.:][ كــرات الشكولاتــة بالبنــدق ][:.

[إشراقة أمل]

بسم الله الرحمن الرحيــم

اللهم صل على محمد وآل محمد وعجل فرجهم الشريف ..,

.
.



المكونات



-علبة من حليب نستله المكثف المحلى بالشوكلاته

-1/2كوب من الـزبــدة المذوبه

-1/2ملعقة كبيرة من مسحوق الكاكاو

-1/2كوب من جوز الهند المجفف للزينه

-2/2كوب من بسكويت الشاي المسحوق

- كوب واحد من حبات البندق المحمصه


.


طريقة التحضير

يخلط حليب النستلة المكثف المحلى بالشوكلاته مع
الـزبـدة المذوبة ومسحوق الكاكاو والبسكويت المسحوق
داخل وعاء وتمزج المكونات جيدا ..

- يقرص المزيج الى كرات صغيرة ويتم حشو كل كرة بحبة من البندق المحمصه
ثم تغمس الكرات في جوز الهند وتوضع في صينيه وتبرد ..


.
.

هنــــــا وعـافية على قلوبكم ..

والعزيمـة على أول وحدة ترد ..!

.
.

 

 

[تاروتية]

،

قلبي قلبي جنني قلبي

يجنن لازم أجربه

أحسه خفيف ولطيف ورايق >> ماصار ذا حلى

:

/ إشراقة /

يعني العزومة عندي ؟ يالله أقلطوا يالأجوديات الدار داركمـ .

 

 

[مذهلة]

يم يم

شكله لذيذ

أي يوم تاروتيهـ العزيمهـ ؟

خليها في العيد أحسن

يعطيك العافيهـ

أشراقه على هيك وصفه

تقبلي مروري

 

 

[تاروتية]

اقتباس أي يوم تاروتيهـ العزيمهـ ؟ خليها في العيد أحسن

مذهلة

/

في العيد، في العيد الشور شوركم ورأي رأيكم .

بحجز لكم القطار على حساب صاحبة الموضوع ^_^

 

 

[إشراقة أمل]

ايه بس يا توتو ..

الحين قلبتيهـا علي ..!

بس مو مشكلــــة ..

راح يكون حساب البـاص علي ..

بس انتِ عليك الذبـايح ..

تراهم واجد اللي بيجونك من الاحسـا .. وربك يعينك ..

.

شوفي توتو ..

يوم العيد كلـه عندك ..

من الصبح جهزي الفطـور ..

والغـدا .. جهزي الذبـايح .. والعصـر .. المكسرات والحلى ..

والليل .. المطعـــم ..

وبعد العشـا .. نرجع للحلى ..

والله الله في أهل الحسـا ..

.

أشكرك توتو .. ومذمذ << مذمذ تدليع مذهلـة ..

على المرور والتعقيب .. و الأهم العزومــــــة

.
.

 

 

[سُندس }]

عذاااااب الشكل يذَووب



أيه ها الحين الطبق الزين أموووت في حليب نستله المحلى
ترتيب والله يخلي الحلى حلى صح وشي عدل * يسوي العجايب



عجبني حيل حركات يـ اشراقه بلا جبن بلا شي * تضحك حدها .



متى يجي يوم العيد بس مافي تفاهم .







::






كلك جمال تشكرات لِـ ذائقتك الروعه .


مشكوره غلا .















:

 

 

[تاروتية]

اقتباس يوم العيد كلـه عندك .. من الصبح جهزي الفطـور .. والغـدا .. جهزي الذبـايح .. والعصـر .. المكسرات والحلى .. والليل .. المطعـــم .. وبعد العشـا .. نرجع للحلى ..

ماقلت لك خيتو إشراقة ؟

ترى غيرت رأيي بروح الحج

طلعت تكلفة العزومة أكثر من تكلفة الحج
قلت أروح أسوي الفرض أولى .

 

 

[تاروتية]

اقتباس متى يجي يوم العيد بس مافي تفاهم .

حبيبتي الدانة بعد 11 يوم تقريباً

ها جهزتي للعيد --> تغير الموضوع (تتهرب) .

 

 

[إشراقة أمل]

اقتباس المشاركة الأصلية كتبت بواسطة الدانة عذاااااب الشكل يذَووب أيه ها الحين الطبق الزين أموووت في حليب نستله المحلى ترتيب والله يخلي الحلى حلى صح وشي عدل * يسوي العجايب عجبني حيل حركات يـ اشراقه بلا جبن بلا شي * تضحك حدها . متى يجي يوم العيد بس مافي تفاهم . :: كلك جمال تشكرات لِـ ذائقتك الروعه . مشكوره غلا . :

.

دورت لك طبق ما فيه جبن .. وهالكيري بالذات بعد ..

وحصلت هذا ..

كان أقول لاااا .. لازم أوديه حق الدانـــة .. أكيد بيعجبها ..

وش رايك .. أعجبك مو ..!؟

.

غمضي وفتحي عيونك .. وجـا الع ــيد ..

بس الخوف من لو صارت صج .. وتوتو راحت الحــج <<

.

الجمــال .. عنواناً لكم ..

لا عدمت حضورك وتواصلك ..

وإطرائك وتشجيعك المستمر لي ..

.
.

دمتِ بود ..,

.
.

 

 

[إشراقة أمل]

اقتباس ماقلت لك خيتو إشراقة ؟ ترى غيرت رأيي بروح الحج طلعت تكلفة العزومة أكثر من تكلفة الحج قلت أروح أسوي الفرض أولى .

خلاص أجل ..

العزومـة مو في العيد .. ولا على كرات شكولاته ..

العزومـة على الحــج ..

يللا جهزي لنـا الحملــة توتو << هذي اللي بنتوهق فيهـا ..!


.

اقتباس ها جهزتي للعيد --> تغير الموضوع (تتهرب) .

هااه توتو ..

جهزتي الحملــة .. وترى خليهم باصين إذا ما صاروا طيارتين

للتوجـه إلى تأدية الحج ..

وعلى حسابك .. <<< هذا أهم شيء ..

.
.

 

 

[تاروتية]

اقتباس هااه توتو .. جهزتي الحملــة .. وترى خليهم باصين إذا ما صاروا طيارتين للتوجـه إلى تأدية الحج .. وعلى حسابك .. <<< هذا أهم شيء

:

وش هالوهقة ياربي

تاروتية تسلم عليكمـ تراها راحت الحج امس >> يارب تصدق إشراقة وتفكني

 

 

[سُندس }]

لا لا مافي يا مشرفة المجتمع لا تتهربي

سافرتي امس قلدناك الدعاء والزياره أجل * _ *

خلاص اذا جيتي الذبيحه ذبيحتين عباره ذبيحة الســـلامه .

والحلى بعده مافي مجاااال وراك وراك .

 

 

[إشراقة أمل]

الحمد لله .. فكيتيني من الرد يا الدانــة ..

والله انك كريمــة على هالعزايم .. وإن كنتِ مو أنت صاحبة الدعوة ..

وتوتو ..

أكرم إذا أدت الدين اللي عليهـا .. وسوت الذبيحـة ذبيحتين

.
.

 

 

[تاروتية]

حتى وأنا في الحج ماسلمت منكم --> تكذب الكذبة وتصدقها

خلاص من عيوني العزومة عندي يوم العيد والذبياح بعارين
والحلى عليً / والباص على حسابي !

تبون شئ بعد ؟

بس تكفون لا تردون العزومة ..!

نشوف توفون الوعد أو لا

 

 

[زهرة اللوتس]

عجبها الموضوع.

اقتباس والحلى عليً / والباص على حسابي ! تبون شئ بعد ؟ بس تكفون لا تردون العزومة ..! نشوف توفون الوعد أو لا

جايّك يالمليووون جايّك جايّك
تارووووت وهقت حالها هي العزومة في البداية على حلى

باللُتية واللتي صارت فيها ذبايح.



بالنسبة لي أهم شي شوفتكُم يا تاروت >> تدهن سيرها

بس إذا جينا ابشري بالطلبات الله يسلمك.


إشراقة أمل

خلاص بقرار تاروت الأخير راح توقّف أعمال الشغب * هااا متى بيمر علينا الباص !؟

تسلم إيدك على هالحلى

ويعطيك ربي ألف عافية.

 

 

[حررها الحُب]

والله الصورهَ تشهيَ
الله يعطيكِ العافيهِ
إشراقهَ أملَ
ولاتنسّونا إذا في عزيمه

 

 

[ذكريات الماضي]

احم .. احم

أدري .. بتقولون وش اللي جايب هالرجال بيننا ؟! .. ليش قاط وجهه ..؟! ..

بس حبيت أتبرع و أكون سواق الباص لكم ..

عشـــــــان كرات الشوكولاته بأكون سواقكم و لا يهمكم .. طبعاً مجـــاناً على حسابي ..

أهم شيء نتذوق كرات الشوكولاته ..

الشكل لا يقاوم بصراحة .. أجل شلووون الطعم !!!؟ ..


مشرفتنا إشراقة أمل
لكِ كل الشكر المحلى بشوكولاته التقدير و المحشو ببندق الإحترام على موضوعك الجميل ..

ننتظر منكِ الأفيد و الألذ و الأشهى ..


تحياتي الشوكولاتية ..


ذكريات الماضي