مواقف مضحكه (سنه اولى زواج)...............

[ولد البلد]

مواقف مضحكه (سنه اولى زواج)...............
________________________________________
السلام عليكم ورحمة الله وبركته

أكيد كل واحد منكم أغلب المتزوجين مروا ببعض المواقف في السنه أولى من الزواج..
هذي بعض المواقف إللي صارت لاخواتنا في الله :............

أولاً
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين

ثانياً
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
وهي خلاص دوروها مسكينه ما تلقونها

ثالثاً
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه

رابعاً
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

خامساً
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!

سادساً
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها

سابعاً
بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت

ثامناً
هذي وحده تقول اول ما تزوجت كنت ادرس وكان يوديني زوجي للجامعه وياخذني ..
المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استـناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي !!

وأخيراً ...........
هذا الموقف قرأته بمجله .. وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين

 

 

[الحب]

اقتباس وأخيراً ........... هذا الموقف قرأته بمجله .. وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين

شكــــــــ ولد البلد ــــــــــــــــــــــرا

على النقل الرائع

ننتظر منك المزيد


الحب

 

 

[رنين]

ههههههههههه تسلم ولد البلد صحيح مواقف مضحكه

 

 

[تاروتية]

ههههههه
لابد ان توجد مواقف مضحكة لتضيف للحياة الزوجية نكهة خاصة
نبي موقف من واقع حياتك ^__*
وفقك الله وسدد خطاك.

 

 

[نور فاطمة]

يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها
( هههههههههههههه هذا الموقف مضحك بالمرهـ )

مشكوووووووور ولد البلد على الموضوع المضحك
*** سلمت ايدك ***

تقبلوا تحياتي
اختكم / نور فاطمهـــ ~~~

 

 

[أسوار البقيع]

مرحبا


مواقف مضحكه مره


يسلمك اخي الكريم


أسوار البقيع

 

 

[سحاب]

هههههههههههههههههه ...
مواقف مضحكة من جد ولله انا بعد صارلي موقف ....
كنت مسافرة انا وزوجي لبنان ....طبعا من بعد فترة من زواجنا ..
اخذنا تكسي عشان يوصلنا من بيروت إلى الجنوب ...قال صاحب التكسي لزوجي ممكن اجيب زوجتي معي
قال له زوجي ....براحتك
طيب ركبت زوجتة معنا وابنها الصغير ...
انا طبعا لبسي لبس المعتاد علية عبايا وكنت مغطية وجهي ...على طول الطريق كانت تقولي بتشوفيني قلت لها ايوة
وهي احس انها مستغربة اشوي من شكلي...
وبعدين وصلنا الفندق ونزل زوجي وصاحب التكسي معه دخلو داخل الفندق عشان يستفسرون عنه ..
انا وزوجة صاحب التكسي في السيارة جالسين الا بعدين يجي الولد الصغير يقول ماما يله نزلو من السيارة
نزلت انا ...وحنا داخلين الفندق الدرج رفيع مرة وانا برفع رجلي دست على عباتي وطحت في الارض و الطيحة كانت مش قوية وسط ... وطبعا احنا السعوديات متعودين على كثر الطيحات يعني مش شي غريب بالنسبة لنا.
أما البنانية قامت تصيح بصوت عالي ها حبيبتي عسى ماتعورتي وقامت تنادي زوجها بصوت عالي وخايفة مرة وانا اقول في نفسي فضيحة شدعوة مصارلي شىء ...
وجى زوجها يركض وخايف ويسألني ان شا الله ما تعورتي وسلامتك و ......
الا زوجي يجي وبكل برود وكأن ما صار شي .. لأنه متعود على هالمواقف هههههههههه

 

 

[ونة الاهات]

هههههههههههههههههههههههه >>> امبييه فشله
يعطيك العافيه اخوي ( ولد البلد )
وفي انتظار المزيد

 

 

[همس الليل]

هههههههههههههههههههههه


والله انها مواقف لا تنسى مـــــره


يعطيك العافيه ولد البلاد علة هذا التنكيتات الحلوه

 

 

[الساهرة]

ههههههههه
والله مواقف اول الزواج صج اتفشل

اتذكر موقف مستحيل انساه وحتى لو نسيته زوجي يذكرني فيه ..

كنت جالسه في الغرفه استنى عريس الغفله ههههههههه مسكين
المهم وانا انتظره تأخر الوقت طلعت التهويه انتظره يعني اني خايفه عليه <<<< تدرون تونا عرسان

المهم صرت اروح واجي في التهويه ,,, سمعت صوت السياره وعلى طووول طيران للغرفه
هو حس طبعا وانا اصعد الدرج ,, كان عنده بلونا تفاح يشربها ,, المهم صب التفاح في كاس وحط له ثلج

ويدخل الغرفه ومغير صوته ويمشي وهو يطوح عاد انا حزتها دوروني ما تلقوني

حسيت اني بموت من الخوف وبصراحه طاح من عيني قلت اشلون طلع كذا وانا توني اكتشف
قعدت اصيح وقلت له بروح ببيت اهلي انت تشرب منكر
تالي ما شفته الا انسدح من الضحك وقعد يضحك وانا اصيح عبالي من اثر الشرب تالي لما خف ضحك قال يا المجنونه ذا عصير تفاح اشربي صج انش طالعه من كرتون
عاد انا فشلت حدي بس قلت الحمد لله انها طلعت مزحه كلشي ولا هالشي والعياذ بالله
بس شاطر خلاني انسى انه متأخر وانسى الزعل ههههههههه

ادري طولت عليكم

يسلمو يا ولد البلد على الموضوع..

تحياتي
الساهرة

 

 

[أحلى ملاك]

أما موقفك يالساهرة وسحـاب
عجيبين وحلوين
يارب يخليكم لبعض ..


يعطيك العافية ولد البلد

 

 

[ليل الساهر]

هههههههههههههههههههههههههههههه والله من جد حلوووووووووووه