كوكتيل اجتماعي رقم ( 1 )

[الفاارس]

صبــــــــاح الخيرات ..


سأتناول هنا قضايا وهموم ومشاكل إجتماعيه ..بأسلوب


مختصر وبسيط .. واتمنى ان يحوز على اعجاب


الجميع ....


(1)


محمد وزهير ..في الديوانيه ..


محمد /..ماني عارف وش اسوي معها مأذيتني ؟؟


زهير/ منهي ..؟ هذيك اللي قلت لي عنها من كم شهر ؟؟


محمد / في غيرها ؟..والله ابتلشت بها ومو عارف افك منها


كل مرة تركب ويايي في الباص تخلق لها سوالف عشان اسولف وياها ..


وساعات تدق وتقول غلطانه وتدز رسايل وتقول بالغلط


وازيدك مرة ركبت وياي وقالت تبغى تروح المحل


الفلاني ولما وصلتها له قالت بكل برود لا غيرت رايي


وديني البيت وتنبط شبدي حزتها لو بكيفي فقعت وجهها لاوهي نازله تقط علي رساله بعد....


وش اسوي انا أذتني اذيه ...انشاء الله ابيع


هالباص والأخير ..


زهير/ خلها تولي مردها تزهق وتبتعد ..


قولي وش سويت بالسياره اللي وصيتك عليها ( يعني بغير الموضوع )

هاه والحين ابغى رايكم في كوكتيل رقم (1) وباقي عندي لكم اثنين بعد يومين راح انزل كوكتيل (2) بالمنتدى بس ابغى اشوف تفاعلكم ويانا ......

 

 

[أنثى مخملية]

المفهوم من هذا الكوكتيل القصير

ان اصحاب الباصات او المشاوير الخاصه
يلاقون مضايقات من البعض
باالفعل شاهدأ بام عينيا
واذا حصلت تطنيش من السواق بااسلوب حلو تنسحب اشوي اشوي

والعكس صحيح يااخوي البعض من السواقين
من تركب البنت ويكون الباص خالي
سحب اساله واجوبه واستقلال ماله معنى
او الاتصال كل دقيقه والثانيه عن موعد الخروج

الله يعين الجميع
وباالتوفيق في طلب الرزق الحلال ان شاءالله

 

 

[جناح الملائكة]

بسم الله الرحمن الرحيم ،،،

أعقتد بأن بأنه يوجد هذه النوعيات في زماننا هذا زمان الانفتاح ، والمشكلة عندما يقل الحياء لدى النساء هذه مصيبة ، ومثل هذه النوعية من الفتيات السكوت عنهن أكبر غنيمة ، وإن لم يجدي نفع يجب مصراحتها بالأمر أو الطلب منها تغيير الباص إلى باص آخر .

أجارنا الله من كيد النساء .

 

 

[الفاارس]

شموخ امرأة الله يعطيك العافية

على اولياء الامور متابعة ذلك ؟؟؟؟؟؟؟؟؟؟؟؟

 

 

[الفاارس]

جناح الملائكة الله يعطيك العافية

رأي سديد !!!!!!!!