ألغاز شعرية !!

[أسوار البقيع]

مرحبا


تاروتيه ::

ماذا عساكي تقولي يا ابنت العرب .. اصمتي حفظك الرحمان .. لاتشمتي فينا الغير ^_^

اقتباس يالله أول الغيــــــــــــث جاوب...لا توهق أسوار...الظاهر جدتها ماتعرفه....

هههههههههه لا ولو .. بس مكسينه جدتي تعبانه .. لما تصحصح انا برويكي كيف ؟؟

مو جدتك ؟؟؟


أسوار البقيع

 

 

[تاروتية]

برافوووووووووووووووو ياأول الغيث بيضتــــــــــــــــــها..

موب بنت العرب (أسوار) فشلتنــــــــــــــــا...

خلاص عاد أسوارررو كفاك تتهربين...

جيبي لنا لغــــــــــــــــز سنع..وماتشوف شر جدتك......أكيد تعبتيها من ألغازك...

شرأيك أسوار نشارك جدتي وجدتك معنـــــــــــــا...؟؟؟

أول الغـــــــــــــــــــــــــــــيث عجل لنا بلغز من تراثــك.

 

 

[أول الغيث]

اقتباس أول الغـــــــــــــــــــــــــــــيث عجل لنا بلغز من تراثــك.

ماهنا تراث .. الله يخلف علينا

اللغز يقول :

أي شيء حـلو إذا قـلبـوه
بعد تصحيف بعضه كان خِلواً


كاد إن زيد فيه من ليل صب
ثلثاه يرى من الصبح أضوا

وله اسـم حـروفه مـبتداها
مبتدا أصله الذي كان مأوى

 

 

[تاروتية]

جاية ركـــــــــــــــــــض>>>>>>هههههههههههه

لا تسبقني أسوارررررررر...

الأجابة::البلـــــــــــــــــــــــــــــــــــح....

ها أول الغيث>>>تحسبها لنا صح؟؟؟

ولغــــــــــــــــــزي......

انشد ك من غمرا شبــــــابه اسبوعيــــــن

وبعــــــد اسبوعـــــــين ينثنــــــي شايـــــب

وكلا يحبـــــــه غيـــــر طلابة الديـــــــــــن

ومدوره الا فـــــاق فــــــــوق النجايـــــــب

 

 

[أسوار البقيع]

مرحبا

اقتباس ماهنا تراث .. الله يخلف علينا

افا وانت مو تراث يا اول الغيث *_-

اقتباس جاية ركـــــــــــــــــــض>>>>>>هههههههههههه

انتبهي لا تطيحي .. الغريب على الباب واقف هههه

اقتباس لا تسبقني أسوارررررررر...

روحي روحي انا ما ابغي اتعب نفسي اركض اخاف وزني ينزل هههه

اقتباس انشد ك من غمرا شبــــــابه اسبوعيــــــن وبعــــــد اسبوعـــــــين ينثنــــــي شايـــــب وكلا يحبـــــــه غيـــــر طلابة الديـــــــــــن ومدوره الا فـــــاق فــــــــوق النجايـــــــب

الجواب هو // القـــــــــمر


صح ها


يلا كملو لين اطلع الي في قلب جدتي ههههه


دمتم بعافيه


كيان مرت مرور الكرام من هنا

 

 

[أول الغيث]

اقتباس الأجابة::البلـــــــــــــــــــــــــــــــــــح. ... ها أول الغيث>>>تحسبها لنا صح؟؟؟

ايه ليش لا ..

اقتباس افا وانت مو تراث يا اول الغيث

اللغز يقول :

ويــــــش شــــــي يرهزاك

يرهز امــــــك من وراك

ان تقدم عقب الـــــــدم

وان تــــــاخر يا بـــــلاك

 

 

[ملاكـ]

وعليكمـ السلامـ


جميلـ جداً حماسكمــ


هلـ ادخلـ معكمـ


ملاكـ

 

 

[الموالي الأحسائي]

تفضلي أختي ملاك على الرحب والسعة
يالله أول أختبار لك جربي نفسك إذا قدرتي تحلي لغز أخونا أول الغيث
أتمنى لك التوفيق

 

 

[أسوار البقيع]

مرحبا

اول الغيث //

اقتباس ويــــــش شــــــي يرهزاك يرهز امــــــك من وراك ان تقدم عقب الـــــــدم وان تــــــاخر يا بـــــلاك

الجواب ؛؛ (( الضرس ))


ملاكـ


حياكي الله آغاتي ولو


الموالي الأحسائي ؛؛

حياك الباري وشاركنا الأ غاز ياطيب


شكراً لكم جميعاً



نور الهدى

 

 

[أسوار البقيع]

مرحبا تراحيب


بعد عنا طويل وجلسه طويله مع الشيخه وشرح مطول اعطتني مجموعه من القصائد الرائعه

ولأنها تقول الشعر بسرعه مشاء الله طلبت منها بشويش لي تعبت وعطتني كتاب فيه الغاز

عاد جبت لكم اليوم لغز وان شاء الله سهل ما يكون عسر عليكم


شنهو الي تعاين بالسما اسمه *** عالي وبالأرض مدفون كل جسمه

متخفي وبيدك صورته ورسمه *** يمشي اولا يطلعه المشي امن الساحه


ها وشو الحل ؟؟


دمتم بعافيه


كيان

 

 

[أول الغيث]

" الضرس "

صح يأ أسوار

،
،

اقتباس شنهو الي تعاين بالسما اسمه *** عالي وبالأرض مدفون كل جسمه متخفي وبيدك صورته ورسمه *** يمشي اولا يطلعه المشي امن الساحه

جاااااااااااااااري البحث عن إجابة

 

 

[أسوار البقيع]

مرحبا


وال الغيث //


تعبت شكلك


اقول استسلم بس هذا اشعار الجده مافي مثلها ^_^

ولا تاروتيه


انحاشت ههههههه


انا ارويكي الأغاز على اصولها ها



بنتظار جواب الشعر


تراه سهل مره


كيان

 

 

[تاروتية]

ههههههههههههههههههههههه...

لا لا أســــــــــــــوار مانحشت أنا هنــــــــــا...

جايتك بالجواب بس صبـــــــــــري عليً شويــــــــــــــــــات...

أول الغيث.....طلعنا من هالورطـــــــــــــــــة لا نتفشل عــــــــــــــاد...

 

 

[أسوار البقيع]

مرحبا


^_^


تاروتيه حبابه خلاص انسحبي ما تعرفو ها


ولا تقولي اول الغيث مسكين فحط وفحط وللحين ما يندرى وش صاير معاهـ ^_-


ها في منقذ لهمـ


يلا بنتظار الجوابـ


أسوار البقيعـ

 

 

[أول الغيث]

اقتباس أول الغيث.....طلعنا من هالورطـــــــــــــــــة لا نتفشل عــــــــــــــاد...

لاتحاتين ...هذاني جيتها

اقتباس ولا تقولي اول الغيث مسكين فحط وفحط وللحين ما يندرى وش صاير معاهـ ^_-

لا يبه ... مب انا اللي افحط في لغز


ايه نعم انا أول الغيث مو لعب ( أقول اقعد محلك بس )


،


أصلاً أنا نسيت كلّش ، وراح عن بالي ( الله يجازي اللي كان السبب )

و توّني اليوم متذكّـر !



الجوابــ :


الــعــقــربــ


بتقولين غلط بعد ؟


،

يلا إذا فضيت هاليومين بجيب لكم لغز

 

 

[أسوار البقيع]

مرحبا

اقتباس الجوابــ : الــعــقــربــ بتقولين غلط بعد ؟

اممممم


من وين لك الجوابـ اعترفــ


اكيد اخوي ما يقصر يوزع تبرعات عليكمــ بس مجاكره فيني ^_^


يلا لغز ثاني بس ها الجواب نبغيه بسرعه مو مثل الي قبله

شنهو البلأرض فرد شوفه *** ويظهر في القمر إثنين معروفه

وثلاثة في الشمس عدله ومكسوفه *** ما تختفي وتطلع غصب لماحه


ها من فيكم الشاطر يحله


دمتم بعافيه


أسوار البقيع

 

 

[أول الغيث]

اقتباس من وين لك الجوابـ اعترفــ

جبناه وخلاص

اقتباس اكيد اخوي ما يقصر يوزع تبرعات عليكمــ بس مجاكره فيني ^_^

هذا حمّود أخوش الملقوف ...يمشي ويعلّم

اقتباس شنهو البلأرض فرد شوفه *** ويظهر في القمر إثنين معروفه وثلاثة في الشمس عدله ومكسوفه *** ما تختفي وتطلع غصب لماحه

إذا ماني واهم ... " النقاط "


إذا صح بحط لغز جديد

 

 

[أسوار البقيع]

مرحبا


أول الغيث //

اقتباس هذا حمّود أخوش الملقوف ...يمشي ويعلّم

يسويها والله ما يقصر

اقتباس إذا ماني واهم ... " النقاط

لا ما انت واهم انت صادق ههههه

يلا صاير بطل في الموضوع ننتظر لغز منك


أسوار البقيع

 

 

[أول الغيث]

اقتباس لا ما انت واهم انت صادق ههههه

اشوووواااا

،

ترى لقافة الرجّال انا مب مسؤول عنها .. تفاهموا معاه انتوا

،

تفضلوا اللغز:



بنشـــــدك يـاذيبٍ عوى بين جـــبلين **** ومايفهم الذيب الا ذيب عوى مثلـه

بنشـدك عن جبل ارتكز بين بحــــرين **** بوسط الخـــــــلا ينشق هـــوى الله

تحت الجبل عشب وحولهم ربيع زين **** وان عرفته ترى بتشوف العجب كله

،

يلا يا أسوار ..شكله ما فيه إلا انتي بتجيبين الجواب

حتى تاروتية شكلها مطوّلة ....الله يفكّ عوقها

 

 

[أسوار البقيع]

مرحبا

اقتباس ترى لقافة الرجّال انا مب مسؤول عنها .. تفاهموا معاه انتوا

هههههههه ^_^ يصير خير

اقتباس بنشـــــدك يـاذيبٍ عوى بين جـــبلين **** ومايفهم الذيب الا ذيب عوى مثلـه بنشـدك عن جبل ارتكز بين بحــــرين **** بوسط الخـــــــلا ينشق هـــوى الله تحت الجبل عشب وحولهم ربيع زين **** وان عرفته ترى بتشوف العجب كله

الحل هـــو // الخشم

اقتباس الله يفكّ عوقها

هــا بعد هذا اخوي قالك عنها <<< وش بقى الطيب ما قال لك


الله يفك عوقش من قطفيه رحتي وخليتينا .. رجعي حبابه ^_-


لغزي هو :

شي منه إذا شلنا أخذ يكبر *** وكلما فيه حطينا أخذ يصغر


ها وش الحل يا أول الغيث

ما دري وش فيهم الأعضاء نيام حدهم


أســــوار البقـــــيع