ألو ؟؟

نجود : هلا نوف ..

نوف : نايمه ؟

نجود : لا ..

نوف : اجل وش في صوتك ؟

نجود : مافي شي .. بس يمكن مزكمه .. (تحاول تخفي الموضوع)

نوف : المهم .. ترا طيارتنا بكره الساعه 10 اوكي ؟؟

نجود ما ودها تسافر : .....

نوف : ألووووووو يا هبله ؟

نجود : معك معك

نوف : والله ان فيك شي ..

نجود : مافيني شي .. بس ما ابغى اسافر

نوف بصدمه : نعم ؟؟ تمزحين صح ؟؟؟ اكيد تمزحين ..

نجود : لا والله .. بس مالي نفس .. (عارفه ان العرس ما بيصير )

نوف : وش غير رايك ؟؟ خايفه من حاجه ؟ في شي طيب ؟؟ قولي ؟؟ مني والطريق

تغيرين رايك وانتي اللي مقترحه الموضوع ما تجي



نجود : مافي شي بس خايفه اسافر انا وانتي لوحدنا .. بعدين مع مين راح نروح ؟

نوف بهدوء : نايف ..

نجود : حلوه .. كملت ..

نوف : وشي اللي كملت ؟؟؟ ممكن تفهميني انسه نجود

نجود : لحوووووووول مافي شي نوف .. احلف لك عشان تصدقين ؟؟؟ المهم .. .. روحي

انتي .. حرام حجز الرجال ..





نوف : علمي نفسك ... دام ما فيك شي امشي ننبسط يومين ونغير جو ونخلص من هم العرس

نجود بضيقه : اي والله هم

نوف : يووووو نجيد احلفك بالله عشاني غيري رايك .. والله ان ما رحتي ما اروح .. وااذا
محد راح نايف بيزعل .. ما تدرين وش سوى عشان يترك شغله ويجي معنا ..



نجود : ......



نوف : بليز نجيد .. لا تصيرين ماصله عاد

نجود : يا العن ذا الوجه طااااااايب ..

نوف : اموااااااااه فديت خشتك .. باي

نجود : بايات

نوف : الو الو

نجود : هااااااااا

نوف : فديت النفسية الخايسه .. اسمعي نامي مبكر طيب ؟؟ والله لاجيك بكره اصحيك

فاهمه ؟؟ ولا تعلمين خواتك خليها مفاجئه هههههه

نجود : طيب .. ابشرررررري ..

نوف : قود نايت


نجود : قود نايت

















صباحك ريحته قهوه ..
. . . . . . . . . . . . . وطعمه بالحلآ معقود ]...


صبآحك نغمته " تغريد " ..
. . . . . . . . . . . . . ~ وصوته ينعش المجــهود ..



صــباح الخير // ياالغآلـي
. . . . . . . . . . . . . وغلآك يحـطم المعـهود ..!
/


... صـباحك يبتدي منـك ..
. . . . . . . . . . . . . لانك شمسة الي تسود }..



:

:




المزرعه ..

 

 

[اليازيه]

آقسى مشاعر تشعـل النفـس ضيقـه ..
في حال ( لايمكن ) .. وفي حالة ( الظلم )



وآقسى من الثنتين وآصعـب طريقـه ..
اذا رسمت الحلم .. ثم استمـر ( حلـم )



آآآآخ يا عظامي .. والله لو اني ايش .. وش هالألــم !! .. أخذ الساعه وناظر فيها .. :

أوووووووف الساعه 7 اشوى اني صحيت ..

والا كان قتلني نايف بازعاجه .. الله يستر كيف بقابل نجيد !! ليه خايف ؟؟ هي اللي

مفروض تخاف مو بأنا .. والا نوف .. !! آه


شكل اليوم ما هو فايت على خير ..




رمى الغطاااا ناصر وطلع تروش بسرعه .. وجاب ديلار ملابس ناصر الرياضية .. ولبس

على السريع .. اخذ مفتاحه ومحفظته ونظارته وطلع بسرعه ..


/




قصر العــم راشــد

الساعه 8 .. يوم الخميــــس ....

البيت هااااادي مره .. اليوم بداية الويك اند .. الكل ما صدق على الله ينام ويرتااااااااح .. ما

كان احد صاحي الا نوف ..




اللي من اول ما صحت . وهي ما تدري وش تلبس ووش تترك .. وش تحط ووش ما تحط

؟؟ ياااااااربي انا ليه متلخبطه كذا ؟؟؟






ما تدري ان ناصر هو اللي راح يوصلها المطار .. والا كان تلخبطت وتوترت اكثر ...

حطت الميك أب وزادت الكحل و خففت الروج .. زينت شعرها .. قررت اي جينز تلبس .. و

اختارت البدي فوقه ..


اختارت الكعب اللي لابق لها .. ..





دخل ناصر القصر سلم .. بس محد رد لأن مافيه احد تحت .. !! استغرب .. توقع الكل

قايم .. جلس .. ينتظر .. !!




اتصل بنايف اللي ما يرد عليه : انا اوريك يا نايف .. مصحيني مع الديك و تقول لا تتأخر
وتوهقني وانت بسابع نومه ..



ناصر : تعالي .. وش اسمك انتي ؟؟ مممممم

...... : ريتا ..

ناصر : طيب يا ريتا جيبي لي كوب مويا بارد ..

ريتا : اوكي ..

:
:



نوف تحكي مع الخادمة الثانيه وتأشر على الشنطة الكبيرة الفوشية : نزلي هذي تحت بليز ..

ممممممممم هذي وش فيها .. ؟؟ ما ترد ؟؟؟

نوف : الو ؟؟ واخيرا ما بغيتي ؟؟



نجود ... تتمغط : توني صاحيه .. آخ

نوف : خير ؟؟

نجود : اي والله .. وش تبغين ؟؟ بسرعه بطلع احضر نفسي ..

نوف : امحق .. ضفي وجهك .. انا خلصت زماااااااان وش اسوي الحين ؟؟؟ حتى نايف نايم ..

نجود : يلا هذا انا قايمه .. روحي صحيه ..

نوف بعصبيه : باااااي







والله محد بيخلي الطياره تطير الا انتم .. مافي التزام .. بزاااااارين .. أشوى اني سلمت
على بابا وماما امس ..


والا وش يصحيهم الحين .. !




سحبت شنطة اليد .. ونزلت تحت ..


/
/







شقة ابو تركي ..

بغرفة البنات اللي ما ناموا من امس ..

ساره : ههههههههههههههههههه كني شايفه وجهك

الجوهره : هههههههه اقولك والله منحرجه مرررررره وكني داخله عشان النظرة الشرعيه .. !!

ساره : انتي مانتي ملاحظه اني لعنت ابو نومي .. وخربته عشان عيال خالك المملوحين .. ؟

الجوهره : وانا لحالي اللي اسولف حتى انتي ؟؟؟

ساره : يا كذبك .. انا متى شفتهم عشان اسولف عنهم .. انا بس اجاريك




الجوهره : ما قصرتي مجاراتك هذي هي اللي سهرتك .. بعدين انا ماني عارفه كيف تنام

لك عين وانتي ما طليتي بوجههم ولا عرفتي ملامحهم ؟



ساره : يا خبلك خبلاه .. وانا وش ابغى فيهم ؟؟؟ بعدين مليون مره اقولك متزوجين ..

وحريمهم أزين منك بمليون مره



الجوهره : هههههههههههههه حبيبتي ازين منك انتي ايه انا معك .. اما انا ... تؤ تؤ ..
والله ما يوصلون اظفري .. عاد الا الجمال ..

ساره : يا غرورك

الجوهره بدلع : والله انا قلت اللي عندي .. بعدين هذا كلام الناس مو بــ أنا ..

ساره : طيب لو يطلب يدك واحد منهم بعد تعديل العلاقات بينا .. بالله عليك توافقين .. ؟؟؟؟

الجوهره تناظر فوق : ممممممممممممممم احتمال ايوه واحتمال لا ..

ساره فتحت عيونها ع الآخر : من جدك انتي ؟؟ والا تمزحين ؟؟؟ يا نذله

الجوهره : امزح معك

ساره : اشوى خوفتيني ..

الجوهره : اقصد يطلقها بعدين يتزوجني ههههههههههههههههه

ساره بصدمه اكبر : يمه منك .. الله لا يحطني بين يديك ... انتي تصدمين الواحد .. من

برا ملاك ومن جوا الله يستر

الجوهره بزعل : وش دعوه ؟؟

ساره : هذي الحقيقه والله... اذا كلامك جد والله ينخاف منك يا جوجو

//



قصر راشد السامي ..

ناصر جالس بالصاله .. على زاوية .. وقدامه العصير والمويا .. يسمع صوت نوف اللي يروح

ويجي بس لهاللحين ما شافها ..

جلس يتخيل ردة فعلها كيف بتكون ؟؟؟ حط اكثر من تصور فباله .. بس ولا وحده ضبطت معاه



سمع صوت خطوااااااتها ..





وإنتِ يالليِ لـَگ حضوُر يحبٌس
" أنفاس الحضوُر "
وإبتسامة من حلاهَا تختٌصر
عشَرة بنــات..



نوف تنزل على السلم .. وتقفز .. بين كل درجه ودرجه ..

رمت الشنطه على اقرب كنبه . .... وجوالها بيدها تلعب فيه ...

نوف : ريتا حمودي قام ؟؟؟

ريتا : لا ...

نوف : طيب روحي جيبي قهوه ..

نوف واقفه بنصف الصالات .. .. ومعطيه ناصر ظهرها ... ... ما انتبهت اصلا ان فيه احد ..
والخادمه الهبله ما قالت حاجه ..



ناصر حاط رجل على رجل .. ويناظر فيها .. !! جالس ويدقق بكل حركه تسويها وبكل
كلمه تقولها ..

وده يحكي بس لا .. ليه يخرب على حاله ؟؟؟ اذا شافته اكيد بتكشر ... لأني صرت
بالنسبه لها تذكير بالحزن ..



ما كان عندي شي أغلى من الروح
ولا كنت أحب أحد كثر حب روحي

كنت أحسب الروح ما بعدها روح
ولا فيه روح حبها مثل روحي

وعرفت إن الروح ترخص لأجل روح
روح غلاها زاد عن حب روحي




ناصــر بصوت مسموع وهو يشتغل بالجوال : صبآح الخيــــر نويف ..


.
.



نوف جمدت بمكانها .. من الخوف .. انا اللي اسمعه حقيقه والا خيال ؟؟ .. خافت تلف



وجهها ورا .. جهة الصوت و ما تلقى احد ويطلع خيال .. يعني وصلت لمرحلة الجنون




نوف وبان الخوف عليها بشكل يفطس ضحك : بسم الله الرحمن الرحيم ..








ناصر ما كان ناوي يرفع راسه بس لما شاف شكلها .. ما قدر يمسك نفسه من الضحك :

ههههههههههههههههههه




هنا نوف لفت بقوه... قالت باحراج : خ خ خوفتني




ناصر : بدون لا تقولي واضح ههههههههه حسبي الله على عدوك ههههههههه



نوف تناظره بحقد وتربع يدينها : مافي حاجه تضحك ..



أبعدت عنه نوف وراحت الصاله الثانيه وجلست ... مقهوره كيف مسخرها .. وضحك

عليها .. تحسبه متعمد يتريق عليها ...





حطت رجل على رجل وجلست تهز رجولها بقوه من العصبيه .. وكنها بركان راح ينفجر

بعد دقايق .. وضلت ماسكه القهوه بيدها ..




وقف ناصر وحط الجوال بجيبه .. ومشى لعندها .. بهدوووووووء .. دخل الصاله الكبيره ..

وجلس بجنبها ..


نوف بقلبها (هذا مجنون ؟؟ أحر ما عندي أبرد ما عنده ؟ بعدين وش جايبه هنا ؟؟؟ ) :

اففففف

ناصر : كل هذا كره ؟؟

نوف : لو سمحت .. ما حكيت معك لا تحكي معي ..

ناصر : بزران حنا ؟؟

نوف : ايوه .. اعتبرها حركات بزارين بس لا تحكي معي ..

ناصر : مو على كيفك .. انا وقت ما ابغى احكي احكي .. محد يقدر يردني ..

نوف ترفع حاجبها : طيب وش اللي قومك من هناك على هنا .... ها ؟؟

ناصر : يعني محرجتني هاللحين ؟؟؟ هناك مافي هوا .. وهنا الاوكسجين مرتفع .. عندك اعتراض ؟؟؟

نوف تأشر بيدها : وضاقت عليك الصاله كلها جيت جلست هنا ؟؟ والا الاكسجين ما يتواجد الا بهالجهه ؟

ناصر : ههههههه عليك نور .. طلعتي فاهمه علي .. ! شاطره اجيب لك معي مصاصه المره الجايه

نوف : ها ها ها ضحكتني ..

ناصر : ليه تضحكين طيب ؟؟؟ مافي حاجه تضحك !!!

 

 

[اليازيه]

نوف وصلت للآخر ماهي قادره تتحمل .. بروده يقهرها .. ولا كنه عامل حاجه .. .. بدال ما

احسسه اني زعلانه وصله احساس اني تافهه .. وقفت بسرعه وجت تبغى تطلع .. : ..........




ناصر مسك يدها : افا .. تروحين وتتركيني .. ؟ اجلسي نويف .. ما راح امزح بس خليك جالسه ..




نوف تكره حركته هذي .. جلست وهي معصبه اكثر واكثر ولو يقول اي حاجه بتبكي بلعت ريقها بصعوبه : ........




ناصر يشوف الدمعه اللي بعيونها بس مو باينه مره : وش في صدرك ضيق .. ؟ و علامك صايره عصبيه ؟ مره متغيره نويف ..











نوف عصبيتها راحت .. وجا مكانها حزن .. بان اكثر بصوتها : اللي سويته فيني يغير الحجر كيف انا ؟










مشكلتي إني :
إذا شعرت بشيء مـا ابيـه
/ قلتـه ،،



وان قلت..
أقول اْمن العتب

[ شي ما قيل ]





ناصر يسحب شعره لورا .. كلامها يضيق صدره اكثر ويوجع قلبه .. يحسسه بذنب كبير ارتكبه : نويف انتي



نوف تقاطعه بصوت فيه بكيه : لا تقول نويف

ناصر لما حسها بتبكي : طيب .. خلاص .. يا قلبي انتي لو تعرفين ..

نوف : لا تقول يا قلبي .. لا تنرفزني اكثر

ناصر يبلع العصبيه .. ويسكت شوي وبعدها يقول : اعوذ بالله من الشيطان الرجيم .. نوف

بلا دلع واسمعيني لو مره وحده .. !



عارف انك ما راح تتنازلين وتعذريني على اللي قلته بسهوله .. بس مو بوقت زعلك يا نوف .. قدري شوي قدري ...




أخطيت فـي حقـك البـارح ولكنّـي
ما نمت ليل الجفـا منّـك ولا ارتحتـه

جيتك وانا خابرك دايـم علـى ظنّـي
مكانـي القلـب لا فوقـه ولا تحـتـه

عقب الزعل لا انشدوك اهل العذل عنّي
قول انّه اخطا .. و راضاني .. وسامحته






نوف بصوت عالي : وش اقدر يا ناصر ؟؟؟ قدرت بما فيه الكفاية ؟؟ قول تحملي الاهانه ازين


ناصر : مليون مره اقولك لا تعتبرينها اهانه ... انا انغدر فيني زيك .. انا كنت الضحيه وانتي
كنتي الطعم .. لا تحطين اللوم كله علي ..


نوف بضحكة استهزاء : ههه ضحكتني .. تقدر تقولي يا ناصر .. عبدالعزيز وش سويت فيه ؟؟؟
وش قلت له ؟؟؟ وش وجهت له اتهامات ؟؟؟ والا الاهانة ما جت الا انا ؟؟؟

ناصر : عبدالعزيز ما شفته بعد ذاك اليوم .. وبذاك اليوم عطيته حقه وزياده ... ولو تبغيني
اقتله مستعد اقتله .. بس وراك كذا ؟؟ سامحي يا بنت الحلال ... ترا لا ليلي ليل ولا نهاري نهار




نوف : مالي دعوه .. اللي بينا انتهى .. وانا ماني لعبه عندك اذا حبيتها لعبت فيها واذا
طفشت منها تركتها بسهوله ورميتها بقسوة .. مهما كان انا انسان وعندي احساس ..






ناصر ما حب يسمع اللي يسمعه : انتي تقولين كذا ؟؟؟ مالك دعوه فيني ؟؟ اللي بيني
وبينك انتهى ؟؟؟ افا والله افا .. اعتذر عن وقتك اللي ضيعته .. ( طلع برا مسرع )






●

سلامتك يانور عيني من الضيق
لاعاد تحجز له بصدرك مقاعد..



اضحك ولايدرون عنك المخاليق
.....انا معك ماعاد فيها مواعد !




..وحنا نعرف ان المحبة توافيق
حتى لو ان ظروفنا ماتساعد..


نوف تووووووهم حالها انها راضيه باللي عملته .. واللي قالته لناصر ... كلامها مره

جارح .. مهما كان مو حلوه بحقه يسمع هالكلام لا وفبيتها كمان !!!


نست نوف الموضوع .. وجلست تنسي نفسها بجمل مالها علاقة بالواقع .. [ ناصر ماله
علاقه فيني .. و لا يمكن احاكيه بعد اللي صار .. هو اللي ظلمني وهو يتحمل .. جا اليوم اللي ارد فيه اعتباري ..

حتى لو كنت أحبه .. .. كرامتي فوق كل شي ... ]








حــرقت صـورتـــك..
وحـرقــت معـهــآ ذكـريــآتــي...
انـآ بنـــت إليـآ انجـرحــت..
يـآكيــف يبـرى جرحهــآ...؟!
♥
♥
♥



يـــآ شيــن الذكـــــرى ...!









نزل نايف بعد ربع ساعه .. : ماشاءالله .. والله توقعتك بتأخرينا .. نجيد خلصت ؟؟

نوف ووجها متغير : ايوه .. الحين تجي ..

نايف : ممممممممم خليني اتصل بناصر .. أبطى علينا

نوف جت تبغى تتكلم بس خافت ما تدري ليه ... لو يدري نايف ان ناصر برا بالسياره

يقتلها .. عنده هذا اكبر عيب ..



نايف : صبح صبح يا عم ناصر

ناصر بصوته اللي توه صاحي من النوم .. واصلا من الهم صوته تغير : يسعد صباحك خيي

نايف : انا اللي ابغى اسافر لبنان وانت اللي تحكي زيهم ؟؟؟ ورا ما تجي معنا ؟؟؟

ناصر يضحك فقلبه ... هي دقايق ماهي طايقتني تبغاني اسافر معها حلمك علينا :
خوتك تشرى يا بو راشد بس مشغول شوي ..




نايف : طيب وينك ؟ طيارتنا بعد شوي ..

ناصر : أ .أ .. انا اص

نايف : علامك ؟

ناصر يغير الموضوع : لا بس طاح السي دي ونزلت اجيبه .. المهم .. انا توني واقف قدام
القصر يلا اطلع ...

نايف : طيب انزل اكل حاجه

ناصر : مفطر الحمد لله ... يلا لا نتأخر ..

نايف : يلا بس اتصل بنجيد

ناصر سمع اسم نجود .. وجت فباله كيف شاف البنت تركض والولد يلحقها .. كان موقف مقرف ..

وانقرف اكثر لما تذكر كيف كان يشوف نجود بالذات ثقيلة ومحترمة وما يطلع منها هالشي !!



ناصر : يلا بس ترا انا برا





/


سكر نايف واتصل بنجود على طول ..

نايف : صباح الخير ..

نجود : صباح النور

نايف : ممكن تتكرمين مدام نجود وتطلعين ؟

نجود : هههههه طيب .. انا خلصت اصلا

نايف : لا جد والله عيب ناصر ينتظر برا .. صار له مده .. أتمنى انك ما شلتي اللي في الدولاب كله

نجود : ههههههه لا .. بقيت شوي فبه

نايف : الله يستر .. يلا يلا حنا بالسياره

نجود : يلا باي ..


نجود ماسكه الجوال وهي ترجف .. ناصر من وين طلع ؟ مافي الا هو بهالعايله ؟؟

حكي نايف معي دليل ان ناصر ما قاله حاجه .. طيب مممممم يمكن عبدالله ما واجه ناصر !!!

كل شي راح يبين من ناصر وتعابير وجهه اللي ما يقدر يخفيها .. ياااااااارب تعدي الموضوع على خير وتستر علينا

/


سلمت على اهلها ..

الهنوف : جيبي لي معك لبناني صغير

العنود : هههههههههه وانا كمان .. دخلك نجودي بدي اياه مزيون

الريم : بدي اياه & مزيون ... ماهي راكبه دوده

العنود : اجل وش يقولون ؟؟؟

الريم : بدي اياه بياخد العأل

الكل جلس يضحك على الريم مو لابق عليها : هههههههههههههه

الريم : وجع ان شاءالله .. مافي شي يضحك .. يلا مع السلامه .. وبالله سلمي لي على نايف

نجود : طيب وناصر ؟؟؟ ونوف ؟؟؟ ما اسلم لك عليهم ؟؟

الريم : يوووووووووووه اسمعي الكلام .. نايف يعني نايف ..

نجود تبوسها : يمه منك .. طيب .. انا تأخرت الحين يطلع عيوني نايف .. باااااااااي

البنات : تروحون وترجعون بالسلامه

نجود قبل ما تطلع من باب القصر الكبير : الله يسلمكم


ناظرت بالسياره .. اللي كان ناصر باين انه فيها وبجنبه نايف ..

وورا نوف ... !!!

مشت بخطوات بطيئة ... ان اسرعت تفركشت بالعباية والكعب .. بهالمواقف دايم تجيب العيد



نجود بعد ما فتحت الباب : السلام عليكم

الكل ما عدا ناصر : وعليكم السلام هلاااا

نجود فقلبها .. بدينا يا ناصر .. !!

نجود : تأخرت عليكم ؟

نايف : لا ابدا ً

نجود : ههههههه عاد والله جايه مسرعه

نايف : امزح معك ولا يهمك .. اذا ما انتظرناك من ننتظر والا كيف نويف ؟؟؟

نوف : ايوه صح

نايف : نوفا حبيبتي .. علامك ؟؟ والله ما انتي بعاجبتني ... ؟ مره تضحكين ومره تقلبين بسم الله ..

ناصر حرك السياره ... وعلى المطار طيراااااااان

نجود تعبث فشنطتها : اي والله نوف .. متغيره ..

ناصر فقلبه .. اشوى يعني ما هو بس انا اللي ملاحظ ؟؟؟؟

نوف تبعد نظرها عنهم وتشغل نفسها بالطريق : ......

نايف بلتفت لها بجسمه : أبك أبك أبك .. هييييييييييي جالس احكي معك ؟؟؟

نوف لفت جهته وجلست تناظره : هلا

نايف : علامك

نوف : ياربي مافيني شي .. غصب تخلوني مو بطبيعيه ؟؟؟


نايف : لاااااااااا حالتك صعبه .... اسحب كلامي .....




ناصر يناظر نوف من المرايه الاماميه ... ويناظرها كيف سرحانه وتناظر بالشارع .. وما هي
قادره تثبت عينها على جهه وحده ...



لا يضيق صدرك من الدنيا / وهوٌنها
مالك ومال الهموم وسيرة أحزانك

أرجع على الضحكه البيضآء ولوٌنها
لو كآن ما هو على شآني .؟ / على شآنك !!


نايف عارف كل حاجه بس سااااااكت ... ناصر ماخو راضي يحكي له شي ... ولا راضي يبين له شي .. لكن كل شي واضح

عداها نايف زي كل مره ...



ناصر وطى صوت الاغنية : أقول نجود !!!

نجود تناظر فيه يعني نعم : ؟؟؟؟

ناصر : وش رايك بمطعم روما ؟؟؟؟ ال****** ؟؟؟؟

نجود هنا عرفت ان ناصر شاف دانه ... وجالس يتأكد من معلوماته : ممممممم مادري ما عمري رحت له ... !!!

ناصر : جد ؟

نجود : ايوه

ناصر : غريبه .. !!

نجود قهرها .. لو حاكي أزين من حرقة الدم والنغزات : وش الغريب في الموضوع !!!

ناصر يسمع قوة صوتها .. ويناظر بعيونها المتوتره : كني سمعت مره انك تمدحين بأكله !

نجود : أنا ؟؟؟ لا والله ما عمري مدحته .. !!




ناصر : جايز .. بس احيانا الواحد يروح لمطعم .. مو عشان بس اكله حلو .. لا .. عشان فيه كباين للعوايل وكذا يعني



نجود حبت تمشي معه على الخط وتقهره : صح كلامك .. فيه أحلى من الكباين ؟ على الاقل ناخذ راحتنا ..



نايف ونوف مستغربين بس جالسين يسمعون .. الحكي اللي كن وراه مقصد : .......


ناصر باستهزاء : آهـــآ ..





//

//






وصلو لمطآر الريآض الدولــــــــي ...






انتهوا من الاوراق .. ..


نايف راح يجيب حاجه .. وظلت نوف ونجود ..



نجود ماهي قادره تناظر بناصر .. أبعدت عنه ..



ناصر : يلا نوف اشوفك على خير ان شاءالله .. .. تروحين وترجعين لقلبي بالسلامه ..

وابغاك تعذريني وتسامحيني ما تدرين يمكن الله ياخذ روحي


وانتي هناك .. .. !!




نوف بقلبها .. ( لا تقول كذا .. ان شاءالله ما اكون عايشه لهاليوم .. .. كم مره اقولك لا

تجيب هالموضوع .. ؟؟؟ ) لكنها اكتفت بجمله .. كان متوقعها ناصر : فمآن الله ..




ابتسم ناصر بقهر .. : فمآن الكريم .. (طلع حتى قبل ما يودع نايف .. )


طآلبك قبل ( المفارق ) بس عانقني....{
عشان تبقى معايه ... [ ريحة ثيابك ]


عشان لآآ هزني شوقي وعذبني

....... أشم ريحة غلاك وألعن غيابك

........ أشم ريحة غلاك وألعن غيابك

....... أشم ريحة غلاك وألعن غيابك


/





نوف تمشي للبوابــة وهي عارفه انها راح تشتاق له مره .. !













شركة سامي السامي ..



الساعه 12 الظهر ..

الكل كان جاي يستقبل العم مبارك .. ..

عملوا اجتماع سريع .. ومن خلاله .. حكى ابو تركي الكلام اللي عنده كبداية او مقدمة ..

للتغيرات اللي راح تصير الفترة الجاية ..




بقت العايلة لوحدها ..

ابو تركي مشغول بقراءه الاوراق .. وخالد حاط رجل على رجل ويناظر فيه من فوق

لتحت .. كنه ماهو شايفه شي ..

سالم .. مشغول بالجوال ..

ابو خالد وابو دانه .. جالسين يتناقشون بتوقعاتهم ..


لكن الجد سامي رفض انه يجي .. وتحجج بمرضه المفاجئ !!! ..

ابو تركي : انا انتهيت من اللي بيدي .. لكن بآخذ هالملفات معي للبيت اكملها .. اذا ما عندكم مانع

قفز خالد : لا ما يصير .. مافيه اوراق تطلع من الشركه هذا حكي جدي ..

ابو تركي : على راح

قاطعه ابو خالد : ما عليه يا بو تركي خالد مجتهد زياده عن اللزوم .. خذ ما تبي معك .. الملفات بأيدي امينه ..

ابو تركي : استأذن الحين .. كنت اتمنى اشوف العم سامي لكن سلمولي عليه و الله يشفيه ويعافيه

ابو دانه : الله يسلمك ..

ابو تركي : فمان الله ..

...............................


بعد ما طلع .. على صوت خالد ..

خالد : لا والله ؟ ناوين تعيدون امجاد مسعود الزفت ؟

ابو خالد : لا تعلي صوتك يا خالد ... ولا تقارن الخسيس بأبو تركي ..

ابو دانه : يا خالد وانا عمك ما يصير تحكي معه بهالطريقه مهما كان هذا رجل خدم

الشركه اكثر مني ومن ابوك ..

خالد : انا مالي دعوه اجل .. لا صار شي .. انتم تتحملون كل شي ..

//



/
/
/






قصر العم سلمان


الساعه 1 ونص ..


ناصر بصوت عالي ... : يوووووووووه للحين ما حطيتوا الغدا .. استغفر الله !!!

فارس : كل هذا جوع خخخخخخ

ناصر : فيه حاجه تضحك ؟؟؟

فارس : يووووووووو نسينا ... الرياض ظلمت هاللحين ... هههههههه الله يعينا على النفسيه حقتك

ام سالم وتوها داخله : عساها ما تظلم ؟؟؟ ليه ؟؟؟

ناصر يطفش من كلام فارس هذا : فارس حط لسانك جوا فمك ازين لك ..

بتول جالسه ساكته : ........

ناصر ناظرها بسرعه وابعد نظره عنها .. ماله داعي تقرا تعابيره اكثر من كذا .. : ..........


فارس ينرفزه ويغني بصوت عالي : بحبك يا لبنان يا ةطني بحبك .. بشمالك بجنوبك بشرقك بغربك ااااااااااااه بحبك يا لبنااااااااااااااان يااااااااا وطنييييييييييييييي هههههههههههه




ام سالم فهمت : فارس ورا ما تسكت

ناصر يتنهد بقوه : اوووووووووووووف



بتول ما تحب تشوف ناصر كذا ... حاله تغير كل شي تغير والله مو بناصر الاولي .. زمان

كان هو اللي يضحكنا .. الحين محد يبكينا الا هو .. !!



فارس يناظر بتول : طيب ناصر وعرفنا بلاه .. وراك ماده بوزك ؟؟؟ تضامنا ً معاه ؟؟؟؟

تبوله : فارس ابعد عني ترا والله مالي نفس .. !!







من فيه غيرك على الضحكه
......................معوّدني...~ْ}



سالم دخل البيت : السلام عليكم

الكل : وعليكم السلام

سالم طلع فوق .. نعسان ما نام .. امس طول الليل سهران على الشات

ام سالم : وين طالع ؟ الغدا جاهز

سالم : عافية على قلوبكم .. ابغى آكل النوم انا

فارس بلقافه : وراك ما انت معصب ؟؟؟ ما انت زعلان ان نوف اقصد نايف سافر لبنان ؟

سالم يرجع من فوق : جد ؟ سافروا ؟ متى ؟؟؟ نوف معهم ؟؟


ناصر يضغط على اسنانه بقوه : اللهم طولك يا روح

سالم يناظر ناصر بعدين يرجع يكمل حكي مع فارس : بالله عاد سافروا ؟

فارس : شفت الحريم .. اذا بغوا شي سووه .. ههههههههه ..

سالم : مع نايف ها ؟؟؟

ناصر : الحمير مو انتم ؟ الحمار انا اللي جالس معكم ... الله ياخذ هالوجيه

سالم ببرود : تؤ تؤ ليه كذا عاد .. وش له هالحكي .. !

ناصر يطلع على الدرج : ضف وجهك انت









اِلْحِزِنْ

طَوّلْ ،
وَ لِيْت اِلْحِزِنْ لاَ طَوّلْ
( يِـمِـلْ ) ، مِثْلْ اِلْبِشَرْ وَ [ يِفَارِقْ أَحْبَابَه ]





فارس ما قدر يسكت من الضحك : هههههههههههههه ههههههههههههههههههه

هههههههههه
يا العن ام المسخره يا شيخ .. يقولك ضف وجهك



سالم ببرود أكثر : عادي وين المشكله .. خله يعبر عن رايه .. ( يوطي صوته ) بعدين بيني وبينك أ....



فارس يقرب يبغى يسمع أكثر : إيه ؟؟؟



سالم سحبه بقوه وطيحه على الارض : كمل ضحكك يا حيوان .. (طلع فوق وعلى طول

حضن المخده ونااااااااااام)





فارس ماسك رقبته : يا النذل بغيت تكسر رقبتي .. ياااااااا مزحك الثقيل



بتول ناظرت فيهم .. وطلعت فوق .. مالها نفس تاكل ..


فارس : يمااااااااااااااااااااااا ههههههه


ام سالم من بعيد : هلا


فارس : شكله محد راح يتغدا معك الا انا ههههههههههه

ام سالم قربت : وراك تضحك بزياده اليوم ؟

فارس بعصبيه : دوم ان شاءالله ... يووووو ما تبغوني اضحك

ام سالم : الا اضحك يمه على كيفك ... بس (تتلفت) وين اخوانك ووين تبوله ؟

فارس : ناصر وسالم وتبوله كلهم طلعوا فوق معصبين .. نياهاهاي راح اكل لحالي ..

ام سالم : لا حول ولا قوة الا بالله

فارس بجديه : لا جد يمه والله طلعوا فوق ..


/



غرفة ناصـــر ..


سحب سيجاره .. وجلس يفكر بأشياء كثيره .. ما هو قادر يجمعها ولا هو قادر يعرف وش

هي .. الأكيد انها هموم منتشره فقلبه ..


ازعجته .. ووترت اعصابه .. تركته ما يعرف النوم .. ما يرتاح زي الاوادم والخلق .. مشكله

داخل مشكله داخل مشكله ..


لدرجة انه نسى وظيفته .. نسى دوره بالحياة .. نسى كل حاجه .. !! واهمها الضحكة

قاطع تفكيره المشوش .. صوت الباب .. اللي صحاه من الكابوس المزعج ..




ناصر : تعالي تبوله

بتول تدخل بهدوء واحراج ما تدري ليه جايه ... بس لازم تجي .. : كيف عرفت انه انا ؟

ناصر : مادري .. احساس .. !

بتول : ممكن اجلس ؟

ناصر يأشر لها براسه .. (اوكي ) .. ويطلع نفس طووووووويل من الدخاااااان من فمه ..

بتول تناظره باستغراب : وصلتهم ؟

ناصر : ايوه

بتول : متى يوصلون ؟

ناصر يناظر بساعته : تقريبا ساعه ساعه ساعتين بالكثير .. زمان طارو ..

بتول : آهآ ..


هدوووووووووووووووووووووووء


بتول بتردد : حكيت مع نوف ..

ناصر اطفى اللي بيده : ايوه

بتول بفرح : تصالحتوا

ناصر : لا

بتول : زعلتها ؟

ناصر جلس يتذكر كيف جرحته وضحك باستهزاء وقال : غريبه نوف

بتول باهتمام : ليه ؟

ناصر : مادري .. (تنهد بقوه)

بتول : ......


ناصر : عارفه ؟ افكر اكمل دراستي .. برا


بتول ماتدري تفرح والا تزعل : جد ؟ وين ؟

ناصر : مابغى بعيد زي ما قلت للشباب بس يمكن مصر ..

بتول : آهآ

ناصر : علامك تضايقتي ؟

بتول : ولا حاجه .. الله يوفقك .. طيب ما قلت لي ...

ناصر يقاطعها : ما ابغى احكي بالمووضوع


بتول بخوف : طيب وش دراك اني بحكي عن نوف يمكن عن الدراسه


ناصر : باينه الاسئله بوجهك

بتول : آسفه ..

ناصر يغطي نفسه بالفراش .. : ما عليه تبوله .. تراي تعبان مو نايم ..




يموت النوم فـ ( غيابك ) ويخلق للسهر ميلاد ،
أنا وشلون أغمضها عيوني ؟ وإنت مو عندي !


بتول : لا عادي .. نوم العوافي ..


.
.
.




" فمان شوقي " واللقا بيـد الاقـدار
شوفي "أحبّك" فـي شفاتـي خجولـه


.
.

 

 

[دانة بـ عين بحاري]

يسلمووو ياليازية
يسلم ذوقك الراقي
بإنتظار الباقي
تقبلي مروري

 

 

[قيثارة]

بإنتظار التكمله يا حلوة شيء خيالي صراحه

 

 

[اليازيه]

ميرسي قتاره على المشاركه
وانشاء الجديد بالطريق
تحياتي اليازيه...

 

 

[هادي]

هلا اليزية مشكورة على القصة الرووووووووووووعه
بانتظار التكملة لا تتأخرين من جد متشوقين للبقية ....

 

 

[اليازيه]

اقتباس المشاركة الأصلية كتبت بواسطة هادي هلا اليزية مشكورة على القصة الرووووووووووووعه بانتظار التكملة لا تتأخرين من جد متشوقين للبقية ....

اهلين اخ هادي نورت صفحتي ....
انشاءالله التكمله با الطريق ..
بس لما اشوف ردود اكثر بحط التكمله
تحياتي اليازيه

 

 

[هادي]

أفأ أفا أفا أفا يعني هذا تعذيب لنا ولا وشو
ما يقولون في الأمثال عشان تكرم عين مدينة
عشانا حطي البقية ،،،،،،،،،،،،،،،،،، والله أحس أنذليت عشان هالقصة
أول مرة اهتم كذا لرواية لاتطولين علينا .....