سوالف بنات منتدى الطرف فقط ..

[نجـــ سهيل ـــمة]

نجمة سهيل :: هلا وغلا وشفيك يامعوده أكيد مسخنه الخطه تغيرت والسوالف راحت الله يشفيش قلبي وبعدين ولهنه عليش يالله رجعي مثل قبل وأحسن بعد اوكي ؟؟



ــــــــــــــــــــــــــــــــــــــــــــــــــ ــــــــــــــــــــــــــــ
الي سألو عني

أنا بخير وبصحه

معليش بس أنا مشغوله أشوي مع الدراسه

معنه سهله بس أنا مادري مزودتها

أسوار خليتيني أشوف نفسي كني مسخنه ولا لا

كل ماأفتح كرتون السوالف الي عندي خلص

لكن بشروا بالخير برجع مثل قبل وأحسن مثل ماقلت كيون

أسوار شفيج صايره تخوفين هالايام الله يستر يلا بروح أنام مخلص شحني

مع ألف سلامه




[

 

 

[غموض]

طـــــــــــــــــق طـــــــــــــــــــــــــق
ممكن ادخل واتعرف عليكم
السلام عليكم ورحمة الله وبركاته
والله الجمعه حلوة عندكم يابنات الطرف وانا ما دري
والله ودي اني اكون معاكم بس لازم تسمحولي واذا ماسمحتوا مادري ساقول بس معليش
اختكم
غـــــــموض

 

 

[الاء]

كينون : حرام عليش طيرتي قلوبنا نقزتيها من أماكنها
غموض : يا هلا ومرحبا فيش يا الغالية بينا ولو الغالين مكانهم على العين ووالراس
أما أقولكم اليوم جات لنا بنت الكليه
لعبنا بحسبتها لعاب
مسكينه يوم تطلع كسرت خاطري
من تلتفت تكتب على الصبورة البنات كلهم يضحكون ويقعدون يسولفون
وهي تصارخ من الي تضحك من الي تضحك
ما بقت بنت ما شكت فيها مع انه الكل ضحك
والدرس يا علي ما تعرف تشرح شرحت لنا اول كلمتين وقالت يلا فهمتو الدرس ويلا طلعو لي كلمات صعبه قلنا لها ما فيه
قامت تصارخ اقول لكم طلعوا لي كلمه صعبه
وجات جنب وحده عندنا وقالت لها هي انتي قومي قومي عطيني كلمه صعبه عاد ذيك ما تستحي قامت الخنقه معها
ابله انتي ليش تصارخين علي ؟؟؟
قالت لها : لا يشخه أصارخ عليك وأضربك بعد
قالت لها ما تقدرين في رئاسة نعلمهم عليك نقدر ترا نشتكي
وبس طلعت ذي المعلمه البنات كلهم ضحكوا عليها ضحك مو طبيعي
والي زاد الطين بلة رحنا وعلمنا عليها مدرستنا الريسيه للمادة
وقالت لنا معلش تحملوها
وش يتحملها ذي اذا هذي بدايتها
بس حلفت اذا ما تعدلت معنا لاخليها تطلع من مدرستنا مجنونه
تحياتي
لولو

 

 

[غموض]

ايه والله
اليوم ضحك في ضحك
وزيادت كذا اليوم عندنا حصتين فراغ
وكلها لعب وسوالف
وحتى يوم ركبنا الباص انا مع الاء جالسين نضحك والبنات اللي معنا في نفس الفصل بعد
وابشركم كل يوم سبت بتجي وترغبوا الاحداث مني اومن الاء
مشكورة حبيبتي ((لولو ))
اختك غموض

 

 

[سُندس }]

اهلابالجمـــــــــيع...

شخباركم طيبيـــــن...


اخبارش اسوارواخبار الحياه معاش
طمنيني اخبار النفسيه^^ شوهاالقافـــــــه^^
مشكوره خيه خلاص خلصت من الصورويعطيش الف عافيه..


غموض هلافيش والله وحياش معانا وياالله نتظر سوالفش


الاء الامورهــ,,

هلاشوالاخباراشوف لاعبين دورمع الاخت غموض
يالله وسعوصدركم وضحكوالدنيا رايحـــــه

هههههه والله كلاكيذايضحكون بنات الكليه
مساكين حرام عليكم ^^كسروخاطرها^^


يالله نتــــــــــظركم صبايا وين السوالف؟؟؟


دعاؤكمــــــــــــ بالتوفيق..


^^الدانـــــــــهـــــ^^

 

 

[قلب طفلة]

مراحب صبايا


كيفكن ؟


تشكرات على سؤالكم عني ..



سالت عنكم العافية وما حصلتكم لقتكم نايمين ولبست عباتها وراحت (اعرف بتقول بايخة )


لم قرات موضوع اسوار جاتني صدمة ومرضت
يعني هي شريرة مع مرتبة الشرف الاولى


قضت على البنت , وما كفاها ومرضتني بعد !!


بعد الشر عنك يالغلا نور العقيلة بعد عمر طويل ان شاء الله


اسوار تراني ما احب هالسوالف تخوفني تعرفين وحدة تعدت

الخمسين رجلها والقبر لازم تكش من هيك موازيع


راح اقولكم عن سالفتي مع حديث التربة بس مو الحين


يلا كثرت هرج اليوم ...لي باك مع تعقيب لسالفة طالبة التطبيق


مع آلاء ...


بااااايااات

 

 

[أسوار البقيع]

[COLOR="Purple"]سلام الرحمه


ادري تعليقي طويل بس معليه حسب الردود

نجمة سهيل :: هلا قلبي .. أبد عارفه أنك بخير بس هذا أسلوب علشان نشوف ردش هههههههه خطيره البنت ...


غموض :: هلا بكِ خيه وحياك الله وننتظر مشركاتش قلبي


الاء :: أسلوبك جداً ماعجبني سمحي لي .. هذا تصرف خاطاء

أحنا نسميهم بنات التطبيق .. أنتو الكليه


يعني ياقلبي هم اكبر منكم ولهم أحترامهم مهما صار .. صحيح هي بدت على قولتكم بي لصراخ عليكم بس مش معناتها تسون فيها كذا .. هذا لا الله يحبه ولا رسوله

طيب بي معزتي عندكم لو جيت لكم وصرخت عليكم كذا من دون سبب تسون نفس ماسويتو في المرأة .. طبعاً لا .. راح تقلو أنا غير

طيب يمكن المرأة مظطربه وشوي خايفه ومتدرون شنهو قالو لها المدرساته عنكم .. وأنتو قالتو مدارس لجبيل خراب ودمار .. وهذا أكبر دليل لي تصرفها ... تبقي تخوفكم ومنها تبي تسوي لها شخصيه جدامكم

أما على شرحها ... يمكن لأنها اول مره توقف جدامكم

يعني الي سوتو أكبر غلط .. وأنا زعلانه على خواتي الصغار الي كانت أحبهم وأقول أنهم مؤادبات وطلعتو شياطين ..

في موقف راح أقوله لكم وأن شاء الله تستفيدو منه

هذا الموقف حصل لي في جده طبعاً

كنا تونا واصلين معا صديقتي الله يذكرها بالخير لي الشقة وتعرفون أزعاج الطياره وصدقتي حامل يعني مسكينه تعبت أشوي ..

المهم وصلنا ... أتصلت جداويه علينا وهي ساكنه فوق تبغي تشوفنا .. لا أنا ولا صديقتي نبغي نشوفها لأن نبغي نريح ..

المهم في لما صبحنا الصبح طلعنا ولما رجعنا أتصلت بنت الجيران الجداويه تبقي تجي .. وحنا ماكثير ودنا لاكن يالله قلنا لها حياش تعالي كان كذا العصر

جات دخلت وجلست تنتظر تشوفنا .. طلعت أنا وصدقتي لها وسلمنا وجلسنا ومن شافتنا وهي تضحك ولا وضحك مو عادي ضحكتها يسمعه الي خارج الشقه ..

أنا جلست مبتسمه واناظر صدقتي أقول لها بعيني بطلع ... وهي تقول جلسي ... ماتحملت وطلعت

الحقتني صدقتي ورجعتني قصب

المهم سالتها صدقتي شنهو الي ضحكش

تعرفون شنهو كان ردها .. قالت كذا الحساوين ,,, عاد أنا مشاء الله ضحكت وقالت ليش جياكر أحنا ولا كيف .. وأقولها بمزح وانا مقتهره .. قالت لا بس يقلون أن الحساوين مش كذا جمالهم يعني توقعتكم سود سمر حيل .. لما شفتكم قالت أنتو بنات جده ... وطالعتني وقالت وأنتي تشبهين عمي

قالت الحمدالله على النعمه مش مهم الجمال المهم الأخلاق وأحنا على أيش .. وأنشاء الله الي يشبهني يكون موالي .. ضحكت وقالت شيعي الله يهديش أكيد يعني مايبغيله ..

لأكن أعتذرت مني وقالت :: لو وحده مكانش كان طردتني من الشقه على ضحكتي وأسلوبي

قالت لها هذي أخلاق الحساوين .. وكذا تعلمنا

والله تناظرنا بي أعجاب حيل ..


طبعاً قصدي من هذي القصه مش مدح نفسنا أنا وحده كلش جمالي متواضع .. وثقافتي في التحصيل الدراسي بسيط حيل .. لأكن مدرستي أهل البيت ومنها تعلمت دروس الحياه من المشايخ الأفاضل الله يطول في أعمارهم ...

يعني أحنا هني لكي نطور من أنفسنا وثقافتنا ولازم أنتو تتعلمو هذا الشيء

يعني أنتو نقلتو لنا صوره غلط عند الي برى ... أتمنى أنكم تغيرون هذا التصرف وراح أنتو تستفيدون وراح هي أيظاً تلين معاكم اذا شافت أخلاقكم طيب مش العكس

والله يوفقكم وينجحكم في التحصيل الدراسي ويوصلكم الي اعلى المراتب

هلا الدانه .: مشاء الله مانسيتي

والله ذاك اليوم يوم أكتب أن نفسيتي تعبان كانت عن جد تعبانه

الي حاصل أن وحد سوينا له معروف .. لما خذه وستفاد رفسنا وراح ..

قهرني حتى كلمت شكر ماقالها وبعد ينكر أن أحنا الي وصلناه لي هذا الشيء

لأكن أنشاء الله أجرنا عند الله

وفي امور أخرى أيظاً لاكن بي فضل الأرده قدرت أتجاوز هذهي الأزمه ولله الحمد

مشكوره قلبي لي السؤال

ودمتي سالمه

ولاية علي :: هههههههههه الله يرج بليسك .. والله يعطيك العافيه والصحه أنشاء الله

وين الخمسين حشى تبالغين الله يهديش وأنتي الثلثين مادخلتيها هههههههه


وننتظر تعليقش والموقف الي حصل معاكِ



سلام يا صبايا


كينون[/COLOR]

 

 

[نور العقيلة]

هايات

كيف الحال بنوتات

مشكورين جميعاً والله يطول في أعمارك بعد

والحمدالله على كل حال

بنات وين نور الشمس ماشوفها موجوده في سوالف البنات كانت تجي وش فيها


الي عندها خبرها يطمنا عليها


ويالله شاو

 

 

[أمل الغد]

مرحبا بنوتات .. آشتقنا لكم ..

ليه ما أحد سأل عني ؟

 

 

[أسوار البقيع]

هلا وغلا


نور وينك طاسه خيه ولو

والجياكر خليهم عنك طيب

هلا نسيم حياك الله

صحيح احنا قاطعين والله بسس شنهو تسوين بعد

كلاً لهي بي مشاغل الدنيا

ولاتقطعين عنا عاد


يالله شاو

أسوار كينون

 

 

[نجـــ سهيل ـــمة]

مرحبا

شحالكم شخباركم

أنا جايه أسلم عليكم وأروح


وألف ألف مبرووووووووووك فوز أبن فطيس

ولو أن متأخر لكن .....................

ومادري متى أرجع أسبوع أسبوعين بالكثير شهر أتوقع

يلا باييييييييييييي

وسلاممممي للبنوتاتتتتتتتتتتتتت

 

 

[الاء]

قوة بنات شلونكم شخباركم مشتاقة لسوالفكم
دندون نجمه سهيل الامل القادم أميرة المرح أسوار البقيع
وكل البنات
يلا يلا يلا يلا
سولفوا يلا
لا تنامون


بعطيكم شاي وقهوة علشان ما تنامون وبكثر بعد من الحب
والنفيش

 

 

[أسوار البقيع]

مراحب

ودي أطلق المنتدى ثلاث طلقات لارجعه فيها بس ماقدر

فيخني طلع الشيب في راسي والله


حشى بالله


أخباركم بنات شلونكم شنهو مسوين أن شاء الله تمام


يالله أروح ورجع عندي تحضير لي أهلاك أول الغيث لعلى وعسى نقدر عليه ههههههه


شاو


كينون

 

 

[أسوار البقيع]

مراحب


يالله يادلوعه أتحداكِ قدام الجميع


حطي الموضوع ونشوف منهو العدل فينا


وأنا قدها وقدود


واذا فيش خير حطيه بأسرع وقت


هع هع هع هع هع هع


كينون

 

 

[أسوار البقيع]

مراحب


شو بنات وينكم مافي سوالف ولو يوم تعدل المنتدى حاله نخشيتو

يالله رجعو حلوه سوالفكم

بقول كلم سالفه تضحك حيل حيل


شفو أن في منتدى برى وفي صفحة سوالف مثل هذي بس هناك أكشن أكثر في واجد يدخلون

المهم طيحت على وحده كانت تفكرني كويتيه وطلعت سعوديه

بس شلون تعرفت عليه موقف مضحك حيل

أقول لكم

يوم احنا نسالف عن الأسماء الي يسمونها البعض الي تكون مخجله ومالها معنا أبداً المهم قامت أخورها أنا ومورها هههههههه قامت أقول لهم بعض السامي الي سمعتها في جده

وتعالو على التعليق والضحك

مسكينه هي دخلت وردت وقالت مش كلنا كذا نسمي هذيلي البعض فقط

لاتحكمين على الكل

أنا تفجائت حيل ونحرجت

قالت لها سوري خيه بس انتِ من وين

قالت من جده

وحميت السوالف وطلعت بنت الجيران هههههههههه قمنا نصرخ مش مصدقه أنها هي

لمين وصفتي شكلي وذكرت بعض المواقف والمقالب الي سويتها فيها وصدقتها بعدين

جالس الكل يضحك علينا ضحك مو طبيعي


بس وناسه الحين أشوفها


ولا وتتكلم لي حساوي وأنا جداوي ونخبط وتعالو بس علينا ههههههههه


يالله سالفو صبايا زهق عاد كذا


شاو

كينون

 

 

[قلب طفلة]

كيفكن ؟ اخباركن؟


ياحلو سوالفك يا اسوار بدونك الديوانية ما تحلى


صبايا


ابغي استفيد منكن مو سوالف و بس

خل نستفيد من خبرات بعض ( تمهيد لطرارة متطورة)


ابغي اسألكم عن شغلة بس يمنع الضحك..
واللي امسكها متلبسه راح اطردها برة الفصل

فاهمين !!؟؟


نجي للجد


الكل منكم يعرف هذا المنتج انا ما اسوي له دعاية او

اشرح لكم مميزاته ,,,,


هي غنية عن التعريف ومعظم ربات البيوت تستخدمها ...

اللي بغيته ابي اعرف


وين القيها في الاحساء بس ؟


وهذه صورة المطلوب حيا او ميتا





خبروني وين بالضبط .. OK ؟



باايات لاحلى صبايا


هذا اذا عطتوني طلبي ..

 

 

[زهرة اللوتس]

السلام عليكم ورحمة الله ..



شخباركم بنات وشحوالكم ؟؟

وينكم ... ؟؟ ولاتسألو ولا شي ترانا بعدنا على قيد الحياة ...

أشوف سوالف كثيرة فوووق ... بخليها وقت ثاني شكلها يبيلها جلسة عدل وأنا اللحين عيوني رايحة فيها بسبب الزكاب هههههههه الزكام بس مانطقتها عدل اقول لكم متأثرة به حيييييييل


ههههههههه

المهم ....

ولاية مايبيلها سؤال تلقيها في العامر أو اليحيي .. هذي البيت سألتهم قالو نشتريها من اليحيي

يلا أنا بقوم وخلوني أشوفكم


سلام ..

 

 

[أسوار البقيع]

مراحب


هلا بنت اخوي

أممممممم أذكر مره من السوبر ماركت شرته أختي

الله يعينك ياقلبي ويساعدك

زهيره :: وينك يالقاطعه ولهنا على سوالفك

بعيد عنها اليحي الله يهديك

نرسل لها ولايهمك يابنت أخوي ههههه على المنتدى طبعاً

زهيره توقيعك حلو أكيد هذا خطتك

موفقه ربي

يالله سالفو بنات ويتنكم

أسوار

 

 

[قلب طفلة]

اخباركم اعلومكم ؟



بارك الله فيك مولاتنا زهرة اللوتس على الافادة القيمة


تبين الصراحة ولا بنت جيرانهم ؟


هالمحلين ما عمري فكرة ادخلهم مع ان كل العايلة تتقضى منهم

لكن ولا يهمك عشان خاطر عيونك راح ازورهم


وسؤالي عن البتاعة مو لي انا الحمد لله احصل عليهم بكل سهولة

بيني وبينكم في وحدة غاثتني دايم تطلبهم مني و تقول انها ما حصلتهم في الاحساء


ومادام عرفت من وين القاهم راح اوديهم لها هالمرة مع استيكر المحل


عمتي اسوار


البنت ما غلطت هي ردت على السؤال لا تهاوشينها


موصرتي عمتنا تتشطري على البنات !!


تيك كير

 

 

[سُندس }]

مرحبــــــا بنات وردات!!!

كيفكن اخباركم ؟؟ ان شاء الله تمام

اشلون الحياهــ معاكم

والله اشتقت لكم بقوه ولسوالفكم الحلوه


اسوار+ولايه+زهوره+نجمة سهيل+الاء+شفافه+الساهره


كلكم باختصار لكم ولهه كبيره ^^زهقت الاخت ههههه


ولايـــــــة علي الله يعينك على مابلاك ربي

قولي لها وافتكي ^^اللي يقول طالبتني شوها اللقافه

تعالي اذا اسوار عمتك شكون انا خالتك اجل من اليوم
سمعتي بنت اختي العزيزه^^^ من احين بدت الحلاقه

ياالله اخليكم بنات بكتب موضوع وردوعليه لاتخلون عاد

دمتم في حفظ الباري جميعاااا


""دانهـــــــ""