حركات الشباب عند الاشارة

[almhmoom]

حركات الشباب عند الاشاره$$



@النوع الاول:-
هو اللي يستغل وقته ويرتب سيارته ويفتح دروج السياره ويعفــّط في الفواتير ويرميها في الشارع وفجأه ماتدري الا وهو ناقز في المرتبه اللي ورى ولا تستغرب اذا شفته ناط في شنطة السياره ( الرجال مرتب ) وتنفتح الاشاره والاخ مشغول في التنظيف.


@النوع الثاني:-
وهو اللي توه يكتشف ان وجهه محتاج تنظيف وصنفره ويسحب المنديل وعلى خشمه واذا خلص طفى السياره عشان ينظف اذنه بالمفتاح (قصده شريف) وشوي ويقص اظافر يده وماتدري الا وهو رافع رجله يقصقصها هذا اذا كان معه مقص اظافر واذا مامعه فالحل موجود طبعا يقص اظافرة بواسطة اسنانه (قمة النظافة)!!!!!!

@النوع الثالث:-
وهو اكثر واحد يفرح اذا وقف عند الاشاره عشان يستعرض ويرقص هو وخوياه ويرقصون السياره معهم.


@النوع الرابع:-
وهو عكس اللي قبله وهو اللي يشغل شريط -----
(جاني----------) <<<--------- اغنيه لـــــ---------
وانواع القلق والحزن والتفكير وطبعا الاغنيه من كثر ماهي حزينه وقديمه تشك انه مغنيها قبل توحيد الدولة ويكون وجهه موّرم من الصياح وكثر الاحزان

@النوع السادس:-
وهو اللي يستغل الوقت ويجلس يشخص ويرش عطر وشوي يحط روج ومعلق الايفرون في اذنه ومشغل شريط (-------) مسوي يتسمع غربي وانواع التحكيل في السيارات اللي جمبه.

@النوع السابع:-
وهو اللي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرقر بيد والببسي والبطاطس بيد والشاورما في حضنه والفطاير جمبه والبيتزا في المرتبه اللي ورى ولا تستغربون لو شفتوه طايح في مفطح.

@النوع الثامن:-
وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع واللي جمبه طفشان ومشتغل مسجات بالجوال.

 

 

[كيف]

الحمدلله أنا ما صرت منهم
بس صحيح فيه كثير يسوون مثل ما وصفت
ناهيك عن اللي ياخذ غفوة على ما تفتح الإشارة
وخصوصا للي طالع للدوام
تقبل عزيزي