الجــــــــــــــــــــــــزء السادس
مدري تركي قدر يمشي من غير ماايطيح على وجهه ...انا
شفيني ليه يناظرن بهالطريقه ....يااربي شهالبلوه الي حطيت
نفسي فيهاا ..مو كنت منثبر بره احسن
اول مادخلت القاعة حسيت بتوتر ع الرغم من عيشتي فترة
بامريكا واختلاطي بالجنس الاخر شي عااادي وروتيني الا ان
دخولي قااعه ملياانه بالحريم وانظارهم كلها مركزه علي شي
يولد الرهبه ..
شفتهاا جايه باتجاهي بخطواات بطيئه اتعبها كبر السن نفس
البرقع نفس العكااز ...
يالله ياكثر مااشتقت لهاا ضميتهاا وانا احني صدري بست الراس
واليد قلت لهاا :شلونك ياام محمد شخبااارك ؟
(مطيح الميانه الاخو مع جدته )
جدتي وهي تضربني على خفيف: لا يكون اصغر عيالك ياقليل الحيا
ضحكت : خخخ اشتقت لك ولضربك يالغاااليه
قالت تعاتبني : لو انت مشتااق ماتركت ديرتك وجلست متغرب
قلت لها : لزووم الدرااسه ياااجده
مشيت انا ويااهاا اتجاه الكوشه اخيرا لمحت امي صحيح حاطه
البرقع الا اني قدرت اميزهاا ..خصوصا واني اشوف الدمع
بعيونهاا هااذي هي امي ...
ان فرحت بكت وان حزنت بكت ..اول ماقربت منهاا حطت ايدها ع
وجهي تحسسه : حلم ولا علم
سحبت ايدها وبستهااا : علم يااغلى الغوااالي ..اشتقت لك
يالغاليه واشتقت لحظنك
حطت راسها ع صدري وضمتني ...صحيح اني بطولي وعرضي
اغطيها الا اني احسها هي الي مغطيتني مغطيتني بطيبتها
وحناانهااا عااطفتهاا الي بحر سهل تغرق فيه ورح تكون بقمة
سعاادتك ..بهذيك اللحظه حسيت نفسي رجعت الطفل الصغير
الي ماكاان يفاارقهاا ابداااا .....استأذنت منهاا وطلعت ع الكوشه
*حــــــــنـــــــــــــان *
ماصدقت عيوني ..معقول هذا الي دخل اللحين بندر ..اكيد انا
احلم هذاا بندرووه ولد امه ؟!!!! معقول يكون هذا ..ياغبائك
ياحنان لو مو هو شلون عمتك ضمته ولا هتلر كيف خلته
يدخل ....شكلي من كثر مااشوف المزايين بالفضائياات قمت
اشوفهم بالوااقع .. أي فضائيات وربي يصك عليهم
اااااااااااااااااوف منك يااحنان شفتي زينه وانهبلتي نسيتي انه
متكبر ومغرور ..والله من حقه ينغر اجل بالحلاوة هااذي وماينغر
ليلى تهمس بأذني: يااااااااحظك يااحنان من جد حلووووووووووو
قلت لها بعدم اهتمااام : شكله عااادي ..
ليلى : يالمجرمه عاادي ..وربي يجنن
قلت لهاا : دامه عاجبك خذيه
ليلى : سوووري مااخذ فضلة احد
مريم : بنااات اسمعواا الي ورااانا شيقولون
طبعاا شغلت راداراااتي عشاان اسمع ..مع انه مو لازم الصوت كان مسموع
ع الطاولة الي جنبناااا ..كان في شلة بناات شكلهم مو تماام
واول مره اشوفهم !!
كانو جااالسين يسولفووون ويضحكن بصوت عالي وحتى الغطا
مو متغطيااات الشعور طالعه والعبي مفتووحه
البنت الاولى : ياااااااااااااااي يجنن
الثانيه : يااااملحه تقوولون متزوج
الثالثه : مااظن شوفو يده مافيها دبله
الاولى : ابغى ارقمه يهببببببببببل
الثالثه : لا والله ..تستهبلين انتي
الاولى : انا اكون هبله اذا خليته يطير من يدي
بصراحه حسيت بدمي يغلي بعرووقي ..لا تفهموني غلط مو
غيره ..لان الغيره يعني حب واناا خير شر مو بالعته فما بالكم
بالحب ..اعتقد ان هذا طبيعتناا البشريه
الميااله للتملك يعني هو شي لي مااحب احد يحط شي عينه
على ممتلكاااتي غير كذاا تصرف البناات ينم عن قلة الادب والاحترام
قالت لي مريم : انتبهي على خطيبك لا يطير من يدينك
قلت لهاا : الله معاااه
بندر كمل طريقه الين ماطلع ع المسرح سلم على تركي وباركله
وباارك لنور لما وقف بندر بجنب تركي على الرغم من حلاوة
الاخير الا ان بندر وللامانه يتفووق على تركي من ناحية الوسامة
لكن تركي يتميز بهيبته
*بــــــــــــــــــــــندر *
طلعت ع المسرح وباركت لاخوي وحرمته ..كنت فرحان له من
كل قلبي اخيراا
تزوج البنيه الي حبهاا من صغره ....ان شاء الله تسعده وتعوضه
عن سنيين الحرمان ..بيني وبين نفسي حسدت اخوي تزوج
المره الي اختارهاا بينما انا مصيري متعلق بوحده مااحمل لها
أي مشاعر ..
رحت باتجاه المطربه وطلبت المكرفون امي فكرتني جنيت لكن
انا كنت محضر مفاجأة لاخوي بمنااسبة عرسه
مو فرحك انت وبس هاليوم بالذات
احس كل العالم ايعيش بعيد
الورد وقلوب الحبايب والآهات
والناس من فرحك وسعدك مساعيد
غنت لك الحان القصايد والابيات
يعل الفرح في عمرك يزيد ويزيد
اقولها مـــرة ومـــرة ومرات
هالليله امست لك شموع وتغاريد
في يوم فرحي لك يزف التحيات
واتبارك لقلبك ب هاليوم وتعيد
يامن سمعتو الصوت ردو بالاصوات
يالله ارزفو له وانعشن ياظبى البيد
هنوا وقولو له بهاليوم بالذات
عسى حياتك سعد وفي عيد
بعد ماخلصت القصيده سمعت تصفيق وصفير تفااجأت ماهقيت
انهاا رح تعجبهم
حضني تركي وقال : مقصرت ياابندر نردها لك بيوم عرسك
قلت له: بنشوووف ياللا هاات حرمتك بدخل السيااره من البوابه الخلفيه
ابتعدت عنهم عشان تاخذ نورراحتها وهي تقوم سااعدهاا تركي
ع الوقووف شفتها تاشر لبناات جالسين قباالهاا عرفت انهاا تبيهم يسااعدونهااا
* حــــــــــنــــــــــــان *
ليلى قالت لي : حناان قومي نور تأشر لناا
قلت لهاا : مااني قايمه مو شايفه هالعله ع المسرح ماخرج
مريم : حنان الي تقولين عليه عله هذا خطيبك المحترم بعدين
احنا مارح نطلع من جهته بنطلع من الجهة الثانيه شوفي نور
شكلها متوهقه !!!
طالعت نور شفت بعيونهاا ترجي اضطريت اقووووم لهااا
رحنااا انا ومريم باتجاههاا اماا ليلى راحت تجيب شنطة نوور من غرفتهااا
طبعاا القاعه بهذا الوقت فضيت النسوان راااحو يتعشوون مابقي
الا كم حرمه وطاولة البنااات الي خبركم ...واناا اعدل ذيل
الفستاان لنوور عشااان تقدر تتحرك
رفعت بصري باتجااه الممر المؤدي للبوابه وانصدمت من الي شفته
*بـــــــــــندر *
كنت نازل راايح اجيب سيارة تركي عشان يروحون الفندق الا وانا
مااشي اذا ببنت
تناادي علي ..فكرتها وحده من بنات عمي لكن يوم التفت
صعقني المنظر وحده جاايه تتمخطر وبعبااه كنها فستاان والواان
الطيف شي يجيب البلاا مستحيل تكون وحده من بنااات
عمي...مافي بنت نااس تمشي بالمنظر
قلت لهاا وانا اطالعها من فووق لتحت باشمئزااز : نعم اختي في شي ؟؟؟
البنت : انت اخو العريس
قلت لهاا : لاا امه
البنت ضحكت بميااعه : دمك خفيف
قلت لهاا : خير تبين شي
قالت لي : اشفيك معصب
رديت : ماايخصك ...عن اذنك ...تركتهاا وجيت امشي الا وبكل
وقااحه مسكتني من ذرااعي وحطين بيدي منديل عليه رقمها
وقااالت : انتظر منك تلفوون
حسيت نفسي بنفجر من الغيظ وربي كان نفسي افسخ العقاال
واضربهاا فيه لكن لا اخلاقي ولا تربيتي تسمحلي امد يدي على
بنيه : ونعم التربيه ورميت المنديل
بوجههاا ومشيت
واناا مااشي رفعت بصري للمسرح شفت عيون ترقبني صحيح
مغطيه مو باين الا عيونها اللوزيه الا ان نظرتهاا مدري حسيت
فيها غضب ..اشمئزاز ...
*حـــــــــــــنا ن*
ويلي انتبه اني كنت ارقبه ووووووووجع .....مسوي نفسه
شريف مكه مابياخذ الرقم ..على ميين تلااقيه استحى فيناا
شفت شكل البنت بعد مااتركهاا خخخخ شكلها تحــــــــفــــــه
تستاااهل هي الي جابته لنفسهاا
سااعدت نوره ع النزوول من الدرج واحنا نازلين مرينا من جنب
طاولة البنااات وشفت هذيك الي عاكست بندر حبيت احرق
اعصاابهاا واهزئها بادب شلتهاا
وحطيتهاا بعيوني وقلت : هذا جزات من يمد ايده على حاجة غيره
مسكينه هي من حركة بندر مفتشله وعاد جيت انا كمت البااقي
طلعناا من القاعد الداخليه واتجهناا للوابه الخلفيه مكان
موحااطين السياااره
تركي سبق نور عشاان تاخذ راحتهااا
شفناه واقف ومطبق البشت وواقف يتكلم مع اخوووه وشكلهم
مره مبسووط
انتبهواا اننا جااين بندر ابتعد عن السياااره
جااات ليلى وهي طفراانه من الشنطه الثقيله مسكينه ذبحتهااا
قربتهاامن شنطة السياااره جاا تركي ودخلها
نور الي بدأت بالبكااء وهي تسلم على امي : يمه تكفيين
تعااالي معاااي
امي : نور ياابنتي وين اجي ؟ انتي ناسيه المعازيم وين اجي؟
تركي اشفق على نور : عمتي تعالي معاناا امي موجوده وتسد عنك ؟
امي : لا ياولدي الاصول اصوول محد يترك اضيوفه
نور بتوسل : يمه طيب احد من خواااتي مااابي اروح وحدي
امي : نور انخبلتي وين يرحن خواااتك وزوجك
نور : يمه الله يخليك
امي رضخت لطلب نور وسمحت لي اناا وليلى نروح
معااهاا ..بحكم اننا اكبر ومريم تعباانه ومجهده
انا وليلى ومريم كنا واقفين شووي بعيد عن السياااره مو سنعه
نوقف مع تركي بنحرج الرجال ونحرج انفسناا
ليلى : حناان الان احنا وين بنركب
قلت لهاا : يعني ويين مع اكبر
ليلى : وحدناا ؟ بهالوقت
قلت لهاا مافي غير كذاا : عمي وابوي مشغولين مع المعازيم
ومااعتقد بتركبين مع تركي ونور
مريم : طيب ليه ماتركبوون مع بندر
طالعناا انا وليلى فيها بصدمه وقلت لها : جنيتي انتي هذا الي بااقي
مريم : والله تركبون مع ولد عمك الي هو خطيبك ائمن واحسن من السواق
لو طلع عليكم شبااب يعاكسون ولا شي اسمه رجاال معكم
واكبر مارح يقصر بس كبر بالسن
قلت لهاا: هذا الي قااصر عني لاارحت ..ركوب مع بندرووه مو
براااكبه حتى محرم ماافي
مريم ردت : لا يكون اكبر اخوك بالرضااع ..وانتي مو لحالك معاك
ليلى وبنص البلد مو سفر
*بـــــــــــندر *
عرفت من تركي ان البنااات بيرووح معااناا ...حسيتها بلشه
بصرااحه بس كله عشاان خااطر تركي يهووون
قلت لتركي : خلااص اجل سووق سياارتك وانا بجيب سيارتي
سالني تركي : ليه ...
قلت له : شرايك البناات وين بتحطهم ...مو معقوله انهن يركبن
مع السوااق بهالوقت
تركي : كل هذاا لان الخطيبه بتجي
قلت له : ولا تهمني يللا انا بجيب السياااره
رحت جبت سياارتي لقيت تركي ونور دخلو السياااره والبنات ينتظرون
قربت السيارة عندهم وجلست انتظر ..شفت وحده تجر يد
الثاااانيه بس مو عارف منوو
*عند ليلى وحنااان *
ليلى : حناان تكفين اركبي بلا فضااايح
حنان : قلت لك مو رااكبه معاااه
ليلى : حنااان شكلنا باايخ الولد جالس يستنى شيقول علينا
حنان وطفراانه : يقول الي يقوله ماني رااكبه ..وجات تلف بترجع تدخل
ليلى : حنااان والله عيب شيقوول مااتبي تركب معااي خاايفه مني
حنااان : يخسي انا اخااف منه
ليلى تعرف ان حناان موتها ان احد يشكك بقوتها : ايه بقول
خاايفه مني ماتبي تكون معااي بمكاان واااحد
حنااان سحبت ليلى من يدهاا : امشي قداامي
*في السياارة *
بندر بخاطره "اوووف اخيراا دخلو السيااره مابغو ذبحوني وانا
انتظر هييين "
النااس تدخل تسلم ياابنااات العم
ليلى منحرجه : السموحه نسيناا : سلام عليكم ...شلونك بندر
شخباارك حمد الله ع السلاامه
بندر : الله يسلمك ياابنت العم .السموحه بس ماعرفت انتي من ؟
ليلى : اناا ليلى ...والي جنبي حنااان
ليلى جااتهاا دقة بالكووع بخصرهاا من قبل حنااان خلتها تنقز من
الالم : لقاافه سالك هوو
بندر انتبه للحركه ومسك نفسه عن يضحك : شتقولون
حنان بعصبيه: وانت شدخلك لقااافه
بندر " الله يستر هذي اولهاا "
ليلى : حنااااااااان
بندر : يجي منك اكثر ياابنت العم
حنان ردت عليه باستفزااز : وانت تستااهل ياولد العم
بندر بخاطره " هذي شفيها كذااا معصبه ... وين شفت
هالعيوون ...ايه تذكرت ..هذي هي نفسهاا الي كانت
عالمسرح ...انا متأكد.... عليهاا عيووون تسحر لكن لساان اللهم
يااكاافي!!! هذي شلون بعيش معااهاا بقية عمري مو طايقتني
ومالي سااعه معااهاا ....بس لايكون تغاار علي .. الي يسمعني
يقول انا وياها قيس وليلى
هذي شكلها راسها ياابس ..وتكسيره رح يكون على يدي ...هين
يااحنانوه ان ماربيتك مااكون انا بندر
*في سيارة تركي ونور*
طبعا تركي هو السااايق ونور جالسه بالكرسي الي جنبه
السياارة تم تظليلها بمعجون خااص حتى الزجااج الاماامي مافي
غير مساحه مواجه للسائق على شكل قلب هي الي فااضية
طلعواا من القااعه ومرو ع التحليه وطبعاا مابقي سياارة
بالتحليه الا وشااركة بزفة السياارات وصاارت مسيره مالها اول
من ااخر الين ماوصلو الحمراء واتجهو للكورنيش الشمالي
وبالتحديد فندق هيلتون جده المطلع ع البحر الاحمر
طول الوقت نور كانت سااكته ومااتتكلم حاااول تركي يفتح
معااهاا حواار لكن هيهاات نور ماكاانت ترد عليه تركي فكر انها
متأثره بمفرقتها اهلهاا فقرر يحترم صمتهااا
وصلووو العرساان الفندق نزل تركي ونور وطبعا المراافقين اول
المتقدمين كان بندر رااح للرسبشن واخذ مفتاااح الغرفه تركي
كان واقف ينتظر نور طبعاا كاانت محتاجه لمساعدت خواتها الي
مااقصروو معاااهاا
تركي اخذ شنطة نور ومشي قدامهااا ..وتبعته نور وحناان وليلى
قابلهم بندر عند المصعد وطلعوو سوااا الين جناحهم الخااص
طبعاا الجناح مكون من حجرتين حجرة نوم رئيسية وحجرة
جلووس بالاضافه صالون فخم الي يميز الجناااح الواجه الزجاجيه
المطله ع البحر
البناات دخلو حجرة النوم الرئيسية ليلى بدت ترتب شنطة نور
في الدولااب اما حناان فكانت تسااعد نور في تبديل ثياابهاا
وطبعا فك التسريحه
*نـــــــــــــــــــور *
وصلت لسجني المؤقت ...السجن التمهيدي ... احساااس
بالرعب يسري بكل جوارحي ...وجودي معاه بالسياارة كان كفيل
انه يجمدي ..كيف الان وانا واياه رح اكون تحت سقف وااحد .؟!!!
بعد مااخذت دش خفيف وغيرت ملاابسي جلست امشط شعري
قدام التسريحه ..شفتها بالمرايه كانت قااعده ع السرير
طالعتني وابتسمت ...كأنهاا حاسه فيني .....برعبي
بحيرتي ..هي وحدها بس تفهمني ..
قربت مني ضمتني من الخلف وقالت لي : انسي كل شي
وعيشي حيااتك تركي طيب وانتي تستاهلين كل
خير ..لاتسمحين لاي شي ينغص عليك حيااتك
قلت لها : خاايفه ياحنااان شلون بكون معااه لوحدي انا بعدني
مو متقبلته
لفت وجهي بتجاهها وقالت: رح تحبينه صدقيني ..لانه يحبك ورح
يغزو هالقلب واشرت على صدري ..لكن تكفين لاتصكرين بوجهه
الابوااب ..ولاتعيشي ببحر من الاوهااام ...
ليلى من عند الدولاااب : اوووووووف اخيرا خلصت ..شهذاا انتي
شلتي دبشك (جهاز العروس ) كله ماصااار اسبوع شرسلتي لبيتك
حنان ضحكت وقالت : الي يسمعك يقوول مو انتي الي جهزتي الشنطه
ليلى : خخخخ نسيت
حناان : طيب يالحبيبه تغطي
سالتهم بلهفه : على وين
ليلى : ابد قريب ..بنروح نفطر بجافاا ونصقعلناا راسين معسل ..
قلت لها : بلا مصخره
حنان : وهي صاادقه وين يعني اكيد البيت عيييب زوجك من اول
برى هو واخوه مايصير طولنااا مره
قلت : خليكم شووي
قالت لي حناان : شرايك نبات مره وحده عندك
رديت بفرح : يااليت ناامو انا بكلم امي
ليلى : ايواا عشان تجي تسحبنا من شعورناا ..يللا حنان ان فضلنا
هناا مارح نخرج ابدااا
سلموو علي وخرجوواااااا
*بـــــــــــندر *
اول ماشفتهن خارجاات ارتحت لهم اكثر من سااعه جوه كان
شكلي بايخ وانا استناهن ..افتشلت من اخووي ..رجال ليلت
عرسه مو مجبر يقضي الوقت مع اخووه وحرمته مع خوااتهاا
قلت لهن : اخيرااا كان جلستو كمااان
ردت حنااان : والله ماااعندنا ماانع ممكن نرجع
قلت لها : لا والله والهندي حقك يستنى طبعاا (يقصد نفسه )
ردت : محد قالك جيبناا
جاوبتهاا : احمدي ربك لو ماجبتك كان قعدتي في القاعه لحالك
جاوبتني : في شي اسمه سوااق
قلت لها : لو ركبتي معااه كان حشيت رجوولك
ردت علي باستفزااز : لا مره خوفتني ..انت مالك أي حكم علي ساامع
ردها فور اعصاابي : لي حكم عليك ونص ناسيةانك بنت عمي
وانك قريب بتصيرين حرمتي
ردت علي : لاصرت حرمتك تعاال تكلم ..واصلاا حتى لو صرت
حرمتك مارح تحكم فيني اناا مو لعبه بدينك
جيت ابي ارد عليهاا قهرتني واايد الا وتركي : بندر حنااان بس
استحواا شووي مالي أي اعتباار بينكم ..بندر شفيك كأنك مره
ترد الكلمه بالكلمه ..وانتي ياحناان مو طريقة كلاام هااذي عيب
ياابنت الاصوول
حناان افتشلت من تركي حسيت بهالشي بس ماتكلمت ولا انا
تكلمت استحيت منه
ليلى انقذت الموقف وقالت : مقاامك محفووظ يااتركي ماعليك
من هالورعااان يللا في امااان الله
ابتسملهاا تركي وخرجناا كلنااا من الجناااح
في المصعد
بندر وااقف بجهة وحناان وليلى قبااله
ليلى : عجبك الي سويتيه فووق
حناان : هو السبب مو انااا
طبعاا بندر كان مشغل الرااداار ورز وجه وقال: لا والله انااا برضوو
حنان : ايه انت ترى اذا تفكر نفسك سي السيد انا مو امينه
بندر فتح عيونه مستغرب من قوة هالبنت : انتي شكله يبيلك
تكسير رااس
حناان باستفزااز : لا والله وان شاء الله انت الي بتكسره
بندر : ايه ياطويلة العمر
حناان : غني ياليل مطووولك
ليلى : اوووووهوو بس انتو ماتملووون ويلي كيف بتعيشون
حيااتكم مع بعض ترى لسى ورااكم عرس وبزرااان تربونهم
بندر وياشر ع حنان : قولي لاختك المصوون هالكلااام محد
يجاادل الرجاال
حناان : قوولي لولد عمك المحترم يروح يعمل ررفرش لطريقة تفكيره
ليلى اول مافتح بااب المصعد طلعت وقاالت : الكلااام معكم
اصلااا ضاايع
وكملت طريقها بخطواات سريعه اتجااه السيااره
حنااان قامت تمشي بخطوات سريعه تحااول تلحق اختهااا
ووراها بندر
اول ماطلعت من بااب الفندق وع الدرج تعثرت بفستااانهاا وانحنت
بوزنهاا كله للاماام لحقها بندر بسرعه ومسكهاا من ايدها وحاول
يسحبها باتجااهه
حنان اول ماانتبهت ليده : شيل ايدك عني
بندر : لك ماطلبتي ...هو تركها من هنااا وهي طاحت على
وجهها من هنااا
بندر فقع ضحك على حنااان حنان قامت تنفض عباااتهاا : سخيف
مايضحك
بندر : وبعدين لساانك الطويل هذاا
حناان : جيب مقص وقصه
وكلمت طريقهاا ...مشي وراها بندر ..وهو يضحك عليها ...وصلو السياااره
لقو ليلى تنتظر
ليلى : ليه تاخرتوو
بندر ويضحك : اختك طاحت على وجههاا
ليلى : حنان تعورتي
حنان : لا تصدقين هالكذااب
بندر : انا مو كذاااب
ليلى : بس فضحتونا احنا بالشاارع ...بندر لو سمحت ودنا البيت
بندر : تامرين امر
واتجهوااا للبيت .....
*تــــــــــــــــــــركي *
يالله بندر وحناان كيف رح يعيشون حياتهم مع بعض هذول
ماااتحملوو ساعه بوجيه بعض ..الله يستر بندر عنيد وحناان
اعند ..شكل حرب البسووس راجعه من جديد ...
جلست في الصالون الين ماجااا العشى مرت اكثر من نص
سااعه من راحو غريبه الى الان مااخرجت
ممكن تكوون مستحيه مني ..نور بطبيعتهاا خجووله ..طيب انا
الين متى رح استنى بمووت جووع ..ومو حلووه اكل من غيرهاا
رحت طقيت عالبااب لكن ماسمعت أي رد طقيت مره ثانيه وثالثه
مافي أي رد !!!
معقوول تكون نااامت ..يمكن ..لا مااعتقد
فتحت الباااب كان النور مطفي فكرتهاا ناايمه جيت ابي اقفل
البااب لكني تنبهت للصوت ..كان اشبه بصووت الونيين فتحت
النور وانصدمت من الي شاافته عيني ...كأن السنيين رجعت
لنفس ذااك اليوم
شفتهاا بزاوية الغرفه ضامه رجولها لصدرهاا ودموعهااا مغرقه وجهها
قربت جهتهاا وبكل خوف سالتهاا : نور حبيبتي شفيك
انتفضت بمكانهاا وصاارت تمد ايدهاا اتجااهي وتحااول تقول
شي بس مو قاادره من بكاهااا
اسرعت خطااوي جهتهاا... وقفت على حيلهاا... ولصقت
بالجدر ...وصاارت تصاارخ : وخر عني ....لا تقرب ...يمه ..يوباااا
انصدمت من خوفها ..معقول نور تخاف مني لدرجه هااذي : نور
حبيبتي اهدي
نور بعصبيه : لاا تقرب مني ساامع لاااتقرب
قلت لها اطمنها : طيب مارح اقرب بس انتي اهدي
تمت وااقف بمكانها فكرتهاا هديت قلت لهاا : تعالي ماتبين
تعشين
هزت راسها بالموافقه ..
استغليت الموقف قربت منها اكثر بدأت من جديد تصيح مسكتهاا
من ايدهاا
قامت تضربني ..بصعوبه قدرت اتحكم بيداااتهاا
صار وجهي بوجههاا... طالعتها شفت جماال الكون كله فيهاا...
. وشفت الخووف بعيونهااا !!!
سحبتهاا من ايدها وجلستها ع السرير ..وجلست انا على ركبتي
ع الارض وقلت لهاا : نور ماابغااك تخاافين مني اناا زووجك
واحبك ..نور انتي وافقتي غصب
نور هزت راااسهاا من غير اي كلمه
ابتسمت بمرااره : هذا شي ماكنت اتمناااه لكن بما ان زواجنا
صار شي وااقع
ابغااك تعرفين اني ماارح اغصبك على شي ..ولك عهد الله
الشاهد عليه اني مالمسك ولا اقرب منك داامك
عايفتني ...تطمني يانور ...
قمت اخذت مخده وشرشف من الدولااب وطلعت من الحجره
سمعت البااب انقفل بالمفتااااح اكثر من مره
تمددت عالصوفا الطويله ..اه اخر شي توقعته هالخووف ..لهذي
الدرجه انا مخيف ؟!!
ااخ يااانور ليتك تدرين شكثر احبك ماكان هذاا حالك
غمضت عيني بتعب يمكن اقدر انااام شووي وانسى عذااابي
* في بيت ابو نور *
خرجت شاايله لحاافهاا على كتفها طقتت البااب واذن لها
بالدخوول
ليلى : سلاااام
حنان ومريم : وعليكم السلااام
مريم : خير اشوفك جااايبه عفشك معك
ليلى بحزن وهي ترمي اللحاف ع الارض وتقعد ع السرير :
الغرفه مو حلوه من غير نور ... فقدتهاا واايد
حنان : طبيعي هذي اول ليلة لهاا برى البيت
ليلى والدموع بعينهاا : مالي دخل ابي اختي ...جيبولي اختي
حنان : ليلى بلا هبل نور تزوجت
مريم وبدت دموعهاا هي بعد تنزل : بس ليلى والله حتى اناا
مشتااقه لهااا
حنان مسويه نفسها القويه وهي من جواها تتقطع شوق لنور :
بس ادعولها ربي يوفقهاا ..ترى ان تسمعنا امي تفتح منااحه ..
سكتو البناااات ...مريم : حناان كيف كان المشواار مع الخطيب
حنان فتحت عينها بدهشه : أي مشوار ..كلهاا روحت الفندق
ليلى : لاتسأليها اساليني اناا
مريم : تكفين ليلى شصاار
ليلى بخبث : قولي شنو ماصااار
مريم : حكي يااابنت
حنان : شتحكيك ماصار شي
ليلى : ماصار شي اجل هذيك النظراات شتطلع ولا الورده الي ع
التسريحه من وين جاات ؟!!!!
مريم بصدمه : الورده منه
ليلى تكمل كذبتهاا : ايه اشتراااها من محل الهدايا بالفندق لهاا لا
وطول الطريق مشغلنااا محمد عبده (وقامت تغني )
يالعيون الي تصيب ولاتسمي
كنت احب الجرح منك لو مايتبارى
بالعقل سمي وبالخفاق سمي
رغبتين كلها يمك تبارى
مريم : ولللللللل كل هذا يطلع منه امااا انه ماايستحي
حنان عصبت : هيي انتي لاتصدقين اختك جالسه تخرف الورده
من باقه نور وبصرااحه تلاسنا انا وياااه
ليلى : والله زين ما نتفت شعره ..طبعا حكت ليلى مريم الهوشه
مريم : والله عيب يااحناان ..ليه كذا شيقول عليك
حنان : يستاهل اهو الي استفزني
مريم : بعدين بيقول ماابيهاا
حنان : فرقااه عيد
مريم : بكيفك والله ..الا احلام ليه ماجاات العرس
ليلى : والله مادري قالت لي انها جااايه بس ماجاات
حنان : يمكن عندها ظرف
ليلى : ماادري عنهاا ...زعلتني مره وعدتني واخلفت
مريم : بني ادم مايدري شممكن يصير له دقي بكره عليهاا
واطمني عليهاا
ليلى : معااك حق
حناان : اقول ياللا انخمدووا ترى احس نفسي منتهيه خلاااااص
مريم : الحال من بعضه
نامت مريم جنب ليلى وحنان لحالها ع سريرهاا لانها دفشه مره
بالنوم
*في ملحق بيت ابونور *
متمدد ع السرير ماجااه نووم : اماا عليها لسااان ول تقول
منشااار شكلك رح تتعب معااه وااايد يااابندر ...لكن هين اناا وراها
والزمن طوويل ان ماخليتها تقول حقي برقبتي مااكون اناا بندر
السادس عشر
*امريكا*
ما ان عديت البواابه حتى التفت لهاا تأملهاا ...معقول اهي اخيرا عدتهاا
تجاوزتهاا ..صارت حره ..ياااه حره حلووه هالكلمه ..بس فعلاا اناا حره
او اقص على نفسي ...حسبي الله على من كان السبب ..الله توك ذكرتيه
ليه ماذكرتيه من زمااان ...ليه... يااابني ادم ماتذكر ربك الا وقت
حااجتك وبرخااك تجحد ....زعلى منو جالسه تحسبنيين جنيتي
انتي ...اااخ ليت الزمن يرجع .. ليت وليت ومالي غير ليت ..
تخلوو عني تركووني وقت حااجتي ...غبيه تدرين ان محد كان
يبيك ولاكان احد مهتم فيك غيره ...كان يلااحقني ...كنت
عاجبته ..اقصد اعجبت نفسه المريضه وهذااك يااكثر مااالحقته
ويااكثر مااصدني ..
13-09-2008, 02:52 PM
الجزء 6 "الضحكة و الدمعة"
