بمناسبة اقتراب عيد الفطر ...

[المها]

وعوده جديده بعد 3 سنوات


السلام عليكم جميعا وكل عام والجميع بصحة وسلامه**
ومبارك عليكم الشهر>>>>>>>>>>متأخره


بمناسبة اقتراب عيد الفطر حابة انه كل وحدة فينا تتكلم عن برنامجها في العيد ووش في عندها افكار للاحتفال بالعيد زي مسابقات وهدايا للاطفال والكبار يعني نتشارك بالافكار ونستفيد من افكار بعضنا البعض
اتمنى اني القى التفاعل والحماس هاااااااه وش رايكم ياحلوين؟؟؟


وأولآ راح ابتدي برانامجنا حنا والعائله
اما بالنسبه لبرنامجي بالعيد زي كل سنه نقوم الصبح نصلي العيد وانا بصراحه اذا ماصليت العيد مااحس انه يوم عيد وبعدها بيكون فطور العيد مميز نوعا ما وتعرفين بعدين زيارة الاهل والاصحاب

واذا صار الظهر اناظر وجيه قريباتي كل وحده كأنه بيغمى عليها تدور النوم وانا بعد نفس الحاله

والعصر اتابع زوارة الاهل اللي ماشفتهم
وبالليل هنا مربط الفرس يكون فيه مسابقات والعاب للاطفال والعاب نارية وهدايا يعني اللي يتكفل بالحفلة اثنتين من العائلة في عائلتنا متقاسمين الوضع كل سنة ثنتين من البنات وبكذا يكون فيه نوع من المنافسة يعني بكذا اكون اعطيتكم فكرة عامة للموضوع وكل وحدة فينا تتكفل يشئ معين تبدع فيه وبكذا يصير عيد ابداع شو رايكم يالله ابغى تفاعل كم عيد بالسنة عشان نتكاسل يالله شدو الهمة..


** المهــــــــــــــــــــــــــــا**

 

 

[ترابي]

عاد تو الناس بس ماعليه
عيدكم مبارك اقولكم وش برامجي في العيد اروح المسجد بعدين اروح المقبره ازور الموتى بعد
ذالك اروح بتهلي نفطر مع اهلي ونسولف اشوي وبعد ذلك ننطلق الى البيوت والخالت لنبارك
بالعيد الكريم لامان صلاة الظهر بعد الصلاه اروح بتهلي مع جميع العائله الكريمه الغداء وبعد
الغداء نسولف اشوي وبعدين كل واحد ينام ساعه والي ينام حتى الليل من السهر انا اقعد العصر حتى اروح حق الي ماشفناهم وبعد ذالك صلاة المغرب احس انها
كابوس علي واليوم الثاني اكبر كابوس وزهق والكل طبشان ودك اي واحد يتكلم تقتله
لان زهق والكل متملل وكلشي وماحد يرضى يعطي احد وجه وهاكذا في العيد وثاني ايااااام العيد


مع تحيات ورد القمر

 

 

[المها]

مشكوررررررر أخوي على مرورك لموضعي
وياليت يكون في برنامجك للعيد العاب مسابقات يعني سوو حس في البيت
ويعطيك العافيه

وبعدين 14 شوفون الموضوع محد رد
عطونا اقتراحاتكم يلا
المها

 

 

[أميرة المرح]

بالنسبة لي البرنامج بطوله كله في بيت جدي

وكل اهلنا يجون هناك

يعني بأختصار يفرون علينا مشي وتعب

>>>>> شوفو الكسل ومايسوي

خخخخخخخخ

بس بفكر في برنامج جديد ليه لأ

فكرة حلوة

ويسلموا على الموضوع الحلو مثلك

 

 

[الساهرة]

في كل عيد نفس البرنامج
جلسة من الصبح او احيانا سهر مواصلين واحلى لحظه لما يرجعو اخواني من صلاة العيد كلهم ثياب شماغات وكاشخين وذاك العطر, طبعا احنا قاعده ما احد يعيد على احد بالبيت الا اذا لبس جديد خخخخخخ <<<< فنتك ,
المهم نفطر بعدها وتالي يبداء مشوار العايدات وما نسمع الا تصرقع ذا الريالات الجديده
الى وقت الظهر بعد الصلاة مجتمعين نتغدا وعن نفسي انام بعدها لين المغرب اجلس اصلي ونتعشا ونكمل مشوار المعايده وهكذا ,بس تبون الصراحة انا تجيني حالة إكتآب بالعيد لأني احب رمضان ولا ودي يخلص ..

مرة كانوابوي وامي مسافرين وخواتي الصغار كلش مو متحمسين لعيد , بعدها تفقت ويا اختي قلت لها وش رايك نسوي لهم مفاجأه( حفله) عجبتها الفكره طبعا المهم شرينا الغراض وزينا شقتي من البلونات والزينه عارفينها طبعا وفرشنا ذيك السفره الطويله العريضه واتصلت على بقية اخواني الكبار اجمع التبرعات خخخخخخخ واحد عليه الكيك وواحد عليه الهدايا وواحد عليه العصيرات وهكذا رتبنا المكان وصار ولا اروع وشريت رشاشات ثلج <<<< وناسه وجهزت المسجل بعد ما جهز كلشي اتصلت على خواتي الصغار قلت لهم يله اليوم لا تجلسو بالبيت زهق تعالو شقتي الساعه 3 العصر وسكرت واتصلت على باقي ربعهم وعلى حريم اخواني المهم ذليك جاو 2 ونص وخواتي صارت الساعه 3 ويدقون الباب وحده عند المسجل ووحده ماسكة الرشاشات وحده تفتح الباب وعدينا من 1 الى 3 وشغلنا كلشي بحركه وحده طبعا خواتي دخلو
وانبهرووو واستانسو حدهم والى اليوم وهم يتذكرون هاليوم وحتى انا وقتها حسيت اني طفله وياهم الفرحه الي شفتها بعيونهم ما تنسي , لدرجة انهم يحاولون يقنعون امي وابوي يسافرون مره ثانيه بالعيد <<<< شكلي توهقت ..


المهم ان السر في نجاح مثل هالحفلات هي المفاجأه والله السالفه ما كلفت كلواحد 20 ريال لكن الفرحة الي شفناها في عيونهم تعادل مليون ريال ,,,

الله يوفقكم

مشكورة خيتو المها

تحياتي
الساهرة

 

 

[المها]

مشكورين اخواتي على فكاركم
واختي الساهره فكرتك روووووووعه
ولكم تحياتي
المها

 

 

[تاروتية]

هلا فيك أختي المها..

برنامجي في العيد طبعا سهر لين الصباح..بعدها أنام لين العصر..

أصحوه وأتكشخ...

بعدها يجون الأهل والأخوان...ونروح نعايد بالأقارب..

ونرجع وطبعا زحمة وفوضى>>وقت توزيع العيديات..

بس صج واضح انه جو عيد...

ويوم ثاني حيل ممل وكئيب>>>أبي رمضااااااااااااان.

 

 

[المها]

هلا فيك اختي تاروتيه
ومشكوره على مرورك

كمان ابي افكار ثانيه
****المها*****