•.¸¸.•°°•.¸.• سـوالـفـك مـع القـرقيعــان °•.¸ ¸.•°°•.¸.•°

[زهور الريف]

في هذا الموضوع راح نستضيف عدد من الأعضاء ،، يتحدثون لنا عن ذكرياتهم و سوالفهم مع القرقيعان

ندخل نقرقع في بيتهم ،، و بعدين نطلع معاهم من بيت لبيت ،، و من فريج لفريج

و نتعرف على مواقفهم و تصرفاتهم و انطباعاتهم تجاه بعض الأمور المتعلقة بالقرقيعان .. فخلوكم معانا ..

فأهلاَ و سهلاً بهم ،، و يلا خلونا نشوف قرقيعانهم كيف كان ..







1 - كم كان عمرك أول ما قرقعت ؟ و متى توقفت عن القرقيعان ؟


2 - مع من كنت تقرقع ؟


3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

4 - هل كنت تلبس ملابس خاصة في القرقيعان ؟ و لاّ تلبس أي شي ؟


5 - موقف صار لك في القرقيعان و لا يمكن أن تنساه ؟


6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟


7 - شنهي ردة فعلك لمّا تروح بيت ،، و ما يعطونك قرقيعان ؟



8 - شنو يوزعون بيتكم في القرقيعان عادةً ؟


9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟


10 - بعض اللي يقرقعون يروحون ويجوون على البيت الواحد أكثر من مرة ؟

فما رآيك في هذي الحركة ؟ و هل كنت تسويها ؟


11 - بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟


12 - كم كانت حصيلة القرقيعان اللي تجمعها عادةً ؟ و شنو تسوي فيها ؟


13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟


14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟


15 - مالدور الذي تقوم به في القرقيعان حالياً ؟


16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟


17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

 

 

[زهور الريف]

نستضيف في هذي الحلقة كلاً من : 1 - أول الغيث 2 - طلة قمـر..! 3 - بحر الوووفا

 

 

[تاروتية]

::



موضوع رائع وجميل وبه ذكريات الطفولة وحلاوتها .
ننتظر الضيوف وكلنا شوق لمعرفة إجاباتهم .

 

 

[طرفاوي أصيل]

زهور الريف ... فكره في قمة الروعة والطرافه ايضا ...

جميل ان نعرف ذكريات ومواقف الأعضاء في ايام القرقيعان الجميلة ..

في انتظار الضيوف ..

كل عام وانتي بخير ,,, طرفاوي أصيل

 

 

[طلة قمـر ..!]

بسمـه تع ـالى


تحيتي اليكم بمناسبة المولد الشريف

الامام الحسن المجتبى ( ع )


نبدأ




1 - كم كان عمرك أول ما قرقعت ؟ و متى توقفت عن القرقيعان؟


عمري والله ماذكر بس توقفت تقريبا بصف سادس ابتدائي .,



2 - مع من كنت تقرقع؟



مع اخواني وعيال عمي وسنه قرقعت مع صديقتي


3- ما هي خطتك اللي كنت تتبعها فيالقرقيعان ،، من تطلع من البيت إلى أن ترجع ؟


خطتنا والله مانروح بعيد تدورن نتعب

بس يوم خططنا نروح بعيد ماكتملت الفرحه

لان اخواني الاولاد يقهرونه بالقرقيعان اللي من البعيد




4 - هل كنت تلبس ملابسخاصة في القرقيعان ؟ و لاّ تلبس أي شي ؟




طبعا ملابس خاصه بس مره من الحر لبست بجامه


5 - موقفصار لك في القرقيعان و لا يمكن أن تنساه ؟


يوم البس بجامه عن الحر




6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟



ربيان

7- شنهي ردة فعلك لمّا تروح بيت ،، و مايعطونك قرقيعان ؟


اقوول !! وش بلاهم مايدرون ان اليوم قرقيعان


8 - شنو يوزعون بيتكم فيالقرقيعان عادةً ؟


بطاطس ومصاص


9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها؟



شدراكم ؟؟ !! صادونا ايه مره سويتها


10 - بعض اللي يقرقعون يروحونويجوون على البيت الواحد أكثر من مرة ؟فما رآيك في هذي الحركة ؟ و هل كنت تسويها؟


والله هالحركه عن جد اضحك عليها بس عادي اعطيهم هذه بركة الامام

بس مامره سويتها اخاف يشكوني وانكشف



11 - بعض اللي يقرقعون ،، يجيك ويقول عطوني قرقيعان لأخوي أو أختي ..





و لما تقول له وينه ؟ ليش ما يجي يقرقعمعاك ؟

يقول لك : هو في البيت ،، ما يقدريقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ وهل سويتها ؟



عادي هذه بركة الامام .. لالا مامره سويتها !!


12
- كم كانت حصيلة القرقيعان الليتجمعها عادةً ؟ و شنو تسوي فيها ؟



تقريبا كيسه ونص ومره حصلت ثلاث اكياس


13 - هل يتعرض قرقيعانك لأي اعتداءات أو سرقات سواء في الخارج أو في المنزل؟


لالالا الحمدلله اسرق مانسرق

يوم سرقت قرقيعان اختي



14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟


لالالا والله القرقيعان تعب



15 - مالدور الذي تقوم به في القرقيعان حالياً؟


اوزع


.,16 - هل تؤيد خروج البعض من الأولادالكبار ،، أو البنات الكبيرات ،، للقرقيعان ؟


الاولاد / لا . البنات / عادي هم يتغطون مايتكشفون


17 - هل ترى بأن هناك عادات جديدة دخلت في قرقيعان اليوم ..و هل هيإيجابية أم سلبية من وجهة نظرك ؟


إيجابيات .,

ايه والله عادت قيمه بعد صارت الطرف تارووت والراشديه العواميه وجبله القطيييف


اولا / القرقيعان بالليل

ثانيا / اقامة الحفلات المبسطه بالشوارع

ثالثا / الامهات الكبار والصغار يقرقعون

ماهذا !



وانتهت جولتي معاكم حول قرقيعاني


وان شاء الله عجبتكم


عاد زهور ابغى انا الهديه لاني لبيت الدعوه بشكل سريع


زهور الريف / حبيبتي


شكرا لك على استضافتي ودعوتي


وان شاء الله عجبتك .,


يعطيك العافيه

 

 

[سِيمفُونِيـة رجُـل]

أووه على أيام القرقيعان ، بكل برائتها وعفويتها [ الطفُولِية ] ،

أسئلة وافِية ، ستكُون معها السوالِفْ ( القرقيعانية ) أجملْ ،

بإنتظار جمِيع الضيُوفْ .

والشُكرّ موصُول لكْ ( زهور الريف ) .

 

 

[أول الغيث]

أشكر الأخت زهور الريف على هذه الفكرة وهذه الإستضافة الجميلة

و أبارك للجميع مولد الإمام الحسن ( ع )

و عساه يعود علينا و عليكم بالخير والبركة إن شاء الله


بسم الله .. نبدأ الإجابات

اقتباس 1 - كم كان عمرك أول ما قرقعت ؟ و متى توقفت عن القرقيعان ؟

قرقعت صح و آنا في ثالث ابتدائي يمكن ،، و ختمتها بسادس تقريباً ..

<<< ما قرقعت شي الله يخلف ..

اقتباس 2 - مع من كنت تقرقع ؟

أول شي نطلع آنا و اخواني ،، و بس نلتقي بالقروب ( عيال خوالي ) نكمل بقية اليوم معاهم ..

و لازم طبعاً يلتحق بنا بعض الربع من هنا و هناك ،،

اقتباس 3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

نطلع من البيت الساعة 3 العصر أو قبل بعد .. ونقرقع بيت بيت إلى أن نوصل الراشدية و نحوسها حوس ،، و بعدين نتوجه جهة الديرة

لكن عادة يخلص اليوم قبل مانوصل ،، فنختم القرقيعان بالفريج ثم البيت ..

و اذكر أحلى شي لما تدخل حارة متروسة بيوت << تتفائل خير و تعرف أنك بتطلع بشي عدل ..

اقتباس 4 - هل كنت تلبس ملابس خاصة في القرقيعان ؟ و لاّ أي شي ؟

ثوب أبيض عادةً ..

بس مرة لبست شتوي ،، لأنه الوقت كان شتاء

لكن ذاك اليوم بالذات صار حررر ،،

اقتباس 5 - موقف صار لك في القرقيعان و لا يمكن أن تنساه ؟

مرة أذكر دخلنا بيت ،، و ما أمدانا دخلنا إلاّ و تقابلنا ذيك البنت اللي الله لايوريكم ،،، ( نسرة )

وتقوم تطردنا و تقول يلا انقلعوا ماعندنا قرقيعان لكم ،، لا وفوق هذا قاعدة تدزّزّ فينا و تصك الباب علينا ..

عاد ليومك مانسيت هالبيت ،، و لو الودّ ودّي انتقمت منهم

..<<< اشدعوة !! كله حقد ؟!

اقتباس 6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

كل شي ،، و أحب أكثر شيء الأصناف الجديدة و الغريبة علَي ..

و ما أحب الأشياء اللي ما تسمن و لا تغني من جوع ،، و مالها أي قيمة ..

اقتباس 7 - شنهي ردة فعلك لمّا تروح بيت ،، و ما يعطونك قرقيعان ؟

عادةً البيت اللي ما يعطينا ،، ماتشوف فيه أحد حولك ،،

يعني تدخل تقول : قرقيعان قرقيعان ،، لكن لا من مجيب ..

فتطلع و أنت تشعر بخيبة أمل نوعاً ما .. لكن البركة في البيوت الباقية ..


و لاتنسون طبعاً البيت اللي تكلمنا عنه فوق ،،

هذا يمكن البيت الوحيد للي سوّى فينا ذيك السواة ..

اقتباس 8 - شنو يوزعون بيتكم في القرقيعان عادةً ؟

أحياناً ربيان ،، و أحياناً بسكوت ،، و أحياناً ريالات ..

اقتباس 9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

لااا .. أستغفر الله ..

طبعاً خبركم السنين اللي راحت كان رمضان في الشتاء ،، فكان الوضع حلو و تمام بالنسبة لنا ...

اقتباس 10 - بعض اللي يقرقعون يروحون ويجوون على البيت الواحد أكثر من مرة ؟ فما رآيك في هذي الحركة ؟

كلّش ما تعجبني .. خصوصاً إذا حاول الشخص التلصص و الدخول في الزحمة عشان ما ينتبه اللي يوزّع

أو إذا قلت له : توّك جاي !! ،، و قام يكذب عليك و يقول : لا ماجيت ..

اقتباس و هل كنت تسويها ؟

لا الحمد لله ما أسويها ..

اقتباس 11 - بعض اللي يقرقعون ،، يجيك و يقول عطوني قرقيعان لأخوي أو أختي .. و لما تقول له وينه ؟ ليش ما يجي يقرقع معاك ؟ يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟

طبعاً في القرقيعان ما ودك تكسر بخاطر أحد ،، و ما تسوى هالفرحة تدقق و تحقق فيها

بس أشوف أن الصغير حيل ما يفهم هالأشياء ،، و لا راح يآكلها أو يسوي فيها شي ..

و أحياناً تمصخ السالفة لمّا يجيك بعضهم و يبيك تعطيه لبزران العايلة كلها !!

لكن في النهاية هي طبعاً فرحة ،، و ما ينردّ فيه أحد ..


من المواقف اللي صارت ،، واحد صغير قال لي : عندي اخوان اثنين صغار في البيت أبيك تعطيني لهم،، واحد اسمه أحمد ،، واحد اسمه حسن ،،

<<< يابو زغط يبي يقول لي تراني صريح معاك لأبعد الحدود ،، و ما أقص عليك ..

اقتباس 12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

كيسة كبيرة ،، و ثانية وسط يعني ..

و عادة لما نخلص القرقيعان ،، كل واحد يآخذ له كرتون من كراتين الربيان اللي وزعنا منهم ،، و يحط قرقيعانه فيه

و كل ليلة يآكل شي منه ..لين يخلص بعد شهر أو شهرين ..

اقتباس 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

لا والله ما قط صارت ،، بس أحياناً يصير تقايض و تبادل منفعة بين الإخوان ..

اقتباس 14 - هل تتمنى يرجع بك الزمن إلى الوراء ..عشان تقرقع ؟ ..

بما أني ماشبعت من القرقيعان أيام الطفولة ،، فأتمنى أعوّض اللي فاتني الحين

اقتباس وشنو اللي ودّك تسوّيه لو قرقعت ؟

بس يكفي أني أقرقع ،، و ودّي أحوس أكثر من قبل ..

اقتباس 15 - مالدور الذي تقوم به في القرقيعان حالياً ؟

أوزّع ..

اقتباس 16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

الأولاد اللي يتغطون منهم الحريم ،، لا أؤيد أنهم يقرقعون ..

أما البنات فلا مانع إلى حدٍ ما .. بس إذا كانت كبيرة حيل ،، فلا أؤيد أنها تقرقع و تحوس في هالشوارع و البيوت ..

اقتباس 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

فيه حركة جديدة اشوي ،، و أشوف أنها سلبية

و هي أن البعض يشيل له مجموعة أطفال و يحوس بهم بالسيارة ،،

لكن ما يخليهم ينزلون و يتمشون و يحسّون بمتعة القرقيعان حالهم حال غيرهم

لا و تعال أنت ياللي توزّع اطلع لهم و وزّع عليهم و هم في السيارة ..

ناهيك طبعاً عن أن كثرة السيارات تزيد من الزحمة ،، و تربك اللي يقرقعون و تعرضهم للخطر ..

 

 

[عازف الألحان]

يلاااا ننتظر الضيف الثالث

 

 

[بحرالوفا]

السلام عليكم ورحمة الله وبركاته


مبارك عليكم مولد سبط النبي محمد صلى الله عليه وسلم الإمام الحسن المجتبى – عليه السلام وينعاد عليكم بصحة وعافية

كم كان عمرك أول ما قرقعت ؟ و متى توقفت عن القرقيعان ؟


امم في أول إبتدائي لكن متى وقفت هذا اللي ماأذكره ربما في خامس وربما في سادس _ الله أعلم

مع من كنت تقرقع ؟

مع بنات عمي وأخواني



3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟


العادة نروح فريج بيت عمي ونحوس كالمعتاد

هل كنت تلبس ملابس خاصة في القرقيعان ؟ و لاّ تلبس أي شي ؟


لا مو ملابس خاصة بس أهم شيء أكون لابسة جديد


موقف صار لك في القرقيعان و لا يمكن أن تنساه ؟


مواقف مو موقف لكن الآن استحضرني موقفين الثاني محرج ومرتبط بالأول

الموقف الأول :.

كنا نقرقع مع بيت عمي وأنا آخر وحدة هم خذوا قريقعانهم وابتعدوا مسكني ولد وعطاني قرقيعان وطلع لي ريال وقال لي : أمانة ماتقولين للي معك أني عطيتك وطول الطريق حير ذهني

كيف يأمني سر وهو مايعرفني ؟!

وشدراه أني أمينة وماأقول لحد ؟!

وكيف يثق فيني ؟! <<<< حشى


وطبعاً هالسر ظل يلازمني ولا قلت لحد قلت سر ومايصلح أطلعه

لكن الآن تم الأفصاح عنه , الحين عرفت شنو نيته القصد من ذلك عشان مايقتهرون اللي معي ويقولون ليش احنا مااعطانا , وخبركم في ذاك الوقت الريااال مو شيء هين



في النهاية بحط هذا الموقف بمقارنة للموقف الثاني :.

كنت أنا وأختي وبنت عمي يوم القرقيعان نقرقع رحنا بيت وقفتنا بجيب لنا من الخصوصي جابت لبنت عمي بس !! وأنا وأختي وقتها انصبغ وجهنا


يعني ماسوت مثل الولد عطتها بالخفية حتى لاتسبب لنا إحراج .


قدامنا حسستنا أن حنا مالنا قيمة !!

ماتعرف تتصرف مووول



ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟


عادي ... بس أهم شيء شيء ينوكل مو خرابيط ومنتهي تاريخه
شنهي ردة فعلك لمّا تروح بيت ،، و ما يعطونك قرقيعان ؟


عاادي .. لكن مو مثل عاد البنت اللي صرخت عالغيث بعد مابتعطي وتصارخ



شنو يوزعون بيتكم في القرقيعان عادةً ؟

بطاطس وبسكوت والأغلب بطاطس

الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

يالله !!

جانكم ضربتوا عالوتر الحساس

بصراحة

بعد هاذي الصراحة وعشان ماأكون كذابة


ايه ,, سويناها مرتين تقريبً
شنسوي من العطش << أحد قالكم قرقعوا

فطرنا قبل لايوجب علينا الصيام وكنا نطلق عليه اسم من عندنا (( لب )) وعاد لرحنا بيت وعطون باااارد ننخش عشان نبرد زمنا غييير وزمنهم غير الحين في الليل حظهم

لكن نخاااااف من الذنب

اللي يذكر كانوا قبل يخوفونا يقولون اللي يفطر برمضان يطلع له ذنب يوم العيد بس أجلس يوم العيد اشيك وقبل العيد احاااتي

وأحيطكم علماً بأن نقضي هذا اليوم

وعسى الله أن يغفر لنا


بعض اللي يقرقعون يروحون ويجوون على البيت الواحد أكثر من مرة ؟

فما رآيك في هذي الحركة ؟ و هل كنت تسويها ؟



ههههههههه ماأحبها ولا عمري سويتها
بعضهم عشان يشككونا في أنفسنا يقولون توك جاية عاد أنا أتنشم وأطلع

بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟


بعد ماتقدر تستبخل في مولد كريم أهل البيت عليه السلام

لكن مثل ماذكر الغيث بعضهم يزودونها بعضهم أطفال العايلة كلهم

شنو بقى للي يحضرون أجل !!!

يعني لو كل واحد طلب لأخته ولأخوه مابقى شيء للحاضرين وفي بعض الأطفال يحلى لهم الجو ويطلبون لروحهم مرتين لكن ينسبونها لحد من أفراد العائلة !!



12 - كم كانت حصيلة القرقيعان اللي تجمعها عادةً ؟ و شنو تسوي فيها ؟




كيسة ونصف , أكل اللي يعجبني أوزع على اللي يبي



هل يتعرض قرقيعانك لأي اعتداءات أو سرقات سواء في الخارج أو في المنزل ؟



أي والله

عاد انا ماأحاسب ولا أبالي انسرق وأنا ساكتة




هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟


ههههههه مادري بس أحب أشكال الأطفال وهم يقرقعون بس مو متذكرة شكلي كيف كان !!

مالدور الذي تقوم به في القرقيعان حالياً ؟





ماأقوم بشيء فقط أناظر من بعيد لبعيد

هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟


الأولاد لا نهائي ما أؤيد

البنات أحس كل سنة ويزيد عدد الكبار ماأفضل

هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

الفشخرة في القرقيعان ماأحبها مادري ليش مو داخلة مزاجي هالكراتين والكيسات يعني لو أكل بدالهم أفضل هم صج شكلهم حلوووو لكن صاااارت مبالغة وتنافس حااااااااااااد

أنا ماأنكر الشكل الأنيق له دووور لكن الحين اللي يقدر واللي مايقدر يحاول يتنافس



وفي الختام

أشكر زهور الريف على الإستضافة

وأعذروني على الإطالة

 

 

[بحرالوفا]

اقتباس من المواقف اللي صارت ،، واحد صغير قال لي : عندي اخوان اثنين صغار في البيت أبيك تعطيني لهم،، واحد اسمه أحمد ،، واحد اسمه حسن ،، <<< يابو زغط يبي يقول لي تراني صريح معاك لأبعد الحدود ،، و ما أقص عليك ..

اتصدق عاد

شكله نفس الطفل اللي جا عندنا


عاد أنا قاعدة أقول في خاطري أحسه كأنه يبي يسوي روحه صريييح ويثبت لنا



طلة قمر ..!!

غلبتينا صرتي شاطرة وسبقتي

أول الغيث

الله يعطيكم العافية

 

 

[عركاوي 89]

زهور الريف

يسلمواا الموضوع جداً رائع بس الأسئلة وايد

بختصرهم بسرعة ..

أيام طفولتي كنت طبيعي جداً لبس الثوب وفرحاً جداً بالقرقيعان لأن وحنا صغار نحس بشيء عظيم

بغير يوم كبرنا لأن أحنا مانقرقع بس نطرش أخواننا وأخواتنا .. بس الفرحة فرحة وحدة حتى لو كنا كبار

وكنا نحوس الطرف حوس لين نتعب من قلب .. أي شحلات الربيانه من البيوت الجيران وغير الجيران

لأنها ببلاش هههه

المهم مانبي نطول عليكم لأن الكلام كثير وهاذا مختصر بس وسامحوني على هاذا ..

وعلى البركة المولد
أخوكم عركاوي89

 

 

[زهور الريف]

[ تاروتية.. طرفاوي أصيل .. سِيمفُونِيـة رجُـل ..بوألطاف.. عركاوي ]

تجملت صفحتي بحضور محمس كحضوركم
وتأيد موفق بان عليكم
فلـ اروآحكـــم النقيه من الاحترام اصدقه ومن الجمال اعذبه
ولاآ تحرموني من صفاء تواجدكم بين صفحاتي

لا عدمتكم
.
.
.

 

 

[DHYM]

زهور الريف الله يعطيك العافيه ..

بصرااحه موضوع في قمة الروعه ..

الله يعافيك يازهور ..! !

 

 

[زهور الريف]

طلة قمــر..!

اقتباس شدراكم ؟؟ !! صادونا ايه مره سويتها

يؤيؤ أستغفرالله بس

اقتباس لالالا الحمدلله اسرق مانسرق يوم سرقت قرقيعان اختي

أوووه
أثاري يدش خفيفة

حرام عليش البنت تدور وتتعب وتروح من بيت لبيت وفي الأخير تسرقينه ..!

اقتباس عاد زهور ابغى انا الهديه لاني لبيت الدعوه بشكل سريع

أكيد ولو
خلاص لش بجامة قصدي قرقيعان خصوصي <<لا تقولين لأحد

.,.

أول الغيث

اقتباس ثوب أبيض عادةً .. بس مرة لبست شتوي ،، لأنه الوقت كان شتاء لكن ذاك اليوم بالذات صار حررر ،،

سويت قبل قياس للجو شفت كيف الجو
ولا رحت البيت و غيرت ولبست ثوب <<يا بو زعط حلول

اقتباس مرة أذكر دخلنا بيت ،، و ما أمدانا دخلنا إلاّ و تقابلنا ذيك البنت اللي الله لايوريكم ،،، ( نسرة ) وتقوم تطردنا و تقول يلا انقلعوا ماعندنا قرقيعان لكم ،، لا وفوق هذا قاعدة تدزّزّ فينا و تصك الباب علينا .. عاد ليومك مانسيت هالبيت ،، و لو الودّ ودّي انتقمت منهم ..<<< اشدعوة !! كله حقد ؟!

لا والله مو حقد
بس شالحركة ؟؟!
عالأقل تقول لكم ما شرينا قرقيعان
بس شكلها معصبة وحطت الحرة فيكم

اقتباس أحياناً ربيان ،، و أحياناً بسكوت ،، و أحياناً ريالات ..

أوووه عندكم ريالات

أجل يبغي لنا نجي بيتكم نقرقع

اقتباس من المواقف اللي صارت ،، واحد صغير قال لي : عندي اخوان اثنين صغار في البيت أبيك تعطيني لهم،، واحد اسمه أحمد ،، واحد اسمه حسن ،، <<< يابو زغط يبي يقول لي تراني صريح معاك لأبعد الحدود ،، و ما أقص عليك ..

أجل حنا جاء ولد قال عطوني لعبدالله أخوي كبير جالس ينتظر برة

اقتباس بما أني ماشبعت من القرقيعان أيام الطفولة ،، فأتمنى أعوّض اللي فاتني الحين

لا خلاص راحت عليك المفروض قرقعت من صف أول إبتدائي

.,.
بحر الووفا

اقتباس لا مو ملابس خاصة بس أهم شيء أكون لابسة جديد

لالا هذا يوم العيد مو يوم القرقيعان

اقتباس كنا نقرقع مع بيت عمي وأنا آخر وحدة هم خذوا قريقعانهم وابتعدوا مسكني ولد وعطاني قرقيعان وطلع لي ريال وقال لي : أمانة ماتقولين للي معك أني عطيتك وطول الطريق حير ذهني

وليش أنتي بذات عطاش ولا عطى الباقي <<زهور عن لقافة هو قال سر

اقتباس كنت أنا وأختي وبنت عمي يوم القرقيعان نقرقع رحنا بيت وقفتنا بجيب لنا من الخصوصي جابت لبنت عمي بس !! وأنا وأختي وقتها انصبغ وجهنا

انا لله وأن إليه راجعون
كلش ما عندها أسلوب الأخت
عالأقل سوت مثل هالرجال الطيب ,,عطتها بالخفية
يلا خليها على ربك وكل واحد ما يسوي إلا في نفسة << شدعوى

اقتباس ايه ,, سويناها مرتين تقريبً شنسوي من العطش << أحد قالكم قرقعوا

أوووه

أنتي صرتي أزيد من طلة قمــر

اقتباس لكن نخاااااف من الذنب اللي يذكر كانوا قبل يخوفونا يقولون اللي يفطر برمضان يطلع له ذنب يوم العيد بس أجلس يوم العيد اشيك وقبل العيد احاااتي

أي ذنب وشو قصة هالذنب ؟؟!
أشوه أني ما فطرت ولا كان طلع لي ذنب
.,.

سعدت بحضوركم أخواني

ويعطيكم العافية

 

 

[طرفاوي أصيل]

السلام عليكم ورحمة الله وبركاته

اهنئكم بمولد سبط الرسول الأعظم محمد صلى الله عليه وآله وسلم .. الأمام الحسن عليه السلام .. ينعادعليكم بالصحة والعافية يارب .

بس الله الرحمن الرحيم

كم كان عمرك أول ما قرقعت ؟ و متى توقفت عن القرقيعان ؟


طبعا بديت تقريبا قبل اول ابتدائي بشي بسيط .. وتوقفت تقريبا يا صف سادس أو أول متوسط .

- مع من كنت تقرقع ؟

مع أخواني وأحيانا ينظم لنا بعض الأصدقاء.

- ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟


نبدأ اولا في بيوت الجيران القريبة منا .. وبعدين نروح الراشديه ونقعد نحوس لحد ما نحس انا احنا مرينا معظم البيوت تقريبا ,, بعدين نتجه للديرة.

- هل كنت تلبس ملابس خاصة في القرقيعان ؟ و لاّ تلبس أي شي ؟

مش خاصه مررره . في العاده ثوب ابيض لكن احينا نرز روحنا يعن كشخه الحين .. نلبس شماغ وعاد اقعد عدل فيه طول الطريق

والله ايام حلوه راحت .

موقف صار لك في القرقيعان و لا يمكن أن تنساه ؟

أذكر موقفين ..

الأول ,, كنا نقرقع في الصباح ورحنا أحد البيوت وتوهقنا معاهم مسكونا أسرى عندهم موراضين يخلونا نطلع . ورشو أخوي بالماي والله ذاك بالكاد طلعنا

من عندهم واحنا صغار وميتين من الخوف ههههههههههههههههههههه .

الثاني ,, رحنا بيت مع مجموعة كبيره من الصغار فجأه ... شفناهم يصارخون ومنحاشين . بعدين اكتشفنا ان هذا البيت في بنت الله يشافيها انشاء الله

موصاحية شوي (الحمدلله على الصحة والعافية) وحنا بعد انحشنا وياهم.
ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

اكثر شي احب البسكوت والربيان والبطاطس .. ومو ذاك الزود مع الحلويات.

شنهي ردة فعلك لمّا تروح بيت ،، و ما يعطونك قرقيعان ؟

والله أحس بنوع من الأحراج خصوصا اذا دخلنا مجموعة كبيره ولا احد حولنا.

شنو يوزعون بيتكم في القرقيعان عادةً ؟

بسكويت وربيان أو بطاطس.

الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟


الحمدلله ولا مره سويتها .. صحيح كنا ننتهي من التعب والجوع والعطش لكن .. ملنا الجرأه ان نفطر نحس انها قويه هالحركه هههههه ..

مع ان في واجد يفطرون قدامنا لكن نمسك انفسنا .

بعض اللي يقرقعون يروحون ويجوون على البيت الواحد أكثر من مرة ؟
فما رآيك في هذي الحركة ؟ و هل كنت تسويها ؟


بصراحه حركه بايخه ومو حلوه .. وانا ولا مره سويتها.

بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟
المشكلة احيانا بعضهم يكون صحيح صادق معك لكن للأسف واجد يبي يجمع اكثر وبس .. لكن ماوده احد يحرم الصغار من البركه ويقعد يدقق ..

سواها اخوي مره ولكن لأن اخوي الصغير قرقع شوي وتعب وديناه البيت وقرقعناله.
12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

في الغالب كيس ونص الى كيستين .. واقعد آكل فيه على الراحه واذا شي ماعجبني يا ابادله او اوزعه.

هل يتعرض قرقيعانك لأي اعتداءات أو سرقات سواء في الخارج أو في المنزل ؟

الحمدلله ولا مره صارت لي لا في الشارع ولا في البيت.

هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

ايه والله ياليت يرجع الزمن للوراء واقرقع من جديد ... ودي اقرقع على بيوت ماكانت اعرفها ذاك الوقت.


مالدور الذي تقوم به في القرقيعان حالياً ؟

انا وزعت مره وحده بس تقريبا .. والغالب احب اتفرج على الصغار وهم يقرقعون لأن اشكالهم مره حلوه خصوصا البنات مع البخنق يحليلهم.

هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟


الأولاد لا ما أأيد نهائيا .. لكن البنات حتى لو كانوا كبار يهون شوي لأن معظم اللي يوزعون في البيوت بنات لأن البنت بتكون متغطيه.

هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

عادات كثيره دخلت على القرقيعان لكن اشوف ان الأيجابيه أكثر مثلا ...

القرقيعان صار في الليل اريح حق الصغار..

صار في توزيع في الشوارع حتى الكبار صاروا يحسون بالفرحة في هالمناسبه..

في افكار جديده في اشكال القرقيعان حتى تفتح نفس الطفل ...

لكن في امور سلبيه بسيطه مثل كثره حركة السيارت اللي تربك حركة الأطفال.أخيرا اشكر زهور الريف على الفكرة اللي جدا رائعة .. وعلى استضافتي لأني استمتعت كثير.


تحية من القلب ... طرفاوي أصيل

 

 

[زهور الريف]

عركاوي89

.,.

اقتباس يسلمواا الموضوع جداً رائع بس الأسئلة وايد بختصرهم بسرعة ..

الله يسلمك
.,.
رحلة ممتعة معك أخي عركاوي على الرغم من صغر الرحلة
.,.
طرفاوي أصيل

اقتباس الأول ,, كنا نقرقع في الصباح ورحنا أحد البيوت وتوهقنا معاهم مسكونا أسرى عندهم موراضين يخلونا نطلع . ورشو أخوي بالماي والله ذاك بالكاد طلعنا من عندهم واحنا صغار وميتين من الخوف ههههههههههههههههههههه .

أنزين ليش رشوا عليكم ماي
أنتوا شنهو مسوين لهم ؟؟!

اقتباس الحمدلله ولا مره سويتها .. صحيح كنا ننتهي من التعب والجوع والعطش لكن .. ملنا الجرأه ان نفطر نحس انها قويه هالحركه هههههه ..

زين زين ما سويت مثل طلة قمر وبحر الوفا
ولا كان يوم العيد طلع لك ذنب << هذا مو كلامي كلام بحر الووفا

اقتباس ايه والله ياليت يرجع واقرقع من جديد ... ودي اقرقع على بيوت ماكانت اعرفها ذاك الوقت.الزمن للوراء

أشفيكم
أنت وأول الغيث تبغون تقرقعون
خلاص راحت عليكم
.,.
سعدت بحضوركم أخواني
يعطيكم العافية

 

 

[زهور الريف]

نستضيف في هذي الحلقة كلاً من : 1 -وسط النخيل2 - آحساآس قاتل 3 - حلى الشرقية

 

 

[إحسآإس قآإتل]

اللهم صل وسلم علي محمد وآل محمد

متباركين بالمولد الإمام الحسن "عليه السلآم"
وكل عام وأنتم بخير
وعساكم من عواده
وجلعنا الله وياكم من أنصاره وأعوانه
ومجددي بيعته "عليه السلام "

أشكر زهور الريف علي الاستضافه والطرح الجميل
وأشكر الاعضاء الحلوين علي مشاركتنا أجواهم الجميله


- كم كان عمرك أول ما قرقعت ؟ و متى توقفت عن القرقيعان ؟
مااذكر بالضبط متي يعني هيك 5 سنوات أو أقل
وتوقفت بالمتوسط تقريبا

- مع من كنت تقرقع ؟
مع أخواني الصغار وبعض أقاربي والجيران وشله الفريج

- ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟
نفرفر علي بيوت الجيران والحاره وأقاربي وأقارب الشله وكنا نطلع مبكر علي الساعه 3
أو قبل علي حسب الاجواء والحماس

- هل كنت تلبس ملابس خاصة في القرقيعان ؟ و لاّ تلبس أي شي ؟
العاده ثوب أبيض وطاقيه وأحيانا بدله رياضيه

- موقف صار لك في القرقيعان و لا يمكن أن تنساه ؟
مواقف كثيره وذاكرتي تالفه هههههههههه
أذكر موقفين / كنا شله كثيره وكنت أقول لهم لاتدخلوا بيوت مانعرفها
قالوا عادي قرقيعان ورحنا العباديه ودخلنا بيت من أخوانا السنه
دخلوا الشله وانا برا ماشفت الا يهربون واسمع صراخ وسب فيهم
ماعندنا قرقيعان وكلام مذهبي وهيك
الثاني /دخلنا كذالك بيت سالنا في قرقيعان قالوا ايه فيه حياكم
ودخلنا كلنا داخل البيت الا نشوفهم جالسين يتغدوا وانواع الحراجات

- ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟
كلهم يم يم يم وأموت علي المكسرات بالرز

- شنهي ردة فعلك لمّا تروح بيت ،، و ما يعطونك قرقيعان ؟
أضحك علي لي معي لانهم متحمسين وانا عادي أحب أدقق علي البيوت لي ندخلها
علشان مانقط وجهنا وما أتذمر عادي بداله كثير

- شنو يوزعون بيتكم في القرقيعان عادةً ؟
علي حسب المتؤفر كوكتيل ربيان وبسكويت ومصاص وحلاويات
أو أحد يعزم ويوزع ريالات

- الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟
الحمد الله ماسويتها كنا صغار ونتخوف من الكلام لي نسمعه لعبوا بعقولنا لعب
في معي يفطرون لانه مابعد يتؤجب علينا بس أنا كنت أتخوف وأشكك هل صحيح بتطلع لنا
نخله في جبهتك وأنواع الاحلام بالليل شلون لو طلعت بتقصها ههههههههههه
- بعض اللي يقرقعون يروحون ويجوون على البيت الواحد أكثر من مرة ؟
في بعضهم غثيث وشين وقوي عين هو عادي فدوه بس لان تجي مجموعه كبيره
وفجاه يخلص وتنحرج مع لي ماعطيته وماودك تكسفه

فما رآيك في هذي الحركة ؟ و هل كنت تسويها ؟
الحمد الله كنت صريح ههههههههههههه كنت أوقف علي الباب برا
ويسالوني تعال أخذ أقول عطيتوني قبل أشوي بس هذيلي ربعي توهم جايين
يقولا ياحلاتك تعال أخذ عادي

- بعض اللي يقرقعون ،، يجيك و يقول عطوني قرقيعان لأخوي أو أختي ..
و لما تقول له وينه ؟ ليش ما يجي يقرقع معاك ؟
يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!
فما رأيك في هذي الحركة ؟ و هل سويتها ؟
مثل ماقلت تنحرج بس ماكان عندي مانع أعطيهم
الحمد الله الخير واجد ولا عمري سويتها

- كم كانت حصيلة القرقيعان اللي تجمعها عادةً ؟ و شنو تسوي فيها ؟
أووه خير ماشاء الله كرتون كبير أو ثلاث أكياس وأكثر
<< يبيع بسطه
أكل كل يوم أو أبدله مع أخواني أو أوزع بعضه علي خواتي

- هل يتعرض قرقيعانك لأي اعتداءات أو سرقات سواء في الخارج أو في المنزل ؟
الحمد الله / لي يقرب أحش رجوله حش <<<
أشوف الشله لي معي ينسرق منهم بس أنا لا يخافون مني
وطريقه السرقه كانت تبديل الاشياء الحلوه بربيان أو بسكويت
أذكر واحد من الشله جمع كيسه كبيره وتاخر بالمشي وجاوء له من مجموعه
من أخوانا السنه وأخذوها منه هههههههههههه مسكين يكسر الخاطر
وتبرعنا له كل واحد عطاه شي تعويض الرحله
نحن كرماء

- هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟
أكيد كثير يااي حلوه أيامنا وفرحتنا
ودي أحتفل بأحلى أحتفال يليق بهذه المناسبه المباركه وأشوف الجميع يحيها دون تقصير
ودي أزين الشوارع وأسوي مهرجان أشياء كثيره في بالي
أن شاء الله الايام الجايه بفضل أهل البيت عليهم السلام نستطيع أحياء فرحهم

- مالدور الذي تقوم به في القرقيعان حالياً ؟
حاليا علي حسب أوزع أو أشتري وأجهز القرقيعان وأزين البيت
أو أجلس أشاهد الاطفال وأصورهم

- هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟
الفرحه لـ الكبير والصغير وفي حدود المعقول ماعندي أي أشكاليه نهائيا
نشوف مناطق الاخرى وطريقه أحتفالهم تعم الجميع ليه تنحرص عندنا
ليه مانسوي مثلهم وأفضل والخروج لازم يكون بشكل أيجابي مانبي سلبيات
الفرحه مو لـ الاطفال لـ الجميع بس البعض مدري شو عقليته

- هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟
حاليا السنوات هذه نادر ما أكون بالبلد بس أسمع سلبيات وممكن أنا أشوفها عبر التصوير أومن الاهل
ماعندي أتطلاع كبير عنها وأن شاء الله العادات الجديده تكون جميله تضيف جمآلآ علي المناسبه


زهور الريف لك خالص شكري علي الاستضافه والاجواء الجميله

تقبلـي تحيــآإتـي

إحــَ‘ـ ـسـَ‘ــآإس قــَ‘ــآإتــَ‘ـل

 

 

[حلى الشرقيه]

السلام عليكم ورحمة الله وبركآتــه

يلآ نبدأ بسم الله



1 - كم كان عمرك أول ما قرقعت ؟ و متى توقفت عن القرقيعان ؟


في أولى ابتدائي وتوقفنآ في سادس خلاص عيب لوول



2 - مع من كنت تقرقع ؟

مع أختي وبنات الجيران وأولاد الجيران وعادي اذا شافنآ أحد وأنظم الينآ


3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

عادي لا يوجد خطه من بيت الى بيت بالترتيب من بيتنآ الى آخر بيت بديرتنآ ونرجع مانروح بعيد وأهم شي نحصل على أكل


4 - هل كنت تلبس ملابس خاصة في القرقيعان ؟ و لاّ تلبس أي شي ؟


على قولة بحر الوفآ أهم شي جديد


5 - موقف صار لك في القرقيعان و لا يمكن أن تنساه ؟


الحمدلله مآ صآر شي


6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

ربيآن فش فاش


7 - شنهي ردة فعلك لمّا تروح بيت ،، و ما يعطونك قرقيعان ؟

عساكم من قشر عووه ههههههههه


8 - شنو يوزعون بيتكم في القرقيعان عادةً ؟

بطاطس و مكسرات وحلآوه وبسكوت وبعض الاحيان مصاري


9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

يمكن لكـن نسيت


10 - بعض اللي يقرقعون يروحون ويجوون على البيت الواحد أكثر من مرة ؟

فما رآيك في هذي الحركة ؟ و هل كنت تسويها ؟

مآحبهآ بس اذا جوآ أكيد بنعطيهم ومابنردهم ,, لآ ماسويتهآ


11 - بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟

حركـه بريئه بس مثل ماقآلوآ البعض يكذب عشآن يجمع أكثر بس هم عادي نعطيـه ,, وهم ماسويتهآ


12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

كيس ونص أو كيستيين


13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟


في الخآرج لا يوجد بس في الداخل ( الرجال قوامون على النساء )

أخوي الكبير يأخذ اللي يحبه ويعطينآ البآقي


14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

اييييي يآليت والله يـرجع وترجع الطفوله كلهآ << كأن عمري 50


15 - مالدور الذي تقوم به في القرقيعان حالياً ؟

ولا شي بس آطآلعهم لآني استحي أوزع وأضحك يعني نتذكر شكلنآ


16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

والله عآد الأولآد قاموآ يكبروآ بسرعه تشوفين الشكل كبير والعمر صغيـر فما تعرفين وش السالفـه ..

وأكيد ما أؤيـد لا الأولا ولا حتى البنآت محلآنآ ونحنآ متغطين وعندنآ الخرخيشه مدري وش اسمهآ ونقرقع لووووووول


17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟


الإيجابـي أنو صآر في حركآت بالشارع يعني وين ماتروحين أو حتى تشوفين الكل فرحآن ويقعد يوزع وكذآ

والسلبي الــزحــمــه وانو الأطفآل من الساعه 12 بالشارع



*

*


زهور الريف


يسلموٍوٍ حبيبتي ع الآستضافـه التى اسعدتني واااااجد

 

 

[مثالية]

زهـرتنا / فكره جميله ومجهود تشكرين عليه

بس كأن الآستجواب طويل

عموماً آرق تحيه لـ ضيوفك ...