::قصيــــــدة حُــــــــــب

[مجنونة القمر]

قصدت الشعر أبي اكتب قصيدة حب واهديها....لقيته ما يرحب بي ولا له رغبـة فينـي
سألته وقلت يا سيدي ليه النفس تشقيها...وليه اليـوم تتعمـد وترفضنـي وتجافينـي
بعدها وجه رساله ويقصدني انا فيها...يقول لي بس ها لمره بس هـا لمـره اعفينـي
بدا كنه فهم نفسي وعرف منها خوافيها...وعرف اني نويت أكتب لأغلى الناس في عيني
اخاف اكتب لها واكتب ولكن ما اوفيها...واخاف ان جيت بوصفها حروفـي ماتوفينـي
كتبت اشعار كثيرهصعب ليام تمحيها...وهذا اليـوم تتعـذر حروفـي ومـا تخاوينـي
انا حاولت كم مره وها لمره انا اعنيها...وبتغلب على ضعفـي عسـى ربـي يقوينـي
ابي اكتب قصيدة حب لجل امي واغنيها...واترجمها بقصة حـب تبقـى بينهـا وبينـي
امي غاليه عندي وانـا بـروح افديها...اداريهـا برمـش العيـن واذا ابـرد تغطينـي
نعم امي..نعم امي نظر عيني اسميها...وهي عندي فرح عمري واهل دنيـاي وسنينـي
اذا ضاقت بي الدنيا أعاف الناس والفيها...واقول اليوم يا يمـه تعالـي حيـل ضمينـي
واداريها اذا تزعل وكل مناي ارضيها...غلاها كل ما عندي وكـل مـا تملكـه يدينـي
عساني ما نحرم منها..عسى ربي يخليها...وتبقى لي سنا دربي بكل الحـب تضوينـي
ويا أمي تاهت حروفي وعجزت اني ألاقيها...ولأول مره يا امي لقيت الشعـر يعصينـي
فهمت انه عجز يكتب قصيدة حب ويهديها...وفهمته ليه يرفضني ولا له رغبـه فينـي


اهداء خاص الى
الى انسانه عزيزه علي في المنتدى

 

 

[AL-NAQEEB]

أختنا مجنونة القمر
::::
::::
كلامات جميلة منكـ ... وتستاهل إللي في المنتدى

تقبلوا تحياتي/
AL-NAQEEB

 

 

[أحلى ملاك]

قصيدة حب ,,

رائعة ..

صح لسان من قالها ..

وهنيئاً لها .. هذه الأنسانه ..
اقول لها افتخري واسعدي ..

بهذه القصيدة ..

قصيدة حب ..


تحياتي لك ِ

مجنونة القمر

معطره بالورد الجوري ..

مع أطيب الأمنيات

أحلى ملاك

 

 

[مجنونة القمر]

مشكورين حبايبي على المرور

 

 

[ملاك البشر]

	[SIZE="5"][FONT="Arial Black"] حبيبتي / مجنونة القمر كلمات في منتهى الروعه والجمال لكن احب ان اقول لك إن ماكل ما نحبه ونغليه بالكلام نوفيه اشخاص غاليين علينا نعجز عن التعبير بما نكنه لهم ودمتي غاليه في قلب من يغليك [/FONT][/SIZE] <******>drawGradient()

تحياتي
: floso:

 

 

[الغريب]

الله يعطيكِ العافية على هذه الكلمات

ونأمل تذييل المشاركات القادمة باسمكِ إن كانت من كتاباتكِ

أو اسم صاحبها أو عبارة منقول إن كانت من منقولاتكِ حفظاً للحقوق الأدبية

تم نقلها للقسم المناسب (منتدى الشعر)









وفق الله الجميع