انساك لحضه
أنساك لحظه و أذكرك باقي العام
حتى و أنا ناسي نسيت وذكرتك
يالهفة المشتاق بك خافقي هام
صورتك في عيني بقلبي رسمتك
يا معطي عمري صفا كل الأيام
زانت بك الدنيا بشعري وصفتك
يا شمس عمري طلعتك تدفي اعوام
ادفا و أنا بردان لو ما لمستك
تدفا عروق القلب من لمسة ابهام
تدب فيني الروح ليمن صدفتك
ودي تصير الروح مع روحي الحام
ما نفترق روحك بروحي لزمتك
حسن السليطين
جيت المكان
جيت المكان اللي بدأ حبنا فيه
وأمطرته عيوني بدمع الحنيني
وشكيت له قسوتك .. وإنكار ماضيه
يوم العهد .. وأيديك تحضن يديني
تعتب على معذور .. بس الزعل ليه
وأنا أعترفت بغلطتي لك بحيني
لو قلبك أحد قال حبيت ... قلت أيه
شف كيف حبك .. قادر يسود فيني
هذا الدليل .. الساطع اللي لك أبديه
إنك تحكم القلب ... حكمٍ متيني
إلى متى ناوي فؤادي تعنيه
تحرم عيوني منك .. ياشوف عيني
عمري بلا قربك ..وشوفتك مابيه
من دونك الدنيا .. ملل ياضنيني
سعود بن بندر
اتعبني الحلم
اتعبني الحلم لين الواقع انكرني
00 كني مسكت الفرج بيدي وهديته
مافي داعي على فرقاك تجبرني
00 حتى الجفا منك ولعني وحبيته
الجرح عدا زمانه لاتذكرني
00 هذاك وقت تعذرته وجافيته
لوشفت دمع القصايد كان تعذرني
00 تصور ان الشعر يضحك وبكيته
ماغيروني ياكود الله يغيرني
00 كم واحد عنك يبعدني ورديته
وفيت وادري وفايا مايصغرني
00 صوبت يم الهدف لاكني اخطيته
من طار سرب الغلا والشوق طيرني
00 شف ماعلى الارض واحد ماتعديته
خذني على صدرك الدافي وسيرني
00 بعض الولع ياخذ الرجال من بيته
ابنشغل في عيونك لاتدورني
00 ودي بشي اشوفه مابعد جيته
خليت قلبي معك والله يصبرني
00 مبطي وانا اقول قلبي وين خليته
اشتقت لك مابقيتك عاد تشكرني
00 تغيب والشوق ماعمري تباطيته
ماخذ على خاطري والبعد قاهرني
00 مدري شسوي وانا كل شي سويته
العام يوم الوعد تسبق وتنطرني
00 مستغرب شلون هالموعد تناسيته
وين انت رايح ولا كنك معبرني
00 ماكني الي على العالم تمنيته
لاصار هذه علومك راح تخسرني
00 ماعمر احد راح من كيفه وناديته
عند الكرامه ابيعك وانت خابرني
00 الله وكيلك ترى كل شي مريته
وكانه هجر بالسلامه روح واهجرني
00 اخوي لاصد عني ماترجيته
عطالله فرحان
قصة خيانه
لا ردك الله لا ولا اطلب تردين *** ادعي عليك بعثرة فـي صلاتـي
عثره تشلك ما بعدها تقوميـن *** يا قاتلتني يوم صرتي حياتــي
خدان لك بالقلب كانت بساتين *** وريضان وغصونا بهايا نعاتـي
كنتي مناة القلب والروح والعين*** واليوم عينك يعلها ما تباتـــي
كنت أحسبك للعهد والحب توفين *** قلتي الغدر بالحب ماهي بسواتي
وحلفتي يمين الله ما منك اثنتين *** وانك ملاك دون كل البناتـــي
وانك على عهد المودة تسيرين *** ولا تسمعين أهل الحسد والوشاتي
وصار اليمين ستار خلفه توارين *** ورماح غدرك بالخفا مشرعاتـي
وبان الغدر سم جرى بالشرايين *** الله عسى يسقيك سم الفعاتـــي
كلي سقيتك حب واليوم تنسيـن *** تقولين حلم ايام واليوم فاتـــي
خذتي الهوى لعبه على ما تحبين *** لين عصفت بالهوى عاصفاتـي
من زينك يا بنت بالشعر تزيين *** من صورك بابياته الطايلاتــي
انامن غرامي قلت كانك تذكرين *** قلت الخجل صاب البدرمن مناتي
وصرتي بشعري في العذاري تباهين *** تقولين اناشمس العصر في حلاتي
زينتك بشعري ولا غربك الزين *** ما زانتك صبقات حمر الشفاتــي
صورتك بالشعر حزام ورياحين *** واثرك هضاب وشوك ما به هداتي
رسمتك سحابه خير قطر تنفين *** فزت لك الصحراء زهور ونباتـي
رسمتك مهاه للجميله تقودين *** واثرك قطيعه وضيعتها الرعاتي
واثرك غراب يوم سدل الجناحين *** كنت احسب اني شايف لي قطاتي
بالشعر غليتك على كل غاليين *** واثرك دنيه وتعشقين الدناتــي
وبالشعر عاتبتك عتاب المحبين *** انا من يسوم الروح لك يا غناتي
توسلت لك خايف على حب عامين *** عامين لكن في حسابي مئاتــي
ناديت لكن لي ابد ما تسمعين *** عمري وروحي فكري في ثباتي
حذراك للشينات عمري تماشين *** عديمات اصل اخلاقهن دانياتي
غاب الولي عنهن ولعبن بحبلين *** يا خس واليهن وخس الولاتي
ما همهن في الناس زين ولا شين *** وقلوبهن من حقدهن مظلماتي
وقلتي وربك لو يكونا ملايين *** ما غيرن بالطباعهن من سماتي
تحسبين انك بالمهافه ترقين *** كيف الصعود يكون للهاوياتي
وخنتي وبعتي كل عهد وايامين *** ما عاد يفرق بين ماضي واتي
وصرتي مثل غيرك برخص تبيعين *** يا مرخصتني ما بقى لك غلاتي
صبري نفذ واليوم ثارت براكين *** مظلوم انا وباكر تحل ادعواتي
سمعي عسى من بعدها ما تسمعين *** سمعي دعا من صار قلبه حصاتي
ادعي عسى من ناضرك ما تشوفين *** وتطحن بك الايام طحن الرحاتي
وعساك عوق منه ما عاد تبرين *** عوق تشافق له قلوب العداتي
ويالله عسى يحتار فيك المداوين *** تبين الممات ولا يجيك المماتي
ويالله عسى كف الندامه تعضين *** تندمين يوم انه يفوت الفواتي
وتبكين دم يسيل من مقلة العين *** وتحتار امك عن عناك وتحاتي
عسى ما تلاقي من له القلب تهدين *** وان هو حصل ادعي عساك الشتاتي
يا بلوة اللي وسط بيته تعيشين *** ساهي وحوله شب جمر الغضاتي
عسى بعمرك ساعه ما تهنين *** وتمضي حياتك بين هم وشقاتي
يا بنت قلبي وين مثله تلاقين *** قلبا عطاك الحب ما قال هاتي
جيتك وروحي شلتها لك بكفين *** وفي التاليه رمح الخيانه جزاتي
يالله عساك النار يا أم وجهين *** كله انكشف لا ما تفيد العباتي
ويالله عسى تلبسك جن وشياطين *** وتكونين مدعاة الحكي والشماتي
يا حية رقطا تقود الثعابين *** باكر تحن ايامك المعتماتي
وباكر على فعلك بمثله تجازين *** ظلم المشاعر ما تحكمه قضاتي
بيني وبينك تحكم ايام وسنين *** وانا شاهدي قلبا من الغدر ماتي
ويا دمعة التمساح لالا تذرفين *** العيون رغم ادموعها كاذباتي
لا ما عرفتي الحب لا ما تحسين *** وغدرك تعدى غدر ذيب الفلاتي
الذيب يعوي قبل يغدر بمسكين *** وانتي غدرتي خافقي في سباتي
لو كان غدرك في كفوف الموازين *** لكان رجح كل غدر البناتي
انتي السبب سقتي على القلب جرحين *** غدر الغرام وموجع الذكرياتي
وانتي السبب واليوم لالا تلومين *** وان جاك باكر شوفي اشلون يأتي
والله لاكتب وافضحك في دواوين *** وارقص واغني يوم خبر الوفاتي
وارسم لاهل العشق قلبا وسهمين *** وقصة خيانه ما روتها الرواتي
ويمين لانشر فوق اسمك عناوين *** واشهرك من قاصي اليمن للفراتي
ومن غرب هالدنيا الى قاصي الصين *** ديوان غدر فيه كل اللغاتي
والبادي اظلم سنة العين بالعين *** ولا فذي لا عادتي ولا صفاتي
ويا شبه انسانه برأس ورجلين *** اعوذ بالرحمن منك بصلاتي
06-02-2003, 05:58 PM
.....الشعر.....
