كحل + بنطلون + عطر + عبايه مخصره + كعب عالي = ((ماأبغى أحد يعاكسني))

[الموسيقار 8888]

كحل + بنطلون + عطر + عبايه مخصره + كعب عالي = ((ماأبغى أحد يعاكسني))
اولا ..
موضوع اعجبني كثي فنقلته راًهنا لنتناقشه ..
أرائكم يا بناااات ولا مانع من أراء الشباب ..



قولوا الصدق .. ماهي وجهة نظركم ؟
وما مدى رضاكم عما يحصل عندنا نحن جيل المستقبل ؟
من المخطيء ؟ ومن المتسبب ؟ وفي النهايه .. ما هو الحل ؟

أخواتي الكريمات .. أصبحنا نخجل مما نشاهده من تبرج وسفور وقلة حياء من بعض ((وأنا أقول البعض )) البنات ولا يختلف الوضع .. سواء مع أختها .. أو أهلها .. أو حتى زوجها .. أو والدها و ولي أمرها .. أو حتى لوحدها

والله شيء زاد عن حده حتى فقدت السيطره عليه في الوقت الحالي
المنكرات في ( اللباس ) إنتشرت حتى أصبحتي تشاهدين بشكل ( عادي ) وغير مستغرب بل المستغرب ان نشاهد فتاة أو زوجه متسترة بالكامل ؟؟؟



والله أن الرجال ( يخجلون ) مشاهدتها أو النظر إليها من شدة ( عفتها )
وحتى أصحاب المحلات يختصرون الكلام معها لأنها محترمة جدا في لبسها الساتر والمحتشم


هذا وبالمقااااااااااااابل الكاسيات العاريات يتدلعون ويناظرون فيها ويضحكون وغيرهم من أصحاب المحلات يضحكون على خيبتهم وهم مش دارين!!!!! ويستاهلون أكثر من كذا..أنا عندي كم سؤال وأتمنى تردوووووووون علي يا بنات
ليييييييييييش ما تلبسين اللي تحبينة في بيت زوجك ؟؟ أو بيت ابوك؟؟؟؟
ليش ( تفتنيييييييين ) الرجال في الأسواق وبعدها تجين وتشتكيين وتتذمرين من أفعال هؤلاء الرجال ؟نقاب واسع مع كحل
بنطلون مع عباية مفتوحة من الأمام ( يعني ياللي ما يشتري يتفرج)(على عينك يا تاجر)
دون خجل من الله أولآ ثم من خلقه
عبايه على الكتف ومخصرة على الجسم حتى يكاد الجسم يكون رسمه

لييييييييييش خاطري أفهم والله خاطري أفهم !!!!!

واللة يالغالية تلقين فيها راحة ماعندي مشكلة بس وسعيها شوي .. مش كأنها فستان سهرة لا وبعد ملونة..
والله أن الرجال ما يناظرون ولايعاكسون البنت المتسترة والمحتشمه بشكل كامل
بالعكس يصدون عنها ويفتحون الطريق لها إحتراما لها ولعفتها ولا أنا غلطان...
ياخواتي:بعض الأسواق فيها بلاوي بمعرفة من الأهل تخيلو الوحدة تمشي أبوها أو أخوها بجنبها مثل الصخر ما تنهز منه ذرة غيرة

ممكن كل بنت تعطيني رأيها ؟؟ وبكل صراحة ..
وابغى اراء الشباب و نظرتهم للبنت اللي نفس عنوان الموضوع ..
وأتمنى أن أسمع اراااائكم وأشووووووووووف تفاعلكم حتى يرتقي هالموضوع للتميز بإذن اللة...

وبصراحة انا اشوف ان البنت هي اللي تجيب الرجال مش الرجال اللي يجيبة لانة الرجال او الشاب هو عينة زايغــة على طول يعني ويش تبون يسوي اذا شاف كل ذا قدامة هذا راي بشخصي ....

 

 

[مرسى الحب]

شكرا أخي الموسيقار 888على موضوعك المفيد والمميز بصراحة انا ماراة عيب والله عيب انا واللة مااكذب استحي حتى اني اناظر الرجل حتى لومن بعيد ولوناظرتة اتندم واخلي اللة امامي والشيطان خلفي 000بصراخة الزمن فحش وماترى الاالقليلين المتعففين ونصهم مثل ماوصفت 000الرجل مالااي ذنب كل الذنب على المراة وتبرجها 0000
م\شكرا مليوووووووووووووووووووووووون مرة
تحيات (نجمة الكووووووووووووووووووووون )

 

 

[ورد جوري]

مشكووووور اخوي الموسيقار

كل كلمة قلتها صح

والغلط الاكبر على البنت والاهل كيف يسمحون لبناتهم يسون كذا

في بعض الامهات يفتخرون ببناتهم ويشجعونهم على فعل هذه الاشياء


اختك
جــ ورد ـوري

 

 

[ليت للقلب عين]

الغلط من الطرفين قولو لي ليش؟

.

مهما تكون المرأه متبرجه ومهما تكون المرأه فاصخه الحيا ومهما طالعت في الرجال من ريحه او مشية او نظره او نقاب مبين العيوون كلها يبقى ان الرجال يبتعد عنها لان لو الرجال صج صج ما يبي هالشغلات كان والله ولا نانسي عجرم والا هيفاء وهبي والا اليسا والا احلى بنت تقدر انها تجذبه ناحيتها (طبعا هذا يعتمد على قوة ايمان هالرجال) وحتى لو تقربت منه اهو بأسلوبه يقدر انه يبعده عنها والسبب الرئيسي على الرجال لان لو كل رجال منع زوجته او اخته او امه انه ما يلبسون زي كذا كان الدنيا بخير وكان ما في احد يلبس كذا في الاسوقه صح والا انا غلطان؟؟

.

..

والبنات آآآه يا البنات ياهم مسوين للرجال عقده نفسيه في هالجيل ما يمر على محل او سوق الا شاف وحده

مخصره ومخصره جسمها كله تقول ما عليها عبايه فستان اسود من شده خصره وانا هالسنه وانا اودي اهلي السوق شفت العجايب والله العجايب يعني ما تبين احد يغازلك ولا احد يطالع فيك والنقاب مبين ثلاث ارباع الخشم والعين كلها وشوي من الرموش (شنو بقى غير الشفايف والجبهه ) والا تدور المكان الي فيه الشباب وتروح له مثلا قبل اسبوع عمارة السبيعي كلها رجال اجزمه واشمغه وملابس بدلات وحنز للاولاد فقط وانا كنت موجود وشفت ثلاث بنات كل وحده تقول الزود عندي من نقاب كل شي مبين وعطر من كيلو ومشيه مشيه الغزلان ( شتسووون هنا وانتو تدرون ان هنا خاص للاولاد) والامر يمر عليهم واحد من هالصيع وعادي يطالعون فيه بنظرات خجل وذاك استانس شقول حتى اقول عنكم بالاول نادر ما نلقى وحده مخصره الحين ناااااااااااااااااااااااااااااااااااادر ما نلقى وحده مستتره والا ما لاحظتو هالنقطه؟

..

قبل رمضان رايح انا واهلي نشتري عزبة رمضان انا وامي وثنين من اخواني الاصغر مني درنا درنا في سوق العامر وشرينا باقي القليل انا تعبت قلت لامي روحي اخذي الباي مع اخواني انا بجلس هنا انتظركم (داخل المحل) جلست وكان في بنات يبدون عني عشره متر يطالعون فيني تظرات مدري كيف وانا ساكت واحاول اغير نظري يعني اسوي نفسي اطالع في الاغراض او في سروالي او في الارض اشوي الا قامو ومرو جمبي طبعا انا حاط رجولي فوق ونعالي الله يكرمكم تحت ما شفت الا مرو جمبي وراحو انا قلت اشوا (اثاريهم ناوين على نيه)رجعو ثانيه وهم مارين وحده منهم زي الي تعمدت انها تلوح نعالي بريلها جلست تطالع فيني وانا راسي منزل مو عارف شقول شسوي قالت : اسفه ما قصدت(ولو تسمعون كيف قالت اسفه تحس انها مدري شلون) سكت انا جابت النعال ومشت شافو ما في فايده مني راحو جلسو مو نفس مكانم لا قريب يعني تقريبا اربعه الى خمسه امتار تتوقعون شنو سوت >>>> طلعت جوالها وانا ما ادري توني رفعت راسي اشوف وين جلسو الا تصورني (وكان جوالها ان ثلاث وسبعين ) انا خلاص استسلمت قمت ومشيت رحت لامي ابرك لي

.

.

الله يستر من الجيل الجاي الله يستر

 

 

[مجاهد]

قال تعالى ( قل للمؤمنين يغضوا من ابصارهم )
وقال تعالى ( ولا يبدين زينتهن الا لبعولتهن ...........) الى اخر الاية الكريمة
التي تحصر ابداء الزينة للاقارب والمحارم

اما مانراه من فساد من الفتيات فيرجع بالدرجة الاولى
على عاتق الوالدين الاب والام ( التربية )

اشكرك اخي الموسيقار على هذا الطرح

ودمتم بـــود

 

 

[غريب الدار]

هذة نتائج التحضر الغربي والمساوة بمفهومها المغلوط ..
ولا حول ولا قوة الابالله ...
واشكرك ياخي على طرحك المميز ..
ونسأل الله الهدايه للجميع

 

 

[أمواج الحب]

مشكور اخوي الموسيقار

وأنا رأيي اقول ان البنات مزودينها

والله العظيم أنا أستحي اشوف هالأشكال وأصبحوا بعد منتشرين هالأيام في كل مكان


تقول عصابات من (النينجا ) خخخ

انا اسميهم كذا


توني هاليومين رايحه مكان عام


ودخلت دورة المياه

وتعال شوف تقول مو دورة مياه مسوينها مشغل

اللي تحط في عينها الكحل واللي تعدل شعرها واللي تلبس عدساتها واللي واللي .....

والله لو أقول أتعب ...

تقول كأنهم داخلين زواج


على العموم


الناس كل مالهم وعقولهم تصغر

مو كلهم طبعا ولكن البعض



بس ماأقول الا حسبي الله ونعم الوكيل

والله يهدي الجميع

 

 

[دلوعة القمر]

والله ما يندرى عنكن يا البنات الي تردون

يمكنكن تلبسن هذي الاشياء وساكتين على اعماركن

اما انا فما عندي تعليق لأني اشوف هالاشياء واسكت

لا اعلق ولاشيء

لأني لو علقت هذول بنات زيي

وشو بقول غير الله يستر عليهن

وهن بيجي يوم وبيتحاسبون على كل اللي سووه

واذا على النقاب .. هذا امر عادي
اللي ما يستحي على وجهه بيعاكس
واللي خايف ربه ما بيعاكس

والنقاب عاده طبيعيه
وهالايام الشباب ما قاموا يعرفون هذي متستره ولا مو متسترة

عساها لابسة عباة فيها سحاب يعاكسونها
وانا شايفة هالشي في حد المنتزهات

وسلام

 

 

[أماني]

الموسيقار
..

كلامك كل صح

وموضوعك في محله..

((وبصراحة انا اشوف ان البنت هي اللي تجيب الرجال مش الرجال اللي يجيبة لانة الرجال او الشاب هو عينة زايغــة على طول يعني ويش تبون يسوي اذا شاف كل ذا قدامة هذا راي بشخصي ))

لكن هاللي كتبته

لا والله انا اختلف معااك في هذي النقطة بالذات

..

انت حطيت اللوم كل ع البنت

ليه ؟؟

..

لاتقولي الرجال عينونهم زايغة

..


يعني انت منهم

وكل مارمت عليك بنت بطالعها

..

هذا مفهوم كلامك

..

من هالناحية انا مع الاخت اللي ذكرت ان الذنب ع الاثنين

..

وكرت احمر ماقصر اختصر الكلام في بالآية

وهم بعد الأخ غريب الدار

كلامه منطقي

..

و ع العموم الحمدلله انك ماشملت ع الكل

..

مشكوور اخوي ع الموضوع

والله يعطيك العافية

..

 

 

[مرام]

شكرا
كل ردودكم لها صلة بالواقع
ماأقول الا الشكوى لله