طـفـلــه

[العتـ نواف ـيبـي]

.




روزة الحسْن سجانـة فـؤاد النحيـل
طفلة ٍ علقت فـاضلاعـي اجراسهـا

لاضحكت سامر الرمان تمـر النخيـل
وان بكت تقلب الدنيا علـى راسهـا!

هي تميل ان مشت والا الأراضي تميل!
لا انثنى عقد فضتها علـى الماسهـا

اسعد الله صباح الشمس شمس الأصيل
فالملامـح ونحـر ٍ شـال جلاسّـهـا

كن في عينها زنـد وفتيـل وصهيـل
وزحمة ٍ فالمحاجـر شبـت اعراسهـا

تلتفت لي وادوّر لـي ظـلال ومقيـل
عن سنـا خدهـا فرمـوش نعّاسهـا

جدلت غرة ٍ سـودا وطـاح الجديـل
فوق خصر ٍ تواريخ البشـر حاسهـا

وسوست فالضلوع وعطرها من خميل
قال بالـي يابوقلبيـن ! قـم واسهـا!

قلت لي قلب واحد فـي يديهـا دخيـل
وعقب ما جت نبت ثانـي بكراسهـا!

تغرق اوزان شعري في بحور الخليل*
واغرق بدمعها وبـثـورة احساسهـا

شفتها والغـلا ماكـان عابـر سبيـل
وعلقّتني مابيـن الصحـو ونعاسهـا

آتحاشا القصيـد العـذب والسلسبيـل
كلما صبّـت الأحسـاس مـن كاسهـا

قلـت يابنـت ياطفلـة فـؤاد النحيـل
اخذي احلى القصايـد يابعـد ناسهـا

شاعرك في دروبه مايبـي لـه دليـل
دام خدك ضيـا دروبـه ونبراسهـا!


"

"
الشــأعـر بندر المحـيـأ العتيبــي

 

 

[الغريب]

الله يعطيك العافية على هذا النقل للقصيدة الرائعة

ننتظر المزيد من مشاركاتك










وفق الله الجميع

 

 

[العتـ نواف ـيبـي]

الغريب تسلم فديتك على الحضور الجميل اشكرك يا الغالي

 

 

[ريحه المسك]

ما شاء الله عليك حلو مره ولا تهون جيب لنا عن الحب والصداقه


مسوكه

 

 

[مذهلة]

مره رووعهـ

يعطيك ربي ألف عافيهـ

لاتحرمنا جديدك

..

 

 

[عزف الدموع]

ماشاء الله

اااااااااااابداع ياخوي

يعطيك العافية