قضيه كلنا نعيشها

[ولد البلد]

أحب أشوف رائيكم أعزائي بهذه المشاهد إلي تمثل اغلب الشباب وتعاملهم مع أهلهم وأخواتهم (الله يعين إلي عندها اخو كذا)



المشهد الأول:


البنت : حماده: ممكن تتكرم وتوديني سوق السويق

حماده: يوووووووووه فاضي لك ..مشغوووول.. >> يضغط عالكلمه ...

(يدق جوال حماده) هلاااااااااااا والله بأبو مهدي...

وينك يا رجال.عاش من سمع هالصوت.

وشلون ..تبي تشوفني الحين ؟؟ ..ابشر ..لا ..يا رجال لا مشغول ولا شي

>> شف النذالة وهو توه يقولي أني مشغول

ههههههههههههههههههه\

المشهد الثاني:


البنت :زكي .. توديني للسوق ,,

زكي : والله أني مشغوول ..روحي قولي لإخوانك

<< وأنت وشو؟ولد الجيران مثلا!!

ههههههههههههههههههههههههه


المشهد الثالث :


راحت البنت لأخوها عبدالعزيز

البنت: عزوزي ..يا بعد هالدنيا ..وش رأيك نروح لسوق منصور ..منها نتمشى ومنها أنا نغير جو.. ونودي معنا البزور لقرية الالعاب زهقانيننننننننننننن

<< أقوله كذا.عشانه رومانسي.

عزوزي:اممممم ..والله فكرة ..

حتى أنا مليت من طلعات الشباب.. يله .. روحي البسي عبايتك ..

البنت تقول :صدق؟؟

<< كنه بيوديها الجنة

وعند الباب.دق جوال جعفر صديقه هلا بك...أنت عند الباب؟؟...

حياك الله...يله ..دقيقه وافتحلك..

عبدالعزيز: يووووووووه معليش ..مواعد واحد من الشباب..

يله بسرعه ادخلي البيت .. وسوي لي القهوة ..


والآن ما رأيكم بهذه المشاهد ؟؟؟!!!!

تعامل الأخ مع أخته في مجتمعنا ..كيف تقيمونه..؟؟؟

هل أنت راضي عن تعاملك مع خواتك ؟؟

وأنتي أيضاً راضيه عن تعامل أخوك معك؟؟؟

هل تعطي أخواتك حقهم من وقتك وتجلس تدردش معهم ولا لا؟؟


أنتي كأخت وأنت كأخ..

هل لديك احد من إخوانك قريب لقلبك أكثر من غيره..وألا كلهم سوا؟؟

هذه المشاهد من حياتنا اليومية تقع في كثير من البيوت وأنا والله أعرف أُناس وقريبين منا شخصياً ما شاء الله تبارك الله عندهم من الأولاد الكُثير ويخدمون المجتمع بس مع الاهل كثر منها............

لا يأبهون بطلبات أخواتهم ولا حتى الأهم من الأخوات وهي(( الأم )) يتركون تلك الطالبات

للسائق الخاص بهم ........ او التاكس وغيرهاااااا

وأنا أتمنى الكل يجاوب بصرااحه ..

لعلي بهذا الموضوع أساهم في تغير طباع بعض الأشخاص الذين يقومون بتلك التصرفات وأرجو أن لا يكون أحد منهم هنا ..
انا شحصيا اوصل حريم جيراننا مع العلم انه عندهم اولاد وسيارات بس تقول امهم ما فيهم خير

أنا من أتكلم من تجارب عايشتها مع اقرباء لي وجيران واتوقع توجد بيوت تشتكي نفس الموضوع

 

 

[ولد البلد]

البنات خايفين من اخوانهم ما يقدرون يتكمون عليهم

 

 

[ليت للقلب عين]

قصه من تأليفي


محمد وساره




سارة :محمد تودينا اليوم الحديقه

محمد: لا لا لا مو فاضي اليوم


سارة : يوه عاد ليش


محمد : بس كيفي عندك مانع


سارة :سكون مع دمعه ونسيان للطلعه



بعد كم يوم




سارة:محمد اذا ماعليك امر ابي اروح المركز اشتري كم غرض ضروري


محمد:قولي حق ابوك انا مو فاضي مشغول


سارة انت كلا مشغول الله يهداك

محمد: مو مشغول بس ما ابي اوديك كيفي




فجاه تعرفت سارا على واحد بالماسنجر او بالمنتدى او بالجوال او غيره

وكل يومين يشحن لها جوالها

وكل فتره يجيب لها كل ما تبيه من اغراض

وكلام مثل العسل مثلا

ساره: لو سمحت انا ابغى اروح السوق اليوم بس مو عارفه كيف


خويها الي تعرفت عليه : خلاص قولي لأهلك انك بتروحين لوحده من صديقاتك وانا حاضر اوديك احلى واغلى محل وعلى حسابي يا اغلى سارة




شنو بتتوقعون تقول ساره بهالموقف؟




فجاه


اكتشف محمد ان ساره تطلع من وراه

ومسكها وضربها ووووو

واخر شي قال لها

انا موجود وتروحين حق فلان وعلان وووو




وينك حزة الحزه؟

كيف تبي اختك ما تخطي وانت هاملها
ولقت منهو يعاملها احلى معامله؟



مشكلتنا نشوف الغلط ونستمر عليه


احنا ندرس ان اهمالنا لأهلنا غلط


لكن ما نهتم الا وقعت مشكله؟

















اخوي ولد البلد لا عدمناك على هذا الموضوع الرائع










في حفظ الباري