سوالف بنات منتدى الطرف فقط ..

[سحاب]

لله يوفقك وردة الاحلام ....
تدرين انا حساة اني اعرفك ولا تغريبا من اغربائي ...
بس لله يوفقك وتخلصين بسلام ...
تحياتي لاخواتي .....

 

 

[أسوار البقيع]

مرحبا


هههههههههههههههههههههههههههههههه

ههههههههههههههههههههههههههههههه

ههههههههههههههههههههههههههههههه



صج وصه لاتعيديها مره ثانيه

بس اخر وحده سدحتني من الضحك يع يع يع


يقطع شرش تقطع يا سحاب


اخ عورني بطني بروح اشوي وبرجع


تشااااو


كينون

 

 

[سحاب]

زين اشوة فرحتيني ....مشكورة ياعمري بس ان شالله مارح اجيب نكت وصخة بس شسوي قلت معلية ميانة معكم ....ههههههههههه

 

 

[أسوار البقيع]

مرحبا

هههههههههههههه


هي ميانه صحيح بس تعرفي ان الشباب يقدرو يدخلو


والي يشفو الموضوع الشباب اكثر من البنات خخخخخخخخ


يلا خلونا نفتح موضوع



شخبار زهرة اللوتس خلصتي اختبار لو لا


تاروتيه وينك وين الغيبه كلها


الروح الشفافه وينك ياعيني

والدانه

وووووووووووووووووو



كثير نفتقدكم


شاركونا السوالف الزينه معنا سحاب وصاحبة الدمعه الحزين ومعهم السوالف احلى


تبون شاي بنات



تشاااو

 

 

[وردة الأحلام]

ههههههههههههههههههههههههههه والله لغازه




هههههههههههه

أقول؟
انا ابقي عصير ليمون وحب احمر دمامي
وإذا كيك دونت اللي عليها سكر ابيض

ومشكوره

 

 

[وردة الأحلام]

مشكوره اختي سحاب
انا يمكن اعرفش
بس انتي قولي من وين؟

 

 

[إنتظـــار حلم]

يالله صار لي زمان مادخلت هنا

ولا سمعت أخبار الصبايا....

لكن لصدق دخلت شوقاً لكم...

وطمعاً منكم بالدعاء لي فأنا أحتاجة بهذه الأيام ....

أختكم المقصرة

إنتظــــــ رــاحلم

 

 

[ورد جوري]

السلام عليكم صبايا

كيفكم ان شاء الله

بخير

 

 

[وردة الأحلام]

الحمدلله
ما شين مع الإختبارات
وانتي؟؟
ان شاء الله بالتوفيق

 

 

[ورد جوري]

ان شاء الله دووم

وردة بالتوفيق

لنا كلنا

ان الحمد لله تمام

 

 

[أسوار البقيع]

مرحبا

ورده الاحلام //

اقتباس انا ابقي عصير ليمون وحب احمر دمامي وإذا كيك دونت اللي عليها سكر ابيض

هونت المشكله هههههههههه

حلم الانتظار ^_^ /// (( لاحول ولا تكتب اسمي عدل هالكيون )) ههههه

هلا وغلا والله

اقتباس يالله صار لي زمان مادخلت هنا

حيل والله .. أشتقنا لش .. ياطيبه

اقتباس ولا سمعت أخبار الصبايا....

أحنا بخير دام انتي بخير وصحه وعافيه

اقتباس لكن لصدق دخلت شوقاً لكم...

ونحن نقول هلا والله وفي الأحظا يا عيني

اقتباس وطمعاً منكم بالدعاء لي فأنا أحتاجة بهذه الأيام ....

ربي يفك ظيقتش ويرزقش مطلبش بحق الزهراء وأبيها وبعلها ونيها والسر المستودع فيها أن يحقق كل حاجه تطلبيها

اقتباس أختكم المقصرة إنتظــــــ رــاحلم

لا تقصري مره ثانيه مراح نسامح ^_~

ورد جوري //

اقتباس السلام عليكم صبايا

وعليك السلام والرحمه

اقتباس كيفكم ان شاء الله بخير

بخير وعافيه يا خيه

أخبارك انتي وشو مسويه

وحياش الباري في صفحتنا المتواضعه

شكراً لكم من الأعماق على التواصل الحلو

لا حرمنا منه


أسوار البقيع

 

 

[سحاب]

هلا بنات شخباركم ...
ان شالله ربي يوفقكم في الاختبارات ويسهل عليكم ...
وردة الاحلام ....صعبة بقول اسمي ومن وين انا ..
بس خلينا نعرف بعض اكثر عن الطريق المنتدى ويمكن بعدين تعرفين ..
سلام لاخواتي ...

 

 

[وردة الأحلام]

على كيفش يا سحاب انا ما قلت ابقي اسمش

قلت ابقي اعرف انتي من وين بس

وعلى راحتش إذا ما تبقين تعرفيني على نفس بس انتي قلتي تحسين انش ترفيني قلت اسألش يمكن اعرفش

اشفيكم بنات سالفوا

 

 

[سحاب]

سلام اسوار البقيع ...
تدرين احذفو النكت الي كتبتها ولله صدقتي ..انا تسرعت في كتابتي ..
بس ان شالله ماا تكرر...تعرفين ماعندي خبرة كثير في المنتدى ...بس لو ادري انة في احد من الشباب بشوفها ولله ماكتبتهم ...ولله فشلت حيل .........سلامي لا اخواتي

 

 

[نوف نواف]

سلام عليكم

اتنمى من اختي ** سحاب **

انش تهدئين و ماصار الا الخير انشاء الله

انتمى نغير الموضوع و ندخل في موضوع

جديده و اهو شنو رايكم في الموضه الجديده ؟؟؟؟

 

 

[أسوار البقيع]

مرحبا


هدو صبايا ولو


خلاص حصل خير أن شاء الله


هلا نوف


مادري وشو تقصدي بضبط


علشان نتكلم اكثر فيه


دمتم بود


أسوار

 

 

[نوف نواف]

هلا فيش خيه

اقصد موضت الاحجاب

و بأصح (( لفت الشيله ))

ان الفتاة تلبس الشيله و نص الرقبه تطلع و الاذون و التراجي بعد تطلع

شنو انتوا رايكم في الموضه هاذي ؟؟؟؟؟؟؟

 

 

[صاحبة الدرب الحزين]

" هــــلا وغـــلا بجمـــيع خــواتــي"

والله أشتقتك حيل لسوالفكم ،وأعذروني على الانقطاع ،تعرفون الوقت ضيق هالأيام

وبعدين وش السالفة أشوف جوكم متوتر شوي ؟!! لا خواتي نبي قلوبنا على بعض..فديتكم

عزيزتي نوف ..موضوعك صحيح مهم لكن للأسف اصبح شي عادي في كثير من مناطق المملكة

وماهي مسألة موضة .صار حب لفت نظر وإغراء وإنعدام الحياء وضعف الوازع الديني عند بعض البنات

" الله يستر علينا ويصلح حال جميع البنات "

أسمحيلي اختي نوف أطرح مسألة آخرى آخذ رأيكم فيها ...

زواج الرجل على زوجته بعد تقدمها قليلاً بالعمر وبعد عشرة عمر طويلة ووقفتها معه في أصعب الظروف..!!

واذ لم يتزوج للأسف يقوم بالتذمر والكآبة من حياته بعذر أنه فاقد عاطفة وحنان ....!!

والحالة الثانية اذا كانت المرأة لاتستطيع الإنجاب لأسباب لا دخل لها فيها رغم الحب الذي بينهم وهو حب حياتها..!!

هل من حق الرجل الإقدام على هذه الخطوة في كلا الحالتين ؟ولاتنسون الجانب الإنساني بالنسبة للزوجة؟

هذه المشكلات اصبحت سائدة كثيراً في مجتمعنا فهل ترون من ضمن الأسباب العنوسة والزواج المسيار وسهولة

الحصول على بديل يقبل بجميع الشروط ..!!وحب التغيير عند الرجل..

"شاركوني النقاش للإستفادة وذكر أي قصة واقعية حصلت لقريب أو بعيد أن وجد لأخذ العبرة منها..."

ودمتم لأختكم ؛؛صاحبة الدرب الحزين؛؛ المحبة لكم ..

 

 

[سحاب]

هلابنات شخباركم ...
موضوعك حلو صاحبة الدرب الحزين ..
صحيح صار الحين موضة عند الرجال انة يتزوج ثانية على زوجتة على اتفة الاسباب ولا وبعض الاحيا ن ماتكون عندة اسباب بس تكون رغبة ....ولله وحنا الضحياة ........
لله يكون في عون الجميع .........
تحياتي سحاب ...

 

 

[أميرة المرح]

افا ماحد يسأل عني

لايكون نسيتوني

اهء اهء اهء

يدعيكم قلبكم دموعي تنزل على اهدابي